رواية بنت أكابر الفصل الثاني 2 بقلم ياسمين علاءالدين

رواية بنت أكابر الفصل الثاني 2 بقلم ياسمين علاءالدين

رواية بنت أكابر البارت الثاني

رواية بنت أكابر الجزء الثاني

رواية بنت أكابر الحلقة الثانية

في خيمه ماسه ويونس

دخل يونس للخيمه. ليجد ماسه تقف وهي تغطي وجهها.

وقف وهو يفكر ماذا يفعل. اكيد هي خائفه منه بسبب العدواه التي بين اهلها واهله

عندما اقترب خطوه. ترجعت للخلف

ماسه بقوه : وقف مكانك

اندهش من نبره صوتها القويه كان يظن انها ضعيفه وخائفه ولكن طريقتها ليست كذلك

يونس: اهلك معرفوش كيف يربوكي. مش يونس الراجي اللي ياخد اؤمر من حد

ماسه بقوه اكبر : وانا مش اي حد. انا ماسه السلماني . بنت شيخ القبيله

يونس بتهزاء : شيخ قبيله القاتلين

ماسه بنفس القوه : احنا بنقتل اللي بيفكر يدوس علي طرف لينا .ما بالك باللي قتل اخوي

يونس: انتم اللي خاينين وبداتم بالقتل

ماسه: احنا كنا بنرد علي قتل اخويا. وهناكل اللي يقرب مننا

امسكها من معصم يدها بقوه . ليجد جسدها متصلب
جسدها قوي ايضا .. اخفي اندهشه .واعجبه بقوتها

يونس بتحذير : بحذرك يا بنت الاكابر . اياكي تتكلمي معي بالطريقه دي . خافي علي نفسك

ماسه بعند وقوه وهي تحاول ان تتخلص من قبضه يده

ماسه: انا ما بخاف غير من اللي خلقني.

يونس بابتسامه : زين. زين. عجبتيني . مرت يونس لازم تكون قويه.

ماسه بغرور : قصدك بنت الشيخ السلماني . لازم تكون قويه.

يونس ابتسم : ياتري كيف هيكون شكك .

رفع يده لينزع الغطاء عن وجهها . لتمسك.يده

ماسه: بعد يدك .

ولكن كان هو اسرع منها لينزع الشال من علي وجهها ليسقط ارضا.

نظرت للاسفل ليقع شعرها علي وجهها

رفعت راسها اليه وهي غاضبه. من فعلته

لينظر لملامحها الجميله ويشرد بها

..ً………..
……..

في خيمه شبل ودهب .. كان الوضع مختلف.

كانت تجلس وعلي وجهها الوشاح وتبكي بصمت فهي ترفض هذا الزواج . كيف ستعيش بين قاتلين اخيها.

شبل دخل الخيمه ونظر اليها ولاحظ ارتجافت جسدها

رغم العدواه بينهم ولكنها فتاه وضعيفه ليس لها ذنب في كل ما يحدث ..

اقترب منها خطوه . لتترجع علي الفراش وهي ترتجف

كل هذا وهو لا يري ملامحها. ولا اي شئ من جسدها فهي كانت تبدو كخيمه .

جسدها يبدو ضعيف وهزيل

شبل : اهدي يا بنت الراجي . محدش هنا هياكلك

لقد وصاها ابيها الا تكون ضعيفه. كيف لها ان تخلف وعدها لابيها .

رغم رعبها منه ولكنها جلست مكانها ونطقت بصوت مهتز

دهب : بنت الراجي متخفش

ابتسم باستهزاء : ماهو باين

دهب بعند : قولتلك مابخاف.
.
شبل : لو ما بتخافي ليه بتترعشي كيف الدجاجه المدبوحه

دهب وقفت امامه : لاني بكرهك .وبكره قبيلتك كلها

شبل بهدوء وعقل : شعور متبادل . اتفقنا علي اول نقطه.

دهب : قاتلين

تعصب عليها : ما بنترك حقنا . لو اي حد فكر يقتل واحد منينا. قصده عشره منكم.

دهب : واحنا ما بنخلصش وبناخد حقنا.

شبل : انتي ناسيه انك خلاص بقيتي من قبيله السلماني . لا وكمان مرت الكبير

دهب : عمري ما هكون منكم

شبل : ما تتحدنيش. علشان هتخسري .

دهب بقوه : هتخدني بالقوه يعني . لاني عمري ما هكون ليك برضايا

شبل : مش شبل السلماني ..اللي يستقوي علي ست مهما كانت يا بنت الاكابر . هتفضلي اكده زي ما انتي. ومحدش هيقرب منك

تنفست براحه لعلمها انه لن يقترب منها.

جلس بعيد عنها … وهي جلست علي الفراش براحه

………….

يونس كان شارد بملامح ماسه وعينها الجريئه تشبه الغزال

هي شارده به لاول مره يجرأ غريب ويقترب منها هكذا.

دفعته في صدره ليبتعد عنها . ولكنه ولم يتحرك

يونس : تفتكري في قطه هتقدر تحرك جبل

ماسه : بس انا مش قطه وله انت جبل. انا اسد متوحش. وممكن اكلك

ضحك بقوه علي كلامها. : اول مره اعرف انكم بتقولو نكت.

ماسه بغيظ : مش نكته . دي الحقيقه.

يونس وما زال يضحك : دمك خفيف .

ماسه: دمك تقيل.
يونس بغيظ : عارفه لو كنتي راجل. كنت عملت فيكي ايه .. يونس ميمدش يده علي حرمه واصل

ماسه بتحدي : اعتبرني راجل ووريني

يونس ببرود : اول حاجه تقوليها صح. انتي فعلا مش انثي. شكلك راجل. بس راجل ضعيف. وانا مبحبش اجي علي الضعيف.

تركها وابتعد . لتشعر بغضب شديده. اهان انوثتها

لن تصمت. اقتربت منه : انت تقصد ايه

نظر لقربها ليبتسم بمكر : انتي اللي بتقربي اهو. . عايزه تثبتي ايه

ابتعدت بتوتر : مش عايزه اثبت حاجه. انا هنام

يونس: احسن برضو.

اغلقت الستائر التي تفصل الفراش عن باقي الخيمه.

وهوجلس في مكانه بارهاق. كان اليوم طويل وشاق. .

لم يفكر بشئ وسرعان ما نام علي الوسادات في الارض

نظرت اليه لتجده نائم . نظرت لملامحه بدقه لتتاكد انه نائم
ثم راحت علي الفراش لتنام
………………

في خيمه شبل كان يجلس بعيدا عنها . الهدوء في المكان. كاد ينام

ليسمع صوتها تبكي وتتمتم بكلمات ليست مفهومه

شبل : يا الله. كان ناقصني اقع في واحده مجنونه

وقف واقترب منها . ليتصنم في مكانه.

هل هذه هي زوجته … انبهر من جمالها فهو لاول مره يراها

هي كانت تبكي وتصرخ: يونس. يونس الحقني هيموتني . يووونس

شعر بالغضب كيف تنطق اسم رجل علي لسانها .
ليتذكر سريعا ان يونس هذا هو اخيها

اقترب منها ومسد علي شعرها لتفيق. كان شعرها ناعم كالحرير : هو ده وقته يا شبل.

ينظر الي جمالها الهادئ والي ملامحها الصغيره . ليزفر الهواء

شبل : يا صبر.

حاول ان يوقظها من نومها وهي ما زالت تبكي

شبل بتفكير : يا … هي اسمها ايه .. يا بنت الراجي

هزها لتفيق ولكنها ما زالت تبكي. وجسدها متصلب ..
لم يستطع ان يمنع نفسه ليرفع نصفها العلوي

ويضمها الي صدره : اششش . اهدي . محدش هيقرب منك

قرا علي راسها القرآن. حتي هدأت ونامت وهي متمسكه بملابسه ..

حاول ان يقوم ولكنها دفنت راسها في صدره. .

شبل : وبعدهالك يا بنت الراجي

ظل بجانبها واحس نعاس ليغمض عينه ويذهب في ثبات سريعا.

…………

في بيت الراجي

كانت ام دهب تبكي علي حظ ابنتها.

الشيخ : قومي من اهنا. وبلاش نكد

ام دهب: طاوعك قلب ترمي دهب بينهم كده

الشيخ : انا واثق ان محدش يقدر يمس بنتي بسوء. . ومتنسيش ان بنتهم معانا

ام دهب ما زالت تبكي. ليتركها الشيخ ويخرج من الغرفه …

………..

ام عند ام ماسه فهي تجلس والشر في عينها.

ام ماسه لنفسها: انا هخلص كل اللي عملتوه في ابني وهقتلك بيدي

الشيخ السلماني دخل : قاعده كده ليه يا ام شبل

ام ماسه : مفيش يا شيخ. بس كان لازم يعني ترمي ماسه لابن الراجي

السلماني : انا مرمتش بنتي . هي دي الطريقه الوحيده اللي هننهي بيها سلسال الدم

ام ماسه: عمر الدم ما هينتهي بينا . دول قتلو ولدي

السلماني : هينتهي ولازم ينتهي لو خايفه علي ابنك التاني. يبق لازم ينتهي. وكفايه اللي اتقتلو في عز شبابهم. مش هضيع ابني كمان

صمتت ام ماسه ولكنها لا تنوي الخير. فهي تكن لقبيله الراجي الكراهيه بسبب ما فعلوه

……..

انتهي اليوم باحداثه

وفي الفجر استيقظ شبل للصلاه كانت دهب ما زالت نائمه وهي متمسكه به. ليبتسم . يتحرك شئ بداخله اتجاه هذه الرقيقه

شبل لنفسه : اكيد شفقه علي حالها

نزع يدها بهدوء … وابدل ملابسه وخرج ليصلي الفجر …

…..

يونس استيقظ وابدل ملابسه وخرج من الخيمه ليذهب الي المسجد ويصلي

صل الجميع الفجر حاضر في المسجد ..

اتصل يونس بشبل ليتحدث معه. فهو اخذ رقمه من هاتف ماسه

رد شبل : السلام عليكم .. مين
يونس: وعليكم السلام .انا يونس الراجي

شبل بقلق : ماسه كويسه

يونس : اه كويسه .متقلقش انا كنت عايز اتكلم معاك. معرفتش اتكلم معاك انهارده . وكمان خابر انك بتصلي الفجر حاضر في المسجد . .

شبل : ايوه فعلا انا كنت بصلي الفجر .. هتلقيني عند الجبل الغربي

يونس : جايلك

اغلق الهاتف وذهب بسيارته الي مكان شبل ..

سلمو علي بعض . وجلس معه

يونس : كنت عايز اتكلم معاك بخصوص دهب

نظر له شبل بتفكير مين دهب . ليستنتج انها اكيد اخته

شبل : اتكلم

يونس: دهب اختي حساسه ورقيقه . هي بتمثل القوه بس هي طيبه ..

شبل تفهم خوف يونس علي اخته ليتحدث بعقل ورزانه: اختك في الحفظ والصون يا يونس . متنساش ان اختي عندك. و علشان اضمن سلامه اختي لازم احافظ علي اختك .

ابتسم يونس : انا سالت عليك وعرفت انك عاقل ومخك كبير وحقاني. بس كان لازم اتكلم معاك لاطمن علي دهب

شبل : اطمن . اخبار ماسه ايه ؟؟

يونس بهزار : بقي دي ماسه ياراجل

شبل بتاكيد: واغلي ماسه كمان . . مالها بقي . حصلها ايه

يونس بضحك : محصلش حاجه … ومتخفش علي اختك . اظن انك اكتر واحد عارف طباعها

شبل ابتسم وبحق : هي شرسه شويه

نظر له بطرف عينه : شويه

ليضحك شبل…. يونس ضحك معه

وبعد وقت من الكلام ..

يونس وقف : خلي بالك من دهب. واتمني الخلاف اللي بنا ميتجددش تاني. لاني ببساطه مش هتهاون بحقها .

شبل : مش هعتبر كلامك تهديد لان ردي عليه مش هيعجبك . بس اللي لازم تفهمه. ان اختك. بقت مرتي. يعني اللي يفكر يآذيها بيآذيني انا . وانا ما بسكتش عن حقي …

يونس : ولا انا . بس مبدائيا احنا اتفقنا. اختك معايا في امان. طول ما اختي في امان ..

شبل : اتفقنا

كان يمشي ليوقفه شبل

شبل : كنت عايز اسالك علي حاجه كده

يونس: اسال

شبل : هي. دهب متعوده تبكي وهي نايمه

يونس انقلب وجهه وكانه تذكر شئ .

شبل : هي كانت كويسه. ونامت وبعدين كانت بتحلم بكابوس .. كانت بتبكي وتنادي عليك

يونس: يوم موت عيسي اخويا . كانت هي صغيره عمرها عشر سنين. شافت جثته وقتها كانت خايفه جدا. وفضلت وقت طويل تحلم بكاوبيس. وتنادي عليا . بس اما كبرت مش دايما بتحلم بكده . وقت بس اما تفتكر الحادثه غير كده. بتكون عادي

.
تاثر شبل بحديث يونس

يونس: لو مش هتقدر تعاملها زين ..يبق طلقها احسن يا شبل. دهب مش هتتحمل . لانها رقيقه وقلبها رهيف

شبل وضع يده علي كتف يونس ليطمانه : قولتلك اختك مرتي ومسؤوله مني من اليوم . وهعاملها زين.

يونس : وده العشم فيك .

ودع شبل يونس وذهب كل منهم الي خيمته الخاصه.

فمن العادات القديمه. ان يجتمع العريس والعروسه معا في خيمه بعيدا عن الاهل لمده ٣ ايام. ويتم خلالهم ان يوصل لهم الطعام والشراب . ثم يعودون للعيش مع الاهل مره اخري بعد الثلاثه ايام ..

يتبع…