رواية 30 يوم حياة 2 الفصل الثامن عشر 18 بقلم أميرة أسامة
رواية 30 يوم حياة 2 الفصل الثامن عشر 18 بقلم أميرة أسامة
رواية 30 يوم حياة 2 البارت الثامن عشر
رواية 30 يوم حياة 2 الجزء الثامن عشر
رواية 30 يوم حياة 2 الحلقة الثامنة عشر
دخلت منار الشركه وطلعت علي مكتبها.
وابتدت تفتح اللاب توب وتشتغل بعد حوالي عشر دقايق دخل انس المكتب
انس…صباح الخير
منار…صباح النور
أنس…جايه بدري يعني
منار…مش بدري ولا حاجه انا
لسه جايه من عشر دقايق تقريبا
انس…عامله ايه
منار…الحمد لله انت عامل ايه
انس…الحمد لله فطرتي ولا لا
منار…لا مليش نفس مش قادره اكل اي حاجه
انس…طيب ليه كده
منار…ابدا انت عارف امبارح كنا معزومين عند منه وفضلت تأكل فينا لما نمت وانا مش قادره اخد نفسي خالص من الاكل وصاحيه مش قادره بردو شربت بس نسكافيه عشان افوق لاني نايمه متأخر
أنس…ايه اخبار الشغل
منار…تمام اهو لسه هبدأ واه صحيح لحظه فتحت شنطتها وطلعت منها علبه هدايا صغيره متغلفه وحطتها أدامه..كل سنه وانت طيب
أنس…بأبتسامه وانتي طيبه بس انا لسه عيد ميلادي بكره
منار…عارفه بس قولت ادهالك الوقت
أنس…انتي مش ناويه تيجي ولا ايه
منار…لا هاجي ان شاء الله بس بصراحه انا بتحرج من الزحمه وجو اعياد الميلاد ده فا قولت أدهالك انهرده أحسن
أنس…ماشي ياستي وانتي طيبه فتح أنس العلبه كان جواها ساعه شيك جدا
ايه ده الله حلوه اوي
منار…عجبتك
أنس….اوي ذوقك يجنن ياقلبي ربنا بخليكي ليا
ابتسمت منار أبتسامه بسيطه وهي بتحاول تهرب من كلامه وفجأه ده اتنين تانيين من زمايلهم فالمكتب
أحمد…سلمي
سلمي…صباح الفل
احمد…ياصباح الفل
منار وانس صباح النور
احمد….عاملين ايه
انس…الحمد لله با ابو حميد
سلمي…ايوه ياعم عالهدايا😉
أنس….ايه رأيكم
احمد…والعه معاك
أنس…اعوذ بالله من عينك😒
احمد….بضحك متخفش عيني مش بتحسد بتقر بس😂😂😂
سلمي….ابه لكره ان شاء الله عبد ميلادك فالكافيه ولا غيرت رأيك
انس…لا زي ما احنا ان شاء الله
احمد….شوفته صحيح الفديو بتاع عامر حسني اللي انتشر امبارح ده
منار قابها اتقبض اول ما سمعت أسم عامر واكتفت بأبتسامه بسيطه
أنس…..بضحك اه شوفته تحفه اتفرجت عليه كذا مره
سلمي….لجد يا منار هو جارك ولا بتصيعي علينا
منار…بارتباك واضح اه يا بنتي والله هكدب عليكي ليه
أنس….ايوه فعلا جارها اهو عامر ده صاحبي من ايام الجامعه
احمد …صاحبك بجد
انس…اه والله
سلمي….انا كنت بفكرك انت ومنار بتصيعوا علينا اصل بصراحه الواد موز اوي
اتغيرت ملامح منار وحست بالغيره لكن مقدرتش تدي اي رد فعل عشان انس وسكتت
انس…بضحك واقعه واقعه يعني😂😂😂 طب ما اكلمهولك هو مش مرتبط لو تحبي
سلمي…ياسلام احب اوي الواد قمر يا ناس😍😍😍
أحمد…طيب بما أن هو صاحبك ما تخليه يجي بكره عيد ميلادك
أنس…لا ياعم لا بكون وراه حاجه او مشغول
سلمي….مش بتقول صاحبك ولا انت بتحور
أنس…يابت هحور ليه بس وايوه هو صاحبي بس كمان مش فاضيلي
سلمي…ياعم اعزمه يمكن يجي ولا مش معاك رقمه😏
أنس….انتي بتسخنيني عشان اكلمه صح طب والله لا اكلمه
منار…بسرعه سيبك منهم دول فاضيين
أنس…والله ابدا وادي الموبايل
طلع انس الموبايل وجاب رقم انس واتصل بيه استناه يرد
فالوقت ده كان عامر خرج من الحمام بعد ما خد دش وراح عشان يلبس.
شاف رقم انس للحظه كده اتصدم لان انس مكنش بيكلمه كتير حتي بعد ما خد رقمه خصوصا بدري كده فا رد بسرعه وهو كل اللي في باله منار
عامر…..الوووو
فتح أنس الاسبيكر صباح الفل يا نجم
عامر…بابتسامه ظاهره علي صوته صباح الفل يا أنس
ايه المكالمه الحلوه دي عالصبح اول ما أفتكرت
أنس….حقك عليا ياصاحبي عارف اني مقصر والله بس غصب عني المهم انت عامل ايه
عامر…بخير والله الحمد لله ايه بقي سبب المكالمه دي
أنس….بضحك والله يا عامر تقدر تقول ان في عالم رخمه سخننوني اني اتصل بيك فاكرني ان بصيع عليهم لما بقولهم انك صاحبي
عامر…بضحك يعني يا واطي
لو مكانوش سخنوك مكتتش اتصلت
انس…بضحك والله مش كده بس قولت اهبطهم بس خصوصا ان معايا واحده بتحبك اوي ومن الڤانز بتوعك
سلمي…اه والله العظيم بحبك اوي
عامر…بضحك ايه ده انت واقف تحت تهديد السلاح ولا ايه
أنس…شوفت بقي مش بقولك
أحمد….منور يا نجم
عامر….بنورك يا باشا
أحمد….الفديو بتاع امبارح مكسر الدنيا
عامر…بابتسامه ايه رأيك
احمد….جامد والله شوفته كذا مره
سلمي…وانا والله العظيم شوفته كتير اوي😍😍😍
منار….😡
عامر….تسلموا يارب
سلمي….قوله بقي قوله والنبي
عامر…يقولي علي ايه
انس…بابتسامه سيبك منها دي لاسعه
سلمي…والله ابدا ده انا حتي كيوت والنبي لا تقوله
عامر….ماتقول ياعم
أنس….ابدا اصل عيد ميلادي بكره ان شاء الله وكنت عامله في كافيه فا لما عرفوا انك صاحبي مصممين انب اعزمك عشان يتأكدوا وانا ومنار بنقولهم انك مشغول
عامر…..سلم علي منار
انس….هي سمعاك
منار…سلم عليه
عامر….الله يسلمك يا منار
عموما ياعم بالعند فيك انت ومنار هاجي عشان اشوف القمر اللي جمبك دي
سلمي…ايوه بقي
احمد….واحنا بلاش يعني يانجم
عامر….ياسلام وعشان خاطر عيونك ياباشا طبعا
منار….أنس عامر كان بيقول ان عنده شغل من اول انهرده سيبه متضغطش عليه متسمعش كلامهم
أنس…بقولك ايه العالم دي عالم لاسعه سيبك منهم وشوف شغلك
عامر….انت ياض مش عايزني اجي ولا ايه انا جاي خلاص
أني…والله ابدا اصل منار بتبرقلي وبتقولي انك عندك شغل
سلمي…سيبك منها دي قطاعت أرزاق
عامر…بضحك زي ما القمر قالتلك منار قطاعت ارزاق بقولك ايه ادهالي
انس….القمر ولا منار
سلمي…اكيد القمر طبعا😍😍
عامر…بضحك لا القمر ليها اعده بكره اديني منار
انس…خد معاك اهي
مدلها ايده بالموبايل ووقف يضحك علي سلمي هو واحمد
مسكت منار الموبايل وقفلت الاسبيكر..
منار….صباح الخير يا عامر
عامر…صباح الفل با قطاعت الارزاق.
منار…..سكتت ثواني وهي متغاظه منه وكملت لا ابدا بس عارفه انك عندك شغل من انهرده فاحبيت يعني ارفع عنك الحرج بس ادام الخروجه علي مزاجك اوي كده تعالي منار انتي فاتحه الاسبيكر اصل في صوت هوا
منار …فهمت ان هو بيتأكد الاسبيكر مفتوح ولا لا منار…لا قفلته
عامر…بجد
منار…اه
عامر…طب وحشتيني
ابتسمت منار غصب عنها وسكتت
عامر…علي فكره لو مش عيزاني اجي مش هاجي اصل شكلك وحشك الهروب مني خصوصا اني بقالي كام مره كده مبدلكيش فرصه للهروب
منار….عادي علي فكره
عامر…هو ايه اللي عادي
منار….تعالي
عامر…بجد عيزاني اجي
منار….احمممم اللي يريحك
عامر….اني اشوفك
منار….أبتسمت خلاص هنستناك اهو عالاقل تشوف القمر
عامر…بأبتسامه سعاده انتي غيرانه ولا ايه
منار…شكلك رايق عالصبح
عامر….طبعا اصلك مجربتيش تصحي علي صوت حلو
منار…. بارتباك وصوت عالي لما لاحظت انهم سكتوا وأبتدوا يركزوا معاها احمممم خلاص هنستناك بكره ان شاء الله
عامر…بأبتسامه ان شاء الله قولي للقمر عامر بيقولك معادنا بكره😉😉
منار…😡😡 سلام ياعامر
عامر….بضحك سلام ياقلب عامر
ابتسمت منار غصب عنها وادت الموبايل لأنس
انس…ايه يانجم هستناك بكره خلاص
عامر…ان شاء الله عرفني بس المكان والوقت
انس….بقولك ايه انت هتيجي من مكان ولا البيت
عامر….أشمعني
انس…ابدا بس انا بكره عندنا شغل عادي يادوب هنخلص شغل هطلع انا علب البيت البس ومش هلحق اجيب منار فا لو انت هتيجي من البيت لو يعني ممكن تيجي وتجيل منار معاك هي كده كده عارفه المكان وعشان كمان عادل اخوها مش هينفع يجي بيقول عنده مشوار هو وعروسته
عامر….لا تمام انا كنت رايح مشوار كده الصبح وهرجع عالبيت
انس…خلاص لو كده تعالو سوا
عامر…خلاص ان شاء الله تمام
عامر كان طاير من الفرحه اما منار علي اد ما كانت فرحانه كانت متوتره جدا
انس…اشطا خلاص مش هعطلك شوف اللي وراك
عامر…ماشي يا صاحبي بلا سلام
أنس….سلام يا صاحبي
منار…ليه قولتله كده
انس…قولتله ايه
منار…اننا نروح سوا
انس…ليه في مشكله
منار…لا مفيش بس عشان متحرجهوش ويفكر يعني انك بتحطه ادام امر واقع
انس…امى واقع ايه وبتاع ايه يا بنتي هو مقالش اي حاجه عادي يعني ولو مشغول مكنش جه وقاللي عادي وبردو لو مش فالبيت كان قال عادي انا عارف عامر مش هيتكسف مني اكيد
منار….طيب
سلمي….يابنتي في حد يقول لا عالتوصيله الجامده دي ده عامر حسني الموز😉😉
انس…ماتحترمي نفسك يا بت انا خطيبها🤨
احمد….بضحك لا سلمي لسعت خلاص😂😂😂
انس…لسعت هي لاسعه اصلا😂😂😂😂
منار…بقول ايه يلا نشوف شغلنا بقي
أنس….اه يلا بينا
………….
قفل عامر معاهم وهو مبسوط وحاسس ان يومه أبتدا بطاقه إيجابيه كمل لبسه ونزل..
…..
عامر….صباح الف الفل يا لاحه
صلاح…صباح الفل ايه علي فين كده
عامر…ابدا رايح اشوف العربيه أحتمال استلمها انهرده
صلاح…بجد انا اول لفه هاخدها
عامر….بس كده احلي لفه فين صالح
صلاح …ماهو ادامك هناك عند زين سلامت الشوف
عامر…بضحك معلش بقي اصل النضاره مغيمه شويه😂
صلاح…يالا ياض من هنا الو شكلك عالصبح😒😒🔪
عامر…طب ما تزوقش صباحك فل يالاحه مشي عامر راح علي زين
عامر….صباح الفل علي احلي شباب فيكي يا سيده زينب وسلام حاير طاير قاطعه زين
زين…بااااس ايه حاولت المهنه من مطرب لنبطشي😡
عامر بضحك انا الحق عليا اني بديكم التحيه
صالح….رايح فين ياض عالصبح كده
عامر…اعوذ بالله عالصوت ده عالصبح😒
صالح….ماله صوتي ياض
عامر….قمر كروان يا ناس
زين….جبان😂😂😂
عامر…العمر مش بعزئه وده ايده طارشه
صالح…تشرب حاجه
عامر….لا يا خويا انا ماشي مش عابز منك حاجه
صالح ..احسن بردو وفرت 🤨 انا رايح لواد لاحه لو عزتوا حاجه نادولي سلام
عامر…زين…سلام
زين…ايه علي فين كده
عامر…مفيش احتمال استلم العربيه
زين…طب ما قولتش ليه امبارح
عامر…علي اساس لما روحنا شوفناها وخلصنا فيها مكنتش معانا وصاحب المعرض اللي حدد انهرده معاد الاستلام.
زين….انا مخي دفتر انت كمان نسيت والله استني هقفل بسرعه وهغير واجي معاك
مسكه عامر من دراعه استني هنا رايح فين ولا تيجي ولا اي حاجه خليك انت جيت معايا من كام يوم وشوفناها
وبصيت عليها وفصصتهغ وقولتلي تمام وعالاساس ده دفعت جزء من الفلوس الوقت هروح استلمها وادفع الباقي انت هتيجي ليه
هي عطله وخلاص
زين…ياعم ولا عطله ولا حاجه انا لسه مابتدأتش شغل وبعدين لازم اجي معاكي وقت الاستلام حاجه غير اول مره تشوفها لازم اجي وابص عليها تاني
عامر…ياعم هعطلك والله
زين….انت كده فعلا بتعطلني اخلص بقي
بعد وقت بسيط كان زين قفل باب المحل نص قفله تدل علي انه هيفتح تاني عشان لو الزباين جم وراح هو وعامر علي المعرض وبعد وقت مش طويل كان زين لف حوالين العربيه ميت مره وفتحها وجربها واختبر كل حاجه فيها وأشار لعامر ان كله تمام
عامر….ايه رأيك فاللون حلو الاسود
زين…طبعا شيك جدا مبروك يا صاحبي ربنا يرزقك خيرها ويكفيك شرها
عامر….يارب
خلص عامر وزين الاجراءات مع صاحب المعرض واستلم العربيه
عامر ساب زين يركبها واعد جمبه
عامر…ايه الاخبار حلوه
زين…الله اكبر حلوه طبعا مش انا اللي مختارها يالا عيب عليك انا ركيب
عامر… عشان كده انا خدت رأيك
زين….يلا مبروك عليك عقبال العروسه
عامر…بأبتسامه موجوده بس بتربيني
زين…احسن تستاهل والله فرحان فيك
عامر…خليك يا خويا فرحان فيا لحد ما هفضل مخلل جمبكم كده
زين…مفيش اي جديد
عامر…لا عادي يعني بس هشوفها بكره انس عزمني الصبح علي عيد ميلاده واحتمال اخد منار ونروح مع بعض لان عنده شغل ويادوب يخلص قاللي هيروح يجهز ويطلع عالكافيه
زين…عادل عارف
عامر…لا بقولك الحوار ده حصل الصبح وحكاله عامر عن سبب مكالمه انس وصحابه ..بس فا مرضتش اقوله لا وفنفس الوقت لسه مقولتش لعادل.
زين…وحيات امك قال مرضتش اقوله لا يا ض ده انت ما صدقت
عامر…بصراحه اه خليك في خالك بقي
زين…بضحك اه يا ابن الل…..
عامر…بضحك شكرا يا ذوق
زين…انت رايح مكان وبا عندك شغل انهرده
عامر…بأرتباك ااااه اه يعني كده
زين…في ايه ياض انت مخبي حاجه
عامر…بص انت عارفني مبعرفش اخبي اصلا وبيبان عليا انا بصراحه عاملهالكم مفجأه بس هقولك انت..
وحماله عامر علي مكالمه معد البرنامج اللي هيصوره انهرده
زين….اوعي بتكلم جد ولا بتصيع
عامر…وحيات امي ما بكدب وهروح انهرده والحلقه هتتاذع بعد بكره وكنت بفكر اجمعكم ونتفرج سوا
زين…طب بقولك ايه التجميعه دي المرادي عليا وهنبقي عندي فالبيت ايه رايك
عامر….امك مش هنا ووعد عندها امتحانات مش عابز الغبطلكم الدنيا
زين…ولا لغبطه ولا حاجه وعد مخلصه وبنراجع مع بعض كل يوم وبيني وبينك التجمعات دي فايده ليها عشان تغير مود
عامر…طيب اشطا وحيات امك ما تعرف اي حد خليها مفجأه
زين….متقلقش محدش هيعرف الهوا
عامر….تمام وصلوا الحاره
والموجودين من صحابه باركوله عالعربيه بفرحه
صالح…لاحه…هيما …ادهم…
اما الباقي كانوا لسه مرجعوش
بعد وقت بسيط خلص عامر شاور وراح علي اللبس وابتدأ يلبس كان شكله زي القمر ظبط نفسه عالاخر ونزل خد العربيه بتاعته
ومشي علي مكان الاستديو..
بعد مده مش كبيره اوي
وصل اخيرا الاستديو رحب بيه الجميع واستقبلوه استقبال خلي عامر ثقته بنفسه تزيد اوي كان حاسس انه بيحلم من كتر سعادته. قابل مني الشاذلي سلم عليها
ورحب بيه ثواني بسيطه من الكلام وسابته مني الشاذلي ودخلت عشان تدخل
أبتدوا يجهزوا عامر ويعلقوله المايكات وكل حاجه جهز عامر وفضل في الخارج لحد ما تدخل مني الشاذلي…
3
2
1
معكم مني الشاذليييي
دخلت مني الشاذلي وسط تصفيق الجمهور وتصفير الشباب.
مني….شكرااا
أعد عامر بعد ما حيا الجمهور أبتسامته مكانتش مفارقه ملامحه..
مني….ازيك ياعامر
عامر…بخير الحمد لله
مني….قولي بقي ايه اللي انت عامله ده
عامر….بضحكه تضحك والله العظيم ما عملت اي حاجه
ضحك الجميع.
مني…عامر انت عامل حاله جميله وغريبه في الشارع المصري توقعت النجاح ده
عامر…بص للجمهور نتكلم جد شويه بقي
الجمهور ضحك عليه..
عامر….بصي حضرتك قبل اي كلام حابب بس اقول حاجه
انا طول الطريق وانا جاي بحاول ارتب كلام وإجابات لأسئله متوقع انها ممكن تتسأل وبصراحه كل اللي جه في بالي انا حرفيا والله العظيم نسيته ومفيش في بالي غير حاجه والله العظيم عايز اقولها بس بيني وبينك اتهرشت الجمله دي كتير🤔
ضحكت هب والجمهور علي كلامه
مني…وايه هي الجمله بقي
عامر…اني مبسوط جدا اني مع حضرتك وانه شرف ليا وجودي فالبرنامج بجد والله العظيم…ويمكن حقيقي لما كنت بسمع اي حد بيقول الجملتين دول كنت بقول شو وكده ولما كنت اسمع حد يقول انه حلم بأول نجاح ليه
عشان يجي يقابل حضرتك كنت أقول يخربيت الاڤوره لحد ما جه اليوم اللي حقيقي كنت مستني انجح عشان اقابل حضرتك🥰🙏
ضحكت من الشاذلي وصقف ليه الجمهور جامد.
مني الشاذلي طيب قولي ياعامر توقعت النجاح
عامر…انا حلم حياتي من وانا صغير اني اوصل لحلمي بجد
عافرت وسعيت كتير يمكن فالبداية كنت مستعجل عالنجاح بس لما مكانش بيجي مكنتش بضايق لان كان عندي يقين تام ان ربنا اكيد هيقف معايا واه كنت متوقع النجاح كل الحكايه اني كنت محتاج فرصه والحمد لله خدتها وعملت اول كليب يمكن فالبدايه كنت عارف الاغنيه هتسمع شويه وهتعجب ناس وهتنجح بس من اول كليب عشان اكون صريح معاكي مكنتش متوقع انه يبقي ترند خصوصا اني لسه مطرب مش معروف اوي كنت بغني في حفلات خاصه حفلات جامعات افراح مطاعم حجات كتير وكان ليا ناس بتحبني وبتحب تسمعني لاكن مكنتش مشهور شهره مطرب ولما الكليب سمع مكنتش متوقع
مني الشاذلي…انتشر برده علي الصفحه بتاعتك عالفيس مقطع فديو حلو اوي وتداول كتير بردو وانت بتحتفل في المكان الانت ساكن فيه بالكليب بتاعك وكان في شاشات معروضه واهل المكان الانت ساكن فيه متفاعلين بشكل حلو اوي وكأن عامر واحد او فرد من كل عيله فالحته بتاعتك
عامر…ده صحيح انا من السيده زينب اتولدت وعشت هناك اهل الحته كلهم اخلي ده مش مجرد كلام حقيقي احنا مش مجرد جيران احنا فعلا أهل بس عشان اكون صريح الاحتفال ده كان مفجأه بالنسبه ليا واللي عمله وجهز كل ده صحابي واخواتي وعشره عمري وولاد حتتي جهزوا كل حاجه وانا بره المكان والحقيقه اني جيت اتفجات بكل ده ويمكن ده قبل ما الفديو يكون ترند اصلا ده كان يوم نزول الكليب والحقيقه ان صاحب الفكره دي كان اخويا وصاحبي چو او يوسف واللي هو أبن الست اللي كانت معايا في الفديو اللي انتشر امبارح بالشكل ده
مني الشاذلي بزهول…ايه ده هي الست اللي كانت معاك دي انت اصلا تعرفها مش مجرد شخص من ركاب المركب..😳
عامر…بأبتسامه لا دي روحيه 😂🙈 كنت خارج انا وهي والحقيقه ان الفديو ده مكنش مترتب ليه والله العظيم
مني الشاذلي…ازاي طيب احنا حابين نعرف
عامر…الحقيقه انا كنت نازل الشارع عادي لقيت روحيه اعده عالشباك بتاعها حاطه ايدها علي خدها ومضايقه
روحيه دي احلي حاجه في شارعنا امنا كلنا بنحبها اوي ضحكتنا مبتطلعش غير في وجودها بجد…فا اضايقت لما لقتها مضايقه وطبعا چو الايام دي بيجهز نفسه عشان خلاص فرحه قرب فا طبعا مشغول في شغله وتجهيز شقته وفرحه يعني زي اي عريس خلاص بيلعب في الوقت الضايع وحابب انه يخلص شقته في اسرع وقت
فا غصب عنه سايبها والحقيقه كمان ان اغلب امهات وابهات صحابي طلعوا عمره ومن ضمنهم والدت صاحبي واللي روحيه مرتبطه بيها جدا ويمكن اعدتها ديما معاها فا عدم وجودها أثر في نفسيه روحيه..
مني الشاذلي…بضحك انت ا بتقولها روحيه
عامر…بضحك اه انا وعيت عالدنيا الكل بيقولها روحيه حتي يوسف ابنها المهم عرفت انها مضايقه قولتلها البسي وهنخرج سوا فرحت ولبست بسرعه وفعلا خدتها وخرجنا وسألتها عايزه تروحي فين قالتلي نفسي اشوف النيل وفعلا خدتها وروحنا وركبنا المركب روحيه عندها بقي مشكله تسمع الموسيقي من هنا متعرفش تمسك نفيها من هنا فضلت احاول أعد فيها وهي مفيش اسكت انا لا طبعا ودي تيجي قمت راقص معاها ومع الشباب اللي موجود فالمركب زي ما شفته فالفديو كده
ضحك الجمهور كله.
مني الشاذلي…الله بجد ياعامر انت طيب اوي يعني انت بس عشان شوفتها مضايقه خرجتها
عامر…روحيه مينفعش تضايق اصلا وهي وسطنا ولو انا كنت مشغول كان اي حد من صحابنا هياخدها يخرجها زي ماانا عملت بالظبط
مني الشاذلي…بجد براڤو عليكم وحقيقي الفديو كان حلو اوي وحقيقي جدا ضحكتك وضحكتها فيهم روح متتوصفش ويمكن ده اللي خلي الفديو ينتشر ويوصل للناس بالشكل ده
عامر…الحمد لله
مني الشاذلي ….طيب قولي ياعامر ايه مشاريعك الجايه
عامر….في فديو كليب تاني هيتصور قريب ان شاء الله والحقيقه ان الفديو ده او الاغنيه دي هي فكرتي بس مش كلماتي انا طرحت الفكره والاغنيه المفروض انها بتتكتب وخلال ايام هتتصور والحقيقه ان الفضل فالفكره نفسها هو والدي لما اعد معايا بعد نزول الكليب كلن مبسوط منه جدا ووصاني بقي علي الفن والفنانين وكلمني علي الزمن الجميل وحب فكره اني لوحدي فالكليب من غير رقص وتنطيط او حتي الاستعانه بمودل وقاللي ان الفكره حلوه
مني الشاذلي…فعلا الكليب حلو جدا وراقي مفيهوش اي أبتذال
عامر….وانا ناوي ان ديما امشي علي نفس الطريق والاغنيه اللي هتتصور دي هتكون هديه مني لوالدي واتمني انها تعجبه وتعجب الجمهور
صقف الجمهور
مني الشاذلي …طيب الوقت احنا عندنا فقره هنلعب مع بعض لعبه يعني هجيب صوره وانت تقولي عليها اغنيه
عامر….طيب حلو ده يلا بينا
اتعرضت اول صوره
كانت شباك
عامر..بابتسامه وهو بيفكر
اه احمممم اممم
تحت الشباك و لمحتك يا جدع .. بعدها وياك ما تقولي يا جدع
تحت الشباك و لمحتك يا جدع .. و شبكني هواك من عينك يا جدع
صقف الجمهور واتعرضت الصوره التانيه…
شمس وبحر
شمس وبحر ونسمه شقيه بتوشوشنى بأسم حبيبى
شمس غروب بتدوب فى الميه وانا فى هواك دايبه ياحبيبى
موج ورا موج رمله منديه وانا بكتب ع الرمله .. حبيبى
بس الموجه عشان لعبيه بتسرق منى اسم حبيبى
صقف الجمهور.
اتعرضت الصوره التالته..
صوره بيوت كتيره
عامر….الأماكن كلها مشتاقة لك
الأماكن كلها مشتاقة لك
والعيون اللي إنرسم فيها خيالك
والحنين اللي سرى بروحي وجالك
ماهو بس أنا حبيبي، الأماكن كلها مشتاقة لك
صقف الجمهور جامد
مني الشاذلي ….صوتك حلو اوي فالخليجي ياعامر
عامر…ان شاء الله الالبوم في اغنيه خليجي هتعجبكم
مني الشاذلي ان شاء الله طب قولي ياعامر…
مين هو قدوتك فالحياه
عامر….ايه السؤال ده
مني الشاذلي …بضحك ايه مفيش قدوه
ضحك الجمهور
عامر…بضحك لا طبعا في بس هما كتير اوي ابويا اخويا صحابي كلهم اهل حتتي ناس كتير الحقيقه كل واحد فيهم في حاجه مميزه بتخليني اخده قدوه في حياتي
مني الشاذلي….من اول ما أعدت يا عامر وانت بتقول في كل جمله صحابي حتتي جيراني واضح ان المكان واهل المكان مأثرين فيك اوي
عامر…فوق ماتتخيلي الناس في الحته عندنا ناس بجد صعب اوضفهم بكلام عادي في اعده بسيطه لان مهما اقول عنهم مش هقدر ابدا اديهم حقهم حتي لو واحد فالميه الشهامه والجدعنه والرجوله الطيبه الحنيه الخوف السند الامان الستات اللي بميت راجل كل ده هتلاقيه عندنا فالشارع احنا اكتر بكتير من مجرد اهل حته وجيران ولو في معني اقوي من كلمه اهل هيبقي بينطبق علي حتتي واهلها اللي شرف ليا اكون منهم
صقف الجمهور بحراره بعد كلامه ده.
مني الشاذلي حمستني اني اشوف الناس الجميله دي
بصراحه الانت بتقوله ده بقي صعب تلاقيه بسهوله
عامر…يمكن دي حقيقه بس عندنا هتلاقي اكتر من اللي قولته بكتير
مني الشاذلي….طيب قولي ياعامر انت المعجبين بتوعك كتير جدا ويمكن انت من الناس القليله اللي اتشهرت بسرعه كبيره اوي وبقي ليك جمهور وفانز كبير ويمكن اغلبهم بنات بحكم بقي انك فارس احلامهم والكلام ده
تقدر تقولي ايه اخبار الحب في حياتك ولا تخاف علي معجبينك
أبتسم عامر بحب….اكيد مش هخاف لان انا بالنسبه لجمهوري اكيد حد هما حبوه واكيد يحبوا يشوفوه سعيد
مني الشاذلي…افهم من كده ان عامر حسني مرتبط
وده كان سؤال مني الشاذلي لعامر
واللي كان رد عامر عليه هو…
🙄🙄أشوفكم بكره مع باقي الحوار
يتبع…
- لقراءة الفصل التالي : اضغط هنا
- لقراءة باقي حلقات الرواية اضغط على (رواية 30 يوم حياة 2)