رواية 30 يوم حياة 2 الفصل السابع عشر 17 بقلم أميرة أسامة
رواية 30 يوم حياة 2 الفصل السابع عشر 17 بقلم أميرة أسامة
رواية 30 يوم حياة 2 البارت السابع عشر
رواية 30 يوم حياة 2 الجزء السابع عشر
رواية 30 يوم حياة 2 الحلقة السابعة عشر
هيما….ايه يامنه مش يلا بقي انا جوعت
منه…هروح اهو احضر تعالوا معايا يابنات
عامر…روحيه فين صحيح
توته…في اوضه الاطفال مع كريم واحمد بتلعب معاهم
عامر…بضحك لسه فيها حيل تلعب..
سهر…..أيه ده الحق ياعامر😳😳
الكل بص لسهر اللي مركزه فالموبايل..
عامر….في ايه ياسهر خضتيني
سهر…هو مش ده انت وست روحيه
قام عامر بسرعه ومسك الموبايل اللي اتصدم اول ما شافه وهو مبسوط ايه ده🙈
زبن..في ايه ياض
عامر…بضحك انا وروحيه بقينا ترند
يوسف…وريني كده قربوا كلهم علي الموبايل
وكانت المفجأه هو تصوير فديو من شخص كان راكب معاهم المركب ومصور الحاله اللي هما كانوا فيها من رقص لضحك
وعد…ايه ده ده عندي انا كمان اهو😂😂😂
شهد…بضحك وانا كمان شوفته
يوسف….اقول عليكي ابه ياروحيه فضحتي الواد
عامر…بفرحه فضحتني ايه يا غبي ده احنا بقينا ترند وكمل بفرحه وهو بينادي ياروحيه
ياروحيه بقينا ترند ياروحيه
خرجت روحيه من الاوضه علي صوت عامر
روحيه…في ايه بتعلي صوتك ليه 😡
عامر…راح عليها بسرعه وهو ماسك ايدها بقينا ترند ياروحيه
روحيه…ترنج ايه ياولا
عامر…ترنج ابه بقينا رقم واحد ياروحيه بصي كده ووراها الفديو
ضحكت روحيه بابتسامه جميله..ابه ده ده انا🥰😍
يوسف….شهرتي الواد اكتر ياروحيه
احمد العربي ….بابتسامه طيب كده حاجه كويسه ليك
ايهاب….طبعا دي شهره زياده والفديو ده لسه نازل من ساعه تقريبا ولحد الوقت محقق 5 مليون مشاهده يعني علي بكره الصبح هيعدي ويمكن بجيب مشاهده اكتر بكتير من الكليب نفسه وده يعرفه بالناس اكتر
عامر…انا فرحان اوي
يوسف…انا خوفت يكون غلط عليك
عامر…لا طبعا غلط ايه بس
زين….الفديو جميل ومبهج ومفيهوش اي حاجه خارجه بالعكس ويمكن فعلا ده يكون سبب شهره عامر اكتر
منار….عامر الفديو نازل عاليوم السابع
عامر…وريني كده
منار…شوف
عامر….بفرحه انا متخيلتش ابدا انه يبقي ترند اه كان كل اللي فالمركب بيصورنا بس تخيلت ان الموضوع هيبقي عادي والله انا مقصدتش كده خالص
عادل…النجاح اللي بجد يا عامر مبيبقاش مقصود ويمكن عشان كده فرحته بتكون اكبر لانه مبيبقاش متوقع
عامر…بفرحه فعلا والله متوقعت كده خالص انا فرحان اوي عامر من الفرحه كان أبتسامته واضحه جدا انها من قلبه ايده كانت متلجه وكان فيها رعشه بسيطه تعبر عن فرحته الكبيره
صالح…تستاهل كل خير ياصاحبي وان شاء الله بكره الصبح الفديو هيكون رقم واحد في مصر كلها
عامر…يارب يا صالح
احمد العربي….انت عارف يا عامر كل ده حصل ليه
عامر….ليه
احمد العربي…عشان جبرت بخاطر الست روحيه
زين…صح ياعم احمد
احمد العربي….انت شوفت ست روحيه مضايقه واعده حزينه فا حبيت تفرحها وخدتها خرجتها وبسطتها وغيرت مزاجها ومرجعها طايره ربنا ردهالك علي طول وجبر بخاطرك زي ما جبرت بخاطرها
جبران الخاطر ده ياولاد حاجه حلوه اوي يمكن انت عملته عادي عشان بس تبسطها ويمكن كمان تكون شوفت الخروجه عاديه وبسيطه بس عندها هي كانت فرحه كبيره مش هي بس وعلي ابنها يوسف كمان
يوسف…عندك عق ياعم احمد عامر فرحني اكتر ما فرح امي عشان فرحتها عندي بالدنيا هي كانت راجعه امبارح طايره ونايمه من كتر التعب
احمد العربي….أجبروا بخاطر بعض ديما يا ولاد واجبروا بخاطر اي حد محتاج انه يتجبر بخاطر مش بالماده خالص الكلمه الكلمه الحلوه بتريح القلب وبتفرح ويمكن تحول حيات شخص من حزن وتعاسه لفرحه وتخليه اسعد واحد فالدنيا
سهير…عندك حق يا أستاذ احمد جبر الخواطر علي الله واللي بيدي حاجه من قلبه بجد ربنا بيعوضه علي طول رد ربنا علينا بعد اي موقف حلو احسن من اي رد
عامر….ربنا يفتح علي عليك يا عم احمد بس والله انا معملتش كده غير بس عشان اشوفها مبسوطه ولان انا كمان كنت محتاج اني اتبسط اكتر منها وفعلا احنا كنا فرحانين بجد
وعد …الفديو مبهج بجد وباين اوي ان فرحتكم من القلب عشان كده هو انتشر بسرعه
زين…فعلا الفديو حلو اوي
هيما….عشان تعرف ياض ان وشي حلو عليك يوم الصباحيه بتاعتي الكليب بتاعك نزل وانهرده لما جيت الشقه عندي الفديو نزل
عامر….بضحك تصدق اه 😂
انا هجيلك كل يوم
هيما…لا معلش بعد كده دخلت الشقه عندي ب100 جنيه وعشان تشوفني بس نخليها 500 كفايه
عامر….انت كده جاب عليا بخساره ياعم😂😂😂
منه…..يلا الاكل جاهز
توته….يلا يا جماعه تعالوا ناكل عشان بعد الاكل نستغل النجم ونخليه يغنلنا
عامر…بس كده انا هغنيلكم احلي اغاني😍
قاموا كلهم ياكلوا مع بعض وسط الضحك والهزار والاهم وسط فرحه كبيره اوي..
بعد ما خلصوا الاكل رجعوا اعدوا كلهم مع بعض بعد ما جابوا الحلو وعملوا الشاي
منه…الكيك ده معمول عشان خاطرك يا زين
زين…بضحك بص لوعد
وعد…😜 سبقتك وعملتهوله امبارح
منه….انتي رخمه كده ليه يابت😡
وعد…بضحك وانا مالي انتي اللي مقولتليش انك هتعمليه
زين….خلاص بطلوا خناق انا اصلا بحبه وهاكل منه طبعا يا منه
منه….ربنا يخليك ليا يا اخويا
ياحبيبي.
هيما…انا بغير علي فكره🤨
زين….لا يا ظريف انا حبيبها من قبلك🤨🤨
هيما…..خلاص ياعم ربنا يهني سعيد بسعيده
سهير….تسلم ايدك يا منه الامل جميل
منه….تسلمي يا ابله سهير بالف هنا يارب.
عامر…كان اعد مشغول بالموبايل واعد يتابع كل المواقع والصفح والجروبات وهي بتنشر الفديو بتاعه اللي اعد يزيد بسرعه البرق
توته….ايه يانجم الموبايل خدك مننا مش قولت هتغني
عامر..بضحك بتابع الفديو
ادهم…لا يا خويا سيبك من الموبايل الوقت
عامر….ماشي يا سيدي وادي الموبايل عايزين ايه بقي
توته…يلا غني
عامر…طيب تحبوا تسمعوا ايه
توته….اي حاجه
صلاح…اللي يجي منك كويس يا ابو نسب
احمد العربي غني حاجه كده حلوه تسلطنا
عامر…اغني ايه مش عارف انا من الفرحه نسيت كل حاجه😂😂😂😂
احمد العربي …اي حاجه لورده للست
عامر…طيب خلينا في ورده هاتولنا يا ابني الطبله
ايهاب….جاهزه يامعلم
عامر….غني معايا بقي
ايهاب…لا خليني انا فالطبله
عامر…لا هتغني معايا
ايهاب…طب ابدأ انت وهغني معاك بردو.
عامر…طيب تمام نغني ايه لورده…اممممم ماشي يلا
ايهاب…اشطا..
عامر…بابتسامه جميله أبتدا الغنا وهو باصص لمنار اللي حاولت تخفي ابتسامتها وتبعد عينها عنه.
عامر….😍
بتونس بيك وإنت معايا
بتونس بيك وبلاقي في قربك دنيايا
بتونس بيك وإنت معايا
بتونس بيك وبلاقي في قربك دنيايا
لما تقرب …أنا بتونس بيك
واما بتبعد….أنا بتونس بيك
لما تقرب…. أنا بتونس بيك
واما بتبعد… أنا بتونس بيك
وخيالك بيكون وياي.. وياي
وإن جاه صوتك صوتك بيونسني
وهواك في البعد… في البعد بيحرسني
والشوق ينادي لك جوايا وأنا، وأنا، وأنا، وأنا، وأنا
أنا، أنا، أنا، أنا، أنا، أنا بتونس بيك وإنت معايا
أيهاب….😍
بتمر ساعات بعد لقانا والروح لوجودك عطشانة توحشني عينيك
وبلاقي الدنيا بقت فاضية مع إن الناس رايحة وجاية وأنا بحلم بيك
بتمر ساعات بعد لقانا والروح لوجودك عطشانة توحشني عينيك
وبلاقي الدنيا بقت فاضية مع إن الناس رايحة وجاية وأنا بحلم بيك
عامر….😍
على طول في خيالي بنادي لك وبقول يا تجيني يا هاجي لك من غير مواعيد
ويا دوبك وفي نفس الثانية بلاقيك قدامي يا عينيا والإيد في الإيد
على طول في خيالي بنادي لك وبقول يا تجيني يا هاجي لك من غير مواعيد
ويا دوبك وفي نفس الثانية بلاقيك قدامي يا عيني والإيد في الإيد
أيهاب….وأنا، وأنا، وأنا، وأنا
أنا، أنا، أنا، أنا، أنا، أنا بتونس بيك وإنت معايا
احمد العربي….الله الله الله
صقف الكل ليهم وهما مبسوطين
زين….عاش يا وحوش
فضلوا يغنوا مع بعض والجو العام بينهم كان مبهج
وبعد وقت بسيط اعد احمد العرب جمب سهير يتكلموا
والشباب مع بعض كلهم وروحيه مع ولاد توته في الاوضه بتاعت الاطفال..
احمد العربي….عامله ايه يا ست سهير
سهير…الحمد لله بخير عايشه
احمد العربي ..ايه مالك كده
شكلك مضايق
سهير….كل ما احس ان البت شمس خلاص قربت تتجوز وهتسبني هي كمان احسن اني مضايقه
احمد العربي…ليه بس كده ربنا يهدي سرها هي واخواتها وتفرحي بيهم وهما مالين الدنيا عليكي بولادهم
سهير….انا فرحانه والله انها هتتجوز ومرتاحه جدا كمان عشان حاسه ان خلاص حمل من عليا اتشال وسترتهم
بس فراقهم تاعبني اوي انا ملياش غيرهم
احمد العربي….اولا اوعي تفكري ان العيال لما بتتجوز الحمل بتاعهم بيخف بالعكس ده بيزيد وبتخافي عليهم اكتر وبتشيلي هم كل واحده فيهم اكتر عيالنا مهما كبروا وفتحوا بيوت بيفضلوا بالنسبه لينا لسه صغيرين زي ماحنا كنا كده عند اهالينا
وبعدين فراق ايه بس اللي بتتكلمي عنه عايز اقولك يا ست سهير احنا ربنا بيحبنا اوي عشان ولادنا كلهم ساكنين جمبنا ومعانا في الحته محدش فيهم بعيد كلهم جمب بعض وقريبين مننا يعني مفيش فراق
سهير…عارفه بس الجواز مسؤوليه كبيره وكل واحده هتتلخم في بيتها وجوزها وبعدين عيالها
احمد العربي …ده علب حسب العيل يا ست سهير واحنا ولادنا كلهم اللهم بارك كويسين ومش وحشين وديما معانا وبعدين ماهي توته اهي اتجوزت وخلفت ومعاكب ديما صح ولا غلط
سهير…الشهاده لله توته مبتسبنيش بس الفكره يعني انهم مبقوش معايا وفي خضني كل واحده فيهم راحت حضن جوزها والمسؤولية بردو كبيره عارفه انهم لو اتشغلوا بيبقي غصب عنهم بس الاول كنا بليل كده بعد تعب اليوم والوقفه علي رجلنا فالكوافير كنا نتلم علي تربيزه اكل واحده ونأعد نضحك ونهزر ونرغي الوقت خلاص هبقي لوحدي
احمد العربي متقوليش كده ولادك معاكي وكلنا معاكي وبعدين طب مانا كمان بقيت لوحدي اهو معاكي ان بليل لما بيتقفل عليكي باب لوحدك بتبقي الوحده رخمه بس هنرجع ونقول كفايه اننا مطمنين علي ولادنا وهما مقفول عليهم باب ومبسوطين
سهير…عندك حق دي بالدنيا كلها
احمد العربي….صحيح متأغزنيش في السؤال مفيش اخبار عن طليقك
سهير….ولا اعرف عنه اي حاجه من يوم ما اطلقنا سافر البلد عند اهله عرفت انه اتجوز بس مبسألش عليه يوم فرح البت توته قالتلي نعزمه يااما ده حقه برده مكدبش عليك فالاول اضايقت بس حسيت ان البت كده نفسها يبقالها سند وضهر قولت مش مهم خليها تقوله عشان مكسرش فرحتها وترجع تشيلني ذنبها وتقولي انتي يااما اللي مرضتيش قولتلها خلاص قوليله مع اني كنت متأكده انه مش هيجي وفعلا كلمته وقالها ان شاء الله وبعدها بيومين كلمها وقالها هاجي بس بشرط امك متحضرش
كملت بابتسامه سخريه…يعني انا ربيت ولادي من وهما لسه عيال صغيره بطولي ولوحدي كان وقتها توته في اولي اعدادي تقريبا سابنا طلقني واحنا لوحدنا معايا 3 بنات شقيت وتعبت عليهم كنت بحفر الارض عشان اخليهم ياكلوا احسن اكل يتعلموا احسن تعليم يلبسوا احسن لبس يخرجوا يتفسحوا يجيبوا اللي نفسهم فيه كله والاهم من كل ده كنت بربي لوحدي كنت ليهم الاب قبل الام انا اللي بقول الصح والغلط والحرام والحلال وغير كل ده سابني من هنا الكل طمع فيا من هنا شايفين الواحده المطلقه دي صيده اي حد يصطادها سابني اشيل الهم واواجه لوحدي وبطولي كل حاجه من تعب عيالي لخوفي عليهم اخر الليل وانا لوحدي من غير راجل اودي مدارس ودروس وارجعهم أكلهم وانزل عالمحل وكبرتهم وجهزتهم وجوزتهم وفالاخر عايزني بكل بساطه كده مبقاش موجوده
احمد العربي…وتوته قالتله ابه
سهير..رفضت طبعا وفضلت تعيط قالتله دي امي انت بتطلب مني بعد كل اللي هي عملته معانا ده طول السنين ان بكل بساطه اقولها شكرا لحد كده متحضريش فرحي طب انا موافقه بس قولي علي حاجه واحده بس انت عملتها معانا او عشانا وانا هعمل الانت قولته ده…قالتله انا مش طالبه منك اي حاجه غير انك تيجي تقف معايا يوم فرحي وتبقي وكيلي وتخلي فرحتي تكمل
رد عليها بكل غباء قالها وانا مش جاي ابقي خليها هي بقي تحط ايدها في ايد العريس وتبقي هي بدالي تكمل جميلها مش هي اللي شالتكم وعملت عشانكم كل حاجه وريني بقيوهتكمل دي ازاي كان بيقولها بتريقه كسر فرحه بنته وبعدها خلينا حاج سعيد هو اللي كان وكيلها ويوم فرح بوسي
بوسي مرضيتش تكلمه اصلا قولتلها لو عايزه كلميه مش هزعل
قالتلي اذا كان مجاش في فرح توته وسمعها كلامه ده هيجيلي ده حتي مفكرش يشوف عيالها…الحنبه مبتتشحتش يا استاذ احمد وده راجل جاحد مفيش في قلبه رحمه
احمد العربي….ياساتر هو في كده
سهير…في اسوء من كده بكتير الدنيا مليانه بلاوي
احمد العربي….هو انت ا سبتوا بعض ليه اصلا
سهير….مكنش راجل كان عايز يعيش علي شقايا يأعد هو فالبيت وانا اصرف وبشرط فلوس شغلي تروح لايده قبل ايدي ..كان عايز ياعد العيال من مدارسهم بحجه ان البت مسيرها لبيت جوزها والفلوس اللي بتتصرف علي مدارسهم ودروسهم احنا والبيت اولي بيهم مكنش بيعمر في شغل أبدا كان من النوع اللي كل ما تجيله شغلانه ينزل واول ما يبقي في ايده قرش يأعد فالبيت لحد ما الفاوس تخلص وحلني بقي علي ما كان يجيله شغل تاني يفضل فالبيت قلت ادب وطوله لسان ويتشرط اكل ده وماكولش ده وكان بعيد عنك بيشرب كل الفلوس اللي كانت بتيجي من شغله مكانتش بتتصرف عالبيت كان كله رايح عالقرف اللي بيشربه وغير كده ربنا كان رازقني بحما اعوذ بالله هي وبنتها كانوا بيقوموه عليا انا وعيالي اخته كانت بتغير مني عشان عندي محل وواقفه علي رجلي وبعرف اجيب القرش كويس كانت تسخنه وتسخن امه وهو يمشي وراهم مع اني مكنتش بشوفهم غير فالمناسبات لنا نسافرلهم. كل ده كنت بعديه بخناف وحرفه دم وتعب وقله قيمه عشان بس ولادي بنات وكنت خايفه عليهم اهو الاسم اب في حياتهم لكن كان لازم اوقف القرف ده كله يوم ما مد ايده عليا عشان مرضتش اديله فلوس كنا داخلين علي مدارس و محتاجه كل قرش لولادي وهو عايز الفلوس عشان يصرفها علي القرف اللي بيشربه ومزاجه يومها ضربني علقه موت ووقتها اللي وقفله حاج سعيد الله يكرمه كنا وقتها ساكنين في شقه فالسيده تانيه بس سبتها وقولت خليني جمب. المحل بدل ما بركب وباجي نص الليل اوقات فالمواسم وكلام الناس انت عارفه وفعلا جينا هنا كان بقالنا بالظبط ناقلين الشقه يجي من شهر ونص بالظبط ومد ايده عليا كنت هموت في ايده الناس اتلمت وحاج سعيد اللي وقفله وصممت عالطلاق وقتها وفعلا اطلقت منه وفضلت انا فالشارع جمب المحل وكان ربنا خلاني انقل الحاره هنا عشان كان عارف اللي هيحصل وبقيت وسطكم بقيتوا اهلي وناسي
احمد العربي….انا يمكن اول مره اعرف حكايتك عارف انه كان وحش وانتي محبتيش تكملي معاه لكن مكنتش اعرف ان هو شخصيته كده..
سهير…والله اللي حكتهولك ده اختصار لعبشه سوده وايام وحشه عشتها معاه انا عشت معاه 11 سنه كنت شاربه المر وبتحمل عشان خاطر البنات بس زي ماتقول كده انه فاض بيا ومقدرتش انا ممكن اتحمل اي حاجه إلا الاهانه ومد الايد وده كل حاجه فيه كانت وحشه مد ايد وشتيمه وإهانه وعايش علي شقايا مبيصرفش مش عابز العيال تتعلم بتاع ستات بيشرب مكنش في ميزه ويوم ما مد ايده عليا كان جاب اخره معايا خلاص وطاقتي في التحمل خلصت
يمكن الطلاق ده جالي نجده من السما بس برده فكره الواحده المطلقه دي مش سهله خالص نظره الناس والرجاله انا حمدت ربنا اني جيت هنا الحاره وسبت البيت القديم هنا الناس طيبه وكلهم اهل انما هناك كان أغلبهم وحشين اللي خايفه علب جوزها واللي بتغير والرجاله بقي اللي طمعان واللي فاكرك بكلمه هتروحله وغير كده شايفين ان شغله الكوافير دي حاجه وحشه وباصينلك بقي علي انك ست مش كويسه….بس الحمد لله عشت وكبرت ولادي وجوزتهم وطول السنين دي انا ليهم كل حاجه وهما ليا كل حاجه عشان كده يمكن انا زعلانه
احمد العربي…انتي تعبتي اوي في حياتك
سهير….ومين فينا مبيتعبش بس يا استاذ احمد
احمد…انا لما ام ادهم ماتت كنت حزين اوي الشهاده لله كانت ست محترمه
سهير…فكراها طبعا ست صفاء كانت محترمه وطيبه اوي وملهاش حس كانت بتحب توته اوي وكل ما تشوفها تقولها يا عروسه ابني
احمد العربي… اوي كانت ونعم الناس بجد ووقتها ادهم تعب اوي لما ماتت ونفسيته كانت وحشه اوي وفضل مأجل خطوبته من توته بسبب كده الله يرحمها ويغفرلها
سهير…يارب ويفرحنا بولادنا
احمد العربي….يارب دي اهم حاجه واكتر دعوه بدعيها.
سهير….صحيح يااستاذ احمد انت مروحتش ليه مع الجماعه العمره
احمد العربي…والله يمكن ربنا مش رايد انا عملت كذا مره بس ان جيتي للحق انا معايا مبلغ كويس وعامل حسابي لو ربنا اداني العمر طبعا وكتبهالي اني اروح الحج انا روحت مره قبل كده ونفسي اروح تاني مرضتش احط ايدي عالمبلغ ده عشان اروح وطبعا ربنا بيسبب الاسباب اكيد مليش نصيب
سهير…ربنا ينولك اللي في بالك وتروح الحج ان شاء الله انا كان نفسي اروح اوي عمري ما روحت لا حج ولا عمره بس ملخومه مع البت شمس عشان فرحها اطمن عليها زي اخواتها وربنا يرزقني بزياره النبي يارب
احمد العربي…بابتسامه ان شاء الله ربنا هيكتبهالك وهتروحي
سهير…يارب يا استاذ احمد
ادهم…ماكفليه رغي بقي انا بغير علي سوسو يا عم احمد
احمد العربي….وانت مالك يا ابن الكلب ومالنا
ادهم…بضحك. بقي كده ياعم احمد ماشي ياعم ماشي ياسوسو بتبعيني
سهير…بضحك مقدرش يا جوز بنتي انت حبيبي
ادهم….حبيبتي ياناس
…………
كملوا اعده وضحك و هزار وكلام ونظرات مسروقه وسريعه بين منار وعامر.
واخيرا خلص يومهم وكل واحد فيهم راح علي بيته..🥰
……..
ومع بدايه يوم جديد مليان بالنشاط والحماس والمفجئآت
صحي عامر من النوم فضل يقلب في الموبايل بتاعه و يشوف الفديو بتاعه كان صاحي مبسوط خصوصا وهو بيتابع اخر اللي وصله اتفاجئ ان الفديو اتصدر الترند في جوجل وعلي تويتر والفيس بوك ومعدي ملاييين المشاهده
تحت عنوان….❣️
المطرب الشاب الصاعد عامر حسني من داخل احد المراكب البسيطه يرقص بفرحه مع امرأه من كبار السن في مشهد رائع من البساطه وجبر الخاطر ❣️
وفي وسط ما هو بيقرأ الخبر
رن موبايله برقم غريب.
عامر….ألوو
استاذ عامر حسني
عامر…ايوه انا مين معايا
انا معد من برنامج معكم مني الشاذلي وكنا حابين نعمل مع حضرتك لقاء وطبعا ده يمكن بخصوص الفديو اللي اتصدر ترند اليوم
عامر…بفرحه موافق طبعا ده شرف ليا
المعد….الشرف لينا حضرتك تمام لو أمكن طبعا وقت حضرتك ان التصوير يكون انهرده عشان الحقله هتتذاع بعد بكره في معادها قولت ايه..
عامر…موافق طبعا ان شاء الله بس المعاد
المعد…بعد ما هقفل معاك علي طول هبعتلك كل التفاصيل
عامر…تمام جدا وطبعا بشكر حضرتك علي المكالمه الجميله دي
المعد…شكرا لحضرتك جدا اتشرفت بيك
عامر…الشرف ليا مع السلامه
المعد…سلام.
قفل عامر معاه التليفون وفضل يتنطط من الفرحه في وسط الاوضه
وقرر انه مش هيقول لاي حد حاجه وهيجمعهم كلهم يوم عرض الحلقه ويتفرجوا سوا عليها😍
يتبع…
- لقراءة الفصل التالي : اضغط هنا
- لقراءة باقي حلقات الرواية اضغط على (رواية 30 يوم حياة 2)