حب رغم الفوارق الاجتماعية الفصل الثالث عشر 13 بقلم زهرة عصام

حب رغم الفوارق الاجتماعية الفصل الثالث عشر 13 بقلم زهرة عصام

حب رغم الفوارق الاجتماعية البارت الثالث عشر

حب رغم الفوارق الاجتماعية الجزء الثالث عشر

رواية حب رغم الفوارق الاجتماعية الحلقة الثالثة عشر

مر الليل سريعاً علي قلوب تعشق بصدق و قلوب تكن الحقد بين حيره و قلق البعض في اتخاذ قرار و الآخر الذي ينام تاركاً كل شي لتدبر الله .. كانت تنتظره أمام مدخل العمارة كعادة كل يوم للذهاب معا الي الجامعة بعد أن أعطت والدتها الموافقة علي عرض الخطوبة لشعورها بالراحة بعد أداء صلاة الاستخارة و لكنه تأخر عن المعتاد .. نظرت إلى اعلي حيث شرفة منزله فوجدتها مغلقة .. نفخت بضيق و توجهت إلى جراش المنزل لتجد مكان سيارته فارغ .. خمنت أنه ذهب و تركها لعدم إحراجها من موضوع الخطبة و لكن لماذا و أنه يعلم أنها ستوافق .. هب القلق بصدرها و تحركت الي الجامعة لتبحث عليه عله يجيبها .. فهل سيكون اللقاء حتنما ام للقدر كلمة أخري
💕 الله اكبر و لله الحمد 💕
كانت تتجهز باستعجال للحاق بالجامعة .. لأنها متاكدة إن تأخرت دقيقة واحدة سيتم طرتها من المحاضرة .. و خاصه بعد الذي حدث الأمس .. كانت ستخرج من باب منزلها و لكن توقفت على صوت ابيها .. نظرت له فقال انتي مش رضيتي بعقاب المتخلف اخوكي دا .. جاءه رد عمر من خلفه قائلاً تشكر يا حاج دايما محترمني و معلي برستيجي .. رد عليه ياسين قائلا اخرس يا حيوان و لسه دورك جاي .. ثم نظر الي ابنته مره اخري و قال بخبث العقاب بتاع اخوكي هيتنفذ و عشان برضوا هو تقريبا مستحلفلك علي اللي عملتيه معاه امبارح .. ردت عليه سجده قائلة تفتكر يا بابا هيعمل اي لو رحت ..
ياسين أقل حاجه هيعملها هيشيلك المادة .. نظرت إليه بتعجب فهز رأسه بايجاب و اكل حديثة قائلاً انتي مفكره إن دكاترة المادة هما اللي بيعلموا الورق تبقي غلطانه المعدين اللي بيعلموا الورق و بيتروشنوا على الطلبة و بيسقطوا نص الدفعة عشان يبانوا أنهم جامدين أكمل عمر حديث والدة قائلا و هبا هاي و كدا كمل يا حاج بعد اذنك الافيه مش عاوزين محمد طاهر يزعل مننا .. ابتسم له والده و قال مش عاوز محمد طاهر يزعل منك تعال يا عمر يا حبيبتي تعال متخافش مش هضربك هعلمك غلطك براحة دا انت ابني حبيبي ..

اتجه عمر إليه في مشهد تمثيلي و هو يفتح زراعية إليه متاخذا وضع الحضن قائلا ابويا حبيبي ربنا ميحرمكاش مني و دايما جايبلك البلاوي و المصايب ثم توقف في منتصف الطريق قائلا و انت مفكرني غبي برضوا و اجيلك برجليا .. انا داخل اكل و بما أني معاقب نفسي اسبوع مشفش فيهم المدرسة متصحونيش غير لما الاسبوع يخلص .. انتهي حديثة و وجد صفحة علي مؤخرة رأسه يصاحبها صوت والدته اتلم يا حيوان فوضع يده يدلك مكانها بتلقائية قائلا تسلم ايدك يا سيد المعلمين فين الفطار بقي
أسماء مفيش فطار ليك انت مش معاقب نفسك ..رد عم بردح نعم يا اختي مفيش اي .. مفيش فطار دا انا اروح فيكم في داهية كله الا الاكل
ياسين و ياريته بيبانك عليك يا حيوان
عمر قر بقي قر عشان تلاقوني قد الفيل .. بتبصولي في هرمونات الحرق اللي عندي خسئتم .. سديتوا نفسي منكم لله انا داخل اتخمد .. تركهم و غادر إلى غرفته متجاهلا إياهم .. بينما قالت الأخري مهو أنا لو رحت هسقط من رأي اخد الأسبوع العقاب بتاع عمر يكون هو هدي و هدي اعصابة من نحيني و بالمره اكون خلصت المسلسل الهندي بتاعي جيالك يا كوشي جيالك يا غاليه .. ثم تركتهم و انصرفت إلي غرفتها
ياسين انا حاسس إن العيال دي بتربيني من اول و جديد فين التالته بتاعتهم .. ردت عليه اسماء قائلة لا دي غلبانه دي بصحيها قالتلي احنا معاقبين نفسنا اسبوع من هنا لحد الأسبوع ما يخلص مشوفش حد مهوب نحيه الاوضة و راحت مشوحة بايدها .. لا و بتقولي البجحة اطفي النور و خدي الباب في ايدك
ياسين بضحك سيبهم يعشولهم يومين يا اسماء .. انا عارف انهم بيهزروا و واخدين خفه الدم منك .. و عارف كمان أنهم بيعرفوا يفرقوا بين الجد و الهزار عشان كدا سايبهم براحتهم .. انا عاوز اعودهم من صغرهم أنهم يتحملوا نتيجة اختيارتهم و كمان لو غلطوا يعاقبوا نفسهم العقاب اللي شيفينه مناسب مش يستنوا حد يعاقبهم …
أسماء بغباء أب ديمقراطي يا ناس .. ربنا يديمك لينا يا سنونه ولا يحرمنا منك ابدا يا روحي
ياسين و يديمك في حياتي يا غاليه
💕 الله اكبر و لله الحمد 💕
رفضت الذهاب إلى تلك المدرسة بعد الآن .. منتظره والدها لتعود إلى مدرستها القديمة مره اخرى علي الرغم من محاولات والدتها إلا أنها أصرت على عدم الذهاب إليها مرة أخرى
نورا يا هنا يا حبيبتي هي مش اعتذرت قدام الفصل كله و عرفوا انك مظلومه لزمتها اي بقي
هنا معلش انا مش هبقي مرتاحة في المدرسة دي تاني .. انا هستني بابا لما يجي و هخليه يرجعني مدرستي تاني .. هناك التعامل افضل بكتير و عندي صحابي لكن المدرسة دي أنا استحالة ادخلها تاني
نورا بقله حيلة اللي إنتي عوازه بقي انا مش هغصبك على حاجة اهم حاجة عندي تكون نفسيتك كويسة ة
💕 الله اكبر و لله الحمد 💕

بحث بعينيه عنها وسط طلابه و لكنه لم يجدها تاكد من أنها لم تأتي اليوم .. فتذكر عقاب أخيها الذي أعطاه لنفسه و لهم للهروب من عقاب أبيه على ما اقترفوه .. كان يريد أن يرد إليها ذالك الفصل و فجهز إختبار مفاجا لهم .. و كان هذا الإختبار صعب للغاية و لكنه اجله لحين انتهاء العقوبة المقررة عليها من قبلهم .. هتروحي مني فين مسيرك هتيجي هتيجي و ساعتها هعرفك ازاي تتحديني يا سجدة ..
💕 الله اكبر و لله الحمد 💕
دلفت إلي الجامعة تعرف وجهتها جيداً تحت نظرات البعض المستغربة كونها أتت بمفردها .. قابلت رفيقتها بطريقها فسالتها حبيبة جاية لوحدك لي يا أروي و فين الدكتور صخر
أوي بضيق معرفش يا حبيبة معرفش راح فين دا انا حتي جاية جري عشان أشوفه في مكتبة قبل المحاضرات .. استنيته كتير و ملقتوش .. بصيت على عربيته مش في مكانها .. انا قلقانه عليه اوي .. عمالة بطلبه على الفون مش بيرد .. هروح اشوفه في مكتبة
حبيبة بس انا كنت لسه جاية من عند يامن و مكتبه مقفول يا أروي
أروي بزهول نعم مقفول ؟! اومال هو راح فين يا حبيبة .. لا كدا انا بدأت اقلق اكتر ..
حبيبة استهدي بالله كدا و تعالي ندخل الحاضرات و إن شاء الله خير يا حبيبتي .. الغايب حجته معاه
أروي بوجع تفتكري كان بيلعب بيا يا حبيبة ؟! .. جه طلب ايدي من بابا امبارح و كان مستعجل على الرد مع أنه عارف الرد كويس .. هو متفق معايا على كدا امبارح .. تفتكري تراجع عن قراره حس اني مش من مقامه مثلا .. عقلي هيتشل من كتر التفكير .. انا عارفه اني مش من مستواه بس انا قولتله كدا في الأول والله و بابا كمان قاله .. هو اللي اصر .. انا هتجنن من كتر التفكير يا حبيبة .. طلما مش عاوني و شايفني مش قد المقام عمل معايا كدا لي .. شكلي قدام أهلي اي دلوقتي .. سمعتي الي الكل هيجيب فيها تاني بعد اللي حصل .. هو لي اناني كدا كنت عملتله اي انا .. انا تعبت اعمل اي .. احتضنتها حبيبة محاولة التهدئة من روعها قائلة أهدي يا حبيبتي انتي لي بتفترضي السوء .. خلي ظنك بربنا كبير .. اكيد وراه حاجة مهمه بيخلصها و هيرجع تاني علطول و زي ما انتي قولتي هو اللي اتقدملك بمزاجه يعني محدش ضربة على ايده
ابتسمت أروي بسخرية و قالت وراه حاجة بيخلصها و جاي تاني .. انا دي حياتي يا حبيبة كل ما اتعود علي وجود حد في حياتي يتخلي عني و يسبني عيبي اني بوثق في الناس بسرعة و مش بتعلم من غلطي و برجع ادي ثقتي للي ميستهلهاش .. يلا ندخل نحضر المحاضرات مش هينفعنا غيرها ..
رتبت حبيبة على كتفها و اصتحبتها معها تحت صدمت الأخري ..
💕 الله اكبر و لله الحمد 💕

علي وقت الظهيرة كان يوسف يستعد للرجوع إلى منزله و عمله من جديد .. كانت تقف على باب غرفتة تنظر إليه بحزن في محاولة للتراجع عن قراره.. للحظة كان سيحتضنها و يأخذها معه و لكنه قوي قلبه فهذا لمصلحتها .. اغلق حقيبته و اتجه ناحية الباب .. امسك وجهها بيده قائلا أنا عارف انك ممكن تكوني شيفاني وحش بس انا بعمل كدا لمصلحتك .. انتي لازم تتغيري يا حبيبتي .. هنا هيساعدك في التغير دا .. عاوزك تعرفي حاجة واحدة بس هي اني بحبك اوي .. زيك زي اخواتك و يمكن اكتر شويه .. نظرت إليه باستغراب فاكمل يوسف حديثة بابتسامة هادئة متستغربيش كدا يا غزل ايوه بحبك اكتر واحده فيهم .. انتي البكرية يا حبيبتي .. انتي بنتي الاولى .. اللي اسم اب التسق باسمي منك انتي .. اوعي في يوم خيالك يصورلك اني ممكن اكرهك يا غزل انا والله حبيتك من اول ما عرفت إن مامتك حامل فيكي .. بس انتي لازم تتغيري مش عشان حد عشان نفسك .. عاوزك تقعدي هنا عاقلة و تسمعي الكلام .. هما هنا هيساعدوكي تحبي نفسك عشان تحبي غيرك .. تقدري تعيشي وسط اخواتك من جديد .. متمنيش لحد الموت .. تقدري تعيشي وسط اي طبقه مش لازم طبقه هاي كلاس .. خليكي واثقه إن أول ما وحيد يقولي غزل بقت تشرف الدكتور يوسف المرشدي اللي الكل بيحلف باخلاقه و اخلاق ولادة و أنه معروف بحب الخير و تواضعه يومها هاجي اخدك معايا علي البيت من تاني وست عيلتك اللي بتحبك .. بحبك اوي يا روحي يلا استودعكي في الله خير .. قبل رأسها ثم حمل حقيبته و اتجه للخارج .. صافح عائلة و استقل سيارته وغادر المكان .. مسح تلك الدمعة الهاربة من عينيه فذالك الشعور صعب للغاية ترك قطعة منك بعيد عن عينيك ..
دلفت إلي حجرتها و اغلقتها بإحكام سمحت لنفسها بالانهيار أخيراً .. تعالت شهقاتها .. و قالت بداخلها .. انا مش وحشة اوي كدا .. اينعم غلط و غلط جامد كمان بس دا لأني بغير .. ايوه بغير . علطول أروي من الاوائل .. علطول هنا تقعد معاها .. من اول ما جت العمارة و هي اخدت كل الاهتمام .. انا أخدت اهتمام امي ليا لوحدي .. اتعودت انها تكون معايا انا وبس .. بقيت انانية اوي و لما احس انها هتحن لاخواتي بقيت اعمل اي مشاكل سواء بقي مع اروى أو اي حد عشان تتلهي فيا بس .. بقي عندي حب نفسي هو الشئ الاول و الأساسي .. كرهت هنا أيوة كرهتها علشان علطول واقفه مع أروي .. و هي عارفه إني مش بحبها .. طب لي تقف معاها هي هو مش انا اللي المفروض اختها ؟! مش انا اللي المفروض تقف معايا حتي لو غلطانه اينعم تمنيت ليها الموت بس يعلم ربنا أنه كان صوري بس و إن من جوايا مكنتش بتمنلها الموت ولا حاجة .. كلهم مفكرني بحب نفسي بس للاسف حتى دي فشلت اني احبها .. عاودت البكاء مجددا علها ترتاح .. يقال أن أول طريق الشفاء هو الاعتراف أمام الذات انك مريض خاصه و إن كان المرض نفسي .. فهل ستتغير غزل بالفعل ام سيكون للقدر كلمة أخري
💕 الله اكبر و لله الحمد 💕

دلفت إلي المكتبة تبحث عنه من جديد علي امل لقائه و لكن خاب الظن مره اخري فهوي لم ياتي اليوم أيضا .. نظرت إلي الكتاب بيدها وضعته بموضعة ثم استدارت مغادرة المكان يخنقه كبير .. دلفت الي المرحاض و سمحت لدموعها بالهبوط .. فهكدا حال الحب .. وجع و عذاب للقلب .. فاهدا ايها القلب فما زال هناك متسع من الوقت للقاء مجددا .. مسحت دموعها ثم انصرفت عائدة إلى منزلها بخيبة أمل كبيرة ..
💕 الله اكبر و لله الحمد 💕
مر اسبوع على اختفائه المفاجئ كانت حالة أروي لا يرثي لها .. و لكنها كانت تكتم ذالك بداخلها .. تعلم أنه سيأتي يوم و تلتقي به مجددا .. صور لها خيالها أن تفكيرها صحيح هو فقط كان يتسلي .. اقتنعت بتلك الفكرة و ظلت منتظرة اللقاء فهل سيأتي يوم ام للقدرة كلمه اخري .. و إن كان اللقاء حتنما مكتوب فهل قريب ام بعيد

يتبع…

لقراءة الفصل التالي : اضغط هنا

لقراءة باقي حلقات الرواية اضغط على (رواية حب رغم الفوارق الاجتماعية)