رواية الشقة المسكونة الفصل الثاني 2 بقلم Shádòw Helal

رواية الشقة المسكونة الفصل الثاني 2 بقلم Shádòw Helal

رواية الشقة المسكونة البارت الثاني

رواية الشقة المسكونة الجزء الثاني

رواية الشقة المسكونة الحلقة الثانية

دخلت الام بسرعه لاقت ساره مرميه ع الارض
الام : ي حبيبتي فيكي ايه ايه اللي حصل
-صحيت لاقيتني ع سريري وماما واقفه جانبي وواحد اول مره اشوفه
الام : حمد الله ع السلامه ي حبيبتي قلقتيني عليكي
ساره : ماما ايه اللي حصل فيه ايه
الام : انا لاقيتك بتنادي عليا بصوت عالي ودخلت لاقيتك مرميه ع الارض جريت اشوف حد يساعدني لاقيت جارنا دكتور عمر طالع من شقته وربنا يباركله ساعدني وكشف عليكي
~ وهنا ساره افتكرت اللي شافته وانهارت من العياط ومامتها خدتها ف حضنها وحاولت تهديها ~
عمر : حضرتك دي لازم تاخد مهدئ مينفعش نسيبها كده
الام : اعمل اللي شايفه صح ي بني
~ عمر بيدي ساره حقنه مهدئه وبتنام وبيخرج عمر مع مامتها بره اوضتها~
الام : انا مش عارفه اشكرك ازاي ي بني كتر خيرك
عمر : ده واجبي ولو حضرتك احتاجتي اي حاجه خبطي عليكي بعد اذنك
الام : اتفضل ي بني
~بتدخل الام ع ساره وهي نايمه بتلاقيها عماله تخرف دم راسه مفصوله عن جسمه دم ~
الام بتستغرب من اللي بنتها بتقوله وبتقرر تسألها لما تصحي ~
فلاش باك :
الام : هروح احضر الفطار علي ما تجهزي
ساره تقبل يد والدتها : تسلم ايديكي ي حبيبتي
بتخرج الام وساره بتقوم تدخل الحمام وبتتصمر مكانها لما شافت دم علي حيطان الحمام والارض والبانيو فيه جسم بني ادم راسه مفصوله عن جسمه ومليان دم
ساره : ماما وبيغمي عليها
باك …
والام بتحضر الغدا بتلاقي حد بيخبط ع الباب بتفتح بتلاقي ست باين علي ملامح الطيبه
ام محمد : سلام عليكم انا ام محمد جارتكوا ف الشقه اللي فوق ولما عرفت انكوا لسه ساكنين جديد جيت اتعرف عليكو
الام : اهلا وسهلا اتفضلي نورتينا
ام محمد : يزيد فضلك .. البيت منور بأصحابه
~ بتقعد ام محمد ووالده ساره يتكلموا كتير ويتعرفوا ع بعض لحد ما ساره صحيت وخرجت من اوضتها ~
الام : تعالي يا ساره تعالي ي حبيبتي .. دي ام محمد جارتنا ف الشقه اللي فوقينا .. ودي ساره بنتي اللي حاكيتلك عنها
ساره : اهلا بحضرتك .. ازي حضرتك
ام محمد : اهلا بيكي ي حبيبتي .. انا بخير الحمد لله .. استأذن انا بقي علشان احضر الغدا قبل ما العيال يجو من المدارس
الام : اتفضلي ي حبيبتي نورتينا .. بس المره دي متتحسبش لازم تنوريني تاني
ام محمد : ان شاء الله ي حبيبتي

~ بتمشي ام محمد وبترجع الام لساره وبتبقي عايزه تسألها ع السبب اللي خلاها يغمي عليها ~
الام : مالك ي حبيبتي فيكي ايه .. شوفتي يا ساره اغمي عليكي علشان مش بتاكلي كويس .. وكنتي بتقولي كلام غريب وانتي نايمه دم وراس مفصوله
ساره : لا ي ماما انا شوفت …. ( وبتخاف ساره تكمل وتقول لمامتها علشان متاعبهاش ومتخوفهاش عليها لانها تعبت معاها جدا علشان حالتها النفسيه تتحسن بعد ما باباها اتوفي )
الام بتلاحظ سرحان ساره : شوفتي ايه ي حبيبتي
ساره : مشوفتش حاجه .. ده كان كابوس .. اها كان كابوس .. انا هقوم اغسل وشي واصلي
الام : ماشي ي حبيبتي ع ما احضر الغدا
~ بتدخل ساره الحمام تاني وهي خايفه وتفضل تبص ع كل الحيطان والبانيو مش بتلاقي حاجه ~
ساره : اهو مفيش حاجه اومال ايه اللي انا شوفته الصبح ده انا اكيد بيتهيألي كويس اني مقولتش لماما علشان مقلقهاش ع الفاضي
~ ساره بتغسل وشها وبتوضي وبتخرج تصلي فرضها بتلاقي مامتها حضرت الغدا ومستنياها~
الام : يلا ي حبيبتي كلي
ساره : تسلم ايديكي ي حبيبتي .. اومال فين كراميلا ( القطه)
الام : تلاقيها ف اي حته ف الشقه كلي وبعدين شوفيها
ساره : حاضر
~ ساره ومامتها اتغدوا وبعدين ساره قامت تدور ع القطه سمعت صوتها ف اوضتها دخلت لاقت الاوضه كلها ضلمه مش باين منها غير عنين القطه مطلعه شعاع احمر ساره بتخاف وبتجري بره الاوضه ~
ساره وهي بتنهج : القطه ي ماما عنيها .. عنيها حمرا
الام : ي حبيبتي اهدي وفهميني فيه ايه .. والقطه مالها
ساره : عنيها بتطلع شعاع احمر .. وشكلها مخيف
الام : اهدي ي حبيبتي وتعالي نشوفها هي فين
ساره : ف اوضتي
~ الام بتاخد ساره وتروح اوضتها وساره بتبقي ماسكه مامتها من ورا وخايفه تدخل الاوضه وبتفتح الام الاوضه بتلاقي القطه بتلعب بالكوره ~
الام : ي حبيبتي اهدي مش بتعمل حاجه اهي
ساره : لا ي ماما انا مش عايزه القطه دي هنا مشيها مش عايزاها هنا
الام : خلاص ماشي ي حبيبتي اهدي همشيها من هنا
~ وبتحاول الام تهدي ساره لحد ما تهدي بس دماغها بتربط كل اللي شافته من امبارح للنهارده وليه هي بس اللي بتشوف الحاجات دي ~
ساره : ماما انا هدخل اذاكر شويه
الام : ماشي ي حبيبتي ربنا معاكي
~ بتدخل ساره تحضر كتابها وبتقعد تذاكر وبعدين بتسرح شويه ف اللي بتشوفه هي بتحاول تتخطي ده لوحدها من غير ما تقلق مامتها بس مش عارفه ~
ساره : لا انا هركز ف مذاكرتي اكيد دي كلها تخيلات وبتيجي تفتح الكتاب بتلاقي مكتوب بالدم *بحبك يا ساره*

يتبع…

• لقراءة الفصل التالي : اضغط هنا
• لقراءة باقي حلقات الرواية اضغط على (رواية الشقة المسكونة)