رواية الحالة 710 الفصل الثاني 2 بقلم شهد ياسر

رواية الحالة 710 الفصل الثاني 2 بقلم شهد ياسر

رواية الحالة 710 البارت الثاني

رواية الحالة 710 الجزء الثاني

رواية الحالة 710 الحلقة الثانية

 

_صباح الخير يا فريدة .
قولتها وانا بفتح الباب بعد ما خبطت ودخلت اوضتها كانت زي ما سبتها اليوم الي قبله كانت فنفس وضعية الجنين بس المختلف حاجه واحدة … انها كانت بصه قدامها في اللاشئ ومكنتش بتعيط حتي مخدتش بالها اني دخلت خالص فقررت اكرر الي قولته تاني .
_فريدة .. صباح الخير .
بصتلي بعيونها البهتانه وقالت بصوت خافت
=صباح النور .

 

 

_ممكن تكملي؟
=اكمل اية ؟
_حكايتك انتِ ويونس وهشام ولميس .
=قصدك والعقربة الي لدعت ابني و موتته .
_ايوة .
=مشيت فالشارع بعدها وانا تايها فأفكاري .. لي تعمل كده كانت ممكن تخليه يديني ابني وانا مش عايزة منه حاجة كنت هتنازل عن حق ابني وعن حقي كمان بس تسيبهولي ..تخليه فحضني لكن ليه تسمه؟ ليه تقهر قلبي عليه .
حطت ايديها علي وشها وبدأت تعيط وصوت شهاقتها يعلي كل ما تزيد دموعها سكتت فجأه وبصتلي بعيونها الحُمر زي الدم
=قررت انتقم لموت ابني وبدأت اراقبها هي والي كان معاها ولحظت انه دايماً وراها فأي حته بتروحها زي ضلها بالظبط..كانت كل مرة بتزعقله عشان جه وراها
ابتسمت بألم وكملت
= واضح اني مش انا بس الي براقبها بس الفرق فناوايا الي بيراقب يعني هو مثلا بيراقبها عشان شكله بيحبها اما انا …
بصتلي نظره كلها شر
= فعايزة انتقم .
_مفكرتيش تقولي للبوليس؟
ضحكت بألم

 

 

=كانوا هيعملوا ايه يعني؟
_هيبقضوا عليها ولما يتأكدوا من الي عملته بالادلة هيعدموها او يسجنوها .
=مكنش هيبرد نار قلبي الي اتحرق علي يونس .
اتنهدت وبصيت فوشها وملامحها الملائكيه هي مكنتش تستاهل ان دا يحصل ابداً هي بس كانت عايزة تفضل مع اسرتها ودي كانت كل حاجة فحياتها ودا باين من كلامها .
_طب عملتي ايه بعد كده؟
=جتلي فكرة فيوم ممكن اجيب بيها حق ابني .
_وايه هي ؟
= ان لميس تموت مقتوله علي ايد هشام .

 

 

اتصدمت من الي قالته ودا كان ظاهر جداً علي ملامحي .
=ايه مالك مصدوم ليه كدا ؟ هو انت فاكرني هجري اقول لهشام ان هي الي عملت كده ؟ ولا هسيبها عايشة ومبسوطه بعد ما قتلت ابني ؟
بصتلي بغل وكملت
=لازم اقتلها زي ما قتلت ابني ومن حد تكون بتثق فيه زي هشام .
_عملتي ايه ؟
= ابداً بعت مسدج من رقم غريب ليها علي اني الراجل الي ساعدها فموت ابني او الادق ابن عمها بعنوان بيته وقولتلها لو مجتيش الساعة ٥ هقول كل حاجه لهشام و لأنه كان بيغير رقمه كل شويه فمكنتش مسجلاه .
_وبعدين؟
“رجوع لذلك اليوم ”
رنت فريدة الجرس عدا ثواني وفتحت لميس
قلبت وشها وبصتلي بقرف
*خير يا حبيبتي جاية تشرفينا بزيارتك لية ؟

 

 

ضحكتلها بأستفزاز وانا بتخطاها وبدخل الشقة وببص فكل نحية فالبيت
=مفيش.. يونس الله يرحمه وحشني فجيت اقعد فأوضته شوية ، بس ايه ده انتو غيرتوا ديكور الشقة؟
ردت عليا و هي بترفع اديها فوشي و”بتخمس”
*اه .. دي الشقة كانت هتولع يوم الخميس الي فات الساعة خمسة بس ربنا ستر بقا ودبحنا خمس بقرات ووضبناها بخمس تلاف .
ضحكت علي الي بتعمله قال يعني تمنع اني احسدها
=طب انا داخلة اوضة يونس بقا .
دخلت وقعدت علي سريره ومسكت صورته ومسحت التراب الي كان ماليها ..دموعي خانتني ونزلت ابتسمت بحزن
= حقك هيجيلك يحبيبي..حقك هيجيلك يا يونس .
فتحت لميس الباب مسحت دموعي بسرعة ورجعت زي ما كنت وسبت صورة يونس علي الكومدينو تاني وبصتلها وانا بقولها بسخرية
=علي فكرة في حاجة اسمها تخبطي علي الباب لو بابي ومامي معلمهلكيش
ضحكت باستفزاز وانا بحط رجل علي رجل وكملت
=تبقي انتِ قليلة رباية يا لموسة .

 

 

اتعصبت لميس ودا كان باين جداً علي وشها
*انا مش قليل….
= الو يا صافي ..وحشتيني اوي والله
قاطعتها بتمثيلي اني برد علي تليفون جالي وده خلاها تتعصب اكتر واكتر وطلعت وقفلت الباب وراها او بمعني اصح هبدته وبمجرد ما طلعت انا ضحكت جداً وشوية ولقيتها بتخبط وتفتح الباب وجيبالي انا وهي عصير
وبتقعد علي الكرسي قدامي بعد ما حطت الصنيه الي فيها كوبيات العصير علي الكومدينو
*بابي ومامي علموني ان لو جالنا ضيف سواء كان تقيل او خفيف اننا لازم نكرمه .
ضحكت ضحكتي المعتاده
=طب كويس انهم علموكي حاجه تخليكي تباني متربية شوية .
وشها بدأ يظهر عليه الغضب تاني فكملت
= معلش يا لموسة ممكن تجبيلي كوباية مايه؟ عشان هموت من العطش بجد وعشان اخد الدوا كمان .
اتهمست وهي وبتقول
*ما تموتي ولا تغوري فداهية خلينا نخلص منك .

 

 

 

=بتقولي حاجة يا لموسة ؟
*لا يا حبيبتي مش بقول حاجه .. هقوم اجبلك المايه .
قامت تجيب الماية وساعتها انا استغليت فرصتي عشان احطلها منوم فكوباية العصير بتاعها .
*اتفضلي بالشفا ان شاء الله .
قالتهالي وهي بتديني كوباية الماية وانا وقتها كنت متأكدة انها نفسها تقول عكس الي قالته .
=تسلميلي يا حبيبتي .
قعدت وهي بتتنهد وبتتاوب ابتسمت علي خدعتها الي بتحاول تعملها عشان تمشيني بس داريت ابتسامتي دي
= ايه يا لموسة مالك ؟
*مفيش بس عايزة انام اوي .
قالتها بلؤم وانا رديت عليها بلؤم اكتر
= ليه بس منمتيش كويس ولا ايه؟
حطت لميس ايديها علي بطنها وهي بتحط رجل علي رجل وبتقول بدلع

 

 

*اه اصل الولد تعبني خالص يا فوفو تصوري منيمنيش امبارح خالص طول الليل .
اتعدلت فقعدتي وانا بفرك ايدي وبقول بتوتر ملحوظ
=ولد! ولد ايه؟
*ايه دا انتِ متعرفيش اني حامل ولا ايه .. هشام مقالكيش ولا ايه؟
اتكلمت بخنقه
= لا مقاليش .. انا مضطرة امشي دلوقتي وهبقا اجي وقت تاني اقعد فأوضتة يونس .
ابتسمتلي وهي بتتكلم بسخرية
*تنوري يا حبيبتي ..تنوري .
مردتش عليها ومشيت بسرعة روحت بيت اهلي المتوفيين طلعت صورة يونس وقعدت اكلمه واكنه سامعني كنت محتاجة اقعد لوحدي وافكر انتقامي دخلوا طفل ..طفل ملوش اي زنب غير انها امه !
مقدرش اكمل انتقامي وانتقم منه هو كمان كده مش هبقا بختلف حاجة عنها .. لازم اتأكد الاول انها حامل فعلاً ولو طلعت حامل فعلاً فانا اسفة يا يونس يا حبيبي مش هقدر ابداً اخد حقك.
نهيت اخر كلمة ودموعي اعلنت استسلامها للواقع المُر ونمت وانا قاعدة من كتر التعب .
صحيت تاني يوم علي صوت موبايلي وهو بيرن بس هو فالحقيقة المتصل مكنش بيتصل عليا .. كان بيتصل علي لميس لاني عرفت اهكر موبايلها واخلي اي مكلمه تجيلها تجيلي فتحت وكنت هرد لاني كنت لسه مفوقتش بس كان فنفس الوقت لميس ردت.
*ايوة يا ماما.

 

 

^ ها عملتي ايه مع هشام؟
*عملت ايه في ايه؟
^ما تفوقي يا لميس في ايه قولتي لهشام انك حامل؟
*لا راحت عليا نومه ونمت من امبارح معرفش ازاي ولما صحيت كان نزل الشغل … دا حتي الزفت ابن عمي دا كان باعتلي اني لو مجتش عنوانه الساعة خمسة هيقول لهشام كل حاجه.
^تفتكري قاله؟
*لا مظنش بس هبقا ابعتله اشوفه عايز اي دا .
^فالحه ، طب تفتكري هشام هيصدق انك حامل؟

 

 

*اكيد دا هيطير من الفرحة لما يعرف خصوصا بعد ما يونس مات.
^طب وبعد ما يطير من الفرحة هتعملي ايه؟
*هعمل ايه ؟
^بت متستغبيش هتجيبي العيل منين وانتِ مش حامل اصلا يا فلحه ؟
عيوني وسعت بعد ما سمعت دا ازاي في ناس كده؟ ازاي يعملوا كل دا عشان فلوسه!
كملوا وانا لسه فزهولي
*عادي هبقا اجيب اي عيل وقت الولادة واقول انه ابني .
^لا صايعة يا بت طالعه لامك .

 

 

*عيب عليكي يا ماما دا انت الي مربيني يا جميل .
ضحكوا الاتنين وانا قفلت ووقتها عزمت علي اني اكمل انتقام .

 

 

لقراءة الفصل التالي : اضغط هنا

لقراءة باقي حلقات الرواية اضغط على (رواية الحالة 710)