رواية لقاء مصلحة الفصل السابع 7 بقلم نوران جمال

رواية لقاء مصلحة الفصل السابع 7 بقلم نوران جمال

رواية لقاء مصلحة البارت السابع

رواية لقاء مصلحة الجزء السابع

رواية لقاء مصلحة الحلقة السابعة

_كيف لي ان امنع دموعي مرة اخري فإلي هنا وكفي .. “نوران جمال”

كانت يارا تنظر لهم بإستغراب هل طلبوا منها للتو ان تقوم بتهكير لاب توب رجل الاعمال ماجد صبري .
يارا بصدمة : ماجد صبري رجل الاعمال ..
فأومأت لها دارين..
يارا بسرعة : مش هعرف انا اصلاً سيبت مجالي وهشغل نفسي بالرسم الفترة ديه ..ليضحك سيف وياسين بسخرية..
جاسر بهدوء : اسمعي يا يارا ..
يارا بقلق: اسمع ايه يا مستر جاسر حضرتك عارف ان ماجد صبري ده مبيخافش وفي اي وقت يقدر يئذيني وانا زي ما حضرتك شايف كده لوحدي ومش معايا حد ..
جاسر بهدوء : لو علي انك لوحدك فانا كنت هعرض عليكي انك تيجي تقعدي معانا في الفيلا عشان نكون سوا والحماية والحرس هيكونوا دايما معاكي..
ميرال بهدوء : يارا لو مش عايزه خلاص احنا مش هنضغط عليكي ..
لتنظر يارا لهم وهي تفكر : طيب انا هستفاد ايه..

ميرال بهدوء : اللي انتي عايزاه فلوس مثلا او اي حاجه انتي عايزاها ..
يارا بتساؤل : ايه سر العداوة ديه وليه عايزني اعمل كده ..
ميرال بجدية : لما توافقي الاول نقدر نقولك لكن غير كده مش هنقدر في العموم معاكي لحد بكره تفكري براحتك وهتصل بيكي عشان تقوليلي ردك..
يارا بهدوء: طيب ايه رقمك..
ميرال بإبتسامة: انا هعرف اوصلك بمعرفتي ، الشاي حلو شكرا ..لتشاور ميرال للجميع ليخرجوا جميعا بإستثناء ليان التي ظلت هي وجاسر
ليان بهدوء : يارا ..لتنظر يارا لها بشدة
ليان بإبتسامه هادئة : صدقيني لو وافقتي هيبقي افضل علي الاقل هتبعدي عنه ..لتعلم يارا انها تتحدث عن زوج والدتها..
جاسر بهدوء: وبردو لو وافقتي مينفعش ترجعي فقرري كويس انتي فعلا محتاجة للفلوس الفترة ديه والشركة مش هتكفي لوحدها دين والدك..
يارا بتساؤل : عرفتوا كل ده ازاي..
ليبتسم جاسر بهدوء
جاسر بإبتسامة: يالا يا ليان ..ليخرج هو بينما نظرت ليان الي يارا ثم خرجت لتغلق يارا الباب وتعود لتجلس علي الكرسي وهي تفكر فهي كانت تريد اخذ تلك الخطوة من فترة واخيراً جائتها تلك الفرصة ..”فيا تري لماذا كانت تريد تلك الخطوة وما قصدها بذلك “.

بينما في الفيلا
وصل ابطالنا ليجلسوا جميعاً
سيف بإستغراب من ليان وجاسر: اتأخرتوا ليه عند يارا..
ليبتسم الاثنان بهدوء
سيف بسخرية : مش مطمن..
ياسين بهدوء : افرضوا موافقتش..
دارين بهدوء: هنكمل من غيرها..
ميرال بهدوء: بس صدقوني هتوافق ..
ادهم بهدوء وتساؤل:انتوا في ايه عارفينه عنها ..
ميرال بهدوء: مافيش مجرد شعور ..
ادهم بضيق:المفروض منخبيش حاجه علي بعض ..
ميرال ببرود: انا طالعه انام ..
لتذهب الي غرفتها ولكن كان هناك شيئاً تود فعله “فيا تري ما هو ”
ليزفر ادهم بضيق من برودها ليذهب الجميع الي غرفهم .

مر بقية اليوم دون جديد ليأتي اليوم التالي

في فيلا ماجد صبري
كان ماجد جالس يشرب القهوة وهو يري الاخبار ليدخل شادي وهو يترنح من السَكَر ليزفر ماجد بضيق ليسمع صوت مازن
مازن بهدوء وجدية : في خبر جديد عن ليان ..
ليعطيه ماجد الاهتمام ليكمل مازن
مازن بجدية : واضح انها بتتعاون مع جاسر ..
ماجد بإستغراب: جاسر السيوفي ..
ليومئ له مازن
ماجد بإستغراب: بس دول علي عداوة مع بعض ..
مازن بهدوء: من مراقبتنا ، هي من يومين راحت ليه الشركة وحصلت مشكلة بينهم وبعد كده تم الهجوم علي فيلا السيوفي وفجأه لقيت في صور اتبعتت ليا من رجالتي ليهم مع بعض ..
ماجد بتساؤل: وادهم والباقي..
مازن بهدوء : مافيش اخبار عنهم ..
ماجد بإستغراب : مين اللي هجم علي فيلا السيوفي..
مازن بجدية : مش عارفين بحثنا كتير بس معرفناش مين اللي هجم ..
ماجد بهدوء : طيب اي اخبار جديدة قولهالي علي طول ..
ليومئ له مازن ثم يخرج
ماجد بتفكير : ليان وجاسر سوا ..ليضحك بسخرية ولكن في داخله ينهشه القلق ..
ليدخل له مازن مرة اُخري
ماجد بإستغراب: في ايه..
مازن بإبتسامة ماكرة : خبر حلو ..

_يقولون انهم لا يصدقون الصُدف وحين يفعلون شيئا يقولون ليست الا صدفة صادفناها وذهبت من حيث آتت. “نوران جمال”

في الفيلا
استيقظت ميرال من نومها لتنزل الي الاسفل فتجد الجميع مازال نائماً لتمسك هاتفها وتتصل علي يارا ولكن لا رد لتتصل اكثر من مرة ولكن لا رد لتخرج من الفيلا الي الحرس فتجد جاك واقفاً
ميرال بجدية : جاك..
لينظر لها بإستغراب
ميرال بجدية : عايزاك تروح ليارا تجيبها هنا ..
جاك بإستغراب : يارا البنت اللي روحتولها امبارح..
ميرال بهدوء : ايوه عايزاك تجيبها ومن غير شوشره ..ليومئ لها ويذهب لتدخل هي وتجلس علي المقعد
ميرال بقلق : حسه ان في حاجه غلط ..
لتجد فجأه ادهم امامها
ادهم بإستغراب: في ايه ..
ميرال بهدوء : مافيش ..
ليجلس ادهم امامها
ميرال بإستنكار : خير..
ادهم بتساؤل : انتي ليه غريبة ..
لتنظر له بإستغراب
ادهم بهدوء: غامضة حاسس ان في حاجه انتي مخبياها ..ثم بسخرية : زي ما خبيتي علينا ان رجالتك هما اللي هجنوا علي الفيلا بتاعتنا..ثم بضحك : عملتيها ازاي..
ميرال بمكر : زي ما انت عملت خدعة الجرح كده ..ثم بسخرية : عرفت ازاي انهم رجالتي..
ادهم بإبتسامة : زي ما عرفتي موضوع الجرح بالظبط ..

لتبتسم ميرال بسخرية علي طريقتهم في النقاش لتقف حتي تدخل فيمسكها ادهم من زراعها
ادهم بضيق : خدي بالك مبحبش طريقة الكلام ديه..
ميرال بضيق : سيب ايدي وابعد مش مطلوب منك انك تحبها ..لتقوم بإبعاده وتدخل لينظر هو لها فبرودها ذلك يضيقه للغاية
ادهم بتفكير:طيب التعامل معاكي هيبقي ازاي بعد كده وانا وانتي مبنوصلش لحاجه مع بعض ..ليتنهد بضيق
و يدخل هو الاخر فيجدوا الجميع قد استيقظ
دارين بهدوء : كلمتي يارا ..
ميرال بهدوء : مبتردش ..
ياسين بتفكير : تفتكروا حصلها حاجة ..
ليرن هاتف ميرال
ميرال بهدوء : نعم..
جاك بضيق : يارا مش موجوده والشقة كلها متكسرة واضح انها اتخطفت ..ثم بهدوء واستغراب : في حد هنا ..ليغلق مع ميرال وينظر حوله
ليسمع صوت خافت يأتي من خلف الاريكة ليري ماذا هناك ليجد فتاة مغشياً عليها قد تعرضت للضرب الشديد ..
ليقوم هو بحملها بسرعة والذهاب بها الي المشفي ولكن في طريقه اتصلت ميرال به
ليان بحدة : جاك في ايه..
جاك بقلق : البنت لقيتها في البيت مغمي عليها ورايح بيها المستشفي ..لتمسك ميرال الهاتف من ليان…
ميرال بحدة : تعالي بيها علي الفيلا بسرعة ..
ليغلق جاسر معها ويقوم بإدارة المقود بإتجاه الفيلا..

في الفيلا كان الجميع ينظرون الي بعضهم بقلق
دارين بإستغراب: مين عمل كده وليه ..
جاسر بغضب : معقول يكون ماجد..
سيف بهدوء: اهدوا لحد ما ييجوا ونشوف لان لو فعلاً طلع ماجد يبقي كده هو عارف كل حاجة عننا ..
ادهم بهدوء : استنوا نعرف كل حاجه بوقتها ..
ليدخل جاك فجأه وهو يحمل يارا
لتدخل ميرال بها الي احد الغرف ويتم غلق الباب
ادهم بإستغراب: هي ازاي دخلت معاها كده ولوحدها..
ليان بهدوء : ميرال دكتورة جراحة فعارفه هي بتعمل ايه ..ثم بهدوء : جاك ايه اللي حصل ..
جاك بهدوء : روحت ليها شقتها لقيت كل حاجة متكسرة وسمت صوتها من اخر الاوضة وكانت زي ما انتي شايفه كده مضروبة انا لو اتأخرت شوية كانت ماتت..
دارين بهدوء : طيب خلاص اخرج انت يا جاك وراقب المكان كويس ..
ليومئ لها جاك بينما جاء لليان اتصال فخرجت ليان من الغرفة وذهبت الي غرفة المكتب ..بينما الجميع ظلوا مكانهم منتظرين خروج ميرال فإن حدث شئ ليارا فمن المؤكد انه بسببهم ..

في غرفة المكتب
ليان بجدية : الو..
سليم بهدوء : ليان..
وقبل ان تغلق ليان الهاتف
سليم بسرعة : ليان اسمعيني لازم ترجعي …
ليان بضيق : ليه..
سليم بهدوء : بابا هيبعت رجالته ياخدوا اختك ..
ليان بإستغراب : دارين ليه..
سليم بمكر : متنسيش ان اتكتب كتابها علي اخويا قبل هروبكم يعني قانونياً مراته والقسيمة وكل حاجة عندنا يا ليان ..
ليان بسخرية : والمطلوب ..
سليم بهدوء : لو مجاتش خلال يومين هنجيبها بالعافيه وبالقانون ..
ليان بهدوء : ده تهديد..
سليم بهدوء : لا تحذير ..
ليان بحدة: مجرد التفكير في اذيتنا نتيجته مش هتبقي كويسه ..
سليم بسخرية : بقالك كتير بتهددي..
ليان ببرود : يبقي تخاف افضل ..
لتغلق الهاتف وتلتف فتجد جاسر امامها
ليان بإستغراب: خير..
جاسر بهدوء : تعالي ميرال خرجت من عند يارا ..
لتخرج ليان لينظر جاسر الي مكانها بتساؤل مع من كانت تتحدث بتلك الطريقة ..
جاسر بهدوء : مش وقته دلوقتي ..ليخرج من الغرفة وعند خروجه يستمع الجميع الي صوت الرصاص المرتفع لينظر من النافذة
اذاً فهذا هجوم جديد ..
بينما في الخارج
ليان بحدة : اقفلوا اوضة يارا بسرعة ..لتنزل الي الاسفل ويأخذ الجميع مكانه في منع ذلك الهجوم
” فيا تري ماذا سيحدث ومَن المتسبب في ذلك الهجوم ومَن فعل ذلك بيارا ..

• لقراءة الفصل التالي: اضغط هنا
• لقراءة باقي حلقات الرواية اضغط على (لقاء مصلحة)