رواية 30 يوم حياة 3 الفصل الخامس 5 بقلم أميرة أسامة

رواية 30 يوم حياة 3 الفصل الخامس 5 بقلم أميرة أسامة

رواية 30 يوم حياة 3 البارت الخامس

رواية 30 يوم حياة 3 الجزء الخامس

رواية 30 يوم حياة 3 الحلقة الخامسة

خرجت سهر وصلت محمد وريم…وفجأه لقت أنس اعد مستنيها بره
وقفت مصدومه
سهر….نورتوني اتفضلوا
مشي محمد وريم انس
سهر…بابتسامه بسيطه واستغراب انس
سهر…ازيك ياسهر
سهر….بخير الحمد لله انت اخبارك ايه
انس…انا تمام
سهر….انت بقالك كتير هنا
انس…يعني مش حوالي نص ساعه
سهر…بصت سهر للبنت اللي شغاله معاها طيب ليه مبلغتنيش
أنس…انا اللي طلبت منها متبلغكيش واني هستني
سهر…طيب تعالي جوه اتفضل الاول تشرب ايه
انس…ملوش لزوم
سهر…لا طبعا ازاي مش هينفع
انس…طيب خلاص قهوه مظبوط
سهر….خليهم اتنين…تعالي يا انس اتفضل.
دخل انس واعد ادام سهر
انس…اسف اني جيت من غير معاد
سهر…معاد ايه بس يا انس انت تنور العياده في اي وقت
انس…العياده منوره بصاحبتها بباكي واختك عاملين ايه
سهر…الحمد لله كويسين
انس…ايه هما مشيوا ولا ايه
سهر….اه سافرو اول امبارح بس بابا وعدني انه هيرجع تاني اخر الاسبوع ده
انس…هيأعد هنا
سهر…اخيرا اقتنع كلمته كتير انا وهنا وحاج سعيد والجماعه كلهم وبيني وبينك هو شكله حب الاعده هنا الحمد لله هيظبط اموره هناك لانهم كانو سايبين كل حاجه علب انهم هيقضوا معايا شهر رمضان والعيد بس وهيرجعوا تاني وطبعا لو حاول يغير رأيه هنا مش هتسيبه هي اصلا مسافره بالعافيه
انس…لا ان شاء الله هيرجعوا
خبطت البنت في الوقت ده ودخلت القهوه وخرجت
سهر….انت كنت عامر ولا ايه
انس…لا
سهر…امال كنت عند مين
انس…ولا اي حد محدش يعرف اني جاي اصلا تنا جاي علي طول عليكي
سهر….عليا انا ليه عايز تكشف ولا ايه
انس…يعني حاجه زي كده
سهر ..مالك يا انس شكلك مش مبسوط
انس….مش عارف والله يا سهر من بعد العيد وانا حاسس اني مش مظبوط خالص علي فكره انا حايلك مش بصفتي انس المطرب صاحب عامر والشباب انا جاي بصفتي تعبان ومحتاج اتكلم
سهر…انت كده قلقتني طيب احكيلي مالك يمكن اساعدك

 

 

 

انس….والله يا سهر انا نفسي مش عارف انا جاب ليه ولا عايز اقول ايه كل اللي اعرفه اني مش مبسوط و حاسس اني علي أخري وصدقيني من غير سبب
سهر…مفيش حاجه من غير سبب يا انس اكيد في حاجه حتي لو صغيره من وجه نظرك ممكن هي تكون السبب في خنقتك دي سعات بتحصل حجات كتير حوالينا بنيجي علي نفسنا وبنستحملها بس بنيجي علي اتفه سبب وينفجر
انس….صدقيني يا سهر مش عارف مالي يمكن ضغط شغل وحياه يمكن عدم تحديد طريق لاول مره احس اني شخص حزين ويائس بالشكل ده
سهر….ممكن أسألك سؤال و لو مش حابب تجاوب عليه براحتك طبعا.
انس…اتفضلي طبعا ياسهر
سهر….هو انت لسه بتحب منار…بس قبل ما تجاوب خد وقتك في التفكير
انس….انا مش محتاج افكر يا سهر منار كانت غاليه عندي جدا ومازلت والله يمكن كنت واخد الموضوع جد جدا بس لما اتأكدت ان هي وعامر بيحبوا بعض وقدرت افهم قصتهم مقدرتش اكمل وانا شايف اتنين بيتعذبوا منار كانت فيها كل المميزات اللي تخليني ارتبط بيها وتكون زوجه ليا إلا حاجه واحده بس انها مبتحبنيش كنت حاسس ده جدا وعارف ان في حاجه غامضه كانت ديما حزينه يمكن لو كانت منار حبتني كنت قدرت انا كمان احبها لكن هي كانت شيفاني اخ صاحب زميل حاولت تخلي العلاقه تستمر بس الحب مبيجيش عافيه يا سهر مينفعش ابقي مجروح في علاقه وادخل علاقه تانيه عشان احاول اعالج الجرح ده ساعتها تبقي فتحتي الجرح اكتر فانا ماشوفتش منها حب اتنين مرتبطين اللي بيبقي بينهم حب ومشاعر ولهفه فالبتالي حبي ليها مكنش قوي ويمكن لما جمعت بينها هي وعامر وشوفت سعادتها اتأكدت اكتر ان قلبها عمره مكان ولا هيكون معايا والغريب ان اتأكدت من ده من ناحيتي يومها مكنتش مضايق خالص بالعكس وانا رايح ومجمعهم كنت متحمس جدا اني اجمعهم ببعض واشوف في عينهم الفرحه وبيتهيألي اني لو كنت حبتها كنت هضايق والاهم من كل ده منار من يوم ما بقت مع عامر وهي اتحرمت عليا زي امي واختي لانها بقت علي اسم صاحبي واخويا.
صدقيني منار ملهاش علاقه بكل اللي بمر بيه ده
سهر….طيب كويس جدا انك قادر تفرق بين اللي مضايقك وبين اللي مش مضايقك
انس….اكيد عارف ايه اللي مش مضايقني بس صدقيني مش قادر احدد ايه اللي مضايقني حاسس اني تايه ومتلغبط ومشوش
سهر…انت محتاج تأعد مع نفسك يا انس محتاج تختلي شويه بنفسك وتحط كل حاجه في حياتك ادام عينك عشان تقدر تشاور عاللي تاعبك فيها وتغيره
حياتك العامه وحياتك الشخصيه شغلك حلمك حتي الاشخاص محتاج تعرف ايه فيهم سبب خنقتك
انس….عندك حق انا فعلا محتاج اعمل كده يمكن ضغط الشغل طول الفتره اللي فاتت مخليني مش قادر حتي انام كويس محتاج اخد بريك حتي لو يومين افصل فيهم نهائي
سهر….صح انت محتاج يومين تفصل وتفضي دماغك انا واثقه انك هترجع احسن من الاول والاهم انك هتقدر تحدد اللي مضايقك او يمكن تكتشف ان مفيش حاجه مضيقاك وكل ده كان ضغط
انس…بأبتسامه شكرا ياسهر
سهر…علي ايه بس يا انس انا معملتش اي حاجه
انس…كفايه انك سمعتيني
سهر…ياسيدي انا تحت امرك اي وقت والوقت اللي تحس انك عايز تتكلم فيه تعالي علي طول من غير اي تردد
انس….بابتسامه اجي بصفتك دكتوره
سهر…لا ياسيدي مش شرط بصفتي دكتوره الصفه اللي هتريحك تيجي تحكي بيها انا موافقه عليها
انس….ماشي يا ستي انا هقوم بقي عشان.معطلكيش
سهر…عطله ايه بس انت شايف العياده علي بعضها يعني
انس….ان شاء الله في وقت بسيط العياده دي هتتملي ناس
سهر…يارب يا انس
انس…يلا مش عايزه حاجه
سهر…بابتسامه بسيطه شكرا يا اني عيزاك تكون كويس بس
ابتسم انس وهز راسه وخرج وراحت معاه سهر توصله.
……
بعد كذا ساعه.كانت وعد قربت ترجع من شغلها
لبست مديحه بعد ما خلصت الاكل وظبطت الشقه وخرجت من البيت

 

 

 

في الوقت ده كانت وعد جت
زين… بفرحه وحشتيني😍 مش كنت جيت خدتك؟
وعد…لا طبعا انت عندك شغل وبعدين اعمل حسابك بعد كده مش هتيجي توصلني انا وافقت بس عشان اول يوم لكن بعد كده هروح واجي لوحدي مش صغيره انا🤨
زين…بابتسامه حب طيب ياعم براحه عليا شويه وبعدين بقولك وحشتيني
وعد…بحب انت كمان وحشتني اوي
زين…عملتي ايه في الشغل
وعد…الحمد لله اتبسطت اوي وحاسه ان الشغل مش صعب خالص
زين…يعني هترفعي راسي🤨
وعد…انت عندك شك فيا ولا ايه🙄
زين…لا طبعا يا قلب زين عارف ان حبيبي اد الشغل وعارف انك هترفعي راسي
وعد…طيب علي فكره انا جبتلك هديه😍
زين…هديه ليا انا طب ليه
وعد…مزاجي كده بمناسبه اول يوم شغل
زين…بس المفروض انا اللي اجبلك الهديه مش انتي
وعد…احنا مفيش بينا المفروض دي خالص انا مبسوطه وحبيت اجبلك هديه فيها مانع دي🤨
زين…بضحك انتي جايه عايزه تتخانقي معايا ولا ايه🤨
وعد…اه عاجبك ولا لا
زين ..عاجبني طبعا فين بقي الهديه بتاعتي لو سمحت
وعد….لا لما تخلص وتدخل
زين…اشمعني
وعد…هو كده قول حاضر🤨
زبن…بضحك يابت هضربك😂😍
وعد…متقدرش
زين…ده باماره ايه يا اوزعه
وعد…انا اوزعه😳
زين…لا لا مش انتي
وعد…😒خواف
زين…ايه ده هب مديحه راحه فين
بصت وعد عليها وراحتلها
مديحه…حمدالله عالسلامه يا احلي مهندسه فالدنيا
وعد…الله يسلمك يا خالتو انتي راحه فين
مديحه….مريم كلمتني وقالتلي اروح اعد معاها هي وروحيه وناريمان فا قولت اروح شويه لحد ما تيجي فكرتك هتتأخري بس خلاص مش مهم يلا تعالي ندخل عشان تاكلي
وعد…لا لا روحي انتي ياخالتو انا اصلا لسه هعمل شوبه حجات في اوضتي وهاخد دوش مش جعانه اوي
مديحه…يا بنتي هدخل احضرلك الاكل
وعد…لا والله مش جعانه خليها لما زين يخلص شغل ناكل سوا
زين…ايه يا امي عامله ايه
مديحه….الحمد لله يا زين
زبن….لوعد ادخلي كلي علي طول متستنيش انا لسه ادامي شويه
وعد…انا مش جعانه والله ومش هعرف اكل لوحدي هستناك ناكل سوا
زين…ماشي
مديحه…يعني مش عايزاني خلاص اروح
وعد…مقدرش استغني عنك
بس اه يلا روحي
مديحه…لو ظبطي نفسك ابقي تعالي اعدي معانا
وعد…لا ميتهيأليش انا مش قادره
زبن…روحي اعدي معاهم شويه لحد ما اخلص
وعد…هشوف كده طيب
مديحه…طيب ياولاد هروح انا بقي

 

 

 

زين…ماشي يا امي
مشيت…مديحه
زين…بلا با حبيبي ادخلي خدي دش كده وظبطي نفسك
وعد…ماشي يا حبيبي
دخلت وعد الشقه ورجع زين تاني للورشه..
في الوقت ده عدت ادامه ست جارتهم وحفيدها
ناديه…ازيك يا زين يا حبيبي
زين…اهلا بست الكل عامله ايه
ناديه…الحمد لله يا حبيبي في نعمه
زين…حمزه باشا عامل ايه
حمزه…الحمد لله يا عمو زين
زين…ايه الحلاوه دي كبرت وبقيت عريس اعمل حسابك لو اتجوزت وجبت بنت انا حجزت خلاص ليها موافق
حمزه…بابتسامه موافق بس هبقي كبير عليها
ناديه…بضحك شوف الواد
زين…ياعم مش هتبقي كبير اوي انت عندك كام سنه الوقت
حمزه…سبع سنين
زين…طيب ياعم مش كبير اوي انا هتجوز علي العيد الكبير اهو وان شاء الله اجيبلك العروسه علي طول يعني هتبقي اكبر منها بحوالي 8 سنين فرق كويس بردو تكون خلصت وجهزت نفسك وتتجوزها علي طول قولت ايه موافق
ناديه…طبعا موافق كفايه انها هتبقي بنتك يا زين انت ووعد
زبن…ربنا يبارك في عمرك يا ست الكل ابه يا بطل قولت ايه سمعني موافقتك
زين…موافق عشان هي هتبجي حلوه شبهك انت وابله وعد
زين…بضحك شوف الواد وانا اللي فاكرك طيب طلعت مش سهل😂😂
ناديه…اه ده طالع بتاع بنات مش زي حسام ابوه
زين…صحيح حسام عامل ايه واحشني والله
ناديه…والله وواحشني انا كمان يازين شغله المرادي طول اوي بقاله حوالي ست شهور منزلش اجازه خالص انا وابوه واخواته ومراته هنتجنن عليه
زين…مش بيكلمكم
ناديه…لا بيكلمنا اه بيكلمنا يمكن مش كل يوم سعات بيطول بالاسبوع بس بنطمن عليه انا عارفه ايه اللي كان رماه عالشغل ده وحببه فيه
زين…ابنك بطل يا ست ناديه ماشاء الله عليه عميد في الجيش كلنا هنا بنفتخر بيه في الحته ده شرف لينا كلنا
ناديه…عارفه يا زين بس انا ام يا ابني وقلبي بيوجعني عليه كل ما اشوف حد يحصله حاجه غصب عني
زين…عارف انه غصب عنك وطبيعي تخافي عليه بس بردو لازم تعرفي انه شغله مش سهل ودي ضريبه الشغل والاهم انه بطل وشغله يشرف انتي بس ادعيله كتير وان شاء الله ياخد اجازه قريب وينزل من سيناء قريب
ناديه….يارب يا زين ادعيله والنبي يا حبيبي
زين…بدعيله والله بكل خير بس امانه لما يكلمك سلميلي عليه اوي وقوليلو زين بيقولك اوعي متجيش ساعت فرحه
ناديه…بابتسامه هقوله والله وان شاء الله يجي بس وهنجيلك كلنا الفرح احنا عندنا اغلي منكم
زين…ربنا يخليكي ياست الكل يارب وعرفيه بقي يعمل حسابه في شويه فلوس كده لزوم الشبكه والمهر اللي حمزه هيقدمهم لبنتي ولا ايه يا بطل
حمزه…لا انا اللي هجيب مش هي هتبقي عروستي انا يبقي انا اللي لازم اجيب

 

 

 

زين….بضحك جدع راجل زي ابوك ياض انا كده ياسيدي ضمنت راجل لبنتي ومتقلقش مش هتقل عليك في الطلبات😂😂
ناديه…بضحك سلملي علي ست مديحه ووعد
زين…يوصل ان شاء الله مش عايزه اي خدمه
ناديه…عيزاك طيب يا حبيبي بعد اذنك
زين…اتفضلي سلام يا حمزه باشا
حمزه…بابتسامه جميله سلام يا عمو زين.😍
…………
مريم….عايزه ايه ياروحيه
روحيه…اشمعني العصير بتاع مديحه لونه احمر وانا العصير بتاعي لونه اصفر🤔😒
مريم…انتي اللي قولتي عايزه مانجه وابله مديحه قالت فراوله
مديحه…ياوليه مش انتي اللي مختاره
روحيه…انا قولت عايزه مانجه بس اللون الاحمر ده عاجبني
روحيه…خلاص بدلي معايا
مريم…لا استني انا هحطلها فراوله
روحيه…بس انا يابت مش عايزه فراوله مبحبهاش اوي
ناريمان….طيب والحل ايه ياروحيه مش انتي اللي عاجبك اللون
روحيه…طيب انا عايزه مانجه لونها حمرا
مديحه…ودي تعملهالك ازاي ياست روحيه دي لو ساحر مش هتعرف
روحيه…مليش دعوه تتصرف😒
مريم…بضحك طب هاتي يا روحيه انا لقيت الحل
دخلت مريم حطتلها علي كوبايه المانجه لون طعام باللون الاحمر ورجعتلها
مريم…اتفضلي يا روحيه
روحيه….ايه ده خدتي المانجه بتاعتي ودتيها فين
مريم…هي دي المانجه بتاعتك والله
روحيه….وريني كده
مريم…دوقيها وهتتأكدي بنفسك
شربت روحيه….ايه ده يابت دي مانجه🤔

 

 

 

مريم…مش قولتلك
روحيه….طيب وهو في مانجه لونها احمر
مريم…لا انا لونتهالك بس عشان تديكي اللون اللي عاجبك
روحيه…انتي يابت بتحيطلي عليها دهان وبتلونيها عشان تموتيني🤔
مريم…لا يا روحيه دي الوان طعام
روحيه…يعني ايه انتي بتضحكي عليا يا بت
مريم…والمسيح ابدا بصي يا روحيه دي الوان مخصوصه للاكل وتنفع عادي انها تتاكل
روحيه….بس دي مبتتاكلش دي بتتشرب انتي كدابه يا بت ده عصير🤔
ناريمان…يا ختااااااي الالوان دي ياروحيه بتتحط عالاكل او العصاير او حتي الميه بتغير اللون بس الطعم بتاع الحاجه بيفضل زي ما هو فهمتي
روحيه… اممممم سحر يعني
مريم…بضحك تقريبا كده يا روحيه
مديحه بضحك….عارفه ياروحيه البت دي لو ولدت قبل معادها يبقي بسببك
روحيه….ياختي انا جيت جمبها😏
مديحه…اهي عوجت بوئها😂😂😂😂
ضحكت ناريمان ومريم علي روحيه😂😂😂 وكملوا اعدتهم
…………..
نجوي….عابزه حاجه تاني مني يا توته يا بنتي
توته…لا يا ست نجوي تسلمي يارب تعبتك معايا انهارده اوي
نجوي…تعبك راحه يا حبيبتي بس مش كنت اعدت معاكي شويه كمان عالاقل لحد ما يقرب استاذ ادهم يطلع
توته….البيت زي الفل والعيال حمتهم واكلتهم وانا كويسه تاعدي ليه بقي استغلال عالفاضي روحي كده لبناتك اعدي معاهم ويوم ترتاحي فيه من نفسك انا عارفه اننا مطلعين عينك
نجوي….لا والله متقوليش كده يا حبيبتي انتو غاليين عندي اوي انتي واستاذ ادهم وكمان الولاد بقو حبايبي
توته….ان شالله يخليكي يارب هما كمان بيحبوكي اوي
نجوي…ربنا يباركلكم فيهم وتشغوهم عرسان يارب
توته…يارب وتفرحي ببناتك يا حبيبتي
نجوي…يارب يا بنتي يلا همشي انا بقي سلام عليكم
توته…وعليكم السلام
………..
خلص زين العرببه اللي كانت في ايده وخلص وقفل الورشه ودخل الشقه
زين….وعد انا جيت
سمع وعد بتصرخ جري بسرعه عليها
زين…في ايه
وعد…حرام عليك صوتك خضني
زين…ياشيخه حرام عليكي انتي اللي خضتيني
وعد…مش انت اللي ناديت مره واحده
زبن…انا بنادي عشان متتخضيش والله
وعد…بضحك واديك خضتني اهو
زين….بابتسامه حقك عليا بعد كده هكلمك قبل ما ادخل لو انتي اعده لوحدك
وعد….هو انت خلصت شغل
زين…قلع الجزمه واعد بارهاق اه لسه قافل الورشه
وعد…نعم انت لسه هتأعد
زين…عايزه مني ايه
وعد…قوم خد شاور وغير هدومك انا هموت من الجوع
زين…مانا قولتلك كلي
وعد…مانا مش هعرف اكل من غيرك الحق عليا اني استنيتك يلا بقي قوووم
زين…قام بارهاق ااااه ماشي ياستي اديني قومت جهزي انتي الاكل لحد ما اخرج

 

 

 

مسكته وعد من ايده طيب تعالي اوريك العديه الاول
زين…وريني ياستي
شدته وعد من ايده ودخلت الاوضه طلعت علبه من شنطتها
وعد….يارب تعجبك اتفضل
فتح زين العلبه لقاها ساعه شكلها شيك اوي
زين….تسلم ايدك حلوه اوي
وعد…بجد والنبي عجبتك
زين…اه والله العظيم اصلا انا محتاج ساعه ومش فاضي اروح اشتري من ساعت ما الساعه بتاعتي اختفت وانا مضايق اني ماشي من غير ساعه كده
وعد…بارتباك وبطريقه مضحكه..بص بقي انا مكنتش عابزه اقولك بس بما اني جبتلك ساعه بدالها يبقي اقولك بقي
زين…في ايه
وعد…بضحك اصل بصراحه ساعتك وقعت من ايدي واتكسر الازاز بتاعها فا خبيتها وقولت هجبلك بدالها
زين…بضحك اه يا سوسه وسيباني كده ادور عليها
وعد…بضحك مانا كنت هقولك اعد ريح
زين….ولما هي اتكسرت مقولتيش ليه هضربك يعني
فداكي يا قلبي
وعد…لا مش هتضربني بس مرضتش ازعلك
زين…تزعليني ايه يا عبيطه فداكي مليون ساعه
وعد…المهم عجبتك
زين…اه والله احلي من اللي اتكسرت اصلا
وعد…بغرور طبعا مش انا اللي حيباها 🙄
ضربها زين براحه علي دماغها بضحك مش اوي كده ياعم
وعد…بضحك ااااه براحه
زين…باسها من راسها ربنا يخليكي ليا ياوعد
وعد…ويخليك ليا ياحبيبي يلا بقي روح خد شاور جعانه
زين…ماشي حضري وانا مش هتأخر
وعد….هووااااا😍
………
توته…الوووو
بوسي….توته عامله ايه
توته…الحمد لله انتي فاضيه
بوسي…بو ناويه ترغي لا مش فاضيه لكن لو كلمتبن في السريع معاكي
توته…شوفوالبت الواطيه بدل ما تقولي افضيلك نفسي
بوسي…بضحك اكدب يعني
توته…لا يا اختي احدفيني بصراحتك في وشي😏😏 المهم فاضيه امته تيجي تتعشي معايا
بوسي…اشمعني شكلك وراكي مصيبه
توته…ياختي لما مصيبه ولا كارثه الحق عليا اني بقولك تعالي نتعشي سوا غوري يا بوسي
بوسي…يابت اصبري مال خلقك بقي كنز كده ليه خلاص فاضيه ادام عشا
توته….ايوه كده اتعدلي طيب امته بكره
بوسي…خليها بعد بكره احسن بكره عندي عروستين وهتأخر
توته…خلاص هستناكي بعد بكره
بوسي…ماشي انا هروح بقي الوقت وهبقي اكلمك تاني
توته…ماشي يا حبيبتي خلب بالك من نفسك سلام
بوسي…سلام
………..

 

 

 

مر اليوم علي الجميع وجه يوم جديد
فضل عامر نايم لحد العصر من تعب الحفله…صحي دخل الحمام ظبط نفسه ورجع كلم منار
عامر….الوووو
منار…صباح الفل
عامر…صباح النور يا حبيبي
منار…كل ده نوم
عامر…هلكان والله يا منار كنت مقتول نوم
منار….طيب يلا بقي عشان تفطر
عامر…انا قومت خلاص هاكل الوقت عشان جعان اوي
منار….ماشي يا حبيبي انت هتعمل ايه تاني
عامر….مفيش شويه كده عالمغرب وهنزل اعد شويه مع العيال
منار….ماشي وانا اخر النهار كده هروح لمنار هنأعد انا وهي والبنات مع بعض
عامر…طيب تمام
منار…يلا روح افطر وكلمني قبل ما تنزل
عامر…تمام يا افندم😍
………
ادهم….بتعمل ايه ياصاحبي
زين…العربيه دي فيها حاجه معقربه كل حاجه فيها سليمه ومركب كل حاجه جديده بايدي بس بمجرد ما بدورها تدخن
ادهم…اول مره الاقي حاجه معصلجه معاك
زين…والله ما عارف فيها ايه
ادهم…سمي الله كده وهتظبط
زين…انت رايح فصحيح
ادهم….ابدا هيما جوه في الصاله وانا قولت اخرج اجيب قهوه من صالح وابص عليكم بصه
زين…طيب اعد وهخلي صالح يجبلنا قهوه نشربها سوا
ادهم…ماشي
وقبل ما يأعد ادهم
فجأه سمعوا صريخ وصوات سمع الحاره كلها 🙈🙈🙈🙈🙈🙈🙈🙈🙈🙈🙈🙈🙈🙈

يتبع…

• لقراءة الفصل التالي : اضغط هنا
• لقراءة باقي حلقات الرواية اضغط على (رواية 30 يوم حياة 3)