رواية انتقام الجميلة الفصل العاشر 10 بقلم سارة الفقي

رواية انتقام الجميلة الفصل العاشر 10 بقلم سارة الفقي

رواية انتقام الجميلة البارت العاشر

رواية انتقام الجميلة الجزء العاشر

رواية انتقام الجميلة الحلقة العاشرة

_ انتي بتكلمي مين ؟
قالها أدم بغضب بعدما فتح باب الغرفة
_ هااااا ، انت ازاي تدخل كده ؟ هي عمارة من غير بواب ؟
قالتها نانسي بفزع و غضب من تصرفه
_ اولا ، ده بيتي ادخل زي ما انا عايز ، ثانيا اسمها وكالة من غير بواب ، يعني عرفتي كل الكلام إلا دي ،
ثالثا بقا ، كنتي بتكلمي مين ؟
ضغط علي أسنانه في آخر جملة ..
_ انت مالك انت ؟ انت مين انت علشان تتدخل في شئوني ؟
_ طالما قاعدة في بيتي ، يبقي ليا الحق أتدخل

 

 

_ والله ؟!! ، طب انا بقي همشي من هنا دلوقتي
_ ما تمشي ، انتي هتهدديني
قالها أدم بانزعاج ، و هو يتابع رد فعلها ، فرغم حديثه إلا أنه لا يريدها أن تغادر ..
بدأت نانسي تضع ملابسها في الحقيبه و هي تتحدث بسرعة و غضب :
_ بني أدم مغرور ، مفكر نفسك مين انت ؟ انا كنت قاعدة عندك ؟!! أنا قاعدة عند صحبتي ، معندكش زوق ، فيه حد يعامل ضيفه بالشكل ده ؟!!
_ بطلي رغي ، صدعت
قالها أدم بصراخ ، فهي لم تقفل فمها ، منذ ربع ساعة تقريبا
_ لا و علي ايه ، انا اروح في أي اوتيل و ارغي براحتي ، من غير ما حد يتدخل في اللي ملوش فيه
_ روحي ، الله
قالها أدم بغضب طفولي ، فألقت عليه نانسي نظرة غاضبة و من ثم تركته و ذهبت ..
_______________________

 

 

في الأسفل
_ ايه يا نانسي راحه فين دلوقتي بالشنطه دي ؟
قالتها جميلة باستغراب
_ هروح أي اوتيل يا جميلة
قالتها نانسي و هي تنظر لأدم بضيق
_ دلوقتي ؟!! ايه اللي حصل بس ؟
_ اسألي اخوكي
_ فيه ايه يا أدم ؟
نظر أدم لها بغيظ و لم يرد
_ الله فيه ايه ؟ حد يرد
_ اخوكي طردني من الفيلا يا جميلة
_ انا طردتك ؟!

 

 

 

_ اه طردتني ، مش قولتلي امشي ، انتي هتهدديني ؟
_ انتي اللي اضطرتيني لكده
_ انت اللي بني أدم …
قاطعتها جميلة بغضب
_ باااااااس ، خلاص انتي و هو ، يلا يا نانسي اطلعي فضي الشنطة دي في الدولاب و بلاش عبط
_ لا يا جميلة انا همشي بجد
_ نانسي ، بلاش تزهقيني ، انتي عارفه إني مجنونه و ممكن اعمل اي حاجة ، يلااااا اطلعي
_ خلاص يا بنتي اهدي
قالتها نانسي بخوف و تابعت جميلة :
_ و انت يا ادم يلاااا انت كمان
_ الله انا عملت ايه ؟

 

 

قالها أدم بزعر
_ يلا علي اوضتك
_ خلاص يا باشا حصل خير ، والله ما انتي مزعله نفسك
قالها أدم بمرح و من ثم صعد
_ ناس مبتجيش غير بالعين الحمراء
صعد أدم و جواره نانسي ، ظلت تنظر له بغضب و هو ينظر لها بغيظ ..
________________________
في صباح اليوم التالي …
_ عمك كلمني امبارح يابني ، و عايزين نشوف حل يا سيف ، ميصحش اللي عملته امبارح ده ، ده مهما كان عمك
_ طب اعمل ايه بس يا بابا ، هي مش موافقة علي حاجة خالص ، اقولها هاخد ابني يومين مش موافقة ، اقولها اردك مش موافقة ، اعمل ايه طيب
_ نعم !! انت بتقول ايه يا سيف ؟ ترد مين ؟
قالتها نازلي بصراخ و غضب

 

 

_ نازلي ، صوتك ميعلاش
قالها سيف بغضب
_ يعني ايه ؟! عايزني اسكت يعد كلامك ده ؟!
_ كلمه كمان ورب العرش اطلقك ، علي اوضتك
نظرت له نازلي بغل و غيظ و من ثم ذهبت
قالها سيف بغضب شديد
_ لا مواخذة يا بابا
_ لا ولا يهمك ، مراتك تربيها بمعرفتك
قالها محمد بسخرية
_ انت بتقول ايه يا محمد

 

 

_ صفاء ، مش وقتك دلوقتي ، بص يا بني انا قولت لعمك يراجعها في قرار الرجوع ، و لو كده بقا هيقنعها تاخد الواد يومين في الاسبوع
_ ماشي يا بابا ، عن إذنك هروح الشركة
_ ماشي يا حبيبي ، مش ناوي بقا تيجي تشتغل في شركة ابوك ؟
_ أنا مرتاح كده يا حاج
_ ماشي يا بشمهندس
_______________________
بعد ثلاثة أيام …~ شركة المرشدي ~
_ جميلة
_ نعم يا سيف ؟
قالتها جميلة بغيظ

 

 

_ انا سايبك براحتك بقالي تلت ايام ، قررتي و لا لأ ؟
_ اه يا سيف ، انا مش موافقة ده اللي عندي
_ يا جميلة متعانديش و فكري بالعقل علشان نادر ، يعني يبقي في حضننا و لا كل شوية في المحاكم و بهدله و الله اعلم ايه اللي هيحصل ، و هيبقي مع مين ، و لو بقا معايا ، هترجعي تزعلي ، فكري بالعقل
و والله أنا اتغيرت ، مش سيف بتاع زمان ، و علفكرة انا شاريكي ، علشان خاطر نادر فكري تاني ، انا مستني إجابتك بكرا و هننهي الكلام بكرا ، قولتي ايه ؟
_ ماشي يا سيف ، عن إذنك دلوقتي
قالتها جميلة بحزن و من ثم غادرت
_ والله ما هتندمي يا جميلة ، انا لازم اثبتلك اني بحبك
قالها سيف بابتسامه و هو ينظر في أثرها
~~~~~~~~~~~~~~

 

 

_ والله ليك واحشة يا اسد بجد
_ انتي اكتر يا نانوسة ، عامله ايه ؟
_ الحمدلله ، انت أخبارك ايه ؟
_ بخير ، الحمدلله ، ايه بقا الحوار اللي قولتيه آخر مرة ؟
_ زي ما قولتلك يا أسد ، سيف عرض علي جميلة الجواز تاني
_ طب و جميلة ردها ايه ؟
_ جميلة رافضة بس هو بيزن عليها و مصمم و خايفه تضعف و توافق
قاطع حديثهم ( رنين هاتف ) …
_ دي جميلة
_ طب ردي عليها
قالها أسد بابتسامه
_ أيوة يا حبيبتي
_ *********

 

 

 

_ انا بره يا روحي ، فيه حاجة و لا ايه ؟
_ *********
_ ليه ايه اللي حصل ؟
_ **********
_ طب بقولك ايه تعاليلي علي كافيه *****
_ **********
_ طيب يا حبيبي باي
_ ايه فيه ايه ؟ جميلة مالها ؟
_ مش عارفه مقالتش ، بس باين فيه حاجة ، انا قولتلها تيجي علي الكافيه ، هتستني تشوفها و لا ايه ؟
_ اه هشوفها
قالها أسد بابتسامه
_ اه يا واقع انت
قالتها جميلة بمرح
_ هههههههه ، عقبال ما اشوفك كده انتي كمان
_ لا يا اخويا ، مبفكرش انا في الحب و المرمطه
__________________________

 

 

 

_ ايه يا لولو علي فين كده ؟
_ هقابل نانسي ، عايز حاجة ؟
_ نانسي ! … طب بقولك ايه تعالي اما اوصلك
_ الله ، ده ليه بقا إن شاء الله
قالتها جميلة بابتسامه مشاكسه
_ عادي يعني يا لولو ، كنت رايح مكان قريب من الكافيه ده
_ و انت عرفت منين انا راحه اي كافيه ؟
قالتها جميلة بذكاء
_ يوه يا جميلة ، لازم تسألي علي كل حاجة ، هتيجي معايا و لا لأ ؟
_ لا

 

 

_ بطلي غلاسه بقا ، يلا يا لولو بقا
_ ماشي يا ادم لما نشوف آخرتها
قالها جميلة بمشاكسه
_______________________
بعد قليل وصلت جميلة و أدم الكافيه ، أخذت جميلة تنظر في جميع انحاء الكافيه حتي لمحت نانسي تجلس مع شخص مجهول ، فكان معطيها ظهره …
_ اهي يلا
_ مين اللي معاها ده ؟
قالها أدم بعبوس بعدما رآها تجلس معه
_ انا اعرف
اقتربت جميلة منهم هي و أدم الذي يكسو ملامحه الغيظ و الغضب ..
_ جميلة ، حبيبتي
نهضت نانسي و احتضنتها و لم تري وجه الجالس و بعدها التفت جميلة …
_ أسد !!!
_ ………….

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية انتقام الجميلة)