رواية حين التقيتك الفصل الثاني 2 بقلم هبة حامد

ـ ايوه لحظه واحده،سلمي ياسلمي كلمي ليال

ـ ليال؟ تعالي ادخلي

اول مادخلت وقعد علي السرير حضنتها وفضلت اعيط

سلمي تبقي زميلتي وجارتي كنا صحاب ايام المدرسه، هي كانت قرييه من ربنا دايما، كنت بقول عليها شيخه ومحبكها اوي،وكنت اوقات بتهرب منها عشان ادم

لحد ماكل واحده دخلت كليه وبقي ليه صحاب تانيه كنت شايفه انهم شبهي

كانت بتبطب عليه وبتمسحلي دموعي ـ طب اهدي طيب مفيش حاجه تستاهل والله

مسحت دموعي بضهر ايدي واكلمت وانا بشهق من كتر العياط

ـ لا في ياسلمي، في اني مستهلش اعيش

ـ لا حول ولا قوة الا بالله، متقوليش كدا ياحببتي، كل حاجه هتتصلح ان شاءلله

ـ بس انا قلبي اللي انكسر ياسلمي

ـ يتصلح ياحببتي، طلما رب القلوب موجود يبقي يتصلح

ـ ازاي ياسلمي؟ ازاي بس، انا دمرت نفسي وثقت اهلي، حتي ربنا يسلمي مش هيسامحني انا عملت ذنوب كتير اوي

ـ مين قالك‏ كدا ربنا بيقول ﴿ قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ﴾

يعني ربنا هيسامحك ويغفرلك كل ذنوبك بس احنا نتوب ونرجعله

بعياط ـ بجد ياسلمي؟ طب واهلي؟

ـ نرجع ثقتهم من تاني ومنغلطش نفس الغلط

مسكت ايديهاـ سلمي هو انتي ممكن تساعديني اتغير

ـ اكيد طبعا، واهو الواحد يكسب صواب من وراكي وهنبداء من دلوقت كمان

،بس هتعملي كل اللي هقولك عليه وهنبداء خطوه خطوه

ـ هعمل كل اللي تقولي عليه والله

ـ طب بصي بقا ياستي اول حاجه عايزاكي تعمليهالما ترجعي البيت ان شاءلله تتوضي وتصلي ركعتين توبه

الرسول صلى الله عليه وسلم قال (ما من عبدٍ يُذنِبُ ذنبًا فيُحسِنَ الطَّهورَ ثمَّ يقومَ فيُصلِّيَ ركعتَيْن ثمَّ يستغفِرُ اللهَ إلَّا غَفَر له)وقال الله تعالى (وَالَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَنْ يَغْفِرُ الذُّنُوبَ إِلاَّ اللَّهُ وَلَمْ يُصِرُّوا عَلَى مَا فَعَلُوا وَهُمْ يَعْلَمُونَ).

وشرطهم الندم علي الذنوب وعدم الرجوع ليهم ابداااااا ويكون الندم خالصا من قلبك

ـ هو بجد ربنا هيغفرلي كل ذنوبي، كلها ياسلمي؟

ـ ايوه ومش كدا وبس ويبدل السيئات لحسنات {إِلّا مَن تابَ وَآمَنَ وَعَمِلَ عَمَلًا صالِحًا فَأُولئِكَ يُبَدِّلُ اللَّهُ سَيِّئَاتِهِم حَسَناتٍ وَكانَ اللَّهُ غَفورًا رَحيمًا} شايفه كرم ورحمة ربنا، ياشيخه دا الواحد يكسف يعصيه

ـ عندك حق،انا بجد متشكره اوي ياسلمي، انا فعلا حسيت براحه لما جتلك، تعرفي اني مكنتش عارفه اروح لمين ورجلي اللي جبتني لعندك

ـ تؤ تؤ، مش رجلك اللي جبتك ربنا اللي بعتك لعندي عشان هو عايزك ترجعيله ياليال ربنا اختارك للهدايه، ربنا لما بيهدي حد بيجعل ليه اسباب،

اللي حصل معاكي النهارده دا من رحمة ربنا عليكي، صدقيني لو مكنش حصلك كدا مكنتش هتجيلي ولا كنتي هتفكري ترجعي لربنا، وكنتي هتفضلي مستمره علي الذنب وبعيده عن ربنا

صدقيني ياليال الناس اللي بتفضل عايشه حياتها بعيد عن ربنا ومن غير ماتفكر ترضيه الناس دا نسيت ربنا فربنا نساهم ،فالحرام بقا بيتيسرلهم

وحياتهم بتكون هم وغم

ربنا بيقول{ ومن اعرض عن ذكري فأن له معيشة ضنكآ}

الناس دا ربنا بيبعتلهم الهدايه كل يوم عن طريق حد او رساله اومصيبه تحصله فيتوب ويرجع بس هو بيكون معمي ومختار الطريق الغلط

ويرجع يقول ادعيلي ربنا يهديني، مستني ينزله ملك من السماء باين

ضحكت ـ انا بجد ندمانه اننا مفضلناش صحاب ياسلمي مكنش زماني وصلت للي انا فيه

ـ يستي احنا لسه فيها وهنرجع صحاب اكتر من الاول كمان

ـ ان شاءلله، انا همشي علشان اتاخرت

كنت نازله من عند سلمي حاسه براحه

رجعت البيت وعملت زي ماهي قالت، حسيت ان كان ف حجر علي قلبي ونزاح

كنت كل مابكي واشكي لربنا احس اني كنت ف قفص وبتحرر

لقيت رساله من سلمي علي الواتس

«السلام عليكم ورحمة الله وبركاته.

عمله اي دلوقت يالولو؟

ـ الحمدلله بقيت احسن بكتير

ـ الحمدلله، اعملي حسابك هنخرج بكره هعدي عليكي …..

واه.. هصحيكي تصلي الفجر

ـ ان شالله»

ـ حمدالله علي السلامه ياست ليال، كل دا نازله؟

ـ معلش بقا ياسلومه كنت بلبس

بصت عليه من فوق لتحت

كنت لابسه بنطلون بوي فريند وتشرت اوفر سايز وتحته قميص وحطه ميكاب سمبل

ـ امممم، طب يالا عشان ادم مستني هيوصلنا

وقفت مكاني وتنحت ـ ادم! طب ماحنا نروح لوحدنا، ليه نتعبه

سحبتني من ايدي ـ يبنتي هيوصلنا علي طريقه هو في حد يلاقي توصيله ببلاش اليومين دول وميركبش دانتي غريبه اوي

ركبنا العربيه وكنت مكسوفه جدا عايزه الارض تنشق وتبلعني ، افتكرت اخر موقف بينا

ادم كان بيوصلني انا وسلمي للمدرسه وكان بيذكرلنا، وكنت معجبه بيه كنا ف ٣ اعدادي وهو كان ف اوله كليه

شوفته واقف مع بنت زميلته وقتها غيرة جدا، فقررة اعترفله

ـ ادم عايزه اكلم معاك ف حاجه

ـ اتفضلي ياليال قولي

ـ ادم انا… انا… معجبه بيك وبحبك

ضحك ـ ليال انا بعتبرك زي سلمي اختي الصغيره، واللي انتي فيه دا سن مرهقه، ياريت تركزي ف مذكرتك انتي لسه صغيره علي الكلام دا

كلامه وجعني جدا هو شيفني زي اخته وكمان مرهقه اكيد بيحب زميلته اللي كان واقف معها،

من بعدهامرحتش المدرسه وبدات ابعد عن سلمي وحياتي اتغيرت لصحاب تانين وخروجات واتعرفت علي كريم وحبيت اهتمامه بيا وبداءت القصه اللي مكنش حد يصدق انها تنتهي بخذلان

ـ ليال ياليال

فوقت علي صوت سلمي ـ ايوه ياسلمي

ـ يالا ننزل احنا وصلنا، ولا ناويه تكملي مع ادم

بصيت لادم اللي بصلي ف مراية العربيه، ولما عيونا اتقبلت نزلت فورا وانا مكسوفه

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية حين التقيتك)