رواية مروضة الرجال الفصل الثاني والثلاثون 32 بقلم سلطان زماني

رواية مروضة الرجال الفصل الثاني والثلاثون 32 بقلم سلطان زماني

رواية مروضة الرجال البارت الثاني والثلاثون

رواية مروضة الرجال الجزء الثاني والثلاثون

رواية مروضة الرجال الحلقة الثانية والثلاثون

خلاص باقي ايام ع الجواز واتكلمنا انا وعبده اني ابني
هيفضل معايا واعترض
عبده ..ده بس اول كام يوم هيفضل مع ست الحبايب نبع الحنان
_ ست الحبايب ونبع الحنان ليك انت ولعيالك إنما ده لا
عبده ..مفيش فرق بينه وبين عيالي اي الي بتقوليه ده
_ تصبر تخليك معايا ع الخط هسيبه مفتوح واسمع بودنك بس متعملش مشاكل تمام
عبده ..تمام
طلعت شفتها بتقور بتنجان قولتلها عنك ياست الكل سبهملي
اعملهملك أنا وانتي ريحي نفسك
قالتلي لا ياختي روحي شوفي انتي الي بتعمليه
قولتلها عايزة اسيب معاكي منصور بس كام ساعة انزل ألم باقي حاجتي
قالتلي هو احنا الي هنقوله هنعيده ..انا مبقعدش بعيال حد
شيلي ابنك ع كتفك ياحبيبتي واتكلي علي الله مطرح ما
تروحي روحي
قولتلها شكرا يا امي كتير خيرك
قالتلي عجايب نسوان اخر زمن
دخلت قولتله ها اي رايك
قالي ماشي يادينا الي تشوفيه هروح اجيب العفش واقف مع
الناس قولتله علي فكرة ألدهب الي جبتهولي تحفة الغوايش
هتاك من ايدي حته ضحك بصوت عالي وقالي والله كلمت
الراجل وقالي خليها تيجي تنقي الي هي عايزاه ضحكت
وقولتله ماشي ماشي وقفلنا
فرش الشقة وجبلي الدهب وقالي انهم مش بيكتبو قائمة بس

كاتب لمراته الاولانيه شقة ب اسمها و التانية لا ..سكت في
ساعتها وقولت يابت كبري دماغك كفاية أنه محترمك
وبيخاف علي ابنك اكتر منك وفعلا كان بيحب منصور حب
ولا اكنه أبوه بجد وده خلاني اطمن اكتر واعيش اول أيام
اخدت وقت طبعا عقبال ما اتعودت عليه ومبقتش اتكسف
منه واجمل حاجه أنه كان يجي يوم واقعد يومين مشفهوش
بس معايا ع طول ع الموبيل كان يقسملي أنه أول مره يتجوز
ويحس الي بيحسو معايا واني لو كنت اول وحده اتجوزها
مكنش اتجوز تاني ابدا شربني بيرا وحشيش وكان بيخدني
معه افراح ناس تقيلة اوي اوي وفلوسه شيلها معايا وعرفني
عنه كل حاجه ..حاجات امه نفسه متعرفهاش
شغال مع تجار سلاح وحشيش وبياخد منهم عمولات
وبيسهلهم نقل الحاجه مش هو بس لا معه كام واحد في
القسم وبيقسمو الفلوس مع بعض كنت انصحه واقوله اني
الفلوس دي حرام واني اخرتها وحشه وهو كان الكلام ده
بيضايقه ويخليه يتعصب ع الاخر ويقولي مش حكيلك حاجه
تاني بقيت مفتحش معه المواضيع دي خالص ولو هو اتكلم
بسمعه وخلاص لحد ما بقا بهمل نسوانه الاتنين وبقا تقريبا
معظم اليوم عندي ويروح علشان يبقا اسمها بات هناك وتأني
يوم نفس الكلام لحد ما امه من كتر ما هو مبقاش يرحلها ولا
يسأل بقت تيجي القرشانه دي تقعد وتتاخر علشان عبده

يقولها باتي يامه الوقت اتاخر وتبات ..لو نزلت اجيب حاجه
من السوق ارجع القيها منعكشه في الدولاب والادراج وقاعده
مش ع بعضها وكان شايل معايا فلوس كنت حطها فوق
الدولاب فوق زاي طارق طلعت اتاكدت أنها مخدتش منهم
حاجه والدهب بتاعي تمام هموت واعرف كانت بتدور ولا
بتفتش علي ايه ..قاعدة بقا تعيب ع نضافه الشقة واكلي
واني مدلعه منصور ومش عارفه اربي ..ومش سايبه حاجه الا
وحشره مناخيرها فيها …لحد ما في يوم كانت عندي
وعايزاني انزل اجيب ليها عباية كانت عند التريزي الي جنب
البيت عندها قولتلها ما انتي كده كده شوية ونزله ابقي عدي
عليه انتي وخديها منه
قالتلي ..انتي بتطرديني من شقة ابني
قولتلها …والله ابنك من ساعة ما انتي بقيتي تيجي هنا وهو رجله خفت ومبقتش اشوفه زاي الاول
قالتلي قصدك ايه يعني أنه مش طايقني
قولتلها ..معرفش بقا افهمي الي تفهميه انتي حره اتصلي بيه هو يجبهالك مش هيقولك لا
قالتلي ..أنا لو اتصلت بيه هخليه ينكد عليكي انتي وامك ومش بعيد يرميكي في الشارع انتي والمحروس بتاعك
قولتلها ..ياريت والله ع الاقل اترحم من لسانك وبصاتك ومن وشك العكر
قالتلي ..طب وحياة امك يابنت الكلب ل اخليه يعلمك الادب ياوسخه يالي محدش عرف يربيكي
قولتلها..لولا أني مرات ابنك وعمله ليه حساب كنت مسحت
بكرمتك الارض وقولتلك كلام ودانك نفسه تستغربه

وقومت متصله بعبده سمعها وهي بتقول طب يابنت القحبه أنا هخليه
يقطع من جسمك نساير ويرمي للكلاب وبعلمك اني كلمتي
تتسمع ولا قولتلها كل ده يا امي علشان قولتلك تعبانه ومش
قادره انزل قالتلي والله لو عملتي ايه فين التليفون بتاعي
أنا اتصل بيه يربيكي
وبتهدد يعني علشان اقولها لا متتصليش وكده قولتلها خدي
اهو معاكي قالتلي لا أنا هتصل بيه أنا ياروح امك قولتلها
ماهو ع الخط وسمع كل حاجه اخدت الموبيل وقالت الو
اول ما سمعت صوته الدموع اشتغلات والصعبنيات اشتغلت
وقالتله دلوقتي تيجي يا اما لا أنا امك ولا اعرفك ولا عمري
هدخلك بيت تاني

يتبع ….

• لقراءة الفصل التالي: اضغط هنا
• لقراءة باقي حلقات الرواية اضغط على (رواية مروضة الرجال)