رواية احتواء الفصل الأول 1 بقلم عزه محمد

رواية احتواء الفصل الأول 1 بقلم عزه محمد

رواية احتواء البارت الأول

رواية احتواء الجزء الأول

رواية احتواء الحلقة الأولى

في صوان العزاء واقف عامر الخولي بهيبه وتماسك شديد بيستقبل العزاء في زوجته رحمه وزوجه اخوه فريده ….. انتهي العزاء وطلع عامر فوق
لقي ريهام بنت خالته حاضنه شهد بنته وفارس ابن اخوه وبتسكت شهد
شهد بعياط: ماما وحشتني اوي
ريهام: يا حببتي هي دلوقتي في الجنه ادعيلها وبلاش عياط عشان عيونك الحلوين
فارس مسح دموعها: بطلي عياط يا شهد ماما وطنط راحوا الجنه
ريهام: شاطر يا فارس
عامر دخل بحزن علي زوجته ال كانت ونعم الزوجه والصديقه… اه كان جواز صالونات بس كانت بتتفنن ازاي تسعده وتحافظ علي بيته… سابته وسابتله ورده صغيره شهد عمرها 5سنين
ومرات اخوه سابتله فارس 12 سنه
قعد بإرهاق جمب فارس وحضنه وشاور ل شهد تيجي جمبه جريت عليه حضنته وبتعيط
عامر:كفايه دموع عشان خاطري لو بتحبي ماما بجد كفايه عياط
شهد بصتله بعيونها الي شبه البحر: انا هنام في حضن مين مامي كانت بتحضني وننام
عامر ضمها ليه تانى: هتنامي في حضن بابي يا شهد
فارس: عمو هو انا هعيش في بيتنا لوحدي
عامر: لا طبعا انت من النهارده هتعيش هنا معايا ومع شهد وتقولي يا بابا انا مليش غيركم ولا انتو ليكوا غيري
فارس حضنه وحاول يستمد منه قوه.. فارس شخصيته صعبه مبيحبش يبكي قدام حد شايف الدموع ضعف وهو دايما قوي زي ما باباه كان بيقوله
كانت بتتابع كل ده ريهام وبتتمني يكون ليها مكان في حضنه.. ريهام بتحبه من زمان بتتمني يبصلها ويديها اشاره تقرب.. لكن جوازة من رحمه هدم الامل ده وبموت رحمه النهارده الامل رجع تاني!

ريهام؛: انا هبات معاكوا النهارده الولاد ممكن يتعبوك
عامر: خالتو ممكن تدايق
ريهام بنفي: انا قيلالها متقلقش.. انت متعرفش انا بحب الولاد ازاي
عامر بصلها بود: شكرا لوقوفك معايا يا ريهام
ريهام: هو انا عملت حاجه متقولش كده ارجوك
شهد وفارس كانوا نامو في حضن عامر ريهام قامت شالت شهد بحنان ودخلتها اوضتها
وعامر شال فارس وخده معاه الاوضه
…..
في اوضه شهد ريهام نايمه وحاضنه شهد: يارب اكتبهولي يارب ده حب عمري كله يارب
….
عامر بيفكر ازاي هيقدر يوفق بين شغله وبين الولاد ودول اتنين مش واحد غلبه التعب ونام 😴
صحي الصبح علي ريحه قهوه
فتح عنيه وقام اتوضي وصلي وطلع
لقي ريهام شايله شهد علي رجلها وبتفطرها وفارس جمبها بتأكله
عامر ابتسم : صباح الخير ايه النشاط ده

ريهام ب ابتسامه تسحر: صباح الجمال يا عامر ♥ تعالي افطر انا عملت القهوة ال بتحبها والفطار بتاعك
عامر قعد وبص للاكل ورفع حاجبه: ايه الشطاره دي يابت يا ريري
شهد: ريري قمر وحضنتني طول الليل
عامر بصلها بإمتنان: مش عارف اقولك ايه
ريهام: متقولش حاجه لاني مش منتظره اي كلام انا بعمل ده بدافع حبي للولاد وليك يا عامر
عامر : تسلمي يا ريري يلا يا ولاد افطروا
——
عدت الايام ريهام كانت بتروح وتيجي عليهم ف الببت واليوم ال متباتش فيه الولاد كانوا بيطلعوا عين عامر وخصوصا شهد ال ارتبطت ب ريهام جدا
عامر رجع من الشغل لقي الولاد بيسمعوا كارتون ومنسجمين جدا بعدها خد باله من صوت الاغاني ال جاي من المطبخ دخل المطبخ لقي ريهام بتطبخ وبتتمايل مع الاغنيه برقه ودلع …اتوتر جدا وقرب من الفون قفل الاغاني
ريهام لفت تشوف الفون شهقت برقه:عامر انت جيت امتي
عامر:من شويه بس ايه الحلاوه دي
ريهام:دي باميه ال بتحبها
عامر قرب منها شويه:تؤ عليكي وعلي دلعك يا ريري
ريهام وشها حمر واتوترت من قربه:عامر ابعد شويه لحسن حد من الولاد يدخل
عامر ضحك:يعني مشكلتك الولاد يشوفوني قريب لكن قربي في حد ذاته مش مشكله
ريهام:عامر انت عايز ايه
عامر بتوهان:مش عارف
ريهام بعدت عنه بسرعه وخدت شنتطها ومشيت:لما تعرف ابقي قولي
—–

فضلت فتره مش بتروح بعد اخر موقف خافت تضعف قدامه خافت ميبقاش قد ثقتها هي اصلا وجودها معاه لوحدهم غلط بس كانت بتطمن نفسها ان الولاد معاهم وعامر محترم….
عامر بيكلم ريهام فون: يعني متقدريش تيجي
ريهام:لا مقدرش مش هينفع
عامر:ليه بقا
ريهام:عشان سمعتي يا عامر لازم ابقي صريحه معاك ميصحش ابقي معاك في مكان لوحدنا وكمان كلام الناس وازاي اقعد في شقتك وابات فيها كمان
عامر: طب ما انتي كنتي بتيجي وبتباتي ولا الناس ظهروا دلوقتي؟!
ريهام مسحت دموعها: حركه متهوره مني انا اسفه يا سيدي… لو تبح تجيب الولاد عندي مفيش مشاكل انا اشيلهم في عنيا
عامر بضيق: سلام يا ريهام
قفل الفون ورماه ع المكتب
دخل فارس اوضه المكتب:بابا
عامر:نعم يا فارس
فارس:شهد بتعيط
عامر بعصبيه وصوت عالي:انا زهقت شهد مبتعملش حاجه غير انها تعيط حياتها كلها عياط بقولكم ايه انا ماشي وسايبها مخدره
فارس اتخض منه وجري علي اوضه شهد خدها في حضنه وبدا يهديها لحد ما نامت
فارس:نصيبنا كده يا شهد نتحرم من القلب الحنين ال كان بيحتوينا بس اوعدك انا مش هحرمك من حضني لان ده الشئ الوحيد ال املكه يا حببتي 🥺❤

…..
عامر نزل لف بالعربيه ودماغه هتنفجر من التفكير مش عارف يعمل ايه ولا يتصرف ازاي من باب شوقه الغريب ل ريهام ورغبته انه يشوفها ليل نهار زي ما اتعود و مسئوليه الولاد كتير عليه ملقيش غير حل واحد راح بيت خالته
فتحت ريهام:عامر!!
عامر:اه عامر فين خالتي
:انا هنا ادخل يا عامر
عامر:انا مش جاي اتضايف…دخل وقعد…انت جاي اطلب ايد ريهام للجواز
ريهام ابتسمت بفرحه
خالته:انت جاب تطلب ريهام داده لولادك يا عامر
ريهام:ماما!
عامر:لا يا طنط انا محتاج ريهام في حياتي كزوجه لو علي داداه كنت جبت بدل الداده عشره
خالته باقتناع:بس انت لسه مراتك مكملتش ست شهور ميته
عامر بخنقه:ارجوكي يا خالتي كفايه كلام ملوش لزوم انا جاي اطلب بنتك وهنكتب الكتاب النهاردة لو وافقتوا
ريهام:موافقين طبعا وبصت لمامتها برجاء فسكتت:ومش هتعملوا فرح
ريهام:انا مش عايزة فرح…عامر فرحتي
عامر ابتسم واتصل ع المأذون وشهود وتم كتب الكتاب
عامر:جهزي شنتطلك عشان نطلع ع البيت
ريهام بسعاده دخلت الاوضه وهي مش مصدقه انها اتجوزت عامر وبقيت مراته اخيرا حلمها اتحقق
دخلت مامتها:كان نفسي اشوفك بالفستان الابيض بس عارفه اني لو رفضت مكنتيش هتتجوزي من اصله وهتعندي وانا مبقدرش عليكي يا ريري
ريهام حضنت مامتها:حلم عمري اتحقق واتجوزت عامر اخيرا يا امي هو فرحتي هو سعادتي بجد
:ربنا يسعدك ويقدرك علي المسئوليه ال داخله عليها
ريهام:يارب ♥
~~~~~~

دخلت ريهام البيت مع عامر بالليل بعد ما جبلها شبكتها
لقي شهد وفارس قاعدين يسمعوا كارتون ومخدوش بالهم انه دخل اصلا
ريهام كانت هتمشي ناحيتهم شدها ليه وشالها بين ايديه ودخل بيها اوضتهم
ريهام بكسوف:نزلني يا عامر
عامر ضحك:اهو نزلتك..كنتي هتروحي ليهم ليه بقا
ريهام:عشان اشوف شهد واطمن عليها وع فارس
عامر قرب منها واتكلم بخبث:مش عايزة تطمني عليا انا طيب يا ريري
ريها بترجع لورا وهو يتقدم وبعدها شدها وحضنها:عارف اني معملتش فرح وابسط حقوقك مخدتيهاش بس انا ظروفي صعبه
ريهام وهي متمسكه بحضنه اكتر واكتر:مش عايزة غيرك يا عامر وظروفك دي علي راسي انا بحبك من زمان اوي وكان املي ابقي مراتك محلمتش باي حاجه غير اني اشيل اسمك
عامر بصلها وهو عارف حبها ليه مسح علي شعرها وباس جبينها:هتقدري تتحملي مسئوليه الولاد من غير ما تكرهيني
ريهام حضنته تاني:انا اكره نفسي ولا اكرهك ولادك ولادي يا عامر ♡
~~~~~

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية احتواء)