روايات
رواية حكاية وهج الفصل الرابع 4 بقلم تولين آدم
رواية حكاية وهج الفصل الرابع 4 بقلم تولين آدم
رواية حكاية وهج الفصل الرابع 4 بقلم تولين آدم
تاني يوم نزلت الكلية وكان عندي طاقة ايجابيه وكنت فرحانه اوي اليوم دا لان ادم وصلني بحجة اني متأخرة ومش لاقيه عربيات، بس اول ما دخلت الجامعه لقيت نظرات كتير من كل الناس وعيونهم مليانه اسئلة، نظراتهم مش مجرد انهم مستغربين من اني مع ادم لان طبيعي هو الدكتور الل بيشرف علينا، لحد ما لقيت ليل وجت حضنتني وسلمت على ادم وقالتله مبروك يا دكتور خدت احلى بنت فالجامعة، وهنا كانت الصدمة لينا وحسيت ان تلج العالم كله نزل عليا، بصيت ل ادم لقيته مصدوم اكتر مني واتضايق ومشي، خدت ليل وروحنا الكافيه بتاع الجامعة..
مبروك على اي يا ليل؟
على خطوبتك من ادم وكمان طلعتي واطيه ومحكتليش وزعلانه اني عرفت من برا
ويت ويت عرفتي من برا؟ معنى كدا إن في غيرك عارفين!
الجامعة كلها بتتكلم عن دكتور ادم القمر الل خطب وهج..
نعم!!!! مين حكالك يا ليل وازاي دا كله يحصل ف يوم واحد؟
انتي مقلتليش ليه يا وهج مش احنا صحاب؟
ليل انتي مش فاهمه حاجة والله ‘ وحكيتلها الل حصل فالفرح ‘
يعني كل دي حكاية عشان تغيظي مؤمن؟
ايًا كان السبب اي المهم دلوقتي ادم، يا ترى هيقول اي عني وازاي الموقف دا هيتحل والناس هتقول اي علينا، انا حطيته ف موقف بايخ وخايفة من رد فعلة.
بس اي يخلي زهرة تعمل كل دا؟ اي يخليها توصل ل انها تعمل فيكي كدا!
مش عارفه أنا مش مهم عندي شيء دلوقتي غير ادم والله وازاي هحل الموضوع.
طب تعالي ندخل السيكشن بتاعه وبعدين نشوف هنعمل اي!
……………………..
ما صدقت اني مشيت من جنبها لاني كنت هنفجر من الضحك، لتاني مرة بسمع كلمة كنت بتمناها، وهي داخلة معايا وأنا شايف كل البنات بتبص عليها بحسره وكنت عاوز اشيل كل عين بصت عليها بحقد، أنا لازم اتصرف صح واستغل الموقف، صحيح انا هستغل حبيبتي بس علشان مينفعش تبقى لغيري، دخلت السيكشن ووشها فالارض وبعدين قعدت ورفعت عينها فيا ووشها احمر لدرجة اني حسيت بحرارته، قُلت اني هستغلها وفعلا بدأت اعاملها ع انها غلطانة وانها لازم تصلح غلطها معايا، وبقيت متجاهلها طول السيكشن، والسيكشن خلصت لقيتها بتنده عليا ووقفتلها.
…………….
دخلت السيكشن وكنت محرجة جدا من الناس ومنه هو بالاكتر، بس لقيته بيعاملني بكل برود وتجاهل واتغاظت اوي ووشي كان بيطلع نار، اي الاستهبال دا مش معنى ان حصل سوء تفاهم انه يعاملني كدا قدام الناس، طب والله لما السيكشن يخلص.
يا دكتور ادم يا ادم
اسمي دكتور ادم يا وهج.
ويرايفر
خير؟
انت بتعاملني لي كدا؟
بعاملك ازاي!
انت شايف طريقتك معايا بتتجاهلني وبتعاملني زي باقي الدفعة.
اولا اسف على التجاهل بس تقريبا مش قصدي ثانيا مش شايف مشكلة اني اعاملك زي باقي الدفعة، ولا هو عشان انتي خطيبتي بقى يبقى اعاملك كويس؟
انت بتتكلم ب استخفاف كدا ليه.
وهج! انتي نسيتي انك بتكلمي الدكتور بتاعك ولا اي؟
لا بكلم خطيبي.
نعم؟ خطيب مين دا سوء تفاهم وخلص ولو هكمل ف أنا هكمل عشان بس متحطش ف موقف مش كويس فاهمه! سلام.
لقيت نفسي بعيط ومش عارفه اتحرك، لقيت ليل جت اترميت ف حضنها وقلتلها: هو فاكر نفسه اي عشان يكلمني كدا، ربنا يعلم ان دا سوء تفاهم واني م قاصده دا وبعدين اصلا انا مش بحبه ف ليه هعمل كدا! بس انا مش هسكتله وهرد عليه بس مش دلوقتي عشان بعيط وكدا وشكلي مش حلو
لا دا انتي قمر يسطا بس هو الل ذوقه يدوبك.
ضحكت معاها وبعدين طلعت برا الجامعه عشان اروح.
………….
انا اسف والله اسف اني عملت كدا بس لازم اعرفك اني كمان مش مخطط للموضوع عشان احببك فيا وقدر اخليكي معايا اكبر وقت ممكن، فضلت ادور عليها عشان اتأسفلها بس لقيتها روحت ف طلعت بالعربيه لقيت واقفه برا.
ضربت الكلاكس مرتين ف جت
نعم؟
اركبي.
دا بمناسبه اي!
انك خطيبتي زي مقلتي جوا.
لو سمحت بطل استخفاف ورخامه واتفضل امشي.
مينفعش اسيب خطيبتي واقفه لوحدها، اركبي يا وهج عشان متعصبش عليكي والناس بتبصلنا.
لا
وهجججج
حاضر افتح بس الباب
ضحكت على طفولتها ‘ هنروح مكان خمس دقايق بس لحد متهدي شوية ممكن!
اه ممكن لأني عايزة انكلم معاك واعرفك انك غلطان..
ششششش بطلي رغي طيب عشان عندي صداع.
نعم!
……………
روحنا عالكافيه ‘ بصي يا وهج، انا وانتي اتحطينا ف موقف حساس اوي الا وهو اني دكتور معروف فالجامعة وانتي كمان ماشاء الله اتعرفتي وسط صحابك بأنك دايما متفوقه عليهم ف لازم كل حركه لينا نحسبها.
تمام بس الاول تعرف ان هو سوء تفاهم غصب عني ومش من حقك تكلمني كدا تاني.
والدتك مينفعش تعرف حاجة فاهمه
وبعدين!
تعاملنا قدامهم عادي جدا اتنين مخطوبين عن حب
عن ايي؟
خلاص مخطوبين عن سوء تفاهم.
خلاص عن حب ماشي
وانتي بتحبيني جدا وبتسمعي كلامي فكل حاجه
نعم؟
ومفيش حاجة اسمها تكلمي اي ولد من الدفعة.
نعم؟
لبسك كويس مش محتاج تغيير.
كتر خيرك والله.
شعرك بيطلع من الخمار سيكا.
في دكتور يقول سيكا!
في دكتورة لابسه شراب عليه سوبنج بوب؟
شيء يخصني
ويخصني، بدافع انك خطيبتي، فبلاش سبونج بوب ممكن تلبسي بتاع مارد وشوشني هيبقى قمر والله.
يارب الصبر.
دخول وخروج معايا متبصيش كدا اقصد فالكليه بس
اه اذا كان كدا طيب، بس هنفضل كدا لحد امتى؟
لحد ما ينسوا شوية وبعدين خلاص سيبنا بعض ل اسباب خاصة بينا و يلا عشان متتاخريش.
……….
كنت فرحانه اوي وهو بيتكلم مع اني كنت عايزة اجيبه من شعره القمر دا بس سكت وسمعت الكلام للاخر ومش هعمل بيه اصلا، وصلني عند باب الشقه وقالي
اعملي حسابك في ايفنت ف اسكندرية الاسبوع الجاي وكل دكتور هيختار خمسة يروحوا معاه وانتي من الخمسة دول لأنك من الاوائل فاهمه وكل التعليمات ال قلتها هتطبق هناك يا وهج هه؟
طلع وانا واقفه ساكته ومش عارفه ارد عليه ومعرفش اي التدبيس دا!
………………
طلعت واول مرة اطلع فرحان وعمال اغني.
اي ياعم في اي مالك منشكح ليه
اقدر اقول ان ١٠٪ من حلمي بدأ يتحقق
وهج؟
اه ‘ وحكيتله ‘
ولا الف ليلة وليله اوعدنا يارب
المهم ان الاسبوع بتاع الايفنت دا لازم ارجع وهي بتحبني ومش عارف اعمل اي..
تعالى انا هقولك تعمل اي…
________________________
“اسكندرية” فندق عالبحر وصوت فيروز ..
اصحى بقى يا ادم اتاخرنا
حاضر ي حبيبي صحيت اهو، مش بتزهقي من فيروز ابدا؟
مش بتزهق من السؤال دا! قوم بقى القهوة وشها هيروح.
وهج تعالي عايزك
اي يا قلب وهج
فاكرة اول مرة جينا الفندق دا؟
طبعا هي دي ايام تتنسي!
و…
يتبع…
لقراءة باقي فصول الرواية : اضغط هنا