رواية امرأة بقلب طفلة الفصل الثاني عشر 12 بقلم أسماء كمال

رواية امرأة بقلب طفلة الفصل الثاني عشر 12 بقلم أسماء كمال

رواية امرأة بقلب طفلة البارت الثاني عشر

رواية امرأة بقلب طفلة الجزء الثاني عشر

رواية امرأة بقلب طفلة الحلقة الثانية عشر

هاجر بصدمة :-
اي اللي انت بتقوله ده رهف لا يمكن تعمل كده
انت واحد كداب لما خطتك فشلت جاي توقع بيني وبين صاحبتي يلا يا عبد الرحمن نمشي من هنا يلا
جاسر :-
انا هاستفاد اي لما اوقع بينك وبين صاحبتك
صدقيني هي دي الحقيقة
عبد الرحمن :-
استني ياهاجر… قول كده اللي حصل بالتفصيل
جاسر :-
بص حضرتك انا لا اعرفها ولا عمري شوفتها في حياتي اساسا انا اعرف رهف صاحبتها وبينا كلام وكده لحد ما في لقيتها مدايقة ولما سألتها مالك
قالتلي في واحدة أنا مدايقة منها ولما بقولها مين دي قالتلي هاجر صاحبتي انا استغربت بقولها ليه مش انتوا اصحاب قالتلي لأ انا بكرهها وبحقد عليها
هي عندها كل حاجة أهل بيحبوها وفلوس كتير
شكلها حلو وشاطرة في دراستها وكل زمايلنا بيحبوها هي وانا لأ هي عندها كل حاجة
انا لازم ادمرها وانا دخلت في حياتك من خلال خطتها هي وبسبب اخر مرة واللي حصل لما حضرتك جيت وهددتني انك هتقتلني لو مبعدتش انا خفت وقولتلها اني ماليش دعوة بالحوارات دي تاني مشكلتها تحلها مع صاحبتها اتخانقت معايا خناقة كبيرة ولما ملقتش فايدة هددتني انها لما تخلص انتقامها منك هتنتقم مني
دي انسانة مريضة ويتخاف منها وانا جيت بلغت تصدقيني بقي او لا دي حاجة ترجعلك
عن اذنكوا
تركهم جاسر ورحل بينما كان عبد الرحمن غاضب بشدة من تلك الحية التي تدعي أنها صديقتها
كانت هاجر مصدومة بشدة لا تعرف ماذا تفعل
لم تصدق ما قاله لاحظ عبد الرحمن صدمتها الشديدة وشرودها فوضع يده علي كتفها
عبد الرحمن :-
هاجر
هاجر بشرود :-
نعم
عبد الرحمن :-
يلا ياحبيبي نمشي
ركبت هاجر السيارة بدون أن تتحدث

عبد الرحمن :-
هاجر …..هاجر
هاجر بانتباه :-
هاه
عبد الرحمن :-
هتعملي اي
هاجر :-
في اي
عبد الرحمن :-
في اللي قاله ده
هاجر بتوهان :-
معرفش انا مش قادرة استوعب اللي هو بيقوله ده اصلا……رهف تعمل كده طب ليه انا عملتلها اي
عبد الرحمن :-
ياحبيبتي مش شرط تكوني عملتي
في ناس كده بتكره ان تشوف اللي قدامها أحسن منها
هاجر :-
انا بجد مصدومة
عبد الرحمن :-
وناوية علي اي
هاجر :-
مش عارفة بجد
بقول اقطع علاقتي بيها نهائي وبرجع اقول لأ اكمل واسايرها واشوف هي ناوية علي اي
عبد الرحمن :-
انتي روحي دلوقتي ارتاحي ومتفكريش في الهري ده كله فضي دماغك وذاكري لامتحاناتك وبعدين نبقي نشوف الحوار ده
توقف عبد الرحمن فاستغربت هاجر ولكن عندما نظرت حولها وجدت نفسها أمام منزلها
عبد الرحمن :-
انا لازم امشي دلوقتي عندي شغل مهم ولازم ارجع الشغل لو فضيت هبقي اكلمك اوك
هاجر :-
اوك
ترجلت هاجر من السيارة ودلفت للمنزل
فاستقبلتها والدتها

ايمان :-
هاجر حمدلله على السلامه يا حبيبتي
هاجر :-
الله يسلمك يامامي
ايمان :-
مالك ياحبيبتي مكشرة ليه الامتحان كان صعب
هاجر :-
لأ يامامي كان حلو وحليت كويس
ايمان :-
طب الحمد لله عندك اي المادة الجاية
هاجر :-
English
ايمان :-
طب يلا ياحبيبتي روحي ارتاحي عشان تعرفي تذاكري
هاجر :-
هروح اخد دش وانام شوية عن اذنك يامامي
ايمان :-
اتفضلي ياحبيبتي
يمني يمني
رحلت هاجر وجاءت يمني من المطبخ
يمني :-
نعم يامامي
ايمان :-
الاكل جهز ولا لسه
يمني :-
خلاص قرب
ايمان :-
طب بقولك اي سيبي الاكل دلوقتي وروحي شوفي اختك مالها
يمني باستغراب :-
هاجر هي جات غريبة مسمعتلهاش صوت يعني
ايمان :-
معرفش شكلها ميطمنش روحي شوفيها مالها
يمني :-
حاضر
اتجهت يمني ناحية الدرج لتري شقيقتها وعندما وصلت لغرفتها وجدت باب الغرفة مفتوح وهاجر تنظر للمرآة بشرود
جلست خلفها علي الفراش لتراها هاجر
يمني :-
الامتحان كان وحش
حركت هاجر رأسها بالنفي
يمني :-
اه فهمت هتنقصي نص درجة
حركت هاجر رأسها بالنفي مجددا
يمني :-
واضح ان الموضوع أكبر من كده
اه فهمت خلاص عبد الرحمن مزعلك صح
حركت هاجر رأسها بالنفي وهذه المرة بدأت البكاء
نهضت يمني وعانقتها بقوة
يمني :-
الله الله انتي بتعيطي مالك ياهاجر في اي

هاجر بدموع :-
رهف
يمني :-
مالها رهف حصلها حاجة
نفت هاجر الحديث مجددا وقالت من بين دموعها :-
جاسر
يمني باستغراب :-
جاسر! مش ده الواد اللي كان مدايقك من فترة
مش قولتيلي انه اختفي؟ ما علينا ماله جاسر
واي علاقة رهف بجاسر انا مش فاهمة حاجة ياهاجر
زاد بكاء هاجر فعانقتها يمني مره أخري وهدأتها قليلا ثم مسحت يمني دموع شقيقتها
يمني :-
اهدي كده ياحبيبتي واحكيلي اي اللي حصل
قصت هاجر ما حدث لشقيقتها
يمني بصدمة :-
معقول ياهاجر اللي انتي بتقوليه ده
هاجر :-
مش قادرة اصدق ازاي
ولا قادرة افهم ليه تعمل كده عايزه توصل لايه بالظبط
يمني :-
وعبد الرحمن كان اي رد فعله
هاجر :-
مش عارفة يا يمني انا حقيقي مصدومة وحاسة نفسي مغفلة أوي
يمني :-
لا ياحبيبتي انتي مش مغفلة ربنا بيقول
بسم الله الرحمن الرحيم
وَمِنَ ٱلنَّاسِ مَن يُعۡجِبُكَ قَوۡلُهُۥ فِي ٱلۡحَيَوٰةِ ٱلدُّنۡيَا وَيُشۡهِدُ ٱللَّهَ عَلَىٰ مَا فِي قَلۡبِهِۦ وَهُوَ أَلَدُّ ٱلۡخِصَامِ
هي يعني اللي خدعتك بكلامها المعسول والمزيف
هاجر :-
عندك حق يا يمني طب اي الحل دلوقتي قوليلي انا مش عارفة اعمل اي
يمني :-
ابعدي عنها تماما واتجنبي اذاها وان اتعرضتلك بالسوء تاني يبقي ساعتها
العين بالعين والسن بالسن والبادي أظلم
هاجر :-
انا هروح انام دلوقتي عايزه ارتاح شوية عشان اقدر افكر واقدر اذاكر
يمني :-
طب لو ماما سألتني لانها خدت بالها انك مكشرة
هاجر :-
قوليلها مهي كده كده هتعرف
يمني :-
طيب تمام اسيبك انا بقى
تركتها يمني ورحلت فتسطحت هاجر علي الفراش لتستريح قليلا
قطعت هاجر كل طرق التواصل مع رهف بدون حتي ان تتحدث معها حاولت رهف فهم ما حدث والتقرب لها من جديد ولكنها فشلت

انتهت هاجر من امتحاناتها ونجحت بتفوق كعادتها وبدأت بالصف الثالث الثانوي
وبعد مرور عدة أشهر وجاء يوم 15/1 الموافق عيد مولد هاجر
استقيظت هاجر مبكرا او بالاحري هي لم تنم فهي غاضبة جدا
خرجت من غرفتها فرأتها شقيقتها
يمني :-
صباح الخير
هاجر :-
صباح النور
يمني :-
مالك ضاربة بوز علي الصبح كده ليه
ده حتى النهاردة عيد ميلادك
هاجر بغيظ :-
مهو ده اللي مجنني
يمني :-
نعم ازاي مش فاهمة
هاجر :-
عبد الرحمن لا كلمني ولا عبرني برسالة حتي
يمني :-
عادي ياهاجر ياحبيبتي ممكن مشغول مانتي عارفة طبيعة شغله
هاجر :-
لا يايمني مش مبرر وبعدين هو كلمني يتطمن عليا بس مقاليش اي حاجة
يمني :-
خلاص بقى ياهاجر عديها متحبيكهاش اوي كده
هاجر :-
لا مش هعديها وهعرف ما اتصرف معاه كويس
يمني :-
اللي تشوفيه
هاجر :-
بقولك اي انا مخنوقة قوي ولو قعدت في البيت هطق ماتروحي تقنعي ماما تسيبني اخرج النهارده
يمني :-
اي الندالة دي انتي بتحطيني في وش المدفع يعني
هاجر :-
بالله عليكي يايمني انا هموت من الغيظ ولو كلمت عبد الرحمن هخرب الدنيا
يمني :-
لا وعلي اي هحاول اخدلك اذن من ماما
هاجر :-
قلبي
يمني :-
استني بس انتي مش عندك دروس النهاردة هتلحقي تطلعي امتي بقي
تركتها هاجر وذهبت لغرفتها بدلت ملابسها
أخذت حقيبتها وتركت المنزل ورحلت
كانت حزينة للغاية فهو لا يتذكر يوم مولدها
انتهت من دروسها وبعدها ذهبت بمفردها لتتمشي قليلا فهي لاتريد العودة للمنزل الأن
ذهبت إلي حديقة جميلة مليئة بالورود والاشجار
عادة هاجر تذهب إلي هذا المكان عندما تكون تريد البقاء بمفردها فهو مكان نقي وهادئ يساعدها علي تحسين مزاجها
ولكن لم تجد الحديقة كذلك في ذلك اليوم
ما أن اقتربت منها حتي سمعت ضجة كبيرة
فشعرت هاجر بالضيق الشديد لانها اليوم فقدت مكانها المفضل
استغربت هاجر فهذه الحديقة لم يسبق لها أن تكون بمثل هذه الضجة ولكن فجأة توقف كل هذا الضجيج وكأنه لم يكن من الأساس

انتاب هاجر الفضول لتدخل وتري ماذا يجري بالداخل
دلفت هاجر لتجد الحديقة مليئة بالانوار والبالونات والزينة ومكتوب بالورود اسمها
صدمت هاجر بشدة نظرت أمامها لتجد عائلتها وعبد الرحمن في المقدمة
أكل هذا من أجلها هي؟!
اكثر مكان تحبه يحتفل بها هي؟!
كانت سعيدة وايضا مصدومة للغاية
هتفوا جميعا في صوت واحد
Happy birthday Hajer
ضحكت هاجر بشدة وركضت إليهم لتعانقهم جميعا
كانت سعيدة للغاية وبدأو يحتفلون بها ويقدمون لها الهدايا شعرت أنها تحلق في السماء من فرط سعادتها
بدأو يأكلون الكعكة ويتحدثون ويمرحون
وقفت هاجر لتتمشي هي وعبد الرحمن
عبد الرحمن :-
مش ملاحظة انك حضنتيهم كلهم وأنا لأ
يعني انا تاعب نفسي وعامل ده كله وفي الاخر تحضنيهم كلهم وانا لأ ماشي ياهاجر
ضحكت هاجر وقالت :-
بس ياعسل بلا احضنك زيهم
عبد الرحمن :-
عموما اعملي حسابك ده اخر عيد ميلاد ليكي في بيت أهلك
هاجر بمزاح :-
هتقتلني ولا اي
عبد الرحمن :-
تصدقي نفسي خليني اطلع منك القديم والجديد
هاجر :-
بذمتك انت من كل عقلك بتقول كده
ده انا اللي المفروض أعمل كده
عبد الرحمن :-
ملحوقة احنا هنروح من بعض فين
هاجر :-
ربنا يستر انا بقول منجبش الات حادة في الجهاز حفاظا على ارواحنا بس

عبد الرحمن :-
عندك حق ملهاش لازمة المسدس هيقوم بالواجب
ضحكت هاجر وشاركها عبد الرحمن وقضوا سهرة جميلة جدا
وبعد مرور شهر
عبد الرحمن :-
قولت لأ يعني لأ ياهاجر مش هتروحي اسكندرية
هاجر :-
ليه بس يا عبد الرحمن
عبد الرحمن :-
مش هبقي قاعد انا هنا وعارف انك قاعدة مع الواد الملزق اللي اسمه اياد ده
هاجر :-
بس كلهم رايحين وانا هقعد فين يعني
عبد الرحمن :-
هتروحي تقعدي مع جدك
هاجر :-
هو هيعملي اي يعني هياكلني
عبد الرحمن :-
اذا كان بنكون كلنا موجودين ومش بيشيل عينه من عليكي وبيفضل يقربلك كده عيني عينك
هاجر :-
بس ده ابن خالي
عبد الرحمن بغضب :-
ابن خالي يقربلك ويتلزق فيكي كده عادي
ماشي ياهاجر اللي يريحك اعملي عايزه تروحي اتفضلي براحتك
هاجر :-
طب هقول لماما اي
عبد الرحمن :-
انتي لو مش عايزه تروحي محدش هيجبرك علي حاجة لكن دي حاجة ترجعلك سلام ياهاجر انا عندي شغل
اغلق عبد الرحمن الهاتف وعاد ليكمل عمله بينما هاجر كانت حائرة بشدة
هاجر :-
هو عنده حق اياد مش ناوي يجيبها لبر معايا
بس انا كمان عايزه اروح
بس عبد الرحمن زعله وحش ومش بيحب حد يكسر كلامه اي الحل
سمعت هاجر طرقات علي باب غرفتها فسمحت للطارق بالدخول فدخلت والدتها
ايمان باستغراب :-
انتي لسه محضرتيش شنطتك
هاجر بتردد :-
مهو ياماما انا مش عايزه اروح بصراحة
ايمان :-
ليه
هاجر :-
حضرتك عارفة المذاكرة والدروس وانا السنة دي مهمة ولازم اركز ولو روحت اسبوع كامل هيضيع مني وهيبوظلي الدنيا
ايمان :-
عشان ياحبيبتي تغيري جو عالاقل
هاجر :-
والله ياماما انا كمان نفسي بس لازم اضغط على نفسي السنة دي

ايمان :-
متأكدة انك مش هتندمي
هاجر :-
ان شاء الله لا يامامي
ايمان :-
خلاص ياحبيبتي اللي يريحك بردو حضري شنطتك وكتبك عشان نوصلك عند جدو قبل ما نسافر
هاجر :-
اوك يامامي تروحوا وتجوا بالسلامة يارب
وفي المساء في فيلا الجد
عبد الرحمن :-
انا قولت اجي اشوفك ياجدي قبل ما اروح البيت
عز :-
يا حبيبي ربنا يباركلي فيك
عبد الرحمن :-
انا هروح البيت بقي واجيلك بكره ان شاء الله
عز :-
مع ألف سلامة ياحبيبي خد بالك وانت سايق
عبد الرحمن :-
حاضر يا جدي
رأي عبد الرحمن نادية وهي تدخل بشنطة بها ملابس وأغراض اخري فسأل جده باستغراب :-
اي ده ياجدي
عز :-
دي اكيد شنطة هاجر اصل ياسر ومراته ويمني رايحين وهاجر هتقعد هنا معايا
ابتسم عبد الرحمن عندما علم بالأمر
عز :-
تعالي ياعبد الرحمن عشان نسلم عليهم
عبد الرحمن :-
يلا ياجدي
خرج عبد الرحمن وعز الدين ليجدوا هاجر تودع أهلها وتبكي بشدة
ياسر :-
خلاص ياحبيبتي احنا مش هنتأخر
عانقت هاجر والدها بشدة وقالت بدموع :-
هتوحشني اوي يابابي
ياسر :-
وانتي كمان ياحبيبتي
عانقت والدتها وشقيقتها وودعتهم

دلفت هاجر للفيلا
عز :-
الفيلا نورت ياهاجر
هاجر :-
بنورك ياجدو
عبد الرحمن :-
هطلبلكوا أكل ناكل سوا وبعدين امشي
هاجر بهمس :-
علي فكرة هتعوضني عشان انا كنت هموت واروح معاهم
عبد الرحمن :-
ان شاء الله بس ربنا يسهل ونتجوز
طلب عبد الرحمن طعام وجلسوا يأكلوا ثلاثتهم ويضحكون معا
عز :-
عبد الرحمن بات هنا معانا الوقت اتأخر
عبد الرحمن :-
والله انا مكسل اقوم اصلا بس لازم اروح
نهض عبد الرحمن ليرحل
رن هاتف هاجر
هاجر بفرحة :-
ده بابا
الو ايوة يابابا
مين معايا….
عبد الرحمن :-
في اي ياهاجر
اخذ عبد الرحمن الهاتف من هاجر
عبد الرحمن :-
الو مين
اييه.. طيب طيب احنا جايين حالا

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية امرأة بقلب طفلة)