رواية حياه الفصل الثاني 2 بقلم حبيبة محمد

رواية حياه الفصل الثاني 2 بقلم حبيبة محمد

رواية حياه البارت الثاني

رواية حياه الجزء الثاني

رواية حياه الحلقة الثانية

_يمكن لو عرفتي انا مين ياآنسه حياه حالتك هتتدهور
_ ليه انت تبقا مين، انا مفتكرش اني شوفتك قبل كده
قولت وانا بحاول اتهرب من السؤال: دلوقتي معاد جلستك خلص هتجيلي بعد يومين بظبط واتمني الاقيكي وقتها احسن من دلوقتي وعملتي بالنصايح اللي قولتلك عليها، واي وقت تحسي فيه انك تعبانه متتردديش تتصلي وتستشريني
*نزلت من العياده وانا فحيرة ولكن مستمرتش كتير الا لما رجعت لحالتي من جديد وده خلاني مروحش بيتنا واقعد فالشارع عالرصيف، انا مش فاهمه بعمل كده ليه، بس بحس براحه لما ابقا لوحدي، وفضلت لحد الليل لحد ما حصل اللي مكنتش متوقعاه
سمعت صوت بنت بتصرخ من بعيد، جريت عليها وانا بحاول اشوف في اي واساعدها
لاقيت شاب بيضرب فيها بعنف ولسه برفع عيوني عليه واقول بصوت عالي: انت ازاي تضربها كده ياااا..
سكت شويه وكأن فقدت النطق عندي، قد ما كان واحشني بس اللي كان اكتر منه براكين وجع جوايا منه، ده يطلع الشخص الوحيد اللي حبيته زمان و قرر انه يختار غيري، قاطع تفكيري صوته وهوا بيقول
_حياه.. مش معقول!
وقتها لاقيت البنت بصتلنا، وانا بحاول اتمالك اعصابي واتكلمت وقولت: انا اسفه اني ادخلت
*وهربت باقصي ما عندي وكنت بحاول اقرب من عيادة الدكتور اللي كنت فيها ، كنت سمعاه بينادي عليا، وبعدين لاقيت عربيه بتلاحقني بعد ما صوته اختفي، وجت اللحظه اني اقف واواجه، نزل من عربيته وقال: انتي بتهربي ليه مني
_ اه واي اللي مضايقك اوي كده، ما انت هربت انت كمان ولا نسيت

_منستش، ممكن تيجي معايا بس وافهمك
_ لا مش هاجي ولو سمحت روح ابعد عني، روح لمراتك زمانها قلقت عليك
لاقيته مسك ايدي بقوه وبيحاول يشدني علي عربيته بالغزب، وقتها صرخت وسمعت صوت جاي من بعيد بيقول: انت واخدها علي فين سيبها احسن ليك
حاولت ابعد ايدي وجريت عنده
ولاقيته رد وبيقول: اه، يبقا الموضوع ان في حد اخد مكاني
_ اه اعتبر كده، وبنات الناس مش لعبه ف ايدك تقعد تلعب بيها وتعشمها بكلام فاضي وبعدين تسيبها يا استاذ
_حياه انطقي مين ده
_ انا دكتور يحيي خطيبها، عندك مشكله؟
بصتله باستغراب وارتباك وانا مش فاهمه، ولكنه اخدني وقعدني فعربيته ونطقت وقولت: انت ازاي تقوله انك خطيبي
_اضطريت اعمل ده يحياه مش اكتر
_ مصمم متقوليش باردوا، بتساعدني ليه، وانت اصلًا مين
_ انا اللي متقدملك يحياه، او بمعني اصح انا بحبك ومن زمان بس اتفاجأت بمحاولتك انك تنتحري وبالماضي اللي كنتي فيه، وبحالتك النغسيه، فقولت استني ومتكلمش معاكي دلوقتي، بس خلاص، لازم تعرفي
انا مش مستعجل انك تدي فرصه لعلاقه تانيه زي كده، بس عالاقل سبيني اساعدك

كنت فحالة صدمه وهدوء ورجعت من شرودي اللي دام دقايق وقولت _ بس حتي لو اتحسنت نفسيتي، انا معنديش اي مشاعر اقدر اقدمهالك، حاول لاقي بنت تكون لسه فيها طاقه انها تحب
_ اللي متعرفوش يحياه اني شخص بحكم علي الناس اللي حوليا بسرعه جدًا، ومتأكد انك فوقت هتقدري تحبيني لانك ببساطه قلبك طيب ولين اوي، من السهل انه يميل لحد يشبهله
* مش هنكر اني وقتها فعلا عقلي وقلبي اتخطفوا لثواني لكلامه المريح، ولكن قولت اخاطر مره تاني واحاول اتعالج، يمكن فعلًا ارجع زي ماكان بيقول
___________
بعد شهر…
_ حياه لو مطلعتيش البلكونه دلوقتي حالًا، مش هيحصل كويس
_ انت بتهددني يعني هتعمل اي!
_ اعمل اي، طاايب
بصوت مرتفع ممكن يسمعه الجيران: حياه اطلعي بقولك

_ يمجنون هتفضحنا، خلاص هطلع اهو
طلعت البلكونه وانا مستعده اني اتخانق بس فجأه لاقيت سبت مليان ورد الچوري اللي بحبه، عيوني لمعت، كنت بلمسهم بصوابعي وقربته مني اشم ريحته ولما رفعت راسي وجهتها نحيته وبقوله فالتليفون: مش معقول بجد اللي بتعمله
_ اي الورد عجبك؟
_ ده جميل اوي
_ مع اني مشوفتش فجمالك بس هصدقك، فيه كارت فوقيه شوفتيه
*مسكت الكارت وكان مكتوب فيه ” كانت تسري في بحورٍ ليست بها مرسي سوي لقلبي فانها مياهٌ صافيه وان تبدلت الميم الي الحاء، لتصبح حياه مجراها يصب لي فقط.. ”
_اي يحياه، هو الكارت مكتوب فيه كلام كبير اوي للدرجادي،احنا مكتوب كتابنا وفرحنا بعد يومين،اتكلمي باه
_ بحبك
_ اي، بتقولي اي
قولت بابتسامه_ لا خلاص هي بتيجي مره واحده
_ عارف اني مش هخلص بلماضتك دي، بس وانا اعشقك سيدتي وسأظل كذلك مهما طال بس العمر…

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية حياه)