رواية انتقام الجميلة الفصل الخامس عشر 15 بقلم سارة الفقي

رواية انتقام الجميلة الفصل الخامس عشر 15 بقلم سارة الفقي

رواية انتقام الجميلة البارت الخامس عشر

رواية انتقام الجميلة الجزء الخامس عشر

رواية انتقام الجميلة الحلقة الخامسة عشر

_ صفقة ايه ؟
_ هنتجوز
_ نعم ! جميلة انتي بتهزري ؟
_ لا والله بتكلم جد ، هنتجوز لفترة معينه
_ و ده ليه بقا ؟ علشان تغيظي سيف ؟!
قالها أسد ببرود و لكن داخله يشتعل
_ اممم ، يعني حاجة زي كده ، عايزاه يدوق من نفس الكاس اللي شربت منه
_ انا مش موافق يا جميلة
قالها أسد بحده
_ خلاص يا أسد براحتك ، انا مش هجبرك يعني … يلا نقوم بقا ، بقالنا كتير هنا
قالتها جميلة بإحراج
_ يلا ، الشيك لو سمحت
~~~~~~~~~~~~~~

 

 

 

_ دي بتقولي نتجوز يا نانسي علشان تغيظه
قالها أسد بانفعال عبر الهاتف
_ عايز رأيي ؟ .. وافق يا أسد ، انا عارفه إن اللي هي بتعمله ده غلط ، بس دي فرصة ليك ، علشان تخليها تحبك
، حتي لو دلوقتي متجوزاك علشانه ، بكرا تحبك و مش هترضي تطلق
_ تفتكري ؟
_ اه يا أسد ، ما انت مش قدامك حل غير ده ، وافق
_ خلاص ماشي ، هشوف بقا
_ ماشي يلا باي
_ باي
_ هتعملي فيا ايه اكتر من كده يا جميلتي ؟
قالها أسد بإرهاق
~~~~~~~~~~~~~~~

 

 

بعد أسبوع …
_ عمي أنا طالب ايد جميلة بنت حضرتك
_ و أنا موافقة يا بابا
_ ايه الكلام اللي بتقولوه ده ؟ طب و نادر يا جميلة ؟ أنتي نسيتيه و لا ايه ؟
_ عمي أنا معنديش اي مانع ان نادر يبقي معانا ، بالعكس ده انا بحب نادر اوي و هو كمان بيحبني و علاقتنا حلوة
_ و انتي مفكرة إن سيف ابن عمك هيسكت ؟ ده ممكن يرفع قضية و ياخده منك و هيبقي عند بعند بقا ، احنا ما صدقنا الأمور هديت
كانت جميلة تستمع لكلامه بحزن و تفكر …
_ بابا عنده حق ، انا كده انانيه مش بفكر غير في نفسي و بس ، طب و نادر ! …. بس أنا لازم آخد حقي
، لازم ادوق سيف من نفس الكاس ، لازم يحس بمعاناتي
_ متقلقش يا بابا ، احنا هنعيش هنا مع نادر
_ نعمممممم !

 

 

قالها أسد بعصبية شديدة
_ انتي مفكراني ايه ؟ يعني ايه يعني اعيش مع مراتي في بيت ابوها ؟ شايفاني عيل ؟
_ اهدي بس يا أسد ، هفهمك
_ اهدي ازاي ؟ انتي مش سامعه اللي بتقوليه ؟
_ طب علشان خاطري اصبر و أنا هفهمك بعدين
_ لا يا جميلة ، انا مش هقبل علي نفسي كده
_ خلاص يا أسد ، اوووف
_ أسد عنده حق ، لو مفكرش كده ميبقاش راجل ،
بصي يا بنتي ، انا مش هتدخل في حاجة ، دي حياتك انتي ، بس فكري و خدي قرار و انا معاكي في اي حاجة
_ ماشي يا بابا ، هقول ردي بكرا

 

 

قالتها جميلة بحرج و هي تنظر لأسد و بعدها استأذن أسد و ذهبت لتودعه …
_ أنا آسفه اوي يا أسد ، دلوقتي اكيد بتقول يعني انتي اللي قايلة كده و انتي اللي هتفكري ، بس اعذرني أرجوك و فكر انت كمان
_ لا عادي و لا يهمك ، يلا سلام
_ سلام
قالتها جميلة و ظلت تنظر في أثره و تفكر
~~~~~~~~~~~~~~

 

 

في منزل أسد …
دخل أسد المنزل و هو مرهق تماما من كثرة التفكير ، اتجه نحو غرفته و سرعان ما خلع قميصه و ارتمي علي السرير و تنهد تمهيدا طويلة أخرجت معها كل إرهاقه …
فتح درج الكومود و أخذ صورة منه ، تبدو مهترئه بعض الشئ و مقصوصه ، أخذ ينظر لها بشوق و دموعه تجمعت بمقلتيه :
_ وحشتيني اوي يا ماما ، ياه لو كنتي عايشة دلوقتي و أنا خلاص بتجوز البنت اللي بحبها
، فاكرة لما كنتي بتقولي انا مش هموت غير لما اشوفك عريس ، و اشوف عيالك
، ليه يا صوفيا ، خلفتي بوعدك ، انتي طلعتي مش قد كلمتك ، منفذيتش كلامك و سبتيني
قالها أسد و هو يحتضن الصورة و أخذ يبكي بألم …
_ طب أخد رأي مين دلوقتي ؟ مين يقولي انا صح و لا غلط ؟ انا مش عارف هل اللي بعمله ده منطق و لا جنون ؟ بس اللي اعرفه إني … بحب لا أنا .. بعشق يا ماما
~~~~~~~~~~~~~~~~~~~

 

 

( تسريع للأحداث ، بعد أسبوع تقريبا / جميلة و أسد اتجوزوا )
_ يعني اااااااايه ؟ ازااااااي تتجوز ؟
قالها سيف بغضب شديد
_ هو ايه اللي ازاي يابني ؟ حقها
_ طب و ابني ؟ ازاااااي اسيبه يعيش مع واحد غريب ؟ ، والله لأرفع قضية و آخده
_ اهدي يا سيف و فكر بالعقل
_ عقل ! هي خلت فيه عقل ؟! والله لتشوف
~~~~~~~~~~~~~~~~

 

 

_ الف مبروك يا عروستي
قالها أسد بابتسامه
_ يا عم انت صدقت ، ده كام شهر و هنطلق
قالتها جميلة بمرح و قد شعرت بالتوتر
_ جميلة ، انا عايز اقولك حاجة
قالها أسد بجدية ظهرت علي ملامحه
_ ايه ؟
_ جميلة انا عايز أكمل حياتي معاكي … جميلة أنا بحبك
_ ………….
~~~~~~~~~~~~~~~~

 

 

 

في الفيلا …
_ أيوة مين يا داده ؟
قالها أدم بتساؤل
_ واحد من المحكمة يا بني ، بيقول محتاج حد يستلم المحضر
_ ماشي يا داده ، روحي انتي
قالها أدم باستغراب و مضي علي المحضر و استلمه
_ فيه ايه يا أدم ؟
_ سيف رفع قضية
قالها أدم و هو مصدوم تماما
_ …………

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية انتقام الجميلة)