رواية 30 يوم حياة 2 الفصل الرابع عشر 14 بقلم أميرة أسامة
رواية 30 يوم حياة 2 الفصل الرابع عشر 14 بقلم أميرة أسامة
رواية 30 يوم حياة 2 البارت الرابع عشر
رواية 30 يوم حياة 2 الجزء الرابع عشر
رواية 30 يوم حياة 2 الحلقة الرابعة عشر
دخل زين وهو ملامحه متبشرش بالخير ابدا…رزع باب الشقه
وبعلو صوته
زين…وعدددددددد
خرجت وعد من الاوضه وهي مخضوضه من صوته بس حاولت تبان طبيعيه.
وعد….ايه في ايه مال صوتك عالي ليه
زين….صوتي عالي هو انا لسه عليت صوتي
وعد..في ايه با زين ما توطي صوتك ده شويه وبعدين في ايه مالك متعصب اوي كده
زين….ايه مش عارفه مالي مش عارفه متعصب ليه
وعد…لا والله معرفش
زين…متستفزنيش يا وعد
وعد…بصوت عالي نسبيا هو ايه اللي متستفزنيش ما تقول في ايه
زين…وطي صوتك ده شويه وبعدين حاضر هقولك في ان اللي عملتيه ده ميصحش في ان اللي عملتيه ده غلط مينفعش ابدا تقللي مني ادام اي حد مهما كان مينفعش تضايقي زبونه عندي عشان ده شغل مش تهريج
وعد…ااااه قول كده بقي انت مضايق عشان البتاعه اللي كانت واقفه معاك دي مكنتش اعرف والله انها مهمه اوي عندك بالشكل ده كنت خدت بالي من تصرفاتي
زين…اه ياوعد مهمه عندي مش هي بس اي زبون مهم عندي عشان ده اكل عيشي مش تهريج والزبونه دي بالذات مينفعش معاها لعب العيال اللي حصل ده ابدا الزبونه دي جيالي تبع ناس مهمين بيقدروني وديما يبعتولي ناس واصله عشان واثقين في شغلي وواثقين ان اللي هيجي تبعهم هيتشال عالراس وهي نفسها حد واصل وعيلتها ناس واصله ومحترمه يعني مينفعش اخسر زبونه زي دي
عشان خاطر طريقتك اللي زي الزفت دي
وعد…طريقتي اللي زي الزفت انت بتكلمني انا كده يا زين وعشان مين عشان البتاعه دي اللي كانت واقفه معاك ايه زعلان عليها اوي
عجباك يا زين عجبها دلعها عليك ولا عجبك لبسها اللي كان ملزق عليها
زبن…وطي صوتك يا وعد بلاش تستفزيني
وعد…بصوت عالي انا برده اللي بستفزك ولا انت اللي جاي بعد كل ده داخل متعصب ومش شايف ادامك وانت اللي بتستفز فيا
زين…ياوعد بقولك وطي صوتك عشان هتزعلي من رد فعلي
وعد…انت بتهددني يا زين انت مش شايف انك غلطان
زين…بغضب لا مش شايف اني غلطان انتي اللي غلطتي لما خرجتي تتكلمي بطريقتك دي معايا ادامها وغلطتي لما كلمتيها بطريقتك ونظراتك البايخه دي غلطتي لما قللتي مني يا وعد والمفروض لو حاجه ضايقتك تعرفيني بيني وبينك مش تعملي اللي عملتيه ده وكل ده ليه عشان بس مردتش عالتليفون
وعد….بصوت عالي انت غلطان ومش لاقي حاجه تطلع منها يازين بالكلام معايا فا بتطلعني غلطانه بس انا مش غلطانه يازين
زين….لاخر مره هقولهالك يا وعد وطي صوتك وانتي بتتكلمي معايا انتي عارفه ان الصوت العالي بيعصبني ولو حبي ليكي يا وعد هيخليكي تقفي تعلب صوتك ادامي بالطريقه دي وتقللي مني هدوس عالحب ده بالجزمه ولا أنك تدوسي علي كرامتي
وعد…تدوس علي حبي بالجزمه يا زين
زين…اه ياوعد لما تقفي ادامي بالمنظر ده وبصوتك اللي هيلم علينا الناس ده والعمايل اللي عملتيها انهرده يبقي ادوس عليه
وعد….كل ده عشان الزباله اللي كانت واقفه معاك صح
زين…انتي مصممه تطلعيني عن شعوري صح
وعد…..لا يا زين انت صح واسفه اوي لو زعلتك او جرحتك شعور الهانم اللي كانت معاك…عموما انا هريحك خالص مني طلقني يا زين
زين…بصدمه نعم اطلقك انتب اكيد اتجننتي يا وعد
وعد…اظن انت سمعت اللي عندي
زين….انتي مش حاسه انك غلطانه عيزاني انا اللي ابقي غلط يا اما تطلبي الطلاق صح ايه يا وعد قدرتي تقوليها
وعد…اه قدرت وانا مش غلطانه وانت اللي غلطان ومش هأعد معاك فالبيت هنا ثانيه واحده وهتطلقني ده لو عندك كرامه طبعا
وفجأه نزل قلم علي وش وعد
وعد…بصدمه حطت ايدها علي وشها انت بتمد ايدك عليا يا زين
زين…واكسر عضمك كمان قبل ما اكون جوزك فا انا ابن خالتك اللي نسيتي انه اكبر منك بكتير ونسيتي يعني ايه احترام….عموما يا وعد انا عندي كرامه…عشان كده هنفذ اللي انتي طلبتيه
وعد.انتي طالق😳
وعد…..شهقت وعد وفاقت من تخيلاتها اللي ابحرت فيها..
وعد…لا لا لا انا شكلي اتجننت اعوذ بالله من الشيطان الرچيم يارتني ما سرحت وبعدين انا ليه مكبره الموضوع صحيح هو معملش حاجه …بس ده شكله ميبشرش بخير ابدا 🤔انا مش لازم ابينله انه معاه حق هو بردو ضايقني
وفجأه أتفتح الباب ودخل زين
قامت وعد بخوف وقفت وحطت ايدها ورا ضهرها ورجعت لورا خطوتين
زين…لنفسه مالها دي شافت عفريت🤨 ولا عارفه اني هموتها علي اللي عملته
وعد…لنفسها اجمدي كده يا وعد مالك خايفه كده ليه هو هياكلك وبعدين لو بينتيله انك خايفه هيسوق فيها ويعمل نفسه الحق معاه اجمدي كده.
زين….احممم مالك واقفه كده ليه
وعد…هاااا مفيش
زين…طيب تعالي عشان عايزك🤨
وعد….انا راحه احضر الغدا🙄
زين…مسكها زين من ايدها..استني هنا
وقفت وعد…بصدمه ومترقبه القلم ….
زين…بحب وعتاب ايه هتعملب فيها زعلانه وانتي اللي مزعلاني
وعد….احممم انا مزعلاك انا مزعلتكش وبعدين انا مش زعلانه من حاجه اصلا
زين…بحب لا زعلان عشان مخدتش بالي من الموبايل انا عارف حقك عليا متزعليش
وعد…بصدمه من زين اللي واقف ادامها ومن زين اللي كان في عقلها من دقيقتين
وعد….ايوه زعلانه 😔شكلك مصدقت لقيت واحده حلوه فا مردتش ترد
زين…انا يا وعد وبعدين مين دي اللي حلوه بس هو في فالدنيا دي احلي منك
وعد…يا سلام
زبن….ايه فكراني بقول كلمتين وخلاص انتي فعلا في عيوني احلي واحده فالدنيا دي كلها بس انا زعلت عشان الطريقه اللي وجهتيها للست حسيت اني في نص هدومي من بنوتي
وعد….ايه زعلت عشانها
زين…وازعل عشانها ليه لا طبعا بس يعني مكمتش اعرف ان حبيبي بيغير عليا اوي كده
وعد….انا مش بغير علي فكره😔🙄
زين…يا شيخه ااااه مش بتغيري خالص يا رتني وقفت صورتك وورينك بنوتي وهي ليها ضوافر وانياب وناقس خطوه وتنقض علي الفريسه
وعد….ايوه بغير ارتحت😔
زين…طبعا ارتحت هو انا اطول وعد حبيبتي تغير عليا
وعد…امال انا ليه حسيت انك زعلت
زين…والله مزعلتش بس قولت اخوفك شويه عشان تمشي وتسيبي الست في خالها خوفت تفتحي اكتر وتقتليها وبعدين انا عايز اقولك حاجه انك تغيري عليا دي حاجه كبيره عندي بس انا احب ان غيرتك دي منبينهاش لحد ولا نخلطها بشغل لا ن هي مش اكتر من زبونه يعني اكل عيش فهمتي هي بالنسبالي مش اكتر من رزق ربنا باعتهولي ولازم احترمه يعني ممكن تزعلب ولما نبقي لوحدنا تقوليلي اللي زعلك وانا اصالحك
وعد…..مكنتش اقصد علي فكره بس لما رنيت وانت مش رديت عليا وخرجت ابص عليك لقيتك واقف معاها اتجننت بصراحه وكان هاين عليا اموتك انت وهي
زين….والله يا حبيبي الموبايل كان سايلنت مخدتش بالي خالص والواد عمر مجاش انهرده بسيبه ديما جمبه عالمكتب هو بيشوفه وبيقولي حقك عليا مش مقصدوه والله
وعد…بأبتسامه ماشي
زين….يعني حبيبي مش زعلان
وعد…هزت راسها بلأ
زين..بجد
وعد…بجد انت اللي زعلان مني
زين…انا؟؟ انا اسعد واحد فالدنيا عشان شوفت في عينك لاول مره غيرتك عليا
وعد….زين اوعي تبعد عني ابدا
زين…في حد يبعد عن حته منه
وعد….يعني هو انت ممكن في مره تتعصب عليا او حتي تزعل من اي حاجه عملتها وتطلقني
زين…بصدمه نعم اطلقك انتي عبيطه يا وعد ايه التفكير ده يا وعد انا مصدقت انك اتكتبتي علي اسمي وبعدين مهما حصل وزعلنا من بعض عمري ما هعملها ابدا بلاش الكلام العبيط ده
وعد….انا بحبك اوي يازين
زين…وانا بحبك يا قلب زين وقرب منها خدها في حضنه
اتمسكت وعد بسرعه فيه وهي بتحاول تبعد الافكار اللي جت في دماغها وخناقتها اللي من وحي خيالها مع زين😇.
زين..بقولك ايه ابعدي عني انا واحد امه مش هنا وممكن اجيب بدالها الشيطان عدي يومك ده
أبتسمت وعد بأحراج من تلميحه…لا لا خلاص انا اسفه
قرب منها تاني زين مسك وشها بين ايده وباسها في راسها بحب وحنيه ربنا يخليكي ليا يا بنت عمري
وعد…ويخليك ليا يا احلي حاجه في عمري
زين…طيب يلا بقي هدخل اخد شاور وانتي حضري الغدا وتعالي الاول نشيل الشنط دي مع بعض
وعد…ايه الشنط دي كلها
زين…دي فاكهه وجايبلك لب وسوداني وشيبسي وشويه شوكولاته وعصير يعني عارف ان بنوتي لسه صغيره وبتحب الحجات دي
وعد…بحب ربنا يخليك ليا طيب بقولك ايه انت خارج تأعد عالقهوه
زين…لا مش خارج الجو قالب اوي والدنيا هاديه وشكلها هتمطر الجو مغيم خالص وبعدين صالح ولاحه
قالولي انهم هيقفلوا مفيش حد اصلا انا اعد معاكي يا ستي
وعد…طيب ايه رأيك نتفرج مع بعض علي فيلم
زين…..موافق طبعا بس مش تذاكري احسن
وعد…لا مش قادره بجد انا مخلصه كل المذاكره اللي ورايا وحافظه ومسمعه لنفسي وكله تمام
زين…خلاص هسيبك انهرده بس لو لقيت كله مش تمام بكره هعلقك فالمروحه يا وعد
وعد…بضحك ماشي وانا موافقه بس لو لقتني حافظه
زين…بتفكير اممممم علقيني انتي
وعد…بس كده عيني اتفقنا
زين…بحب طب يلا يا مجنونه ادامي عالمطبخ نفضي الشنط دي واروح اخد شاور
وعد…يلا يا قلبي😍❣️
…………………………
فتح صالح باب الشقه كانت بوسي اعده علي كنبه الانتريه رافعه رجلها الاتنين وضماهم لصدرها ومربعه رجلها وسانده براسها علي رجلها وبتتفرح بملل عالتلفزيون…
صالح…سلام عليكم
عليكم السلام
قلع صالح الجزمه وراح اعد علي المرسي بارهاق من غير ولا كلمه
بوسي…صالح انت كويس
صالح…اه الحمد لله عايز بس اخد دش
بوسي…طيب قوم خد دش لحد ما احضر العشا
صالح…لا خليكي مرتاحه انا مليش نفس
بوسي…بس انا مكلتش من الصبح
صالح…ومكلتيش ليه عايزه تتعبي تاني
بوسي…مستنياك
صالح…ماشي يا بوسي حضري ولما اخرج ناكل واه امسكي الشنطه دي فيها حجات ليكي
خدت منه بوسي الشنطه فتحتها لقتها مليانه حجات حلوه
فرحت بوسي بالشنطه…ربنا يخليك ليا
أبتسم صالح وباين علي ملامحه الحزن ويخليكي ليا
بوسي….صالح
صالح…وقف وبصلها نعم
قربت من بوسي وقفت ادامه
هو انت ليه عامل كده
صالح…عامل ايه
بوسي…يعني مش بتضحك زي الاول شيفاك حزين ساكت علي طول هو انت هتفضل مضايق مني كده كتير
صالح…مين قال اني مضايق منك انتي عملتي حاجه ضايقتني
بوسي…صالح بلاش طريقتك دي واه انت مضايق مني انا عارفه وعارفه كمان اني مضيقاك
صالح…بهدوء ومضيقاني في ايه بقي
بوسي…عشان موضوع الشغل اللي كان جايلي فالفندق يا صالح وعشان اتخانقت انا وانت وشدينا بس خلاص انا رفضت واصلا زمان ميت واحده اشتغلت
صالح….هو ده بس اللي انتي زعلتيني فيه يا بوسي نسيتي اهم حاجه انك اتخانقتي معايا في يوم مينفعش في خناق ولا نسيتي يا بوسي انك بسبب الشغل ده ساومتيني يا اما اوافق يا اما تحرمي نفسك عليا وفعلا عملتي ده يا بوسي وحرمتي نفسك عليا من يوم ما اتجوزنا وانا وانتي تحت صقف واحد ملمستكيش انتي مش بس حرمتيني من اني المسك انتي حرمتيني انا وانتي من اننا نعيش حياتنا زي اي ناس طبيعيه لسه متجوزين حرمتينا نفرح ببيتنا حرمتينا نفرح بالحياه الجديده اللي دخلنا عليها حرمتينا من حجات كتير يا بوسي وبعد ده كل جايه تقوليلي زعلان وحزين ليه. عشان يوم ما نكبر فالسن شويه واعد انا وانتي نفتكر اي ذكري حلوه بعد جوازنا مش هنلاقي حاجه نقولها عرفتي زعلان ليه
نزلت دموع بوسي وفضلت ساكته مش عارفه تقول ايه
قرب صالح ايده مسحلها دموعها وأبتسملها بحب متعيطيش يا بوسي و يلا روحي حضري الاكل وانا هاجي علي طول
لف صالح ولسه هيمشي
مسكته بوسي من ايده
ودموعها بتنزل اكتر
بصلها بحزن نعم
بوسي….صالح انا اسفه والله مقصدتش كل ده صالح انا بحبك اوي
صالح… فضل باصصلها وساكت
بوسي…وبعدين بقي مش انت لوحدك اللي مضايق انا كمان مضايقه احنا تقريبا مش بنتكلم كلمتين علي بعض صالح انا محتجالك اوي ومحتاجة انك تاخدني في حضنك واحس بيه لو مره واحده بس…. انا اسفه والله مقصدتش😭😔
بصلها بحزن وشدها بهدوء من كف أيدها دخلها جوه حضنه لفت بوسي ايدها علي وسطه وفضلت تعيط
حط ايده علي راسها والتانيه حضن وسطها اوي
صالح…خلاص بقي متعيطيش خلاص يا بت بقي الله
بوسي….يعني مش زعلان مني
صالح…لا يا ستي مش زعلان
منك.وبعدين ابعدي يلا ولا حضني عجبك
بوسي…رفعت وشها بأبتسامه من وسط دموعها…ااه عجبني
صالح…عجبك
بوسي…اه
صالح…اوي
بوسي…بأحراج اوي
فضل صالح باصصلها شويه
وفي اقل من ثانيه كان قرب من شفايفها وانقض عليها
بشوق وحنين وبعد وقت بسيط بعد عنها لما حس انها محتاجه للهوا…
صالح….بحبك يا بوسي
بوسي….باحراج وانا بحبك اوي
صالح…طب ايه مش هتروحي تحضري العشا
بوسي…بدلع تؤ تؤ
صالح….بأبتسامه انا جعان
بوسي….مانا هخليك تاكل
صالح…لو فضلت واقف اكتر من كده هاكل بس مش اي اكل
بوسي…ولا بيهمني
صالح….هتزعلي
بوسي….مش هزعل
صالح…افهم من كده انك
اتحرجت بوسي ونزلت وشها
رفع صالح وشها بأيده لا بقولك ايه مش وقت كسوف انا داخل علي شهر ونص مستني
ضحكت بوسي بصوت عالي
صالح….يابركه دعاكي يا أما شالها صالح ودخل بيها عالاوضه❣️❣️❣️❣️❣️
بعد بعاد دام فتره طويله
اخيرا الحب كان اقوي من المكابره😉😉😉
…………………….
سهر…ها تحب تكمل وانت هنا ولا تأعد هناك علي الشازلونج
عامر…برفعه حاجب 🤨🤨🤔 انا بقول الشازلونج اصلي بصراحه طول عمري بشوفه فالافلام والمسلسلات و نفسي اجرب احساسه 😂😂
سهر….ماشي يا سيدي اتفضل
راح عامر اعد عليه و اعدت سهر ادامه وهي معاها ورق وقلم ها احسن هنا مرتاح
عامر…اه اوي اوي كده تمام
سهر…طيب تمام ..ها تحب تبدأ منين
عامر…مش عارف انتي قولي عيزاني اقول ايه
سهر…انا مش عيزاك تقول حاجه معينه انا عيزاك تحكي اللي يرحيك شوف حابب تبدأ ازاي وانا معاك المهم انسي خالص انك اعد معايا اعتبر نفسك باصص للمرايه وبتحكي لنفسك وشوف عايز تقول ايه.
عامر….تمام
داست سهر علي ريموت صغير اوي وسريعا اشتغلت موسيقي هاديه جدا بصوت هادي فصلت عامر خالص عن العالم الخارجي.
عامر…طول عمري بحبها ومبشوفش غيرها تقدري تسميه حب طفوله حب من اول نظره… حب بجد مش اي كلام كنت بحس بحبها ليا لحد فتره معينه والفتره دي مبقتش احاول اشوفها بنفس الطريقه اللي كنت بشوفها بيها علي انها حبيبتي ويمكن عشان كده مبقتش اشوفها بتحبني..
لاني اقنعت نفسي فعلا انها مبقتش حبيبتي
سهر…كانت بتسمعه ووقت ما تحس انها محتاجه تسأل بتكتب السؤال
عامر…ويمكن انا مبعدتش عنها بمزاجي لا انا بعدت غصب عني خدت عهد بيني وبين اخوها اني ابعد عنها وفعلا عملت كده لان اخوها مكنش شخص عادي بالنسبالي مكنش عندي بديل صدقيني اصلي لو كنت اختارتها هي كان هيبقي اصعب بكتير يمكن في نفس اليوم اللي خدت العهد ده مع صاحبي اني ابعد عن اخته وقتها علي طول عرفت مبرره انه خايف عليا من كلام الناس بس بردو فضلت اني ابعد لاني مكنتش هقدر استحمل نظراته ليا او شكه فيا انا وهي
انا وهي بينا عمر كبير ميتحسبش بسنين اد ما يتحسب بمواقف انا وهي حبينا بعض بجد كانت بالنسبالي حلم طول حياتي كنت بسعي اني احقق حلمين حلم اني القي مطرب معروف وحلم الوصول ليها يمكن حلم وصولي ليها يتشاف سهل بس هو كان صعب اوي بس عمري ما فقدت الامل وقولت انه هيبقي مستحيل لحد من فتره بسيطه كل حاجه اتهدت بمعني الكلمه حسيت اني فجأه كأني لوحدي فالدنيا هي مش معايا صاحبي مش معايا حتي روحي مبقتش معايا
عارفه احساس انك تتوهي في مكان لا تعرفيه ولا تعرفي ناسه…
يمكن فالاول اللي كسرني بجد هو موت صاحبي
سهر….انت بتتكلم عن منار صح؟؟
عامر….عرفتي منين
سهر…اولا هي مش محتاجه ذكاء كل حاجه بتقولها بتأكد ان هي خصوصا موت صاحبك ده تقصد كريم صح
عامر…ايوه كريم
سهر…هتصدقني لو قولتلك اني عارفه ان انت وهي بتحبوا بعض من قبل ما تتكلم اصلا معايا فاكر يوم ما قابلتك في السيده وشوفناها يومها انا حسيت مش منك كمان منها هي اكتر
منار….متخيله ان انا وانت ممكن يكون في بينا حاجه ويمكن تكون غيرانه من علاقتك بيا ودي حاجه كانت واضحه جدا بس اللي مش فهماه انت بتقول انك لحد فتره معينه قررت انك تغير علاقتك بيها…ازاي حد يكون بيحب حد كده ويبعد عنه
عامر….كريم شافني في مره كنت في ثانوي وقتها وهي في اعدادي وقع من شنطتها اقلام كانت راجعه من الدرس لمتهم وجريت وراها عالبيت ادتهملها وطلعت وبسرعه لقيت كريم ورانا وكان مضايق جدا لانه سمع شباب من سننا بيتكلموا عليا انا ومنار عشان دخلت وراها وده عصب كريم وطلب مني ابعد عن منار خالص عشان مديش لحد الفرصه انه يتكلم عليها ولان احنا عندنا يا سهر اخوات صحابنا دول خط احمر وزيهم زي اخواتنا البنات قررت ابعد عشان مخسرش صاحبي هي مهما كانت اخته وخصوصا كريم
بالنسبالي مكنش شخص عادي ولا مجرد صاحب ووقتها كنت اقل بكتير من اني افوله اني بحب اخته مش اقل ماديا لا بس اقل كل حاجه لا سن يسمح ولا مؤهل ولا شغل ولا اي حاجه كنا لسه عيال ومكنش ينفع وقتها يتقال اني خونت صاحبي وحرمت بيته ولاني لو في نفس موقفه مش هقبل ده علي شهد…
بعدها انا مش عارف ايه اللي حصل بقت بالنسبالي هي اختي اللي بضحك وبهزر معاها اللي بخاف عليها زي اي شهد واي بنت من اخوات صحابي انا وهي وكريم كان في بينا كيميا حلوه واي تجمع بيحصل ونتجمع فيه كان معروف اننا هنقلبه ضحك واستمرينا علي كده منستهاش عمري لحظه بس مكنتش بحبها او بمعني اصح اقنعت نفسي بده لدرجه اني اتقنته وصدقته …مات كريم في رحله عملناها فالشارع من حوالي سنه وسبع شهور غرق فالبحر
وقتها الشارع اللي انتي شيفاه حلو اوي ده كان شارع تاني مخيف مقبض مفيهوش روح يمكن ياسهر لو كنتي ظهرتي وقت ما كريم كان عايش كنتي حبيتي الشارع اكتر كنتي شوفتي روح احلي..احنا خدنا وقت كبير اوي علي بال ما قدرنا اصلا نستوعب انه مات انا حرفيا موت بعديه ياسهر كل واحد من صحابي واهلنا كل الناس اللي شوفتيها بوم ما اتجمعنا اتكسرت جواه حاجه حلوه احنا نبان حلوين اوي بس احنا موجوعين اوي يا سهر كريم من الناس اللي أثرت بجد فينا وقتها انا زي ما قولتلك انا كنت ضايع يا سهر
انا وقتها نزلت 15 كيلو العضلات والشكل اللي انتي شيفاه ده مكنش موجود كنت شبه الناس الكبار كنت رافض كل حاجه حتي الاكل والشرب اه يمكن ايماني ضعف وقتها جدا وكنت معترض علي موت كريم بس كان غصب عني قبلها بحوالي 3 اسابيع طلع عليا بلطجيه وانا راجع من فرح بليل كنت بغني فيه وضربوني بمطوه وكنت بموت فضلت انادي علي كريم لحد ما خرجلي وهو وواخد السلالم دي علي ضهره وقتها دراعه اتكسر وعمل عمليه في نفس اليوم معايا وانقذني من الموت ..كنت معترض ازاي هو ينقذني واعيش وانا اخرج وفاكره ورايا ويغرق ومنقذهوش واسيبه يموت كنت حاسس بالذنب وحاسس اني انا السبب لو كنت بصيت ورايا ثانيه كنت انقذته…صوت الموج كان عالي صوت الاغاني
والدي چي عالبحر كان عالي صوت الناس فالبحر صوت الاطفال حتي صوت عمر اللي كريم انقذه من الموت كان عالي بيكح ومش قادر غصب عني اتلخمت وكأن ساعت موته حضرت وودني بعد ما كانت سامعه كل الاصوات دي اتسدت عنه هو بس عشان روحه تفارقنا..💔
وبعد حوالي شهر كان وقتها جايلي شغل في شرم اللي كنت فيه اصلا يوم ما قابلتك وكنت بفكر اروح ولا لا…لحد ما كريم مات وقررت ساعتها اني مش هأعد فالمكان ولا الحته من غيره مكنش هروب اد ما كان وجع مش قادر اعد في مكان هو مش فيه ويوم سفري
مشيت عالمطار واتفجأت لأول مره برقم غريب بيكلمني من أول ما سمعت صوتها وانا عارف ان هي أسمها اللي نور علي شاشه موبايلي…ومع ذلك سألتها انتي مين….لسببين كنت واخد رقمها من موبايل شهد اختي من غير ما تعرف مش عشان اكلمها بس عشان يبقي معايا مش اكتر و ان منار متعرفش ان رقمها معايا
والسبب الاهم اني مصدقتش اصلا انها تكلمني واني شايف اسمها ورقمها منار كانت اخر حد اتوقع انه يكلمني مع انها كانت اكتر حد اتمني اني اكلمه واشوفه قبل ما اسافر..
وقتها قالتلي انا منار وصوتها كان بيعيط قلبي وقع يومها
الرعشه اللي في صوتها والكلام اللي مش مترتب والتوهان اللي كنت حاسه كان غريب
سالتني بدموع انتي مشيت انا عايزه اشوفك ضروري
قولتلها اني في طريقي للمطار واني سامعها رفضت وقالتلي هجبلك عالمطار مينفعش فالموبايل …
وياريتها ما جت لانها جت كملت عليا وكملت علب نفسها
كنت شايفها من بعيد وانا مستنيها بتجري كنت حاسس بضربات قلبها من بعيد
كان نفسي اجري عليها واخدها في حضني..
لحد ما وصلت ادامي قالت كلام كتير يوجع لكن وقفت عند كلامها لما اعترفت لي بحبها قالتلي كريم راح ومعنديش استعداد اخسرك قالتلي ان الوقفه دي صعبه عليها انها تيجي وتقولي انها بتحبني بس معندهاش بديل
قالتلي عارفه اني بالنسبالك زي اختك بس حاول واديني فرصه يمكن تحبني واو عالاقل تتقبلني في حياتك.
منار قالت يومها كلام كتير يمكن سمعته كويس بس وانا سامعه كنت تايهه كنت شايف كريم واقف جمبنا يا سهر كان بيبصلي وكأنه بيفكرني بالوعد اللي خدته عليه…لاقتني بكل غباء وجبروت برفض عرضها وبوقلها انها اختي مش اكتر وانها تنساني وتشوف حياتها
بعدها مشيت وهي بتبصلي بنظره عمري ما هنساها نظره كسره ووجع نظره حد فقدت كل حد ليه فالدنيا في لحظه نظره حد استسلم وكره الدنيا وفاتح درعاته للموت
اختفت عني وانا دخلت عالمطار…
بعدها بحوالي عشر ايام جالي تليفون من زين وقاللي ان منار حالتها في خطر وعرفني ان يوم ما هي جاتلي المطار وقعت من طولها طبعا زين كان عارف كل حاجه لان منار كان معاها وعد .لما سألته مالها سبها يازين هتنساني ..قالي منار عملت عمليه فالقلب وفالعنايه المركزه قالي كلمه عمري ما هنساها
منار جاتلك تحط قلبها تحت رجلك عشان تبقي معاها وانت دوست علبه باوسخ جزمه ووجعتها لدرجه ان قلبها مستحملش.. وصدمتي الاكبر لما قولتله انا مقصدتش انا خايف علي زعل كريم حتي وهو ميت قاللي ولو عرفت ان كريم كان حلم حياته ان انت تبقوا لبعض وانه طلب من زين يجس نبضي وقتها حسيت اني اتشليت مكاني وجه في عيني لما شوفته واقف جمبنا فالمطار ونظرته ليا اللي بغبائي فكرتها تحذير اني اوافق علي كلام منار مكنتش اعرف انه كان عايزني اوافق وانه لو كان يقدر ينطق كان قاللي وافق يا عامر ده حلم حياتي يومها كنت زي المجنون يومين بحاول اخد اجازه ومفيش طيران وكنت بحاول اقنعهم فالشغل لان مكانش بقالي غير عشر ايام
لحد ما نزلت وروحتلها وبغبائي قولتلها اني موافق نكمل مع بعض اعتبرت ان ده عطف او شفقه او انها صعبت عليا طبعا كرامتها كا لنت مقدرتش تتنازل عنها اكتر من كده وحقها انا عاذرها جدا لانها اتوجعت بجد ولاني بالنسبالها اتخليت عنها في وقت ضعفها لأن كريم كان بالنسبه لمنار زي ما كان بالنسبالي بالظبط.
حاولت اقنعها كتير كانت بترفض
وطول السنه وسبع شهور دول بقنعها وقولتلها اني بحبها وهي رافضه طللتها من عادل ومن حاج سعيد رفضت رفض تام…وبعدها اشتغلت في شركه عشان تحاول تخرج من اللي هي فيه واتعرفت علي انس عرفت انه طلبها مرتين وهي رفضت وتالت مره وافقت واتقدملها واتخطبوا قبل ما انزل فرح شهد بفتره بسيطه وطبعا الكام شهر اللي فاتوا كنت كل ما انزل اجازه تهرب مني ومكنتش بشوفها فعلا
وللصدفه الغريبه شوفتها يوم فرح ايهاب وهيما مع خطيبها اللب كان وقتها صدمت عمري لما عرفت ان انس اللي هي اتخطبتله ده هو نفس الشخص اللي كان صاحبي ايام الجامعه كنا بنغني مع بعض في مسرح الجامعه وكنا شله كبيره وقتها حسيت ان الدنيا بتقفل في وشي اكتر
انا حكتلك حكايتي او حكايتنا بأختصار يا سهر هي دي حكايتي
سهر…بحزن مكنت اعرف ان كل ده جواك لما شوفتك يوم ما كنا فالطياره وقولتلي ان كل واحد جواه وجع كنت مصدقه ده بس مكنتش اعرف ان شخصيتك دي شايله الوجع ده
بص انا حابه اكلمك او ارد عليك بطريقه عاديه بس في نقطه حابه اوضحهالك بطريقه علميه شويه ويمكن النقطه دي هي محور الحكايه كلها…تغيرك لحكايتك مع منار عشان خاطر كريم يمكن ده سبب المشكله كلها…بس انت قولت ان بعد كده انت اتعاملت معاها عادي لدرجه انك نسيت انك بتحبها…صح
عامر…صح
سهر…بس انت منستش يا عامر اللي حصلك ده في علم النفس الحاله الانت كنت فيها أسمها حاله إنكار
عامر…إنكار
سهر…أيوه إنكار.. الانكار ياعامر في علم النفس وسيله بيستخدمها الانسان لما بيتفرض عليه حاجه هو مش حاببها بيقرر الانسان إنكار الواقع اللي هو عايشه كا وسيله عشان يتجنب الحقيقه اللي مش مريحه واللي اتفرضت عليه
يعني انت شوفت ان كريم زعل فا خوفت تخسره فا قررت تبعد وحاولت وقدرت بس انت مقدرتش ياعمر انت عقلك رفض بس حاول يداري رفضه بالانكار ده حاولت تبان متأقلم وراضي وانت من جواك رافض حاولت تبان انك قدرت بس انت مقدرتش.. واي شخص لما بيكون في حاله الانكار يا عامر
مبيقدرش يعترف بصعوبة الموقف
مبيقدرش يواجه حقائق المشكله
بيستهين بالعواقب اللي ممكن تحصل
الانكار ياعامر ده مرض عشان تخف منه لازم تعرف ان هو مش اكتر من إجراء مؤقت وأنه الاستمرار فيه مش بيغير حقيقة الوضع..بالعكس ده بيزوده للأسوء
وعشان تخف منه يا عامر لازم تعمل كذا خطوه…
حلل براحه مع نفسك وبصدق السبب اللي مخوفك او اللي مخليك تلجأ للإنكار فكر في العواقب السلبية اللي ممكن تحصل ا
سمح لنفسك وعبر عن مخاوفك وعواطفك اكتب في ورقه كل حاجه جواك ول حاجه مخوفاك اتكلم مع صديق مقرب أو شخص بتحبه دور علي حد مختص يدعمك نفسيا
زيي كده مثلا
فالحقيقه احب اقولك انك عملت كل ده وانك فعلا خفيت لما واجهت لما اتكلمت لما بعدت عن حته انك تخون صاحبك لما جيتلي بصفتي دكتوره…
انت خفيت يا عامر…بس المشكله الوقت مش فيك المشكله في منار انا شايفه ان هي معاها حق ومتعاطفه معاها جدا بص ياعامر كرامت البنت لما بتتجرح بتبقي صعبه اوي ومبتقدرش تعدي المرحله دي بسهوله يمكن انا حسيت ان منار بتحبك اوي بجد بس كرامتها لسه مجروحه بس انا واثقه ان هي هتقدر تحدد هي عايزه ايه ياريت لو ينفع كنت اشوفها واتكلم معاها زيك كده بس ميتهيأليش هتوافق خصوصا اني زي ما قولتلك حسيت انها واخده مني موقف وغيرانه عليك مني
عامر…فعلا انا حسيت كده
طيب الحل
سهر….سبها عليا يمكن اقدر ولو معرفتش صدقني منار هتحلها من نفسها المهم خليك معاها وحاول تتقبل اي تصرف ممكن تحاول تغيظك بأنس وده وراد جدا زي ما اتخطبتله هي يمكن قالت انها حابه تشوف حياتها بس هي من جواها حبت تضايق يمكن تكون مش حاسه اصلا انها عملت كده عشان تضايقك اللي بيكون في الموقف مبيقدرش يحكم علي تضرفاته انت فاهمني
عامر…فاهمك يعني اقصدي اني اكون عادي
سهر…وجدا كمان ولو حاولت تضايقك اوعي تبين انك اضايقت ولا تبين غيرتك ولا تتعصب ولا تحاول توجعها يا عامر
سبها تاخد حقها منك كاست عشان تحس ان ثقتها وكرامتها رجعولها فاهمني
أبتسم عامر لسهر. فاهمك
سهر…اتمني تكون ارتحت شويه
عامر…فوق ما تتخيلي يمكن اتكلمت كتير مع صحابي وبالرغم من انهم غاليين عندي بس اول مره احس اني ارتاحت كده
سهر…اي وقت تحس انك مضايق كلمني فورا واي وقت يحصل اي موقف متتصرفش من نفسك كلمني وانا هقولك تتصرف ازاي فالموقف المهم متبوظش الدنيا منار بتحبك اوي ياعامر الست اللي تعترف لحد بحبها وهي عارفه انها اصلا مش في باله تعرف انها بتعشق مش بس بتحب و حضرتك بوظت الدنيا لازم تستحمل النتيجه
عامر…بنفس طويل ربنا معايا مستحمل والله..انا كنت مبسوط بجد يا سهر ارتحت بجد مش عارف اقولك ايه وحقيقي انا كنت زب ناس كتير فاكرين ان الطب النفسي للمجانين وبس وطبعا ده جهل مني كلا مرضي وكلنا محتاجين نتكلم واتمني كل واحد جواه حاجه وجعاه ميترددش ثانيه فأنه يحاول يروح لدكتور عشان اكيد هيرتاح..
سهر….أبتسمت هستناك تاني في اي وقت
عامر…ان شاء الله هستأذن انا بقي
سهر…قامت معاه توصله اتفضل
عامر…بأبتسامه كمان هتوصليني بنفسك كده كتير
سهر…بضحك عد الجمايل
وصلوا ادام الباب وفجأه اتصدموا لما شافوا منار بره شقتها او الجزء الخاص بالعياده…واللي أدعت أنها طالعه لشمس 🙄
يتبع…
- لقراءة الفصل التالي : اضغط هنا
- لقراءة باقي حلقات الرواية اضغط على (رواية 30 يوم حياة 2)