رواية حياة عبدالرحمن الفصل العاشر 10 بقلم عبدالرحمن حمدي
رواية حياة عبدالرحمن الفصل العاشر 10 بقلم عبدالرحمن حمدي
رواية حياة عبدالرحمن البارت العاشر
رواية حياة عبدالرحمن الجزء العاشر
رواية حياة عبدالرحمن الحلقة العاشرة
(بالفعل اكلت من ايديها)
منه:انا هقوم اودي الحاجات المطبخ وجايالك بسرعه
مسكت ايديها قبل ما تقوم
انا:منه
منه:قلبها
انا: عايز اعترفلك بحاجه مهمه
منه:في ايه يا عبد الرحمن
انا:حاجه خطيره اوي
منه:في ايه انا ابتديت أخاف
انا: كنت عاوز اقولك اني مش بحبك ولا عمري حبيتك
منه بصدمه وذهول: ايه انت بتقول ايه
انا:فعلا أنا مش بحبك انا بعشقك اهلك يا شيخه
منه:طب ما انا عارفه
انا:تحبي اسميها ثقه ولا غرور
منه:براحتك
انا:وانتي بتحبيني ولا لا
منه:لا
انا:ليه
منه:اهو كده
انا:كدابه
منه: ازاي
انا:عشان عيونك بتقول غير كده عيونك فاضحاكي يا هانم
منه:ما هو المشكله في لغة العيون انها بتفضح الواحد بنظره وتبين اللي في قلبه
انا:طب تعالي في حضني وانسي اللي حصل
تجري منه في حضن عبد الرحمن وتبدأ بالبكاء وعبد الرحمن يطبطب عليها ويملس على شعرها
انا: خلاص بقى كفايه عياط ششششش بس بس خلاص اهدي
منه:خلاص اهو مش بعيط
انا:يعني ينفع القمر يعيط
منه:طب واللي يخلي القمر يعيط يبقى ايه
انا:يبقى حمار
منه:ماشي يا حمار
انا:بتقولي حاجه
منه:لا ابدا
انا:طب تعالي
(شيلتها وشقلبتها راسها تحت ورجلها فوق)
منه:نزلني يا طويل يا اهبل
انا:لا هاتي بوسه وانا انزلك
منه:واديك بوسه ازاي وانت مشقلبني
انا:احلفي
منه:لو مش خايف عليا خاف على اللي في بطني
انا:اوعي تقولي انك حامل
منه:حامل ايه انا قصدي اني واكله وممكن ارجع في وشك
انا: يا شيخه جاتك القرف بس برضه زي العسل
(يعدل عبد الرحمن منه)
انا:يلا بقى عشان عايز انام تعبان
منه:طب خد حط الترمومتر في بوقك … حلو اوي درجة حرارتك طبيعيه
انا: طب انا هطلع اتفرج على التليفزيون
منه:طب انا جايه معاك
(قعدنا نتفرج على التليفزيون واليوم عدى عادي جدا لغاية ما وصلنا لليل)
انا: جهزتي الفشار
منه: اه جهزته
انا:طب يلا دا فيلم حلو اوي
منه:يلا
انا:بقولك ايه شيلي الفشار خلاص مفيش سهر
منه:ليه غيرت رأيك
انا:عشان سهرتنا النهارده في السينما فيلم رومانسي تحفه
منه:ربنا يخليك ليا ثانيه واكون جاهزه
انا:قصدك ساعه
(بعد ساعه فعلا )
منه:انا جهزت
انا: مفيش خروج
منه:ليه
انا:امسحي القرف اللي على وشك
منه:حاضر
(بعد خمس دقايق )
منه:حلو كده
انا: لسه في روج في شفايفك
منه:دا روج صعب يتشال مش عارفه اشيله
انا:طب هشيلهولك انا
(يعطي عبد الرحمن بوسه لمنه في شفايفها لغاية ما الروج اتشال)
انا:بس كده اهو اتشال
منه:انت قليل الأدب
انا:وانا بموت في قلة الادب
منه:طب يلا عشان منتأخرش
(ركبنا العربيه ورحنا السينما )
انا:ارتاحي هنا وانا هروح اجيب فشار
منه:تمام بس متتاخرش
(بعد ربع ساعه)
انا:انا جيت اتأخرت عليكي ها الفيلم حصل فيه ايه
منه:…..
انا: مالك وشك مخطوف ليه
منه:الشخص اللي ورا دا بيعاكسني
انا:طب خليكي هنا هو خرج بره انا هخرجله
(بالفعل خرجت وراه لقيته مخرج سيجاره)
انا:خد ولعه
الشخص:ها انا مبدخنش
انا:امال مطلع السيجارة ليه
الشخص:ها ….. ماهو …… حضرتك عايز ايه
انا:انا عبد الرحمن ظابط حربيه
الشخص بلع ريقه بالعافيه :ت…..ت…..ت…..تشرفنا
انا:شايف المسدس دا دا تبع الشغل
الشخص:طب ممكن تشيله حضرتك لاحسن السلاح يطول
انا:لا متخافش مش هيطول بس بقولك ان السلاح دا معايا في كل حته وليا حق استخدمه في اي وقت انا باخد مكافئات على كل رصاصه بضربها وانا طبعا عايز ازود دخلي وعايز فلوس اصل بعيد عنك انا مزنوق اليومين دول طب تعرف كمان اني لو قتلت اي حد بسلاحي محدش هيقولي قتلته ليه بالعكس هيقولوا كلب وراح واخد مكافأة أكبر
الشخص:حضرتك عايز ايه بالظبط
انا:شايف المدام اللي انت عاكستها جوه دي تبقى مراتي اقسم بالله ما اشوفك عاكست اي واحده سواء هي او اي ست تاني هزود دخلي عليك
الشخص:انا اسف يا باشا مش هتشوف وشي تاني
انا:يلا غور مشوفش وش امك هنا تاني
(يلتفت عبد الرحمن وراه عشان يلاقي منه)
انا: انتي هنا من أمته
منه:من أول ما طلعت المسدس بس بجد انت علمته الأدب
انا: دا لو حد فكر يمس شعره منك او يكلمك بس هتشوفي عارفه هعمل ايه
منه:هتعمل ايه
انا:هدفنه حي
منه: مش يلا نمشي بقى انا بردانه اوي
انا:يلا
(واحنا في الطريق منه شافت حاجه )
منه:اقف هنا بسرعه
انا:في ايه
منه:بص كده امين الشرطه دا بيعمل ايه
انا: ثواني كده اشوف
(بصيت لقيت امين شرطه بيعتدي على ست بتبيع موز وعايز ياخده منها)
انا:منه خليكي هنا انا هروح اشوف في ايه واجي
منه:خد يا عبد الرحمن ملناش دعوه احنا ناقصين مشاكل
انا: استني بس هشوف فيه ايه
(اتجهت لأمين الشرطه)
انا: يا جدع يا جدع انت بتعمل ايه
امين الشرطه :وانت مالك انت ملكش فيه
انا: يا عم براحه على الست
امين الشرطه:دي تعليمات من حضرة الظابط
انا: التعليمات دي تتنفذ بس بالاصول براحه على الست
امين الشرطه: غور من وشي دلوقتي بدل ما احبسك
انا:لا انت زودتها اوي
(مسك عبد الرحمن أمين الشرطه ونزل فيه ضرب)
ظابط:ايه التهريج دا وازاي تتعدى على امين شرطه أثناء تأدية عمله
انا:قبل ما تزعق اقف انتباه واعرف انت بتكلم مين
امين الشرطه: هتكون مين يعني
انا:اتفضل البطاقه يا حضرة الظابط واقرا لو بتعرف تقرا
امين الشرطه: جبلي حقي يا باشا
الظابط:يا شيخ اتنيل حقك ايه احنا اتحبسنا شكلنا كده هنتنقل الارياف اتفضل يا عبد الرحمن باشا استريح
امين الشرطه: باشا ايه
الظابط:يا شيخ اسكت انت هتودينا في داهيه اعتذر حالا لعبد الرحمن باشا
انا:لا ميعتذرش ليا انا يعتذر للست
امين الشرطه: اسف والله يا حجه
انا:بوس ايدها
(بالفعل باس ايدها)
انا:يلا بوس رجل الحاجه
الحجه:لا يبني بلاش كسرة النفس دي وحشه اوي
انا:يعني ينفع اللي عمله دا يا حجه
الحجه:هو بينفذ شغله لكن انا ست غلبانه على باب الله يا دوب ببيع الكام كيلو موز واجيب اكل للعيال والمعاش بجهز بيه العروسه
انا:اتفضلي يا حجه دي يومية شهر كامل وبكره هعدي عليكي نشتري شوية حاجات لعروستنا
الحجه:كتر خيرك يبني انا باكل لقمتي من عرق جبيني انا مش شحاته
انا:ومين قال انك شحاته دا رزق باعته ربنا انتي هترفضي الرزق ولا ايه امسكي
الحجه:كتر خيرك يبني ربنا يسترها معاك ويكفيك شر المرض يا رب
انا: امين يا رب يلا بقى يا حجه العيال زمانهم جعانين
(مشيت الست)
انا:تعرف لولا انها سامحتك انا كنت هعمل فيك ايه كنت هعلقك مكانك كده احترم البدله الميري اللي انت لابسها دي البدله دي قيمتها كبيره بلاش تخلي الناس تكرهك كده انت هتوصل فكره وحشه عننا
امين الشرطه: اسف يا عبد الرحمن بيه واوعدك مش هتتكرر
انا:طب يلا شوف شغلك اللي كنت بتعمله بس بحذرك اهو لو شوفتك……..
الظابط:من غير ما تكمل يا عبدو بيه انا ساعتها اللي هتصرف
(رحت للعربيه تاني)
انا:اتأخرت عليكي
منه:……….
انا:ايه مش بتردي ليه
منه:انت مع كل موقف بتثبتلي اني اخترت صح
انا:منه حبيبة قلب بودي مش ناسيه حاجه
منه:ايه
انا:البوسه بتاعتي
منه:مينفعش في الشارع الناس يقولوا علينا ايه
انا: هيقولوا عيل صايع شاقط بنت من جامعة الدول
منه:طب يلا نروح عشان انا نعسانه اوي
(بالفعل روحت البيت )
منه:اخيرا هنام كان يوم مرهق بشكل يلا انت كمان عشان تنام
انا:يلا يا حبيبتي تصبحي على خير
منه:وانت من اهل الخير
(صحينا تاني يوم عادي جدا فطرنا مع بعض ودعتها ورحت انا شغلي)
في المقر
انا: السلام عليكم
اللواء: وعليكم اتفضل يبني
انا: من خلال ظابط المباحث اللي حضرتك قولتلي انه ماسك القضيه قدر يجمع معلومات مهمه جدا عن الشخص اللي فجر نفسه ودا عنوانه ودي السيره الذاتيه
اللواء:هو كلام جميل وكل حاجه بس مش هيفيدنا في القضيه
انا:ازاي حضرتك
اللواء:انا قولت مش هيفيدنا يعني مش هيفيدنا يعني مش هيفيدنا كتر كلام مش عايز ويلا شوف شغلك
انا: عن اذنك
(خرجت من مكتبه)
الموبايل بيرن
اللواء: الو يا باشا الواد دا وصل لحاجات كتير اوي هيعملنا ازعاج كبير اوي
مجهول:اتصرف
اللواء:انا بفكر نخلص عليه
مجهول:احنا هنخلص عليه بس مش دلوقتي انا عايز اوصل لحاجه مهمه
اللواء:أمر سيادتك عن اذنك انا هقفل عشان اشوف هعمل ايه في الواد دا
مجهول:وانا قولتلك اقفل
اللواء:اسف يا باشا
مجهول:طب يلا غور من وشي
(وصلت البيت وبخبط على الباب وبغني )
انا:افتحي يا منه افتحي يا منه
فتحت منه الباب
منه:يبني انت مش معاك المفتاح لزمته ايه الصداع دا
انا:مينفعش لازم انتي تكوني اول واحده اشوفها لما ادخل البيت
منه:طب يلا كفايه كلام خش غير هدومك وتعالى اتغدى عشان تستريح
(رحت غيرت هدومي واتغديت بالفعل ونمت شويه لغاية المغرب)
منه:بودي يا بودي اصحى يا واد
انا:منه
منه:قلب منه اصحى بقى احنا المغرب
انا:انتي بتقولي ايه طب وسعي انا عندي معاد مهم النهارده ومش عايز اتأخر
منه: يعني مش هتخرجني النهارده
انا:كان على عيني يا حبيبة قلبي بس الشغل يحكم
(دخلت اخدت شاور وصليت فروضي ولبست عشان انزل )
منه:ايه الشياكه دي انت محسسني انك نازل تتجوز
انا: وهو اللي يشوفك ويعيش معاكي يفكر يتجوز تاني دا يبقى حمارين مش حمار واحد
منه:يبني انت مش قدي انا لو لويت بوزي مفيش سباك حتى هيعرف يعدله
انا:مع السلامه هروح مشواري وارجع نتخانق لغاية النوم ايه رأيك انا عارف ان هرموناتك اشتغلت
منه:طب يلا مع السلامه
(نزلت من البيت وروحت لأهل الشخص اللي فجر نفسه )
وصلت للعنوان وخبطت على الباب عشان تفتحلي شابه صغيره في السن لابسه اسود
انا:السلام عليكم
الست:وعليكم حضرتك مين وعايز ايه
انا: مش ده بيت المرحوم حسام
الست بعياط:اه هو
انا:انا كنت صاحبه بس كنت مسافر ولما عرفت باللي حصل جيت على طول
الست:يطقعني سايباك على الباب اتفضل يا استاذ
انا:يزيد فضلك
الست:استنى اعملك حاجه تشربها
انا:لا ملوش لزوم انا جاي اعرف منك كام حاجه
الست:اتفضل
انا:ملاحظتيش اي تغيير على المرحوم قبل ما يموت
الست:كان بيكون بره البيت كتير وكان بيقفل على نفسه الاوضه ودايما باله مشغول
انا: ها وإيه كمان
الست:احنا ناس على قد حالنا جوزي كان شبه عاطل بس اخر كام يوم قبل وفاته كان بيديني فلوس كتير اوي اقوله جبتهم منين يقولي ربنا بيرزق
انا:طب ملاحظتيش كمان كان بيقعد مع مين
الست:اه هو قبل ما يموت كان اتعرف على ناس جديده وكان بيكلمهم في الموبايل كتير اوي
انا: اسمهم ايه الأشخاص دي
الست:انا معرفش اسمهم ايه بس هو كان دايما لما يتكلم في الموبايل كان يقول يا باشا ويا فندم و حضرتك
انا:طب شوفتيه مع حد من الناس دي
الست:لا هو كان بيقابلهم بره البيت
انا: شكرا على المعلومات الجميله دي اتفضلي اقبلي مني دول
الست:خيرك سابق يا بيه متشكرين
انا:متزعلينيش منك المرحوم كان اخويا
الست:تشكر يا باشا
انا:مضطر استأذن وهبقى ازوركم من وقت للتاني
الست:طب حضرتك اسمك ايه ولا بتشتغل ايه
انا:هتعرفي بس بعدين مع السلامه
(روحت البيت )
خبطت على الباب
انا:افتحي يا منه
منه:قلب منه جه ادخل غير هدومك وتعالى اتعشى
انا:لا انا مش قادر انا هدخل انام
منه:وتسيبني لوحدي
انا:لا ما انتي هتنامي في حضني
منه:إذا كان كده معلش
(عدى خمس شهور وفي مره وانا راجع من الشغل حصلت حاجه كده )
روحت البيت وبخبط على الباب
انا:منه حبيبة قلبي انا جيت
مفيش رد
استمريت في الخبط
انا:افتحي يا منه بقى ساعه بخبط
برضه مفيش رد وانا ابتديت أقلق
انا:يا منه افتحي بقى انا قلقان
(المشكله اني نسيت ان المفتاح في جيبي وهكسر الباب😂)
بدأت اضرب الباب بكتفي عشان يتفتح لغايه ما اتفتح ولقيت منه مرميه على الأرض جريت عليها وشيلتها من الأرض
انا:حبيبة قلبي ايه اللي جرالك مالك يا منه
بدأت منه تفتح في عنيها
منه:انا فين وايه اللي جابني هنا
انا:دخلت عليكي لقيتك واقعه ومغمى عليكي
منه:انا دوخت وكنت برجع ونفسي كانت غامه عليا
انا:استني هرن على امي تيجي وتجيب الدكتوره
(رنيت على امي وجات فعلا هي والدكتوره )
الدكتوره: المريضه فين
انا: جوه يا دكتوره
ماما: مالها مراتك يبني
انا:تعبانه اوي يا امي
(دخلت الدكتوره هي وامي وخرجوا بعد ربع ساعه)
امي كانت بتزغرط
ماما: لوووووووووولي
الدكتوره:المدام محتاجه راحه وياريت متبذلش اي مجهود
انا:في ايه يا دكتوره طمنيني
الدكتوره:الف مبروك ولي العهد جاي
انا:يعني ايه البنت اللي بتمناها من ربنا اخيرا جايه
ماما: الف شكر يا دكتوره الف شكر يا وش السعد
الدكتوره:استأذن انا
(دخلت الاوضه على منه)
انا:بحبك يا ام العيال
منه:تحب ولد ولا بنت
انا: اللي يجيبه ربنا كويس بس انا عايز بنت وتكون شبهك
منه:وانا عايزه ولد يكون شبهك
انا:خلاص يا ستي مختلفناش نجيب توأم ولد وبنت
منه:يارب يا عبد الرحمن يا رب
دخلت امي الاوضه
ماما: الف مبروك عليكم انتوا الاتين حققتولي حلمي وهتجيبوا اللي يقولي تيته
منه:الله يبارك فيكي يا امي
ماما: انا هخلص شغل البيت وانتي ارتاحي
انا:ماما ياريت بعد ما تخلصي تروحي تجيبي هدومك وتيجي تقعدي معانا
ماما: حاضر يبني هروح اخلص شغل البيت واروح اجيب هدومي
انا:وانتي يا منه نامي وارتاحي
منه:انا فعلا محتاج ارتاح
انا:طب يلا نامي
(خرجت انا وامي بره الاوضه)
بعد نص ساعه
ماما: انا خلصت شغل البيت هروح اجيب هدومي واجي
انا:ماشي يا ماما
(مشيت امي وانا قعدت على الكنبه فرحان بس مش عارف ليه حاسس بزعل)
(صحيت منه وخرجت بره الاوضه)
منه:ايه اللي شاغل تفكيرك يا حبيبي
انا:مفيش
منه:انت مش فرحان ولا ايه
انا:لا فرحان
منه: بقولك ايه انت تحط راسك على حجري وانا هلعبلك في شعرك وتحكيلي على كل حاجه
انا:اوكي
منه:ها ايه اللي مزعل حبيب قلبي
انا:كان نفسي ابويا يكون معايا ويشوفني وانا مبسوط ويشوف عيالي ويفرح بيا انا بحبه اوي ولسه بحبه ونفسي الاقيه
منه: صدقني هتتقابلوا يا عبد الرحمن بس لما ربنا يأذن
انا:هي الساعه كام
منه:دلوقتي المغرب
انا:طب يا حبيبتي كلها ربع ساعه وماما تيجي انا هروح مشوار وجاي
منه:هتتأخر
انا:هرجعلك هوا عشان هتوحشيني اوي
منه:طب يا حبيبي في رعاية الله
(دخلت غيرت هدومي ونزلت عشان اروح لأهل الراجل اللي فجر نفسه)
وصلت بيتهم وخبطت على الباب فتحتلي
انا:السلام عليكم عامله ايه انتي والعيال
الست:الحمد لله اتفضل
انا:يزيد فضلك احم احم يا رب يا ساتر
فجأه اشوف حاجه مكنتش متوقعها
انا:هو انت😱………
يتبع…….
لقراءة الفصل التالي : اضغط هنا
لقراءة باقي حلقات الرواية اضغط على (رواية حياة عبدالرحمن)