رواية قمر مشوه الفصل التاسع عشر 19 بقلم اية عطية
رواية قمر مشوه الفصل التاسع عشر 19 بقلم اية عطية
رواية قمر مشوه البارت التاسع عشر
رواية قمر مشوه الجزء التاسع عشر
رواية قمر مشوه الحلقة التاسعة عشر
مالك/السلام عليكم
رئيس الجامعه/و عليكم السلام مالك اهلا و سهلا اتفضل
دخل مالك و جلس بالمقعد المقابل للمكتب
و كان الجميع بالغرفه يحيى و الثلاثه الذين دخلوا عليه أثناء مشاجرته مع قمر
مالك/ازي حضرتك يا هشام بيه
هشام بيه/ازيك انت يا مالك عامل ايه
مالك/تمام الحمد لله
ادم/انت بتعمل ايه هنا يا مالك
و قبل أن يتحدث استمع الي صوت
نيلي/مالك
التفت مالك الي مصدر الصوت في ركن بعيد قليلا كانت قمر تجلس علي الاريكه و بالقرب منها شهد و نيلي
قام باتجاهها و هي أيضا اقتربت منهم
مالك/في ايه …… ايه اللي حصل
نيلي/الاستاذ دا شتمنا و اتريق علي قمر و مد أيده عليها
نظر لها مالك وجدها تبكي بشده و أمعن النظر في وجه قمر وجده متورم قليلا و دماء بسيطه مازالت تسيل من أنفها و بجانب فمها
استدار مالك باتجاه يحيى
مالك/ انت اللي عاملت فيها كدا
ادم/اهدي كدا يا مالك
مالك/اهدي ايه و زفت ايه ازاي يعني يمد أيده عليها و كمان بيتريق عليها ليه غلطت هي في ايه
نيلي/هي مغلطتش في أي حاجه و هو اللي من ساعه ما دخل و هو بيغلط
وبدأت تقص عليه كل ما حدث من البدايه
استشاط مالك منه اكثر عندما أنه علق علي شكلها
مالك/انت اتجنيت انا هوديك في داهيه
ادم/اهدي بس يا مالك
هشام بيه/استني يا مالك
مالك/استني ايه
هشام بيه/من قبل ما انت تيجي و انا أساسا كنت هتخذ ضده إجراء شديد لانها مش اول شكوي ليه
مالك/و انا مش قابل اي إجراء
هشام بيه/ايه اللي يرضيك
مالك/يترفض من الجامعه
يحيى/نعاااااام
هشام بيه/كل اللي انت عايزه هيتنفذ
يحيى/اللي هو ازاي يعني
هشام بيه/انا خلاص اخدت القرار اتفضل و احمد ربنا اني مبلغتش علي كل اللي انت عاملته دي مش اول مره و كل مره بحلها ودي آخر مرة لك اتفضل برا
يحيى /انا اترفد من شغلي علشان دي
هشام بيه/لا مش علشان دي علشان المشاكل اللي بتعملها
يحيى/و الله انا ما هسيب حقي
و خرج من المكتب هو بعض الأشخاص الذين كانو متواجدين
و تبقي بالداخل ادم و مالك و نيلي و قمر و شهد
مالك و هو ينظر الي قمر
مالك/خلاص يا قمر متعيطيش اخدنا حقك
قمر /شكرا جدا ليك
مالك/متشكرنيش علي حاجه ياقمر
شهد/يلا يا قمر
انتبه لها مالك و قد تعرف عليها علي الفور و هي أيضا قد تعرفت عليه
مالك/مش انتي بنت استاذ اسماعيل
شهد بتوتر /ايوة انا
طب ممكن كلمه علي جمب
شهد/نعم
مالك/مالك خوفتي ليه كدا عايز بس اسالك علي حاجه
شهد /ماشي
تقدم مالك و خلفه ادم بعد أن شكروا رئيس الجامعه و خرج من الغرفه و من خلفهم شهد و نيلي و قمر
انحنت قمر باتجاه شهد
قمر /انتي تعرفي مالك منين
شهد /هقولك بعدين
نيلي/في ايه يا بنات
شهد/مفيش….. يلا
و ذهبو خلف ادم و مالك
ادم/تعالو نقعد في الكافتريه شويه
مالك/ايوه تعالو يلا
و عندما وصلو جلسة جميعا و استأذن مالك
مالك/بعد اذنك انسه شهد
شهد /ايوة
مالك/اتفضلي
و اخذها و ذهب بعيد قليلا عن الجميع
مالك/معلشي كنت عايز اعرف منك حاجه
شهد/حاجه ايه
مالك/انا كنت شوفت بنت معاكي من سنتين و زياده في كافيه(….) و كانت في خناقه معاكم و انا سلمتها و اخدتكم و صلتكم ل(…..) اللي هو طلع بعد كدا عنوان مزيف و من اسبوعين كدا شوفتها في اسكندريه و برده كانت في خناقه و جيه ولدك أحدها و مشي و انا خرجت مشيت وراه و فضلت مستني تحت البيت و تاني يوم الصبح لقيت ولدك نازل و معاه شنط و انتم وراها و نزلتم علي القاهره و انا وراكم و عرفت عنوانكم و لما جيت ملقتش البنت اللي بدور عليها و لما سالت ولدك قالي……..
قطعته شهد
شهد / ايوة انا سمعت كل كلمه بابا قالها و عايزه اقولك أن هي بنت كويسه جدا مش زي ما بابا فهمك
مالك/طب هي فين
شهد/انا اسفه مش هقدر اقولك
مالك/ليه متخفيش عليها و الله انا هحافظ عليها
شهد/انا اسفه
مالك/طب ممكن اعرف ليه
شهد/علشان هي مش عايزه حد يعرف هيا فين
مالك/انا مش فاهم حاجه خالص
شهد/كل اللي اقدر اعمله لك اني اقولها انك عايز تعرف هي فين و أن وافقت اوعدك هعرفك علي طول
مالك/طب بس خاليني اشوفها مره واحده بس
شهد/هحاول
مالك/ماشي و انا مستني
شهد/طب بعد اذنك بقه
و ذهبت إليهم و استاذنت من قمر و أنها تعود إلي منزلها و ذهبت سريعا
اما مالك اخذ نيلي و قمر و عاد إلي المنزل
و ترك ادم شارد في تلك التي سحرته من اول نظره هي الأخري
🌿🌿🌿🌿🌿🌿🌿🌿🌿
في منزل السيوفي
كان يجلس بالحديقة وفاء و معها كارم
عاد مالك هبط الجميع و ذهبت قمر سريعا الي غرفتها دون حديث آخر فهي مازالت تبكي علي ماحدث
اتجهت نيلي نحو وفاء و كارم
كارم/في ايه رجعكم بدري و قمر مالها
مالك/مفيش يا جدو
وفاء/مفيش ازاي و انتم شكلكم باين عليه
نيلي/اصل….
و بدات تقص علي وفاء و كارم ماحدث
وفاء/يا حبيبتي منه لله
كارم/كويس أنه انطرد و الا انا كان ليا تصرف تاني معاه
مالك/الحمد لله عدت علي خير يا جدو
كارم/الحمد لله
وفاء/طب بعد اذنك يا عمي هقوم اشوف قمر
كارم/قومي و خدى نيلي معاكي
و بالفعل ذهبت نيلي و وفاء الي قمر التي وجدوها تبكي بشده في أحضان امينه
امينه/بس يا بنتي لو تقوليلي مالك و ايه اللي حصل
ظلت قمر تبكي و لم تتحدث
فطرقت الباب وفاء
امينه/ادخل
دخلت وفاء قامت امينه من مكانها بجانب قمر
امينه/اتفضلي يا وفاء هانم
وفاء/انتي لسه بتعيطي يا قمر
امينه/هي مالها يا ست وفاء
قصت عليها وفاء بالمختصر الشديد ما حدث و ذهبت باتجاه قمر و جلست بجانبها و اخذتها في أحضانها
وفاء/خلاص يا قمر كفايه عياط
و بعدين انتي ليه تعيطي و انتي حقك جيه كامل و بكرا الكل يعرف اللي حصل و انك مش قليله و أن ليكي ضهر و اهل و محدش هيقدر يبوصلك حتي بعينه
قمر /انا خلاص مش رايحه تاني
ابعدتها وفاء عن احضانها
وفاء/ايه اللي انتي بتقوليه دا انتي اتجننتي
قمر/ لا متجننتش بس نسيت….نسيت وسطكم من معاملتكم ليا الطيبه أني مشوهة و معرفش اعيش وسط الناس و لما حاولت اعيش بطبيعتي الناس طمعت فيا
وفاء/يعني ايه تعيشي بطبيعتك
قمر/قصدي اني مش………
وفاء/مش ايه
قمر /مش طبيعيه
وفاء/مين قال كدا انتي طبيعيه و احسن من ناس كتير و هتبقي حاجه كبيره انا واثقه من دا
قمر/و ايه مخلي حضرتك واثقه فيا قوي كدا إذا كان انا نفسي مش واثقه في نفسي كدا
وفاء/علشان انتي بتتحدي كل حاجه برغم كل اللي حصلك و انتي مكمله
قمر /لحد امتي هفضل كدا انا تعبت و نفسي ارتاح
وفاء/ان شاء الله هترتاحي و كل حاجه هتمر نامي انتي و ارتاحي دلوقت
و خرجت وفاء و امينه و نيلي التي كانت تبكي عليها و علي ما وصلت إليه
وفاء/شوفي وراكي ايه يا امينه و سبيها ترتاح
امينه/حاضر
وذهبت لإنهاء أعمالها من تنظيف
وفاء/و انتي مالك في ايه
نيلي و هي تبكي/مفيش يا خالتو بس قمر صعبانه عليا قوي
وفاء/ربنا معاها و يريح بالها
نيلي/يارب
وفاء/اطلعي انتي كمان ترتاحي شويه علي ما يجي ميعاد الغدا
نيلي/حاضر بعد اذنك
و صعدت نيلي و تركت وفاء كما هي
و بعد قليل عاد مصطفي من العمل وجد مالك و كارم بالحديقة
مصطفي/السلام عليكم
مالك و كارم/و عليكم السلام
مصطفي/انتي ايه مشاك بدرى
مالك/كان في مشكله مع نيلي و قمر في الكليه حلتها و جبتهم و جيت علي هنا
مصطفي/خير
مالك/لا دا كان سوء تفاهم و اتحل
مصطفي/طب الحمد لله
مالك/طب بعد اذنكم هطلع اخد شاور و اغير هدومي
مصطفي/اتفضل
بعد ذهاب مالك
كارم/ها يا مصطفي مفيش جديد
مصطفي /لا ابدا كان الأرض انشقت و بلعتها
كارم/ان شاء الله هنلاقيها ادفع اي فلوس زود ناس اكتر تدور عليها
مصطفي/حاضر انا مش مستني و الله يا بابا انا زودت ناس اكتر حتي……
كارم/حتي ايه يا مصطفي
مصطفي/انا ازاي نسيت
كارم/نسيت ايه
مصطفي/نسيت الناس اللي كانو جيران اختي
كارم/مالهم
مصطفي/بنتهم صاحبه بنت اختي و كان معها رقمها بس من سوء الحظ أن لم روحت كان تليفونها انكسر و ممعهاش أي ارقام بس ممكن يكون عرفو حاجه عنها
و قام وقف و جاء حتي يذهب
كارم/استني انت رايح فين
مصطفي/رايحلهم يمكن وصلولها
كارم/دلوقت
مصطفي /ايوة و فيها ايه
كارم/انت قولت هما فين
مصطفي/في (…….)
كارم/يعني عقبال ما توصل يكون الوقت اتاخر
مصطفي /و ايه يعني
كارم/معلشي استني للصبح
مصطفي/لسه هنستنا للصبح
كارم/مجتش من يوم ما احنا بقالنا سنين و احنا بندورة و مستنين
مصطفي/حاضر يا بابا
🌿🌿🌿🌿🌿🌿🌿🌿🌿
في غرفه نيلي كانت و مازالت تبكي بشده ليس علي قمر تلك المره بل علي حالها
ظلت تتذكر حديث والدتها لها كيف لام أن تطلب من ابنتها أن تسلم نفسها بهذه السهولة كيف تطلب منها أن تخدع من حولها
ظلت تبكي و هي تتذكر كيف كانت معاملتها لها و هي تقسو عليها
فلا أحد في هذه الحياه مرتاح و سعيد الجميع يتالم و لكن باختلاف الأسباب
فا هي تتالم من قسوه والدتها عليها و أنها لم تسأل عليها من يوم ما ذهبت
و قمر تتالم من فقدان والدتها و لم تجدها بجانبها في أشد أوقاتها
اما وفاء فتتالم علي فراق ابنتها التي لم تحتضنها
و مالك يتالم علي فقدان حبيبته
اما كارم و مصطفي فا يتالم كلا منهم من شيء لم يكن معلوم بالنسبه لها
ظلت تدعي الله بأن يرح قلوبهم جميعا و يصلح شأنها و يهدي حالها
🌿🌿🌿🌿🌿🌿🌿🌿🌿
اما عن قمر ظلت تتذكر الماضي و تحدث نفسها(يا تري يا ماما انتي كنتي صح و لا غلط انا مش عارفه في الحالتين انا بيحصلي مشاكل مش عارفه اعمل ايه افضل زي ما انا و لا ارجع و لا اعمل ايه و لا ادور علي أهلي اللي انا معرفهمش)
و اخذت تتذكر ماذا حدث لها
فلاش باااااااااااك
بعد موت والدها و ذهابهم الي القاهره
عفاف/تعالي معايا يا قمر
قمر/علي فين يا ماما
عفاف/هنروح مشوار صغير
قمر/حاضر
عفاف/و خدي حطي الطرحه دي علي وشك
قمر /ايه علي وشي ليه
عفاف/اسمعي الكلام
قمر /حاضر و اخذتها و ذهبت بها نحو أحد الأشخاص الذين يقومون بعمل الماسكات التي تستخدم في الأفلام أو الالعاب و جلسة بانتظار هذا الشخص
قمر /احنا بنعمل ايه هنا يا ماما
عفاف/استني و تعرفي كل حاجه
قمر /لا مش هستنا انا عايزه اعرف في ايه
عفاف/احنا هنا علشان هنعملك ماسك
قمر /ماسك ايه
عفاف/ماسك يغير ملامح
قمر /نعااااااااااام
عفاف/انتي صوتك بيعلي
قمر /اسفه يا ماما مش قصدي بس ليه يا ماما
عفاف/علشان انتي ماشاء الله عليكي قمر و جميله و الكل هيطمع فيكي و احنا ولايه لوحدنا و ملناش ضهر و لا سند
قمر /و المسك دا هو اللي هيحميني
عفاف/ايوة
قمر /ازاي يعني
عفاف/استني و انتي هتعرفي
قمر /حاضر
و بعد قليلا جاء الشخص المسؤول عن عمل الماسكات
عفاف/ازيك يا خالد
خالد/ازيك يا ست عفاف
ثم نظر إلي ابنتها
خالد/دي بنتك
عفاف/ايوة
خالد /عندك حق تخافي عليها
عفاف/شوفت بقه
خالد/طب تعالو ورايا
ودخل الي غرفه جانبيه فيها ادوات لعمل الماسكات
خالد/تعالي اقعدي هنا يا……..
قمر /قمر اسمي قمر
خالد/ما شاء الله قمر و انتي قمر
قمر/بتقول ايه
خالد/لا مش بقول حاجه
عفاف/يلا يا خالد
و بدأ خالد في عمل الماسك علي وجهها و هي مستسلمه
و بعد الانتهاء
خالد/خاليكي زي ما انتي ربع ساعه بس لحد ما ينشف
قمر /حاضر
و بعد مرور الوقت
خالد/كدا خلاص الماسك نشف
قمر /ممكن ابص في المرايه
خالد/ايه
قمر /مرايه
نظر إلي عفاف
عفاف/في البيت ابقي شوفي يا قمر
قمر /لا انا عايزه اشوف قبل ما امشي علشان لو ماعجبنيش اغيره
عفاف/تغيري ايه هو كدا خلاص
قمر/يعني ايه خلاص افرضي وحش
عفاف/امال يعني هعملك حاجه حلوة
قمر /ماما انا عايزه مرايه مش همشي من هنا غير لما اشوف
عفاف/خالد هات لها مرايه
نادا خالد علي أحد من الخارج ليجلب له مرايه
خالد/طب خدي دا
قمر /ايه دا
خالد/دا لزق الماسك علشان مع الوقت ممكن يفك من الأطراف تقومي تلزقيه تاني و لو حبيتي تشليه شويه ترجعي تلزقيه تاني و متخفيش اللزق دا امن جدا علي البشره
قمر /ماشي
و جاء الرجل الذي معه المراه
الرجل/اتفضل يا خالد
و اعطي مالك المراه لقمر
و اخذتها قمر و نظرت فيها
قمر/………….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية قمر مشوه)