رواية اين زوجي الفصل الثاني عشر 12 بقلم ايه عطيه

رواية اين زوجي الفصل الثاني عشر 12 بقلم ايه عطيه

رواية اين زوجي البارت الثاني عشر

رواية اين زوجي الجزء الثاني عشر

رواية اين زوجي الحلقة الثانية عشر

 

بعد مرور عده ايام علي هروب زينه.
كانت تجلس علي الفراش في غرفه ميار حزينه شارده.
دخلت اليها زينب ولدته ميار و هي تبتسم
زينب /ايه يا حبيبه قلبي انتي هتغضلي حبسه نفسك كدا في الاوضه كدا مش حلو خالص

تنهدت زينه تنهيده حزينه
زينه /اعمل ايه مش عارفه

زينب /الا تعملي ايه دي كمان….. تخرجي تشمي هوا تتفسحي بلاش الكأبه دي

زينه /اخرج و اتفسح ازاي ما اكيد عمي سعيد بيدور عليا

زينب /يا حببتي اكيد بيدور عليكي هناك في بلادكم مش هنا

زينه/مش عرفه انا خايفه قوي

زينب /خايفه من ايه و بعدين عمك اكرم قالك متخفيش و احنا كلنا في ضهرك

زينه /انا مش عارفه اشكركم ازاي…. انا لو فضلت العمر كله ارد جميلكم دا مش هوفيه بردو

زينب /اخص عليكي يا زينه كدا زعلتيني

 

 

 

 

زينه /انا مقصدش و الله….. ما عاش و لا كان اللي يزعلك

زينب/سيبك من كلام البكش دا….. خالينا نتكلم جد شويه

زينه /اتفضلي يا طنط سمعاكي

زينب /انتي بتفكري في ايه في الايام اللي جايه

زينه بتوتر /مش فاهمه قصد حضرتك ايه

زينب /بصي يا زينه اولا مش عايزاكي تفهمي كلامي غلط انتي زي ميار بالظبط…. ثانيا انتي بتخططي لايه في مستقبلك…. خوفك دا مش هيخليكي تروحي و لا تيجي….. لازم تتغلبي علي الخوف دا و تكملي مشوار انتي بدأتيه….. و تخليكي دايما فاكره اننا في ضهرك

زينه /انا كنت بحلم اتخرج و اشتغل و استقل بعيد عنهم خالص

زينب /و ايه اللي اتغير

زينه /تفتكري هقدر اكمل حلمي

زينب /لو انتي عايزه هتقدري

زينه /انا فعلا فكرت بس الخوف من عمي سعيد و البلطجي اللي كانو عايزين يجوزهولي مخاليني خايفه اتقدم خطوه

زينب /طب سيبك من الخوف دلوقت… و قوليلي فكرتي في ايه

زينه /فكرت ادور علي شغل في شركه هندسه كا تدريب ليا و هيساعدني كتير بعد التخرج

زينب /طب دا كويس قوي و بالمره تاخدي البرطه اللي برا دي معاكي

ابتسمت زينه لها كم تمنت ان يكون لديها عائله مثل عائله ميار ثم حمد الله في داخلها علي كل شيئ

زينه /خلاص انا هحاول اتخلص من خوفي و انزل ادور علي شغل من بكرا و ربنا ان شاء الله هيكرمني

زينب/ان شاء الله ياحببتي…. و لا اقولك بلاش تنزلي انا هكلملك عمك اكرم شوفلك حد من معارف و……..

تحدثت زينه سريعا قبل ان تكمل زينب حديثها

زينه /لا يا طنط بالله عليكي

زينب /ليه يا حببتي

زينه /انا عايزه اشتغل بمجهودي و اثبت نفسي من غير وسطه

ابتسمت لها زينب علي حماسها و طموحها بعكس ابتها تمام تريد الوسطه

زينب /اللي يريحك و اللي انتي عايزاه و بردو احنا في ضهرك

زينه /تسلميلي يا طنط انا مش عارفه من غيركم كنت هعمل ايه

زينب /احنا معملناش حاجه كلها تدبير من ربنا

زينه /الحمد لله
~~~~~~~~~~~~~~~

 

 

 

في منزل زين و معتز

معتز /الحمد لله كل حاجه ماشيه تمام و ربنا مسهلنا امورنا كلها

ابتسم زين و تحدث
زين /بس اسكت ما تنقش فيها لا الصبح نلاقيها مطربقه

تحدث معتز بانزعاج
معتز /فال الله و لا فالك يا اخي

تحدث زين بتعجب
زين /فالي انا و لا نقك انت

معتز /خلاص غير الموضوع

زين/ لا يا عم انا داخل انا خلاص مش قادر… و بعدين انت ناسي ان احنا ورانا ميتنج الصبح بدري

معتز /مش ناسي يلا انا كمان داخل معاك
~~~~~~~~~~~~~~~

 

 

 

في صباح يوما جديدا اشرقته شمسه بالامل عن من حولها

ايتيقظت زينه بكل حماس و نشاط و ايقظت ميار

زينه /ميار… ميار…. يا ميار قومي بقه

ميار /اممممممم

زينه /انتي يا زفته قومي بقه هنتأخر

استيقظت ميار غاضبه

ميار /هنتأخر علي ايه يا اختي ورانا الديوان

زينه/بطلي تريقه و قومي بقه عايزين نلحق اليوم من اوله

تحدثت ميار غاضبه
ميار /اللي يسمع كدا يقول نلحق اليوم من اوله في الفسح… بلا هم
ثم اكملت حديثها ببعض اللين

يا بنتي استهدي بالله و نامي لسه بدري قوي و لما نصحي هنخلي بابا يكلملنا حد من معارفه بدل الدوخه اللي انتي عايزه تدوخهلنا

تحدثت زينه بحزن مصطنع
زينه /خلاص يا ميار نامي انتي و انا هنزل لوحدي

حزنت ميار لحزن صديقتها و رق قلبها
ميار /خلاص متزعليش هقوم معاكي اهو

اتجهت زينه نحو المرحاض و ابتسامه انتصار تعلو وجهها

بعد قليل من الوقت قد انتهت كلا منهم من تبديل ملابسها و اداء فرضها و خرجن من الغرفه وجدو زينب قد استيقظت و اعده الافطار ايضا و تضعه علي السفره

ابتسمت لهم زينب عند رأيتهم
زينب /صباح الخير يا بنات

نظرت زينه اليها بابتسامه جميله و نظرت لها ميار بغضب مصطنع

زينه /صباح النور يا طنط

ميار /صباح الخير يا ماما صاحيه بدري يعني تحضري الفطار

زينب /امال عايزين تنزلو علي لحم بطنكم كدا

ميار /امال بتخليني اقوم علي لحم بطني ليه اجهز الفطار

زينب/علشان كنتي قاعده لا شغله و لا مشغله

نظرت لها ميار باستغراب
ميار /يعني لازم الواحد يشقي و يتمرمط علشان يصحي يلاقي الفطار جاهز كدا

نظرت لها زينب بتعجب
زينب /اما انتي عايزه ايه… عايزه كل حاجه علي الجاهز كدا

 

 

نظرت ميار الي زينه التي تضحك بصمت عليها و تحدثت بهدوء مصطنع و هي تقترب منها
ميار /مبسوطه انتي يا زينه مش كدا

تحدثت زينه و هي تبتعد عن طريقها و تقترب من زينب تحتمي بها
زينه /اها مبسوطه و جدا كمان

ردت ميار عليها بتعجب
ميار /جدا كمان

زينه /اه طبعا….. يا بنتي انتي هتفضلي كدا لحد امتي

نظرت لها ميار باستغراب
ميار /كدا اللي هو ازاي مش فاهمه حضرتك

زينه /هتفضلي كدا معندكيش طموح معندكيش هدف في حياتك

ميار /مين قال انتي معنديش طموح و هدف

تحدثت زينب هذه المره بابتسامه
زينب/و ايه هدفك يا قلب امك

ابتسمت ميار ابتسامه
ميار /هدفي اني اشتغل في شركه كبيره قوي لها اسمها و وزنها في السوق………. يكون صاحبها راجل غني قوي و عنده فلوس كتير

زينب باستغراب/ و انتي مالك و مال صاحبها انتي رايحه تشتغلي و لا تعدي اللي عنده

تحدثت ميار بتوضيح و هي تتخيل مع ابتسامه بلهاء
ميار /لا يا ماما انا رايحه علشان اوقعه و اتجوزه و يبقي عندي فيلا كبيره و خدم و حشم و انام براحتي و اصحي براحتي و الفطار يجيلي في السرير و……. اهاااااااااا
و قطع حديثها هذا و تألمت بشده من خف ولدتها اللتي القته عليها في غضب
زينب /بقه هو دا هدفك يا بنت زينب هو دا اخرك

تحدثت ميار وهي مازالت تتألم من اصتدام الخف بوجهها
ميار /هو في ايه يا ماما

زينب بغضب/في ايه في عينك

ميار بابتسامه مستفزه /ايه يا ماما مش هو دا هدف بردو و لا ايه يا زينه

زينه /ههههههه هههههه هههههه و الله مش قاده خالص

 

 

 

 

ابتسمت ميار بداخلها لعوده ضحكات صديقتها التي افتقدتها و تحدثت
ميار /خلاص يا ماما هعمل اللي انتي عايزاه
ثم اقتربت من ولدتها و قبلت رأسها و تحدثت بجديه
ميار /و الله كنت بهزر يا ماما انا بس مفكرتش في الشغل خالص دلوقت قولت بعد ما اتخرج و اشم نفسي شويه كدا….. بس خلاص علشان خطرك و علشان خاطر البت زينه القمر دا هعمل اللي انتم عايزينه
تحدثت زينب بحب شديد لابنتها
زينب /اللي انتي عايزاه يا حببتي مش اللي احنا عايزينه تفرق كتير

ميار /حاضر يا ماما

ابتسمت زينب لها و اخذتها في احضانها
كانت زينه تنظر لهم بفرحه شديده و تمنت ان تنال مثل ذلك الحضن و الحنان ادمعت عينها حزن علي ما حدث لها و فرحه لهم و دعت في قلبها لهم بان تغمر السعاده حياتهم
اخرجها من شرودها هذا ابتسامه زينب لها و فتحت زراعها الاخر لها لكي تأتي في احضانها
علي الفور ذهبت زينه لها بدون تفكير و اخذت تبكي و تشهق في احضان زينب التي ظلت ترتب علي ظهرها الي ان هدأت

بعد وقت كبير كانت تجلس ميار في احدي الكافيهات بانهاك شديد و امامها تجلس زينه باحباط اشد

ميار /منك لله يا زينه كان مالنا و مال الشقي دا بس ممان بابا…….

زينه /متكمليش يا ميار انا قولتلك انا عايزه اعتمد علي نفسي و اطلع السلم من اوله من عايزه وسطه من حد…. و بعدين مش كفايه اني متقله عليكم و……..

ميار بزعل/بس اسكتي انتي متكمليش ايه اللي انتي بتقوليه دا….. اخص عليكي يا زينه و الله العظيم انتي متعرفيش فرحه بابا و ماما بوجودك معانا عامله ازاي و لا فرحتي انا

زينه بابتسامه /عارفه و الله يا ميار بس انا…..

ميار /بس انتي ايه…. بقولك غيري الموضوع و قوليلي هنعمل ايه دلوقت

زينه /بصي احنا كدا لفينا تقريبا علي معظم الشركات الكبيره هنا نفيش غير الشركات الصغيره

ميار /صغيره صغيره ما الصغير مسيره يكبر و احنا نكبر معاه

زينه /تفتكري

 

 

 

 

ميار /احنا كدا كدا مش خسرنين حاجه كل اللي احنا محتاجينه في الفتره دي ما هو الا تدريب لحد ما نخلص امتحانات و نتخرج ساعتها معجبناش الشغل في الشركات الصغيره نروح للشركات الكبيره اللي طلبو شهاده تخرج

زينه /علي خيره الله…. طب يلا بينا نكمل

ميار /نكمل ايه انتي مجنونه… استني اما ناكل

زينه بدهشه/ناكل….. انتي ليكي نفس للاكل بذمتك

ميار /و ايه هيسد نفسي

زينه /اللف اللي من غير فايده من الصبح

ميار /دي نقره و دي نقره و بعدين احنا محتاجين نشحن علشان نقدر نكمل

زينه /نشحن

ميار /طبعا يا بنتي…. ها هتطلبي ايه

زينه /اي حاجه
~~~~~~~~~~~~~~~
في الشركه الخاصه بزين و معتز

زين/انا خلاص تعبت

معتز /مين اللي بيقول تعب…… زين باشا بنفسه بيقول تعبت

زين /هو حد قالك عليا قاله و مبتعبش

معتز /لا مش قاله انت حجر ربنا يهدك

زين بصدمه/حجر و ربنا يهدني
و كادا ان يتحرك من موضعه باتجاه زين و………

 

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية اين زوجي)