رواية الحب والخيانة الفصل الثاني 2 بقلم آلاء منيب
رواية الحب والخيانة الفصل الثاني 2 بقلم آلاء منيب
رواية الحب والخيانة البارت الثاني
رواية الحب والخيانة الجزء الثاني
رواية الحب والخيانة الحلقة الثانية
حور بصدمه : اسر انت العريس ورجعت لورا وقد تجمعت الدموع ف عينها
اسر قول أن دا مقلب قول وريح قلبي
والد ياسمين : في ايه ي حور ي بنتي مالك انتي تعرفي اسر مين
حور وقد فقدت النطق : …….….
ياسمين راحت لحور وقالت
ياسمين : حور تعرفي تسكتي خالص ومتبوظيش فرحتي وع فكرة اسر عمرو م حبك هو بس كان بيسلي وقتو معاكي وانا كنت عارفه ولو مسكتيش وصالحتي الهبل اللي انتي عملتي دلوقتي انا هقول لباباكي انك كنتي بتقبلي اسر من ورا وانتي عارفه باباكي هيعمل فيكي ايه وممكن ميخلكيش تشوفي مامتك تاني
حور بصدمه : انتي ايه انتي شيطان دا انا صحبتك أو صاحبت عمرك زي م كنتي بتقولي ليه تعملي فيا كدا
والد ياسمين : حور ي بنتي انتي تعرفي اسر منين
اسر بتوتر : اصل احنا حصل بيناا كام موقف كدا ي عمي رخمين ولا ايه ي انسه حور
حور : أيوة كلام أستاذ اسر صح عن اذنكو انا همشي انا اتاخرت
ولسه ولدت ياسمين هتتكلم كانت حور خرجت من البيت وهي بتجري واول مكان فكرت تروحو هو حضن مامتها اللي اتحرمت منو
باك
حور فضلت تفتكر الموقف ونسيت الدنيا ونامت ع رجل مامتها ونسيت ان باباها عمال يرن لحد م الفون قطع شحن
صحيت حور علي الساعه 11:30 بليل ومعرفتش هي نامت كل دا ازاي افتكرت أنها مقلتش لباباها بتشوف الفون لقته قاطع شحن
حور : يلهوي هي ناقصاك انت كمان وقعدت تدور ع الشاحن
خالي يشحن شويه واكلم بابا اقولو وبعد م الفون شحن
حور: الو السلام عليكم
والد حور : وعليكم السلام ي هانم انتي فين ي بت انطقي مبترديش ليه وقفلتي تلفونك ليه
حور: اهدا ي بابا انا عند ماما هي تعبت شويه وانا هبات عندها انهاردة ووالله كنت هقولك بس الفون قطع شحن
والد حور : ماشي ي بنتي لمي تجيلي وبعد كدا تبقي تقولي انتي راحه فين و جايه منين فاهمه
حور بدموع : فاهمه ي بابا فاهمه
واغلق والدها الهاتف
حور : ليه ي ياسمين تعملي فيا كدا ليه دا انا كنت أقرب واحده ليكي وبدأت ف العياط مجددا وأسر طب ازاي يعمل كدا دا حبو كان باين ف عنيه اووي ليا
حور وقد زادت ف البكاء اه همووووت يارب خدني عندك بقي ووقعت ع السرير ونامت تاني
صباح يوم جديد صحيت حور ع صوت مامتها وهي بتقول لها الفطار جاهز صحيت حور وجهزت نفسها وخرجت لمامتها تفطر معاها
حور : صباح الخير ي ماما
ام حور : صباح النور ي كبد ماما عملا ايه دلوقتي
حور : الحمد لله احسن كتير عن امبارح
ام حور : طيب ي حبيبتي افطر وخدي الفلوس دي خليهم معاكي ي حور وهاتي اللي انتي عاوزا
حور : طيب ي ماما
خلصت حور فطرها وودعت مامتها وراحت عند باباها ف منزل والدها
والد حور : ولله عال ي هانم لسه فاكرة انك عندك اب تسالي عليه
حور : بابا ماما كانت تعبانه اوي وكان لازم ابقي معاها
والد حور : وانا مالي بالكلام دا تلقيها بتدلع بس بقولك ايه بعد كدا كلميني ع طول ولا وحشك الضرب
حور بدموع : حاضر ي بابا عن اذنك
وجريت ع اضتها
حور بعياط هستيري : حتي بابا مبيحبنيش هو كمان بيعملني وحش
وبعد وقت والد حور نادي لحور
حور : نعم ي بابا في حاجه
والد حور : أيوة انا نازل الشغل دلوقتي وهطلع ع الشغل التاني خالي بالك من نفسك وخدي الفلوس دي خليها معاكي
حور : لا شكرا ي بابا ماما ادتني فلوس
والد حور بتعصب : هي ادتك كام
حور بخوف : 400 جينه
والد حور : طب خدي 600 معاكي اهم خاليهم معاكي واللي انتي عاوزا خدي مني انا ماشي
حور : ماشي حاضر خدت حور الفلوس ودخلت أوضتها
انا هنزل اجيب لبس بالفلوس دي والمرادي بقي هجيب لبس ع مزاجي
بعد ما والد حور نزل راح شغلو حور كمان نزلت تروح تشتري لبس جديد ع مزاجها
حور : خلاص ولا بابا ولا ماما معايا ولا هيقولو انتي لبسا ايه وعملا كدا ليه البس ع مزاجي بقي
اشترت حور لبس ضيق وقصير للغايه وكان مفصل جسمها وواضح جدا واشترت لبس كتير وروحت
وعدا اليوم وخالص وصباح يوم جديد
راحت حور مدراستها ف هي ف الصف الثالث الثانوي وقعدت مع بنات مش كويسين وقد حظرتها ولدتها عدت مرات أن تتجنب الكلام معاهم
امنيه : حور ازيك
حور : الحمد لله انتي اخبارك ايه
اروي : وحشانا والله ي حور احنا سمعنا اللي حصل معاكي من أهلك وياسمين صحبتك اللي مرضتيش تمشي معانا بسببها معليش بقي هي الضربه بتيجي من اقرب الناس ليكي
هايدي : ولا يهمك ي حور تعالي اخرجي معانا انهاردة وفكك من كلامهم دا احنا خرجين خروجه ايه لوز اللوز
امنيه : بس ي هايدي حور مبتحبش تخرج معانا
حور : لا هخرج معاكو انهاردة ومخرجش ليه انتو هتخرجو الساعه كام
اروي: ع الساعه تسعه بليل كدا
حور : متأخر اومال هنرجع امته
امنيه : متأخر ايه م قولت ليكو ي بنات حور ملهاش ف الخورجات بتاعتنا دي
حور : لا خلاص جايه مفيش حد ف البيت طبعا وانا محدش هيعرف كدا كدا
هايدي : اشطا ي بت اجهزي ع بليل وهنعدي عليكي ناخدك
حور : خلاص ماشي
وبعد انتهاء اليوم الدراسي وروحت البيت وجهزت واستنت البنات عشان تيجي تاخدها ولبست لبس ضيق جدا يبين جسمها
البنات وصلو تحت بيت حور ورنو عليها تنزل حور نزلت ليهم
هايدي بتصفيرة: واااااو ي جااامد ايه الحلاوة دي
حور : تسلمي ي قمر
امنيه : لا بس اللبس شيك اووي كان فين دا من زمان
اروي : انا اللي كنت فكراكي بتلبس واسع بس اتاري
حور بضحك : مالكو ي بنات الواحد يلبس اللي هو عاوزة الله
هايدي :طب يالا بقي هنتاخر ع الشباب
حور: ايه دا هو في شباب هتخرج معانا
امنيه : اومال ي حبيبتي انتي فاكرة ايه احنا شله كبيرة بنات وولاد
حور : بس يعني هو حد ممكن يشوفنا ويزعق لينا
امنيه : لا متخفيش محدش بيشوفنا يالا بقي هنتاخر
ومشيو البنات راحت تقابل بقيت الشله
في مكان مقرف وفي ولاد وبنات كتير وكل ولد وبنت قاعدين لوحدهم مع بعض وحور قاعده لوحدها وجيه شاب وقعد معاها
الشاب ويدعي محمد : القمر قاعد لوحدو ليه
حور بخوف : عادي مستنيه صحابي في حاجه
محمد : طيب ينفع اقعد انا كمان اصلي مستني صحابي
حور : م تقعد ف اي حته غير هنا
محمد : يعني انتي قاعده لوحدك وانا لوحدي وصحابك كل واحده قاعده مع واحد يعني دا ميبقاش حرام ي قمر
حور : خلاص اقعد وانت ساكت
محمد : اشطا ي قمر مقولتيش الجميل اسمو ايه
حور : اووف اسمي حور
محمد : اهدي علينا طيب واسمك قمر زيك ي حور
حور : شكرا
محمد : طيب ي ستي وانا اسمي محمد
حور : اتشرفنا سلام
محمد : ايه دا انتي هتمشي بسرعه كدا
حور : اه عندك مانع
محمد : طب هشوفك تاني
حور : معرفش يالا سلام
محمد : سلام
ومشيت حور روحت بيتها وعدي اليوم ع كدا وصباح يوم جديد لبست حور وجهزت نفسها وراحت لمدرستها وقبلت الشله
هايدي : حور انتي مشيتي لوحدك امبارح ليه
حور : عادي ي هايدي تعبت ومشيت
امنيه : الف سلامه ي حبيبتي وغمزت لهايدي وقالت وروحتي لوحدك ولا حد روح معاكي
حور بعدم فهم : لا روحت لوحدي بتسالي ليه
اروي : اصل محمد روح بعدك ع طول
حور : اممم لا انا مشيت لوحدي يختي
امنيه خلاص ي بنات الحصه بدأت
وكان شخص يتابع كلامهم من ف صمت وهما مش وخدين بالهم
وخلص اليوم الدراسي والبنات اتفقو ع خروجه بليل وحور قالت ماشي
عدت الايام واخلاق حور بتبوظ يوم ورا التاني بسبب الشله الضاله والفلوس الكتير وإهمال أهلها ليها وف يوم
حور واقفه لوحدها ولقت صوت وراها بيقول
هتفضلي كدا لحد امته ي حور انتي مش واخده بالك أن اخلاقك ولبسك وحياتك كلها باظت
حور وقد التفتت للصوت باستغراب :……
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الحب والخيانة)