رواية 30 يوم حياة 2 الفصل الثالث عشر 13 بقلم أميرة أسامة
رواية 30 يوم حياة 2 الفصل الثالث عشر 13 بقلم أميرة أسامة
رواية 30 يوم حياة 2 البارت الثالث عشر
رواية 30 يوم حياة 2 الجزء الثالث عشر
رواية 30 يوم حياة 2 الحلقة الثالثة عشر
رجع زين ووعد عالبيت
دخلت وعد علي اوضتها بعد ما غيرت اعدت علي المكتب تذاكر شويه ودخل زين ياخد شاور وبعد مده خرج دخلت علي اوضته صلي الفرض بتاعه واطمن علي ولدته بعد ما وصلوا
خرج زين من الاوضه بتاعه وهو حاسس انه عايز ينام
راح خبط علي اوضه وعد
لقاها نايمه علي المكتب قرب منها براحه
زين…وعد وعد حبيبي انتي نايمه
وعد…اممم اه مش قادره
زين…طيب يا حبيبي قومي يلا و سيبي المذاكره مش هتعرفي تركزي وانتي نايمه كده وبعدين انا كمان مش قادر خالص وكنت جاي اعرف اني رايح انام
وعد…حاضر
زين…صليتي العشاء يا قلبي
وعد…اه الحمد لله
زين…طيب مش عايزه تاكلي قبل ما تنامي
وعد…لا مش قادره من ساعت ما كلنا شبعانه
زين…ماشي يا حبيبي بقولك ايه لو صحيتي بدري ولقتيني لسه نايم صحيني عشان اخرج للشغل
وعد….حاضر يا حبيبي مش عايزني اعملك اي حاجه قبل مانام
زين….لا ياقلبي عايزك تنامي وترتاحي
وعد….بأبتسامه تصبح علي خير
زين….وانتي مم اهل الخير ياقلبي
رفع زين عليها الغطا وقفل الشباك كويس
قفل النور عشان يخرج
وعد…لا يا زين افتحه
زين….انتي هتفضلي زي العيال الصغيره كده من يوم ما منه اتجوزت وانتي بتنامي فالنور كده غلط لازم تريحي عينك
وعد….لا والنبي سيبه انا خايفه مش بعرف انام لوحدي وكمان فالضلمه
زين….ياحبيبتي انا معاكي فالبيت متخافيش
وعد…عشان خاطري خليه
زين….ماشي يا ستي.
تصبحي علي خير
وعد…وهي بتتاوب وانت من اهله
أبتسم زين عليها وشكلها الطفولي وخرج وقفل الباب وراح علي اوضته
……..
عدي الوقت بعد الفجر
في شقه ادهم
توته…بدموع…يا ابني نام بقي حرام عليك تعبت مش قادره خلاص
فضل كريم الصغير يصرخ وهي تحاول ترضعه وتسكته وتتبطب عليه وهو بيصرخ
توته….يا ابني في ايه غيرتلك واكلتك اعمل ايه تاني قولي بتعيط ليه اسكت هتصحي اخوك والنبي
فضلت توته راحه جايه بيه وهو مش مبطل عياط وهي معاه مش مبطله عياط من كتر التعب
خرج ادهم من الاوضه وواضح عليه النوم
علي صوت العياط كريم الصغير
ادهم…في ايه يا توته بيعيط ليه كده
توته بصتله وهي ميته من العياط معرفش
أدهم….ايه ده انتي بتعيطي
توته….انفجرت من العياط انا تعبت يا ادهم اوي
قرب ادهم منها وخد كريم شاله في حضنه وخد توته في حضنه
ادهم…في ايه يا بت الله يخربيت عقلك اسكت ابنك ولا اسكتك بس بس
فضلت توته تعيط في حضنه
ادهم….توته اهدي ياقلبي مالك طيب
توته….انا خلاص تعبت بجد حاسه ان هيجرالي حاجه من الصبح بيعيط مش عارفه ماله اسكت ده ده يصحي اسكت ده ده يصحي كريم بيعيط عياط هستيري وانا هيغم عليا من قله النوم مش قادره خلاص
ادهم….طيب اهدي كده وحدي الله بطلي عياط هو جعان
توته…بدموع والله اكلته وغيرتله هو واحمد … احمد نام وهو بيصرخ كده زي ما انت شايف
ادهم…طيب لا يكون تعبان يا بت
توته….عملتله يانسون من شويه و حرارته كويسه ومفيهوش اي حاجه وبردو اديته الوقت مسكن عشان ينام
ادهم…يا توته بلاش مسكن وهو كويس
توته…طيب اعمل ايه ما انا خايفه يكون في حاجه بتوجعه وانا معرفش
ادهم….عشان خاطري يا توتا اي وقت يكون مش تعبان بلاش ادويه عالفاضي وانا يا ستي لو نايم صحيني وانا هأعد بأي حد فيهم
وبعدين الواد رجله تلج اكيد بردان وده اللي مخليه بيعيط
توته…سندت علي صدر ادهم
انا تعبانه اوي
أدهم….خدها ودخل بيها عالاوضه ونيمها عالسرير
توته….مش هيرضي يسكت يا ادهم
أدهم…نامي يا توته هو سكت شويه اهو انا هأعد بيه ملكيش دعوه انتي نامي وارتاحي
توته….احمد ممكن يصحي وهيتعبوك
ادهم….مش مهم المهم انتي ارتاحي انتي شكلك تعبان جدا ولو فضلتي اكتر من كده هتنهاري
توته…مش هتقدر تنول الشغل
ادهم…ان شالله عني ما نزلت يا ستي وبعدين هيما نزل من امبارح الصاله وهو ينزل عادي عالضهر ولو منامش وفضلت صاحي بيه ابقي انام شويه وانزل عالعصر ولو منزلتش خالص مش مهم يلا بقي نامي وارتاحي
سند توته دماغها بتعب وكأن المخده فيها منوم سحري بمجرد ما لمست المخده راحت فالنوم غطاها ادهم وباسها من راسها وخرج بره بعد ما قفل الاوضه عليها وسابها تاخد قسط بسيط من الراحه اللي محتجاها .
خرج ادهم بره وكريم ساكت علي ايده واعد يضرب في وشه
أدهم….اه يا أبن الكلب ايدك تقيله تعالي نعمل كوبايه شاي مع بعض واروح انا وانت نأعد نتفرح علي اي فيلم. لحد ما جنابك تحن علينا وتنام.
فضل كريم يخرج سائل من بوئه في وش ادهم
ادهم ..ياض عيب يا ض انا ابوك يا ابن الجزمه
فضل كريم يضحك
ادهم…انت بتضحك عليا يعني فاهمني صح طب انا بقي مش هسيب فضل ادهم يحرك راسه في بطن كريم وهو بيعض علي بطنه براحه
وكريم….ميت من الضحك
ادهم…بضحك انت بتغير في راجل يغير ياض…يلا يا معلم تعالي نخرج عملت الشاي…
خرج ادهم بره فتح التلفزيون وحط كريم جمبه عالكنبه وادامه كذا لعبه اعد يمسك فيهم ويخلطهم في بعض
ادهم…ياض بس ياض هتصحي اخوك يارخم
فالوقت ده…اعلن احمد عن صحيانه
أدهم…🥴🥴🥴🥴انت شرفت انت كمان كملت عجبك كده با ابن الكلب كله من تخبيطك
سابه ادهم عالارض نيمه علي مخده وهو ماسك لعبه وراح علي الاوضه بتاعت الاطفال جاب احمد ورجع اعد بيه عالارض جمب كريم
حطلهم لعب كتير وحطلهم مخدات ورا ضهرهم وسابهم يلعبوا جمبه وسند راسه علي حرف الكنبه وفرد رجليه وهو بيتفرج علي الفيلم.
ابتدا النهار يطلع وهما صاحين نايمين علي مخده عالارض وفي ايدهم لعبه مره يهزوها ومره يخبطوا بيها نفسهم ويصرخوا وهو يتنفض يسكت فيهم بسرعه
أدهم…ماتنام ياض انت وهو بقي تعبتونا معاكم 😭
فضل اويضحكوا علي ادهم
ادهم…وهو بيكلمهم كأنهم اشخاص كبيره
بزمتكم مش كده عيب ينفع الانتوا عاملينه فينا ده يلا بقي ناموا عشان بابا وماما ميزعلوش منكم
عدي وقت ادهم مكنش عارف هو اد ايه واخيرا كريم نام جمبه عالكنبه واحمد نام فوق صدره فرد ادهم رجله عالتربيزه واتمدد شويه بعد مغطاهم وراح في النوم معاهم وكان المنظر فالصاله مضحك هما نايمين ومتغطين واللعب مبهدله الارض التلفزيون والنور شغالييين….وراحوا في سابع نومه أخيراااااا
…….
في صباح يوم جديد
صحيت وعد من النوم دخلت خدت شاور دافي و اتوضت و خرجت ادت فرضها وراحت تعمل الفطار وبعد ما جهزته راحت علي زين اللي موبايله كان بيرن وهو ولا هنا
خبطت وعد عالباب مردش فتحت براحه وراحت عنده عالسرير
وعد….زين زين اصحي يلا يا حبيبي قوم
زبن….سبيني نايم شويه يا أمي الله يخليكي
وعد بضحك..امك ايه زين قوم انا وعد
فتح زين عينه براحه بيداري عينه من النور وعد بتعملي ايه كده
وعد….بعمل ايه بصحيك يلا قوم بقي الساعه 11
زين…قام بسرعه يانهار اسود 11وسيباني كل ده يا وعد
وعد….انا محستش بنفسي والله وبعدين عادي يعني مش متأخر ولا حاجه
زين….زمان يوسف اعد مستني اني اخرح عشان يروح شغله
وعد…طيب يلا قوم ادخل خد شاور وانا بحضر الفطار
زين….لا لا فطار ايه مش عايز طلع زين اللبس بتاعه من الدولاب قبل ما يتوجه للحمام مسكته وعد من ايده
وقف زين وبصلها
وعد…مش هتخرج غير لما تفطر يا زين
زين….وعد مش عايز اتأخر علي چو انتي عارفه مبيطمنش علي روحيه غير لما بكون بره صالح ولاحه مش بيبقوا مركزين من طلبات الناس
وعد…حطت ايدها علي صدرها بغضب طفولي مليش دعوه لو خرجت من غير فطار هخاصمك
أبتسم زين وبصلها هتخاصميني اوي اوي يعني
وعد…امممم اوي اوي اوي
زين….وانا مقدرش علي زعل بنوتي بس يلا بسرعه عشان متاخرش
وعد…بفرحه هواااا😍 وجريت عالمطبخ
زين….بحبك يا احلي مجنونه
……………….
خرجت توته من الاوضه وهي حاسه انها احسن لاكن أستغربت ان ادهم وولادها مش معاها فالاوضه خرجت براحه بره اتصدمت من المنظر وصعب عليها ادمن وهو نايم وهو اعد عالكنبه وفار رجله عالتربيزه
راحت براحه قفلت التلفزيون
وقربت عالارض لمت اللعب كلها في الشنطه بتاعتها
وقفلت النور بقي نور الصبح اللي منور المكان راحت اعدت جمب ادهم
بصوت واطي.
توته…ادهم ادهم قربت ايدها من شعره وحطت صوابعه في شعره براحه ادهم دومي حبيبي اصحي
وقربت من شفايفه باستها برقه
ادهم. قوم ياحبيبي
فتح ادهم عينه براحه اممم توته صحيتي ليه روحي نامي يا حبيبتي
توته….احنا الضهر يا ادهم انت من بليل اعد معاهم كده يا حبيبي قوم انت كده هتتعب
ادهم…مش مهم المهم ارتاحتي شويه
توته…اه اوي ربنا يخليك ليا يا روح قلبي بقولك ايه تعالي يلا ادخل نام شويه فالاوضه وافرد جسمك
تدهم…بص لاحمد بأبتسامه مش هعرف احمد نايم علي صدري
توته…ملكش دعوه انا هخده براحه متقلقش وبعدين هو صحي امته انا كنت سيبالك كريم بس
ادهم….بصوت واطي اتفقوا عليا ولاد الكلب وصحيوا وفضلوا يلعبوا مع بعض لحد ما الصبح طلع
ضحكت توته علبه ونامت جوه حضنه هي كمان
توته…احسن عشان لما بتعصب بتفضل تقولي بتتعصبي ليه
توته….انا مش بحبك تتعصبي عليهم عشان هما صغيرين ومش فاهمين اي حاجه لكن انا عارف انهم تاعبينك جدا كمان
توته…ربنا يخليك ليا يا ادهم لو مكنتش خدتهم مني الكام ساعه دول كان زماني اتجننت والله
ادهم….اكتر من كده يا روحي
توته ضربت بأيدها براحه رخم
ادهم…مش دي الحقيقه كنتي هاتكلي الواد بليل
توته….اعمل ايه طيب ما هما اللي طالعين زنانين لابوهم
ادهم…بس علي فكره الواد كريم شكله كده والله اعلم بيسنن
توته…بيسنن ابه ده لسه عنده ست شهور
ادهم….مش عارف بقي بس كان بيعض جامد علي مكان سنانه واعد يتعصب بطريقه فظيعه ويحط العضاضه في بوئه ويعض لما فرمها
توته…مش عارفه هبقي أسأل سهير هي اكيد تفهم اكتر مني المهم يلا قوم ادخل فالاوضه وانا هاخدهم براحه علي اوضتهم وهروق الدنيا وادخل بعد كده احضر الغدا
هجبلك بس قبل ما تنام ساندوتش تاكله لحد ما اصحيك عالغدا
ادهم…طيب انا هريح بس ساعتين كده صحيني علي الساعه اتنين عشان انزل للواد هيما
توته….ماشي يلا هات احمد
ادهم…سمي عليه
توته…قربت براحه خدت من صدر ادهم احمد بسم الله
طبطبت عليه براحه وراحت حطته بهدوء في الاوضه بتاعته ورجعت خدت كريم بهدوء وراحت حطته جمب اخوه وغطتهم وخرجت
توته…يلا قوم نامو الحمد لله مصحيوش
ادهم…نزل رجله براحه من عالتربيزه وقام بتعب
ادهم…اااااه يا عضمك يا رضا اه ولتد الكلب انا عبلين صغيرين اد صباعي يعملوا فيا كده
توته قربت منه حضنته من وسطه وهي بصاله احسن فرحانه فيك
ادهم…لف ايده علي وسطها
تصدقي بالله لو شوفتهم بيفترسوكي بعد كده مش هتصعبي عليا وهدخل انام واقفل علي نفسي بالمفتاح واسيبك معاهم
توته…واهون عليك
ادهم…اه تهوني مش فرحانه فيا
توته….انا اقدر انت حبيبي
قرب ادهم منها وانقض علي شفايفها في بوسه طويله
ادهم…بقول ايه ما تيجي اقولك كلمتين جوه كده فالسريع
توته….بأبتسامه اتلم يا ادهم مش وقتك عندي حجات كتير اعملها قبل ما ولادك يصحوا وبعدين مش هينفع اصلا
ادهم…لبه مش هينفع ان شاء الله
توته…باحراج عادي يعني مش هينفع في حاجه تمنعني
ادهم بعد ما فهم …هو انتي وولادك متفقين عليا
توته…بحب بصراحه اه
يلا تعالي ادخل بقي نام
ادهم…اااااه والله ما قادر امشي
توته…معلش ريح جسمك عالسرير هتبقي احسن وانا هعملك احلي اكل انهرده عشان اعوضك
ادهم…بترسيني ماشي يا ستي يلا انا داخل
توته…اتغطي كويس الجو برد
ادهم…ماشي
توته…هجبلك الساندوتش حالا اوعي تنام استني
ادهم…ماشي
….
عدت كذا ساعه بعد العصر بشويه
كانت وعد خلصت مذاكره وخلصت الغدا
اتصلت عليها منار
وعد…الووو كنت لسه هكلمك
منار…ومكلمتنيش ليه يا اختي
وعد…يابت ما انا بقولك كنت لسه هكلمك خلصت مذاكره وخلصت اللي ورايا واعده زهقانه قولت اكلمك
منار…طيب بقولك ايه ما تيجي تأعدي معايا شويه
وعد….انتي مش فالشغل ولا ايه
منار….لا انهرده اجازه عشان السناويه بتاعت الشركه وفي جرد شغال من امبارح وبكره كمان اجازه
وعد….طيب كويس
منار…كويس ايه بس انا اعده زهقانه الشغل كان بيضيع وقتي ماتيجي تأعدي معايا
وعد…طيب هقول لزين واجيلك
منار…خلاص هستناكي وبالمره نتغدي سوا
وعد…لا مش هينفع غدا عشان زين مياكلش لوحده
منار…ياستي زين بيدخل بليل ابقي اتعشي معاه اخلصي بقي
وعد…طيب اقفلي هقوله والبس واجيلك
منار…تمام مستنياكي
……….
قفلت معاها وعد واتصلت بزين مرتين لحد ما فصل
وعد لنفسها راح فين ده مش بيرد ليه
راحت وعد عالبلكونه فتحتها ودخلت تبص علي زين في الورشه وياريتها ما بصت🙈🙈🙈🔥🔥🔥🔥🔥
لقت زين واقف مع واحده ست وباين من نوع عربيتها انها ست واصله عمرها في حدود الاربعين سنه لاكن هيئتها ولبسها بيظهروها اصغر من سنها
شعر اصفر واصل لمنتصف ضهرها طويله وجسمها شكله حلو بانت تضاريسه من الملابس اللي كانت هتنفجر من علي جسمها من كتر ما هي ضيقه كانت لابسه بنطلون ليجن بني وبدي تايجر وفوقيه چاكت جلد قصير اوي لونه بني وهاڤ بوط من الشمواه لونه بني
كان شكلها مغري جدا حست وعد انها هتموت من الغيظ والغيره وهي شايفه زين واقف بيتكلم ويضحك معاها وباين من بعيد طريقتها فيها دلع… حست وعد انها لو اتحطت معاها في مقارنه كأنثي بالطبع هي اللي هتكسبها طلعت وعد شرار من عينها وقتها
وعد…بقي كده يازين يعني انت مش بترد عشان واقف مع الهانم اللي معاك لا وشكلك مبسوط وبتضحك اوي كمان ماشي ان ما نكدت عليك مبقاش انا وعد دخلت عشان تلبس وهي غضبانه طلعت طقم كان عباره عن بنطلون چينس أبيض وتيشرت ابيض مكتوب عليه باللون اللبني الفاتح ولبست فوق التيشرت چاكت چينس وكوتشي ابيض بصت لنفسها فالمرايه بغضب ومسكت موبايلها وخرجت من الاوضه ومن الشقه كلها😡😡😡وعفاريت الدنيا بتتنطط في وشها..
…..
زين….شكرا يا مدام شهيره علي ثقتك دي بجد
شهيره….مفيش شكر ولا حاجه يا بشمهندس انت اسمك سابقك واللي قاللي اجي عندك هنا بيخاف علي عربيته جدا ومش بيثق في اي حد ومعني انه رشحك ليا يبقي اكيد مبسوط من شغلك
زين….وان شاء الله انتي كمان هتتبسطي اوي
وعد…بصوت واطي لاكن وصل لزين وشهيره اللي رفعت حاجبها اول ما سمعت وعد
وعد….من ناحيتي هتتبسطي فا هتتبسطي🤨
زين….وعد في حاجه ولا ايه
وعد…لا ابدا بس بتصل بيك وشكلك كده مشغول وبصت لشهيره بأبتسامه سمجه
زين….لا ابدا بس الموبايل جوه فالورشه واكيد صوته واطي او مقفول
في حاجه ولا ايه يا وعد
وعد…وهي باصه لشهيره ابدا كنت هعرفك اني راحه لمنار
زين…طيب ماشي روحي
بصتله وعد بغضب حاولت تخفيه ابقي خلي بالك من موبايلك وشوف الصوت بتاعه
زين….بأبتسامه بسيطه ماشي ياوعد يلا روحي انتي
وعد…تمام هسيبك تكمل اللي كنت بتعمله احسن اعطلك
ولفت وشها ومشيت راحت علي منار
زين…من جواه كان طاير من الفرحه وهو شايف غيرتها الواضحه في عينها لاكن كان مضايق من تصرفها.
زين…لشهيره اسف يا مدام شهيره عالمقاطعه اللي وعد عملتها
شهيره…لا ابدا مفيش حاجه
هي دي اختك
زين…بابتسامه لا دي بنت خالتي ومراتي❣️
شهيره…بأستغراب مراتك
زين…اه لسه مجرد كتب كتاب
شهيره…اممممم مبروك
زين…الله يبارك في حضرتك
ركز زين فالشغل وهو من جواه حالف لوعد انه مش هيعديهالها…
……..
بعد مده بسيطه
منار….ايه رأيك الاكل حلو
وعد….اه تسلم ايدك وبعدين يعني هو انا اول مره اكل من ايدك
منار….وهي رافعه حواجبها لا يا اختي مش اول مره بس اول مره احس انك بتاكلي غصب عنك فكي يابت كده تلاقيها زبونه عادي يعني هي اول مره زين يجيله زباين جامدين كده ده ياما دخلوا حارتنا ستات تحل من علي حبل المشنقه😍
وعد…بغضب 😡😡 بت انتي انتي عايزه تنقطيني
منار…بضحك انتي اللي عايزه تنقطي نفسك وبعدين انا بصيت عليها من البلكونه عاديه يعني وشبه عرايس المولد مش استايل زين خصوصا ان زين بيحبك وانتي عارفه انه ملوش فالكلام ده
وعد….ماهو عشان ملوش فالكلام ده انا هتنقط ده اعد يضحك يا منار ويهزر معاها ولا كأنهم واخدين علي بعض وهي واقفه تدلع عليه ولا هاممها انها فالشارع
منار…فعلا دي قلت ادب انا لو من زين ياخدها علي الشقه عيب تدلع فالشارع
حدفتها وعد بعلبه المناديل انتي بتستفزيني مش كده
منار…بضحك ااااه يابت انتي اللي حارقه دمك عالفاضي
عادي يعني مخدش باله من التليفون اكيد الصوت مقفول زي ما قالك هيكدب ليه
وعد…بحزن معرفش بقي
منار….بقولك ايه اتعاملي عادي بقي متأڤوريهاش
وعد طبعا ماانتي ايدك فالميه البارده😡😡
منار…لا مايه بارده ولا مايه سخنه انتي اللي مضايقه نفسك هو انتي مش واثقه في زين يابت
وعد… لا واثقه بس بردو مفيش راجل يتوثق فيه اوي😔
منار…بس زين بيحبك متبقيش هبله
وعد…بنظره خبيثه طب ما انتي عامر بيحبك ومع ذلك غيرانه عليه من سهر
منار…اتصدمت من كلامها وسكتت
وعد…سكتي ليه
منار…وعد عشان خاطري بلاش سيره عامر لو بتحبيني ومتنسيش اني مخطوبه لانس
وعد…انا مش ناسيه يا منار بس انتي ناسيه
منار….ناسيه ايه
وعد…ناسيه انك مخطوبه لانس وانتي بتحبي عامر
منار…انت مش خاينه يا وعد
وعد…مقولتش انك خاينه بس كمان انتي مش بتحبيه وبتظلميه منار انتي بتعشقي عامر ولو قولتي لا للكل مش هينفع تخبي عني انا عشان انا اكتر واحده عارفه عنك كل حاجه ومع ذلك بتكابري بس اوعي تفكري يا منار انك بتزجعي عامر بس لا انتي بتوجعي عامر وبتوجعي نفسك وبتوجعي انس
عامر مش هيمل يا منار عشان عارف انك بتحاولي ترجعي حقك منه في اللي عمله انتي اللي هتتعبي فاكره انك بتتعبيه وهو مش هامه التعب هتظلمي نفسك وهتظلمي انس انتب عارفه ان انس محترم وطيب وميستاهلش منك كده يمكن لسه محبكيش الحب الفظيع بس حرام يفضل معاكي لحد ما بحبك يا منار
منار….اوعي تكوني فاكره ان كل كلامك ده مش بفكر نفسي بيه فاليوم يجي ميت مره بس غصب عني والله ياوعد مش قادره
وعد….منار انتي لسه بتحبي عامر واوعي تفولي لا عشان مش هصدق
منار….مش هقول لا يا وعد عشان عمري ما حبيت غيره عامر هو حب عمري اللي فتحت عيني عالدنيا لقيته ادامي
وعد…يبقي تسيبي انس يا منار بلاش تجرحيه فكري مش لازم تردي الوقت ولا حتي تاخدي قرار بس عالاقل فكري بعقل وبلاش شغل العيال ده ومش لازم ترجعي لعامر يا ستي خدي وقتك بس عالاقل وانتي بتاخدي وقتك تكوني لوحدك ميكنش انس معاكي اللي بيحب بجد يا منار عمره ما بيعرف يتأقلم مع البديل خلي ديما الكلمه دي في ودنك…
…………
عدت كذا ساعه روحت وعد
بعد ما اتكلمت هي ومنار كتير دخلت الشقه كانت شايفه زين خلاص بيلم عشان يقفل الورشه دخلت من غير ما تكلمه عصبته زياده واستحلفلها اكتر
اما عند عامر بعد ما لبس وخلص اللي وراه
راح لسهر عالعياده… وكالعاده كانت منار واقفه في شباكها باصه علي باب بيت عامر لحد ما شافته نزل وراح علي بيت سهر😡🙈🙈🔥
……
سهر…العياده نورت يا نجم
عامر….بنورك يا احلي دكتوره
سهر…اخيرا جيت عشان انفذ وعدي
عامر…وانا يا ستي تحت امرك وجاهز كمان
سهر…بجد
عامر…بجد
سهر…يعني مش هترجع في كلامك
عامر…لا يا ستي مش هرجع في كلامي انا محتاج اتكلم يا سهر اوي محتاج افضل احكي كتير من غير ما اوقف محتاج الاقي حل بعد ما احكي من غير ما اسمع كلمه معلش محتاج اعرف اتصرف ازاي اعمل ايه محتاج حد يفضل سامعني محتاج اقول كل اللي جوايا كأني بكلم نفسي
سهر…يااااه كل ده عموما كل اللي انت عايزه هعمله عشان اريحك
عامر…المهم مش هعطلك
سهر…بضحك حوش الزباين اللي واقفه علي العياده بالطابور
عامر…بضحك زباين ايه وطابور ايه انتي فاتحه فرن لا انا بفكر ارجع في كلامي
ضحكت سهر …مقصدش اقصد يعني ان مفيش حد وحتي لو في مانت شغل بردو ولا ايه
عامر…ماشي
سهر…الاول تشرب ايه
عامر…اي حاجه
سهر….هجبلك لمون عشان تهدي اكتر وترتاح وتتكلم براحتك
عامر…ماشي يبقي لمون
بعد وقت بسيط دخلت البنت اللي اشتغلت مع سهر سكرتيره وكانت بنت من الحاره معاها دبلوم تبع عادل وحاج سعيد..
خبطت سهر اذنتلها بالدخول
عامر…ازيك يا منال
منال…اهلا يا فنان منور
عامر…بنورك
منال…محتاجه مني حاجه تاني يا دكتوره
سهر…بابتسامه طيبه لا يا منال تسلم ايدك اتفضلي انتي خرجت منال وقفلت وراها الباب
سهر…ها تحب تكمل وانت هنا ولا تأعد عالشازلونج
عامر…برفعه حاجب 🤨🤨🤔 انا بقول الشازلونج طول عمري نفسي اجرب احساسه 😂😂
سهر….ماشي يا سيدي اتفضل
راح عامر اعد عليه و اعدت سهر ادامه وهي معاها ورق وقلم ..
سهر…ها تحب تبتدي منين
عامر…مش عارف انتي قولي
سهر…اللي يرحيك شوف حابب تبتدي ازاي وانا معاك المهم انسي خالص انك اعد معايا اعتبر نفسك باصص للمرايه وبتحكي وشوف عايز تقول ايه.
عامر….تمام. وابتدا عامر يحكي….
……
اما في شقه زين..
دخل زبن وهو ملامحه متبشرش بالخير ابدا…رزع باب الشقه
وبعلو صوته
زين…وعدددددددد🙈🔥🔥🔥🔥🔥🔥
يتبع…
- لقراءة الفصل التالي : اضغط هنا
- لقراءة باقي حلقات الرواية اضغط على (رواية 30 يوم حياة 2)