رواية عشق سام الفصل الرابع 4 بقلم سولييه نصار

رواية عشق سام الفصل الرابع 4 بقلم سولييه نصار

رواية عشق سام البارت الرابع

رواية عشق سام الجزء الرابع

رواية عشق سام الحلقة الرابعة

-انتي بجد مخـ.تلة…امشي من هنا !!!
قالتها وسام بصوت مهزوز وكنت عارفة اني اثرت فيها …وسام كان نفسها دايما تخلف ده كان حلم كبير من احلامها جربت كتير دكاترة …حتى انها راحت لشيوخ …كانت مستعدة تعمل المستحيل عشان تخلف ويكون ليها طفل …ده اللي عرفته من هدى اللي شغالة عند الدكتور….دي كانت فرصة كبيرة ليا عشان هي توافق …عرفت وقتها ان لو هي وافقت هو هيوافق طبيعي …عشان كده لعبت على النقطة دي …مسكت الباب قبل ما تقفله في وشي وقولت :
-سمعت أنك هتكفلي طفل وانا بقولك ليه التعب ده…ليه تدخلي طفل غريب ما جوزك ممكن يتجوزني وانا اديكي الطفل تبقي انتي امه للأبد مستعدة اكتب عقد بكده …تخيلي ابن من صلب احمد انتي اللي تربيه…تكوني امه يا وسام …لما تكبري يبقى هو سندك …مش نفسك في كده…
شوفت دموعها بتنزل وقولت ؛
-انا بس عايزة احمد …مش هاخده منك هي ساعتين …أنا راضية بساعتين والله …بس ادهوني …اسمحيلي اتجوزه وانا اوعدك اني هديكي ابني….
دموعها نزلت وقالت:
-انتي بجد مخـ.تلة …مر.يضة …روحي اتعالجي …
وبعدين قفلت الباب في وشي ….فضلت واقفة وانا سامعاها بتعيط بعنـ.ف …ابتسمت بخـ.بث وانا بطلع ورقة مكتوب عليها رقم تليفوني ..وبعدين رميتها من تحت عقب الباب وقولت :
-انا همشي دلوقتي هفضل لحد بالليل في الشارع مستنية اتصال منك بس لو متصلتيش هضطر ارجع لاهلي وانا عارفة ان ابويا هيقـ.تلني يا وسام …ابوس ايديكي فكري أنا دلوقتي بستنجد بيكي وبعرض عليكي عرض حلو …
…..
مشيت من عند بيتها وفضلت ألف الشوارع من غير هدف لحد بالليل … اتأخرت بتمنى انها تتصل بيا ….
قعدت بتعب على ترابيزة في محل من محلات بيع عصير القصب …طلبت من الراجل كوباية عصير قصب وفضلت اشربها بهدوء وانا بفكر انها لو موافقتش ايه اللي هيحصل فيا يا تري …أنا لو رجعت فعلا ابويا ممكن يمو.تني فيها …..دموعي نزلت من غير ما احس …لازم توافق والا هبقى تحت رحمة اكتر راجل أنا بكر.هه وهو ابويا ….أنا عمري ما حبيته …ابويا كان أسو.أ رجل في العالم …عمره ما اهتم بيا …كان دايما بيضر.ب ماما وفي الاخر سابها وطلقها واتجوز واحدة تاني وخلف منها ونسينا احنا …نسيني خالص …..
مسحت دموعي بعنـ.ف …أنا مش هعيط عليه …هو ميستاهلش ابكي عليه خالص ….
قومت بتعب وانا شايفة خلاص ان الوقت اتأخر وهي متصلتش …خلاص كده أنا هرجع برجلي للمو.ت …فجأة اتجمدت وتليفوني بيرن بصيت بلهفة لقيته رقم غريب …خوفت للحظة يكون حد من اهلي بيتصل بيا بس افتكرت اني اتخلصت من خطي القديم وجيبت خط جديد…رديت بسرعة وانا الدموع مالية عيني وبوقي بيترعش وانا ببتسم :
-الو …
صوت مخنوق جالي بيقول :
-بسمة أنا وسام …أنا موافقة على عرضك !!

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية عشق سام)