رواية انتقام الجميلة الفصل التاسع 9 بقلم سارة الفقي

رواية انتقام الجميلة الفصل التاسع 9 بقلم سارة الفقي

رواية انتقام الجميلة البارت التاسع

رواية انتقام الجميلة الجزء التاسع

رواية انتقام الجميلة الحلقة التاسعة

_ نتجوز يا جميلة و ابننا يبقي في حضننا
_ تمام ….. ااايه ؟ انت قولت ايه ؟
استوعبت جميلة ما قاله و صرخت بوجهه
_ بقول نتجوز يا جميلة ، ده الحل الوحيد علشان نادر يبقي معانا احنا الإثنين
_ لا يا سيف ، نجوم السما اقرب لك
، انت مفكر ايه ؟ ، اول ما تقولي تعالي نتجوز ، هجري عليك ، لا انت غلطان
، انت مفكرني جميلة المغفلة بتاعت زمان ، اللي كانت معميه بالحب ، و مهما سيف يعمل تمسك فيه
‏، لا يا سيف البركه فيك غيرتني ، مش انا اللي أمسك فيك ، مش انا اللي اوافق اتجوز واحد زيك ، أناني و مش بيشوف غير المظاهر
_ جميلة أنا اتغيرت ، اكيد يعني مش هبقي سيف من سبع سنين ، وقتها كنت لسه صغير ، اما دلوقتي كبرت يا جميلة ، اتغيرت

 

 

 

_ لا يا سيف مكنتش صغير ، 22 سنه صغير ؟! ليه مكنش عندك مخ تفكر بيه ؟!
ده انت حتي مدتش نفسك فرصة تشوفني من جوه ،
قلبك كان معمي هو و عينك ، علشان كده مقدرتش تشوف قد ايه كنت بحبك و بخاف علي زعلك
، لكن انت مش هقولك محبتنيش ، لا انت عمرك ما خوفت علي زعلي ، مش فاكر اهانتك ليا دائما ؟ ، مش فاكر لما كنت دائما تفكرني بإني وحشه و جسمي مش حلو ؟
_ كفاية يا جميلة ، كفاية
_ ايه جرحتك ؟! شوف بقا كل ده في قلبي من سنين ، حتي لو اتغيرت و بقيت أحلي ،
قلبي لسه مجروح و متشوه من آخر جرح و عمره ما هيلتئم
_ امشي يا سيف اللي يصلح حالك ، قال عايز تتجوزني !!
ألقت جميلة كلماتها و من ثم غادرت من أمامه و هي في قمة الغضب و الإنفعال
_ لازم تسامحيني يا جميلة ، علشان ابننا
قالها سيف و هو ينظر في أثرها بحزن ..
_____________________

 

 

 

_ ألو ، أيوة يا نانسي انتي فين ؟
_ انا في البيوتي سنتر يا حبيبتي ، مال صوتك ؟
_ لما نتقابل هقولك
_ طيب ابعتلك اللوكيشن ؟
_ لا بقولك نتقابل في كافيه ****** بعد نص ساعة
_ ماشي يا حبيبتي ، باي
_ باي
~~~~~~~~~~~~~~~~~~~
بعد نصف ساعة تقريبا …
كانت نانسي تتحدث بالهاتف ، حين اقبلت عليها جميلة ..
_ يعني هتيجي امتي كده ؟
_ مش عارف ، بس قريب يعني ، بصراحه جميلة وحشتني اوي هي و نادر
_ اه يا عم الحبيب
_ حبيب ايه بس ، ده انا متبهدل علي الآخر ، دي مش حاسه بيا أصلا
_ إن شاء الله تيجي بس و نشوف
في تلك اللحظة اقتربت جميلة منها ..
_ بتكلمي مين ؟

 

 

 

قالتها جميلة بصوت منخفض ، سمعها أسد و تحدث سريعا ..
_ متقوليش حاجة ليها يا نانسي ، متقوليش إني بكلمك
_ لا يا حبيبتي ، دي ماما
_ اه ، طب سلميلي علي طنط
_ الله يسلمك ، طب يلا باي يا حبيبتي هكلمك بعدين
_ تمام ، يلا سلام
أغلقت نانسي معه و جلست جميلة …
_ ها بقا متضايقه ليه ؟
_ سيف
_ ماله ؟
قالتها نانسي بضيق فهي لا تطيقه
_ عايز يتجوزني ، علشان نادر يبقي معانا احنا الإتنين
_ يت.. ايه ؟ و انتي وافقتي ؟!!!
قالتها نانسي بصراخ و عصبيه
_ وطي صوتك يا نانسي ، الناس

 

 

 

_ معلشي ، أصل كلامك يجنن ، انتي قولتيله ايه ؟ اوعي تكوني وافقتي !
_ اوافق ايه انتي كمان ! ، انتي هبله ! ، بعد اللي عمله فيا اوافق ؟!
_ يعني رفضتيه ؟
_ اه طبعا
_ الحمدلله ، طمنتي قلبي
قالتها نانسي بارتياح بعد تنهيدة
_ انتي مجنونه يا بنتي ؟
قالتها جميلة بمرح

 

 

_ اه مجنونه ، و بعدين انتي مزعله نفسك ليه ؟ ما يولع
_ انا بفكر في نادر يا نانسي ، خايفه اكون بفكر في نفسي بس ، هيعيش ازاي و مامته و باباه منفصلين ؟
_ لا ياختي متخافيش ، هو مش اول و لا آخر طفل باباه و مامته ينفصلوا
_ انا خايفه سيف ياخده مني ، مش هقدر ، مش استحمل نادر يفارقني
_ انتي هبله يا بنتي ، ده بالعقل كده ، اي الأحسن ؟ يعيش مع مامته و هي لوحدها و لا يعيش مع باباه و مراته ؟!
_ عندك حق ، ربنا يطمنك … بس ما سيف هيبقي عايزة بردو ما هو ابنه
_ يوووه يا جميلة ، يا بنتي فكي بقا ، يلا نطلب حاجة بطلي رغي بقا متقلقيش يا ستي
_ خلاص ماشي
قالتها جميلة بغيظ
~~~~~~~~~~~~~~~

 

 

 

في فيلا المرشدي _ في المساء _
و هم يتناولون العشاء ، أقبل سيف نحوهم ..
_ مساء الخير
_ مساء النور
أسرع نادر نحوه و احتضنه بقوة
_ بابي
_ حبيب بابي
_ تعالي يا نادر كمل اكلك
قالتها جميلة بضيق و هي تنظر لسيف
_ انا شبعت يا مامي ، انا هفضل مع بابي
_ لا يا دودي لازم تسمع كلام ماما و تاكل كويس ، يلا روح كمل اكل ، انا قاعد اهوه
_ تعالي يا ابني اتعشي معانا
_ تسلم يا عمي ، لسه واكل ، كنت عايزك في موضوع يا عمي بعض العشاء
_ ماشي يا حبيبي
~~~~~~~~~~~~~~~

 

 

بعد نصف ساعة تقريبا _ بمكتب كارم _
_ عمي انا عايز ارد جميلة ، علي الأقل علشان نادر ، ملهوش ذنب يلاقي باباه و مامته مطلقين
_ طب و انت فاكر جميلة هتوافق ؟!
_ انا قولتلها و رفضت
قالها سيف و هو مخفض رأسه
_ ما انت عرفت الرد بتقولي انا ليه ؟ انت عارف إني مستحيل اغصبها علي حاجة ، هي أو اخوها و خصوصا مسألة الجواز
_ بس حضرتك عارف يا عمي إن ده قرار مهم و خصوصا بالنسبه لنادر ، فلو سمحت يا عمي ممكن تلين دماغها شوية و تفكر في الموضوع
_ انت ناسي اللي عملته فيا يا سيف و لا ايه ؟
_ مش ناسي يا عمي والله ، بس دلوقتي بقا فيه نادر ، لازم تفكر فيه ، مقدمهاش حل تاني ، لازم توافق
_ لا مش لازم يا سيف ، و أنا مش هوافق مهما يحصل
‏
‏قالتها جميلة بغضب بعدما اقتحمت الغرفة ..

 

 

‏
‏_ زي ما عشنا من غيرك ، نقدر نكمل من غيرك بردو
‏
‏_ بس ده مش عدل ، اعيش و ابني بعيد عني
_ هو انت مالك كده ، عامل فيها الأب المثالي ، انت لسه عارف من يومين اصلا إنك عندك ابن
_ ما علشان انت كنتي اتجننتي وقتها و مقولتيش انك حامل
قالها سيف بصراخ و غضب
_ ما علشان انت وقتها دخلت عليا و في ايدك العروسة ، كنت عايزني أقولك ايه ؟ لا متطلقنيش اصلي حامل ، ده ما صدقت وقتها قولتك كده
ردت جميلة بصراخ هي الأخري
_ اهدي يا بنتي ، مش كده
_ من الآخر يا جميلة ، انا هاخد ابني 3 ايام في الأسبوع و الا قسما بالله ما هبقي علي حاجة و هيبقي فيها محاكم
قالها سيف بانفعال

 

 

 

_ و أنا مش موافقة يا سيف و اعلي ما في خيلك اركبه
_ يبقي انتي اللي جنيتي علي نفسك و أنا عملت اللي عليا بقا ، خلص الكلام
قالها سيف و من ثم غادر بغضب و كان نادر ينظر لهم بعيون دامعه ، ذهبت جميلة نحوه و ضمته بلهفه ..
_ متعيطش يا دودي ، ماما و بابا بتناقشوا عادي يا حبيبي
_ بابا ، مش هييجي تاني ؟
قالها نادر بدموع
_ لا يا حبيبي هييجي طبعا ، نانسي خدي نادر فوق و انا جاية وراكم
_ ماشي ، يلا يا دودي علشان احكيلك قصة من القصص بتاعتنا
قالتها نانسي بمرح ، لتخفف عنه ، فذهب نادر معها
_ هو انتي كل مرة تنهينا بخناق يا جميلة ، مش هينفع كده يا بنتي
قالها كارم بغضب من ابنته
_ يعني حضرتك مش شايف القرف اللي بيقوله يا بابا ، قال ايه عايز يتجوزني ، مفكرني الجارية بتاعته وقت يحب نتجوز و و وقت ما يعوز يطلق
_ يوه يا جميلة ، انت كنتي شوفتيني وافقت ، اديه اتعصب الله اعلم هيعمل ايه بقا ؟ انا هكلم عمك و نشوف حل
_ ماشي يا بابا ، اللي تشوفه
~~~~~~~~~~~~~~~~~~~~

 

 

 

في منتصف الليل ~ بغرفة نانسي ~
_ بقولك ايه يا أسد ، انت لازم تنزل بسرعه
_ جميلة كويسه ؟ فيه حاجة حصلت ؟
_ بصراحه اه ، طليق جميلة عرض عليها الجواز بعد ما عرف إن عنده ابن منها و كمان بيهددها إنه ممكن يقاضيها و ياخد الحضانه منها
_ طب أنا هاجي في اقرب طيارة ، و نشوف حل لما آجي
_ ماشي ، ربنا يستر بقا
و فجأة طُرِقَ الباب و دخل أحمد و علي ملامحه الغضب ..
_ انتي بتكلمي مين ؟
_ …………
_________________

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية انتقام الجميلة)