رواية عائلة بالإكراه الفصل الثاني والعشرون 22 بقلم سلمى بسيوني
رواية عائلة بالإكراه الفصل الثاني والعشرون 22 بقلم سلمى بسيوني
رواية عائلة بالإكراه البارت الثاني والعشرون
رواية عائلة بالإكراه الجزء الثاني والعشرون
رواية عائلة بالإكراه الحلقة الثانية والعشرون
وصلت للباب بتحاول تفتحه ببتفتحش بتحاول بكل قوه لسه فيها وايديها بتترعش وتصرخ : يا اسرااااااء ..يا اسراء الحقيني يا اسراااااء
اسراء كانت بتدور في الجنينه وهي بتنده على اسلام حست بسائل غريب قربت للأرض لمست السائل دا ولان مفيش نور مشافتش لونه قربته من أنفها تشمه واتسمرت مكانها اول ما عرفت انه دم الدم دا بيعمل اي هنا
_ اسلااام …اسلاام انت فين
فجأه سمعت صوت حنان بتناديها وتستنجد بيها جسمها كله اترعش من نبرتها وطلعت تجري على فوق تدور عليها في الاوض لغايه ما وصلت الاوضه بتحاول تفتح من برا مش عايز يفتح زحنان بتعيط وتصرخ جوا
يونس جري وجابها من شعرها وضربها كتير وقعها على الارض بيقرب عليها واحده واحده وهو بيفك ازرار قميصه
بصتله برعب : لا …لا بالله عليك ما تعمل فيا كدا ..ابعد عني ارجوك ..(صرخت بهستيريا وهي بتبعد بتزحف لورا وهو بيتقدم ناحيتها ) يا اسرااااء الحقيني …حد يلحقني …يارب …يارب انجدني يااارب
وقال وهو بيصرخ : اتقدمتلك …اتقدمتلك وانتي رفضتي ..وبهدلني يوسف يوميها واخدك مني ..
اخدك مني وانتي وافقتي ..اشمعن انا ..انا معجبتكيش في اي ..ليه هوا اللي قبلتي بيه ..بس خلاص يا حنان ..(قرب عليها بعد ما انتزع قميصه عنه ) هتبقي ليا النهارده
اسراء برا تصرخ وتعيط الباب معلق معاها ومش بيفتح : يا حنااان …افتحي من جوا بالله عليكي مبيفتحش ..ياارب ..يارب
حاولت تاني وتالت وعاشر بإديها اللي بتترعش وأخيرا فتح دخلت جري لقت يونس بدون قميص مكتف حنان على الارض جريت عليه وفضلت تشد فيه ضربها بالقلم وقعت وراسها خبطت في الكومودينو ووقتها افتكرت المسدس ..معقوله هتمسك مسدس ..معقوله ممكن تقتل حد ..مفيش وقت لازم تتصرف حاولت تقوم بسرعه و فتحت الدرج وهي بتبكي وحنان بتحاول تتملص من يونس وبتصرخ : بسرعه يا اسراء … بسرعه
اسراء طلعت المسدس وهي بتعيط ومسكته وايديها بتترعش وغمضت عينها فنزل منها الدموع وهمست : سامحني يارب ..دا شرف اختي
وفي لحظه انطلقت الطلقتين من المسدس
_______________________
بيحاول يفتح عينه حاسس بوجع في جسمه كله ومش قادر يتحرك حاسس بحاجه مكتفاه
لحظه !!! دا مربوط في كرسي .. افتكر ساعتها العربيات اللي قاطعت طريقه ..والضربه اللي اخدها على دماغه ولسه حاسس بوجعها بص حواليه لقى نفسه في غرفه ضوءها خافت
زعق يوسف بصوت عالي : انا فين ..مين جابني هنا ..انتوا مين
سمع صوت بني ادم ..بس مفيش حد معاه في الاوضه ..كان ميكرفون مركزي
_ انا الشخص الي انت مالي الدنيا حراسه بسببه ..انا الشخص الي بعتلك اديل ولنجوي عشان ينصبوا عليك وانا الشخص الي قتل حسام العيادي انا الي بتدور عليه ….انا المجهول
____________________
الطلقتين اخترقوا ظهر يونس العاري ..بدأ ينزف دم كتير اوي
اسراء انهارت على الارض ماسكه بتبص المسدس اللي في ايديها بعدم تصديق : أأ ..أنا قتلت .. أنا قتلته (صرخت بهستيريا) انا قتلته يا حنان قتلته
حنان قاعده في زاويه من زوايا الاوضه مش في وعيها .. جسمها حاضر عنيها مفتوحه ولكن وعيها وادراكها مش حاضر ..مش موجود ضامه رجليها لصدرها بإديها ومسهمه ..باصه قدامها في الفراغ شعرها متناثر وجسمها مليان كدمات
اسراء قاعده على الارض بتتنقل نظراتها بين ايديها اللي بتترعش وشيفاها كلها باللون الاحمر رغم ان ملامسهاش دم ويونس المرمي على الارض وسط دمه الكثيف ..كل حاجه حصلت للحظه ..كل حاجه حصلت وانتهت ..كل حاجه انقلبت من سعاده لحزن في لحظات ..كل السعاده اتبخرت ،اصبحت سراب وحل محلها خراب
_______________________
منيره بإستغراب : البنات فين كل دا ..
نور : مش عارفه اتأخروا ليه كدا ..استني اتصل عليهم
عبير : خليهم يجيبوا اسلام وهم جايين ..يغير جو بدل القاعده الممله اللي هو قاعدها دي
نور : عندك حق والله ..استني اشوفهم فين
نور فضلت تتصل على اسراء بس مفيش رد واتصلت على حنان بس بردو محدش بيرد ..بدأت تقلق اتصلت بتليفون اسلام ..واللي كان موجود في جيب بنطلون يونس ..فجأه على صوته ورن وقطع الصمت اللي في الاوضه
اسراء انتبهتله وبعد تالت رنه أخيرا اتحركت واخدت التليفون من جيبه وهي بتعيط فتحته وايديها لسه بتترعش
نور : يا بنتي انتوا فين مبتردوش على تليفوناتكوا ليه قلقتوني
اسراء بإنهيار : نور ..نور الحقيني …اسلام مش موجود …اااسلام مش هنا ..وحنان على الارض ..حنان مش كويسه ..ويونس ..انا قتلته (صرخت ) انا قتلت يونس يا نور بقيت قاتله ..
فجأه الخط اتقطع ونور مرعوبه بترن تاني وتالت التليفون فصل
اتصلت بسرعه على يوسف تليفونه مقفول .. مره وانتين وعشره بردو مقفول ..خلاص اعصابها سابت افتكرت حازم واتصلت عليه بسرعه وهي بتعيط : حازم ..الحقنا يا حازم
حكيتله كل حاجه وعلى اختفاء يوسف ومكالمه اسراء
حازم اخد مجموعه من رجالته واتحرك بسرعه على الڤيلا
نور قالت لكل الموجودين معاها واتحركوا كلهم بسرعه للڤيلا يفهموا في اي ونور منهاره ليه
حازم وصل الڤيلا برجالته وانتشروا كلهم يدوروا على اسراء
لغايه ما وصلولها وعرفوا حازم اللي طلع جري ..واتفاجأ من المنظر والرعب دا
_ ممين اللي عمل كدا
اسراء بهدوء : انا ..انا اللي قتلته
حازم برعب : قتلتيه ؟!!!! مات يا اسراء
قرب بسرعه على الارض وقاس نبضه لقاه ضعيف اوي ..موجود بس ضعيف
حازم : لا لا …دا عايش ..اهدي يا اسراء
اسراء ملامحها هديت عن الاول بس مخلتش من رعبها وخوفها
حازم بص على حنان الي زي الصنم في ركن الاوضه جاب طرحتها اللي واقعه على الارض وقرب لعندها وقعد على ركبته ولبسها الطرحه : حنان ..حنان فوقي مالك
اسراء بعياط : كان هيغتصبها يا حازم ..مكانش قدامي حل تاني ..حنان من وقتها وهي كدا ..هنعمل اي يا حازم ..هنعمل ايه
حازم : اسلام فين
اسراء : معرفش ..معرفش فين مش لقياه ..
حازم كلف رجالته يدوروا في كل حته في الڤيلا
وقاعد يحاول مع حنان على الاقل تنطق اي حرف
جاله اتصال من نور : اي يا حازم ..طمني بالله عليك احنا في طريقنا للڤيلا وداخلين عليكوا اهو
حازم : اوعوا تيجوا يا نور ..المنظر مينفعش حد يشوفه ..اسبقونا على المستشفى ..احنا جايين
نور بذعر : مستشفى ليه ..اي اللي حصل
حازم مسح على وشه : اهدي يا نور يا حبيبتي اسبقونا هناك وهفهمك كل حاجه هناك
قفل معاها وحاول يقوم حنان لغايه ما أخيرا وقفت على رجلها
قرب واحد من رجالته عليه : باشا لقينا اسلام بيه فوق على السطح ..جسمه كله متكسر ولازم يتنقل المستشفى حالا
اسراء حطت ايديها هلى فمها بصدمه ودموعها موقفتش لحظه
حازم نفسه بقى سريع : نزله بسرعه حطه في عربيه وانقله على المستشفى وانا هجيبهم واجي
جاله اتصال فضعط على سماعته
_ حازم في بلاغ وصل مركز الامن حالا بجريمه قتل في ڤيلا القاضي ..انت لازم تتحرك بسرعه
حازم عينه وسعت بذعر : طب هنعمل اي في اللي مرمي على الارض دا
_امشي وسيبه ..البلاغ وصل من ربع ساعه ..يعني خمس دقايق وهتلاقيهم قدامك ..اتحرك يا حازم وهم هينقلوه المستشفى
حازم قفل بسرعه
وشد حنان بالعافيه ونزل بيها ومعاه اسراء
حازم وهو بيركب اسراء العربيه : احنا لازم نهربك ..لازم تهربي دلوقتي يا اسراء ..
اسراء دخلت العربيه وحنان في حضنها : ليه ..نا خلاص يا حازم كل حاجه اسودت
حازم : لأ ..بالله عليكي فوقي معايا هنودي حنان المستشفى وهندور على مكان نهربك فيه ..
حازم وصل المستشفى بسرعه كانت الشرطه وصلت للڤيلا
حازم دخل حنان جوا وعلي اتفاجأ بيه
حازم لعلي بسرعه : علي الوضع كارثي ..مش هقدر احكي حاجه حالا ..اسلام عامل اي ..واي حالته
علي : اسلام دخل غيبوبه يا حازم ..عنده نزيف داخلي وحالته خطره
حازم حط ايده على وشه : حنان في صدمه عصبيه واسلام دخل غيبوبه واسراء شروع في قتل ويوسف مختفي مش عارف اوصله ..
علي : اييه !!! بتقول اي
حازم : دا الوضع دلوقتي يا علي ..هيوصل حالا يونس المنشاوي واخد طلقتين في ظهره ..ممكن تعرفني حالته اول بأول
على بذعر : اكيد يا حازم ..واسراء ..اي الي هيحصل فيها ويوسف فين …يا الله ..الوضع قفل من كل الجوانب
حازم : اسراء ههربها ..عرف الباقيين انها في امان ..مينفعش تقعد في السجن ..لازم نلاقي ثغره .. وهجيب يوسف لو تحت الارض ..لازم امشي يا علي ..اكيد كلهم هينهاروا …هيحتاجوك ..خد بالك من نور وساره وطمني على حاله حنان خد بالك منهم ..ملهمش حد حالا
على : ربنا معاك يا حازم ..متخافش انا هنا
حازم نزل بسرعه وأخد العربيه ومشي بأسراء ومن سرعته ما اخدش باله ان حسن ماشي وراه
__________________________
في المستشفي حنان زي ما هي
الكل مش عارف يتصرف منيره وعبير كالعاده جنب بعض بيعيطوا في حضن بعض واحده على ابنها والتانيه على بنتها
ساره في اوضه حنان : حنان بالله عليكي تردي عليا ..ردي يا حنان
ثائر (ابن خاله اسراء ) : ممكن تتفضلي من فضلك
ساره برجاء : طب ممكن تقولي مالها
ثائر : دخلت في صدمه عصبيه ..انا اديتها حقنه منومه وهنشوف وضعها تاني لما تفوق
ساره مشيت لقت نور جايه ناحيتها
فوقفتها : ادها منوم ..مش هتعرفي تشوفيها
نور اترمت في حضن حنان : مش مصدقه اللي وصلناله ..احنا كنا بنجهز لفرحها يا ساره ..هي تعبانه ويوسف مختفي والله اعلم جراله ايه ..
ساره كمان عيطت : اخويا في غيبوبه واختي في صدمه عصبيه يا نور ..اي اللي بيحصلنا بس ياربي
فضلوا سوا يواسوا بعض
شويه والشرطه وصلت ومعاها عربيه الاسعاف الي جايبه يونس الخبر انتشر بسرعه والصحافه عرفت بالخبر محدش يعرف اللي عمله يونس كل اللي انتشر شروع في قتل يونس المنشاوي اثناء تواجده في ڤيلا القاضي ودخول اسلام القاضي في غيبوبه في ظروف غامضه ومحدش جاب سيره حنان والبلد كلها عرفت في ساعات الشرطه جت تاخد اقوالهم ونور طبعا ما اتكلمتش عن مكالمه اسراء ..محدش فيهم قال كلمه لان محدش فيهم فاهم حاجه فعلا ..الشرطه مشيت وعلي جه وفهمهم الوضع زي ما فهم من حازم
الوضع اشتد سوء الوجع بقا وجعين زينب اول ما عرفت بالخبر من الصحافه جت على طول
_ اهدي يا عبير ..اهدي يا حبيبتي . اهدوا يا بنات خير ..روقي يا منيره ..بإذن الله يقوم بالسلامه والدنيا تهدى
منيره بقهر : عرفتي منين يا زينب
_البلد كلها عرفت ..الصحافه والاعلام نشروا الخبر
ان اسلام في غيبوبه ويونس دا بيقولوا حالته خطر
منيره بقهر : متعرفيش اللي حصل يا زينب ..
زينب بصت الكل وملقتش لا اسراء ولا يوسف اترعبت : في اي ..عيالي جرالهم اي
نور اخدتها على جنب وحتكتلها الوضع بإختصار
زينب انهارت ..بنتها في مصيبه وابنها مش لقياه
مرات ابنها مش في الدنيا واسلام في غيبوبه ..
قعدت وسطهم وشويه وقاموا كلهم يصلوا ويدعوا ربنا يقومهم بالسلامه ..
_______________________
صوت ضرب نار وفوضى يوسف سامعها وهو قاعد على نفس الكرسي لغايه ما لقى قدامه حازم بيفكه
وشه مليان كدمات وباين عليه التعب
_ يا ابن الجنيه ..جبتني ازاي
_اتحرك يا يوسف مش وقته
_في اي يا حازم
_ مصايب ..كتير ..اتحرك معايا بسرعه
طلع معاه برا وركبوا العربيه وراجعين وحازم مش عارف يفتح معاه الموضوع
_ وصلتلي ازاي الاول
_ دورت في سجلات المخزن اللي كنت حابس فيه يونس ..كنت متأكد ان الي هربه ليه يد في اختفاءك
_ يونس هرب بجد ..انت بتقول اي
حازم اتنهد : الموضوع كبير اوي يا يوسف ..كبير اوي ..المهم اني عرفت انهم تبع عصابه معينه ..دورت في كل اماكنهم لحد ما جبتك ..الحراسه عليك كانت مشددة اوي كويس اني كنت عامل حسابي
_ يعني كدا الراجل اللي منعرفوش دا اللي كان مع حسام لسه حاططنا في دماغه
_ انت شوفته ؟!
_ لا سمعت صوته بس ..المهم قولي يونس هرب ازاي
_ دلوقتي فهمت ..دي خطه متدبره يا يوسف خطفوك الاول وبعدها هربوا يونس (اتنهد) يونس هجم على البيت وكسر عضم اسلام ..وضربه رصاصه في رجله .. اسلام في غيبوبه
_ ايه !!! لا اله الا الله ..خطفني عشان يتصرف براحته ابن الكلب
_يونس ضرب اسلام ورمعاه على سطح الڤيلا واستدرج حنان للڤيلا
يوسف كان خايف يسمع باقي الكلام بس طلعت منه كلمته
_ نعم !! وبعدين
حازم اتنهد وكمل : حنان اخدت اسراء معاها وكانوا بيدوروا على اسلام ..وهناك يونس حاول يعتدي عليها
يوسف عينه وسعت وحاطط ايده على قلبه متابع كلامه
كمل حازم : اسراء مكانش قدامها حل تاني ..ضربت يونس بالنار
_ انت اكيد بتهرج .. لا لا ..انت بتقول اي ..دي كانت بتشتري هدوم جوازنا ..كنا بنجهز حاجتنا ..لالا يا حازم ..اختي فين يا حازم ..ومراتي ..مراتي فين
_اسلام في المستشفى .. حنان جالها صدمه عصبيه وفي المستشفى ..اسراء هربتها لأن مجرد ما يونس هيفوق هيعترف عليها
_ هو ممتش
_اخر حاجه اعرفها انه دخل العمليات
يوسف منطقش بعدها كلمه ..لسانه عجز عن اي كلام ..مفيش كلام يترد بيه على كل دا ..حازم راح بيه المستشفى ..كانوا كلهم في اوضه حنان بيحاولوا يتكلموا معاها بس مفيش فايده
يوسف اول ما يوسف دخل الكل اتفاجأ بيه وحمدواوربنا لرجوعه امه جريت عليه حضتنه وباسته : ابني ..ابني انت خير يا يوسف اي اللي في وشك دا يبني
يوسف بتعب : انا كويس يا امي صدقيني
بص على حنان اللي اخيرا حركت بس عنيها ناحيته قرب واخدها في حضنه واتوجع من منظرها كدمات وشها وجسمها الهزيل
وكأن رجوعه كان هو الفتيل اللي اشعل الحريق
حنان مره واحده انفجرت في حضنه انهارت بتصرخ وتعيط : ضربني كتير اوي يا يوسف ..ضربني كتير اوي …لمس جسمي ..قالي هلمسك حتى لو على زمته ..كان هيغتصبني يا يوسف ..انا خايفه اوي ..كنت خايفه ولسه خايفه
كنت فين يا يوسف ..ملحقتنيش ليه
يوسف ضمها اوي ليه وبكا على حالها : انا اسف ..انا اسف اني مش جنبك انا اسف سامحيني
فضلت تصرخ وتعيط لغايه ما جه ثائر واداها حقنه مهدأه ونامت حنان في حضنه وهو متحسر على حال حبيبته ..ولا عارف يتواصل مع اخته ولا عارف يهدي حبيبته ولأول مره حس انه اخ وزوج فاشل …
حازم برا مع نور
_حازم هي اسراء فين
_ بلاش نتكلم في الموضوع دا ..ممكن ممرضه تعدي تسمع ويتعرف
_عندك حق ..طب هي دلوقتي كويسه
_ انا سايبها مع ناس امينه ..هيريحوها ويطمنوها هتبقى بخير يا نور ..صدقيني كل حاجه هترجع احسن من الاول
_يااارب ..
_يونس فاق ولا لسه
_ لا لسه
عدا وقت كتير وصحي يوسف على صوت الفجر قام وباس راس حنان
راح اتوضى عشان يصلي قابل ثائر وهو رايح وطمنه على حنان وانها بدام انفجرت كدا هتتحسن بدام اتكلمت
حنان صحيت على صوت قفل الباب كان حد بيدخل فتحت عنيها اكتر لقيته عمها حسن وكان في ايده شنطه
_ انت ..انت بتعمل اي هنا
_جاي اطمن عليكي ..مش بنت اخويا ولا اي
_عايز ايه
_ لو متعرفيش لسه ف هم هربوا اسراء .. عشان ميتقبضش عليها .. انا بقا الوحيد اللي اعرف يعني _كالمه واحده لمركز الامن واقولهم مكانها والموضوع ينتهي
_ انت عايز مني اي
طلع من شنطته ورق : قدامك دلوقتي اختيارين ..اما تمضي على تنازل على كل الاملاك .. أما ساعتين زمن ويتلف حوالين ايدين اسراء احسن كلبشات فيكي يا مصر
يتبع ….
- لقراءة الفصل التالي: اضغط هنا
- لقراءة باقي حلقات الرواية اضغط على (عائلة بالإكراه)