رواية أحببت منتقبة 2 الفصل الرابع عشر 14 بقلم ياسر الأنصاري

رواية أحببت منتقبة 2 الفصل الرابع عشر 14 بقلم ياسر الأنصاري

رواية أحببت منتقبة 2 البارت الرابع عشر

رواية أحببت منتقبة 2 الجزء الرابع عشر

رواية أحببت منتقبة 2 الحلقة الرابعة عشر

الممرضه. يعني مش عاوز تعرف جابت ايه !
صهيب. كل الي يجيبه ربنا حلو بس قوليلي جابت ايه
الممرضه. جابت ولد زي القمر
صهيب بفرحه. ولد. اللهم لك الحمد. ونزل سجد ع الأرض شكر لله
وبعدها قام ودخل للزهراء. حمدالله على سلامتك يا حبيبي
الزهراء بتعب. الله يسلمك يا حبيبي
صهيب. ولد زي القمر يا زهره بس مش ف جمال أمه طبعا
الزهراء. وهو فين جمال أمه بس مهو راح خلاص
صهيب. مين قال كدا دي أمه كل شويه عماله تحلو لدرجة أنها قلبت ع حتة عسل نحل
الزهراء. ربنا يخليك ليا يا حبيبي
والكل طبعا دخل .. جمال وعائشه وهدير وصفاء وصابر جيه كمان يتطمن ع أخته
جمال. الف سلامه عليكي يا بنتي
الزهراء. الله يسلمك يا بابا
هدير. مبروك يا زهور ولد قمر ربنا يباركلكم فيه يارب
الزهراء. ربنا يخليكي يا حبيبي

عائشه. حمدالله على سلامتك يا قمرايا ولد زي القمر يا روحي شبهك اوووي
الزهراء. ربنا يخليكي يا ماما لا اكيد شبه أبوه
صفاء. سلامتك يا زهره ومبروك يا بنتي
الزهراء. الله يبارك فيكي يا ماما
عائشه. ها بقي قررتو تسمو الولد القمر دا ايه
الزهراء بابتسامه . الرأي لابوه طبعا وهو الي يسميه
صهيب .. ايه رايكم في مصطفي واهو ع الاقل يكون شبه جدو ف طيبته وقلبه الابيض
جمال. حلو اوووووووووووي يا صهيب ربنا يباركلكم فيه
عائشه. بجد جميل اوووووووووووي ربنا يجعله ولد صالح وبار بأمه وأبوه يارب
صفاء بدمعه. مش عارفه اقولكم ايه غير ربنا يبارك فيه ويحفظه ليكم
صهيب. ربنا يباركلنا فيكي يا ست الكل
عائشه. بص يا صهيب بالله عليك مش كله الزهراء
صهيب بابتسامه. انا كدا محظوط يا امي والله اني عندي الأصل ونسخه مصغره منها
عائشه. يا حبيبي ربنا يخليكم لبعض
الزهراء.. هو أنا هخرج أمتي !

صهيب. الدكتوره قالت اني حالتك كويسه وحالة الطفل كمان يعني ممكن تخرجي اخر اليوم يعني كمان ساعتين كدا
الزهراء. ممكن اطلب منك طلب يا صهيب
صهيب. اكيد يا روحي
الزهراء. انا عاوزه أخرج دلوقتي مش بحب قعدة المستشفي وكمان النهارده اخر يوم في واجب بابا يعني لازم نكون هناك
صهيب بضحكه. مهو احنا هنكون هناك با الفعل بس انتي بقي هتفضلي هنا ومعاكي ماما وهدير
الزهراء. عشان خاطري أخرج معاكم 🥺
صهيب. ماشي يا ستي هشوف الدكتوره
صهيب راح واخد معاه هدير ودخل مكتب الدكتوره ..السلام عليكم
الدكتوره. وعليكم السلام ورحمه الله وبركاته..اتفضل يا دكتور
صهيب. ربنا يبارك في حضرتك انا بس كنت بستاذنك اني الزهراء تخرج معانا دلوقتي وهما فرق ساعتين يعني مش هياثرو معاها ف حاجه وكدا كدا انا معاها لو تعبت في اي وقت هنيجي لحضرتك
الدكتوره بابتسامه. ماشي يا دكتور مفيش مشكله والف مبروك ع الطفل سميتوه ايه بقي
صهيب. مصطفي ع اسم جده عليه رحمة الله
الدكتوره. ربنا يرحمه ويبارك ف مصطفى الصغير
صهيب. تسلمي يا دكتوره. نستأذن احنا بقي سلام عليكم
خرج صهيب وراح ناحيه اوضة الزهراء. يلا يا ستي الدكتوره وافقت
ومشيو كلهم والرجاله رجعت الواجب والستات ف البيت وبعد ما اليوم خلص
جمال. صهيب احنا هنمشي بقي

صفاء. خليكم قاعدين يابو صهيب
جمال. معلش بس ورايا شغل والله ومحمود كذالك وهدير عندها جامعه كمان
صهيب. خلاص يا بابا اسبقو انتو وانا والزهراء يومين كدا ولا حاجه وهنيجي وراكم
جمال. خليك براحتك يبني يلا سلام عليكم
اتحرك جمال ومحمود وعائشه وهدير
وفضل صهيب والزهراء وصفاء وصابر
صابر. والله يا صهيب ما عارف اقولك ايه بس الي اقدر اقوله اني ابويا لما قال عليك ابنه صدق
صهيب. ابوك عليه رحمه الله. كان زي ابويا با الضبط ومشوفتش منه غير كل حاجه حلوه ..ف الوقت الي عمري كان بيضيع مني ابوك هو الي رد فيا الروح وف كل ازمه كان يكون موجود معايا فا دي اقل حاجه ممكن اقدمها لواحد زي عم مصطفي عليه رحمة الله
صفاء. والله يبني كان بيعتبرك زيك زي صابر والزهراء كان ليه نظرة ف كل واحد يقابله من اول مره شافك ف القسم وهو قالي اني ارتاحلك بمجرد ما شافك ف المكتب
الزهراء. ربنا يرحمه ويغفر له ويسكنه فسيح جناته يارب
صهيب. يارب

صفاء. انا هقوم احضر لقمه كدا ع الماشي
صهيب. بالف هنا انتو انا بصراحه فاصل نوم. قومي يا الزهراء قوليلي هنام فين وارجعي كلي مع امك واخوكي
الزهراء. لا انا مليش نفس انا جايه معاك
صهيب. يا بنتي اسمعي
الزهراء. قولتلك جايه معاك
صهيب. ماشي يا ستي. تصبحو ع خير يا جماعه
صابر وصفاء. وانتا من أهل الخير
طلع صهيب والزهراء واول لما دخلو اترمي ع السرير
الزهراء. تعبان اوي كدا يا حبيبي
صهيب بنص عين. هلكان والله
صهيب حس اني الزهراء زعلت فقام برغم تعبه وراحلها … ممكن اخد حضن صغنن قد كدا 🤏
الزهراء بابتسامه. قد كدا 🙈
صهيب. آه يا ستي ..اخدها ف حضنه
اوووووووووووي…مبروك علينا يا حبيبي المولود الجديد

الزهراء هي وفحضنه .. الله يبارك فيك يا روحي. متعرفش انا فرحت قد ايه لما سميته مصطفي
صهيب. هو كدا سبحان الله ومينفعش اي اسم تاني وقته ومكانه هو مصطفي يارب بس يطلع نص جده مصطفي
الزهراء. يارب يا حبيبي. خلاص تقدر تنام يا صهيب مش زعلانه والله ولا حاجه
صهيب. طيب ايه رايك ننام ساعتين كدا ونصحي بدري مع بعض نقعد شويه مع مصطفى باشا وبعدين نروح مشوار مع بعض
الزهراء. مشوار ايه
صهيب. هتعرفي بكرا أن شاء الله. هاااا قولتي ايه ننام شويه !
الزهراء بابتسامه. يلا يا حبيبي
صهيب . بس بشرط !
الزهراء. ايه هو
صهيب. تنامي ف حضني النهارده بقالك 3 ايام بعيد عن حضني وانا با العافيه صابر عشان الموقف والظرف الي احنا فيه لكن اكتر من كدا مش هقدر
الزهراء. حبيبي اصل ال
صهيب. انا قولت تنامي ف حضني مش هعمل اي حاجه تاني أنا عارف انك تعبانه وبعدين احنا هنروح فين من بعض يعني اينعم انتي ميتشبعش منك بس معلش عشان تعبك وعشان مصطفى باشا هنعديها
الزهراء. والله رفيقي الي بيفهمني بدون ما اتكلم. تسلملي يبني والله
صهيب. روح قلبي. يلا بقي تعالي ف حضني وهاتي الواد القمر دا جنبنا
نامو كام ساعه وكانت جات الساعه 7 الصبح

صهيب قام اخد الشاور بتاعه وصلي ولبس هدومه
الزهراء بنص عين. صباح الخير يا حبيبي انتا بتلبس ليه
صهيب. صباح الفل يا روحي مش قولتلك معايا مشوار بدري وكنت قولتلك هاخدك معايا بس لقيتك سهرتي مع الولد قولت اروح انا وارجع ع طول
الزهراء..لا استني انا جايه معاك
صهيب. اسمعي الكلام نامي شويه وخليكي مع مصطفي وانا ساعه با الكتير وهكون هنا
الزهراء..ماشي يا بابا
صهيب. ف حد ف طريقي تنزلي تعديني ولا انزل ع طول !
الزهراء. ماما وصابر ف الشقه انزل ع طول متقلقش
صهيب. ماشي يا حبيبي يلا سلام مؤقت
خرج صهيب ركب عربيته وراح لأقرب سوق خضار ف الشرقيه وجاب قفاص موز وبرتقال وجوافه وتفاح وخضار وعدي ع ماركت كبير وجاب رز ومكرونه وزيت
وعدي كمان ع محل جزارة كبير وطلب منهم عجل قائم وهما يجو يدبحوه عند البيت وبا الفعل الجزار وافق واخد عربون وكان المعاد بعد ساعتين

روح صهيب وهو ف الطريق رن عليه صابر
صابر. السلام عليكم
صهيب. وعليكم السلام ورحمه الله وبركاته صباح الفل يا صابر
صابر. صباح الورد. انتا فين كدا
صهيب. داخل عليك اهو خليك قريب عشان محتاجك تشيل معايا شويه حاجات
صابر. تمام أنا ف البيت اهو
ومفيش شويه كان صهيب وصل ونزل من العربيه ونده ع صابر …تعالي شيل معايا الحاجه دي
صابر باستغراب. ايه كل دا يا صهيب !
صهيب. شيل بس وهقولك
دخلو الحاجه كلها والكل مستغرب
الزهراء. لمين دا كله يا صهيب !
صهيب. يا جماعه مالكم مستغربين كدا. دي حاجه هنطلعها للفقراء هنا وثوابها يروح لعم مصطفي عليه رحمة الله
صفاء بدموع. كدا كتير بجد يا صهيب انتا بتعمل كل دا ليه
صهيب. ولا كتير ولا حاجه وبعدين عملت أي يعني دا دين عليا وبوفيه عم مصطفي خيره مغرقني
صابر. والله ما عارف اقولك ايه غير ربنا يباركلك بس بدون زعل أنا بردو كنت ناوي النهارده اعمل كدا. هنشيل فلوس الحاجه مع بعض

صهيب. انتا بتهزر ولا جنيه ..مره تاني أن شاء الله اعملها لوحدك يا عم وانا مش هدفع معاك جنيه
فون صهيب رن … سلام عليكم. احنا قدام المكان الي حضرتك قولت عليه يا باشا
صهيب. وعليكم السلام. تمام طالع اهو
قفل المكالمه معاه. تعالي معايا يا صابر
خرجو هما الاتنين والناس نزلو العجل وصابر مستغرب كدا
الجزار. الدبح هيبقي فين يا باشا !
صهيب. مكانك هنا يا غالي …يلا اتوكلو ع الله
صابر اخد صهيب ع جمب. يا صهيب حرام عليك ايه كل دا
صهيب. كتير ع عم مصطفي ؟
صابر. مش حوار كتير بس …
صهيب. يبقي خلاص ..يلا شوف كدا كام معونه عشان اللحمه وهات حاجه كبيره نفرشها
صابر. حاضر
دخل صابر وقالهم ع الحاجات الي عاوزينها
صفاء. ليه عاوزينها ومين الناس الي بره دول !
صابر. صهيب يا امي جايب عجل كبير والجزار هيدبح برا
الزهراء منطقتش كلمه بس مبسوطه اوووووووووووي من جواها

صفاء. بردو كدا يا صهيب ليه كل دا يبني بس
صابر. قولتله كدا والله قالي كتير ع عم مصطفي ؟
صفاء. ربنا يباركله يارب ويحفظله مصطفي الصغير يا صابر صهيب اخوك الكبير فاهم اخوك الكبير
صابر. فاهم يا امي والله
صابر اخد الحاجه وخرج والجزار كان خلص
واخدو اللحمه وحاسبو الجزار ودخلو
صهيب وصابر والزهراء وصفاء بيقطعو اللحمه
صهيب. قوم كدا يا صابر هات ورقه وقلم وشوف الناس الاكثر احتياجا الاول واكتبهم
صابر قام عمل الي طلبه صهيب وبا الفعل بداو ف التوزيع
____________________________
راجل. اعمل ايه بس يا ربي شغل اليوم كله ومش عارف اجيب اكله حلوه لعيالي
ست. متقلقش يا اخويا ربنا هيعدلها وبعدين عادي يعني اهو يوم زي اي يوم مش لازم لحمه
راجل. يا بنت الناس افهمي النهارده الكل طابخ ومش عاوز عيالي يشمو ريحه اكل عند غيرنا واحنا قاعدين حاطين ايدنا ع خدنا
الباب بيخبط وقام الراجل يفتح
صابر. السلام عليكم

الراجل. وعليكم السلام يا استاذ صابر
صابر. اتفضل يا عم ايهاب… يلا سلام عليكم
ومشي ع طول
الراجل..يا تري ايه الي ف الكيس دا
الست. مين دا يا ابو البنات
الراجل. ذ صابر ساب الكيس دا ومشي
الست فتحت الكيس لقيت رز ومكرونه وخضار وفاكهه وكيس لحمه كبير وظرف مقفول…ايه دا كله ما شاء الله
الست. خد اقرأ يا اخويا
الراجل. فتح الجواب لقي فيه مبلغ من المال ومكتوب …لا تنسو الدعاء لوالدي الحاج مصطفي
الراجل بدموع . الله يرحمك يا حاج مصطفي الله يرحمك حاسس بينا انتا وعايش وانتا ميت .. اللهم لك الحمد يارب
الست. والله منا مصدقه يا إيهاب دا احنا لسا كنا بنتكلم صحيح ربنا سبحانه وتعالي احن من آلام ع طفلها
الراجل. ونعمه بالله متنسيش تدعي للحاج مصطفي ياما اخدنا منه في حياته واهو حتي بعد وفاته فاكرنا
الست. ربنا يرحمك يا راجل يا طيب …قولو الله يرحمه يا عيال
العيال. الله يرحمك يا جدو مصطفى ♥️

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية أحببت منتقبة 2)