روايات

رواية 30 يوم حياة 2 الفصل الثاني والعشرون 22 بقلم أميرة أسامة

رواية 30 يوم حياة 2 الفصل الثاني والعشرون 22 بقلم أميرة أسامة

رواية 30 يوم حياة 2 البارت الثاني والعشرون

رواية 30 يوم حياة 2 الجزء الثاني والعشرون

30 يوم حياة 2
30 يوم حياة 2

رواية 30 يوم حياة 2 الحلقة الثانية والعشرون

بوسي….صالح انا عايزه اطلب منك طلب
أبتسم صالح واتأكد ان اللي كان شاكك فيه طلع صح وكل اللي كانت عملاه ده وراه طلب او تمهيد لحاجه
صالح….اطلبي يا بوسي
بوسي…بص انا عيزاك تسمعني ومتقولش اي حاجه غير لما اخلص كلامي
صالح…في ايه يابوسي ليه كل المقدمات ماتقولي الانتي عيزاه من امته في بينا التمهيد ده كله فالكلام.
بوسي…عشان مش عيزاك تزعل مني وعشان انت بتقفش فالكلام علي طول وبتزعل مني وانا بصراحه بقي تعبت من كتر ما كل شويه نزعل
صالح…قام صالح بهدوء لبس التيشرت بتاعه واعد ادامها عالسرير لا يا ستي ولا هزعل ولا هقفش هسمعك يا بوسي ولو اني يعني أبتديت اعرف هتتكلمي عن ايه.
بوسي….كيب كويس انك عارف بص ياصالح لما طلبت منك قبل مانتجوز اني اشتغل في الفندق وان دي فرصه كويسه ليا انت رفضت حاولت اقنعك كتير وانت منشفش دماغك وزعلنا كتير مع بعض مع اني مكنتش أقصد اني ازعلك كل الحكايه ان انت عارف اني بحب شغلي و بشهادة كل الناس اني شاطره فيه يعني انا لو مش شاطره او علي ادي كنت ما طلبتش ده اصلا ولا اللي كانت جابتلي الشغل دي جابتهولي من الاساس
صالح…عارف يا بوسي انك شاطره وعارف كمان انك بتحبي شغلك اوي اكتر من اي حاجه فالدنيا والدليل اني مرضتش ازعلك ولا حاجه..ولو تفتكري قبل ما نتجوز انا كنت رافض انك تكملي شغلك اصلا و اتكلمنا فالموضوع ده كتير وزعلنا واتخانقنا وقولتلك اي فلوس تخصك انا ملزم بيها ومكنتش زي اي راجل يا بوسي بيثبت مراته او خطيبته بالجمله دي وبعد كده بيكبر دماغه لا انا كنت ناوي فعلا اعمل كده بس فالاخر عشان خاطرك وافقت عشان زي ما بيقولوا المركب تمشي وعصرت علي نفسي ميت لمونه ورضيت بالأمر الواقع وقولت مش مهم اهي في وسط الحاره وادام عيني وخليها تكمل شغلها….طلعتيلي بعدها في حوار الفندق يعني بعد ما كنت موافق غصب عني عشان مزعلكيش لا انتي زعلتي واعدتي قرب الشهر يا بوسي من يوم ما اتجوزنا وانتي بعيد عني و منعتي نفسك عني وصممتي اني ملمسكيش او بمعني اصح حطيتي موافقتي علي شغلك ادام موافقتك علي اني المسك وامارس حياتي معاكي بشكل طبيعي وبعد فتره مش هقول انك راجعتي نفسك يا بوسي لا بس الشغل كان خلاص راح فا أبتديتي تفكي صح ولا غلط
بوسي….علي فكره مش كده خالص كل الحكايه ان زي مانت محسسني انك علي نفسك عشاني انا كمان جيت علي نفسي عشانك وحزنك وخنقتك ووشك اللي كان علي طول مكشر وسكوتك اللي كان غير العاده هو اللي خلاني مش قادره اشوفك كده

 

 

صالح….انا مش بحسسك يا بوسي اني جيت علي نفسي عشانك عشان انا فعلا جيت علي نفسي عشانك وعشان اكون صريح معاكي اكتر قبل ما نتجوز لما كنا متخانقين مع بعض بسبب حوار الشغل انا اتكلمت مع زين فالحوار ده وغلطتني وقاللي سيبها تكمل شغلها ادام هي حباه قاللي انت حبيتها وعرفتها وهي بتشتغل مينفعش تيجي الوقت وتقول لا خصوصا لو هي شاطره في شغلها ده وفعلا اعدت مع نفسي وفكرت وقولت خلاص هعمل كده عشانك وعشان مكسرش فرحتك جيتي انتي غيرتي كلامك قبل الفرح بأسبوع وعيشتينا في نكد قولت مش مهم كلها كام يوم ونبقي مع بعض وننسي الزعل بس اتفاجأت باللي حصل المهم ماعلينا بلاش نفتح فالقديم اظن اننا بقينا احسن وعايشين تمام من غير اي مشاكل وانا مش معترض علي نزولك الشغل ويمكن انتي بقيتي شايله الشغل اكتر عشان خاطر توته معاها ولادها وعشان شمس مشغوله بفرحها وامك مشغوله معاها ومع ذلك مش معترض .قولي بقي طلب ايه اللي حابه تطلبيه
بوسي…هو بعد كلامك ده كله تفتكر هيبقي في كلام
صالح…لازم يبقي في كلام يا بوسي عشان الكلام اتفتح اصلا وانتي اللي فتحتيه والموضوع ادام أتفتح مش هينفع نسيبه عايم من غير ما نقفله
بوسي….بس انا مش عايزه اقفله يا صالح عشان انا جايلي عرض احسن من العرض اللي كان معروض عليا
صالح…بسخريه هي العروض دي بتجيلك ازاي يا بوسي صحيح
بوسي…من غير تريقه ياصالح اول مره كانت بنت زبونه عندي هي اللي قالتلي ان المكان ده محتاج شغل والمرادي دي مسابقه معموله عالنت من اكبر كوافير في مصر تقريبا شروط المسابقه اننا نبعت صور من شغلنا وفعلا عملت كده وانا مش في بالي اصلا اني اكسب لان العدد اللي داخل المسابقه كبير جداا فا مكنتش متخيله اني هكسب والمفروض ان عندي انترڤيو الاسبوع الجاي عشان كده قولتلك
صالح….وانا مش موافق يا بوسي
بوسي…يعني ايه مش موافق وليه بقولك انا كسبت المسابقه
صالح…. اعتبري نفسك مكسبتيش يا ستي لو دي الحجه
بوسي….بحزن هو انت ليه بتعمل معايا كده ليه كاره اني انجح ليه مش حابب تشوفني مبسوطه وبكبر ليه عايزني افضل تحت
صالح….تحت ؟؟تحت اللي هو ازاي يا بوسي انتي عايشه في شقه تتوهي فيها من كتر ما هي كبيره بتاكلي احسن اكل بتلبسي احسن لبس كل طلباتك اوامر بتمنالك الرضي ترضي وعشان بس متفكريش ان بتكلم علي بعد الجواز لا يا ستي انتي كده من قبل ما نتجوز والشهاده لله طول عمري بشوف سهير بتعمل كل حاجه عشان تخليكم احسن الناس يعني انتي مش ناقصك حاجه عشان تقولي عايزني افضل تحت..عارفه يا بوسي لما دخلت واتفاجئت بالشموع والجو الرومانسي ودخلت شوفتك مش هكدب عليكي قلبي مكانش مطمن كنت حاسس ان في حاجه غلط وفعلا احساسي طلع صح كمل بصوت عالي وعصبيه واضحه خلت بوسي اتفزعت صالح…انتي فكرتي يابوسي انك لما تعملي كده انا هوافق بسهوله عارفه يا بوسي لو كنتي طلبتي طلب زي ده من ما تعملي اللي عملتيه ده كله كان هيبقي احسن بكتير عارفه ليه عشان خلتيني صغرت في عين نفسي اوي لما حسستيني اني حيوان مش بني ادم بيجري ورا شهواته وعنده استعداد يعمل او يوافق علي اي حاجه عشان يوصل للي هو عايزه حسستيني اني عيل صغير وانتي فاكره ان طريقتك دي هتأثر عليا مش انا يا بوسي اللي يوافق علي اي حاجه هو رافضها عشان شهوه انا اكبر من كده يا بوسي عيب
بوسي….بغضب مماثل ودموع متجمعه في عينها الاكل والشرب واللبس وحتي العيشه جوه شقه واسعه زي ما انت بتقول مش كل حاجه… اني اكبر وانجح يا صالح ده اهم اني اجتهد في حاجه انا بحبها واكون مميزه فيها اهم اني اوصل لحلم أتمنيته كتير اهم اني احس اني واقفه علي رجلي اهم… زعلت اوي وقولتلي انا مش حيوان عشان الطريقه اللي فكرت افاتحك بيها مع انك عملت زي الوقت لما قولت انتي بتاكلي وبتشربي وعايشه في شقه حلوه زي دي انا كمان مش حيوانه يا صالح مش حيوانه عشان كل اللي اكون محتجاه هو اكل وشرب ونومه انا بني أدمه جيت الدنيا دي عشان اعافر وأجري ورا رزقي بالحلال عشان اعمل حاجه لنفسي عشان انجح واحس ان ليه قيمه عالاقل يا صالح أنا لبست وظبط نفسي وعملتلك جو حلو واستنيتك عشان اطلب منك اللي عيزاه وانت مزاجك رايق ونقدر نتفاهم مش زيك رميت كلمتين خايبين في وشي من غير ما حتي تحاول تجملهم

 

 

صالح….هي دي طريقتي يا بوسي
بوسي….وانا مش عجباني طريقتك يا صالح
صالح….شوفي الحل اللي يرضيكي وهنفزه فورا
اتصدمت بوسي من طريقته…يعني ايه انت بترمي الكوره في ملعبي يا صالح عشان ابقي انا اللي مسؤوله عن اي قرار هيتم بعد كلامي
صالح…اه يا بوسي برمي الكوره في ملعبك شوفي اللي يريحك وانا هعمله عشان من الاخر انا مش موافق علي طلبك وده اخر كلام عندي اخرك معايا يا بوسي المحل بتاعكم وأنا كده أبقي ألتزمت بأتفاقي معاكي قبل الجواز لاكن اي حاجه بعد كده مش هوافق عليها.شوفي بقي انتي موافقه عشان ننهي الحوار ده وميتفتحش تاني ابدا ولا مش موافقه انا هسيبك تفكري وتدوريها في دماغك يا بنت الحلال عشان نفضل حبايب لاخر وقت فكري ولما تلاقي الحل اللي يرضيكي انا موجود….قام صالح من الاوضه كلها بعد ما خد غيار ليه ودخل عالحمام ياخد دش دافي يحاول يهدي أعصابه اللي علي وشك الانهيار….
أما بوسي فا بمجرد ما صالح خرج من الاوضه دخلت في نوبه بكاء
………….
عندعامرومنار
منار…وقف ياعامر العربيه دي بقولك اقف يا عامر اقف بقي
وقف عامر بسرعه مخيفه لدرجه ان عجل العربيه عمل صوت جامد فالارض
عامر….بغضب نعم اديني وقفت عايزه ايه
منار…عايزه افهم ايه اللي انت عامله ده
عامر….منار أتقي شري الوقت لو خايفه علي نفسك
منار…انت بتهددني ياعامر هتعمل ايه يعني
عامر…منار بقولك أسكتي
منار…لا مش هسكت ولا توقف المهزله الانت عاملها دي انت عايز توصل لايه بجنانك ده حلوه طريقتك اللي اتكلمت بيها ادام أنس دي هترتاح لما يحس بحاجه
مسك عامر أيدها بغضب وقرب منها وعينه متبشرش بأي خير أيه خايفه علي زعله
فارق معاكي للدرجادي
بعدت منار ايده عنها بغضب أه يا عامر فارق معايا وخايفه علي زعله أكتر ما خايفه علي منظري كمان ولا انت ناسي أنه خطيبي
عامر….بحزن وانا يا منار كان سؤال عامر صدمه ليها وملامحه الحزينه صدمه اكبر حست منار أنها عاجزه عن الكلام وجواها ضعف كبير من ناحيته
عامر….انا بالنسبالك عادي مش فارق معاكي اد كده كرهاني يامنار
منار….انا عمري ما كرهتك يا عامر ولا عمري هكرهك بس الانت بتعمله ده فوق طاقتي انت بتضغك عليا يا عامر
عامر….انا بحبك يا منار وانتي عارفه ده
منار…لا باعامر مش عارفه ومن فضلك بطل طريقتك دي بقي لأنها مبقتش تنفع خلاص فات وقتها ياعامر أنا الوقت مخطوبه ومش مخطوبه لأي حد انا مخطوبه لصاحبك واظن هو ملهوش ذنب في حكايتنا
عامر….ولا انا ليا ذنب هو اللي خدك مني يامنار
منار…انس مخدنيش منك يا عامر انت اللي سبتني بمزاجك وانا شوفت حياتي مع شخص حسيته مناسب واللي للاسف من دون الناس كلها يطلع صاحبك
عامر…سبيه يا منار سبيه ومن بكره هنتجوز ونفضل مع بعض انتي مبتحبهوش انتي بتحبيني انا
منار…عامر من فضلك

 

 

عامر…من فضلك انتي بقي كفايه انتي بتعملي معايا كده ليه بتعاقبيني وبتعاقبي نفسك علي ايه بتضيعي عمرنا واحنا بنلف حوالين بعض عشان ايه لأول مره أحس اني مش قادر أفهمك
وفاللحظه دي أتجمعت الدموع في عين منار بوجع وقهر…وانت من أمته فهمتني من امته حسيت بيا يا عامر
قولي كده مره واحده حسيت بيا من يوم ما تعبت يا عامر وانت عايز تقنعني انك بتحبي طب ازاي أصدق قولي وانا عمري ما حسيت ولو واحد فالميه ان قلبك شايلي ذره حب واحده أنت بتحاول تقنعني انك بتحبني من زمان عادل بيحاول يقنعني بنفس الكلام كل اللي حوالينا بيحاولوا يقنعوني بنفس الكلام طب قولي انت أصدقك و أصدقهم ازاي وانا طول عمري شايفه معاملتك ليا علي اني أختك وبس لاول مره أحسن ان كل اللي حواليا انانيين وانت اولهم
انت مش عايزني امشي من ايدك وهما انت صعبان عليهم
فا بيحاولوا يقنعوني بحبك اللي انا مش حساه…
طيب قولي أحسه أزاي يا عامر انت لو بتحبني بجد كنت يوم ما جتلك المطار كنت عالاقل طمنتني كنت حسستني اني افرق معاك حتي لو من غير ما تقول انك بتحبني لاكن انت معملتش كده يا عامر انت فكرتني بمكانتي عندك اللي كول حياتي شيفاها اني اختك يا عامر عايزني في يوم وليله بعد ما اتعب اصدق انك بتحبني طب ازاي ارحمني بقي حرام عليك انا لو في حد تعب واتوجع فالدنيا دي هيبقي انا يا عامر انت مستكتر عليا كمان اني ارتاح وأبتدي افوق وأشوف حياتي
عامر….بحزن منار انا بحبك وعمري ما حبيت غيرك انا مش اناني بس انتي بتاعتي يا منار بتاعتي من واحنا عيال يا منار ازاي وامته مش عارف ازاي محستيش بردو مش عارف كل الحكايه انه كان غصب عني أحسسك واخواتك يبقوا اعز صحاب عندي اللي مكتش ينفع ابين حبي ادامهم واخليهم يخافوا مني ويفكروني ببص لاختهم
اديني فرصه يا منار ارجوكي متنشفيش دماغك وتضيعينا سيبي كرامتك علي جنب مؤقتا لو خايفه انك تخسريني بجد
منار….بسخريه من وسط دموعها اسيب كرامتي علي جنب …كرامتي اللي انت بتتكلم عنها دي انا جيت حطتها تحت رجلك وانت دوست عليها يا عامر خوفت اخواتي يزعلوا ياعامر انت مش لاقي حجه تقولها لان لو انت بتحبني كنت هتختارني زي ما اختارتهم حتي لو من غير ما يعرفوا كنت حافظ علي حبي ليك وحبك ليا اللي انت بتقول موجود من زمان..
عامر….منار افهميني
منار…افهم انت يا عامر بقي انساني وابعد عني ارجوك خلينا لما نشوف بعض يبقي جوانا لبعض حاجه كويسه نفتكرها عالاقل يا سيدي زي ما قولت أخوات وعلي فكره انس لما بابا وماما يرجعوا هيكلمهم اننا نكتب الكتاب مع عادل وانا هوافق
عامر….بغضب مش هيحصل يا منار علي جثتي انه يحصل
منار….انت بتهددني يا عامر
عامر….انا مش بهددك يامنار انا بعرفك اللي هيحصل انتي بتاعتي انا يا منار مش بتاعت اي حد تاني ولو كنت ضيعتك من ايدي مره مش هضيعك تاني
منار….بتحدي وانا هوافق يا عامر
عامر….بحزن لو حابه تقضي عليا يا منار وافقي ولو ده فعلا اللي انتي عيزاه أعمليه ومتخافيش انا مش بهددك عشان انا عمري في حياتي ما هأذيكي ولا هكون سبب في اي وجع ليكي بس ساعتها واللي خلق حبك في قلبي يا منار من يوم ما تكتبي كتابك لاخر يوم في عمري مش هخليكي تلمحيني ولو حتي صدفه وهختفي من حياتك نهائي ومتبقيش تقفي تستنيني وتطمني عليا تاني فالشباك زي ما انتي متعوده
اتصدمت منار من معرفته بالعاده اللي ادمنتها..
عامر…بحزن اه يا منار عارف انك مبتناميش ولا تدخلي من الشباك غير لما بتطمني اني طلعت البيت عموما فكري يا منار ولو قررتي انك تكملي مع أنس انا هنسحب من حياتك تماما وهمشي من المكان كله ومش هسمح لاي صدفه تجمعني بيكي لحد ما أموت…
نزلت دموع منار بوجع وهي شايفه صدق تهديده ليها والاصرار القوي علي تنفيذه اللي هي متقدرش عليه ولو حتي يوم واحد..
دور عامر العربيه في صمت تام ومشي في طريقه وفاللحظه دي رن تليفونه وكأنه جه في وقته زي الغريق اللي اتعلق بقشايه..

 

 

فتح الخط وجاله صوت سهر
سهر….ايه يا نجم عامل ايه خلاص مبقتش تسأل عليا ولو حتي بالتليفون
عامر….ازيك يا سهر
بصتله منار بسرعه واثار الدموع لسه في عينها
لكن منتبهش عامر ليها وللحظه نسي اصلا انها معاه فالعربيه وكمل بحزن
سهر….بأستغراب من نبرته
عامر انت كويس
عامر….لا مش كويس
سهر….انت فين طيب ومالك في ايه
عامر….هو انا ينفع أشوفك
سهر…طبعا ينفع تعالي تعالي نتكلم
عامر…ماشي اقل من ساعه واكون عندك
سهر….ماشي هستناك
عامر….تمام
قفل معاها عامر وفضل مكمل في طريقه ومش حاسس باللي جمبه الغيره والوجع بينهشوا فيها.💔
…………………
طلع زين ووعد البيت بعد ما اشتروا كل حاجه طلبتها وعد دخلوا الحاجه مع بعض في المطبخ
زين…ها يا ستي في حاجه ناقصه
وعد…لا كده تمام اوي
زين…طيب بردو ظبطتي حاجتك عشان لو في حاجه ناقصه اجيبهالك الصبح قبل ما افتح الورشه
وعد…ماشي تمام بس عموما كل حاجه موجوده متقلقش
زين…ماشي يا حبيبي انا هدخل اخد شاور عشان مش قادر
وعد…ماشي وانا هجهز حجات بسيطه لبكره وهكمل الصبح عشان مش قادره عايزه اخد شاور وانام مش قادره خلاص
زين….لا ياقلبي مفيش نوم غير لما تنيميني في حضنك زي ما وعدتيني
وعد…بأحراج هو انت بتتكلم بجد
زين…رفع حاجبه اه بتكلم جد وبعدين مانا ياما نمت في حضنك وخدتك في حضني لما نبقي متجوزين مترضيش ده انا اموت نفسي عليكي
ضحكت وعد بحب لا وعلي ايه امري لله
زين…بخبث متخافيش انا مؤدب😉
ضربته وعد علي كتفه باحراج وطردته بره المطبخ
وعد…امشي يا زين يلا من هنا
زين…انتي بتطرديني 🤨
وعد…بضحك اه بطردك يلا بره😜
ضحك زين عليها وخرج بره المطبخ راح علي اوضته يطلع غيار
بعد وقت بسيط خرج زين من الحمام كانت وعد جهزت جزء بسيط من الاكل ودخلت بعده خدت شاور وخرجت كانت لابسه بچامه شتوي لونها ابيض ومرسوم عليها قطط صغيره باللون البينك ولابسه في رجلها لكلوك بينك علي شكل قطه وسايبه شعرها علي ضهرها واللي لسه أثر الميه باين عليه
راحت اعدت جمبه بارهاق وهي بتتاوب زي الاطفال
زين…بضحك فصلتي خلاص انتي
وعد…اه مش قادره تعبت خالص
زين…عشان ماعدتيش ياقلبي لحظه
وعد بأبتسامه كان نفسي اوي اروح الملاهي
زين….المهم مبسوطه
وعد…اوي يازين ربنا يخليك ليا
زين…ويخليكي ليا يا قلب زين…بص علي شعرها اللي لسه بينزل مايه
زين….وعد روحي هاتي الفوطه نشفي شعرك كويس ضهرك هيغرق مايه وهتتعبي
وعد…بارهاق واضح مش قادره انا مش قادره اسرحه
هز زين راسه بقله حياه. وقام راح جاب الفوطه حطها علي شعرها ودخل جاب المشط بتاعها والسشوار
ورجع اعد جمبها ولع سيجاره وقرب منها
وعد…انت بتعمل ايه

 

 

زين…هنشفلك شعرك يا قلبي هكون هعمل ايه ما حضرتك تروحي الملاهي وتلعبي وتتبسطي وترجعي كسلانه وانا اللي أتدبس
لف ضهرها وشعل السشوار فضل يسرحها وينشف شعرها لحد ما نشف خالص
سرحها وفضل يضفر لها شعرها زي ما اتعلم من مديحه اما وعد فكانت بتنام في ايده خصوصا بعد صوت السشوار اللي خلاها تستلم اكتر للنوم
خلص زين اللي بيعمله ايه رايك
وعد…بصوت نايم حلوه سندت وعد ايدها علي الكنبه ومالت براسها تنام
قام زين شال المشط والسشوار ورجع معاه بطانيه
واعد زي ما كان وراها وسحب ضهرها لصدره وغطاها
وعد…انت بتعمل ايه
زين….هخدك انا في حضني وامري لله انتي ضحكتي عليا وهتنامي
وعد…أبتسمت ودخلت جوه حضنه وهي ماسكه في السويت شيرت بتاعه وغمضت عينها براحه
مش بتحسها غير في قربها منه ابتسم زين علي حركتها دي وفضل يمشي ايده علي شعرها لحد ما أتاكد انها نامت وغلبه النوم ونام هو كمان وهو حاضنها بتملك وحب😍❣️
………….
قبل مده بسيطه وصل عامر الشارع ركن عربيته ووقف من غير ولا كلمه ومن غير ما يبصلها.
اتردتت منار تنزل من غير ما تتكلم معاه ولا تحاول تقول اي حاجه لكن كسرت الصمت ده بكلمه واحده.
منار….شكرا تعبتك معايا
عامر…من غير ما يبصلها وبأقتضاب…مفيش تعب
حست منار بالاحراج من رده المختصر …تصبح علي خير
عامر…وانتي من اهله
نزل منار وهي بتحاول تلمح في عينه اي نظره لكن هو مدلهاش اي فرصه دخلت علي باب البيت وطلعت واختفت من ادامه نزل هو وطلع علي سهر.
كان منظره باين ادام سهر انه علي اخره حاولت تلطف الجو وتتكلم معاه وتسلم عليه وتضحكه.
بعد وقت بسيط فضل عامر ساكت وسرحان
نطقت سهر اخيرا.
سهر….انت كويس
بصلها عامر بهدوء…وهز راسه بالنفي بمعني لا
سهر…في حاجه حصلت بينك وبين منار
عامر….انا تعبان اوي يا سهر مش عارف اعمل ايه عشان تصدقني منار لو راحت من ايدي انا مش هقدر استحمل
بقيت احس بالذنب من ناحيتها الوجع اللي هي في حاسس ان انا السبب فيه وبالرغم من كل اللي حكتهولك قبل كده عني حبي ليها هي مش مصدقه لدرجه اني حسيت ان الغلط عندي انا اللي خلتها متحسش بحبي
سهر…طيب ممكن تهدا وبلاش تعمل في نفسك كده قولتلك الوقت بيداوي اي وجع يا عامر منار متلغبطه وهي الوقت مش قادره تاخد قرار مش بينك انت وأنس…لا قرار بين أنها تصدقك او تكدبك قولتلك ابعد شويه وجرب كده انك متديهاش فرصه تشوفك ولا انت تكلمها مش يمكن لما تحس تاني انك هتروح من ايدها تحسم قراراها اللي انا متأكده منه انها تصدقك وتكمل معاك
عامر….انا كده كده من بكره عندي شغل والايام الجايه هتلخم اصلا فالشغل جامد بس بكره المفروض اننا هنتجمع عند زين عشان انا عاملكم مفجأه
سهر…ايوه صح وعد كلمتني انهرده وقالتلي
عموما خلاص بكره عدي اليوم وبعد كده حاول تلهي نفسك فالشغل وشوف رد فعلها
عامر…بعيدا عن الشغل أصلا انا قولتلها اني هديها فرصه تفكر
سهر…خلاص اعتبر الفتره دي فرصه ليك انت كمان انك تبعد وصدقني انا واثقه انها مش هتقدر وهتكلمك
عامر….ان شاء الله وقام وقف بحزن معلش يا سهر اسف اني جتلك الوقت بس غصب عني كنت محتاج أتكلم اوي و جت فيكي انتي

 

 

 

سهر….يا سلام انت تنورني اي وقت بس بالله عليك فك كده وروق
عامر…بأبتسامه حاضر يا سهر يلا همشي بقي و اشوفك بكره علي خير
سهر..ان شاء الله تصبح علي خير سلام.
نزل عامر من عند سهر راح علي باب البيت بتاعه وقبل ما يدخل رفع راسه علي شباك منار ولأول مره تكون باصه ومش مخبيه نفسها
وقف عامر بصدمه حس ان قلبه واجعه لما شاف الدموع اللي نازله من عينها
ثواني فضل واقفها عامر مش عارف يعمل ايه قلبه بيقوله هي مش ناقصه متقساش عليها اكتر من كده بطريقتك دي وعقله بيقوله لازم تيجي عليها عشان هي تقدر تحدد اللي هي عيزاه
بعد عامر عينه بغضب وراح علي عربيته ركبها ومشي من الشارع كله..
فضلت منار تعيط بمجرد ما أختفي من أدامها مره من زعلها من اللي خصل ومره من قلقها عليه لخروجه في الوقت المتأخر خصوصا ان الجو قالب خالص وهادي جدا🙄
…………
في منزل ادهم
دخلت توته نيمت ولادها في اوضتهم وظبطت الشقه مكان ما كانوا بيلعبوا وواضح علي وشها القلق راحه جايه وشكلها متوتر
دخلت اوضتها كان أدهم نايم عالسرير بيلعب فالموبايل بتاعه وملاحظ قلقها
ادهم….مش هتنامي يا توته
توته…هااا لا هنام خلاص
راحت توته عالسرير نامت جمبه
ساب أدهم الموبايل وشدها لحضنه نامت علي صدره من سكات
ادهم…قوليلي بقي مالك
توته….انا مفيش
ادهم…مفيش ايه يابت من امته وانا مش بحس بيكي بقالك يومين مش علي بعضك وانهارده بالذات انتي مش طبيعيه خالص ولا أتعشيتي كويس ولا بتتكلمي ساكته وسرحانه ورايحه جايه فالشقه مالك يا توته
حس ادهم ان في حاجه دافيه نزلت علي صدره رفع ادهم وشها بقلق لقاها بتعيط.
ادهم…بصدمه انتي بتعيطي يا توته.
حست توته ان كأنه داس علي زرار فضلت تعيط اكتر
أدهم…بقلق خدها في حضنه اكتر وفضل يطبطب عليها طيب بس بس خلاص قوليلي مالك مين ضايقك
توته…مفيش
ادهم….انا عملت حاجه
توته…لا والله
ادهم…طب امك اخواتك ولا اخواتي ولا ابويا حد فيهم زعلك
توته…والله ما حد زعلني خالص انا بس متوتره شويه وقلقانه
ادهم…من يا حبييتي بس هتخبي عليا
قومها ادهم واعدها ادامه مسح دموعها قوليلي بقي قلقانه من ايه
توته…المفروض البريود تجيلي ومجاتش لحد الوقت
أدهم..الله يخربيتك يا توته
يعني العياط ده كله عشان كده والله العظيم قولت في مصيبه

 

 

توته….وهي دي مش مصيبه يا ادهم انا خايفه اكون حامل وانهارت فالعياط تاني
خدها ادهم في حضنه عشان يهديها..يابت حتي لو حامل ايه المشكله اوعي تكوني فاكره اني هزعل وكده
توته…لا انا عارفه انك مش هتزعل وده اللي مخوفني اكتر عشان انت بتحب العيال ولو طلعت حامل مش هتخليني أنزله
ادهم…رفعها من حضنه بعصبيه خفيفه لا طبعا مش هخليكي تنزليه انتي عبيطه يابت ربنا يرزقك بنعمه تيجي انتي وبكل ببساطه ترفصيها برجلك اكيد مش هينزل لو حامل فعلا واقولك يارب تكوني حامل
توته…حرام عليك يا أدهم انت عارف اني مش هقدر كريم واحمد مطلعين عيني مبقتش عارفه اعمل منهم اي حاجه وهما لسه صغيريين اصلا دول يادوب 8 شهور أزاي اروح اجيب تاني
ادهم….طيب ماقولتليش ليه اجبلك تحليل من الصيدليه عشان تتأكدي
توته….لنا جبت امبارح وانهرده ومفيش حاجه ظهرت
اهم….طيب اهدي كده وبكره هاخدك واروح معاكي نعمل تحليل دم ونشوف كده
وعايز بس اقولك حاجه حتي لو طلعتي حامل انتي ادامك 9شهور علي بال ما تولدي تاني يعني كريم واحمد هيكونو شدوا حيلهم اكتر وانا يا ستي هساعدك فيهم علي اد ما اقدر وامك معانا ولو رسيت يا توته هجبلك واحده تشتغل معاكب فالبيت هنا وتساعدك اهي تبقي شالت من عليكي حمل
توته…بعياط بس انا مش هقدر والله با ادهم علي كل ده
ادهم….بطلي عياط بقي متوجعيش قلبي بكره مش بعيد هنروح ونطمن ونطلع كمان عالدكتوره تطمنا اكتر
واللي ربنا كاتبه يا توته هنرضي بيه ومش هنعارض عليه انتي فاهمه دول رزق يا توته مش هنحس بيه غير لما نكبر شويه عارف انك بتتعبي جدا مع كريم واحمد والبيت بس غيرنا مش لاقي ياتوته صح ولا ايه
توته…صح
ادهم…يبقي فكي كده بقي وبطلي عياط وبكره هنطمن ولو طلعتي حامل من بكره هدور علي ست تساعدك
توته…بعياط ايوه يا خويا وتعجبك وتخلو في عينك وتبص عليا وتخوني معاها
ادهم…🤨🤨يخربيت الافلام اللي مأثره علي دماغك يابت انا مش بتاع نسوان انتي عارفه🙄
توته…والنبي ايه عليا انا
ادهم…بضحك يابت ده كان زمان منت عيل اننا انا الوقت راجل ومسؤول عن عيال وست ماليه عيني وقلبي ولا انتي مش واثقه في نفسك يا بت
ضحكت توته…لا با خويا واثقه بس انتو الرجاله كده تبقي الست أيده صوابعها العشره شمع ومش مقصره في اي حاجه وتلعبوا بديلكم
ادهم…يابت انا مش بشوف ستات غيرك انا معايا ست بميت راجل بره البيت وست بجد جوه البيت وام مفيش احن منها وست جادعه مع صحابها ومع الكل ست تقف وقفت جدعنه مع اي حد ويعتمد عليها بزمتك ابقي معايا كل دول في ست واحده واروح ابص بره انا ابقي حمار
نامت توته علي صدره وحضنته بحب
ادهم…حط ايده علي شعرها فكي يا توته بقي مبحبش اشوفك بتعيطي يابت
توته….ربنا يخليك ليا يا ادهم
ويخليكي ليا يا قلب ادهم يلا بقي خديني في حضنك ونيميني انا هلكان من الصبح
نزل ادهم في السرير خدته توته في حضنه وهي بتلعب في شعره فضل ادهم يبوسها في رقبتها براحه
توته…🤨نام يا هلكان
ادهم بضحك…لا والله ما تفهميني غلط
توته…وانا من امته فهمتك صح يا قلبي يلا نام
ادهم…بحب حاضر هنام تصبحي علي خير
توته….وانت من اهل الخير
…………

 

 

أبتدأ الصبح يطلع وعامر لسه مرجعش ومنار لسه منامتش مستنياه ومش عارفه تنام غير لما تطمن عليه فضلت صاحيه لحد ما الصبح طلع وأبتدت تجهز عشان شغلها كان جواها حرب داخليه متتوصفش بين انها تتصل بيه او تبعتله وبين انها تلتزم بكلامها معاه انه ينساها واعتبرت انها لو كلمته هتبقي بتأكد كلامه في حبها ليه فقررت متتصلش وتستني
اما عامر فا فضل طول الليل راكن عربيته واعد عالنيل
سرحان وشارد بعقله في كل حاجه بتحصل بينه وبين منار ومل حاجه زمان حصلت بينه وبين كريم
وسرح أكتر وهو بيفتكر كريم
فلاش باك…
كريم…صباح الفل ياعم حسني
حسني …صباح الفل يا كيمو يا ابني
كريم…ايه فاتح متأخر ليه
حسني….الواد عامر طول الليل تعبان ومنمتش كويس فضلت صاحي
كريم…بقلق تعبان ماله ده كان كويس امبارح
حسني….والله يا ابني ما عارف طلع بليل اعد معانا شويه هو وعادل وبعدها بشويه قمت احضر العشا انا وشهد رجعت ناديت علي عادل وعامر خرج عادل قاللي عامر نايم مش راضي يصحي دخلت عليه لقيته نايم بهدومه ووشه وجسمه بينزلوا ميه حطيت ايدي علي راسه لقيته مولع فضلت اعد معاه اعمله كمادات والوقت وانا نازل لقيته مولع تاني بس عادل فالشغل مش عارف اتصرف غير لما يجي
كريم…طيب هو لوحده فوق
حسني ..لا شهد معاه فوق بتذاكر بس قولتلها تاخد بالها منه
كريم…طيب معلش يا عم حسني ينفع اطلع اشوفه لو مش هيضايقك
حسني…طبعا يا ابني انت بتستأذن يا كريم دول اخواتك اطلع يا ابني وطمني عليه كده
كريم…طيب ماشي عن أذنك يا عم حسني
حسني….اتفضل يا كيمو
طلع كريم خبط
فتحتله شهد…ازيك يا كيمو
كريم…ازيك يا شهد انتي عامله ايه.
شهد…الحمد لله يا كيمو بخير
كريم…انا أستأذنت من عم حسني اطلع اشوف عامر
شهد…طبعا اتفضل تعالي هو نايم في اوضته كنت راحه اجبله تلج واعمله كمادات عشان سخن تاني
كريم…طيب هاتيها وتعالي انا هعملهاله وادخلي انتي ذاكري
شهد…حاضر طيب تشرب ايه
كريم…ولا اي حاجه هاتيلي بس كوبايه مايه
شهد…حاضر
دخل كريم علي عامر
كريم…والا يا عامر انت ياض مالك اصحي كده ورد عليا
عامر….بتعب كيمو انت هنا
كريم…اه ابوك قاللي انك تعبان جيت اشوفك انت خدت برد ولا ايه
عامر…مش عارف

 

 

شهد…خبطت ودخلت
كريم…تعالي ياشهد
شهد…اتفضل التلج
عامر…مش عايز تلج
كريم….بلاش هبل انت صغير حط كريم علي راسه الفوطه
وبص لشهد شهد روحي يلا ذاكري انا هأعد معاه
شهد….لا لا مش مهم المذاكره انا هأعد معاه وانت مش هينفع تأعد عشان الشغل بتاعك
كريم…ملكيش دعوه بالشغل بتاعي انا يا ستي مش هفتح انهارده خالص روحي انتي يلا ذاكري امتحانك فاضل عليه أسبوع
شهد…طيب حاضر لو محتاج حاجه نادي عليا وهجيلك علي طول
كريم….بأبتسامه شكرا ياشهد شهد…بعد اذنك يا كيمو
كريم…اتفضلي…شهد
شهد..نعم
كريم…ذاكري كويس
ابتسمت شهد حاضر متقلقش
فضل كريم يومين مع عامر لحد ما اتاكد ان صحته رجعتله كان بيديله العلاج بنفسه ووقت العلاج اللي كان بليل كان بيظبط المنبه ويتصل بايهاب يفكره…
باك..
عامر…بحزن مكنتش مجرد صاحبي يا كيمو ولا حتي اخ
انت مكانش في زيك علي اد ما انا شايفك السبب اللي وصلني انا ومنار لكده بس مش قادر ازعل منك ولا احملك ذنبنا عشان انت مكنش في فحنيتك ولا كنت بشوف اي حد فالدنيا بيحبني اكتر من حبك ليا وحشتني يا كريم كان نفسي اعد احكيلك كل حاجه وجعاني بس حتي لو كنت فضلت عايش يا صحابي مكنتش هقدر اكلمك عن حبي لاختك انا تعبان من غيرك يا كريم وتعبان من غير منار اوي بص عامر للسما..
عامر…اااااااه يارب
قام عامر من مكانه وطلع علي فندق حجز فيه ليله مقدرش يرجع البيت كان حابب يفضل ويأعد لوحده
طلع عامر الاوضه بتاعته واول ما دخل رمي نفسه عالسرير وراح فالنوم
……….
ادهم….يعني هي مش حامل يا دكتوره
الدكتوره…الاعراض اللي عندها كلها بتقول حامل بس التحاليل بتقول ان مفيش حمل بس هي عندها انيميا جامده والسكر بتاعها عالي شويه طبعا ده مجهود عدم اكل وعدم نوم هكتبلها شويه مقويات وڤيتامينات طبعا البشاوات الصغيرين شكلهم متوصين بماما وطبعا مع الرضاعه فا لازم يكون في انيميا اما تاخير البريود ده شئ طبيعي مفيش راحه مفيش انتظام فالاكل والنوم مع وجود انيميا كل ده يأخر نزولها
توته…بفرحه باينه علي صوتها فعلا والله لا بنام ولا باكل ولا برتاح
الدكتوره…لازم تاخدي الفيتامينات دي في معادها عشان تقدري تقفي علي رجلك والاعراض اللي انتي حاسه بيها دي تروح ولازم تدخلي لبن صناعي مع الرضاعه
توته…انا فعلا بديهم لان مش بقدر ارضعهم مع بعض وبعدين هما بقو ياكلوا كمان شويه
الدكتوره…طيب كويس جدا عموما العلاج ده هيظبط كل حاجه مع الاكل والراحه علي اد ما تقدري عارفه انه صعب الراحه بس حاولي
توته…ان شاء الله
خرج ادهم وتوته من عند الدكتوره كانت توته طايره من الفرحه وادهم باين عليه الزعل
توته…الحمد لله كنت هتجنن

 

 

ادهم….المهم انك اطمنتي اسمعي بقي كلام الدكتوره ومتهمليش فالعلاج
توته…ان شاء الله….ادهم هو انت مضايق
ادهم….لا ليه
توته…يعني من وقت ما عرفت اني مش حامل وحساك متغير
ادهم…كان نفسي تبقي حامل يا توته يمكن ربنا رازقنا بتوأم بس زي ما قولتي انا بحب العيال ونفسي يبقي عندنا عيال كتير انا كبرت يا توته مش صغير ونفسي يبقي عندي عيال كتير قبل ما اكبر اكتر
توته….يشدوا حيلهم بس شويه يا ادهم ويكبرو حبه وان شاء الله هجبلك تاني وبعدين ايه كبرت دي انت لسه صغيره وانا كمان لسه صغيره ولا انت عايز تكبرنا
ادهم…بابتسامه لا مش عايز بس اعملي حسابك تظبطي نفسك وتظبطي الانيميا ومليش دعوه هتحملي
ضحكت…توته عارف يا ادهم فكرتني بالعيل الصغير اللي شبطان في لعبه
ادهم…انا فعلا كده مسكت في انك تبقي حامل ولما لقيتك مش حامل حسيت ان كان حد خد مني حاجه هي اصلا مش موجوده
توته….بحب هجبلك عيال اد كده بس ارتاح شويه واخلي بالي من ابني الكبير شويه ولا ايه
ادهم…مع انك بتضحكي عليا بس ماشي يا ستي يلا بقي عشان اروحك زمان العيال جننت سهير
توته….اكيد
ادهم….يلا يا قلبي
…………
فضلت وعد من اول ما صحيت الصبح تحضر فالاكل بتاع العزومه وخرج زين علي الورشه يشوف شغله
…….
عدي وقت طويل والعصر أذن كان ادهم رجع راح عالصاله وتوته راحت لسهير
اما هيما فلاحظ من اول ما نزل ان العربيه بتاعت عامر مش موجوده فا اتصل بيه
واستني رده..
عامر…بصوت نايم الووو
هيما….ايه ده انت نايم
عامر…ااه في حاجه ولا ايه يا هيما

 

 

هيما…لا الدا بس نزلت انهرده بدري وملاقتش عربيتك فا قولت اكيد روحت الشغل قولت اكلمك انت راكن عربيتك فالجراج ولا ايه
عامر…لا انا لسه مودتهاش الجراچ هوديها انهرده
هيما…بقلق ولا ياعامر العربيه مش تحت
عامر…لا ما انا مش فالبيت يا هيما ماقلقش العربيه تمام
هيما…نعم يا روح امك مش فالبيت وصوتك نايم هيما بعصبيه انت فين ياض
عامر…ياعم انت دماغك راحت فين بس انا مش فايقلك
هيما…طب قولي انت فين متعصبنيش عليك
عامر….انا في فندق……..خدت فيه ليله كده واخر النهار هاجي علي زين علي طول متقلقش
هبما…اوضه في فندق وتقولي دماغك راحت فين انت بتستعبط يا عامر
عامر….هيما انا مخنوق اوي وحصل حوار كده امبارح ومقدرتش اعد فالبيت ولا الحته فضلت الف بالعربيه لحد ما الصبح طلع ولقيت نفسي بروح عالفندق ومرضتش ارجع ارتحت كده خلاص متقلقش انا مش وسخ يا هيما
هيما…بقلق طب حقك عليا متزعلش انت عارف اني بخاف عليك انت هجيلك الوقت
عامر…ايه مش مصدقني لسه جاي تتأكد بنفسك
هيما…ياجدع قولتلك حقك عليا خلاص وبعدين لا يا سيدي مصدقك بس هاجي اشوفك واطمن عليك في اعتراض
عامر…لا مفيش مستنيك انا في غرفه 707

 

 

هيما…تمام يلا سلام
مر الوقت بسرعه وراح هيما علي عامر من غير ما يعرف حد.
من اول ما دخل وعامر نايم عالسرير
هيما…ياض انا جايلك عشان تفضل نايم قوم بلاش قله ذوق
عامر…عايز ايه يا هيما اطلع من دماغي بقي الله يخليك
هيما…مش هطلع غير لما اعرف مالك
قام عامر بقله حيله اعد عالسرير ولع سيجاره وادي لهيما سيجاره قام هيما عمل نسكافيه ليهم هما الاتين ورجع اعد معاه
هيما…كوبايه نسكافيه احلي من بتاعت الواد صالح ولاحه
عامر.. تسلم ايدك
هيما…قولي بقي مالك
اتنهد عامر وابتدا يحكيله كل اللي حصل بحزن وتفاصيل قديمه وكانه كان محتاج يتكلم لسه.
عامر….بس هي دي كل الحكايه يا هيما انا تعبان بجد انا معملتش اي حاجه غير اني حبيت بس قصاد الحب ده خفت علي صاحبي
أبتسم هيما بحزن.
هيما….يا اخي انت شايف ان اللي انت فيه ده وجع بس الحاجه الوحيده اللي تغفر الوجع ده انك عارف انها بتحبك يا صاحبي وانت بتحبها اه قولتلها احنا اخوات وهي حست انك بتعاملها علي انكم أخوات
بس كان جواكم حب لبعض يا ياعامر أظن ارحم كتير اوي يا صاحبي من انك تحب من قلبك بجد وحبيبتك تبقي بتحب صاحبك😳🙈💔
عامر….تقصد ايه😳

يتبع…

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شركة عزل خزانات بالرياض
كشف تسربات المياه بالدمام
كشف تسربات المياه
الشركة الالمانية لابادة الحشرات بالقاهرة -----

تصميم مواقع

عزل اسطح بالرياض

كشف تسربات المياه بالرياض

شركة عزل اسطح بالرياض

شركة تسليك مجاري

شركة تنظيف خزانات المياه الرياض

كشف تسربات المياه بجدة

شركة تنظيف بجدة

موقع رشحلي مكان

-

شركة نقل اثاث بالرياض 

نقل اثاث بالرياض 

نقل اثاث 

شركة عزل خزانات بالرياض

كشف تسربات المياه

رش مبيدات بالرياض

كشف تسربات المياه

شركة عزل اسطح بالرياض
تمديد غاز مركزي بالرياض