رواية هذه ليلتي الفصل الخامس والثلاثون 35 بقلم نجمة براقة

رواية هذه ليلتي الفصل الخامس والثلاثون 35 بقلم نجمة براقة

رواية هذه ليلتي البارت الخامس والثلاثون

رواية هذه ليلتي الجزء الخامس والثلاثون

رواية هذه ليلتي الحلقة الخامسة والثلاثون

آدم بيروح عند بيت بسمه وهي بتنزل وتركب معاه العربيه
بسمه _ ازيك
ادم _ كويس، يلا بينا ؟
بسمه _ يلا
آدم _ شامي رجع ولا لسه.
بسمه _ بكره
آدم _ يرجع بالسلامه
بسمه _ ممشيتوش ليه
ادم _ مستعجله علي مشيتنا انتي
بسمه _ لا عادي ميفرقش معايا
ادم بإبتسامة _ ما انا قولت كده بردو
بسمه _ لما تسافرو مش هترجعو خالص؟
ادم _ احتمال ناردين تقعد هنا
بسمه _ وانت.. اقصد وانت ومامتك
ادم _ هنسافر
بسمه _ لازم تسافرو مفيش حل تاني
آدم _ فيه بس صعب علينا دلوقتي
بسمه _ هو اية

آدم _ عاوزين بيت وبما اني هبدأ من جديد مش هقدر اشتري او اتأجر دلوقتي
بسمه _ طيب ما تبيعو بيتكم الي هناك وتاخدو بيت هنا
آدم _ تصدقي فكره كويسه، بتعرفي تفكري
بسمه _ يعني هتعمل كده
آدم _ لأ
بسمه بخيبه _ ليه
ادم _ بيتنا القديم ليه ذكريات كتيره فيه مقدرش ابيعه
بسمه بخيبه _ على راحتك
ادم _ بس اكيد هرجع تانى في يوم ويمكن المكتب يكون هنا
بسمه _ ربنا يوفقك
ادم _ وانتي هتعملي ايه بعد ما سبتي الشركة
بسمه _ ولا حآجه
ادم _ مش هتدوري علي شغل
بسمه _ هستناك تفتح المكتب علشان اشتغل عندك
ادم _ يمكن اتأخر سنين علشان اقدر افتح مكتب
بسمه _ والسنين دي هتقعدها كلها هناك
ادم _ اه طبعا

بسمه _ مش هنشوفك لغيت ما تعمل المكتب يعني
ادم _ لأ خالص
بسمه بحزن _ الله معاك
ادم بإبتسامة _ بس انتي ممكن تيجي هناك
بسمه _ اجي فين
ادم _ معانا
بسمه _ ليه
ادم بإبتسامة _ قبل ما امشى هقولك . يلا وصلنا
بسمه _ قولي دلوقتي
ادم بإبتسامة _ قبل ما امشى،
بسمه بإبتسامة _ ماشى مستنيه
بيدخلو الشركه وهي تروح مكتبها تلم حاجتها وهو يروح لناردين مكتب المدير
ناردين _ حمدالله علي السلامه
ادم _ الله يسلمك، بس انا مش جاى علشان اشتغل
ناردين _ امال جاي ليه
آدم _ علشان اقولك فكري يا ناردين احنا هنمشي بعد يومين
ناردين _ مش هسيب شغل بابا يا ادم
ادم _ نفسي افهم ايه بدل حالك ماكنتي كويسه
ناردين _ عرفت اني كنت غبيه وخلاص عقلت
ادم _ فهميني يا ناردين انا مش هأذيكي

ناردين _ موت بابا والي عرفته عنه أثر فيه دي كل الحكاية
آدم _ دي حآجه تخليكي تبعدي عن العالم ده… الحاجات دي مش لينا يا ناردين، عاوزة تعيشي بالحرام
ناردين بانفعال _ مش هتنازل عن مكانتي في المجتمع لازم الكل يعملي الف حساب قبل ما يفكر يدوس عليه، والفلوس بس اللي هتخليني قويه
ادم _ اهلك واللي بيحبوكي هما قوتك الفلوس دي هضيعك
ناردين _ انا قولت اللي عندي
ادم _ هنمشي يا ناردين وهنسيبك لوحدك
ناردين بدموع_ امشو انا مش عايزة حد جمبي
ادم_ براحتك
ناردين تبص برا تلاقي بسمه على المكتب تقوم بانفعال وتروح عندها
ناردين_ ايه رجعك تانى
بسمه_ جايه اخد حاجتي
ادم_ جايه معايا في ايه
ناردين بانفعال_ وانت تجبها معاك ليه، متقربلهاش دي مؤذيه والبرائه اللي في وشها دي هتتحول بعد ما توصلك. اطلعي بره
ادم يضربها بالقلم بغضب _ انتي الظاهر مبقتيش بعقلك،، ضاع مع الحادثه
ناردين ببكاء_ بتضربني علشان دي،،، والله غبي وما بتفهم، بس بكره تعرف انها مش كويسه زي مانت شايفها
ادم بغضب_ انتي اخترتي تكملي كده وانتي حره مش من حقك تغلطي فيها
بسمه بدموع_ خلاص استاذ آدم،، اناجايه اخد حاجتي وراجعه يا انسه ناردين
ناردين ببكاء_ في داهيه، روحها يلا وخليك معاها لغيت ما ترجعلنا مكسور

ادم بغضب_ وانتي بتقولي كده علي اساس ايه، حد كسرك قبل كده، ولا صاحبنا خلي بيكي
ناردين بقهر _ محدش يقدر يخلي بيه،، محدش قدر يوصلي اصلا علشان يخلا بيه
ادم باستحقار _ قدر، ومعرفش عمل ايه علشان تتحولي تانى، قوليلي حصل بينكم ايه احنا منعرفهوش
ناردين ببكاء_ معرفش بتتكلم عن مين ويلا خدها وامشو
ادم بحده_ هقابله وهعرف منه في ايه بينكم
ناردين ببكاء_ انت حر بس خرجها من هنا
بسمه تبكي وتسيبهم وتمشي
ادم_ والله غبيه، ربنا يعينك على دماغك.. انا ماشي
ناردين ببكاء_ روح كلكم روحو مش عايزة حد جمبي،
بسمه بتمشي قبل ما يلحقها وتروح البيت تلاقي شامي هناك، وتجري عليه هي وتبكي وتترمي في حضنه
شامي بقلق _ بسمه في ايه
بسمه ببكاء_ معرفش عملتلها ايه علشان تعمل معايا كده
شامي_ ناردين
بسمه ببكاء _ ايوه هي
شامي _ عملت معاكي ايه
بسمه _ بقت مش طيقاني في وشها واخر حآجه تحذر استاذ ادم مني وتقولي هأذيه واكسره ومعرفش ايه،، طيب انا اكسره ليه ياشامي والله ماغلطت معاها في حآجه
شامي _ مصدقك، متزعليش حقك عليه انا

بسمه _ وانت مالك… انا اسفة معرفتش اقولك حمدالله علي السلامه،
شامي _ الله يسلمك
بسمه _ قولت انك جاي بكره
شامي _ حبيت افجائكم
بسمه _ احلي مفاجأة… هجهزلك تاكول اكيد جعان
شامي _ مش دلوقتي، رايح مشوار الاول
بسمه _ طيب ارتاح الاول وبعدين روح
شامي _ هرتاح لما ارجع..
بينزل من بيتهم ويشوف ادم نازل من العربيه
ادم _ قالولي جاي بكره
شامي _ كنت عاملهم مفاجأة
ادم _ كويس انا كنت مستنيك تيجي
شامي _ خير
ادم _ بيتهيالي عارف انا عاوز اتكلم معاك في ايه
شامي _ مش فاهم
ادم _ طيب نيجي دوغري… ايه بينك وبين ناردين
شامي _ مفيش بينا حآجه

ادم بحده _ شامي انا بحترمك متغيرش رايي فيك وكلمني بصراحه
شامي بتردد _ مفيش حآجه مهمة
ادم _ انا عاوز اعرف الحاجات اللي مش مهمة من وجهة نظرك
شامي _ هو ايه اللي حصل يخليك تقول كده
ادم _ افتكر بسمه قالتلك.. ناردين اتغيرت مرتين وانت السبب
شامي _ اه.. اممم صح
ادم _ سامعك
شامي بتردد _ الحقيقه اني انا وهي قربنا شويه من بعض في الفتره اللي اشتغلت فيها عندكم
ادم _ قربتو ازاي
شامي _ حبينا بعض
ادم _ وبعدين
شامي _ وبعدين زعلتها علشان تبطل تحبني
ادم _ وبعدين
شامي _ انا فهمتها اني كنت بخدعها عشان تكرهني، لانه مش هننفع مع بعض، وهي صدقت علشان كده متغيره. دي الحكاية
ادم _ انت مش خايف انت وبتقول الكلام ده ليه
شامي _ انت الي سألت

ادم _ صح انا سألت .. طيب خلينا صرحا للنهايه… انت كنت بتخدعها بجد
شامي _ انا قولتلها كده علشان مستحيل كنا هنكون لبعض، انت شايف الفرق بينا وبينكم قد إيه
ادم _ طيب ومفكرتش ليه تكمل معاها وهو تأمن مستقبلك من وراها
شامي _ مش انا اللي اعمل كده… هي فعلاً ساعدتني في تعب ماما وكذا حآجه تانيه ومش ناسي وهرجعلها اللي ادتهوني، بس هي ساعدتني من غير ما تقولي.. لكن مش انا اللي اطمع في واحده ست يا استاذ ادم
ادم _ طيب وانت عاوزها يعني ولا إيه
شامي _ وهيفيد بأيه انتو فين واحنا فين
ادم _ بنسبالي انا بقيت على باب الكريم زيك كده، بس هي لسه متمسك بالفلوس، لو قدرت تخليها تسيبهم انا ممكن اجوزهالك
شامي باستغراب _ وانا هقولها سيبي كل اللي حيلتك عشان اتجوزك
ادم _ الفلوس دي من البدايه مش لينا وكانت غلطه، لو خايف عليها خليها تسيبهم محدش هيقنعها غيرك
شامي _ مش هسألك علي تفاصيل، بس انت متأكد انك مش عاوز الفلوس ولا الشركات دي
ادم _ انا هسلمهم لجمعيات الخيرية، وهنرجع لنقطة الصفر، المشكله دلوقتي في ناردين
شامي بإبتسامه _ يعني لو اقنعتها تسيب كل حآجه هتوافق علي جوازنا
ادم _ انا موافق من دلوقتي، بس يارب تقدر تقنعها
شامي بإبتسامة _ هقدر
ادم _ طيب وريني، هي دلوقتي في الشركه
شامي بإبتسامة _ماشي، عن اذنك
ادم _ شامي
شامي _ ايوه

ادم _ اقنعها وبس، انا باعتك لاختي، خليك فاكر
شامي بإبتسامة _ حاضر
( طبعا مش.محتاجه افكركم ان اخوكي لو شافك بتموتي مش هيتصرف كده ويبعتلك اللي بتحبيه،، دي قصه خياليه هاااا اعقلوو بلاش تهور،،، نرجع للقصه)
شامي بيروح الشركه و ادم بيمشي بالعربية. وبعد مسافه بيلاقي شاب طالع فجأه قدام العربيه ، بيوقف بسرعه وينزل ويروح عنده
ادم بقلق _ انت كويس
سليم _ جت سليمة
ادم _ جت سليمة ازاي انت رجلك اتعورت باين، تعاله نروح المستشفى
سليم _ خدش بسيط
ادم _ الف سلامه، انا اسف مخدتش بالي منك
سليم _ مفيش مشكله انا اللي ماشي غلط، اتفضل انت
ادم _ طيب تعاله اوصلك مطرح مانت رايح
سليم _ ملوش لزوم
ادم _ لا والله لازم اوصلك دي اقل حآجه اعملها،
سليم _ متشكر
ادم بيسنده ويساعده يركب العربيه، وياخده ويمشي
ادم _ انا ادم
سليم _ تشرفنا انا سليم
ادم _ اهلا وسهلا، .. تحب تروح فين
سليم _ كنت رايح المستشفى
ادم _ مستشفى ايه
سليم _ مستشفى المستقبل التخصصي، هي في طريقنا
ادم_ عارفها، قربنا نوصل، .. خير حضرتك تعبان
سليم _ مش انا، دا واحد صاحبي هناك
ادم _ الف سلامه

سليم _ متشكر
بعد وقت بيوصلو وينزله عند المستشفى ويمشي
في بيت فهد
الكل قاعدين علي السفره وبيتغدو
الاب _ متشكرين على ضيافتكم مردودالكم عيندينا في البلد
عز _ افهم من كده ان حضرتك موافق على جواز فهد من كريمة حضرتك
الاب _ له مموفقش لِسه لما نعرفوه زين، لسه هنسأل عليه
فهد _ اسأل زي ماتحب، انا استنا
الأب _ ومالك مكلبش في الجوازه اكده لييه، انت امعتقول انك من وقت ما لحِقتها مشوفتهاش
فهد _ الاخ عز قالي مش ممكن تناسب ناس احسن من الناس الصعايدة، وعلي الاصل دور
عز بهمس _ كداب
فهد يهمس _ عدي ليلتك. قولت ايه ياعمده
الأب بثقه _ إيوه صُح، خلاص انت هتاجي البلد وتطلبها مينينا دي الاصول ولا ايه
عز _ طبعا لازم يجي لغيت عندك ويطلبها وتفكرو براحتكم كمان
فهد _ زي ما قال الاخ عز
الأب يقوم فجأه _ طيب هه نقوم احنه..
عز _ لا والله لازم نشرب الشاي الاول
الاب _ يدوبك نلحقو القطر
فهد _ لسه باقي كتير، لازم تشربو شاي اعمل ياعز وانا هروح اشتري دخان للعمده
الأب _ ملوش لزوم

عز_ لا يمكن… روح هات الدخان يافهد… هااات الدخان هه
فهد بضحك _ فورا ، بيطلع ويقفل الباب وراه ويطلع جري على السطوح ويخبط علي نور
نور _ ياموووري ايه جابك ابوي هيقتلنا
فهد _ اعدلي لسانك، انا جاي اقولك بوووكي وافق
نور بفرحه _ طيب قول والله
فهد _ زي ماعقولك اكدده امال ايييه ههههه
نور _ طيب وهو فينه دلوك
فهد _ قاعد في الدااار بيلم الجله… دلوك ايه جايبك من الغيط انا
نور _ اقفل خشمك وغور من اهنه قبل مي يجو
فهد _ خشمك ههههه قفلته… المهم هو وافق وهجيلكم البلد عشان اطلبك رسمي
نور بإبتسامة _ طييب،
فهد _ بقولك ايه ما تجيبي حبه
نور تدخل وتقفل في وشه
فهد بإبتسامة _ ماشي يا بهانه
في الشركة،
شامي بيدخل الشركه ويطلب يقابلها، وبيروح عندها
ناردين _ انت ايه جابك هنا
شامي _ انتي

ناردين بانفعال _ اطلع بره بدال مندهلك الامن يرموك
شامي _ ع فكره انتي فاهمه غلط، وانا جاى افهمك
ناردين بانفعال _ مش عاوزة افهم حآجه، برااا
شامي _ هستناكي في المكان اياه
ناردين _ مش هاجي
شامي _ مستنيكي. متتاخريش وبيمشي
ناردين ببكاء _ مش رايحة مش هصدقك تانى
ادم بيوصل البيت يلاقي ليلي طالعه
ادم _ على فين
ليلي بدموع _ هروح ادور علي يامن
ادم _ تدوري فين تانى بس
ليلي _ معرفش بس انا لازم الاقيه، شوفته في الحلم تاني وكان تعبان وبيندهلي
ادم _ ياليلي البوليس بيدور انتي هتعرفي اكتر من البوليس يعني
ليلي بدموع _ معرفش اهو ادور وخلاص
تليفون يرن

ادم _ طيب ردي يمكن هو
ليلي _ مش تليفوني
ادم يبص حولية ويلاقي الصوت جاي من العربية _
بيفتح العربيه يلاقي تليفون غريب جواها، ياخده ويرد
ابو سليم _ ايه يا سليم اتاخرت ليه
ادم _ الو، مين معايا
الاب _ مش ده تليفون سليم
ادم يفتكر الشاب اللي ركب معاه _ اه صح، للأسف هو نسيه معايا
الأب _ انت مين
ادم _ انا واحده صاحبه
الاب _ طيب هو فين دلوقتي
ادم _ مش عاوزك تقلق انا هرجعله تليفونه وهخليه يكلمك
الأب _ متشكر يابني
ادم _ العفو يافندم، .. مع السلامه
بيقفل معاه ويرجع يكلم ليلي
ادم_ طيب ممكن ترجعي انا رايح مشوار وهرجع واخدك وندور مع بعض
ليلى_ اروح معاك وندور بالمرة
ادم _ ماشي يلا

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية هذه ليلتي)