رواية 30 يوم حياة 2 الفصل التاسع عشر 19 بقلم أميرة أسامة
رواية 30 يوم حياة 2 الفصل التاسع عشر 19 بقلم أميرة أسامة
رواية 30 يوم حياة 2 البارت التاسع عشر
رواية 30 يوم حياة 2 الجزء التاسع عشر
رواية 30 يوم حياة 2 الحلقة التاسعة عشر
مني الشاذلي….طيب قولي ياعامر انت المعجبين بتوعك كتير جدا ويمكن انت من الناس القليله اللي اتشهرت بسرعه كبيره اوي وبقي ليك جمهور وفانز كبير ويمكن اغلبهم بنات بحكم بقي انك فارس احلامهم والكلام ده
تقدر تقولي ايه اخبار الحب في حياتك ولا تخاف علي معجبينك
أبتسم عامر بحب….اكيد مش هخاف لان انا بالنسبه لجمهوري اكيد حد هما حبوه واكيد يحبوا يشوفوه سعيد
مني الشاذلي…افهم من كده ان عامر حسني مرتبط
عامر…..بصي عشان اكون صريح مع حضرتك أرتباط رسمي لا حتي ارتباط فعلي بردو لسه
مني الشاذلي….لا معلش مش فاهمه
عامر…كل اللي اقدر اقوله اني بحب بجد ومش بشوف غيرها في الدنيا دي خالص
اه مفيش بينا ارتباط رسمي ولا حتي في بينا ارتباط حب زي كتير بيحبوا بعض ولسه مفيش بينهم ارتباط رسمي
مني الشاذلي …معلش يا عامر انا في اوقات الفضول بيقتلني لما بسمع حاجه مش قادره افهمها يعني مفيش ارتباط رسمي ولا حتي قصه حب يبقي ازاي في حب
عامر….بصي هو في حب بس كمان اوقات الحب ده ممكن يطوله سوء الفهم ووقتها الحب ده بيتأثر شويه وبيعطل اي خطوه فعليه ممكن تتاخد
مني الشاذلي تقصد تقول ان في زعل
عامر…امممم يعني
مني الشاذلي….بس ادام في سوء فهم زي مانت بتقول ممكن الامور تتحل خصوصا لو الحب ده قوي
عامر….طبعا وعايز اقول لحضرتك ان مش كل سوء فهم هو حاجه وحشه بالنسبالنا
مني الشاذلي….ازاي اوقات سوء الفهم بينهي علاقات
عامر…دي حقيقه بس ده لو العلاقه مش قويه لكن لو قويه لما سوء الفهم ده بيتحل تقدري تقولي ان سوء الفهم ده بيقوي العلاقه اكتر
مني الشاذلي…وجهه نظر تحترم بردو طيب قولي مين فيكم اللي مزعل التاني
عامر….اللي بيحب بجد عمره ما بيقصد يزعل اللي بيحبه اصله لو قصد انه يزعله ساعتها مينفعش نسميه سوء فهم لان سوء الفهم ده بيبقي حاجه غير مقصوده معناها واضح سوء فهم يعني امور اتفهمت غلط ومحتاجه توضيح لكن لو قاصد تعرفي ان مفيش حب من البدايه اصلا وساعتها الطرف اللي هيزعل الطرف التاني هتلاقي عنده لا مبالاه ومش هامه زعل الطرف التاني
مني الشاذلي…لت ده في عمق في الكلام كبير
عامر…بضحك انا اصلا عميق
ضحكت مني والجمهور
مني الشاذلي…طيب معلش اعذر فضولي المهني
عامر…اتفضلي
مني الشاذلي….ايه اللي يوصل علاقه حب لسوء الفهم اصلا
عامر….هقول لحضرتك حاجه اتمني تفهميها لاني مش هقدر اوضح اكتر من كده اوقات كتير الدنيا بتفرض عليكي اختيار بين حاجتين صعبين انك تختاري اصلا بينهم
مني الشاذلي….بس لازم يكون فيهم حاجه اقوي عشان تقدر تحسم الجدال في الاختيار
عامر….وده اللي انا عملته حسمت الجدال ده واخترت ولما اخترت الطرف التاني مكانش يعرف اصلا اني محطوط وسط اختيارين هو واحد منهم
مني الشاذلي…طيب لو قولتلك ان الفضول عندي قوي لدرجه اني حابه اعرف ايه هو الاختيار اللي اتحط ادام حبيبتك
عامر….بحزن بان علي ملامحه صاحب عمري
مني الشاذلي….بتركيز وكسا الحزن ملامحها لما نطقت
كان بيحبها؟؟
عامر….بتوضيح لا لا خالص تقدري تقولي كان اخوها
مني الشاذلي….اااه فهمت يعني انت قررت تسيب حبيبت عمرك عشان صاحب عمرك اللي هو اخوها.
عامر….فالحقيقه يمكن هي مكانتش تعرف اصلا وقتها اني بحبها ويمكن اصلا هي مش مدياني فرصه لحد يومنا ده اني ادافع عن نفسي وحابب بس اعرفها ان حتي فرصتي فالدفاع عن نفسي اللي هي مش سمحالي بيها دي او تبرير سوء الفهم ده مش مزعلاني بالعكس لان انا نفسي أكتشفت مؤخرا اني أسأت الفهم من وجهه نظر صاحبي وقتها لما عرفت ان هو كان مرحب جدا بفكرت ارتباطنا بس يمكن في موقف ضايقه وقتها حصل وانا ترجمته غلط وقررت يومها اني ابعد عنها عشان مخسرش صاحب عمري..
زي ماقولت لحضرتك سوء الفهم موجود ديما في حياتنا زي اي حاجه موجوده يمكن بنفهم متأخر ويمكن نفضل طول حياتنا مش فاهمين
مني الشاذلي….تنصح بأيه ياعامر اي شخص بيمر بحاله سوء الفهم دي
عامر…الفرصه !!! قالها عامر بسرعه ردآ علي سؤالها
عامر…لازم ندي فرصه لبعض مينفعش نحكم علي بعض من غير ما نسمع ديما بحس ان الغلك بيبقي فينا احنا واننا بيجي علينا وقت نحط نفسها في حاله ندم مع ان لو ادينا بعض فرصه الحياه هتتغير حتي لو سمعنا المبرر ومعجبناش ونهينا العلاقه علي الاقل وقتها هننهيها واحنا فاهمين يعني اديكي فرصه تقولي وجهه نظرك تبرري موقفك يمكن ميعجبنيش تبريرك وبردو انهي العلاقه بس اكون ناهتها وانا مدي فرصه ويمكن اقتنع وننسي ونرجع نكمل …الحياه مجرد فرص لازم نديها لبعض..
صقف لبه الجمهور بقوه وصقفت ليه مني الشاذلي
مني الشاذلي….شخصيتك تبان ياعامر انك مرح بتحب الضحك بس انت عاقل بجد وكلامك كله صح
عامر…بضحك انا الان تافهه انا عارف
مني الشاذلي …بضحك لا مقصدش كده والله
عامر….اكيد تجارب الحياه بتخلي في جانب فيكي ناضج وفاهم ومش معني ان الواحد بيضحك وبيهزر وبيحب الحياه فا ده معناه انه واعي بالقدر الكافي للحياه
مني الشاذلي…عندك حق طيب نسيبنا بقي من الحزن واسفه طبعا لو ضايقتك
عامر…لا خالص بالعكس والله
مني الشاذلي….عامر عندك حد فالعيله صوته حلو ولا انت اللي طلعت فلته كده
عامر…اخويا الكبير يمكن يكون صوته احلي مني بكتير
مني الشاذلي….ياراجل في كده انت صوتك حلو بجد
عامر….اه والله العظيم ايهاب اخويا صوته حلو اوي بجد هو طبعا من صغره وهو بيغني ويمكن هو اللي خلاني اصلا احب الغنا واهتم بيه واعرف ان صوتي حلو وبعد كده كان بيدربني واي حاجه كان بيتعلمها كان بيعلمهالي ومن اول الحجات اللي علمهالي واللي مكنتش بصراحه فاهمها اوي
انا كنت بغني اي حاجه في اي حاجه الاغنيه اللي احسن انها عجباني اغنيها مكانتش بتفرق المهم ان اغني عرفني اني اغني الاغاني اللي تليق علي صوتي في اغاني قويه جدا محتاجه صوت وامكانيات معينه مش اي حد يقدر يوصلها او يغني بالطبقه دي ولو حصل وغنيت هيحصل حاجه من اتنين اولهم لو يعني اتعافيت علي صوتي عشان اقدر اجيب الطبقه دي الاحبال الصوتيه عندي مع مرور الوقت هتدمر وممكن مقدرش اغني تاني او ان لو غنيت طبقه عاليه الطبقه عمرها ما هتيجي معايا اصلا
وممكن تبين عيوب فالصوت
فا بقيت اعرف اختار اللي يناسب صوتي
مني الشاذلي….حلوه الصراحه دي بس ده ميمنعش ان خامه صوتك حلوه جدا
عامر…هو. كمان قالي ان مش معني ان طبقه الصوت تكون قويه فا انها تقدر تجيب اي طبقه في ناس اصواتهم قويه ميعرفوش يجبوا طبقه صوتي هما ربنا خالقهم كده بيغنوا بطبقات معينه
مني الشاذلي…ده صحيح كل صوت ليه طبقه وكل صوت بيقدر يغني مقامات معينه
عامر…لما دخلت المسرح بقي بتاع الجامعه وكنت بغني قابلت اساتذه كبار هايلين بصراحه ساعدوني كتير جدا
وانا اصلا خريج معهد الموسيقي والحقيقه ان كل اللي اتعلمته فالمعهد كان ايهاب معرفهولي وبيساعدني عليه ديما.
مني الشاذلي….يعني انت وايهاب صوتكم حلو
عامر….ايوه امي الله يرحمها كانت بتحب تسمع اوي ووالدي ربنا يديله طوله العمر ودنه موسيقيه جدا ومش اي حاجه تعجبه عشان كده اتبسط جدا لما الاغنيه عجبته وقاللي عالملاحظات الحلوه فيها..
مني الشاذلي…طيب الوقت ياعامر احنا عندنا فقره.هنلعب فيها مع بعض
عباره عن أسأله هتمسك المضرب اللي ادامك عالتربيزه ده وهسألك شويه أسأله وتقول حصل ولا محصلش..
عامر…بابتسامه جميله حلو ده
مني…الشاذلي بأبتسامه ماكره ابوه بس انت ممكن تقول محصلش وتبقي بتكدب علينا فا عشان كده انت مش هينفع تلعب لوحدك
عامر….بتركيز ايه هتلعبي معايا🤨
ضحكت مني الشاذلي..لا العب معاك ايه انا اعرف عنك ايه اصلا
عامر…طيب ايه🤔
مني الشاذلي بصت عالكاميرا
فالحقيقه انا حبيت انهرده اعمل مفجأه لعامر متأكده انها هتعجبه واكيد هتعجبنا كلنا وطبعا كنا محتاجين نعرف اكتر عن عامر وعشان نعرفه اكتر كان لازم حد منه هو يجي هنا ويحكيلنا علي عامر
عامر…😳
مني الشاذلي….معانا ومعاكم
أيهاب حسني
وقف عامر هو ومني الشاذلي باصين ناحيه الباب اللي اول ما اتفتح ظهر منه ايهاب بطلته اللي تخطف وجاذبيته
عامر…كان مصدوم صدمه كبيره 😳😳😳
صقف الجمهور لايهاب بحراره خصوصا البنات اللي شافته🥰😍
سلم ايهاب علي مني الشاذلي
ووقف ادام عامر بأبتسامه يهز راسه شمال ويمين بطريقه مضحكه وقرب من عامر خده بعض بالحضن وسط تصقيف الجمهور القوي
بعد وقت بسيط أعد ايهاب ومني الشاذلي وفضل عامر واقف لسه مصدوم وشكله يضحك
عامر…ايه ده
مني الشاذلي…هتكمل الحلقه وانت واقف ولا ايه😂😂
عامر…ده جه ازاي ده
ضحكوا كلهم عليه
ايهاب…حلوه المفجأه
عامر…بتلقائيه تهلك من الضحك مفجأه ايه الله يخربيتك انا كنت عاملهالكم مفجأه
ضحكت مني الشاذلي والجمهور اللي صقف تاني
مني الشاذلي طيب اعد وانا هفهمك بس
اعد عامر وهو باصص لايهاب😳
مني الشاذلي….فالحقيقه ايهاب ملوش دعوه احنا اللي حبينا نفجأك ودورنا وراك وعرفنا ايهاب واتواصلنا معاه وحبينا نفجأك
ايهاب…طب اقولك عالكبيره انا عارف قبلك
عامر…😒كمان
مني الشاذلي….ايوه فعلا اتولصلنا الاول مع ايهاب والحقيقه ادانا رقمك بكل سهوله
عامر…بتسيحلي🤔
ضحك الجمهور
مني الشاذلي طيب بصراحه المفجأه عجبتك
عامر…اه والله العظيم فوق ما تتخيلي انا متوقعتهاش اصلا عايز اقول لحضرتك ان محدش يعرف غير صاحبي زين بس كنت ناوي اعملهالهم مفجأه ويوم عرض الحلقه اجمعهم كده ونتفرج عليها سوا
ايهاب…بضحك زين عارف
عامر…اه والله
مني الشاذلي….يعني حرقنالك المفجأه
عامر…لا ماهو لو طلع مسيح وقايل ابهاب لاي حد هقتله
ضحكوا كلهم علي تلقائيته ودمه الخفيف.
ايهاب…لا والله مقولتش لاي حد .
مني الشاذلي….طيب يلا بقي نبدأ اللعبه بص يا ايهاب المضارب اللي ادامكم دي مكتوب عليها حصل ومحصلش هسأل عامر أسئله وانتوا تردوا بالصراحه
عامر….استاذه مني جايبنا توقعنا في بعض😂😂
ضحكت مني والجمهور.
مني الشاذلي….تقول الصراحه مليش دعوه
عامر…ماشي.
مني الشاذلي… حصل ولا محصلش عامر زوغ من الدروس بتاعته وهو صغير وصرف الفلوس
ضحك عامر وهو مغمض عينه
وايهاب …لف المضرب علي حصل وسط ضحك الجمهور
لف عامر المضرب علي حصل
مني الشاذلي….اولها كده
عامر….ابوك هيعلقني منك لله🙈🙈🙈
مني بضحك….صراحه حقه
عامر….معلش ياعم حسني بقي كنت عيل بقي حقك عليا بس وربنا ايهاب كمان عملها🤨🤨
ضحك ايهاب ومني والجمهور علي عامر
مني…بتفتن علي اخوك
عامر…يعني اتعلق لوحدي
مني الشاذلي…طيب حصل ولا محصلش…عامر زور أمضت والده فالشهاده
بص عامر وايهاب لبعض وفطسوا من الضحك ولفوا المضرب علي حصل
مني الشاذلي…اوبااااا شكلك هتتعلق فعلا
عامر….الحقيقه انا عملتها مرتين وعشان أضمن ان ايهاب هيتعلق وربنا باعم حسني ايهاب اللي كان بيمضي مكانك
فاللحظه دب كلهم مقدروش يمسكوا نفسهم من الضحك
مني بضحك….اشتركت يا ايهاب فالجريمه دي
ايهاب…بضحك للأسف اه خفت يتعلق وقتها اصل المصيبه كان جايب 5 من 30 يعني حتي مش جايب نمره وحشه لا ده كان ساقط لقيته خايف وانا اخوه الكبير بقي فا قولت اخبي عليه وانقذه
مني الشتذلي…بضحك طيب انت يا ايهاب…كنت زيه
ابهاب…لا علي فكره بجد والله عامر كان شاطر جدا الكلام ده كان في رابعه ابتدائي تقريبا كان في الحساب و بعد كده طول السنين كان شاطر فعلا انا بقي الحمد لله كنت شاطر اوي
عامر…ده كان موس جاب 90٪ دخل كليه تجاره كان لبه هو فالمحاسبه والقصه دي واشتغل فالبنك وشغلنب معاه
مني الشاذلي….واسطه يعني طب عملتوها ازاي دي
عامر…وهو بيلعب في وسط شعره بطريقه مضحكه لا بعدين بقي لما نطلع فاصل الراجل لسه متجوز من فتره بسيطه وفاتح بيت كده هنقفله😂😂😂
مني بضحك خلاص ان الله حليم ستار😂😂
طيب حصل ولا محصلش عامر عمل مشكله وانت اللي شيلتها
بصوا لبعض وهما بيضحكوا
ايهاب….بطريقه مضحكه مشكله واحده 🙈هو حياته كلها مشاكل وانا حياتي كلها بلبس وراه😂😂😂
صقف الجمهور بضحك
مني الشاذلي…طب قولي علي مشكله واحده
ايهاب…بتفكير والله مشاكله كتير اوي🤔
عامر…ربنا يكسفك ياشيخ😂😂🙈🙈
ايهاب….طب هقولك في سنه من السنين كده عامر كان وقتها في اعدادي كان عندنا مكنسه المكنسه دي وقفت مره واحده معرفش عامر عمل ايه فيها المهم صلحها بقي فرحان وبابا يقوله عملتها ازاي وفرحان بقي
فا عامر قرر يومها انه خلاص بقي كهربائي اد الدنيا وهيمارس المهنه ومره واحده بس دي بقت هوايته وصدق نفسه فا جه في مره الخلاط باظ وطلع ريحه شياط ومش عارف ايه
فا ظهر عامر وقتها دي لعبته بقي
ضحكت مني وعامر والجمهور
ايهاب…المهم مسك عامر الخلاط فضل اكتر من خمس ساعات ماسكه مش عارف بيعمل ايه المهم تقريبا جه يجربه فا اتكهرب يسكت عامر كبعا ما يسكتش فضل يحاول كان بابا جه بقي بليل عامر عايز يجرب الخلاط وخايف يتكهرب سكت ايهاب فالوقت ده من كتر الضحك وعامر معاه ميت من الضحك هو ومني والجمهور..
ايهاب…المهم شاف بابا وقاله عاملك مفجأه وهو بيغمزله بقي
فا بابا قاله ايه قاله صلحت الخلاط
بابا قاله بجد طب ازاي ومش عارف ايه المهم عامر قاله جربه لو مش مصدقني عامر اصلا كان عايز بعرف الخلاط اشتغل ولا لا بس خايف يتكهرب المهم بابا مسك الخلاط ورايح بقلب جامد بقي وعينك ما تشوف إلا النور لقينا واقف بيرقص ادامنا والصاله عملت قفله والنور اتقطع وكان يوم مطلعلوش شمس عامر قاله ايهاب اللي قاللي اشتغل وصلحه وانا احاول افهم بابا انه كداب يهديك يرضيك ابدا كلت علقه يومها بسببه
مني الشاذلي…يعني كهربائي فاشل وكمان كداب
عامر…بضحك ما اصل لو كنتي شوفتيه وهو بيرقص من الكهربا تعرفي ان العلقه مكانتش هتبقي بسيطه😂
مني الشاذلي….طيب قولي يا ابهاب طفولتك انت وعامر كانت ازاي
ايهاب…بضحك والله انا طفولتي لوحدها كانت زي الفل لاكن اللي كان فيها عامر كلها مصايب
مني الشاذلي…لا هو شاكله باين عليه مع اني كنت فكراه طيب
ايهاب…لا بصي عامر طيب جدا والله العظيم مش عشان هو اخويا لا والله بس عامر في طيبه وحنيه متتوصفش جدع صاحب صاحبه اوي لو اخر فلوس في جيبه ممكن يصرفها عشان بس انتي قولتي ادامه نفسك في حاجه بس هو مهيبر جدا بتاع مقالب درجه اولي من بومه كان شيطان شقي جدا مبيأعدش في مكان كل حياته كانت مشاكل كل علقه خدتها كان هو السبب فيها حرفيا 😂😂
مني الشاذلي…ايه يا عامر الكلام ده
عامر…بضحك بيفتري عليا صدقيني
مني الشاذلي…والاه انت اللي مفتري الراجل شكله هادي وطيب
عامر…ايهاب فعلا هادي عكسي تماما وياعيني كان ديما هو اللي بيتعاقب علي غلطاتي😂😂😂
مني الشاذلي…ديما الكبير مظلوم فعلا طيب قولي يا عامر لما بتبقوا اعدين اعده حلوه كده بعيدا عن المقالب والمشاكل طبعا ايه الاغاني اللي بتحبوا تغنوها مع بعض وبصت لايهاب عامر قال ان صوتك حلو ولازم طبعا نسمعه
عامر…بص لايهاب..احنا بنغني كتير اوي مع بعض بس في اغنيه ديما بنغنيها بحبها ودمها خفيف اوي حلو الحلو
ايهاب…بابتسامه اه🙈
مني الشاذلي…عرفاها دي بتاعت شكوكو طيب ما تسمعوهالنا كده المايكات ادامكم
عامر….تمام مسك عامر وايهاب المايكات وابتدت الفرقه تعزف.
قام عامر وايهاب وقفوا وسط الاستديو ادام الجمهور
عامر…حلو الحلو بكل خصاله
الا دلاله ميعجبنيش ميعجبنيش
قالوا بيهجر قولت وماله
يهجر يهجر بس يعيش
حلو .. حلو ..حلو ..الحلو
أيهاب…حلو الحلو مافهش وحاشه
غير بيوعد ولا يوفيش
دا اللى فتح قلبى بطفاشه
ثم قابلنى مكلمنيش مكلمنيش
عامر….قولتلوا رد ياباشا ياباشا
قالي لابوها متفلأنيش
قولتلوا رد ياباشا ياباشا
قالي لابوها متفلأنيش
وبيعجبنى اكمن جماله
وقه سكر سنترافيش
حلو .. حلو ..حلو ..الحلو
أيهاب….كل ماافوت من قدام داره ويشوف وشي يسد الشيش
قلبي وعيني عليه احتاروا وبيتخانقوا الحق ياشويش طب يحيا الحب وتسقط ناره اللي تولع ولا تطفيش
ده انا احسن من عزاله لو يعرفني ميقعلنيش
قالوا بيهجر قلت وماله يهجر يهجر بس يعيش
حلو ..حلو ..حلو ..الحلو
عامر…اللي غايظني بشوفوه يوماتي يعمل انه ميعرفنيش
لسة مشوفتش كده في حياتي واساله ماله يقول مماليش
أيهاب….طيفه تملي يجيني ليلاتي ويسهرني منيميش
راح ييجي يوم وامسك ف خياله ارقعه علقة عشان ميجيش😂😂
عامر….قالوا بيهجر قلت وماله يهجر يهجر بس يعيش
حلو ..حلو ..حلو ..الحلو
صقف الجمهور اللي كان متفاعل بسعاده بحراره
مني الشاذلي…براڤو ايه يا ايهاب ده انا قولت بيجاملك انت صوتك حلو بجد
ايهاب…ربنا يخلي حضرتك
مني الشاذلي…انا مش بجاملك والله صوتك حلو بجد خامه فظيعه مش موجوده اليومين دول انت ايه مشاريعك يا ايهاب ازاي لحد الوقت صوتك مش موجود عالساحه
ايهاب….والله انا سعيت كتير بس الفرصه دي توفيق من ربنا ويمكن لسه مخدتهاش لحد الوقت
مني الشاذلي….لا بعد الحقله دي لازم المنتجين يكتشفوا الصوت الفظيع ده بجد وانا بنفسي هوصل صوتك ده
ايهاب…بأبتسامه ده شرف ليا
والله
عامر…..شوفتي بقي عيله جامده احنا😉😉
ضحك الكل علي عامر
مني. الشاذلي….حقيقي اتفاجئت بصوت ايهاب وانا واثقه بعد الحقله دي ان شاء الله المره الجايه هيكون هو ضيفي
ايهاب…..ان شاء الله
مني الشاذلي طيب انا عايزه اسمع منكم حاجه تاني.
عامر….طيب هنغني حاجه خليجي
ايهاب….طيب تمام يلا بينا
نظرة عامة
كلمات الأغاني
استماع
النتائج الرئيسية
بين إيديا
بين ايدي وأحس انك بعيد
ذوب بأحضاني مثل قطعة جليد
بين ايدي وأحس انك بعيد
ذوب بأحضاني مثل قطعة جليد
علم العشاق كيف الحب يكون
بلا حواجز احلي طعم الحب أكيد
زيد ناري خلني أنكوي بالملح
خلنا نسهر ليلنا حتى الصبح
لا تفكر حبنا غلطة ولا صح
اش ما يعدي العمر حبنا يظل جديد
بين ايدي وأحس انك بعيد
ذوب بأحضاني مثل قطعة جليد
علم العشاق كيف الحب يكون
بلا حواجز أحلى طعم الحب أكيد
اقترب مني ترى الدنيا فرص
وخذ من شوقي إذا شوقك نقص
اقترب مني ترى الدنيا فرص
وخذ من شوقي إذا شوقك نقص
خلي احكيلك مواويل وقصص
اش ما يعدي العمر حبنا يظل جديد
اقترب مني ترى الدنيا فرص
وخذ من شوقي إذا شوقك نقص
خلي احكيلك مواويل وقصص
اش ما يعدي العمر حبنا يظل جدييييييد
صقف الجمهور بحراره
مني الشاذلي….برافوووو بجد تجننووا الحقيقه للاسف وقت الحلقه خلص كنت مبسوطه جدا معاكم حلقه جميله كلها طرب ودمها خفيف اتمني ربنا يوفقكم واشوفكم ناجحين وتكونوا معايا قريب بنحتفل بألبوم عامر وايهاب كمان
عامر….ان شاء الله كنت مبسوط من قلبي بجد شكرا لحضرتك وللجمهور الجميل ده والفرقه علي العزف الفظيع ده وطبعا علي مفجأه ايهاب اللي حقيقي فرحتني بجد اتشرفت بمعرفت حضرتك
صقف الجمهور بحماس
ايهاب….انا كمان اتبسطت جدا واتشرفت بمعرفه حضرتك شكرا علب دعوتكم ليا وبص لعامر مبروك يا اخويا ويارب اشوفك ديما ناجح قرب منه عامر حضنوا بعض بقوه وسط تصقيف حار من الجمهور
مني الشاذلي…..اظن دي احلي خاتمه اقفل بيها الحلقه اشوفكم علب في حلقه جديده من معكم مني الشاذلي….تصبحوا علي خير❣️❣️❣️❣️❣️❣️
يتبع…
- لقراءة الفصل التالي : اضغط هنا
- لقراءة باقي حلقات الرواية اضغط على (رواية 30 يوم حياة 2)