رواية عوضي صبري الفصل الثاني 2 بقلم ناديه ستارز
رواية عوضي صبري الفصل الثاني 2 بقلم ناديه ستارز
رواية عوضي صبري البارت الثاني
رواية عوضي صبري الجزء الثاني
رواية عوضي صبري الحلقة الثانية
الله الله على الحب لحقت تنساني
عوض و صبر بصدمة: روان و إيهاب
روان: أه أنا أسيبك تلت شهور أرجع الاقيك متجوز دي و تشاور على صبر بقرف هو دا حبك ليَّ
عوض بغضب: أياكي تتكلمي على الحب تاني
روان تقترب منه بدلع: يا حبيبي أنا بعدت لسبب واحد أكتشفت إن عندي كانسر كان لازم أبعد عنك علشان متتعبش معايا و إيهاب كان بيساعدني أتعالج و لكن دلوقتي أنا خفيت و رجعت و تطلق البنت دي دلوقتي و يلا نتجوز
إيهاب يقترب من صبر: و بما إنك مبتحبهاش فأنا ممكن أتجوزها أنت
عوض يقف أمام إيهاب و يقول بصوت عالي : صبر مراتي و هتفضل طول عمرها مراتي و ينظر إليها و يقول و حبيبتي
روان بغيظ: يعني إيه الكلام دا
عوض بقرف: يعني أنتِ واحدة كدابة قوليلي يا روان أنتِ إتعالجتي أزاي
روان بتوتر: بجلسات الكيماوي
عوض بسخرية: و هو ألِ بيتعالج بالكيماوي شعره بيفضل زي ما هو مش بيقع و صحته زي ما هو و أحسن
روان بتوتر أكتر: دي دي باروكة
عوض: أطلعوا برا لو لمحتكم في أي مكان هنهيكم
روان: عوض أنا حامل منك
صبر و عوض ينصدموا : إزاي أنتِ كدابة أنا ملمستكيش أصلاً
روان تنظر لصبر : عيزاك لوحدنا
عوض: قولي ألِ عيزاه هنا
روان: يا تتجوزني يا عوض يا هقتلك أمك و السنيورة بتاعتك ما هو أنا مش أغيب تلت شهور أرجع الاقيك حبتها
عوض: ألِ عندك أعمليه برا
روان تقترب من الباب: ألِ عندي كتير أعمله
عوض: أنتِ حامل في الشهر الكام
روان: التالت
عوض ينظر إلى بطنها: تبقي أكدبي صح بعد كدة دا أنتِ بطنك خست
إيهاب ينظر لصبر: هرجعلك قريب و وقتها هتبقي ليَّ
يخرجوا من المنزل
عوض ينظر لصبر
عوض: صبر بصيلي هي مش حامل مني أنتِ مصدقاني صح
صبر: طلقني يا عوض مفرقتش تلت شهور كمان هي رجعت خلاص و أنت بتحبها
عوض: صبر أنتِ بتتكلمي بجد عيزاني أرجعلها بعد ما سابتني و دلوقتي بتهددني بيكي أنتِ و أمي أنتِ في حاجة في دماغك
صبر: عوض أنت بتحبني
عوض يسكت
صبر تبتسم بحزن: الإجابة وصلت
تدلف صبر إلى غرفتها
و عوض يجلس و يفكر: أنا مش عارف بحبها ولا لا بس ألِ أعرفه إني كُنت مفكر إني بحب روان و طلعت معجب بيها مش عايز صبر تبعد عني إتعودت عليها جنانها شقاوتها مرحها كُل حاجة فيها بس أنا مش عارف بحبها ولا لا
صبر في غرفتها تجلس على السرير و تبكي: تلت شهور معرفتش أخليه يحبني أو حتى أنسيهاله بقالي عشر سنين بحبك و أنت كُنت عارف إني بحبك بس خلاص تمسح دموعها هنساك يا عوض و هبدأ حياة جديدة من غيرك الحياة مش بتقف على حد
صبر تلم ثيابها و تضعها في شنطة و تخرج من الغرفة
عوض باستغراب: إيه الشنطة دي
صبر: شنطة هدومي
عوض: ليه
صبر: مبقاش ليَّ مكان هنا
عوض: إيه ألِ بتقوليه دة يا صبر
صبر: بقول الحقيقة أنا مستنية ورقتي في بيتي عن أذنك
عوض: طب أستني أوصلك
صبر: لا شكرًا
عوض: يلا يا صبر علشان أوصلك يا تفضلي هنا
صبر: ماشي
صبر تنظر لجميع أركان البيت بحزن و تغادر و خلفها عوض
تركب صبر بجانب عوض
عوض ينظر إليها و يقول بتوتر: أنتِ كدة هترجعي لأحمد
صبر: ركز في الطريق مش عايزة أموت بسبب سؤال غبي زي دة
عوض: مجاوبتيش
صبر: ميهمكش
عوض: يهمني
صبر بصريخ: لو يهمك كان هيهمك عشر سنين من حياتي بحب شخص جبلة معندهوش إحساس عارف إني بحبه و مع ذلك مش فارق معاه عشر سنين حياتي واقفة عليك عشر سنين مستحملة إنك تبعد عني من غير سبب أول لما تشوفني تدير وشك و كأني شبح لما دخلت المستشفى بسببك لأنك خطبت أنت إيه فضلت أتعالج أربع سنين من أكتئاب برضوا بسببك أنت كُل حاجة وحشة حصلتلي و ما زالت بتحصلي في حياتي أنا بكرهك
عوض يوقف السيارة و ينظر إليها يجدها تتنفس بصعوبة
عوض يجلب لها ماء و يشربها
يحتضنها عوض و صبر تزيد في البكاء حتى غفت
عوض يرجع مقعدها للخلف و يخرجها من حضنه و ينيمها على الكرسي
عوض يقف أمام بيتها ينظر إليها لبعض الوقت و يأخذ قرار و ينطلق بالسيارة
__________________
روان: بقى أنا روان يستبدلني بالجربوعة دي بقى أنا ينساني بيها والله لهوريه
إيهاب: متشتمهاش
روان: أوبس نسيت إنها حبيبة القلب و إنها خط أحمر ألِ يعديه ياخد غرامة
إيهاب: سيرتها متجبهاش على لسانك
روان: لا مش كُل واحد يخاف عليها شوية أنا أتخنقت
إيهاب: أنا إزاي معملتش حساب أنوا ممكن يتجوزها
روان بحقد: ولا أنا أنا كدة أفتكرت إني هذله أدام الناس و أجرحه بس مفرقش معاه
إيهاب: طالما بتكرهيه كدة كُنتي هتتجوزيه ليه
روان: علشان بكره صبر كُنت بحب معيدي في الجامعة أسمه أحمد طلع بيحبها و أتقدم للسنيورة و هي رفضته علشان بتحب عوض قولت لازم أكسرها و أجرح قلبها زي ما حصل فيَّ
إيهاب بسخرية: و كسرتيها ولا قربتيها منه بسبب غبائك
روان تقترب منه و تلف أيديها حوالين رقبته: مش مهم خلاص دلوقتي أنا معاك و سبع شهور و هييجي فرد تاني
إيهاب ينزل أيديها: أنتِ بتقولي إيه
روان: إيهاب أنا حامل في شهرين
إيهاب يمسكها من شعرها: ألِ في بطنك دا ينزل بدل ما هقتلك
روان: شعري يا مجنون مش هنزله دا أبننا و هنتجوز مش هسمحلك تروحلها بعد ما لقيتك
إيهاب يزقها تقع على الأرض : أخر معاد لوجودنا في الشقة النهاردة النهاردة أنا هرجع لحياتي تاني شوفي أنتِ هتعملي إيه تنزلي القرف ألِ في بطنك و تعرفي تعيشي حياتك تاني أو تروحي لعيلتك و عيلتك تقتلك على التلت فضايح ألِ عملتيهم الأولى هروبك و التانية أنك تفضلي مع واحد من غير جواز و التالتة حملك القرار ليكي و أه متحاوليش تقربي مني تاني ولا من صبر هقتلك
يغادر إيهاب و تنهض روان
روان بغل: جبتي أخرك معايا يا صبر كدة لازم تموتي
______________________________
تستيقظ صبر بعد حوالي خمس ساعات تجد نفسها في غرفة متزينة جميعها
تنهض و تنادي على عوض لم تجده
تفتح الباب و تخرج تتفحص المنزل
صبر: أنا مش فاهمة حاجة مش المفروض يوديني بيتي إزاي جيت هنا و نمت إزاي طب هو فين يكونش خطفني و بعدها هيقتلني أنا لازم أعمل أحتياطاتي من دلوقتي
تمر ساعتان و صبر جالسة بملل تنتظر رجوع عوض
يأتي عوض و صبر تجري عليه
صبر: أنت كُنت فين كُل دا و أحنا فين و إيه ألِ جابني هنا
عوض يدلف للداخل: هجاوب سؤال سؤال أنا كُنت بعمل لحبيبتي مفاجأه
صبر باستغراب: حبيبتك و تقول بحزن آه معلش إزاي نسيت حبيبتك أكيد روان طب أنا هنا بعمل إيه
عوض بضحك: روان مين روان دي كانت ماضي و أنتهي لكن حبيبتي واحدة تانية
صبر و هي على وشك البكاء: طيب ربنا يسعدكم عن أذنك
تلف صبر و عوض يقف أمامها و يمسح دموعها: مكنتش أعرف أن حبيبتك غبية كدة
صبر لم ترد
عوض: حبيبتي أدامي أهي
صبر تنظر للخلف حتى تشوف الفتاة لم تجد أحد
عوض يضحك: يا صبر قصدي عليكي مفيش غيرنا هنا
صبر بذهول: أنا حبيبتك
عوض يحتضنها: مش بس حبيبتي و قلبي و نفسي و كُل حاجة يا صبر أنا أكتشفت إني غبي أوي كُنت هضيع أجمل و أرق و أحسن بنت في الحياة كُلها أنا بحبك يا صبر
صبر: ما أنا سألتك قولتلك بتحبني مردتش عليا
عوض: مكنتش متأكد مش عايز أقول حاجة غير و أنا حاسس بيها لما حسيت أنك هتبعدي حسيت إن روحي هي ألِ هتبعد عني لما كُنتي بتعيطي قلبي وجعني كُنت عايز أضرب نفسي لأنها السبب في عياطك
صبر تبتعد عنه: الندم بعد فوات الأوان ملهوش لازمة و خلاص أنا قررت أنساك و هوافق على أحمد
عوض: خلاص وافقي عليه و أروح أنا لروان و أديها البوكس ألِ في أيدي
صبر بفضول: هو البوكس دة في إيه
عوض: للأسف مينفعش
صبر تنظر إليه بحزن و كانت ستبكي مرة أخرى
عوض: لا لا أنا تعبت من العياط كفاية يا عيوطة
صبر: أنا مش عيوطة أفعالك و كلامك هما ألِ بيعيطوني
عوض: منهم لله حسبي الله فيهم
صبر: متدعيش عليهم
عوض: حاضر
صبر: أحنا فين
عوض: شرم الشيخ
صبر: ليه
عوض يعطيها البوكس: هتعرفي بعد شوية خدي البوكس دا و أدخلي أوضتك معاكي نص ساعة
صبر: ربنا يستر و ملاقيش أسد ياكلني
تدلف إلى غرفتها و تفتح الصندوق تجد فستان أبيض منفوش و معاه طرحته
صبر بأنبهار: واو دا يشبه ألِ كان نفسي فيه
تلبسه صبر و تلف الطرحة
صبر تخرج من غرفتها تجد عوض منتظرها و هو يرتدي بدلة
صبر: أنت ملبسني أبيض ليه
عوض يمسك أيدها: هتعرفي بعد شوية
يركبوا السيارة
صبر: طب قولي هنروح فين
عوض: هتعرفي بعد شوية
صبر: طب جايبنا هنا ليه
عوض: هتعرفي بعد شوية
صبر: تبًا للجملة دي
يقف عوض أمام قاعة
صبر: أحنا هنحضر فرح مين بالفستان المنفوش دة
عوض: أنا مش خايف غير إننا نخلف أطفال أغبية
عوض و صبر ينزلوا
عوض: شنكليني
صبر تبتسم: عيوني
يدلفوا إلى القاعة و كانت مظلمة النور يبدأ يتفتح
صبر تجد جميع أقاربها و أصدقائها
تنظر لعوض بصدمة: دة بجد لحقت تعمل كدة أمتى
عوض بغمزة: أنا مش أي حد برضوا
يرقصوا مع بعض سلو
صبر عيونها تدمع : عوض أنا مش مصدقة نفسي دة بجد يعني أنا مش بحلم لو بحلم فأنا عايزة أفضل في الحلم دا طول حياتي
عوض: مش بتحلمي يا صبر دا واقع و هيبقى أجمل واقع أوعدك هخلي حياتنا كلها سعادة هعوضك عن السنين ألِ فاتت
صبر تحتضنه: أنت عوضي مش عايزة حاجة غير إني أفضل معاك
عوض: أنتِ كدابة يا صبر لأنك عايزة تخلصي دراسة الأول
صبر: هو أنا مكشوفة للدرجة دي
عوض بضحك: و أكتر
صبر: هو أنا قولتلك إني بحبك
عوض بحزن مصطنع: لا
صبر تقترب من أذنه: أنا بحبك
عوض: بعشقك
ينزل عوض على ركبته و يطلع خاتم محفور عليه حرف أول حرف من أسمائهم
عوض يلبسها الخاتم و يشيل صبر و يلف بيها
صبر ببكاء: أنا بحبك أوي يا عوضي أنت العوض ليَّ من ربنا عن كُل حاجة حصلتلي و هتحصلي أياك تبعد عني تاني وقتها هموت يا عوض
عوض يمسح دموعها برفق: يعني في الحزن تعيطي و السعادة كمان بتعيطي ليه بس
صبر: دموع الفرح
عوض: مش عايزة أشوفها تاني يا صبر عايز أشوف ضحكتك بس أنتِ صبري من الحياة المكافأة من ربنا ليَّ عن صبري على حاجات كتير كُنتي أنتِ نتيجة الصبر دا يا صبري
صبر بضحك: بحسك و أنت بتقول صبري كأنك بتقول أسم ولد
عوض: أنا ضفت ياء الملكية علشان أثبتلك و أثبت للعالم إنك ملكي أنا و بس
صبر: كان فين الكلام دا من زمان يا عوض كان فين
عوض: كان متشال للوقت المناسب
تقترب أقاربهم و أصدقائهم للتصوير معهم
تقترب روزان و بجانبها أحمد
عوض علامات الأقتضاب تظهر على وجهه
روزان بفرحة: باركولي يا نااااس
صبر: في إيه
روزان: لوح الخشب ألِ واقف جنبي دة أخيرًا حس على دمه و طلع بيحبني و كلم بابا
صبر تحتضنها: مبروك
روزان: الله يبارك فيكي
أجمد يسلم على عوض الذي عندما سمع هذا الحديث باركله بفرحة حقيقة
و أثناء رقصهم تقترب روان منهم
روان بكره: مبروك للعروسين
عوض: جاية ليه يا روان
روان: جاية أقولك خلي بالك من المدام كويس أوي الفترة ألِ جاية علشان هتوحشك
عوض: لو فكرتي تقربي منها الموت مش هيكفيني فيكي أطلعي برة
روان: هطلع بس هدمرها و دة وعد مني
تغادر روان و صبر تقف بخوف
عوض: صبر أياكي تخافي من المجنونة دي أستحالة تأذيكي طول ما أنا موجود
صبر: أنا خايفة عليك
عوض: طول ما أنتِ معايا فأنا هبقى بخير
تخلص فقرات الفرح و يذهبوا إلى المنزل
و تصبح صبر زوجته أمام الله و الناس
بعد مرور سبع شهور أكتشفت صبر إنها حامل في الشهر التالت
و روزان و أحمد أتجوزوا
و عوض عرف إنها قالت أن أحمد حبيبها علشان كرامتها و علشان تغيظه
عوض بقى يروح معاها للدكتورة دايمًا حبهم بيزيد لبعض كل شوية مشاكلهم بتخلص في وقتها و مبيدخلش بينهم تالت
إيهاب نزل ابن روان بالغصب و هي بتحاول تلاقي خطة مناسبة علشان تنتقم منه هو وصبر
بعد مرور ست شهور أخرى
صبر تدق على عوض
صبر: عوض أنا هنزل للسوبر ماركت هشتري كام حاجة للبيت
عوض: قولي يا حبيبتي إيه هي و أنا هجبها و أنا راجع من الشغل
صبر: لا هنزل علشان هعمل الغداء
عوض: مش مهم المطاعم مش مقصرة معانا في حاجة أنتِ في الشهر الأخير و قربتي تولدي بلاش تتعبي نفسك
صبر: أحنا داخلين على ولادة و أطفال و محتاجين نوفر الفلوس و أنا نفسي أطبخ لحبيبي حاجة من أيدي
عوض: ماشي يا صبر بس متتأخريش
صبر: عيون صبر و قلبها
تلبس صبر و تنزل هتعدي الشارع تلاقي عربية جاية بسرعة كبيرة نحيتها خبطتها و جريت
صبر تقع على الأرض و يتلم الناس حواليها و يطلبوا الأسعاف
عوض يحس بتغزة في قلبه يرن على صبر
أحد الواقفين يرد عليه
عوض: صبر أنتِ فين
الشخص: المدام عملت حادثة و هتتنقل للمستشفى دلوقتي
عوض تنزل عليه الجملة كالصاعقة
عوض: اسم المستشفى إيه
الشخص يعطيه اسم المستشفى و عوض يغادر عمله و يذهب للمستشفى
عوض لموظفة للأستقبال: في واحدة جات هنا عاملة حادثة من حوالي نص ساعة
الموظفة: أه هي في العمليات
عوض يجري لغرفة العمليات و ينتظر في الخارج
بعد مرور تلت ساعات يخرج الطبيب
عوض بخوف: طمني يا دكتور
الطبيب بأسف: البقاء لله
روان تضحك بجنون: قتلتلها دلوقتي جاه دور إيهاب
ترن عليه روان: إيهاب محتاجة أقابلك ضروري لقيت الخطة ألِ هتبعد صبر عن عوض للأبد
إيهاب: أنا في بيتي مستنيكي
روان تمسك سكينة في أيدها: مش هتأخر عليك يا حبيبي
روان: السكينة دي حامية ولا أجيب حاجة حامية عنها مش مهم هجرب في إيهاب
تذهب روان لمنزل إيهاب تدلف روان للمنزل و تنسى و تترك الباب مفتوح
روان: مش هتجبلي حاجة أشربها
إيهاب بشك: ماشي
يدلف للمطبخ و روان تمسك السكين تضعها خلف ظهرها و تذهب خلفه
روان تقف أمامه و تطلع السكينة سريعًا و تضربه عدة طعنات
روان ببكاء: أنا بقيت قاتلة أنت السبب أنت قتلتلي ابني و هي أخدت حبيبي مني و دلوقتي هو أتجوز واحدة تانية أنتوا كلكم السبب أهلي سابوني
يدلف حارس المبنى و هو محمل أكل
و ينظر بصدمة و ينادي الحارسين و يمسكوا روان تأتي الشرطة و تأخذها
_______________________
عوض: أنت بتقول إيه لا طبعًا صبر بخير
الطبيب: أنا مش قصدي صبر قصدي الجنين أتوفى
عوض: تمام شكرًا يا دكتور ينفع أدخلها
الطبيب: هتتنقل لأوضة عادية بعد شوية
يدلف عوض إليها يجدها نائمة
عوض يجلس على الكرسي و يمسك أيديها: الحمد لله إنك معايا مكنش ينفع أخسرك كُنت هموت بعديكي يا صبر
صبر تفتح عيونها بتعب شديد
صبر تنظر لبطنها باستغراب و تقول بتعب: عوض أنا بطني صغرت ليه كدة فين ابني ابني فين يا عوض و تكمل ببكاء: أياك تقول حصله حاجة عوض متسكتش ابني فين هاته خليني أشوفه دا إنتظار تسع شهور لو حصله حاجة هموت وراه
عوض يحتضنها: صبر هنجيب غيره عشرة متعيطيش
صبر ببكاء: هاتلي ابني يا عوض هو عايش صح هو جوا بطني صح
عوض يدمع على حالتها: صبر متعمليش فينا كدة الحمد لله أنها جات على قد كدة
صبر: يارتني كُنت مكانه أنا عايزة أبني
عوض: متقوليش كدا تاني يا صبر هموت وراكي لو حصلك حاجة
يدلف إليها الطبيب
الطبيب: الحمد لله يا مدام أنقذنا حياتك على أخر لحظة تقدري تخرجي بكرة
تخرج صبر هي و عوض و يرجعوا لبيتها و يعرفوا بألِ حصل مع إيهاب و روان
صبر تدخل في حالة إكتئاب و عوض جنبها بيحاول يخفف عنها بكُل الطرق و هي أبتدت تتعافى تدريجيًأ
روان أتحكم عليها بالأعدام و أعترفت إنها حاولت تقتل صبر
صبر بعد شهور أتعافت من حالة الإكتئاب
و بعد سنة صبر بقت حامل في تؤام
بعد مرور سبع سنين
يا ماما يا ماما أصحي النهاردة بقى
صبر بزعيق: في إيه يا ولاد عوض بتصحوني ليه
يا ماما النهاردة أول يوم مدرسة أصحي علشان تودينا
صبر: أنتوا من و أنتم عيال عايزين تروحوا المدرسة و متحمسين أنا هدخلكم معهد سباكة و نجارة في نظام طارق شوقي دة روحوا ناموا
عوض يخرج و هو بيلبس: يا سلبية بدل ما تشجعي العيال
صبر: معلش خدهم أنت شجعهم
بنتها و تدعي حياة: طب أنا جعانة قومي أكليني
أبنها و يدعي عمر و أنا عايزك تعمليلي فيونكة في الكوتشي
صبر تنهض بغضب: أنا أضحك عليا في الجوازة دي أنا كُنت بصحى الضهر دلوقتي بصحى من خمسة الصبح
عوض: دا نشاط يا حبيبتي نشاااط
صبر: روح لبس عيالك لحد ما أجهز الفطار
حياة بصوت واطي: بابا هي ماما بتتعامل معانا كأننا مراتات أبوها ليه
عمر: أو جوز أمها
صبر من خلفهم: لأنكم عايزين القطع روحوا البسوا هتتأخروا
يدلفوا إلى غرفتهم حتى يلبسوا
عوض يقترب منها: إيه يا حبيبتي مالك داخل متعصب علينا ليه كدة
صبر: مزاجي كدة
عوض: يعني مش زعلانة مني علشان مفكرة إني نسيت عيد ميلادك
صبر: أنا أطلاقًا
عوض: طيب هخلي الهدية الحلوة دي لزميلتي في الشغل
صبر بغضب: عوض مين دي
عوض: واحدة
صبر ترفع حاجبها و تربع إيدها
عوض: طالما عملتي الحركتين دول فأنا هطلع الهدية أحسن
عوض يجلب سلسة و يزيح شعرها و يلبسها لصبر
صبر: الله حلوة أوي يا عوض أنا بحبك
عوض: لو في كلمة أكبر من بحبك توصف حبي ليكي كُنت هقولها ستبقي أنتِ أجمل ما رأت عيوني ستبقي ملكة قلبي
#تمت
لقراءة الرواية كاملة اضغط على : (رواية عوضي صبري)