روايات

رواية ممتن لقطتي الفصل الثالث 3 بقلم فاطمة سمير رجب

رواية ممتن لقطتي الفصل الثالث 3 بقلم فاطمة سمير رجب

رواية ممتن لقطتي البارت الثالث

رواية ممتن لقطتي الجزء الثالث

رواية ممتن لقطتي الحلقة الثالثة

اتكلم بنبرة غريبة:
_إنتِ هتسفري تاني؟
بصيتله بعدم فهم:
_نعم، مش فاهمه.
اتكلم بزعيق:
_إنتِ ليه كده؟ طول السنين اللي عدت كنت حوليكِ وماكنتيش شيفاني، جيت طلبت إيدك ورفضتيني من قبل ما تقعدي معايا حتي.
ضحك بمرارة وكمل كلام:
_للعلم أنا كنت زميلك في الكلية… ومن بعد ما رفضتي عرض الجواز فضلت على تواصل مع مامتك ولما عرفت أن الشقة اللي قدامكم بقت فاضية جيت سكنت فيها على أمل أنك تلاحظي وجودي.
كمل بحزن وهو بيحرك إيده بتخاذل:
_بس حصل زي كل مرة..
بصيتله بصدمة:
_ثانية! يعني أنتو كنتوا متفقين عليا..
كملت بعدم تركيز:
_يعني أنتو بتحولوا توقعوني في الفخ، طيب أمي وعاوزه تربطني جمبها علشان ماسفرش، أنت عاوز إيه مني؟
اتنهِد بألم، واتكلم بسخرية:
_واضح إنك ما سمعتيش كلامي، بس للأسف فات الأوان…
كمل كلام بتحدي وهو باص في عيني:
_ و إن كنت استسلمت المرة اللي فاتت وسبتك، المرة دي مش هسيبك غير وإنتِ في بيتي.

_أنا يضحك عليا ومن مين من أمي؟
شاورت لي بعدم إهتمام وهي بتقلب الأكل في الحله:
_يا شيخة، مش عارفة أنا الولد ده مصمم عليكِ ليه، وهو قعد يزن عليا فقولت اساعده.
كملت وهي بتبصلي:
_مش إنتِ بنتي بس ماتستهليش الولد، أبقي فكريني اسأله لما يجي قبل ما يقعد معاكِ في الرؤية الشرعية شاف إيه عدل فيكِ.
بصتلها بصدمة:
_هو إنتِ لقيتيني في الشارع، أصل ده أكيد مش كلام أم لبنتها، ومش هقعد مع حد أنا.
قفلت النار على الأكل وقعدت على كرسي وشاورت ليا أقعد قدمها، قعدت بنفاذ صبر..
اتكلمت برزانة:
_مش عاوزه تدي الولد فرصة ليه؟
_فرصة إيه اللي ادهاله!، أنا ما اعرفهوش أصلًا ده مجرد شخص ساكن قدمنا من أسبوعين وإذ فجأه كده يطلع كان يعرفني من زمان وجاي يعاتبني إني مالحظتش وجوده زمان ودلوقتي..
بصيت ليا بلوم، قطعتها قبل ما تتكلم:
_أنا مش قاسية بس أحنا في الواقع مش في مسلسل فأقع في حب جاري ونعيش قصة حب كبيرة ونتجوز ونعيش في تبات ونبات، مافيش كده في الواقع..
اتنهِدت بهدوء وأنا بشرح وجه نظري:
_يا ماما أنا مش هسلم حياتي لحد لمجرد أنه بيحبني زي ما بيقول، معلش يعني هو حبني امتي هو مايعرفش مين سلمى ولا تفكيرها إيه هو شاف الظاهر بس فممكن يكون كل ده إعجاب أصلًا وهو واهم نفسه أنه بيحبني..
قطع كلامي صوت ضحكتها:
_كلام جميل، بس برضوه هتقعدي معاه في الرؤية الشرعية.

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية ممتن لقطتي)

اترك رد