رواية زواج بالإتفاق 2 الفصل الخامس عشر 15 بقلم مروة موسى

رواية زواج بالإتفاق 2 الفصل الخامس عشر 15 بقلم مروة موسى

رواية زواج بالإتفاق 2 البارت الخامس عشر

رواية زواج بالإتفاق 2 الجزء الخامس عشر

رواية زواج بالإتفاق 2 الحلقة الخامسة عشر

فهد طلع اوضته وفتح الباب ووجد الغرفة هادية وجو من الشموع دخل وكان مستغرب
فهد : انا شكلي دخلت مكان غلط بس دا مكان اوضتي
ولقي ورد منثور علي السرير علي شكل قلب
والترابيزة عليها العشا والشموع عليها والجو كان هادي وغاية في الروعه
فهد فضل دقايق واقف متأثر بالمنظر الجميل وسيدرا كانت واقفه وراه حاوطته من ضهره
فهد مسك ايديها : دا كله ليه
سيدرا وهي بتقف قدام : عشان بحبك
فهد اتصدم لما لقي سيدرا واقفة بقميص نوم ظاهر كل انوثتها
فهد واقف مراقب حركتها وصامد وغمض عيونه واتكلم : ممكن تلبسي حاجة
سيدرا بدلع انوثي: ليه انا في اوضتي يعني البس براحتي قدام جوزي
فهد : سيدرا لو سمحتي متختبريش صبري اكتر من كدا

سيدرا : انا مراتك علي فكرة و….لم تكمل كلامها وقطع فهد حديثها بقبله نارية وسيدرا كانت تستجيب معه وكان فهد بيحرك ايده علي جسمها وذهبوا لعالم خاص بيهم واصبحت زوجة الفهد اسما وفعلا منذ تلك الليلة
اتي الصباح وكان الكل سعيد
ابراهيم وندي نايمين وكذلك لسه فهد وسيدرا
مروان ومروة نزلوا من بدري عشان مروة تتمشي شوية في الجنينه لأنها تعبت شوية
مروان بقلق: انتي كويسة
مروة بوجع: انا كويسة متقلقش
مروان : شكلك تعبان استني اطلب الدكتور اللي متابعه معاه
مروة بوجع : طيب ماشي
بس هو انت هتطلبه بدري كدا
مروان : ايوا واتصل عليه وطلبه بسرعه
مروة: حاسة ان هيحصل ليا حاجة ي مروان
مروان: والنبي متوجعيش قلبي بقي
مروة : طيب يلا طلعني فوق ارتاح شوية
الدكتور جه وطمنه وقال دا كله سبب ان مروة مش مهتميه بغذائها والطفل ناقصه شوية بروتينات في جسمه
ندي كانت نايمة ورجليها علي إبراهيم زي الطفلة
إبراهيم: ندي ندي فوقي يلا
ندي بنوم : سبيني شوية كمان ي باشا
إبراهيم: باشا اي احنا مش في مأمورية كفاية بقينا الضهر
ندي بتأفف: يوووووووه بقي الواحد ميعرفش ينام كويس
وبعيدين افتكرت انها مش في بيتها
إبراهيم واقف ضحك وعمال يضحك جامد
ندي: شكلي وحش اوي صح
إبراهيم بضحك : حاسس اني بصحي بنت اختي
ندي قامت تجري وراه في الغرفة بالمخدة لحد ما تعبت واترمت علي السرير إبراهيم نام جمبها واتكلم: صباحك مشاعبة
ندي : انا مشاغبة
إبراهيم: بس احلي مشاغبة وحضنها
بقلم مروة موسي
عند فهد وسيدرا
سيدرا صحيت الاول قامت من جمب فهد ودخلت تستحمي فهد حس بحركتها وهي قايمة
قام من نومه مبسوط وبص للساعه لقاها الضهر
سيدرا طلعت لقت فهد اتكسفت منه جدا فهد وقف وقال لها : بقيتي زوجة فهد الصحراء اسما وفعلا ي سيدرا واوعي تتكسفي مني انا جوزك وقبلها من جبينها وتركها ليستحم
نزلوا كلهم تحت وقعدوا
الجد : أول مرة تصحي متأخر ي فهد
فهد : عادي ي جدي امبارح كان فرح إبراهيم وكان الحركة كتير فنمت وارتحت شوية
الجد بمباركة : ألف مبروك ي ولادي عقبال ما افرح بعيالكوا وانت كمان ي فهد
سيدرا مسكت ايد فهد واتكلمت بابتسامه: قريب ان شاء الله
بقي البيت كله سعيد مبقاش في أي مشاكل خالص كل واحد اختار الطرف اللي حابب يكمل معاه طريقه
بقي فهد وابراهيم ومروان شغالين مع جدهم طبعا بجانب ان فهد شغال في المخابرات
عدي شهور وندي بقت حامل ومروة قربت تولد خلاص
مروة اتحجزت فترة في المستشفي للرعاية قبل الولادة

وولدت ولد اسمه محمد
وندي بعدها بشهور جابت عمر والكل كان فرحان ليهم جدا
وجويرية كانت في الوقت دا حامل
الجد : عارف اني كلامي هيزعلك بس نفسي اشوف ليك عيل علي دراعي هيكون غلاوته كبيرة .
فهد : ربنا كبير وهو اللي بيقول لشئ كن فيكون
الجد ؛ ونعمه بالله اللي اتجوزوا بعدك وقبلك خلفوا
انا عارف ان ملكش صلة بالموضوع دا بس ي ابني ولم يكمل حديثه وجدوا سيدرا اقتحمت الموقف
سيدرا بدموع : اناااااا حامل ي فهد انا حامل ي جدي
واااد ي مروان انت بقيت خال اهبل والله
مروان بفرحة : خال وسكت لكن اهبل انا مش هسكت
فهد. عيونه دمعت من الفرحة وشالها ولف بيها
سيدرا : مبرووك ي احلي اب في الدنيا
فهد للجد : مش قولتلك ربنا كبير ي جدي
الجد وهو بيبوس راس سيدرا : ونعمه بالله حفيدي ابن فهد انا اللي هسميه
إبراهيم: مبروك ي صاحبي الحق ناملك اليومين دول لحسن هتلاقي صوت عياط دايما في الاوضة
ندي وهي شايلة عمر: دا عيل زنان زي …
ابراهيم بضحك: زي مين كملي
ندي : زي أمه لكن ابوه دا ملاك
إبراهيم خد عمر من علي ايديها : البركة فيكي ي ست الكل
مروة : مروان تعرف إن محمد ابننا في شبه من مصطفي خاله
فهد : انا لاحظت كدا بردوا بس محمد هيكون احلي كمان ربنا يبارك فيه
مروان : بس العيال دي نعمه من ربنا والله ربنا يرزق كل مشتاق
الكل : اللهم امين
فهد وسيدرا قرروا انهم ميحددوش نوع الجنين ويعرفوا ساعه الولادة
عدي ال٩ شهور عليهم بتعب بس فرحانين ان ربنا كرمهم وبطن سيدرا كانت كبيرة وفهد عمره ما كان تعبها بالعكس كان بيساعدها
******** إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا💕💕🍨»
يوووم الولادة
الجد أمر البنات تفضل هنا عشان العيال متتعبش من جو المستشفي وساب إبراهيم معاهم
لكن فهد ومروان والجد راحوا مع سيدرا
سيدرا دخلت العمليات وولدت والممرضات طلع وباركت ليهم
الجد للممرضة: سيدرا كويسة
الممرضة : الحمد الله وجابت توأم زي القمر
مروان: توأم وضحك وقال من اللي كانت بتعمله فينا بيطلع عليها واحدة واحدة
فهد : اللهم لك الف حمد واستنوا لحد ما اتنقلت اوضة عادية وفاقت ودخلولها
فهد : مبرووك وحمدالله علي سلامتك
سيدرا : الله يسلمك انا جبت اي
فهد. : كان نفسك في ولد صح وانا في بنت والحمد الله ربنا كرمنا بتوأم سيدرا بدهشة: توأم
الجد : البنت فاطمة علي اسم مراتي والولد موسي علي اسمي
اي رأيكوا

فهد: مفيش احسن من الاسمين دول ي جدي اهم حاجة نبقي مبسوطين مع بعض
عدي السنين والوقت وكلهم كبروا واللي بقي معاه طفلين وتلاته
في يوم من الايام ابن إبراهيم عمر كان بيضرب فاطمة وشاددها من شعرها
الكل كان متجمع ساعتها
فهد : ليه كدا ي عمر
عمر: متخليهاش تلعب مع محمد ابن عمو مروان
فاطمة: انت ملكش دعوة ي بابي دا بيشدني من شعري جامد
عمر ، انا كل يوم اقولك متلعبيش مع حد غيري عشان مشدش شعرك
إبراهيم: فاكر ي فهد لما كنت بتعمل كدا مع سيدرا
سيدرا بحب : كان أعظم اختياراتي ومازال اعظمهم
فهد : ربنا يخلينا لبعض ونفضل عزوة
مروان : بس عمر شكلة هيبقي زي عمه فهد
مروة : وفاطمة زي امها سيدرا
محمد ابن مروان : بابي ممكن تعمل ليا بيت انا وأية عشان جميلة وعاوز اتجوزها
مصطفي: امشي يلا من هنا مينفعش اصلا انا مش موافقين
جويرية : ليه أن شاء الله بقي
مصطفي : عشان اية اكبر منه
جويرية بضحك : صدق نسيت
ندي: انا هقولكوا ملخص حدوتتنا بقي
انسب شخص ليك، مش اللي بيديلك حب، و اهتمام، او لحظات حلوة، انسب شخص اللي بيديلك راحة بال، و اللي لما بتكون معاه بتنسي اي هم.
ف وانت بتدور على نصك التانى أوعى تختار النص اللى عايز تعيش معاه، اختار اللي يحققلك راحة البال.
*-* المشاكل شئ اساسي ف اي علاقه، بس فرق كبير بين ناس بتواجها وتحلها وتقوي علاقتهم ببعض، وناس تاني بتنهيها.
الخلاصه : الحب، الاهتمام، الخروجات، الأوقات الحلوة .. كل دي حقوقك ف أي علاقة تدخلها، ف لمّا تلاقيهم متنبهرش، مش حاجة واو يعني وخيالية. لكن الحاجة البيرفكت فالزمن ده هي (راحة البال). إنك تلاقي نفسك مع شخص يديك كل الحاجات اللي فوق دي، وكمان وهو مريح بالك، مش محسسك بوجع قلب وخوف، مطمنك إنه إنت بعد ربنا ف حياته..
سيدرا : مفيش حد كبر على الاهتمام ..كلنا محتاجين اللي يهتم بينا مهما كبرنا بيفضل جوانا طفل محتاج يحس بحنية و طبطبة من اللي حواليه و اللي بيحبوه.. محتاجين نحس ان لسه وجودنا مهم في حياة اللي بنحبهم ..مهما كنا ظاهرين اننا قويين للي يخصونا عشان نطمنهم بس مش اكتر لكن جوانا بردو محتاجين اللي يهتم بينا ويطمنا ..بلاش نبخل علي اللي بنحبهم بكلمة حلوة فيها اهتمام او بسؤال من وقت للتاني او بهدية بسيطة من غير مناسبة اللي حاجات دي بتفرق اوي و بتهون علينا الدنيا وهي اللي بتخلينا قادرين ندي اكتر و نكمل ..
مروة : الحُب نصيب ، والفراق قرار ، الحُزن نصيب ، والفرح قرار ، ” وجود شخص في حياتك نصيب ، والأحتفاظ به قرار ” ، نحن لا نملك النصيب “لكننا نملك القرار”.

متسبوش اللي بالكوا وتفكيروا وتدورا علي حد تاني
متعلقوش قلوب الناس بوعود كدابة
روايتنا كدا انتهت اللهم لك الحمد
نوووت بس صغيرة كدا 👈👈
الناس اللي عارفه انها ماشية في سكة مش كويسة مثلا كذب او بتكلم شباب او العكس بيكلم بنات لو بيحبك هيخبط علي بابك ويكلم اهلك حتي لو مكنش لسه كون نفسه لكن انه يقولك اصبري بس معايا وانا هتجوزك دا اسمه كداب وخاين لو عاوز يعمل اي خطوة هيعملها حتي لو هيتكلم مع اهلك وأهلك رفضوا بس دا دليل علي انه عاوزك غير كدا اسمه لعب عيال ومفيش واحد هيتجوز واحدة كانت بتكلمه والكلمه دي من لسان شاب
هي رخصت نفسها وخافت من أهلها بس مخفتش من ربنا هتتأمن علي عيالي تكون خير الامومه ليهم
يعني هما بيوعدوا ويخلفوا قليل اوي أوي االي يصدق وتلاقي حياتهم كلها مشاكل
عشان بدأوا الطريق من الاول غلط حتي لو مكنوش عرفين اهم عرفوا
وفي ناس عارفه انها ماشية غلط ومكمله ربنا يهديها وتفوق لنفسها لسه في طريق للتوبة ي جماعه كله والنبي يعمل لاخرته بالله عليكوا الإنسان مبقاش عارف مين اللي عليه الدور بقينا في زمن وحش الا من رحم ربي
توبوا ربنا اسمه التواب الغفار
ربنا قالك إلا من تاب وآمن وعمل عملا صالحا
توب واستغفر ربنا وكون دايما عندك حسن ظن في ربك انه قادر علي كل شئ …..
كل حد كان متابعها اتمني دعوة من قلبكوا ليا وليا ولكم المثل

لقراءة باقي حلقات الرواية اضغط على : (رواية زواج بالإتفاق 2)