روايات
رواية حين التقيتك الفصل الأول 1 بقلم هبة حامد
رواية حين التقيتك الفصل الأول 1 بقلم هبة حامد
رواية حين التقيتك البارت الأول
رواية حين التقيتك الجزء الأول
رواية حين التقيتك الحلقة الأولى
ـ يعني اي هتجوز ! طب وانا؟
ـ كنتي فتره وخلصت ياليال، وجه الوقت اللي كل واحد فينا يشوف طريقه.
حط ايده ف جيب بنطلونه وادني ضهره ـ وبصراحه بقا انا لقيت طريقي.
وقفت قدامه ودموعي بتنهمر زي شلال فاض من كتر ضغط المايه، اتكلمت بتلعثمـ
ــ ان…انت بتقول ايه ياكريم! انت مش…مش كنت علطول بتقول ان طريقنا واحد وانك بتحبني
كريم بصلي انا ليال، ليال حببتك انت وعدني نفضل طول العمر مع بعض، و…وكمان قولتلي انك هتخلص جيش ونجوز
كريم انا بقالي ٣سنين مستنياك وبرفض اي حد علشانك، علشان بحبك ومش عايزه غيرك، تيجي انت تتخلي عني حرام عليك
ـ يوووه حرام ايه؟ انتي تعرفي الحرام انتي؟ هو انتي فكره اني هجوز واحده مشيت معها ٣ سنين وهي مغفله اهلها
ـ بتريقه ـ بكلمي مين ياليال؟ بكلم صحبتي ياماما، رايحه فين ياليال؟
هقابل صحبتي يماما
انتي عايزاني اامن لوحده بتخون ثقت اهلها وبتقرطس اخوها ومقضيها حب ودبديب مع واحد
قرب وشه مني وضحك بسخريه ـ وانا ايه ضمني ان الحلوه مش مقضيها مع غيري برضو ولا قبل مني
وبعدين انا شبعت منك بقا وزهقت الصراحه، مليت يبنتي عايز اغير
كنت وقفه متجمده مكاني من الصدمه مش عارفه ارد مش هو دا كريم اللي حبيته ووثقت فيه لا يمكن يكون هو، كريم اللي حبيته كنت شايفه ان هو العوض خوفه عليه وغيرته وحبه واللي كان بيعمله عشان، كل دا وهم كدبه!
ـ كريم انت بتعمل مقلب فيه صح؟ انت …انت بتهزر مش كدا
ـ ياربي، لا مبهزرش بكلم جد، انا ـ مشـ عايزك ـ ياليال ـ خلاص حلي عني بقا وكفايه ترخصي فنفسك اكتر من كدا
ـ انت حيوان، انا بكرهك، ربنا ينتقم منك ياخي … ربنا ينتقم منك
وقعت علي الارض وانا عماله ادعي عليه وعلي كسرة قلبي مش عارفه انا اللي ظلمت نفسي ولا هو اللي ظلمني، كلامه بيتردد ف وداني زي ماكون ف كابوس
انا اللي وصلت نفسي لكل دا، انا اللي غلط لما فضلت انسان علي ثقة اهلي وخنتهم تحت مسمي الحب والاهتمام
انا اللي بصيت لغيري وقولت ماحب زي زيهم هو انا خساره فيه الحب، انا اللي فتحت قلبي لاول طيار هوا ، انا اللي كنت بكدب علي نفسي واقول بيحبني وعمره ماهيخذلني، انا اللي هبله وغبيه وساذجه
اخد شنطتي ومشيت، مكنتش عارفه اروح لمين؟ صحابي اللي هيشمتو فيه ولا اللي هيلومني،
محستش بنفسي غير وانا علي الباب
ـ ليال!
ـ ادم !
ـ انتي كويسه؟
مسحت دموعي اول ماشفته، وافتكرت اخر موقف بينا، مكنش ينفع اجي هنا بعد اللي عملته، بس مينفعش امشي
انا محتاجه اكلم مع حد