رواية 30 يوم حياة 2 الفصل السادس عشر 16 بقلم أميرة أسامة

رواية 30 يوم حياة 2 الفصل السادس عشر 16 بقلم أميرة أسامة

رواية 30 يوم حياة 2 البارت السادس عشر

رواية 30 يوم حياة 2 الجزء السادس عشر

رواية 30 يوم حياة 2 الحلقة السادسة عشر

خلص عامر الخروجه هو وروحيه وعدي عليهم يوسف يا خدهم بالعربيه بعد ما كلم عامر وقاله علي مكانهم.
يوسف وهو بيبص في المرايه روحيه شكلها تعبت اوي
عامر….اه عالاخر فرهدت مني وفرهدتني معاها😂
يوسف…بس كمان باين علي وشها انها مبسوطه اوي نايمه ووشها بيضحك
عامر….صعبت عليا اوي وهي اعده زعلانه وبتقولي انها زهقانه
يوسف….والله ياعامر انا لو عملت معاك ايه مش هقدر اوفيك حقك انت والشباب عاللي بتعملوه مع امي
عامر…متقولش كده ياجدع دي مش امك لوحدك وبعدين بقي روحيه دي غاليه عندي اوي انا بحب ابله مديحه وابله نعمه وابله فاطمه وابله ناريمان وسهير بس روحيه ليها معزه خاصه عندي خصوصا وانا مضايق او مزاجي مش حلو بنت اللذينه دي بتعرف تخرجني من الانا فيه
يوسف…روحيه دي جميله مفيش زيها ياريت الناس كلها بنضافه قلبها
عامر…عندك حق انهرده علي اد ما كنت خايف تزوغ مني وكنت قلقان بس اتبسطت معاها حسيت اني رجعت عيل صغير
يوسف…انتوا روحتوا فين صحيح
عامر…ركبتها مركب وفضحتني يا يوسف هي سمعت الموسيقي من هنا وهاتك يارقص من هنا
يوسف…بضحك رقصت 🙈🙈
عامر…اه وانا احاول أعد فيها يهديكي يرضيكي ابدا
يوسف….وعملت ايه
عامر…بضحك رقصت معاها😂😂
فضل يوسف يضحك
عامر..بس خلصنا خدتها وروحنا. كلنا اه صحيح امسك دول
يوسف…ايه دول
عامر…ساندوتشات شاوىما معلش يمكن تكون بردت شويه بس هي حلوه هتعجبك
يوسف…طب ليه ياعامر كده انا هاكل لما اروح
عامر…ياعم انت قادر انت راجع انهرده متأخر يادوب تروح تاكل وتفرد جسمك
يوسف…تسلم يا صاحبي
عامر… بس ياسيدي وطلعنا علي قصر النيل أعدتها عالنيل وكلنا حمص ودره وفشار وغزل البنات وفضلت انا وهي نجري فالشارع 😂😂😂
يوسف…اظن بعد الخروجه دي الزهق راح…بتصعب عليا اوي الفتره دي انا مقصر في حقها بسبب تجهيزات الفرح مع الشغل والله غصب عني
عامر…متشلش هم انا وقت ما اكون فاضي هاخدها انا واخرجها
يوسف….متحرمش منك يارب ياعامر
عامر…ولا منك انت وروحيه
وصلوا الشارع بعد وقت بسيط ركن يوسف العربيه
وفتح لروحيه
يوسف…روحيه ياروحيه
روحيه…ايه ياولا في ايه
يوسف…يالا ياحبيبتي وصلنا
نزلت روحيه معاه والنوم باين عليها
أدهم….ياروحيه خرجتي ياروحيه من غيري
زين…هي فين هاتوهالي وقف زين ادامها بقي انا ياروحيه مبتحبنيش🤨 بعتيني ياروحيه عشان خروجه
روحيه….مين قال كده
زين…عامر
روحيه….اخس عليك كداب😒
عامر…بضحك انا ياروحيه ده سامعك بودانه
روحيه…محصلش🙄😏

زين…ايوه انت كداب ياض بتوقع بينا
روحيه…ايوه بيوقع بينا
صالح….بس الله اكبر الواد عامر سره باتع راجعه مبسوطه
روحيه…وقفت تتاوب زي الاطفال
زين…بقولك ايه ياچو ادخل نيمها حرام شكلها مش قادره
يوسف…طيب ماشي انتوا اعدين ولا طالعين
ادهم…انا طالع قفلنا الصاله خلاص
صالح…وانا هقفل
زين…ادخل انت كمان نام بقي بكره نتقابل
هيما…بكره عندي يا چو متنساش وروحيه قبلك
يوسف…ماشي ياهيما
صلاح….يلا تصبحوا علي خير
عامر….يلا سلام فين بوب صحيح مشفتوش انهرده
ادهم…طلع قبل ما تيجو هو وعادل علي طول
عامر…طيب تمام يلا تصبحوا علي خير
انصرف الكل وكالعاده اطمنت منار انه طلع بيتهم قفلت الشباك ودخلت اوضتها..
طلعوا الشباب كل واحد علي شقته
دخل زين الشقه كانت وعد حضرت العشا وابتدت تخرجه عالسفره
دخل زين الشقه ملقهاش سمع صوتها جاي من المطبخ بتخبطت في الاطباق.
زين…وعد انا جيت يا حبيبي عشان متخرجيش تتخضي
خرجت وعد وعلي وشها ابتسامه جميله
سمعتك يا حبيبي وانت بتقفل الباب واتخضيت بردو
زين…بضحك بردو
وعد…بردو حمدالله عالسلامه
زين…الله يسلمك يا قلبي وقرب منها باس راسها
تسلم ايدك الاكل ريحته حلوه اوي
وعد…عملتلك بقي حته صنيه مكرونه بشاميل وبانيه هتاكل صوابعك وراهم
زين…ادعي بس ما أكلش القمر اللي عملتهم
وعد…بكاش اوي
زين…والله ابدا
وعد بأبتسامه طيب يلا عالحمام بسرعه خد شاور لحد ما اخلص باقي الاكل
زين…ماشي يا حبيبي
دخل زين الاوضه خد هدوم وراح خد شاور وبعد وقت بسيط خرج كانت وعد حطت الاكل ومستنياه ووقفه تحول في التلفزيون تدور علي فيلم حلو
زين…انا جيت
وعد…طيب يلا بقي عشان الاكل مببردش
زين….يلا أعد زين وابتدوا ياكلوا
زين…امممم تسلم ايدك
وعد…حلوه
زين…اوي والله العظيم اصلا انا ميت من الجوع
وعد…طيب يلا خلص طبقك كله عشان في مفجأه تاني
زين…لا كده كتير مفجأه ايه
وعد…عملتلك كيك بالشوكولاته اللب انت بتحبه
مسك زين ايدها قربها من شفايفه تسلمي يا حبيبي تعبتك معايا
وعد…تعب ايه بس ده اكل بسيط يعني
زين…ياواد ياجامد انت😉

وعد…بغرور احنا جامدين اوي علي فكره
زين…بغمزه هتقوليلي
وعد…قليل الادب
زين…يابت بهزر انتي دماغك شمال كده علي طول
زين….بس بجد ياوعد انا مش عايز اتعبك كفايه عليكي المذاكره قولتلك نجيب اكل من بره
وعد….لا طبعا اولا الاكل بحطه عالنار وبعدين برجع اخلص المذاكره اللي ورايا يعني مفيش اي تعب وبعدين انا بفصل شويه وبتسلي عشان مزهقش
زين…عايزك تشدي حيلك يا قلبي عشان الامتحانات قربت خلاص مش عابز حاجه تشغلك خالص
وعد…ماتقلقش ياحبيبي انا والله يعتبر مخلصه كل حاجه وبراجع
زبن…طيب مفيش حاجه واقفه ادامك اشرحهالك انا عايز بنوتي تجيب تقدير عالي
وعد…ان شاء الله انا متفائله السنادي وعموما مفيش حاجه واقفه معايا خالص
زين…طيب الحمد لله
فضلوا بتكلموا مع بعض لحد ما خلصوا اكل قامت وعد تشيل وساعدها زين
وعد…انت بتعمل ايه يا زين اتفضل بلا اخرج من المطبخ
زين…مش بعمل حاجه دول كام طبق هغسلهم بسرعه واعملك احلي مج نسكافيه وهعمل الشاي واجيلك
وعد…لا ياحبيبي اتفضل اخرج انت وانا هعمل كل ده عشر دقايق واكون عندك روح انت بس هات فيلم حلو نتفرج عليه
مسكها زين من قفاها وهي بتضحك
زين…يلا يا ماما علي بره انا قولت خلاص ومش هرجع في كلامي
وعد…بضحك طب اسمع بس
زين…يلا يابت بره مش هعرف امشي كلامي عليكي ولا ايه🤨
وعد…بابتسامه حب بحبك يا زين
زين…وانا بحبك اكتر يا قلب زين
…………..
دخل يوسف غير لروحيه هدومها ونيمها عالسرير كانت في ايده زي الاطفال وهي نايمه علي نفسها..
غطاها كويس وباسها من راسها مش عايزه حاجه ياروحيه تكليها قبل ما تنامي
روحيه…بصوت نايم لا مش عايزه
يوسف…تصبحي علي خير يا حبيبتي
روحيه…وانت من اهله يا ولا😴😴😴😴😴
خرج يوسف وسابها وراح اعد عالكنبه ياكل وهو بيكلم مريم.
مريم…ابه نامت خلاص
يوسف…اه فصلت عالاخر
مريم…اتبسطت
يوسف….اوي راجعه عامله زي العيال الصغيره الواد عامر جايبلها بلالين ماسكه فيهم زي العيال الصغيره
مريم…ربنا يفرح قلبها عامر ده جدع اوي
يوسف…طبعا بس هو كمان راجع مبسوط اوي
مريم…هي روحيه الاعده معاها تغير المود اصلا
يوسف….عندك حق
مريم…بقولك ايه قوم يلا نام سكلك انت كمان تعبان
يوسف…انتي بتقولي فيها انا جسمي مكسر من اعده العربيه محتاج افرد جسمي
مريم…طيب يلا قوم
يوسف…هتعملي ايه
مريم…هقوم اشوف لو ماما محتاجه مني حاجه قبل ما انام
يوسف…ماشي يا حبيبتي مش عايزه حاجه
مريم…لا شكرا يا حبيبي تصبح علي خير
يوسف…وانتي من اهله.
………….
اعلنت الشمس عن يوم جديد وكالعاده كل واحد خرج يشوف شغله والحاجه اللي وراه
نزل عامر فتح محل ابوه
عامر….صباح الخير يا صالح صباحو يلا لاحه
يازيييين صباح الفل
زين…صباح الفل بتعمل ايه ياض
صالح…صباح الفل
صلاح….صباحو يا صاحبي بتعمل ايه فالمحل
مسك عامر فوطه في ايده وفضل ينفض في البضاعه
وحط قلم ورا ودنه بطريقه مضحكه…
عامر…الابد البطاله ياصاحبي 😂😂 بسلي نفسي قولت انزل اقف معاكم واسيب المحل مفتوح وابيع شويه لعم حسني
زين…بضحك طب والله جدع
صلاح…الفنان هيقف في بقاله يا جدعان

عامر….ماله الفنان ياض كلنا ولاد تسعه🤨 البقاله دي اللي خلتني فنان
صالح…جدع ياض وعشان الكلمتين الحلوين دول هجبلك احلي كوبايه نسكافيه
عامر….لا بقول ايه استني علي النسكافيه شويه ولا يا صلاح خد بالك من البقاله خمسه وراجع
صلاح.. رايح فين
عامر…اصبر بس
هيما نزل هو وأدهم فالوقت ده
هيما….بضحك بتعمل ايه ياض
عامر….بلقط رزقي ياعم😂😂
ادهم…ابوك هينفخك
عامر…ياعم انا هاخد الفلوس انا هبيعله ده هيشكرني. بقول ايه استنوا متفتحوش خمسه وجاي وجري بسرعه عامر من ادامهم
ادهم…بضحك لزين راح فين المجنون ده
زين…والله ما اعرف خروجت امبارح مدياله جرعه نشاط ذياده
هيما….الواد چو مشي
زين…اه راح شغله من ساعه كده وعادل برده شوفته وهو نازل هو وبوب
ادهم…اه ايهاب بينزل علي 8 كده
زين…ربنا معاه يارب
رجع عامر بعد عشر دقايق هو والصبي اللي بيشتغل علي عربيه الفول وماسكين صنيتين كبار مليانه فطار
زين…من بعيد الله يخربيت عقلك
هيما….روحيه خليته لسع وربنا😂😂
عامر….يلا يا مقاطيع تعالو افطروا احلي صنيه فطار من علي احلي عربيه فول في السيده واللي هيقول فطر هنفخه
ادهم…لا انا جاي مفطرتش سبت توته نايمه
هيما…وانا كمان جه في وقته الفطار ده
عامر…يلا زين يلا يالاحه انت وصالح
حط عامر الاكل علي تربيزه في البقاله بتاعت والده واتجمع هو والشباب وهما واقفين يفطروا سوا ادام صنيه اكل واحده الفطار مكانش خالي من الضحك والهزار …
هناك أصدقاء يحتاجهم عقلك وهناك أصدقاء يحتاجهم قلبك وهناك أصدقاء تحتاجهم أنت لأنك ببساطة دونهم تصبح بلا عنوان.🙏❣️
الاكل مع الصحاب اللي بجد ليه طعم مختلف حقيقي
الاكل طعمه بيختلف لما يكون مع ناس ضحكتنا معاهم بتطلع من قلبنا فاللهم دمها نعمه علي كل من له صديق حقيقي🙏🙏🙏🙏
عدي وقت طويل مابين شغل وضحك بجد من عامر اللي مكانش سايب حد في حاله كان جواه طاقه نشاط وضحك غريبه علي غير العاده يمكن من بعد وفاه كريم مكانش عارف ايه السبب انه أتكلم مع سهر وخرج اللي في قلبه ولا عشان الطاقه الايجابيه اللي خدها من روحيه ولا عشان شاف منار في عيونها غيره لما شافته خارج من عند سهر..
مكانش لاقي أجابه علي سؤاله لكن كان مبسوط وكان ناوي يكمل انبساطه اكتر بتجمع المساء….
اتصلت منه علي سهر تعزمها بعد ما خدت رأي البنات والكل وافق علي تجمعها معاهم اتبسطت سهر بالعزومه وانهم بقوا يعتبروها واحده منهم ومع اي تجمع بقت موجوده معاهم.
وفي المساء كانت منه خلصت تجهيز الاكل واللي كانت بتساعدها فيه رحاب طول اليوم
وعملوا احلي وليمه عشا
هيما…الله الله الله علي الريحه الجامده
منه…بابتسامه شقيه بجد والنبي ريحته حلوه
هيما…اه والله انا مش قادر استني اصلي الاكل ريحته جوعتني انتي عامله ايه صحيح
منه…تعالي اوريك
هيما…يلا وريني يارب تكون عزومه تشرف
منه…تشرف بس ده انا هبهرك
هيما…اما نشوف وريني يلا
منه…بص يا سيدي عملت فراخ مشويه وكفته ودي لحمه مشويه وعملت بانيه عشان عارفه ان عامر كل تجمع يطلبه
هيما…جدعه ده مدمن بانيه بدل ما يفضحنا😂😂
منه…وعملت رز بسمتي يعني عشان المشويات وكده وعملت ورق عنب عشان زين بيحبه وجلاش باللحمه عشان توته وادهم بيحبوه وسلطات بقي سلطه خضرا وسلطه زبادي وطحينه

هيما…ايه كل ده لحقتي تخلصيه ازاي طلعتي جامده
منه…بص بصراحه كده رحاب ساعدتني كتير وتعبت معايا بجد مسابتنيش غير وكل حاجه جاهزه وطلعت عشان تغير
هيما….تسلم ايدكم يا حبيبتي
منه….ها بقي شرفتك ولا لأ
هيما…وخو بيقرب منها وبيبوسها في خدها يا باڜا انت تشرف بلد
منه…نسيت صحيح الحلو عملت رز بلبن وكيك بالشكولاته عشان زبن بيحبه وجلاش حلو وكنافه وهعملكم فشار كمان
هيما….عارفه الاكل ده مع اللمه دي بتفكرني برمضان
منه…بضحك والله لسه قايله لرحاب كده
هيما….صحيح يابت انتي اعده تقولي عشان زين بيحبه اصل توته ووادهم ببحبوه اصل عامر مش عارف ايه مجبتيش سيرتي
🤨🤨🤨🤨
منه…بضحك عشان انت بتحب كل الاكل ده وبعدين انا عارفه انك بتحب اصلا اي حاجه مشويه عشان كده اصلا عملت كل المشويات دي
هيما…🙄طيب
منه…ظلمتني صح🤔
باس هيما أيدها بحب مقدرش
منه…بحب يلا ادخل خد شاور بسرعه علي ما اروح انا البس
هيما…طيب متتسيش تصلي العشا عشان الاعده متاخدكيش انا صليت فالمسجد
منه….حاضر هدخل اهو اصلي😍
بعد وقت بسيط اتجمع الكل وابتدوا يجوا
وكان من ضمن الموجودين
أحمد العربي وسهير اللي صمم هيما انهم يكونوا معاهم..
اما عيسي وناريمان فا خرجوا ومكانوش معاهم.
وصل الكل حتي سهر معادا عامر اللي ديما جاي متأخر
خبط عالباب وكان معاه شاب من السوبر ماركت شايل معاه كراتين مليانه بيبسي وعصاير
هيما….فتح وسلم عليه
عامر…شيل معايا مش وقت سلام مانا متلقح في وشك طول النهار
هيما…بضحك وربنا انا غلطان ايه الانت جايبه ده كله
عامر…شيل ياعم دي حاجه بسيطه
دخل معاه هيما الحاجه ومشي الشاب اللي كان بيساعد عامر
منه….ايه كل ده ياعامر بس وبعدين كلهم جابوا حجات اد كده هودي كل ده فين بس
عامر….بضحك بسيطه بعد ما يمشوا هاتيهم علي بقاله الحاج حسني ابيعهم ونقسم انا وانتي سوا😉
منه…تصدق فكره🤔
ضحكوا عليه كلهم
عامر…بحب عيب يا منه دي حاجه بسيطه والله
احمد العربي…ازيك يا عامر
قرب منه عامر باس راسه

عامر….بخير يابرنس انت عامل ايه
ازيك يا سوسو منوره الدنيا كلها
سهير…ازيك انت يا عامر عامل ايه وحشني والله
عامر…اعد جمبها بعد ما سلم عالكل والله انتي اللب وحشاني ووحشاني القهوه اللي كنتي بتعمليهالي زمان واعد اشربها معاكي ادام المحل
سهير…يا خويا انت عدي عليا وانا اعملك احلي فنجان قهوه انت اللي مبقتش تعدي بقيت نجم ومشهور خلاص
عامر….ولا نجم ولا مشهور انا اقدر بردو وبعدين بكره يا ستي هعدي عليكي اشرب معاكي القهوه
سهير…خلاص لما نشوف
ادهم….ابه ياض بتتفق كده معاها وانا اعد لا بقولك ايه انا بغير كله إلا سوسو
عامر…بضحك لا بقولك ابه دي خطيبتي من زمان اطلع انت منها
هيما…عاجبك انتي كده يا سوسو الخناقه دي
سهير…ربنا ما يجيب خناق الاتنين حبايبي
منار كانت اعده مركزه معاهم ومع عامر بالاخص وأبتسامتها مش مفارقه وشها
منه….منوره يا دكتوره
سهر….بنورك يا منه البيت منور بأصحابه
احمد العربي….ايوه كده من وقت للتاني اتجمعي معاهم دول اخواتك انتي بقيتي مننا يادكتوره
سهر…ربنا يخلي حضرتك طبعا كلهم اخواتي والله وماليين عليا الدنيا
زين…ايه اخبار العياده يا دكتوره
عامر…وهو بيخبي وشه ما بلاااااااش🙈
ضحكت سهر…طب ليه الفضايح بس
زين…بابتسامه في حاجه ولا ايه
سهر…لا اصل عامر بيزلني عشان لسه مفيش ولا اي حد جه
سهير….ياختي بكره متعرفيش تأعدي في العياده من كتر العيانين
احمد العربي…..كله باوانه متستعجليش
سهر…والله مش مستعجله خالص
زين….انتي بس عشان لسه فاتحه انتي عارفه انتي محتاجه دعايه
سهر….فعلا بس طبعا دي محتاجه مصاريف كتير انا مأجلاها شويه
زين…متقلقيش اهم حاجه انك فتحتي العياده شوشه شويه هتتعرفي
سهير….بس يا اختي انتي يعني ملاقتيش غير انك تبقي دكتوره نفسيه متأخزنيش يعني مش كنتي اختارتي تلقي دكتوره اطفال دكتوره نسا الحجات دي بتجيب مع الناس
سهر…بضحك الفكره مش في كده الفكره اني حبيت الطب النفسي مش اكتر
احمد العربي…ياست سهير الطب النفسي ده يمكن يكون اهم حاجه بس للأسف الناس مش عارفه اهميته
عادل…فعلا وبعدين متنسيش انك فتحتي في حي شعبي اغلب الناس اللي فيه مش بتهتم اوي بيه
سهر…بضحك ربنا يطمنك
عادل…بابتسامه لا والله مقصدش اقصد يعني ان الموضوع محتاج صبر وعموما ياستي انا من ناحيتي هعملك احلي دعايه
سهر…ربنا يخليك يا أستاذ عادل
أيهاب….وانا كمان ياستي هعملك دعايا
صلاح…كان نفسي اساعدك بس اللي اعرفهم وبيجوا القهوه علاجهم الوحيد فنحان قهوه وحجر المعسل😂😂
ضحكوا كلهم علي صلاح

توته…مالكم كسرتوا مأديفها ليه ملكيش دعوه بيهم والنبي بكره تبقي اكبر دكتوره امتي لسه مبقالكيش حتي شهر
سهر….انا بقول كده بس عامر كل ما يشوفني يضحك
عامر…بضحك ياستي انا اتكلمت وعموما ياستي انا كمان هعملك احلي دعايه
سهر…لما نشوف❣️
عامر…ايه ياعم بوب مختفي ليه بقالك يومين
ايهاب…ولا مختفي ولا حاجه موجود
عامر…موجود فين بقي ده انت ولا لتسأل عليا يا واطي
ايهاب…تصدق انا فعلا واطي اهو انا مختفي بسببك بحضرلك مفجأه
عامر…مفجأه ليا انا مفجاه ايه
يوسف…انا لو منك بعد واطي دي متقولوش
عامر…ياعم اسكت انت مفجأه ايه يا بوب
ايهاب…اقوله ولا لا
زين….قوله
عامر…الله ده في حوار بيتم من ورايا🤨
ايهاب…بابتسامه ابدا والله بس هما عارفين وكنت عاملهالك مفجأه بس يلا مش خساره فيك هقولك
بص ياعم انت عارف طبعا ان انا بحب اكتب اغاني كتبتلك أغنيه حلوه ومختفي عشان بحاول اظبط اللحن بس لسه مش ظابط كنت مستني اخلصه وهسمعهالك
عامر….حلو ده بس كتبتلي انا ليه
ايهاب….ابه مش عايز تغني من كلماتي والحاني ياض🤨🤨
عامر…ياض هو انا طول لا طبعا انا اتمني بس تكتبلي انا ليه ما تغنيها انت
ايهاب…انا لا طبعا اولا اغنيها ازاي هو معروف انا اخري اغني في فرح في اماكن عامه حفلات خاصه كده ياعني
عامر…ياسلام انت عبيط با ايهاب انت عايز تفضل كده طول عمرك ياض انت صوتك احلي مني وبعدين هو ايه اللي انا معروف اه معروف ده كفايه انك اخو عامر حسني
زين….ياسيدي عالغرور
عامر…بضحك مره من نفسنا بقي
ايهاب…لا ياعم انا هخلصها وجلال عليك دي مني ليك
عامر…وانا مش هغنيها يا ايهاب ومحدش غيرك اللي هيغنيها انت صوتك ده لازم يطلع للناس كلها لازم تثبت نفسك وانا مش هاخد تعبك ومجهودك واكبر علي قفاك انت تستاهل انك تكون معىوف وتستاهل ان صوتك ده الناس كلها تسمعه
احمد العربي.. راجل ياعامر وجدع براڤو عليك
زين….انا شايف انا عامر عنده حق انت كنان لازم تحقق حلمك
ايهاب…انا حاولت كتير بس ربنا مش رايد واكتفيت باللي بعمله
عامر…الفرق بيني وبينك يا ايهاب اني مبستسلمش ومبرضاش بنص حلمي انا عشان احس بالرضا لازم اسعي في انب احقق حلمي كله انما انت موافق تعيش بنص حلم انت بتغني من قبلي من زمان صوتك اتحدي اي حد موجود عالساحه بامكانيات صوتك ومع ذلك استسلمت مع انك زمان مكنتش كده كنت بتعافر عشان توصل بس بعد فتره اكتفيت بشغل الحفلات والافراح وده مش صح
ادهم…انا شايف ان عامر بيتكلم صح يا ايهاب مش هتخسر حاجه مش يمكن الفرصه تيجي وتعمل اغنيه تكسر الدنيا
عامر…اغنيه واحده يا ابني ايهاب معاه كشكول كاتب فيه شويه اغاني ملهاش حل
ايهاب…ايوه بس الاغاني دي محتاجه منتج وعقود وكلام كبير وانا
قاطعه عامر….ملكش دعوه بكل ده انت خلصها والباقي عليا وهأعدك يا سيدي مع المنتج والمخرج والناس كلها انت عارف ان كلهم صحابي وانت بعيد عن الواسطه باعامر صوتك واحساسك فارضين نفسهم انا مش هعمل اي حاجه غير اني اعرفك بيهم وبعدها هما اللي هيجروا وراك
هيما….انا شايف ان عامر بيتكلم صح علي فكره
ايهاب…كيب خدها مني وغنيها انت وبعد كده اشوف اغنيه من اللي كنت كاتبهم واعملها لحن ويبقي يحلها ربنا
عامر…لا اللي انا قولته هو اللي هيتعمل متوجعش دماغك بقي
زين…بضحك مش قولتلك يابوب عامر مش هيوافق

احمد…ربنا يخليكم لبعض يا ولاد احلي حاجه فيكم ان اللي بيكبر بيشد التاني
عامر…احنا اخوات يا عم احمد ومفيش بينا حد واقع كلهم وقفوا ورايا كتير وهما سبب اللي انا فيه الوقت وايهاب تعب معايا كتير ودربني اكتر وهو اصلا اللي خلاني احب الغنا ودي اقل حاجه اعملها عشانه
ايهاب…ربنا يخليك ليا يا اخويا
عامر….ابقي عدي عليا فالبيت سمعهالي كده ونظبط اللحن سوا
ايهاب…تمام بكره اعدي عليك
هيما….ايه يامنه مش يلا بقي انا جوعت
منه…هروح اهو احضر تعالوا معايا يابنات
عامر…روحيه فين صحيح
توته…في اوضه الاطفال مع كريم واحمد بتلعب معاهم
عامر…بضحك لسه فيها حيل تلعب..
سهر…..أيه ده الحق ياعامر😳😳

يتبع…

• لقراءة الفصل التالي : اضغط هنا
• لقراءة باقي حلقات الرواية اضغط على (رواية 30 يوم حياة 2)