رواية 30 يوم حياة 2 الفصل الخامس عشر 15 بقلم أميرة أسامة
رواية 30 يوم حياة 2 الفصل الخامس عشر 15 بقلم أميرة أسامة
رواية 30 يوم حياة 2 البارت الخامس عشر
رواية 30 يوم حياة 2 الجزء الخامس عشر
رواية 30 يوم حياة 2 الحلقة الخامسة عشر
سهر….أبتسمت هستناك تاني في اي وقت
عامر…ان شاء الله هستأذن انا بقي
سهر…قامت معاه توصله اتفضل
عامر…بأبتسامه كمان هتوصليني بنفسك كده كتير
سهر…بضحك عد الجمايل
وصلوا ادام الباب وفجأه اتصدموا لما شافوا منار بره شقتها او الجزء الخاص بالعياده…
عامر…منار
سهر….اهلا يا منار عامله ايه
منار….اهلا يا سهر عامله ايه
ازيك يا عامر.
سهر…الحمد لله
عامر…بخير ايه راحه فين
سهر…تعالي يا منار اتفضلي
منار…احممم لا شكرا انا كنت طالعه اعد مع شمس شويه رجعت وقالتلي اروح اعد معاها
سهر…وانا اللي فكرتك جايه تباركيلي
منار ..بأبتسامه مبروك ياسهر ربنا يوفقك
سهر…لا مبروك دي تقوليهالي جوه لازم تدخلي
منار…بأبتسامه بسيطه مش حابه اعطلكم وبصت لعامر بطرف عينها ورجعت بصت لسهر
سهر….تعطلينا ابه بس يا ستي عطليني ملكيش دعوه وبعدين انتي شايفه الكشوفات كتير ده مفيش حد
منار…ان شاء الله قريب هتلاقي ناس كتير بس لسه انتي لسه فاتحه العياده
سهر…انا بهزر انا مش مستعجله كفايه اني فتحت ودي اول خطوه اللي جاي سهل ان شاء الله
يلا بقي تعالي
عامر…ادخلي يا منار انا كده كده كنت نازل جيت بس اشوف سهر لو محتاجه حاجه واباركلها
منار…بتفكير
سهر..يلا بقي انتي لسه هتفكري
منار…بابتسامه ماشي
عامر…طيب هسيبكم بقي انا مبروك يا دكتوره
سهر…ميرسي ياعامر
عامر….سلام يا منار
منار…احممم سلام
نزل عامر. وفضلت منار باصه علي طيفه لحد ما اختفي
سهر…تعالي يا منار
دخلت معاها منار الاوضه بتاعت الكشف وقفلت وراها الباب
سهر….ايه رأيك فالعياده
منار….وهي بتبص حواليها حلوه اوي ماشاء الله تجنن
انا متخيلتش انها تبقي كده بصراحه خصوصا بعد ما قفلتيها بالشكل ده
سهر…بصراحه ولا انا بالرغم اني مكنش عندي بديل غير التقسيمه دي إلا أني متوقعتش تبقي بالشكل ده
وكملت سهر وهي قاصده تشوف ملامحها…وبصراحه عامر ساعدني كتير وتعبته معايا
أرتبكت منار وحاولت تبان طبيعيه لاكن طبعا سهر ما اخفاش عليها توترها.
منار…عامر جدع جدا وبيحب يساعد اي حد
سهر…فعلا واستاذ عادل كمان بجد جدع اوي وبصراحه كل الشباب هنا انا حاسه فعلا اني في وسط اهلي واخواتب وبردو وعد ساعدتني فالديكور واختيار الالوان
منار…وعد ذوقها جميل بجد بعيدا عن ان دي دراستها بس هي حقيقي موهوبه
سهر…فعلا قوليلي بقي تشربي ايه.
منار…اي حاجه
طلبت سهر ليهم هما الاتنبن نسكافيه وبعد مده بسيطه جابته السكرتيره اللي شغاله معاها وخرجت
اتكلموا مع بعض في كذا حاجه عاديه
سهر….قوليلي عامله ايه الوقت
منار…في ايه
سهر….ابدا اخر مره كنا فيها عندكم وسألتك كانت حالتك مش حلوه
منار…اه تقصدي علي كريم …عادي والله زي ما انا ياسهر بحاول اتأقلم
سهر….لازم تخرجي اللي جواكي عشان تقدري ترتاحي
منار…بأبتسامه انتي عايزه تمارسي مهامك العمليه
سهر…بضحك لا والله متفهمنيش غلط انا بدردش معاكي عادي مقصدش انك تحكي حاجه
منار…بضحك انا بهزر علي فكره والله عموما في موضوع كريم ده انا معنديش حاجه اقولها اصل حتي لو عندي كلام اقوله هيفيد بأيه كريم اكيد مش هيرجع
سهر…اكيد مش هيرجع اللي بيروح مبيرجعش بس عالاقل ترتاحي بصي هو عموما الايام بتنسي والوجع مع الوقت بيروح
منار…بيتهيألك ياسهر كريم قرب خلاص من السنتين ولسه فراقه واجعني
الايام عمرها ما بتداوي جرح ولا بتنسي. بالعكس
الايام مجرد مسكن او مخدر موضعي بيخفف الالم لكن مبتشلهوش من قلبك
سهر…عندك حق يا منار بس لازم نعيش حياتنا يا منار صدقيني العمر بيجري وكل واحد فينا هيجي عليه يوم ويفارق ده دور وكلنا لازم نقرب منه بس مينفعش نوقف حياتنا نحزن شئ طبيعي بس لازم الحزن ده ميأثرش علينا وعلي حياتنا
منار…عندك حق انا بحاول والله
سهر…طيب ده بالنسبه لموضوع كريم ايه بقي حكايه المواضيع التانيه
منار…بأستفهام مواضيع ايه
سهر…انتي بتقولي في موضوع كريم معنديش حاجه اقولها يعني اكيد اللي تاعبك حاجه تانيه
منار…اتنهدت ونسيت تماما انها اعده مع سهر اللي بتغير منها بالرغم من ان منار بتغير من سهر لكن هي مش كرهاها بالعكس هي حباها وحساها طيبه بعيدا عن عامر..
منار..هو انا ممكن أسالك سؤال شخصي
سهر…طبعا اتفضلي
منار…هو انتي بتحبي او حبيتي قبل كده
حست سهر انها عايزه توصل لحاجه معينه من سؤالها ده غير انها حابه تطمن علي علاقتها بعامر.
منار…لما حست انها سرحت لو مش حابه تجاوبي بلاش
سهر….لا بالعكس ..بصي انا حبيت مره ومحصلش نصيب ومحاولتش اني اجرب بعد كده مش اتعقدت لا بس حبيت اركز في مستقبلي اكتر
منار…طيب ليه مكملتيش لما انتي كنتي بتحبيه
سهر….بصي شادي ده كان غالي عندي اوي أتعرفت علبه في اولي جامعه كنت لسه
صغيره وكانت اول تجربه كنت عبيطه مبعرفش اعرف اللي ادامي اوي ولا اعرف احكم علي اي شخص حبيته بجد كان كل حاجه ليا كنت بعتبره هو وبابا واختي اهم حاجه عندي
منار…طيب ليه مكملتيش
سهر…لانه كان أناني اوي شادي انا فضلت مكمله معاه طول فتره الجامعه كنا متفقين اني اخلص انا وهو الدراسه هيجي يتقدملي كان اكبر مني بسنه واحده بس لعد ما خلصت وجبت تقدير حلو جدا وقتها جاتلي المنحه للسفر بعدها حسيت انه اتغير طريقته اسلوبه كلامه حتي نظراته حاولت كتير اعرف ماله يمكن زعلته من غير ما اخد بالي وبعد ما جاتلب المنحه وكنت طايره من الفرحه تخيلت انه هيفرح ويشجعني لكن اللي حصل عكس كده رفض واضايق حاولت اقنعه رفض رفض تام من غير نقاش قولتله ان دي حاجه فيها مصلحتي والمفروض انه اكتر حد يقف معايا اعترض علي كلامي وقال كلام غريب اول مره اسمعه فيما معناه اني مينفعش اسافر وهو لا مبنفعش اكون احسن منه او اعلي منه وقتها عرفت سبب تغيره وعرفت انا غار مني او بمعني اصح استصعب علي نفسه اني اكون ناجحه
وعرفت وقتها ان هو زي رجاله كتير بتكره نجاح شريكت حياتهم وبيغيروا
ساعتها لما واجهته اتعصب وغضب وقال انه مش صح
قولتله لو مش صح يبقي توافق
قالي لا
وقتها قررت اني اسافر ومضيعش فرصه زي دي ولا اضيع تعبي انا وابويا عشان شخص كاره ليا النجاح ولما بلغته بقراري قاللي لو عملتي كده مش هنكمل اختاري انا او السفر من غير تفكير اختارت السفر وسبته هو كان متوقع اختاره لانه كان عارف اني بحبه بس وقتها انا حسيت احساس غريب من ناحيته حسيت اني مش حباه في حياتي ازاي اكمل مع حد كاره نجاحي وهو المفروض اكتر شخص يدعمني…بس دي كل حكايتي
منار…براڤو عليكي النوعيه دي من البشر مينفعش الواحد يكمل حياته معاها.. بس محبتيش بعد كده
سهر…لا خالص عقليتي كمان اختلفت حسيت اني لازم ابص لمستقبلي اكتر واركز فيه وبعد ما اقف علي رجلي صادفت الحب ده تمام مصادفتهوش عادي الحياه عمرها ما هتقف علي راجل
منار….عندك حق
سهر…طيب وانتي بقي حبيتي انس ازاي واتعرفتي عليه ازاي…سهر كانت عارفه حكايتها بس حبت تجرها للكلام
منار….انا محبتش أنس يعني مجرد شخص اتقدملي محترم كويس وطيب وافقت انا اتعرفت علي انس من كام شهر بس لما اشتغلت فالشركه وهو اول حد اتعرفت عليه هناك بعد فتره انس طلبني مرتين وانا رفضت وفالمره التالته وافقت وبس هي دي حكايتي معاه
سهر…يعني انتي عمرك ما حبيتي
منار….شردت بحزن حبيت
سهر…وراح فين وليه مكملتيش
منار…الشخص اللي حبيته محبنيش كان بيعتبرني اخته او مش شايفني غير اخته ورفض حبي ليه
سهر…وهو عرف ازاي انك حبتيه
منار…بابتسامه انا اللي قولتله بنفسي تعبت بعدها وعملت عمليه فالقلب جالي وقاللي انه موافق يكمل معايا ضحكت بسخريه…اصعب احساس ممكن تحسيه الشفقه فالحب
احساس وحش اوي لما تحسي ان اللي بتحبيه موافق يكمل معاكي بس عشان صعبتي عليه وكأنه بيقولك انتي مموتيش في رفضي لحبك فا انا جاي اموتك وانا بشفق عليكي
سهر…مش يمكن مقصدش
منار….الغريبه اني واثقه انه مقصدش والأغرب أني واثقه انه فعلا بيحبني الوقت
سهر…طيب ليه مرجعتوش
منار…في حجات مينفعش تكمل بعد جرح يا سهر هتفضلي طول عمرك فكراها وهتفضلي طول الوقت حتي لو بقيتي عارفه انه بيحبك هيفضل جواكي شك في حبه ليكي وهتبقي ديما حساسه في كل موقف وتدريجيا حياتكم هتبقي عباره عن خناق ومشاكل وبدل نا كنتي بتحبيه هتبتدي تكرهيه.
سهر…بس انتي لسه بتحبيه يا منار؟
منار….للاسف لسه
سهر…بس لازم تدي لنفسك وليه فرصه يا منار وارد كل اللي بتقوليه ده نمر بيه الحياه مليانه أختبارات لازم نمر بيها ولازم نعديها سواء كانت حلوه او وحشه
وبعدين يا منار انتي ناسيه ان في شخص بينكم بتظلم من غير سبب
منار…تقصدي انس…بالعكس انا بعامل انس كويس ومش ظلماه.
سهر…ده من وجهه نظرك حبك لشخص تاني ده في حد ذاته ظلم ليه لان قلبك مع غيره وحتي لو اتخطبتي لانس عشان صفاته الحلوه دي انتي ظلماه لان هو بيحبك وانتي مش مديه نفسك فرصه تحبيه…
سرحت منار في كلامها…
فلاش باك.
منار…ازيك يا أنس
أنس…الحمدلله ياااه بقالك زمن متصلتيش من نفسك ديما انا اللي بتصل بيكي
منار…ابدا بس انت مجتش الشغل انهرده فا قولت اشوفك مالك
أنس….تمام تعبان شويه بس
منار….سلامتك هو انت مضايق من حاجه
أنس….هضايق من ايه انا بس تعبان شويه
منار…اقصد يعني مضايق اني كلمتك
انس…مضاااايق لا هالص انا بس استغربت مكالمتك منار انا محتاج اتكلم معاكي شويه
منار…معاك يا انس انا فاضيه
انس…بصي يامنار انا عارف اني اتقدمتلك كذا مره ورفضتي وفالاخر وافقتي منار انا عمري ماحسيت انك بتحبيني زي ما بحبك حاسس ديما بحاجه ناقصه مش شايف اني مقصر في حاجه تخلي المعامله بينا كده حاسس ديما انك وافقتي بس عشان اتحرجتي ترفضي تاني لو انتي يا منار مش قادره تحبيني او تكملي معايا قوليلي وانا مش هزعل
منار….بأرتباك ايه اللي انت بتقوله ده يا انس لا طبعا وبعدين يعني انا يمكن اعصابي الفتره دي تعبانه مش عارفه مالي بس نفسيا مش مظبوطه لازم تستحملني
أنس…حاضر يا منار هستحملك بس كمان افتكري ديما انك لو مش حابه تكملي معايا قوليلي يا منار وانا هنسحب من حياتك علي طول..
بااااااك..
سهر…فا بلاش تظلمي نفسك وتظلمي حد معاكي انتي معايا
منار…اه معاكي
سهر…فكري في كلامي يا منار حتي لو انتي مش حابه ترجعي للي كنتي بتحبيه عالاقل متكمليش مع حد انتي مش حباه وبعد كده ابقي فكري براحتك اذا كنتي ترجعي للشخص اللي بتحبيه او لا بس اوعي تاخدي حد بديل عشان تنسي حد
منار….حست ان كلامها كله صح وحبت تدي لنفسها فرصه تفكر.
…………..
في صباح يوم جديد
نزل عامر من بيته اخر النهار لفت نظره روحيه اللي اعده علي الشباك سرحانه وحاطه أيدها علي خدها..
صلاح….كنت فين ياض
عامر…بص لصلاح…هااا اه مفيش كنت فوق لسه نازل
صالح…طب تعالي يا حنين اعملك احلي كوبايه نسكافيه انا عارف ان ملكش فالشاي
عامر…وحيات امك طب روح اعمله علي ما اشوف روحيه هي مالها اعده كده ليه
صلاح…سبها في حالها بدل ما تهب فيك لسه هابه في صالح من شويه
عامر…ليه كده مين زعلها
صالح…محدش زعلها بس شكلها مضايق من حاجه كلمت چو من شويه لما لقتها مضايقه كده وطلعت فيا سألته قاللي مش عارف من امبارح وهي كده
عامر…طب هروح اشوفها
صالح…ماشي هعملك النسكافيه
عامر…ماشي.
مشي عامر راح لحد عندها جمب الشباك ووقف يغنيلها..
عامر…مال القمر ماله مجيناش علي باله
مال القمر ماله مجيناش علي باله..مال القمر ماله😉❣️
روحيه…وهي ايدها علي خدها وملامح الحزن باينه عليها صوتك حلو يا واد ياعامر
عامر…عجبك ياروحيه
روحيه…اه عجبني
عامر…طب قوليلي مال القمر مين زعلك
روحيه…مفيش محدش زعلني
عامر….امال الجميل مكشر ليه واعده ايدك علي خدك وبعدين انتي ازاي اعده لوحدك مطلعتيش ليه عند ابله ناريمان
روحيه…بحزن مش عايزه اعد فوق و بعدين مديحه وحشتني اوي اول مره تغيب عني كده وانا وزهقانه
عامر….بحزن ماهي بتعمل عمره يا روحيه كام يوم وترجع وترجعوا تناقروا في بعض
روحيه…بتنهيده طيب
عامر…طيب ايه هتأعدي كده
روحيه…امال اعمل ايه
عامر…مش بتقولي زهقانه
روحيه…اه زهقانه
عامر…طيب يلا قومي البسي ونخرج سوا انا كمان زهقان اوي
روحيه…بفرحه بجد
عامر…بحب بجد يا روحيه
روحيه…طيب مش وراك حاجه
عامر….اولا انا مش ورايا اي حاجه من بعد بكره هيبقي عندي شغل وهتشغل شويه وبعدين لو ورايا بردو هخرجك انا عندي اغلي منك وبعدين انا بقالي كتير مخرجتش معاكي
روحيه…طيب هقوم البس بس هتوديني فين
عامر…انتي عايزه تروحي فين
روحيه…اي مكان
عامر….لا اللي هتقولي عليه انا هوديكي فيه
روحيه….انا نفسي اروح اشوف النيل
عامر…بس كده طب بلا روحي البسي بسرعه وهخرجك خروجه تحلفي بيها هروح اشرب نسكافيه الواد صالح عاملهولي لحد ما تخلصي
روحيه….هروح بسرعه
عامر…علي مهلك انا مستنيكي
روحيه…ماشي
دخلت روحيه بسرعه تلبس
راح عامر عالقهوه اعد عالكرسي واتصل بيوسف
صالح…ايه عرفت مالها
عامر…زهقانه ومضايقه عشان ابله مديحه مش هنا
صلاح…سبحان الله شوف بتناقر فيها اد ايه ومع ذلك مبتعرفش تستغني عنها
صالح….انا مشوفتش في حنيه خالتي مديحه بصراحه وبالرغم من ان ام مريم مبتأثرش لاكن بحس انها بترتاح مع خالتي مديحه اكتر
عامر…فعلا ..وقطع كلامه لما يوسف رد.
يوسف…ايه ياعامر
عامر…عامل ايه يا چو فينك كده
يوسف…بخير بس طالع عيني في شغل كتير انهرده
عامر…ربنا يرزقك يا صاحبي بقولك ايه انا هاخد روحيه ونخرج قولت اقولك احسن ترجع متلاقيهاش تقلق
يوسف…رايحين فين
عامر…روحيه زهقانه اوي واعده عالشباك حاطه ايدها علي خدها ومكتئبه عالاخر
يوسف…مش عارف مالها من امبارح علي كده والمشكله اني لسه عندي شغل
عامر…خليك انت في شغلك انا هاخدها واخرج انا كمان زهقان
يوسف…مش هتتعطل طيب
عامر…ياعم انت عارف ان لسه مفيش شغل هبتدي من بعد بكره بأذن الله
يوسف…ربنا يخليك ليا يا صاحبي مش عارف اقولك ايه
عامر…ولا حاجه عيب يا چو دي روحيه
يوسف…تسلملي يا صاحبي خد بالك عليها
عامر…في عنيا يلا روح لشغلك
يوسف…براحه ماشي هكلمك لما اخلص ولو لسه مرجعتوش هعدي اخدكم
عامر…طيب تمام
يوسف… يلا سلام
عامر…سلام
صالح…احلي نسكافيه
عامر…يدوم يا صاحبي
صالح..بألف هنا بتكلم چو
عامر…اه بقوله اني هاخدها اخرجها شويه عشان ميقلقش
صالح….خلي بالك منها طيب
عامر…متقلقش ربك يسترها
شرب عامر شويه ولقاها خارجه من باب البيت
قام عامر وقف راحتله روحيه
روحيه….انا خلصت
عامر…وانا جاهز
صالح…ضحكتي الوقت ياروحيه فالحه بس تطلعي فيا طيب قولي عايزه تخرجي وانا اخرجك
روحيه…عايز ايه ياواد😒
صالح…بضحك ولا حاجه با ستي طب مفيش تعالي معانا ياصالح
روحيه…لا مفيش اعد شوف شغلك
صالح…بضحك طيب يا ستي شكرا يا طيبه 😒😒
عامر….يلا يا روحيه العيال دي رخمه قبل ما يبصولنا فالخروجه
جه زين جري بعد ما ساب شغله اول ما شاف روحيه خارجه جري عليها خاف تتوه
زين…راحه فين ياروحيه
عامر…خضتني يا جدع بيطلعوا امته دول
روحيه…خارجه في حاجه😏
زين…😳😳خارجه فين ياروحيه وبعدين ايه البصه دي ده انتي يومك مش معدي
صلاح…قلبت عليك يا صاحبي عشان عامر مخرجها
زين…اااااه قولي كده بقي ياروحيه رايحين فين
روحيه…هنتمشي عالنيل😏
زين…بضحك عالنيل ياروحيه ليكي حق تكلميني كده
عامر…يلا يا روحيه بقي قبل ما الرخمين دول بعطلونا😜
روحيه…يلا بينا😍
زين…الله يسهلوا ياروحيه🤨
روحيه…😏😏😏
زين…ماشي يا روحيه بصيلي اوي🤨😏
مشي عامر وروحيه وفضل زين وصالح ولاحه يضحكوا
هيما…واقفين كده ليه يا مقاطيع
زين…عايز ايه ياض انت ايه اللي مخرجك من الصاله
هيما….مفيش مصدع اوي قولت اجي اخد من صالح كوبايه قهوه يمكن تظبط دماغي
زين…طيب انت كلت
هيما…اه كلت من شويه انا وادهم أتغدينا
زين…ومتغدتش مع اختي ليه ياض🤨
هيما…بضحك شوف يا اخي اتجوزت اخته وبرده رخم انت مالك ياعم انا مبطلعش علي غدا بطلع عالعشا هي عارفه وراضيه اطلع منها انت
زين…ماشي يا اخويا أشبعوا ببعض انا رايح عالورشه
هيما…بقولك ايه أستني عابزك انت والمقاطيع دول
زين…عايز ايه اخلص
صلاح..في ايه
هيما….بكره كلنا هنتعشي مع بعض عندي
زين…أشمعني
هيما…باجدع انت هتخشلي آفيه هو كده طالعه في دماغي نتعشي سوا ونسهر مع بعض نشوي وتبقي اعده حلوه قولت ايه
زين…ماشي انا تمام
هيما…ادهم وبوب عارفين خلاص واتصلت بالواد چو وعادل قولتلهم فاضل انتوا والواد عامر
زين…انا تمام
صلاح…وانا تمام
صالح…ماشي هي جت عليا
هيما….كده تمام
زين…همشي انا بقي يلا سلام
هيما…سلام يا ابو نسب
زين…بصله 😒😒😒وحيات امك
هيما…بضحك بص لصالح الحقني بالقهوه يا جدع دماغي هتنفجر
صالح…هواااا يا صاحبي
……….
منه….ياشهد بطلي رخامه بقي هو ايه اللي مش هتيجي زمان هيما قال لصلاح اصلا وعزمه متبقيش رخمه
شهد….يامنه مش عارفه بقي انا قولتلك حاسه ان منار واخده مني موقف من ساعت رجوع عامر
منار…يابت انتي عبيطه والله العظيم منار ما قالت لاي حد فينا حاجه عنك وبعدين انا بشوفها بتعاملك عادي وبتضحك وتهزر
شهد….عارفه بس انا حاسه انها متغيره
منه…ياغبيه طب وانتي مالك اصلا انتي ملكيش ذنب وبعدين احساسك غلط ولو هي متغيره فا كلنا ملاحظين تغيرها ده مش عليكي لوحدك علي الكل هب من يوم ما اخوكي رجع وهي نفسبا تعبانه اعذريها يا شهد هي في موقف لا تحسد عليه. اصلا
شهد….عارفه والله وعذراها ومضايقه عشانها كمان بس خايفه تكون مضايقه مني
منه…لا يا ختي متتلككيش هي لا مضايقه منك ولا حاجه ولا انتي اللي عايزه تهربي عشان تستفرضي لحضن ابو صلاح
شهد…بضحك اتنيلي خلاص هاجي يارخمه
منه…ايوه كده بقي ده انا هظبكم بكره
شهد….ماشي يا ستي لما نشوف
منه…يلا روحي شوفي بتعملي ايه
شهد…يلا سلام يا قلبي
منه…باي يا حبي😍
……… ……
عامر….هاتي ايدك يا روحيه
روحيه…انا خايفه يا واد لا اقع
عامر….تقعي وانا موجود يلا ياروحيه بلاش دلع اطلعي
مسكت روحيه في ايده وطلعت عالمركب اللي قرر عامر انه يروح يركبهالها
روحيه…الله حلوه اوي
عامر.. بضحك مبسوطه ياروحيه
روحيه…اوي بس هو مش هيطلع بقي
عامر…استني ياروحيه وانا مأجرلك يخت خصوصي دي مركب بتحمل انفار تتملي بس وهيطلع بينا
بعد وقت بسيط طلعت الناس واتملت الاماكن
واشتغلت الاغاني الشعبيه في المركب واضائت الانوار الملونه وفي اقل من ثانيه الشباب قاموا يرقصوا والناس اللي موجوده
وهي تصقف بفرحه
وعامر…مبسوط عشان قدر يضحكها
مبسوطه ياروحيه
روحيه…اوي ياولا وسابته وقامت بسرعه
عامر…راحه فين ياروحيه وفي اقل من ثانيه دخلت روحيه وسط دايره الشباب والبنات وهااااااتك يارقص
حاول عامر يأعدها وهو ميت من الضحك وهي لايمكن ابدا
عامر…ياروحيه هتفضحيني الله يسامحك
الناس عرفت عامر وفضلوا يتصوروا معاه🙈🙈🙈🙈
واخر ما فقد الامل
دخل عامر بطريقه مضحكه
وسطهم وهاتك يارقص هو وروحيه لدرجه ان الكل كان مستمتع وميت من الضحك وبيصوروهم فديو ولفوا حواليهم يشجعوهم
وبعد وقت بسيط رجعت المركب اخيرا سلم عامر عالكل ونزل
وهو مش قادر من كتر الضحك حس عامر انه رجع طفل..
عامر…ايه باروحيه تعبتي ولا ايه اجمدي كده
روحيه…انا جامده اهو
مسكها عامر من ايدها عشان يعدي بيها الشارع ومره واحده بقي يجري بيها براحه وهي جمبه بتضحك ومبسوطه
روحيه…يخربيتك هتموتنا ياولا
عامر…اجري ياروحيه.😂😂😂
وصل بيها ادام محل سندوتشات دخلوا مع بعض جابلها سندوتشات شاورما وخدها وطلع علي كوبري قصر النيل وقفوا ياكلوا مع بعض ادام النيل
روحيه…الجو حلو اوي والنيل شكله جميل
عامر…عايزك تاكل اكلك كله عشان اجبلك حمص
روحيه…لا انا عايزه من البتاع الملون اللي مع الراجل ده
عامر…بضحك عايزه غزل البنات ماشي يا ستي كلي وهجبلك حمص وغزل البنات وفشار ودره مشوي كمان
روحيه…عراف ياواد يا عامر انا مكنتش بستخفك خالص
عامر.. انا يا روحيه😳
روحيه…وهي بتقطم الساندوتش وماليه بوئها…اه انت مالك مستغرب كده ليه يا اخويا كنت السلطان حسين وانا معرفش😏😏😏
عامر…فصل من الضحك لدرجه عينه دمعت تصدقي ياروحيه والله العظيم انتي ما بيتمطر فيكي حاجه هتخلصي املك ونمشي ولا تخلصيه ليه انا هاخده منك
روحيه…بسرعه ياواد متبقاش حمقي كده بقول فالاول انما انت الوقت حبيبي
عامر…ايوه كده🤨🤨
روحيه….😒😒😒🙄🙄
عامر….فضل يضحك من بصتها ليه ماشي ياروحيه مسك موبايله وجاب رقم زين اتصل بيه وهو فطسان من الضحك فتح زين عليه..
زين…ايه ياعامر
عامر…لروحيه طب بتحبيني انا اكتر ولا زين
روحيه…زين مين انا معرفش حد بالاسم ده🙄
عامر…زين الواد الحليوه اللي طول بعرض ابو عيون ملونه
روحيه…وده يجي فيك ايه قال زين قال
عامر…بضحك سمعت ياعم باعتك بخروجه
زين…افتح ياض الاسبيكر ياض🤔🤨
فتح عامر وهو مش قادر
زين…انا ياروحيه انا احي فالمعفن اللي جمبك ده ابه لما ترجعيلي ليكي ابن يترد عليه
روحيه….🙄ازيك يازين
زين…لا ياشيخه وربنا لما ترجعي ياروحيه يا انا يا انتي
روحيه…😏ولا بيهمني
عامر…رجع النوبايل علي ودنه وهو بيضحك سمعت بودنك ياعم
زين…بضحك روحيه باعتني ياعامر 😂😂😂
عامر….روحيه فضحتني يازين😂😂😂
زين.. ليه عملت ايه
عامر…لما ارجعلكم بقي
زين…بضحك طيب خد بالك منها بقي
عامر…ماشي يلا سلام
زين…سلام
…….
كمل عامر الخروجه الجميله مع روحيه وهو مش قادر من الضحك وهي حاسه انها طايره واللي يشوف فرحتها يقسم انها طفله صغيره في يوم العيد❣️❣️❣️
يتبع…
- لقراءة الفصل التالي : اضغط هنا
- لقراءة باقي حلقات الرواية اضغط على (رواية 30 يوم حياة 2)