رواية 30 يوم حياة 3 الفصل الثالث والعشرون 23 بقلم أميرة أسامة
رواية 30 يوم حياة 3 الفصل الثالث والعشرون 23 بقلم أميرة أسامة
رواية 30 يوم حياة 3 البارت الثالث والعشرون
رواية 30 يوم حياة 3 الجزء الثالث والعشرون
رواية 30 يوم حياة 3 الحلقة الثالثة والعشرون
بعد ما خلصوا اكل وقضوا الوقت كله في ضحك حقيقي من القلب.
وعد اعده حاضنه منار
بصلها زين بغيظ فرحانه اوي يا اختي
هزت وعد راسها وهي بتضحك
ادهم…ياجدع مالك مش طايقنا كده ليه وبعدين هي شرم دي بتاعتك وانا معرفش
زين….لا ومش هطيقكم ليه اعوذ بالله انتوا نورتوا شرم حتي😒
هيما….شوف بيزغر لاخويا ازاي
زين….اسكت انت بدل ما اطلعه عليك
هيما…بضحك حبيبي يا ابو نسب بس بدل ما تفرح كده اننا مش قادرين علي بعدك
زين….كنت اقدر يا اخويا
ايهاب…ياجدع مش عارفين ناعد.من غيركم
يوسف…والله كنت عايز اجبلكم روحيه
زين….ماهي كملت تصدق بالله لو روحيه كانت جت كنت سبتلكم شرم ومشيت
يوسف…اخس عليك تمشي عشان روحيه
زين…طب حط نفسك مكاني انا عريس جديد حمل حري وفرهده وقله قيمه
يوسف…..صراحه لا😂😂
زين….ايوه كده خليك صريح بدل ما اقلب عليك
صلاح….بردو يا صاحبي مكانش العشم المقابله دي
زين….وتتعشم فيا ليه ولا ياصالح خلي اخوك يسكت بدل ما اظبطه زي ما ظبطك
صالح…ما تسكت يا لاحه ألا ده ما يهدالوش بال غير لو شبه وشي بالخريطه وفضحني
ضحكوا كلهم عليه.
توته….طب بزمتك مش مفجأه حلوه
زين…والله احلي مافي المفجأه كيمو واحمد
منار…ولنا وانا
زين…انتي تسكتي خالص اكيد الرحله المدرسيه دي طلعت لما شافوكي زعلانه
منار…بضحك والله ابدا
ادهم…لا منار ملهاش دعوه احنا اتفقنا من يجي 3 ايام كده لما عرفنا ان عامر قالك تيجو معاه
زين…كانت شوره مهببه 😒
هيما…علي فكره كده مش صح يا ابو نسب
زين…طب انا راضي زمتك الوقت احنا معانا بوسي وصالح انهارده خرجنا احنا روحنا عالبحر وهما خرجوا مع نفسهم الوقت الحفله دي يوم ما تتقسم اهرب منكم فين عالبحر هلاقي نصكم في السوق نصكم
هيما…بسيطه اعد في الفندق
زين…جاي اتحبس انا ومراتي يا ابن الظريفه
هيما….الله مش انت اللي مضايق اشرب بقي وبعدين بقولك ايه هو الصاحب ليه عند صحبه ايه
زين….كدبه ضحكه فلوس وقفه جدعنه انما واقفه النفس وسحبه الاكسچين دي مسمعتش عنها ابدا
انس….لا لا ياجماعه زين بيقولها من ورا قلبه انما هو فرحان
زين….حتي انت يا انس تفرح فرحتي يا بعيد🥴
عامر…طب والله احلي لمه كفايه ان قلبي جت
عادل….ياض اظبط ياض
عامر….انت دماغك راحت فين انا اقصد عليك
عادل…ضربه علي دماغه وحيات امك😒😒😒
زين…عموما يا جماعه نورتو والله🙄
ضحكوا كلهم😂😂😂😂
عامر…من قلبك يا فوزييي
بقولكم ايه انتوا بكره كلكم معايا في الحفله دي هتبقي اول حفله تحضروها
ايهاب…كلنا هنبقي معاك وهتكسر الدنيا ان شاء الله
زين…منوره يا دكتوره😒
سهر…بضحك بنورك يا زين
انس…شوف يا جدع بيجز علي سنانه ازاي
زين…لا ياعم ده انتوا حبايبي🙄🙄
رن موبايل صالح فالوقت ده…فضل يضحك وهو بيرد
صالح….يااااابرنس واحشني والله
احمد البرنس….انت اكتر يا ريس والله ايه روحت مع العريس كبست علي مراوحه ضحك صالح بصوت عالي استني استني
فتح الاسبيكر وسمعهم بتقول ايه يا احمد
البرنس….بقولك روحت مع العريس وكبست علي مراوحه.
مسك زين الموبايل
زين….الووو تصدق بأيه يا برنس
البرنس…حبيبي يا عررررريس لا إله إلا الله
زين….علي رأي يوسف واللي خلق الخلق صحابي كلهم بمراتتهم وولادهم هنا اقولك الحاره كلها كبست علي نفسي لا وايه عاملينهالي مفجأه بزمتك يرضيك كده
البرنس….وماله يا جدع هو في اخلي من واقفه الصاحب جمب صاحبه حتي في شهر العسل..
مره واحده الشباب في صوت واحد هاااااااااي
ادهم…والله انت رجوله يا برنس
هيما…شوفت الناس اللي بتفهم
زين….بضحك يعني انا بشتكيلك يمكن تديهم كلمتين تروح في صفهم
بقولك ايه ما تقوم تيجي انت كمان
عامر….يا برنس انا عامر قوم يلا تعالي بكره عندي حفله وشرم هتوللللع
صالح…خد الموبايل من زين تصدق انت لو مجتش تقف مع صاحبك في شهر العسل متبقاش رجوله😂😂😂
زين…اه يا ولاد الصرمه هو انا مزعلكم في حاجه يا عيال
هيما….يا برنس هتيجي
البرنس… اه يا ولاد اللذينه هتقوموها في دماغي ليه
ادهم….انجز مفيش احلي من لحظات الجنان والسفريه اللي مش مترتبلها
زين….انجز يا عم هي جت عليك قوم حضر شنطتك وتعالي متفكرش كتير
البرنس….طب هشوف كده بس لو هاجي هاجي طيران
ادهم…تعالي يا عم طيران واجنا راجعين هنرجع كلنا بالعربيات مع بعض
عامر…نعم انا راجع طيران معيش عربيه
هيما…بضحك لا ما انا جاي بعربيتك😂😂
عامر….عربيت امك دي يارتني خدت الرخصه معايا مسبتهاش في العربيه كان زمانك متعلق
هيما….اه يا واطي
صالح…انجز يا برنس عايزين نخربهاا
البرنس…خلاص يا عم جاي قوموتها في دماغي خلاص ابعتلك مكانكم ربنا يهدكم شياطين 😂😂😂
زين….وانت مش سالك عشان سمعت كلام الشياطين😂😂😂
ادهم…ياعم يلا متعطلهوش قوم جهز نفسك والصبح بدري تنزل تشوف اي شركه وشوف اقرب معاد لطياره شرم
البرنس….خلاص تمام يلا سلام مؤقت يا مجانين
صالح….سلام.
عامر….عيني علي شهر العسل
زين….اللي كان شهر العسل😂😂
صالح…علي الله ما يجريش زينا في المطار😂😂
زين.. بضحك كأنه أفتكر موقف 😂😂ولا ياعامر أحكيلهم عالموقف اللي حصل في المطار
عامر…بضحك بتاع ايه
زين…امال بتضحك علي ايه يا متخلف
عامر….قصدك لما كنا بنجري
زين…لا بتاع الراجل الخليجي
ضحك عامر وصالح وبوسي ووعد وزين
عامر….نزلنا المطار في شرم المهم في ناس اتصورت معايا وكان من ضمنهم واحد خليجي وانا مش فاهم هو بيقول ايه لقيته بيقولي ايش لونك انا مفهمتش يقصد ايه قمت حطيت ايدي الاتنين ادامي وبصيت علي اللون وقولتله قمحي لقيت الراجل ميت من الضحك عرفت بعد كده انه بيسألني عن حالي يقصد عامل ايه يعني😂😂😂
ضحكوا كلهم علي غباء عامر
ايهاب….اهبل
عامر…وانا ايش عرفني😂😂
يوسف…طيب عالسيره دي هحكيلكم موقف حصل معايا انا وكيمو قبل كده
كلهم قالوا الله يرحمه.
يوسف…كان عندي شغل والمفروض اني كنت متفق مع زبون خليجي اروح اوصله من فندق لفندق تاني في وقت معين المهم كان لسه ادامي علي المعاد ساعتين اعمل ايه اعمل ايه المهم قولت أفتح الابلكيشن بتاع أوبر وأللف شويه في وسط البلد واحاول اخد كام رحله بس يكونوا في نفس النطاق عشان مبعدش كمل بضحك المهم رحت علي ميدان التحرير كنا في عز الضهر والدنيا كانت زحمه جدا عربيات كتير وكله بيجري.فا لقيتلكم مين كيمو واقف علي الرصيف ينزل برجل ويجي ينزل بالتانيه يلاقي العربيات يروح طالع تاني وكيمو كان مليان فا الحركه كانت صعبه عليه المهم الحركه دي اتكررت حوالي خمس دقايق واللي يموت من الضحك انه باين عليه متعصب شايفه من بعيد اعد يشوح بأيده وشايفه بيقول حاجه تقريبا كان بيشتم انا بقي واقف مستني اي رحله تيجي وميت من الضحك المهم قفلت الابلكيشن خالص وقولت انادي علي كريم
شاورتله من بعيد مخدش باله اتصلت بيه
لقيته رد عليا وصوته متنرفز فا قولتله مالك
قاللي..بقالي نص ساعه يا چو تخيل نص ساعه بحاول اعدي الشارع مش عارف يا جدع ده انا أبتديت ادور علي اي حد واقوله والنبي خدني عديني انا بقي سامعه وشايفه وهو بيكلمني من بعيد ومش عارف ابطل ضحك المهم قولتله ايه طب عدي براحه انا واقفلك الناحيه التانيه فضل يبص لحد ما لقاني واول ما شافني قاموس شتيمه نزل علي دماغي..ولما انت شايفني يا ابن الجزمه ماهنش عليك تيجي تعديني ليه المهم روحتله وخدته ورجعنا عالعربيه كان عرقان ومش قادر من الشمس شربته واديته عصير وظبطته وروحت معاه مشوار سريع المهم بقي خلاص عايز ارجع للزبون فا قولتله انزل يا كيمو بصلي بصه موتتني من الضحك ولقيته بيسألني باستغراب
انزل فين😒
قولتله انزل عندي شغل ومش فاضيلك
قاللي يعني انا مكنتش عارف اعدي شارع زحمه جايبني يا ابن الصرمه علي طريق سريع ده انت لو قاصد تخلص مني مش هتعمل كده
فضلت يهديك يرضيك مفيش فايده لقيت الزبون جاي قولتله اعمل انك اخويا وتعبان نزلت قولت للزبون معلش كلموني وقالولي اخوك تعبان روحت خدته لو مش هتضايق يعني الزبون كان لطيف وقاللي عادي المهم الزبون بقي كان معاه واحد هندي بيتكلم عربي مكسر😂😂 وانا مش لوحدي🙈🙆♀️
كل الشباب صوتهم كان جايب المكان كله من ضحكهم.
يوسف…استنوا بس المهم ركبت والزبون ركب هو والهندي كريم اعد عالكرسي وفاتح رجله ومشبك ايده علي بطنه ومفرهد منظره لوحده اصلا يهلك من الضحك تحس ان خالتي راكبه جمبي وانا مش عايز ابصله عشان لو ضحكت خلاص الدنيا باظت
المهم الزبون قاله…
كيف حالك أشلونك عساك بخير
وكريم ولا هنا ولا كأن الكلام معاه حسيت ان الزبون هيتحرج فا رديت بداله تسلم ياطويل العمر هو السكر علي عليه بس هيبقي بخير ان شاء الله
وكريم بقي يبصلي بطرف عينه وانا هموت من الضحك طلعت بالعربيه في طريقي للفندق التاني فا الحوار بقي اللي كان داير ورا هو الكارثه
الخليجي بيكلم الهندي.
الخليجي…كيف حالك
الهندي…الهمد لله انت كيف هالك
الخليجي …الحمد لله جولي انت كيف مشي شغل اليوم
الهندي…انا روح فندق سوي انا سوي شغل سوي اجتماع في الليل أجهز انا في سوي مؤتمر
الخليجي….كيف الشغل مع عميل
الهندي..عميل شوي شوي سوي تعب انا سوي شغل انا مفيش اخوك في شغل فقط..
كريم كان اعد يسمع ويرفع عينه لفوق ويشوح بايده وانا اعد ماسك نفسي بالعافيه وفجأه لقيته بيقولي بصوت واطي هما تعبانين ولا خارجين من فيلم كارتون.
فضلت اغمز فيه انه يسكت ابدا لقيته بص لورا للراحل الهندي وقاله انت تعرف شاروخ خان
الراجل الخليجي ضحك وانا مقدرتش امسك نفسي
والهندي فضل يتكلم مع كريم وفرحان انه عارف شاروخ خان ويكلمه وده يهز دماغه ولا فاهم حاجه كان كله يونس الشلبي في العيال كبرت….والله اليوم ده انا ضحكت ضحكت من قلبي ومن الدموع اللي كانت بتنزل مكنتش شايف ادامي..
الشباب كانوا ميتين من الضحك
ادهم….بضحك لا كريم ده كان مشكله ابن الايه ما شوفتش حد في خفه دمه
انا فاكر مره اول ما خطبت توته سهير كانت تعبانه فا هو شافني محتار بيقولي نالك فبقوله سهير تعبانه ورايح ازورها بس مش عارف المفروض اخد ايه وانا رايح انا جديد في حوار الخطوبه ده ومعرفش اجيب ايه
بكل بساطه لقيته بيقولي ما تكرمشلها 100 جنيه وحطهم في ايدها واخلص😂😂😂😂😂😂
زين….😂😂😂 الله يرحمك يا كيمو انا كنت بحب المواقف بتاعته هو وعامر الاتنين كانوا بيموتوني من الضحك
عامر….بضحك وحزن كريم انا كان كل مواقفي معاه بتتلخص في الاكل هو بيحب الاكل جدا وانا باكل عادي عشان اعيش😂😂
في مره كنت اعد انا وهو عالسطح لقيته وطي صوته كده وبغمزلب بقولك ايه يا عمور حطيت ابدي عالكنبه ورجعت لورا وانا بلم هدومي اصل صوت واطي مع غمزه مع عمور قلقتني😂😂
فقولتله مالك يا جدع في ايه
ضحك وقاللي ياض مش اللي في دماغك
فا قولتله طب ايه وبرده لسه مقلق منه
كريم…قاللي بنهم فظيع بقي وبيبلع ريقه وكأنه بيتزغل
طبق بطاطس محمره سخن كده وطبق جبنه قديمه بالطماطم والفلفل والطحينه وبصله وكيسين شيبسي وتبقي اخلي عشوه قولت ايه
فا رديت بتلقائيه وانا برده مقلق منه وشيبسي ليه مش فيه بطاطس.كلني قفا وقاللي انا قولت شيبسي
ضحكت وقولتله بس جبنه قديمه بليل كده مش هقدر
بصلي بصه قرف وقاللي هتاكل يا عامر خوفت منه قولتله هاكل…ومره تانيه كنا في رمضان كان قبل ليله 27 اللي ديما بنتجمع فيها فا طبعا البوم ده بناكل بواقي الاكل اللي قبلها بيوم عشان بيبقو بيجهزوا للفطار اللي هنفطره وتعبانين فا الكلام ده مكانش بيمشي مع كيمو المهم فطر ولقيته نزل عالسيده وغاب ووقت السخور لقيته بيكلمني اطلعلي بسرعه عالسطح قولتله هتسحر واجيلك قاللي لا تعالي هناكل سوا
المهم روحتله لقيته مظبط رنجه وفسيخ وبصل وراصص رصه عيش تكفي الحاره😂😂 بصراحه الاكله كانت تفتح النفس بس احنا في صيام والجو حر قولتله ايه ياكيمو انت بتهرج ده احنا هنموت من العطش قاللي بقولك ايه انا خلاص قررت وهاكل ومحدش راضي ياكل معايا قولتله وانا فار التجارب يعني قاللي بص انا بعد ما ناكل هديك برشامه تنيمك مش هتصحي غير قبل المغرب ومش هتحس بعطش. مان صابح تاني يوم اجازه من الشغل فا قولتله اشطا كلت ودبتها انا وهو وانا فالعادي مش باكل كتير بس الاكل كان جامد وبعد ما خلصنا اداني البرشامه تاني يوم الصبح لحد الفطار بيلفوا بيا في المستشفيات 😂😂😂
زين…بضحك اه ده كان يوم مهبب😂😂
يوسف…يومها كيموحكالي في السر يقولي ايه هو انا كده قتلته😂😂😂
ضحك الجميع وعلي اد حزنهم ان كيمو مبقاش معاهم لكن ديما هو بالنسبالهم أهم سبب لضحكتهم اللي من القلب وهو السيره اللاهم في اي حديث…فضلت السهره كلها ضحك وهزار وذكريات جميله مع كيمو وبعد وقت طويل طلعوا يرتاحو عشان يجهزوا للحفله اللي هتكسر الدنيا….❣️🔥💥💥💥
يتبع…
لقراءة الفصل التالي : اضغط هنا
لقراءة باقي حلقات الرواية اضغط على (رواية 30 يوم حياة)