رواية امرأة بقلب طفلة الفصل العاشر 10 بقلم أسماء كمال

رواية امرأة بقلب طفلة الفصل العاشر 10 بقلم أسماء كمال

رواية امرأة بقلب طفلة البارت العاشر

رواية امرأة بقلب طفلة الجزء العاشر

رواية امرأة بقلب طفلة الحلقة العاشرة

هاجر بصدمة :-
ماما
ايمان :-
اي مالك اتخضيتي كده ليه
يمني :-
مفيش ياماما احنا مكناش نعرف ان حضرتك هنا بس عشان كده اتفاجأنا
ايمان :-
ماشي يا يمني
ها ياهاجر كملي انا سمعاكي
كنتي بتقولي قالي بحبك يا يمني
مين ده اللي قالك بحبك وانتي طايرة من فرحتك كده
هاجر :-
هاا
لا يا ماما محدش قالي بحبك دي مسرحية
ايمان باستنكار :-
مسرحية!!
هاجر :-
اه اه مسرحية ياماما
اصل انا والبنات اصحابي في المدرسة هنعمل زي مسرحية ترفيهيه كده وانا من ضمن دوري اني اقول الجملتين دول قالي انه بيحبني
فا فكنت بتدرب علي الدور مع يمني يعني
ايمان :-
وهي الشخصية بتاعت المسرحية اسمها يمني بردو
يمني بضحك :-
لا طبعا ياماما هي هاجر بس حبت تعيش الدور كأنه واقع فعشان كده بتكلمني باسمي عادي
هاجر :-
اه مظبوط يامامي
ايمان :-
اممم ماشي بس عموما المسرحية دي مرفوضة
هاجر بحزن مصطنع:-
ليه بس يامامي
ايمان :-
اولا مينفعش تعيشي قصه حب مع واحد غريب حتي وان كان تمثيل ثانيا بقي انتي كان لازم تاخدي رأينا قبل ما تشتركي

في حاجة زي كده ماشي
هاجر :-
اوك يا مامي انا اسفة
ايمان :-
يلا تصبحوا علي خير
يمني :-
مامي حضرتك كنتي عايزه حاجة
ايمان :-
مفيش ياحبيبتي كنت بتطمن عليكوا
تركتهم ايمان وغادرت وبعدما تأكدت يمني من رحيلها ضربت شيقيقتها وقالت :-
انتي مجنونة مسرحية اي وكلام فاضي اي انتي فاكرة ان الكلام ده دخل علي ماما
هاجر :-
يووه بقي يا يمني منا ارتبكت ومعرفتش اتكلم
يمني :-
تقومي تنيلي الدنيا أكتر ما كنتي قولتليها انه عبد الرحمن
هاجر :-
انتي مجنونة لأ طبعا
يمني :-
ليه لأ
هاجر :-
مش عارفة بس مش عايزه حد يعرف دلوقتي
يمني :-
طب المهم انتي قولتليه اي
قولتيله بحبك اوعي تكوني قولتيله
هاجر :-
اقوله اي هو انا عرفت انطق ده انت فضلت متنحة وفاتحة بوقي زي العبيطة
وبعدين ليه بتقوليلي مقولوش اني بحبه
يمني :-
مش عارفة بس مش عايزاكي تباني انك مدلوقة عليه وانك ما صدقتي
ضحكت هاجر بقوة :-
طب منا ماصدقت فعلا
يمني :-
يلا يا مهزأة انا رايحة انام وانتي كمان نامي
هاجر :-
لا انا مش هقدر انام غير لما اتطمن علي عبد الرحمن
يمني :-
ابتدينا بقي يارب ارحمني منها
هاجر :-
يابنتي عنده مأمورية خطيرة
يمني :-
ياحبيبتي مهو شغله كله خطير اقولك خليكي انا رايحة انام تصبحي على خير
هاجر :-
وانتي من اهله
ظلت هاجر مستقيظة لوقت طويل تنتظره رسالة منه لتطمئن عليه ولكن غفت مكانها من شدة التعب
كان عبد الرحمن مشغولا جدا فلقد ذهب للقبض علي شخص من اكبر تجار المخدرات
عبد الرحمن :-
مش عايزين اي غلطة المكان ده ملوش ثغرات كتير عشان نقدر نستخبي فيها او ندخل منها
هنلتزم كلنا بالخطة بشكل دقيق لان أي غلطة صغيرة هنضيع كلنا مفهوم
سامح :-
بس يا عبد الرحمن كده هيغلبوا هما لان يدوب علي بال ما نكسر الباب هيكونوا خدوا حذرهم وبدأو يضربوا نار

خالد :-
متقلقش يا سامح احنا قدرنا نوصل لواحد من اللي معاهم ونخليه في صفنا بمجرد وصولنا قدام المكان هيبدأ يضرب عليهم نار عشان يعجزهم عن انهم ياخدوا اي حركة ونقدر احنا ندخل ونقبض عليهم
حسام :-
تمام يا رجالة توكلنا على الله
—————
استقيظت هاجر في اليوم التالي وهي متعبة فلم تنم جيدا بالامس
نظرت إلي هاتفها فلم تجد رسالة او مكالمة منه
اتصلت به فوجدت هاتفه خارج التغطية
شعرت بالقلق
ذهبت لتصلي وتدعو الله أن ينجيه ثم بدأت تستعد للذهاب إلي المدرسة
ياسر :-
صباح الخير يا حبيبتي ها جاهزة
هاجر :-
اه يابابا جاهزة يلا بينا
ذهبت هاجر مع والدها للمدرسة ومر اليوم بسلام
لم يدايقها جاسر كعادته بل أنها لم تراه مطلقا
وبعد يوم مزدحم عادت هاجر لمنزلها
فتحت الباب فوجدت البيت هادئ للغاية
بحثت عن أسرتها فلم تجد أحدا منهم
قلقت كثيرا
هاجر :-
هو في اي النهارده
اخرجت هاجر هاتفها واتصلت علي والدتها
هاجر :-
ألو ايوة يا مامي انتوا فين
ايمان :-
انتي وصلتي ياحبيبتي
هاجر :-
اه ياماما وصلت حضرتك فين وبابا ويمني معاكي
ايمان :-
متقلقيش ياهاجر كلنا هنا في بيت جدك
شعرت هاجر بانقباض قلبها ولا تدري السبب
هاجر :-
في اي ياماما جدو كويس
ايمان :-
لا يا حبيبتي جدو بخير بس عبد الرحمن
هاجر بقلق :-
ماله عبد الرحمن
ايمان :-
مفيش يا حبيبتي هو كويس
هاجر :-
ماما ماله عبد الرحمن طمنيني بالله عليكي
ايمان :-
كان معاه مأمورية واتصاب بس هو كويس دلوقتي متخافيش
هاجر :-
اييييه طب اقفلي ياماما انا جاية اهو
ايمان :-
هو كويس ياحبيبتي ونايم ملوش لازمه تجي
هاجر :-
ولو ياماما لازم اجي اتطمن عليه
مع السلامة دلوقتي مسافة السكة هكون عندك
أغلقت هاجر الخط وهي قلقة للغاية ركضت لتبدل ملابسها بسرعة ثم أخذت حقيبتها ورحلت
وبعد قليل في فيلا الجد عز الدين سمعوا صوت الجرس فعلمت يمني انها هاجر فركضت لتفتح لها
فتحت ومنعت شقيقتها من الدخول
هاجر :-
اوعي يايمني عايزه اشوفه
يمني بهمس :-
هاجر اهدي هو كويس هو بس اخد طلقة في دراعه وخرجوها بسهولة الحمدلله وهو دلوقتي احسن فاهدي كده واتحكمي في نفسك مش عايزين نلفت نظرهم

هاجر :-
يعني هو بخير متأكده يا يمني
يمني :-
صدقيني هو بخير اهدي كده
يوسف :-
مين يايمني
هاجر :-
دي انا ياعمو
يوسف :-
طب تعالوا واقفين عندكوا ليه
دلفت يمني وتبعتها هاجر
هاجر :-
الف سلامة علي عبد الرحمن ياعمو
يوسف :-
الله يسلمك ياحبيبتي
هاجر :-
سلامته ياتنت الحمدلله انه بخير
آمال :-
تسلمي يارب ياهاجر الحمدلله ربنا نجاه
عز :-
الجرح بسيط الحمدلله متكبروش الموضوع
آمال :-
انا هقوم اعمله اكل هو تعبان ومكانش بينام الفترة الأخيرة دي بسبب المأمورية الزفت دي
ايمان :-
يلا يا آمال وانا جاية معاكي ياحبيبتي
آمال :-
متتعبيش نفسك
يمني :-
ولو ياتنت انا كمان جاية معاكوا
عز :-
وانتي ملكيش دور في العزومة ولا اي يا هاجر
هاجر بضحك :-
لا طبعا ياجدو ازاي انا اللي هطلعله الاكل اوضته
ضحكوا جميعا ثم ذهبن لاعداد الطعام
عز بارتياح :-
الحمدلله يارب علي النعمة اللي احنا فيها
ربنا يديمنا كده بنحب بعض ونخاف علي بعض
ياسر :-
اللهم آمين
عز بحزن :-
وربنا يهديك ياخالد
يوسف :-
ان شاء الله يابابا
بالرغم انها اطمئنت عليه ولكنها مازالت قلقة تريد رؤيته حتي يهدأ قلبها
استقيظ عبد الرحمن من الألم الذي يشعر به
فنادي علي نادية وطلب منها عصير حتي يأخذ أدويته
رآها عز وهي تأخذ العصير من المطبخ

عز :-
لمين العصير ده يا نادية
نادية :-
ده لسي عبد الرحمن
يوسف :-
هو صحي
نادية :-
ايوة يابيه
نهضت هاجر بسرعة وذهبت ناحية نادية
هاجر :-
عنك انتي انا هوديله العصير
أخذت هاجر العصير واتجهت لغرفة عبد الرحمن
طرقت الباب فسمح لها بالدخول
دلفت فابتسم قليلا عندما رآها
احضرت كرسي وجلست بجانب الفراش
هاجر :-
حمد الله على السلامة
عبد الرحمن :-
الله يسلمك
هاجر :-
العصير
عبد الرحمن :-
وحشتيني
هاجر بارتباك :-
هتاخده دلوقتي ولا اي
عبد الرحمن :-
متغيريش الموضوع
هاجر :-
اي ياعبد الرحمن
عبد الرحمن برومانسية :-
ياقلب عبد الرحمن
هاجر باستغراب :-
اي ده في اي انا مش متعودة عليك كده
عبد الرحمن :-
اتعودي ياروحي مفيهاش حاجة
هاجر :-
تعرف تسكت شوية عشان انا طول الليل منمتش وانا هتجنن عليك ودلوقتي قلبي وقع في رجليا لما عرفت الخبر

عبد الرحمن بخبث :-
وقلبك وقع ليه بقي بتحبيني مثلا
هاجر :-
لا عشان ابن عمي بس واخويا
عبد الرحمن :-
اخوكي بردو… ده انا قاعد جوه قلبك ومتربع
هاجر :-
طب اسكت بقي عشان انت تعبان لاحسن اكمل عليك
عبد الرحمن :-
اهون عليك ياجميل
هاجر :-
الله وبعدين بقي
عبد الرحمن :-
وبعدين انتي… طب بلي ريقي بكلمة حلوة حتي يامفترية ده انا بودي بردو
هاجر :-
لا بودي ده كان زمان دلوقتي عبد الرحمن بس
عبد الرحمن :-
هنشوف هنشوف
هاجر :-
طب بطل رغي بقي واشرب العصير
عبد الرحمن :-
عندك حق عشان اخد العلاج
دلفت يمني بصينية الأكل
يمني :-
مينفعش علاج علي معدة فاضية حمد الله على السلامة يابطل
عبد الرحمن بابتسامة :-
الله يسلمك يا يمني
يلا يا جوجو أكليني
يمني بمزاح :-
واضح اني جيت في وقت مش مناسب
هاجر :-
اخرسي انتي كمان
اي يابني في اي مالك
يمني :-
خد بالك اخرسي انا كمان معناها انت كمان تخرس بس مكسوفه تقولها
انا جاية اهدي النفوس بالإذن
ركضت يمني للخارج وهي تمزح
هاجر :-
ماشي ياحقنة جايالك
عبد الرحمن :-
استني هنا رايحة فين انا هاكل لوحدي
هاجر باستغراب :-
اومال عايزني أكلك بجد
عبد الرحمن :-
اومال فاكراني بهزر انا مبعرفش اكل بايدي الشمال واليمين مينفعش احركه دلوقتي
وبعدين يرضيكي ياحبيبتي يعني اني اتعب ويجيلي هبوط من قلة الأكل عشان حبيبتي مش راضية تأكلني وانا تعبان

هاجر :-
بتمسكني من ايدي اللي بتوجعني يعني
عبد الرحمن باستفزاز :-
سلامتك ياروحي انتي سخنة ولا اي انا اللي ايدي بتوجعني مش انتي
هاجر :-
ولااا في اي انت اتضربت في دراعك عقلك راح ولا اي
عبد الرحمن :-
انا لسه عاقل لحد دلوقتي علي فكرة
هاجر :-
طب بطل رغي وكل خلينا نخلص
بدأت هاجر تطمعه ويداها ترتعشان
عبد الرحمن :-
ما تأكليني عدل يابنتي
هاجر :-
صبرني يارب
عبد الرحمن :-
جوجو… جوجو…هاااجر
هاجر :-
يابني انت بتنادي على عيل تايه منا جمبك اهو
عبد الرحمن باستفزاز :-
لا عيلة تايهة
هاجر بغيظ :-
ان شاء الله عنك ما طفحت انا ماشية
ضحك عبد الرحمن بشدة وقال :-
خلاص خلاص اقعدي بس مش هتكلم تاني خلاص
جلست هاجر مرة اخري وقالت بغيظ :-
تاكل وانت ساكت ماشي
عبد الرحمن :-
ماشي
بقولك اي هي يمني تعرف اللي بينا
هاجر :-
اللي بينا… هو احنا في بينا حاجة اصلا
عبد الرحمن :-
هاااجر
هاجر :-
خلاص متتعصبش اوي كده
اه قولتلها امبارح انك بتحبني
عبد الرحمن :-
بس
هاجر :-
بس اي مش فاهمة
عبد الرحمن :-
يعني بس اللي بحبك
هاجر :-
لا مش انت بس بابا وماما وجدو ويمني كلهم بيحبوني وانا كمان بحبني اوي
عبد الرحمن بجدية :-
هااجر بلاش استعباط انتي فاهمة قصدي كويس
بتحبيني ولالا ياهاجر
ارتبكت هاجر بشدة ولم تعرف بماذا تجيبه
دلف الجد للغرفة وتبعه الباقيين
حمدت هاجر ربها لأنها أنقذت من هذا الموقف
عز :-
عامل ايه دلوقتي يا حبيبي
عبد الرحمن :-
بخير ياجدي الحمدلله
استغلت هاجر انشغالهم بالحديث وهربت ولكن رآها عبد الرحمن فشعر بالضيق الشديد لانها تتهرب منه
عندما رآتها يمني استأذنت من أهلها وغادرت لتذهب إليها

يمني :-
هاجر في اي
هاجر :-
مفيش يا يمني
هاجر :-
هتخبي عليا بردو
هاجر :-
مش بخبي بس انا محتارة
يمني :-
طب اي اللي حصل فهميني
هاجر :-
عبد الرحمن مستني مني رد وانا مش عارفة اقوله
اي
يمني :-
تقوليله اي ازاي مادام هو بيحبك قوليله
هاجر :-
اي التناقض ده يايمني
يمني :-
مش تناقض بس شايفاكي محتارة اوي فعايزه اريحك
هاجر :-
مش عارفة اقولها الظاهر إني كتمتها جوايا سنين لدرجة اني مبقتش عارفة انطقها يا يمني
يمني :-
طيب ياحبيبتي متدايقيش نفسك وهي هتجي كده لوحدها اوك
اوك
مرت عدة ايام وبدأ عبد الرحمن يتعافي قليلا ولم يتحدث هو وهاجر كل هذا الوقت
وكانوا الجميع في فيلا الجد طوال هذه الفترة
عز :-
انا بقول نعيش كلنا في الفيلا احسن انا بفرح بلمتكوا حواليا
يمني :-
ومين سمعك ياجدو لما بنتجمع كلنا الدنيا بيبقي ليها طعم تاني
آمال :-
ربنا ما يحرمنا من بعض ابدا يارب
ياسر :-
اللهم امين
لم يكن عبد الرحمن موجود معهم وكانت هاجر تفتقده فلاحظت يمني ذلك فاقتربت منها وهمست في اذنها :-
الواد شكله زعلان منك
هاجر :-
واخد بالي بس مش عارفة اعمل اي
يمني بمزاح :-
خليه يافقر يطفش منك
انقبض قلب هاجر بالرغم انها تعلم أن شقيقتها تمزح ولكنها شعرت أنها قد تخسره مرة اخري بسبب تجاهلها فهي لم تتحدث معه مطلقا ولا حتي لتطمئن عليه
نهضت بسرعة وصعدت للأعلي متجهه لغرفته
طرقت الباب بتردد
عبد الرحمن :-
مين
هاجر :-
هااجر
عبد الرحمن من الداخل :-
تعالي ياهاجر
فتحت هاجر الباب ودلفت للداخل
عبد الرحمن :-
نعم في حاجة ياهاجر
هاجر بارتباك :-
عبد الرحمن انا.. انا
عبد الرحمن :-
خير ياهاجر في اي
هاجر :-
انا يعني
عبد الرحمن :-
خلاص ياهاجر فكك لو جاية عشان تتطمني عليا فانا تمام
هاجر :-
عبد الرحمن انا بحبك

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية امرأة بقلب طفلة)