رواية التضحية الفصل الثامن عشر 18 بقلم آية حسن

رواية التضحية الفصل الثامن عشر 18 بقلم آية حسن

رواية التضحية البارت الثامن عشر

رواية التضحية الجزء الثامن عشر

رواية التضحية الحلقة الثامنة عشر

شهد: مبروك عليك النجاح وعقبال بدلة التخرج والفيلو الابيض، الكل عندي يباركولك 🤍🦋
سارة: يبارك فيك، ربي يخليك ليا شهودي، سلمي ع الكل ❤
وقفت زينب بعد ما سكرت سارة الخط ولفتت انتباه الكل
زينب: بعد اذن شهودي، وانشالله نشوفك احسن مهندسة بعد الشيب اللي بيركبك في قرايتها😂 نبي نعزمكم علي حفلتي يوم …………بعد اسبوع والكل معزوم نتمنى من الكل يشرفني ياريت 🥺
في الاسبوع عمتكم شهد تهيج بالسيارة الجديدة مع زينب، كل مرة يمشو لمكان، دارو جلسة تنظيف بشرة، ولشركة التغليف غلفو البتات وجوهم جميل، تغدت شهد عند زينب وروحت 🦋
سارة عزمت سعاد وليال، شهد بطبيعة الحال مع زينب في كل شي هي وندى، ومريم وكتاكيتها وبطنها قدامها😂 مرام اعتذرت لانها بتسافر للاردن وخلاص حجزت ف متقدرش🥺
جي يوم الحفلة، شهد كالعادة مع زينب في دار العروسة، مريم تتوجع شكلها بتجيب😓❤، ندى تكلم في نوري🖇 شهد حست بمريم تعبانة كلمت معاذ روح بيها بدلت حوايجها ورفعها للمستشفى، 🥺💔
الصالة كانت مشتركة بين العروسة والعريس يعني سارة وشهد مع بعض، تليفون سارة عند شهد، اتصل علي سكرت عليه شهد 🙂💔
شهد: سارة، عليوة اتصل بيك سكرت عليه، جت خويلة! 🤔
سارة: عادي ماادوريش، اي هي وليال وصلو 🤤🕊
شهد مشت لسعاد وكالعادة غزل في شهد 🤤🤤
سعاد: الله واحد عليك، المفروض مدايرة تعليقة عين علي شكلك وقوامك هدا😍🤤🕊
شهد: والله عادية، حتى مكياج مش حاطة، شوفي هاا🥲
سعاد: مش كل شي مكياج، الجمال من ربي ي بنتي ❤

ليال: وانتي الصادقة، جمال داخلي وصابغ علي الخارج 🤤
شهد: للامانة الكلام يخجل، شن جو عليوة 🤔
سعاد: الحمد لله، يبي يدير فضانية وتلبيسة في نفس اليوم، اني قلتله مزال لين تتخرج، هو معش مزاله هلبا 🥲❤
شهد: ديري فضانية توا، والعرس مزاال 🥲
ليال: نفس كلامي، لكن حتى الفضانية تبي تنسيق وهدايا زي مايديرو بنات توا 😒❤
سعاد: عندنا شهودي، تو هي تتكفل بكل شي، ولا تضايقي 🥺
شهد باست يد سعاد: قداش عندي خاله اني! 🥺🥺💔
فجاة جت ندى: شهودتي، مريم تعبانة في المستشفى قالو ولادتها صعبة 😭💔
شهد طلعت بش تكلم معاذ تطمن علي مريم، خلاص العروسة بتروح وجي وقت حدفة الباقة، شهد مش في بالها بكل الموضوع وقفو باقي البنات ورا زينب وجت الباقة في يد ندى انشالله ربي يكتبلها عرس حلو ندى 🖇🌸
شهد: شن صار؟ جابت؟ مريم جابت يا معاذ؟ 🥺💔
معاذ: اي اي مريم جابت، جابت عاابد 🕊
سماه عابد علي اسم بوه، شهد فرحت وبشرت الكل وكلهم فرحو لمريم لانها طيبة ❤
سعاد: شهودة اسمعي اخطمي عليا غدوة في المدرسة الصبح نبيك 🥀
شهد: اي حاضر بنمشي لمريم ونجيك مع 11تمام 🦋
سعاد: كوييس، تصبحي علي خير بنيتي 🥀
تمت الحفلة والحمد لله زينب روحت لحوشها وتهنت مع شخص ليها سنين تحبه🥺❤
شهد تفكر في مريم وخطر عليها موضوع سعاد، زعما شن تبي؟ 🤔🤔
ثاني يوم🔥
وصلت شهد ع الموعد لسعاد لقتها تستنى فيها قدام الباب
شهد: اسفة عطلت عليك.، هاا وين اتجاهنا توا؟ 🤔🦋

سعاد: ماادوريش اصلا اني كيف طلعت، عندي محلات نبي نمشيلها، هي تو ننعتك…❤
مشت شهد وسعاد شرت دبلة وخاتم، وتاكم وحجزت بكلاوة وغلفو الذهب وروحو …💍🎁
وصلو قدام الباب ليال فتحت خدت الكيسات ، شهد وسعاد قعدو شوية في السيارة 🥀
شهد: خلي البيان امتا ما يفضو الناس لان يادوب عرس سامر امس تم، وسارة اني نكلمها نجبد منها الدوة، عادهم حق تلاتة سنين مع بعض ويستنو في اليوم هدا خلي يجيهم حلو وقنين🖇🦋
سعاد: اي صح تلاتة سنين معدبينك، انشالله تسامحيهم 💔
شهد: السماح من ربي وهدا نصيب وقدر، مايقدر حد يوقف في وجهه🦋
تم الاتفاق علي موعد الفضانية والبيان،💍
شهد مع ليال في كل شي🦋🖇
سامر واخيراا اعترف ب علي وتقبله 🥲
دارو الفضانية وجي وقت تلبيس الدبل💍
شهد تتكلم: نكدب لو نقول ما تمنيتش عاللحظة ليا اني لكن الله غالب نصيبات 🥺💔
سعاد وليال عيونها علي شهد لين لبسو الدبل وفجاة …شهد اطيح من طولها، اغمى عليها مسكينة 💔
ليال طول عيطت اول ما شافتها، سارة خافت علي شهد، زينب طول كلمت سامر قاموها في سيارة سامر ومشو بيها للمستشفى، 😓
سعاد من شدة الصدمة ماتحركتش من مكانها، شهد عندها زي ليال تماماا😔💔
ليال خدت سيارة شهد هي وامل وسعاد وورا سامر
امل طول الطريق تبكي علي بنتها وماوقفتش نهائي😭
امل: قلبها ناض عليها، شهد مريضة قلب، ولا نسيتو؟💔
وصلو للمستشفى وطول شهد للعناية طلع الدكتور وقال: قلبها رجع ناض عليها، ادعولها ازمة قلبية راه😔
ثاني يوم …
شهد تليفونها عند ليال في رقم يتصل هلبا 🤔
ليال: آلو مني؟ اني صديقة شهد وهي في المستشفى، تفضل
المتصل: اني صديق قديم اسمي محمد شهد تعرفني جيت من مصراتة عندي شغل وحبيت نشوفها الحق، وين المستشفى ابعتيلي موقعك لو سمحتي اني جاي ☺️
بعتت ليال الموقع ووصل محمد، نزلت استقبلاته في ساحة المستشفى لان الكل فوق وحكتله اللي صار وكيف طاحت، محمد انعجب بيها وليال بادلت نفس الشعور🕊🥀
في نفس الوقت شهد فتحت عيونها لقت سارة واقفة عليها
سارة: اسفة شهد، كله مني اني، اني كسرتك ومزال نكسر فيك، سامحيني يا شهد 💔
شهد تتكلم بصعوبة: اول شي اني من وفاة عبد الرحمن نعاني، ثاني شي مافيش حد غالط، هذا نصيب، ربي يهنيكم كلكم والله ما نودلكم الا كل الخير وربي يعرف🦋🦋

طلعت سارة ودمعتها في عينها: شهد فاقت، ابلة امل خشيلها
شهد: امي، عمري بالله عليك روحو كلكم خلو ليال ولا ندى بس روحي ريحي روحك وتعالي الصبح ي ماما🥺🦋
امل: تمام به تو ليال تقعد، ندى امها مريضة ماتقدرش تقعد معاك🥺
وفعلا الكل روح الا ليال قعدت بجنب شهد تحكيلها ع كل اللي صار معاها 💔
ليال: لكن في حد جايك من بعيد ويبي يشوفك توا جي 🌸
شهد: اني قلت الكل يروح والا لا؟ منو ترا؟ لو علي قوليله يروح مانبيش حد يقعد معاي الا انتي 🥺💔
ليال: لالا حد مش من اللي كانو موجودين، تفضل محمد🌸
محمد: سلامتك يابنت سيدي، ماتشوفي شر، عاش من شاف هالوجه وهالعيون 🥺💔
شهد مصدومة: محمد! كيف حالك وكيف وصلت هني وعرفت مكاني؟ 🤭🥺
محمد: الحلو هدا قالي وجابني هني، قلت نطمن عليك. 🤤
شهد: ههههه، عسل البنت اصلا مافيش منها مهما دورت😉
ليال: ربي يخليك ليا ويشفيك يارب العالمين 🥺
محمد: الله غالب عليا اني وخلاص، ااه لحظات العيلة تتصل شوية ونرجع هي 🥀
طلع محمد وليال قعدت تحكي لشهد عاللي في قلبها كله وبكل احساس🤤
ليال: طرف الولد الحق، نعجبت بيه، 🥲🥲
محمد سمعها خش وقال: بجد الكلام؟ اني من الاخير شخص واضح وصريح، اني حبيتك يابنت! ❤
شهد: اني مريضة وصارت قصة حب، فعلا يحيا الحب😂❤
فاتت الليلة ومحمد مع شهدوليال ماروحش للصبح، بعد ساعتين طلعت شهد من المستشفى مع امها وليال واخدة سيارتها وفرحانة ب محمد بدو حب وتعارف مع بعض
روحت ليال بدلت وطلعت بالسيارة ومعاها علي بسيارته بش تحط لشهد سيارتها وتروح مع خوها ❤️‍🩹
سارة ع الخط: غدوة بنمشيلها مع زينب مرت خوي 💕
علي: به تمام، هي سكري قريب نوصل، سلام حبي❤
شهد عندها ندى ومرام ومريم، مرام بعد جهد جهيد حملت 🤰🏻، ندى تشكي من نوري بوه ليه فترة طويلة متوفي ومزال حازن عليه وياجل في العرس وحالة😓
وصلت ليال طلعت شهد لانها بتكلم علي قبل ما يطلع
شهد: حماتك داخل، خشي هي خوها قاللها وعجبتيها😂
ليال: خيره يجري هو كله بسرعة، مساوية لبستي؟ عليوة يراجي فيك اني بنخش هي 😂❤
علي: شن صحتك اليوم انشالله بخير؟

شهد: الحمد لله بخير، نبي نقولك حاجة اسمعني للاخير، انت زمان لما سامر كشف سارة مارضيتش صح؟ انت اليوم في مكان سامر شن بتكون ردة فعلك؟ 🦋
علي: اني حسيت ان في شي صاير مع ليال اختي، 😒
شهد: اي صح، اخت الشاب عندي توا، العيلة بصفة عامة الله يبارك، والشاب زي هالوجه، وانت تعرفني اني شنو صح؟ 🥀
علي: اني مش خايف من ليال لان نعرفها اختي دماغها كبير، اني تو نكلمه ونعرف كيف نتصرف ماتخافيش، سلم وخيتي انتي مفضلة علينا هلبا الحق ❤
شهد: سلمك ربي يحفظك، هي يومك قنين 🦋
خشت شهد قعمزت مع البنات شوية واتصل نوري بندى ❤
ندى: اهو نوري هي، بينكد عليا حتى واني عندك ي شهد 😓
شهد: كان نكد هاتيه نكلمه، كله الا زعلك انتي 🥺💔
ندى: ايوا نوري، شنجوك عمري، اني عند شهد راهو ☺️💔
نوري: اني تمام ي قلبي، سلمي عليها ماردتش عليا اتصلت بيها، المهم عمري بنقولك حاجة ضرورية ☺️
ندى: اي تليفوها مش جنبها، قول حبيبي قول 🥴
نوري: بتاتك واتي ولا؟ حجزتي الصالة؟ كملتي كل شي؟ 🤔
ندى: اي لكن الحجز مفتوح علي خاطرك🥲علاش؟
نوري: به كويس، بعد اسلوعين عرسنا ي غزالة تمام🔥

ندى مصدومة ونوري سكر عليها وهي ولا صوت 🤭🤭
شهد: خيرك شن فيه؟ شن قال نوري؟ ندى تكلمي🥺💔
تمت الغاء فكرة تقسيم الرواية لجزئين، الرواية مستمرة كما هي 💌