رواية غيبوبة القدر الفصل الحادي عشر 11 بقلم رويدا القاضي
رواية غيبوبة القدر الفصل الحادي عشر 11 بقلم رويدا القاضي
رواية غيبوبة القدر البارت الحادي عشر
رواية غيبوبة القدر الجزء الحادي عشر
رواية غيبوبة القدر الحلقة الحادية عشر
مها: الحمدلله بابا وقف معاي والباقي مصيرهم يرضوا ربي هكي كاتب تكون فرحتي ناقصة.
أمل: اليوم عقد قرانك مفروض تكوني فرحانة مش هكي حالك اضحكي كله يهون ياقلبي.
سارة: هما يتكلموا وانا نفكر في كلام أمي معقولة تطلب مني نطلق منه وهو ليه خمسة شهور في الغيبوبة بس
كأنها ماتعرفش شن معنى الوفاء شن ايصير فيه لو فاق وانا كنت مش معاه.
مها: بس بس وين وصلتي نحن هنا خيرك في شن تفكري .
سارة: في شن تعرفي في أنس نفكر لو هوا معانا توا قداش رح يفرحلك .
مها:صدقيني رح ايفيق ويرجعلك وتعيشوا أسعد حياة وقصتك انت وياه رح تقعد رواية يحكو فيها الناس غيمة سوداء وتزول وتصفى بعدها سماك.
سارة: الله محلا كلماتك فرحتيني بيهم ربي يكملك ع خير ويجعله زواج الدهر .
أمل: اح وخلاص خمسة خوت مافيهمش وحدة عليها القيمة كان المسمومة واختها بخوت وخلاص.
مها: كل واحد وربي يبعثله عوض من نوع خاص انتي عندك خوات يسندوك وام تحبك وانا اختي 🥺 ولا أمي خليها بروحها 😭.
سارة: امسحي دموعك مش بروحك قلتي كل شخص ربي يبعثله عوض غير من نوع خاص انتى ربي رزقك حب يملأ حياتك .
أمينة: خلي نمشو نشوفو اختك توا تاخد ع خاطرها والله غالب يابنتي كل حي للموت.
منى: لالا. مش ميتة هيا لو صبرت شوية.
خيرية: انا مش نشاور فيك رديت عليهم وتم .
خولة: لكن ياماما صدام ماليش هلبا ميت .
خيرية: انا امه ومافيش حد بيحسه أكثر مني والحي اولى من الميت .
خولة : لكن شن موقفنا لما منى تسمع بايخة في حقنا ياماما.
خيرية: منى مصيرها تنساه مع طول الوقت.
مهيب: انا مش مصدق انك وليتي حلالي والليلة بتكوني معاي نوعدك نعوضك ع كل لحظة ألم عشتيها نحبك .
مها: نموت فيك نحس كلمة نحبك ماتقدرش توصف شعوري تقدر تقول نعشقك نهواك .
مهيب: هلبا عليا راهو معاش نتحمل بكل .
خالد:شن عاد جوك رايق ومبسوط للي تبيها اعطوهالك .
حاتم:😁 اكيد واهم حاجة عجبت أمي باش نضمن اني بنعيش مرتاح معاها بلا نكد.
خالد: صار معترف انه امك نكدية.
حاتم: يعني حاجة من هكي تقدر تقول ايه .
” الاسم اهو مستحيل تفكري فيه انسيه امسحيه من ذماغك ”
خالد: تعرف نبي نمشي لي عمي علي ومتحشم نخاف تطلعلي بنته المجنونة .
حاتم: حبيبة القلب قصدك .
خالد: اي حبيبة ياراجل هيا وحدة متوحشة ماتعرفش حتى تقول كلمتين ع بعضهم.
حاتم: فوتها ياخالد قتلك بتتعب معاها لكن انت ماتبيش تفهم ياصاحبي.
خالد: عاجبتني مش قادر نفكر في غيرها نحس فيها ساكنة عقلي .
حاتم: انا نصحتك وانت دبر رأسك.
حواء: اسمع اتصل بي سارة وقولها تعالي يوم الجمعة .
محمود حرام عليك للي اديري فيه راهو مدامها هيا راضية تستانه خليها في حالها.
حواء: مش بجوها هيا برأي انا .
محمود: توا نكلمها باهي .
حواء: لازم تعقل وتحط عقلها في رأسها الحب مش رح ايعيشها .
مها: هو راقد وانا نتفرج عليه ونتأمل في تفاصيل وجهه❤ ونحمد في ربي انه ولا راجلي.
” صعب الدنيا تعطيك كل شئ ولازم تقدم تنازلات باش تحافظ ع الناس للي تحبها”
أمينة: يامنى تعالي ردي ع هاتفك حماتك خولة ترن عليك من بكري.
منى: شوية بس ونجيك معاش نطول .
أمينة: ايح جيبك ياطولت البال خلي نرد عليها انا وخلاص .
خولة: الو اهلين منوش.
أمينة: اهلا خولة انا عمتك امينة كيف حالك وحال امك .
خولة: الحمدلله بخير كيف حالكم انتم .
أمينة: الحمدلله بنعمة من ربي .
خولة: قولها قتلك خولة راهو باش اتجئ الأسبوع الجاي ضروري بياني .
أمينة: اه بيان شن تحكي بجديات انت ولا تبصري .
خولة: والله حق وخطبني حاتم صاحب انس وصاحب صدام الله يرحمه.
أمينة: ربي يكملك ع خير وان شاء الله كل شى بي البركة يابنتي.
منى: هاذي اكيد قلبها حن وتكلم في بنتها مها .
في من تكلمي مش قتلك راك تكلميها مها هاذي .
أمينة: من مها هادي حماتك اتصلت باش تعزمك ع بيانها الأسبوع الجاي.
منى:😱🤣🤣🤣 بالله يما قعدا فيك حركات زمان اهيا متع البصارة النادرة .
أمينة: انا العشية ماشية لأختك لو اخته بدير بيان علاش انا نخلي بنتي فرحتها ناقصة .
منى: حسيت بوجعة في قلبي كأنه صدام توا كيف مات معقولة ياخوله انت للي هكي اديري.
سارة: معاش اديري هكي في روحك حرام عليك والله قطعتيلي قلبي كل حي للموت.
منى: هذا خوها تعرفي شن معناها خوها 😭 كيف امه انساته مايستاهلش منهم هكي هوا.
سارة: شوية خلي نرد ع بابا يتصل بيا ونرجعلك .
محمود:اهلا يابنتي كيف حالك اليوم ان شاء الله بخير .
سارة: الحمدلله كيف حالك انت وماما.
محمود: بخير غير مشتاقين لشوفتك تعالي تغدي عندنا تربحي .
سارة: خلاص غدوا يابابا مر عليا.
محمود : خلاص تم تفاهمنا .
سارة: ندعي في خاطري ونقول ان شاء الله أمي ماتفتحش معاي نفس الموضوع .
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية غيبوبة القدر)