رواية اين زوجي الفصل التاسع عشر 19 بقلم ايه عطيه

رواية اين زوجي الفصل التاسع عشر 19 بقلم ايه عطيه

رواية اين زوجي البارت التاسع عشر

رواية اين زوجي الجزء التاسع عشر

رواية اين زوجي الحلقة التاسعة عشر

 

مرت الايام علي الجميع منهم من هو سعيد و من هو حزين و من هو ناجح و من هو حيران

فقد مر شهرا كاملا منذ حفل زفاف شهد
اما شهد فا هي سعيده لانها تعيش اجمل ايام حياتها مع خالد و لا تعلم ما تخفيه الايام لها

اما حازم فقد سافر الي الخارج و قد استقر في العمل لكنه حزين علي فراق زينه نصفه الثاني كما كان يقول دائما

اما سعيد فا يشعر بالقلق و الخوف قليلا من ابن اخيه الذي ظهر له مؤخرا و لا يعلم ما الذي يدبره له ابن اخيه

اما اكرم فهو سعيد بالعمل مع زين و معتز و قد عاد الي شبابه و نشاطه و اصبح لديه هدف يسعي من اجله

اما زينه و ميار فقد انتهيا من الاختبارات النهائيه لهم منذ ايام و اصبح لهم اهميه كبيره في العمل و تفوقا كثيرا عن من معهم

اما زين و معتز فا العمل اصبح جيدا و اصبح لهم سيطا كبيرا بين رجال الاعمال

و رامز مازال يتردد علي منزل سعيد حتي يعلم متي سوف تعود زينه و يتوجها
~~~~~~~~~~~~~~~

 

 

 

في الشركه الخاصه بمعتز و زين

يجلس معتز علي احدي المقاعد بارهاق شديد بعد عوده من الخارج و هو منهمك بشده

معتز /منك لله يا زين منك لله

زين /مني لله ليه بس

معتز /يعني ما انتش عارف

زين /لا معرفش

معتز /طب خلاص اسكت يا زين علشان انا علي اخري

زين/طب خلاص…. قولي عملت ايه

معتز /ما هو دا اللي انت فالح فيه تقعد كدا و تدي اوامر و تسال عاملت ايه

زين/بذمتك انا كدا
ثم ابتسم له و اكمل
زين/انا عارف ان الفتره دي كان في لود كبير عليك……. بس مكنش عليك لوحدك… كان عليا انا كمان…… و علي كل الموجودين هنا هو مجرد وقت بس لحد ما نثبت نفسنا في السوق و يبقي لينا وضعنا

معتز /و انت فاكر يعني كل ما نكبر كل ما هنرتاح……… بالعكس كل ما بنكبر و اسمنا بيكبر في السوق كل ما اللود علينا هيكبر

زين /انت عندك حق بس هي ضريبه النجاح

معتز /عندك حق……. بس يكون في علمك بعد المشروع دا ما يخلص هناخد اجازه يومين……. او انا عن نفسي هاخد اجازه لو انت مش عايز محتاج افصل شويه

زين /ليك عليا اول ما نخلص من المشروع دا هناخد اجازه اسبوع مش يومين….. ايه رأيك

ابتسم معتز

معتز /اذا كان كدا ماشي انا موافق

زين /المهم دلوقت استاذ فاروق جهز كل حاجه

معتز /ايوه كله تمام….. و كمان المهندسه اللي صممت الديكور المطلوب جهزه

زين/كويس…… الاجتماع كمان ساعه

 

 

 

 

معتز /متقلقش كله تحت السيطره

زين /طب تمام…. روح خلص باقي المطلوب منك علي ما اخلص اللي ورايا انا كمان و نتقابل في الاجتماع

معتز /علي البركه

و خرج معتز من المكتب و ترك زين يسرح بخياله قليلا في زينه

فا في الفتره الاخيره زينه شغلت تفكيره كثيرا فا كان من قبل يراها كثيرا عند خروجهم في الصباح او في المساء في اوقات متباعده لكنه يريد رايتها باستمرار يريد معرفه حكايتها

لا يعلم لماذا و لكنه يشعر بشعور غريب عند رأيتها

و لكنه نفض تلك الافكار عن رأسه الان و عاد للعمل مره اخري لكنه من وقت للاخر تاتي زينه الي ذهنه و هي تبتسم او و هي تتحدث و يحاول اقناع عقله بالعمل الان
~~~~~~~~~~~~~~~

 

 

 

في مكتب زينه و ميار

ميار /ها يا زينه خالصتي

زينه/كله تمام بس انا خايفه قوي

ميار /خايفه من ايه يا زينه…… انتي كل اللي هتعمليه انك هتشرحي التصميم بتاعك و هتقولي ليه صممتيه كدا زي ما استاذ فاروق فهمك

زينه/انتي عارفه هشرح التصميم دا ادام كام واحد

ميار /كام واحد يعني خمسه سته او عشره عشرين عادي يا زينه و بعدين خاليكي واثقه في نفسك و واحد زي عشره

زينه /ربنا يستر بقه

ميار /هيستر ان شاء الله و بعدين فكري نفسك لو نجحتي و عجبتيهم هيكون ليكي مكافئه كبيره من المدير زي ما استاذ فاروق قال لينا….. هههههههه

زينه /ههههههه هفكر نفسي بالمكافئه

 

 

 

ميار/قوليلي يا زينه هتعملي ايه بالمكافئه دي

زينه/مش لما انجح الاول و يبقي في مكافئه

ميار /يا ستي ان شاء الله ناجحه.. بس قوليلي هتعملي ايه

زينه/اقولك و متزعليش

ميار /و هو اللي انتي هتعمليه هيزعلني

زينه/مش عارفه

ميار /طب قولي

زينه/بس وعد متزعليش

ميار /مقدرش اوعدك

زينه/خلاص مش هقول

ميار/زينه قولي بقه انتي كدا كدا شكلك واخده قرار و اكيد هعرفه و اكيد هيزعلني و الا مكنتيش اتردتتي لحظه انك تقوليلي

زينه/بصي يا ميار و من غير زعل انا نويت اني بالمكافئه دي اشوف مكان كدا علي ادي اقعد فيه

ميار/و انتي قاعده في الشارع يا زينه

زينه/لا مش قاعده في الشارع بس كفايه عليكم لحد كدا انا بقالي تقريبا شهرين قاعده عندكم

ميار /و هو كان حد اشتكالك يا ست زينه و بعدين عايزه تسبينا و تقعدي لوحدك في مكان لا حد يعرفك و لا تعرفي حد

زينه/لا ما هو انا هشوف مكان قريب منكم

ميار/و ليه ما انتي قاعده معانا معززه مكرمه و ماما و بابا بيحبوكي و فرحنين جدا بوجودك معانا ليه بقه عايزه تسبينا بعد ما اتعودنا عليكي و البيت بقه له حس

زينه/و الله انا مقدره دا كله بس عاجلا ام اجلا انا هسبكم فا اسبكم دلوقت احسن

ميار/يعني عاجل ام اجل هتسبينا

زينه/يعني ابسط الامور مثلا ممكن اتجوز و لا هعيش عمري كدا

ميار /لا يا قلبي هتتجوزي و كل حاجه بس من هنا لحد ما تتجوزي هتفضلي معانا

زينه/بس……

ميار /ما بسش و اقفلي الكلام في الموضوع دا و الا هزعل بجد

زينه/ربنا ما يجيب زعل بينا يارب

ميار /يارب و……

قاطعهم دخول استاذ فاروق الي المكتب

فاروق/ها جاهزه يا زينه

توترت زينه قليلا و قبل ان ترد اقتربت منها ميار وضعت يديها علي كتفها و ردت هي بدلها

ميار/ايوة جاهزه يا استاذ فاروق

فارق/طب يلا يا باش مهندسه الاجتماع هيبدأ

زينه/هو ينفع ميار تيجي معايا

تحدثت مريم زميلاتهم في المكتب بتريقه

مريم/انتي فاكره نفسك رايحه رحله و عايزه صاحبتك معاكي دا اجتماع يا ماما و بعدين لما انتي مش قد الشغل بتشتغلي ليه

 

 

 

 

تحدث اسلام زميلهم الاخر مدافعا عن زينه
اسلام/لا هي مش رايحه رحله يا باش مهندسه هي بس متوتره و دا طبيعي و بعدين كلنا حصلنا كدا في بدايه شغلنا و لا انتي نسيتي اول مره ليكي و انتي بتشرحي تصميمك قدام زميلك كنتي عامله ازاي

نظرت له مريم بغيظ و عاده الي عملها و هي تكاد تنفجر

فاروق/باش مهندسه زينه توترك دا طبيعي جدا حاولي تهدي كدا و يكون عندك ثقه في نفسك لان توترك دا هيدي انطباع للي قدام مش ظريف….. انما لو انتي داخله و كلك ثقه و عدم توتر هتجبري الكل ان يثق فيكي من قبل ما تتكلمي و خصوصا ان شغلك عاجبهم فا هما محتاجين يتنقشوا معاكي في كام نقطه…. مثلا يتاكدو ان التصميم دا بتاعك انتي و انك مثلا مش وخداه كوبي من اي حاجه يسألوكي ليه مثلا نفذتي التصميم بالشكل دا….. حاجات زي كدا….. يعني مفيش ابدا داعي لقلقك دا

زينه نوعا ما استعاده ثباتها بعد حديث فاروق و ايضا عاده ثقتها بعد مدافعه زميلها عنها فا دا كله اداها طاقه ايجابيه

فاروق/و كمان يا ستي عايزه اقولك ان ميار هتحضر معاكي بس مش علشان انتي عايزاها علشان هي كمان التصميم بتاعها اختاروه من ضمن التصاميم التانيه…. فا يلا بينا

ابتسمت زينه و ميار و تحركو خلف فاروق
اقتربت ميار من زينه و بصوت هادئي

ميار/تفتكري هيكون ليا انا كمان مكافئه
نظرت لها زينه بصدمه ثم تحولت الصدمه لضحك و حاولت تتمالك نفسها قبل وصولها لغرفه الاجتماعات

اقترب فاروق من الغرفه الخاصه بالاجتماع و

 

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية اين زوجي)