رواية 30 يوم حياة 2 الفصل الرابع والعشرون 24 بقلم أميرة أسامة
رواية 30 يوم حياة 2 الفصل الرابع والعشرون 24 بقلم أميرة أسامة
رواية 30 يوم حياة 2 البارت الرابع والعشرون
رواية 30 يوم حياة 2 الجزء الرابع والعشرون
رواية 30 يوم حياة 2 الحلقة الرابعة والعشرون
عدت الساعات وبعد العصر اتقلب الجو اكتر
وابتدت العاصفه.
لكن✋✋✋…..قبل العاصفه بخمس ساعات
حصلت احداث مهمه..
…….
اتصل زين بعامر..
زين…صباح الفل يا نجم
عامر…بأبتسامه جميله صباح الكسل انت لسه صاحي ولا ايه.
زين…لا لسه صاحي ايه بس انا صاحي من ساعه ونص كده بس كنت رايح السيده اجيب شويه حجات ناقصه فالبيت ومن السوبر ماركت فا انا عارف انك اعد لوحدك ومش هتعرف تجيب حاجه وممكن تطنش اكلك اصلا فا شوف كده لو ناقصك حاجه اجيبهالك
عامر…والله يا زين انت ابن حلال عايز اقولك ان التلاجه مفيهاش غير لبن وبيض😂😂
زين بضحك….الله يكسفك يا فنان قول ناقصك ايه
عامر… ناقصني والله حجات كتير بس مش هتعرف تشيل ليا وليك
زين…متقلقش معايا عربيه كام يوم كده
عامر….يا ابني ارحم نفسك من تأجير العربيات اللي واكل فلوسك ده وهاتلك عربيه احسن
زين…قريب ان شاء الله اخلص بس من الالتزامات اللي عليا وربك يسهلها يلا قول اخلص قبل الدنيا ما تبوظ السما شكلها علي اخرها والهوا جامد
عامر…طيب بص هاتلي اي نوع جبن هاتلي فاكهه هاتلي شويه حجات حلوه كده
زين…تصدق ياض انا مديحه مربتنيش عشان اكلمك اصلا شويه حجات حلوه انا بكلم ابن اختي ياض مش هتاكل 😂😂😂😂
عامر…..مانا مش هعرف اعمل اكل فالبيت انت عارف بجيب من بره بس ماشي هاتلي علبه برجر هاتلي بطاطس احمرها وده اخري متدوشنيش😂😂😂
زين…بضحك تصدق ياض صعبت عليا بقولك انت راجع امته
عامر…لسه ادامي شويه كده ليه
زين…هكسب فيك ثواب ونتغدي سوا
عامر…كول عمري اقول صحابي مافيهمش إلا زين😂😂😂
زين…عليا ياواطي😂 هلاص هستناك تيجي عليا علي طول انا مفتحتش انهرده هجيب الحاجه واروح وانت خلص وتعالي
عامر…طيب اشطا بقولك ايه متنساش البيبسي والعصير
زين…ما تسوقش فيها عشان انا غبي هااا😒😒
عامر…بضحك مش انت اللي قولت عايز ايه 😂😂😂 بقولك صحيح متنساش تجيب معاك لب وسوداني عشان نتفرج عالعاصفه بمزاج😂😂😂😂
زين….😂😂😂😂انت هتعمل زي وعد حسبي الله
يلا سلام خلص بسرعه
عامر…😂😂😂 ماشي سلام.
…….
صحيت منار من النوم لبست وخرجت من الاوضه.كان باين عليها الحزن والارهاق وعدم النوم طول الليل صاحيه وبتغكر في مكالمتها مع أنس..
فلاش باك..
حسمت منار اخيرا أمرها وقررت انها لازم تتكلم مع انس وتنهي كل حاجه معاه حتي لو لسه مش عارفه هتعمل ايه مع عامر لكن قررت متظلمش معاها انس اكتر من كده هو انسان طيب وحنين ومحترم بتكنله كل احترام وحب لكن حب من نوع تاني حب اخ صديق زميل مش اكتر لكن حبها الاول والاخير لعامر فا قررت انها تصارحه
اتصلت منار بأنس وهي دموعها نازله.واستنت الرد
أنس….وحشتيني
سكتت منار ونزلت دموعها اكتر بوجع.
انس…ايه موحشتكيش ولا ايه
حاولت منار تتمالك اكتر…ازيك يا انس
انس…بقلق منار انتي كويسه مالك يا حبيبي
منار….بدموع مقدرتش تسيطر عليها…انس انا محتاجه اشوفك واتكلم معاك اوي
انس….منار فيكي ايه متقلقنيش عليكي لو ينفع اجيلك الوقت اكلم عادل أستأذن منه واجيلك
منار….لا مش هينفع الوقت خال الوقت اتأخر خليها بكره الضهر ممكن
أنس…حاضر يا قلبي ممكن طبعا بس حتي قوليلي مالك قلقتيني
منار….لما اشوفك يا أنس انا بس مخنوقه اوي
انس….طيب بس بطلي عياط
وحياتي عندك وانا بكره هشوف حبيبي زهقان من ايه ومين اللي قدر يزعله
بااااااك…
خرجت منار من الاوضه كان عادل بيجهز عشان ينزل يصلي الجمعه.
منار…صباح الخير يا عادل
عادل….صباح النور يا حبيبتي انتي خارجه ولا ايه
اعدت منار جمبه….اه كنت هقابل انس يعني محتاجه اتكلم معاه معلش حقك عليا اني مستأذنتكش بس مش هتأخر والله
عادل….مفيش مشكله با حبيبتي بس كنتي خلتيها بكره الجو باين انه قالب وبيقولوا في عاصه انا عارف ان بتوع الارصاد بيحوروا ديما 😂بس ميمنعش ان الجو هيقلب اكتر
منار…معلش مش هتاهر والله يا عادل متقلقش عشان كده انا قولتله نتقابل عالضهر
عادل…ماشي يا حبيبتي خلي بالك من نفسك ولو احتاجتيني كلميني انا هنزل اصلي الضهر وهأعد شويه مع صالح ولاحه في القهوه وهطلع
منار….ماشي يا عادل يلا هنزل بقي عشان متأخرش وقبل ما تقوم مسك ايدها.
بصتله منار وهي متأكده من سؤاله
عادل…انتي كويسه
ابتسمت منار أبتسامه بسيطه وهزت راسها بخير متقلقش
عادل…..مع اني عارف انك مش كويسه بس هصدقك يلا عشان متتأخريش
منار…سلام يا عادل
عادل…سلام يا حبيبتي
………..
صحي الصبح صالح خرج من الاوضه لقي بوسي اعده عالكنبه رافعه رجلها وحضناهم بأيدها وسرحانه ومن يوم اللي حصل بينها وبين صالح وهما مفيش بينهم كلام خالص ورجعوا للبدايه اللي كانت اول جوازهم سابها صالح خالص وسابلها مساحه تفكر في القرار اللي هي محتتجه تاخده…
خرج صالح من الاوضه بعد ما كان لبس
اطلق السلام وفتح الباب ونزل وكأن الحال بيتعاد تاني.
…………
وصلت منار للكافيه اللي اتفقت مع أنس انهم يتقابلوا فيه واول ما دخلت لقته اعد جوه مستنيها.
اول ما شافها قام قرب منها سلم عليها واعدوا عالتربيزه
انس…تشربي ايه يا حبيبي
منار…لا مش عايزه يا انس
انس…لا هتشربي
منار…طيب ممكن نسكافيه
طلب انس الطلبات ومشي الويتر
انس…ايه يا حبيبي عامله ايه
منار…الحمد لله بخير انت كويس
انس….الحمد لله ادام شوفتك اكيد انا كويس
ارتبكت منار ومعرفتش ترد
انس…طلع من جمبه بوكيه ورد شكله رقيق باللون الابيض و شنطه صغيره فيها هديه وحطها ادامها اتفضلي
منار…باستغراب ايه دي
انس…يعني حاجه بسيطه يارب تعجبك لاني جبتها وانا جاي بسرعه عشان ادهالك
منار…بأبتسامه بسيطه ودي بمناسبه ايه
انس…من غير مناسبه يا حبيبي اعتبريني بصالحك
منار….بنفس الابتسامه هو انت زعلتني
انس….لا مزعلتكيش بس كفايه ان اسمع صوتك امبارح وانتي بتعيطي ومودك مش حلو فا قولت افرحك بأي حاجه
اتغيرت ملامح منار للحزن كل ما تحاول تبعد يحصل حاجه تخليها مش قادره تزعله او تيجي عليه وتحس بالذنب اكتر
أنس…حبيبي سرح تاني في ايه مش هتشوفي الهديه
أبتسمت منار ….اه هشوفها
انس…طيب يلا افتحيها
كانت الهديه عباره عن بوكس صغير في هدايا متنوعه حطت أيدها اول مره طلعت بدبدوب صغير علي شكل قطه
ابتسمت منار…جميل اوي رجعت حطت ايدها تاني طلعت مج عليه حرفها بيتغير لونه مع درجه الحراره
خطت ايدها تاني كذا مره فضلت تطلع في شيكولاته ومره تانيه طلعت ازازه برفان ديور..
منار…الله انا بحب البرفيوم ده
انس…عارف طبعا
رجعت حطت ايدها تاني طلعت عروسه جميله لابسه بلوڤر رمادي فاتح وعليها چيب من اللون الرصاصي شعرها كيرلي طويل لونه تلجي ولابسه أيس كاب نفس لون الچيب كانت ملابس العروسه تناسب الجو الشتوي اما ملامحها فكانت بريئه جدا
منار…بحب للعروسه الله حلوه اوي انا حبيتها
أنس…بحب شبهك اوي صح
أبتسمت منار وكانت دي اخر هديه رجعت منار كل حاجه تاني مكانها وبصتله.شكرا يا انس بجد الحاجه حلوه اوي
أنس…انتي احلي يا منار ها مش هتقوليلي بقي فيكي ايه
جه الويتر في الوقت ده نزل الطلبات ومشي..
انس…هااا يلا احكي انا سامعك.
منار…حاولت تجمع الكلمات اللي كانت جايه تقولها لكن حست انها في ورطه لما أكتشفت ان الكلام اللي فضلت ترتب فيه هرب.
كملت بأرتباك….مفيش بس كنت مخنوقه ومضايقه ومحتاجه اتكلم معاك
انس…قولي يا حبيبي انا سامعك
منار…بحزن ودموع اتجمعت في عينها…انس انا هتكلم معاك في حاجه تعباني بجد عيزاك تسمعني والاهم من انك تسمعني أنك تفهمني متعلقش عالكلام بس حاول تفهمه قبل ما تحكم عليا وتزعل مني
انس…عمري ما هزعل منك يا منار اتكلمي وانا مش هقاطعك.
منار….اوقات يا انس الدنيا بتفرض عليك طريق لازم تمشيه كل خطوه بتخطيها سواء حلوه او وحشه لازم تمشيها يمكن احنا كا بشر مخيرين مش مسيرين بس انا بحس لما بفكر شويه ان اغلبنا مش بيختار في قدر ونصيب بيتفرض عليك حتي لو في مره حبيت انك تختار مع الوقت بتبعد عن اختيارك ده وبتلاقي اللي انت رفضته زمان واختارت بداله هو اللي بيتفرض عليك تاني الوقت
واللي انت اختارته بعد عنك…يعني بأختصار القدر او المكتوب لازم هنشوفه مهما اختارنا فالاخر القدر بيفرض سيطرته….انا في حياتي يا انس عمري ما كنت مبسوطه نزلت دموعها بغزراره والرعشه اللي كانت في صوتها تقطع القلب كان انس بيسمعها ومتأثر من وجعها اللي ظاهر لاي شخص يسمع صوتها…
منار…يمكن يا انس انا عشت في بيت وسط عيله غيري يتمناها ويمكن اتحسد عليها كمان منكرش ان امي اعظم واحن ام فالدنيا بابا مفيش في طيبه قلبه ولا حبه واحتوائه لكل الناس اللي حواليه ربنا رزقني بأخوات كان ا ليا دهر وسند عادل مفيش في طيبته وحنيته عمري ما شوفته وحش ولا قاسي اما كريم ده كان دنيا بعيش جواها لوحدي دنيا بهرب من اي وجع بس لما ابص في عينه كل حاجه حلوه كانت بتطلع معاه هو ضحكتي اللي من القلب احلي رسمه كنت بطلعها وهو اعد معايا يتفرج عليا وانا برسم الوجع اللي كان في قلبي كان بيقدر يطلعه بسهوله كريم مكنش اخويا ولا ابويا ولا صاحبي كريم زي ما قولتلك كان دنيا انا بس اللي عايشه جواها.
ربنا رزقني بصحاب اتحسد علي علاقتي بيهم رزقني بجيران كانوا ليا ونعم الاهل
رزقني بحجات كتير يا أنس
بس مع كل ده من وانا صغيره وديما جوايا وجع في قلبي مش قادره أفسره ولا اعرف سببه مع كل الناس اللي حكيتلك عنهم دول كنت بحس اني لوحدي في عالم بنيته مع نفسي عالم جواه سر الوجع اللي مقدرتش اقول لاي حد عليه يمكن الدنيا مش بتدي كل حاجه ويمكن ال24 قيراط انا خدتهم في اهل وصحاب وجيران….بس كان في اهم حاجه في حياتي ناقصه…ومع ذلك كنت بردو مبسوطه حتي لو مكنش حد عارف اللي جوايا ده كان كفايه عليه اوي انه موجود.
عدت سنين كتير اوي وانا لوحدي في العالم ده وبعدها مكنش حد يعرف كل حاجه عني إلا وعد يمكن لما عرفت معملتش حاجه لان اصلا مفيش حاجه تتعمل بس عالاقل كنت بلاقي اللي احكي وارتاح معاه لحد ما وجعي ده زاد اضعاف كتير اوي يوم موت كريم كريم راح وخد كل حاجه تتخيلها معاه….بيقولوا ان اللي بيموت بيرتاح وبيفضل اللب موجوع عليه الشخص اللي عايش ودي اكتر جمله صح
كريم…مات وارتاح بس انا من بعده ماشوفتش راحه يا انس كنت فاكره ان اليوم اللي بيعدي بياخد معاه جزء من الجوع والايام كفيله تداري وتخفي الوجع ده بس اللي اكتشفته ان الايام مش بتداوي الايام مجرد تسكين للالم والوجع وبس عدي حوالي شهر…وبعدها حصل حاجه انا مقدرتش اتحملها اصل كان صعب يا انس اوي انك تخسر دنيتك مرتين ….
يمكن فيهم مره خسرت فيها دنيتي مع كريم بس مكنتش هقدر امنع ده الموت كبير يا انس محدش يقدر يقف ادامه ولا يمنعه حتي لو اجتمع العالم كله بردو مش هينفع خلاص الوقت خلص..
والفراق بقي امر واقع معندكش اي رأي فيه سواء بالقبول او الرفض…
لكن لما اتكتب عليا الفراق لتاني مره مقدرتش يا انس عشان وقتها موت كريم مش هقولك كان مدمرني ولا مقصر عليا ولا عاميني حتي بس انا تقريبا كنت ميته ولما اتفرض عليا الفراق لتاني مره كنت عانله زي الغريق اللي بيتعلق بقشايه كان وقتها عندي استعداد اعمل اي حاجه فالدنيا بس امنع الفراق اللي لو حصل هموت واصعب حاجه يا انس لما تموت بالحياه وقتها مكنش عندي مانع اني اتنازل عن كرامتي وكبريائي واتنازل عن اي حاجه بس اوقف الفراق ده وللاسف مقدرتش وبعدها تعبت الدكتور وقتها قال ان قلبها تعبان من فتره كبيره بس كان تعب بسيط ميتحسش بيه تقدر تقول وجع لسه نايم اوقات يا انس الوجع بيصحي التعب وبيظهره وده اللي حصل معايا مقدرتش استحمل الفراق ونزلت دموعها اكتر….اصل الضرب في الميت حرام وانا من بعد كريم كنت عايشه بس ميته وبعد اللي حصل ده كملت وقلبي مستحملش
يمكن كل اللي حواليا غاليين عندي اوي والله بس كان اغلب شخصين عندي كريم وراح مني …اما الشخص التاني مكنتش قادره اسيبه يروح…الشخص ده..
رن موبايل انس فالوقت ده كذا مره وهي بتحكي وكان بيكنشل لكن الاتصال زاد بكريقه مقلقه قاطعها انس..
انس…طيب اسف يا حبيبي هرد البيت بيتصلوا بيا كتير هرد لا يكون في حاجه
هزت منار راسها.
رد انس…ايوه يا ماما في حاجه ولا ايه.
والدته………..
اتغيرت ملامح انس للفزع😳😳 بتقولي ايه طيب طيب اقفلي وهجيلك حالا
منار…في حاجه ولا ايه
انس…مش عارف ماما بتقول بابا وقع منها فجأه ونزف دم من بوئه وطلبت الاسعاف
منار…خير ان شاء الله
انس…معلش يا منار انا اسف حقك عليا انا مضطر امشي واروحلهم بسرعه
منار…طبعا يا انس قوم بسرعه
انس…وهو بيحط الحساب..اكيد هنتكلم تاني
منار…ان شاء الله المهم بس اطمن علي عمو
انس…طيب يلا قومي معايا اوصلك علي اقرب مكان
منار…باعتراض لا لا انت روح بسرعه انا هركب تاكسي
انس…مش هينف الجو وحش
منار.. انس متقلقش انا هركب من ادام الكافيه هطلب اوبر الوقت واخرج لما يجي
انس…بقله حيله..طيب تمام متخرجيش غير لما يجي وابقي طمنيني
منار…ماشي وانا هبقي اطمن علي عمو
انس…ان شاء الله يلا سلام
خرج انس بسرعه ركب عربيته وطار…اما منار فا نزلت دموعها بقله حيله…وكأن القدر رافض ان النهايه تنزل💔 طلبت منار اوبر وفضلت مستنيه لحد ما جه ركبت معاه وهي فالطريق كلمت وعد.
وعد….الوووو ايوه ياقلبي
منار….بدموع وهي باصه عالطريق…وعد انا محتاجه اتكلم معاكي ممكن
وعد…منار انتي بتعيطي مالك
منار… انا كنت مع انس وكنت هقوله علي كل حاجه يا منار كنت هرتاح مع العذاب وتأنيب الضمير واصارحه وانهي معاه علاقتنا بس القدر بيعاندني يا وعد قبل ما اعرفه عن وجود عامر في حياتي كل حاجه باظت باظت يا وعد
وعد…طيب اهدي اهدي عشان خاطري انتي فين
منار…انا راجعه في اوبر
وعد…طيب انتو اتخانقتوا يعني طيب ولا ايه
منار…لا بباه تعب وجري عليه
وعد…طيب انا هستناكي اهدي شويه عشان خاطري واوعي تروحي وانتي بتعيطي كده عشان عادل مياخدش باله تعالي عندي ماشي
منار…حاضر
وعد…خلي بالك من نفسك
منار…حاضر سلام يا وعد
منار…سلام يا حبيبتي
………….
سهير….يا اختي انا مش فاهمه ليه تحكيم الرأي اننا نبات معاكي انتي عارفه يا توته اني مبعرفش انام غير علي سريري
توته…يا اما من يوم ما اتجوزت ما نمتيش معايا يوم وحشتيني انتي والبت شمس
شمس…والنبي انتي اللي وحشتيني ووحشني سهرنا مع بعض
توته….اهو هانسهر براحتنا مع بعض وبعدين يا اما انا كنت جيالك بس الجو وحش زي ما انتي شايفه كده اخاف العيال تتعب مني انتوا خفاف عني
سهير…ايوه صح الجو وحش انا عارفه الجو قالب كده ليه
توته….يا اختي بقي يقلب ولا منقلبش المهم انكم معايا وبليل هنسهر مع بعض كلنا عم احمد وهيما ومنه وايهاب ورحاب الجو ده عايز لمه
سهير….يا اختي اش فهمك انتي ده عايز برتقال ويوستفندي
ضحكت توته وشمس عليها وقاموا يجهزوا مع بعض العشا..
……..
يوسف…يا اما الله يخليكي خدي بالك من صحتك وتقلي لبسك شويه الجو وحش
روحيه…يا واد انا بقيت شبه المخده اللي محشيه قطن من كتر اللبس😒😏
يوسف…مش مهم وبعدين فارق معاكي الشكل في ايه ياروحيه مش مرتاحلك انا😒
روحيه…بضحك اختشي يا واد
يوسف…بحب طب بقولك ايه تعالي اوريكي جبتلك ايه وانا جاي
روحيه…جبتلي ايه
يوسف…غمضي عينك الاول
حطت روحيه ايدها علي عينها اهووو
يوسف….روحيه انتي نصابه وشايفك حطي ايدك عدل.
روحيه…بضحك انت شوفتني
يوسف…اه يا اختي شوفتك عامله فيها ناصحه وبتوسعي بين صوابعك عشان تشوفي فينا من الغش يا روحيه
روحيه…خلاص اهو كده مش شايفه
فتح يوسف شنطه وطلع اللي فيها. فتحي ياروحيه
بصت روحيه بفرحه كبيره
كان جايللها شال اسود من الصوف وعليه خطوط بسيطه من الرمادي الغامق مان شكله حلو وهادي
روحيه…الله حلو اوي
يوسف…عجبك يا روحيه.
روحيه…اوي ده زي بتاع مديحه انا كان نفسي فيه
يوسف…اي خدمه عارف ان كان نفسك فبه لفه يوسف عليها مبروك عليكي يا روحيه قمر يا ناس.
روحيه…يخليك ليا يا يوسف ومتحرمش من حنيتك عليا
يوسف….ولا يحرمني منك يا اما بقولك ايه هروح اولع الباجور عشان نتدفي كده وهعملك احلي غدا
روحيه….بفرحه اطفال ماشي بس استني قبل ما تمشي شغلي الكرتون
ضحك يوسف…بقله حيله ورجع شغلها الكارتون وراح يعمل الغدا
…………
اما عند عامر كان في الاستديو أبتدوا شغل عالاغنيه الجديده و أبتدأ عامر يسجل..شويه ينسي الكلام وشويه يسرح وشويه يعيدوا من تاني فضل علي كده اكتر من اربع ساعات لحد ما حس انه فاصل.
فا قرر انهم يكملوا بكره لو الجو ساء هيضطروا يأجلوها كام يوم…أستأذن عامر وخرج عشان يروح
كان الهوا شديد بطريقه مرعبه لدرجه تحس انك لو خففت رجلك شويه من الارض هتطير حرفيا وصل عامر للعربيه بصعوبه فتح باب العربيه بسرعه وركب ومشي علي البيت
……….
منه….كانت واقفه منتظره حاجه معينه بقلق ورغم بروده الجو كان العرق مصاحبها ولاكن بمجرد ما اللي كانت مستنياه ظهر صرخت منه بفرحه وفضلت تتنطط راحت بسرعه علب موبايلها تكلم هيما.
هيما…ايه يا منه
منه…انت فين يا هيما
هيما…هكون فين يا بت فالصاله بس بقفل انا وادهم خلاص مفيش حد والجو وحش اوي هقفل واطلع قبل ما الجو يقلب اكتر من كده
منه…طيب متتأخرش عشان
عيزاك بسرعه
هيما…ايه 🤨🤨🤨 اوعي تقولي فار وربنا ما اطلع اعد مع العاصفه احسن
منه…بضحك لا متقلقش مش فار لو كان فار كان زمانك سمعت صواتي من عندك
ابتسم هيما…امال ايه
منه…لا لما تطلع يا اخويا
هيما…ماشي خمس دقايق وابقي ادامك
منه ..ماشي يا حبي يلا مستنياك
هيما…ماشي ياقلبي سلام.
عدت الدقايق بسرعه واخيرا سمعت منه الباب بيتفتح بالمفتاح واول ما لمحته جريت عليه حضتنه واتعلقت في رقبته.
حضنها هيما وشالها من الارض وهو بيقفل الباب
هيما…ايه وحشتك انا سايبك من كام ساعه نزلها براحه وهي بصاله.
منه…هو من ناحيت وحشتني فا انت وحشتني بس بصراحه انا عملالك مفجأه
هيما…مفجأه ايه استر يارب🤨
منه…تصدق مش هقولك خساره فيك
هيما…يابت استني في ايه
حطت منه اختبار الحمل في ايده بفرحه.
مسك هيما الاختبار وفضل يقلبه وش ودهر بجهل وبصلها🤨 ايه ده
منه…مش عارف
هيما…لا وربنا ما اعرف دي طلعتلك في البخت ولا ايه
ابتسمت منه علي كلامه طيب مش هتفكر شويه يعني
هيما…لا يا ستي غلب حماري
بصتله منه ببريق لامع في عينها وابتسامه واسعه اللي انت ماسمها في ايدك دي كمان تسع شهور هتبقي بيبي
هيما…😳😳😳 بصلها بصدمه ورجع بص للاختبار. ورجع بصلها انتي حامل يا منه
هزت منه راسها بعنف وفرحه.
هيما…فضل يلعب في شهره ويعمل كذا حركه في وقت واحد بتوتر وايبتسامه زهول.
بصلها هيما تاني طب احلفي
منه…والله العظيم
قرب منها هيما شالها وهو بيقول بعلو صوته هبقي اب يا مننننننناه
منه…براحه يا مجنون
نز لها هيما براحع..معلش نسيت والله انا فرحان اوي
منه…وانا كمان فرحانه اوي
هيما…انا هروح اقول لابويا
منه.. استني بس هنعملهاله مفجأه لما نطلع لتوته بليل
هيما…طيب.
منه ….وبالمره اطمن علي رحاب
هيما…مالها.
منه…مفيش بس انا كنت شاكه اني حامل وكنت بكلمها وقولتلها قالتلي ان هي كمان شاكه فا قررنا نشجع بعض ونعمل مع بعض في نفس الوقت اختبار الحمل
هيما….طيب حلو ده هبقي هال واب ربنا يفرحها هي كمان يارب ويفرحك يا بوب
طب ما تكلميها.
منه…لا انا محروجه خايفه تطلع مش حامل وتزعل
هيما….طيب استني لما نشوف
في نفس التوقيت.
كان ايهاب واقفلها بره الحمام بقلق
خرجت رحاب وهي راسمه الحزن
ايهاب…ايه طمنيني
رحاب…مش حامل
ايهاب…طب ومالك بتقوليها كده ليه عادي مش مهم ربنا هيرزقنا يا رحاب اي وقت تاني
رحاب…يعني انت مش زعلان
ايهاب…ازعل من ايه يابت احنا بقالنا شهرين احنا بقالنا ميت سنه
رحاب….بحبك يا بوب وكملت بأبتسامه عريضه وربنا يقدرني واسعدك انت وابننا اللي جاي فالسكاااااااه
ايهاب….انتي حامل😳😳
رحاب…ايوه
صرخ ابهاب بفرحه وفضل يلف بيها كلمت رحاب منه وقالتلها انها حامل ومنه كمان عرفتها باركلها ابهاب وبارك لهيما وهيما بارك لرحاب اخته ولايهاب وقرروا يفجأوهم لما يتجمعوا بليل.
بعد ما قفلوا كلمت منه مديحه والدتها تفرحها كانت طايره من الفرحه وباركتلها
وبعد ما قفلت معاها فضلت منه تتحايل علي هيما يقول هو لزين عشان هي محرجه منه
هيما…يابت محرجه من ايه هو انا ماشي معاكي انا جوظك
منه ..والنبي يا هيما والله مكسوفه
هيما…خلاص يا ستي هقوله انا مسك هيما الموبايل كلم زين
كان فالوقت ده اشتري زين كل حاجه وبيقفل العربيه عشان يرجع..
زين…ايه يا هيما
هيما….ازيك ياخالو
زين…استغرب الكلمه ولما ركز فهم قصده صمته استمر ثواني وسط ضحك هيما…
هيما…ابه بتحاول تستوعب صح😂😂😂
زين…بصدمه منه حامل صح
هيما…اب خدمه عشان تعرف بس ان صاحبك جامد
زين….بفرحه مبروك يا واطي وحيات امك لما اشوفك لا هرفعك يا جامد
صحك…هيما علي زين احمد ربنا مش كفايه اني بقولك هي مكسوفه تقولك ضربته منه علي كتفه
زين…مكسوفه هي ليها عين اصلا😂😂😂 ادهالي
ادها هبما الموبايل
منه…باحراج…ايوه يازين
زين…انا بس عايز اعرف المجنونه دي هتبقي ام ازاي😂😂😂
منه….اخس عليك با زين انا كيوت خالص
زبن…مبروك يا منه ربنا يقومك بالسلامه يارب وابقي خال في اقرب وقت
منه…الله يبارك فيك يا حبيبي عقبالك انت ووعد هي فين
زين…يارب انا بجيب حاجه وراجع هي في البيت
منه…طب يلا بسرعه بقي الجو وحش
زين…انا قربت عالبيت اهو
منه…ماشي يا حبيبي وانا هتصل بوعد افرحها
زين…ماشي يا حبيبتي يلا سلام
منه…سلام.
………..
عدي وقت بسيط
وصل زين في نفس الوقت اللي وصل فيه عامر
وكانت وصلت قبلهم منار اللي كانت منهاره في حضن وعد لحد ما نامت علي الكنبه
دخل زين وعامر يدخلوا مع بعض الشنط..كانت المطره أبتدت والهوا اشتد اكتر واتحولت المطره من مطره خفيفه لسيوووووول
فتح زين باب الشقه ومعاه عامر اللي اتصدموا لما شافوا منار نايمه وملامحها باين عليها العياط والحزن
وقف عامر متصنم😳😳😳
وفجأه،🥴🥴🥴
يتبع…
- لقراءة الفصل التالي : اضغط هنا
- لقراءة باقي حلقات الرواية اضغط على (رواية 30 يوم حياة 2)