رواية قوة الحب الفصل الخامس 5 بقلم تقى حسام

رواية قوة الحب الفصل الخامس 5 بقلم تقى حسام

رواية قوة الحب البارت الخامس

رواية قوة الحب الجزء الخامس

رواية قوة الحب الحلقة الخامسة

نرمين بصريح. بابااااا
السواق. انا هطلع على المستشفى
الحرس طيب يلا احنا هنيجي معاك وهبلغ عاصم بيه بالي حصل
في المستشفى.. عايدة الناس دي عايزه مننا ايه مصيبه ليكونو عنيهم على البنات
الجد. متقلقيش الحرس هيفضلو معاكو والبوليس قبض عليهم
عايده بإنفعال. وانا اضمن منين احنا شقتنا دور ارضي وسهل اوي انهم يوصلولنا الموضوع مش زايكو كده انتو مأمنين نفسكو و هما حاطين البنت في دماغهم والراجل كان هيروح فيها استر يارب
الجد. مدام عايده احنا ممكن نجيب ليكم شقه في مكان آمن وهنزود الحرس ومحدش فيكو يخرج
محمد. خلاص يا عايده اهدي ممكن اساسا ميكونش قصدنا ولا قاصد البنت ميعرفوهاش اصلا وهما جايين على فيلاتهم لو كانوا عايزنا كانو جم علينا
الجد. بضبط ودا اللي انا عايز اوضحه اهدي يا هانم وانتو يا بنات بطلو عياط عدت على خير وعاصم هو وياسين في القسم دلوقتي بيبلغو إن شاء الله خير
في القسم…
الضابط. عاصم بيه طلاما جايلك رساله تهديد انهم هيخطفوها يبقى الموضوع مش سهل احنا اه قبضنا على مجموعة بس متنساش انهم ليهم طروف برا هما عايزين يهددوك بيها
عاصم بحيره . طيب والعمل؟ اسيبهم كده لغايه ما البنت يحصلها حاجه بسببي حضرتك عارف يعني ايه بنت تتخطف وهي اساسا مالهاش ذنب في كل دا

الضابط. والله انا شايف حل مناسب
عاصم. وايه هو بقى!
الضابط. انك تتجوزها بسررعه ما انتو كده كده مخطوبين اتجوزو وسافرو دلوقتي برا علي أما نعرف نجبهم وهناك هتبقى في مكان آمن وبرضو يبقى معاكو حرس لحسن حاليا بسهوله هيوصلولها وبصراحة بقى انا شايف انك مسؤل عن خطيبتك خصوصا انها ساكنه في حي شعبي وارد اوي انهم يتعرضولها
عاصم بصدمه. لا انت فاهم غلط احنا معارف بس مش مخطوبين
الضابط. يعني ايه مش حضرتك يا استاذ ياسين اكدتلي انها خطبتو؟
ياسين. ايوه ايوه هو يقصد بس انهم لسه يادوب عارفين بعض وكمان دي مهمتكو انتو
الضابط. ولله واحنا مش مقصرين وبنقوم بشغلنا بس برضو الموضوع مش بسهوله دي ماهو مافيش حاجه تثبت إن عيله غفران هما اللي ورا الكلام ده ورجالتهم مبتخلصش
عاصم. طيب طيب انا هروح على المستشفى دلوقتي
في العربيه.
عاصم هتعمل ايه؟
عاصم. مش عارف
ياسين. انت مش عرضت علي باباها خمسه مليون كمكفأه هما بقى هيشوفو لنفسهم شقه في منطقة احسن وانت عليك توفرلهم حرس
عاصم. اولا باباها رافض المبلغ ثانيا البنت دي لو حصلها حاجه بسببي انا مش هسامح نفسي ابدا الطبيعي ان الراجل اللي بيدافع عن الست مش العكس وهي عرضت حياتها للخطر عشاني مش هسبها بسهوله كدا ثالثا كنت بفكر اسفارها برا بس برضو يقدرو يوصلولها

ياسين. طيب هتعمل ايه!؟ الموضوع دخل في الجد
عاصم غمض عينه بحيره.. مش عارف ومش عارف اروح اقولها ايه دلوقتي كانوا قصدين يهجموا عليكي وباباكي كان هيروح فيها
في المستشفى. جرمين يلا يايوسف أسند بابا معايا
عايده. على مهلك يا محمد ربنا ميخسرناش فيك
الجد. انتي زي حفيدتي زينب وانا مش هسيبك ولو اتأكدت انهم قصدينك انتي صدقيني هقف جمبك
نرمين بخوف وعياط انا خايفه اووي
عاصم. متخافيش يا آنسه زي ما جدو قال احنا مش هنسيبك
نرمين. بس دول حطني في دماغهم انا كنت فاكره ان العربيه اللي كانت ماشيه ورايا امبارح دي صدفه بس السواق قلقني وكمان نفس العربية شوفتها واحنا جايين ليكو
عاصم. طيب وماقولتيش ليه؟
نرمين بعياط . مكنتش اعرف انها مقصوده
عاصم. يا محمد بيه ارجوك تقبل المبلغ اللي ادتهولك
محمد. يا بني ما قولنا خلاص
عاصم. طيب على الأقل ممكن متروحش شقتكو احنا عندنا شقه قريبه مننا ومفروشه اقعدو فيها ولو لفتره مؤقته على اما نشوف حل
عايده بسررعه. ماشي موافقين انا مش هستني لما واحده من بناتي يحصلها حاجة
ياسين. طيب واي حاجه عايزنها من الشقة بتاعتكو قولولي وانا هكلم حد يجبهالكو
جرمين. عايزين هدومنا والكتب بتوعي انا ويوسف ودول كتير وفيه حاجات ضروري انا اللي اجبها
ياسين. وماله وانا هاجي معاكي بكره ان شاء الله كلميني ونروح سوا
جرمين. ماشي

في الصباح
نرمين واقفه في البلكونه بتبص على الحرس وخايفه طول الليل هي وأسرتها
عايده. يعني كان لازم دور الشهامه يا نرمين هانم وانت يا محمد مش عارف ان ظروفنا صعبه وهنضطر نقعد كلنا في البيت ومحدش يخرج كان لازم يعني ترفض الفلوس اللي عرضها عليك
محمد. مقدرش اقبل مبلغ من حد يا عايدة وانتي عارفه كده
عايده. وهو مش بيتصدق علينا هو بيشكرك على واقفه بنتك جمبو وبعدين ايه خمسه مليون عندهم بالنسبه ليهم مبلغ بسيط واحنا في أشد الحاجه ليه
محمد. ربنا يسهل ربنا يسهل اسكتي بقي
عايده. احنا كبرنا واولادك لسه صغيرين ومعندكش ولد كبير يخلي باله منهم لازم نأمنلهم مستقبلهم عايز تفهمني لو بنتك حصلها حاجة هما هيتصرفوا مهما كان دي مش بنتهم
محمد. بعد الشر على البنت خلاص يا ستي هقبل الفلوس استريحتي
جرمين. اهدي يا نرمين اهدي يا حبيبتي بقى وبطلي عياط ايه رايك تدخلي تنامي شويه اهم الحرس تحت وهنا المنطقة امان وكلنا صاحيين
يوسف. ايوه هي معاها حق وكمان عاصم بيه وياسين جايين في الطريق والحرس هيبقو اكتر
نرمين. بجد عرفت منين
يوسف. عاصم كلمني
نرمين. ماشي كويس حاضر انا هحاول انام
بعد شويه الباب خبط
جرمين. اتفضلو صباح الخير
ياسين وعاصم دخلو. صباح النور عاملين ايه دلوقتي؟
جرمين. منمناش من امبارح وطبعا نرمين منهاره لسه داخله تنام حالا لما عرفت إنكو جايين اطمنت
عاصم بحزن. انا بجد اسف على كل اللي بيحصل بسببي ده
محمد. يابني وانت ذنبك ايه منهم لله معندهمش نخوه ولا خوف من ربنا
يوسف. هو انا لو اختي حصلها حاجه انت هتسبها!
عاصم. فضل ساكت شويه
ياسين. احم طيب يلا يا انسه عشان تجيبي الحاجات بتاعتكو
جرمين. حاضر انا جاهزه
عايده. فاكره هتجيبي ايه اوعي تنسى اللي قولتهولك
جرمين. متقلقيش
عايده. استاذ ياسين

ياسين. نعم
عايدة برجاء. اعتبرها اختك الصغيره وخلي بالك منها
ياسين. هي فعلا اختي وفي عنيا
جرمين. يلا بينا سلام عليكم
يوسف. عاصم بيه ماجوبتنيش على سؤالي؟
عاصم. لا يا يوسف اكيد مش هسبها
يوسف. وهتعمل ايه ماتقولش تدينا فلوس لأنهم مش هيطلبو فديه
عاصم. لا ياسيدي لإن كده كده هتاخدو الفلوس مافيش في النقطه دي خلاف لاكن بالنسبه للأنسه نرمين فأنا بصراحة مش لاقي غير حل واحد ودا في أديكو
الكل بأستغراب. حل ايه قول
عاصم. احم اتجوزهااا

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية قوة الحب)