رواية حرب السلايف الفصل التاسع 9 بقلم محمد منصور

رواية حرب السلايف الفصل التاسع 9 بقلم محمد منصور

رواية حرب السلايف البارت التاسع

رواية حرب السلايف الجزء التاسع

رواية حرب السلايف الحلقة التاسعة

وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وفي اللحظة دي يجي فضل من برة وهو معه الفطار ويبص ناحية سامي ويقول
جييت لك طعمية سخنه من اللي انت بتحبها
لكن سامي كان ييكلم نفسه بصوت مسموع وبيقول
عايز اية من عيالي يا ايهاب عايز تحرمني منهم عايز تبعدهم عني عمال تحوم حواليهم زي التعبان.
فيقعد فضل قدام سامي ويقول له
عمل اية اللي اسمه ايهاب دة
سامي وهو بيبص لفضل ويدي له سماعه التيلفون فيرد فضل قائلا
الو
صوت يسرا
فين المهندس نور لو سمحت مش اسلوب دة
فضل
مين انتي وعايزا نور في اية
يسرا
انا مش هاعيد الكلام تاني وياريت لما تقابل المهندس نور تعرفه ان مستر ايهاب عايزه.
وتنهي يسرا المكالمة ويبص فضل لسامي وهو يقول
بابا انا مش فاهم حاجة
سامي
نور اخوك بيضحك علية طول الفترة اللي فاتت ومفهمني انه شغال في الشركة المتحدة وهو شغال مع ايهاب.
فضل بضيق
أيهاب. جوز امي
سامي
هو.
فضل

دة من ساعة ما ظهر في حياتنا والخراب جاي من كل ناحية. انا لازم اخلي يسيب الشركة. دي
ولسة هايقوم فضل علشان ينادي علي نور لقي نور خارج له وبيقول له
اسيبها ليه دي شركة امي مش شركة ايهاب وبس. وكمان المرتب اللي باخدة هناك عمري ما الاقي في اي شركة تانية
فضل
هاتبيع نفسك للي كان السبب، ،،،،
فيقاطعه سامي ويقول لفضل
ملهوش لزوم الكلام دة.
ويبص سامي لنور وهو يقول
بس انا كنت مستني منك طالما انت شغلك مع ايهاب مافيهوش اي غلط تكون راجل وما تكدبش علية وتفهمني انك اشتغلت في شركة تانية.
نور
انا كدبت وخبيت عليك علشان كنت خايف علي زعلك مني
سامي
ودلوقتي
نور
دلوقتي اية
سامي
ما بقتش خايف علي زعلي
نور
يا بابا اللي بينك وبين ايهاب عدي عليه سنين وبعدين هو ما اتجوزش ماما الا لما انت طلقتها بسبب خيانتك ليها
سامي
وانت تصدق اني ممكن اكون خاين
نور
انا ما يفرقش معايا اللي حصل زمان المهم عندي دلوقتي انك ما تبقاش زعلان مني علشان اشتغلت معه
سامي
يعني ما يفرقش معاك اني اكون خاين ولا لا. المهم مصلحتك
نور
اصل دي حياتك وانا مش هاحاسبك علي اللي حصل منك زمان ولا انت كمان تحاسبني علي اللي بعمله دلوقتي
سامي بعصبية
بس انا ابوك ومن حقي احاسبك طالما بتعمل غلط
نور
واية اللي انا بعمله غلط
سامي
شغلك مع ايهاب دة اكبر غلط. مش علشان هو اتجوز امكم لا. علشان هو ما بيحبكمش وعايز يحرمكم مني وخلاص علشان يشفي غيلله. واللي انت ماتعرفوش ان ايهاب ممكن يكون هو اللي فرق بيني وبين امكم

نور
بس من كلامي مع مستر ايهاب اقدر اقول انه بني ادم محترم ومش ممكن يعمل كده
فيقف سامي ويروح ناحية نور ويبص له ويقول
هو ما يعملش كدة لكن انا ممكن اخون امك
نور
ماما شافتك بع،،،،،،،،
لكن سامي يضربه بالقلم بمنتهي الغضب ويقول
لما اربي واكبر واكل واشرب وابني يكدبني يبقي انا كنت باكله حرام
نور وهو ماسك خده يقول
لا كانت علي الاكله مش عايزا انا دلوقتي معايا فلوس واقدر اشتري شقة قد اللي انت ربتنا فيها دي 100 مرة
سامي
ايهاب عرف يشتريك.
لكن نور ما يردتش ويخرج من الشقة وفضل بيبص عليه وسامي يقعد علي اقرب كرسي وهو صعبان عليه نفسه
ومن قدام عمارة الهام وايهاب تقف يسرا مع سليم وتقول له
هي دي بقي العمارة اللي قولت لك عليها
سليم وهو بيبص للعمارة بانپهار شديد
انتي عرفتيها ازاي دي
يسرا
هو انت بتنسي ما انا مهندسة الديكور اللي مشطبة العمارة دي
سليم وهو لسة بيبص للعمارة
دة انتي باين عليكي مهندسة شاطرة اوي. مش مودة تقولي خلود
يسرا وقال يعني زعلانه
تاني خلود.
سليم
خلاص يا قمر ما تزعليش. بس انتي عارفة الشقة في العمارة دي تسوي كام
يسرا
تسوي زي ما تسوي هو انا ما استالهش اعيش هنا زي الناس اللي عايشة
سليم
تستاهلي ونص بس ظروفي
وهنا يظهر ايهاب ومعه الهام وهما بيخرجوا من بوابة العمارة فيبص سليم ليهم ويقول
ماما.
يسرا وهي بتضحك وبتبص بطرف عينيها لايهاب اللي كان متفق معها تعمل كدة وقالت الهام لما شافت سليم
سليم انت عرفت عنوان العمارة بتاعتي ازاي

ايهاب بمكر
ما هو جه هو. ويسرا اهو. واضح كدة ان في شغل ما بينهم
فتبص الهام ليسرا وتقول
انتي يسرا مهندسة الديكور صح. انا برضو كنت بقول شوفتك قبل كدة.
يسرا
ازيك يا مدام الهام. ما تعرفيش انا فرحانه ازاي انك طلعتي ماما. سليم. خطيبي
فتفرح الهام بشدة وتقول
الف الف مبروك ربنا يتملكم علي خير. انتو لازم تتغدوا معانا النهاردة ولا اية يا ايهاب
ايهاب
مع اننا كنا خارجين بس كله يتاجل ولازم نتغدي سوي
ويدخلو العمارة وسليم بيفكر في ابوة لكن يسرا تميل علي ودانه وتقول
شكل كدة مشكلة الشقة اتحلت طالما دي عمارة مامتك
سليم
بس بابا ممكن يزعل لما يعرف
يسرا وهي بتتشعلق في ذراعه
زعلي انا ولا زعل باباك
سليم بعد تفكير للحظات
اي حاجة تهون الا زعلك انتي
ويدخل سليم العمارة، ،،،،،،
ومن جوة شقة سمير تقعد كوثر مع داليا وتقول لها
زي ما بقول لك كدة اومال اية يعني اللي يخليها ترجع البيت تاني الا انها عايزا ترجع لسمير دي عيلة سوسة. ومش هاتسكت الا لما تجيب رجله
داليا
طيب تفكر كدة تقرب منه وانا كنت سمتها
كوثر
وانتي هاتستني لغاية ما تقرب والفاس تقع في الراس سميها واخلصي منها
داليا
هاسمها. بس ازاي محمود جوزك يقبل انه يتجوزها وهو عارف هي كانت بتحب سمير قد اية
كوثر
محمود علي نياتة وهي مش سهلة زي ما قولت لك.

داليا
خلاص حطي ايدك في ايدي ونخلص منها سوي
كوثر
لا. انا ماعملش كدة
داليا
يعني انا اللي اعمل كدة. انا اختك يا كوثر وعارفاكي طالع لي وعامله فيها طيبة وخايفة علي مصلحتي وقال اية اخلصي منها والحقي جوزك وانا اصدقك بقي واخلص منها وتبقي هي ماتت وانا اتسجنت ومبروك عليكي انتي البيت واللي في.
كوثر
اخص عليكي يا داليا انا برضو احسبها كدة. يا بت انت اختي ومهما حصل ما بينا مستحيل افكر في اذيتك
داليا
عايزاني اصدقك. يبقي نسمها احنا الاثنين
فتسكت كوثر فتقول داليا
كنت عارفه انك ها،،،،،،
فتقاطعها كوثر قائلا
نسمها ونخلص منها ولا من شاف ولا من دري
داليا
يبقي اتصرفي في برشامه غلة
كوثر
يانهارك يا داليا دة برشامه الغله دي هاتهري كبدها
داليا
وماله يتهري كبدها وقلبها كمان بس ماحدش يشاركنا في البيت دة ، ،،،،،،،،
ومن جوة اوضة سامي يقعد سليم قدام سامي اللي كان علي سجادة الصلاة ومعه فضل ويقول له
ومش عايزك تزعل مني
سامي
انت جاي تاخد رايي ولا بتعرفني انك هاتعمل كدة ورايي مالهوش لزمة بالنسبة لك
سليم
لا يا بابا انا برضو يهمني رايك
سامي
ولو قولت لك انا مش عايزك تقعد في بيت اللي اسمه ايهاب دة
سليم
لية بس. تحرمني من يسرا ومن شقة تمليك عمري ما احلم اني اعدي من قدامها تخيل بقي اني هاعيش فيها
فيضحك فضل ويقول

ايهاب عرف يشتريك انت كمان
سليم لفضل
احترم اخوك الكبير وشوف انت بتقول اية ايهاب ما شترنيش. دي بيت ماما ومهما حصل ما بين ماما وبابا زمان فدي برضو امي
سامي
واية اللي عملته يقول انها امك. الشقة التمليك
سليم
بابا انا جيت لغاية عندك وماحبتش اعمل حاجة من وراك علشان خاطري ما تخلنيش اخسر وبارك لكي الجوازة علشان انا هاتجوز يسرا يعني هاتجوز يسرا.
فيبص له سامي ويسكت ،،،،،،،
وبالليل ومن جوة المطبخ بتاع كوثر تحط كوثر برشام الغلة في طبق الشوربة بتاع مودة وتخرج جري من المطبخ قبل ماتشوفها مودة. اللي دخلت بعد ما خرجت كوثر وخدت الاكل اللي كان جاهز في المطبخ وخرجت بي وحطته علي السفرة وندهت علي محمود وبدوا ياكلو وحطت مودة المعلقة في طبق الشوربة ورفعت المعلقة وحطتها في بوقها، ،،،،،،،،،،،
ومن قدام الشركة بتاعت ايهاب يقف فضل مستني خروج ايهاب علشان يقول له يبعد عن اخواته وفعلا يخرج ايهاب ومعه يسرا وكانو تقريبا في حضن بعض فيقترب منهم فضل ويقول
مش كنتي تقولي يا يسرا انك تبع ايهاب. دة انا ما ساعه ما سليم ساب خلود علشانك وانا بدور علي اصلك وفصلك واللي حسبتة لقيتة
فيصدم ايهاب ويسرا ومابقوش عارفين يقولو اية.

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية حرب السلايف)