رواية امرأة بقلب طفلة الفصل التاسع 9 بقلم أسماء كمال

رواية امرأة بقلب طفلة الفصل التاسع 9 بقلم أسماء كمال

رواية امرأة بقلب طفلة البارت التاسع

رواية امرأة بقلب طفلة الجزء التاسع

رواية امرأة بقلب طفلة الحلقة التاسعة

عبد الرحمن :-
هاجر انا مش فاضي للكلام ده وميهمنيش اللي هتقوليه
هاجر باصرار :-
بس انا يهمني انك تسمعني ويهمني انك تعرف الحقيقة
عبد الرحمن :-
هاجر انا ماليش دعوة باللي انتي بتعمليه كل واحد حر في حياته
هاجر :-
ياسيدي اسمعني واخلص من زني وخلاص
عبد الرحمن بنفاذ صبر :-
انجزي خلصيني وهاتي اللي عندك
هاجر :-
انا طلعت الرحلة دي عشان
عبد الرحمن :-
يووه متفتحيش حوار الرحلة دي قولتلك دي حياتك وانا ماليش دعوة بيها
هاجر بغيظ :-
يووه بقي قولتلك اسمعني للاخر وبطل شغل العيال ده
حاول عبد الرحمن كتم ضحكته ولكن افتلت منه ابتسامة صغيرة
عبد الرحمن :-
هاا
هاجر :-
انا عمري ما طلعت رحلات قبل كده ولا حبيت اني اطلعها اصلا بس حرفيا انا الفترة دي مضغوطة جدا جدا ونفسي في اي حاجة تفصلني عن الضغط ده وتخليني ابطل تفكير شوية وفجأة جات قدامي الرحلة دي قولت دي فرصة رغم اني كنت عارفه ان بابا وجدو وكلكوا مش هتوافقوا
بعترف اني كلمتلك بطريقة وحشه يومها لكن جيت واعتذرتلك لكن ازاي البيه غروره يسمحله انه يعدي كده بالساهل وساعتها نمت معيطة ومتنكدة بسببك

عبد الرحمن :-
انا مغرور
هاجر :-
يعني ده كل اللي لفت انتباهك يارب
تاني يوم روحت الرحلة مع المدرسة من ساعة ما ركبنا الباص وفي بني ادم رزل عمال يدايقني ويحاول يتكلم معايا وانا عمري ما شوفته قبل كده وواضح جدا انه اكبر مننا
من اول اليوم وانا بحاول ابعده عني لكن هو كل شوية يقرب ويحاول يتكلم اصده يحاول تاني لحد ما اتخنقت وزهقت سبت الجروب وروحت اتمشي لوحدي وانا مخنوقة ومدايقة جدا
وبعدين حسيت بايد بتغمي عيني
معرفش ليه انا افتكرته انت وقبل ما ابعد ايده او اعمل اي حاجة انت جيت والباقي انت عارف
عبد الرحمن :-
وانا اي عرفني انك بتقول الحقيقة
هاجر بغيظ :-
اولا انا متهمة عند حضرتك يا سيادة الرائد عشان تعاملني بالاسلوب ده
ثانيا بقي انا لا اتربيت علي الكدب ولا بعرف اكدب اصلا
ثالثا وده الأهم انا جيت اقولك عشان انا مبحبش اتفهم غلط واتجاهلت كل الاهانة اللي حضرتك قولتها تصدقني بقي ولا متصدقنيش دي حاجة ترجعلك اوك
عبد الرحمن بابتسامة :-
ومفيش رابعا
هاجر :-
لا مفيش عن اذنك
استدارت هاجر لترحل
عبد الرحمن :-
هاجر
نظرت إليه هاجر مرة أخري
فاكمل عبد الرحمن حديثه
اشمعنا انا اللي كنتي بتفكري فيا
هاجر بارتباك :-
اصل يعني مهو انت
عبد الرحمن بابتسامة :-
طب ولو كنت انا رد فعلك كان هيبقي عامل ازاي
ارتبكت هاجر اكثر فهي لا تجيد الكذب واجابة هذا السؤال ستكشف مشاعرها وهي لا تريد ذلك فقالت بتوتر :-
انا لازم امشي عن اذنك
ركضت سريعا خارج الغرفة فابتسم عبد الرحمن بخبث وقال :-
بقي كده ياست هاجر طيب مااشي
انهي الجميع تجهيز اغراضه ووضعوهم بالسيارات واستعدوا للرحيل ولكن جلسوا ليتناولوا طعامهم مع الجد أولا
اجتمع الجميع علي مائدة الطعام وبدأو يتحدثون ويضحكون كعادتهم

ايمان :-
ربنا يديم لمتنا دي وميحرمناش من بعض يارب
يوسف :-
اللهم امين
آمال :-
ويهديك يا عبد الرحمن وتتجوز بقي خليني افرح بيك
عبد الرحمن بخبث :-
متقلقيش ياست الكل قريب اوي
سعلت هاجر بشدة ونظرت إليه بصدمة
ميرنا :-
اوبااااا ده الوضع اتغير ياجدعان اكييد ده حب
عبد الرحمن :-
اسكتي انتي ياحشرية ملكيش دعوة
ميرنا :-
لأ ماليش دعوة ازاي لازم افهم اكيد ده حب جديد صح
عبد الرحمن :-
بت انتي اسكتي وبطلي رغي
يوسف :-
واضح ان فيه حاجات بتحصل واحنا مش واخدين بالنا منها
آمال :-
المهم انه يتجوز يا يوسف
ميار :-
يعيني عنست يا عبد الرحمن
ضحكوا جميعا بشدة ما عدا هاجر
معتز :-
عقبالي يارب ولا انتي اي رايك ياهاجر
هاجر بتوهان :-
ها بتكلمي يامعتز
معتز :-
ده انتي مش معانا خالص
هاجر :-
معاكوا اهو
معتز :-
يا شيخه واضح من غير ما تقولي
ابتسم عبد الرحمن بخبث فهو فهم سبب شرودها
انتهوا جميعا من الطعام ورحل كل واحد منهم إلي منزله
وفي منزل ياسر بالتحديد غرفة هاجر
هاجر :-
هيتجوز يا يمني هيتجوز
يمني :-
تصدقي بالله انا كرهت عبد الرحمن بسببك كل شوية عياط وحوار جديد كفاية بقي

هاجر :-
ده مش شايفني خالص ولا انا فارقة معاه اصلا
شوفتي فضلت امشي ورا كلامك وفي الاخر بلح
لا في مشاعر من ناحيتي ولا نيلة
يمني :-
ارحمي نفسك بقي انتي مبتتعبيش
هاجر :-
والله تعبت بس مش بايدي يا يمني
يمني :-
نامي ياهاجر بكره عندنا يوم طويل عشان هنتشريلك حاجات المدرسة
هاجر :-
هو شايفني عيله وعمره ما هيحبني
يمني :-
صبرني يارب انا رايحة انام
اما عبد الرحمن فكان مع صديقه يخططان لايجاد طريقة للقبض علي احد المجرمين
سامح :-
احنا لازم نتأكد من المعلومات اللي عندنا دي يا عبد الرحمن قبل ما نعمل اي حاجة
عبد الرحمن :-
متخفش كل حاجة هتمشي زي ما احنا عايزين
بس انت اظبط كده مالك قلقان كده ليه هي دي اول مرة
سامح :-
يا عبد الرحمن بس الراجل ده خطر وانت عارف
عبد الرحمن :-
كلهم خطر يا سامح دول تجار مخدرات
انشف كده
سامح :-
خير ان شاء الله
عبد الرحمن :-
طب اسمع انا رسمت الخطة والورقه دي فيها رسمة للمكان اللي يتم فيه التسليم
مداخله مخارجه والحاجات دي
انت هتدرسه كويس وبعدها هتوزع القوات علي اساسه بس خد بالك كويس ولما تقسمهم هنراجع انا وانت التقسيمة مع سيادة اللواء تمام
سامح :-
تمام انا هقوم امشي بقي
عبد الرحمن :-
ماشي مع السلامة
سامح :-
الله يسلمك
غادر سامح وبقي عبد الرحمن بمفرده
كان يفكر بها وبكل ما حدث معهما بالفترة الأخيرة
عبد الرحمن :-
انا هكلمها وهقولها كل حاجة
وتفتكر هي هترد الرد اللي انت عايزه
بس انا حاسس انها بتحبني
وحتي لو احساسك صح انت بتحبها
او انت قد المسئولية دي
هاجر بريئة ولسه صغيرة مش حمل وجع وقرف الحب ده
لازم قبل ما تعمل اي حاجة تكون قد اللي انت هتعمله
متعلقش البنت بيك وخلاص
انت لازم تبعد يا عبد الرحمن
متكونش اناني بتفكر في نفسك وبس
فكر فيها في ردها في مشاعرها في دراستها
انت لازم تبعد وتنساها هاجر بالذات مينفعش تجرحها
قرر عبد الرحمن الابتعاد وتجنب رؤية هاجر او التحدث معها
بعد مرور أسبوع عادت هاجر للمدرسة وانشغلت قليلا ولكن كان هناك ما يزعجها
تلك الجاسر الذي يلحقها أينما ذهبت
وعبد الرحمن وابتعاده الكامل عنها

تأكدت انه لا يحبها وهو بالطبع الأن مشغول مع حبيبته الجديدة الذي سيتزوجها قريبا ليطعن هاجر في قلبها مرة أخري
مرت ايام وهاجر لم تعرف شيء عن عبد الرحمن
في قسم مكافحة المخدرات
جاء موعد القبض علي العصابة
سامح :-
النهارده لا في مرواح ولا في نوم يارجاله
خالد :-
ياراجل مأمورية وتخلص المهم اننا نرجع بالسلامة
حسام :-
اي يا عبد الرحمن مش مركز معانا أنت
عبد الرحمن :-
خير ياشباب في حاجة ولا اي
حسام :-
ده انت مش معانا خاالص
عبد الرحمن :-
انا ماشي
خالد بصدمة :-
ماشي رايح فين انت مجنون والمأمورية
عبد الرحمن :-
المأمورية لسه بالليل
حسام :-
عندنا اجتماع مع اللواء سليم والمفروض اننا بنجهز بدري احنا والقوات ونراجع الخطة
مانت سيد العارفين ياعم عبد الرحمن
عبد الرحمن :-
معايا مشوار مهم هخلصه واجي
سامح :-
ولما اللواء سليم يجي ويسأل عليك
عبد الرحمن وهو يأخذ مفاتيحه :-
اتصرف يا سامح انا مش هتأخر هاجي علي طول
تركهم عبد الرحمن وغادر
حسام :-
عبد الرحمن عبد الرحمن استني ولااا خد هنا
خالد :-
انسي خلع
سامح :-
مش عارف ماله اليومين دول مش مظبط كده
حسام :-
عندك حق ياسامح انا كمان ملاحظ كده
خالد :-
يمكن مشاكل شخصية ياجدعان
سامح :-
ماشي مقولناش حاجة بس في شغلنا ده عايزين نركن المشاعر علي جنب
حسام :-
لما يجي نبقي نشوف اي الدنيا خلينا نركز دلوقتي في الشغل
خالد :-
عندك حق
كان عبد الرحمن يشتاق إليها كثيرا فهو لا يفكر إلا بها أراد رؤيتها بشدة
امسك هاتفه واتصل بيمني

عبد الرحمن :-
الو يمني ازيك
يمني :-
تمام ياعبد الرحمن انت عامل اي
عبد الرحمن :-
انا تمام يا يمني فين هاجر
يمني :-
هاجر معاها درس دلوقتي المفروض يخلص كمان ربع ساعة
عبد الرحمن :-
طب اديني عنوان السنتر يايمني
يمني باستغراب :-
في اي يا عبد الرحمن
عبد الرحمن :-
بعدين يا يمني هقولك بس اديني العنوان دلوقتي انا مستعجل ولازم ارجع الشغل بسرعة
يمني :-
ماشي هبعتلك اللوكيشن علي طول
عبد الرحمن :-
اوك يا يمني سلام
أغلقت يمني الهاتف وارسلت له الموقع
تنهدت يمني وقالت بحيرة :-
والله انا ما بقيت فاهمة حاجة
انت بتحبها ولا اي بالظبط
————–
كانت هاجر تخرج مع رهف وبعض اصدقائها من السنتر فوجدته أمامها فتنهدت بضيق
فرآها فقال بابتسامة :-
هجوورة
لم تعيره هاجر اهتمام وكادت أن ترحل
جاسر :-
عيب ياقلبي لما تسيبني وتمشي وانا بكلمك
هاجر بغضب :-
بقولك اي ابعد عني احسنلك بدل ما اوديك في ستين داهية
_هااااااجر
ارتجفت هاجر عندما سمعت صوته فهي تعلم هذا الصوت جيدا فهو بالتأكيد سيجن جنونه الأن
وبالرغم من خوفها منه ولكنها كانت تشعر بسعادة في داخلها فلقد اشتاقت إليه
شعرت هاجر باقدامه تقترب ثم ابعدها وامسك جاسر من تلابيب ملابسه
عبد الرحمن بغضب :-
الواضح انك مبتجيش بالادب ياحلو
جاسر :-
ابعد عني ياجدع انت
هاجر استني
وصل غضب عبد الرحمن لذروته فأخرج المسدس من جيبه ووجهه تجاه جاسر الذي كان الذعر باديا علي وجهه بشدة وشهقت هاجر بصدمة
وركضت نحوه وأمسكت يده
هاجر :-
عبد الرحمن انت مجنون نزل اللي فايدك ده وسيبك منه
قال عبد الرحمن وهو يمسك بالمفتاح ويوجهه ناحيتها :-
عالعربية ياهاجر

هاجر :-
عبد الرحمن عشان خاطري اسمعني فكك منه ونزل المسدس ده
عبد الرحمن بحدة :-
سمعتي انا قولت اي… عالعربية بقولك
أخذت هاجر المفاتيح وذهبت إلي السيارة وهي ترتجف فهي تعلم أن عبد الرحمن متهور قليلا
لقد أخطأ جاسر بحقها ولكن لا يصل الأمر إلي القتل
عبد الرحمن بصوت مخيف يحمل في طياته التهديد :-
اسمع يالا انا فوت مرة والمرة دي كمان هفوتها
لكن المرة الجاية هفرغ المسدس ده في دماغك
فاهدي كده ياشاطر واعرف كويس ان اللي بيقرب من حاجة تخص عبد الرحمن البدري بيندم وافتكر الاسم ده كويس
ثم ضربه بيده ورحل إلي السيارة فوجد هاجر تبكي بشدة
عبد الرحمن :-
مكنتش أعرف انه يهمك اوي كده عموما متخافيش ياستي هو لسه عايش
انفجرت هاجر غاضبة :-
انت اي ياخي جاي الدنيا دي عشان تعصبني وتتعبني معاك
فاكر اني بعيط عشانه
انا كنت بعيط عشان خايفة تتهور وتودي نفسك في داهية بسبب عيل تافه
وافرض بعيط عشانه وافرض بحبه يسيدي انت مالك بيا مهو انت اهو اتجوزت وهتتجوز تاني
انا اعترضت ولا اتكلمت
سبني بقي في حالي ياعبد الرحمن كفاية انا تعبت
عبد الرحمن بغضب :-
تحبيه اي انتي مجنونة… هاجر متطلعيش جناني عليكي
هاجر :-
اعمل اللي انت عايزه يا عبد الرحمن… انت جاي ليه اصلا… جاي عشان تتخانق وتجر شكلي وخلاص
عبد الرحمن :-
وحضرتك يعني عاجبك اللي بيتغزل فيكي في الرايحة والجاية مبسوطة بده يعني
هاجر :-
يوووه انا نازلة
حاولت هاجر فتح الباب ولكن عبد الرحمن سبقها وأغلق الابواب إلكترونيا
هاجر بغيظ :-
انت جايبني عشان تحبسني هنا افتح الباب يا عبد الرحمن
عبد الرحمن :-
لما اقول اللي عندي الأول

هاجر :-
مش فاضية
عبد الرحمن :-
ليه الهانم وراها اي
هاجر :-
اووف
عبد الرحمن :-
انجزي عشان انا عندي مأمورية مهمة ومستعجل
هاجر بضيق :-
هاا
عبد الرحمن :-
بصي بما اني معنديش اخوات بنات فقررت اخد رايك انتي بخصوص موضوع جوازي
لاحظ عبد الرحمن انها تحاول اخفاء غضبها وغيرتها
هاجر بغيظ :-
خير
عبد الرحمن :-
انا بحبها
بحبها من زمان اوي بس مكنتش واخد بالي
كنت فاكراها اختي بس حتي لما اتجوزت ريهام مغابتش عن بالي لحظة ديما بفكر فيها
وريهام لاحظت كده وكانت بتغير منها
معرفتش اني بحبها غير قريب لما قدرت افسر مشاعري بطريقه صح
انا بحبها ياهاجر بس للاسف هي متعرفش
وانا مش عارف اعمل اي
نظرت هاجر للجهة الاخري لتمسح دموعها بدون أن يراها
هاجر بحزن حاولت اخفائه :-
قولها يا عبد الرحمن
عبد الرحمن :-
انتي شايفة كده
هاجر :-
اه
عبد الرحمن :-
طيب تمام
هاجر.. بصيلي باصة بعيد ليه
نظرت إليه هاجر واخفضت بصرها أرضا
عبد الرحمن :-
هااجر انا بحبك
صدمت هاجر بشدة ونظرت إليه وعينيها تكادان تخرجان من مكانهما من شدة الصدمة
هاجر بتوهان :-
انت بتقول اي انا بقولك روح قولها هي لحبيبتك
عبد الرحمن بابتسامة :-
منا بقولها اهو
بحبك ياهاجر
بحبك من زمان من وقت ما كنتي طفلة يمكن الكل واخد باله انك انتي بالذات بعاملك غير الكل
لكن مكنتش عارف افسر مشاعري صح
لما اتجوزت ريهام مكنتش بفكر غير فيكي
وديما لا اراديا كنت بقارن بينكم
انا بحبك ياهاجر بحبك اوي
لم تجيب هاجر فهي مازالت تحت تأثير الصدمة
عبد الرحمن :-
طب اي هتفضلي متنحة وفاتحة بوقك كده كتير
هااااجر
هاجر بانتباه :-
نعم
عبد الرحمن بابتسامة :-
بحبك
هاجر :-
عبد الرحمن انت بتقول اي… انت بتهزر صح
عبد الرحمن :-
لا ياهاجر انا مبهزرش انا بتكلم بجد انا بحبك
مكنتش عايز اعترفلك بده مش عايز اظلمك معايا ياهاجر انتي لسه صغيرة بس مقدرتش

هاجر :-
انا
قاطعها عبد الرحمن :-
انا مش عايز رد دلوقتي ياهاجر انا عايزك بس تعرفي بس إني بحبك
هاجر بابتسامة :-
ماشي
هاجر :-
انت بتتكلم جد يعني انت بتحبني فعلا
انا مش فاهمة حاجة
ضحك عبد الرحمن بشدة :-
انا معنديش وقت الصراحة افهمك دلوقتي عشان انا لازم ارجع الشغل حالا طالعين مأمورية صعبة بالليل
هاجر بخوف :-
خد بالك من نفسك
عبد الرحمن :-
متخافيش عليا
بس اسمعي المنظر اللي شوفته النهاردة لو حصل متلومنيش عي ردة فعلي
ولو شوفتك واقفة مع واحد مش عارف ممكن اعمل فيكي اي فااهمة
هاجر :-
حاضر حاضر انا هنزل دلوقتي اروح وانت روح شغلك وحاول تطمني عليك
عبد الرحمن :-
هوصلك
هاجر :-
لالا عشان متتأخرش
عبد الرحمن :-
ماشي يا حبيبتي
انا مضطر فعلا اني امشي بس لما ارجع هنبقي نتكلم ماشي
هاجر :-
خد بالك من نفسك يا عبد الرحمن
فتح لها عبد الرحمن السيارة وأمسك يدها قبل أن تخرج
عبد الرحمن :-
هاجر
هاجر :-
نعم
عبد الرحمن :-
خدي بالك من نفسك لحد ما ارجعلك
هاجر بابتسامة :-
متتأخرش عليا
غادرت هاجر وعاد عبد الرحمن إلي عمله
————–

جاسر بغضب :-
بقولك اي فكك بقي من الحوار ده
رهف :-
يا جاسر اسمعني بس لازم نكمل اللي بدأناه
جاسر :-
انتي مجنونة نكمل اي مشوفتيش اللي حصل
ده كان ثانية وهياخد روحي
رهف :-
ميقدرش يا جاسر صدقني انت بس جمد قلبك وطاوعني
جاسر :-
بقولك اي لا اطاوعك ولا تطاوعيني
صاحبتك ياستي واتصرفوا مع بعض انا ماليش دعوة بالحوار ده فاهمة
رهف :-
مش انا حبيبتك المفروض تساعدني
لم يبالي جاسر بأمرها وتركها ورحل
رهف :-
جااسر جااسر استني انا بكلمك
————
عادت هاجر للمنزل وهي في غاية السعادة
ودلفت غرفتها وهي تغني بسعادة
هاجر :-
واخيرا قالهااا قال احبك قالهااا
يمني.. يمني يمناااااااااه
جاءت يمني بسرعة
يمني :-
اي في اي
هاجر :-
انا مبسوطة يا يمني لا انا هطير من السعادة
يمني :-
سبحان مغير الاحوال
طب احكيلي بس اي اللي حصل
هاجر بهيام :-
عبد الرحمن
يمني :-
ماله
هاجر :-
بيحبني
يمني بصدمة :-
بجددد
هاجر :-
اه طلع عندك حق يا منمن ياحلو انت طلع بيحبني بجد يا يمني
يمني :-
طب حاسبي ياست صغيرة عالحب الفراشات ملت الاوضة
هاجر :-
انا مبسوطة يا يمني مبسوطة اوي
مش قادرة اصدق نفسي لحد دلوقتي يا يمني
مش قادرة اصدق انه قالهالي
قالي بحبك يا يمني قال بحبك
_هو مين ده اللي قالك بحبك

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية امرأة بقلب طفلة)