رواية انتقام الجميلة الفصل الرابع عشر 14 بقلم سارة الفقي

رواية انتقام الجميلة الفصل الرابع عشر 14 بقلم سارة الفقي

رواية انتقام الجميلة البارت الرابع عشر

رواية انتقام الجميلة الجزء الرابع عشر

رواية انتقام الجميلة الحلقة الرابعة عشر

نعم يا بابا
_ ايه اللي انتي عملتيه ده ؟
_ عملت ايه ؟
_ ازاي تمدي ايدك علي ابن عمك و تهينيه بالشكل ده ؟
_ والله ، هو حكي لحضرتك ؟، طيب يا بابا هو بقي مقالش كل حاجة ، ده اتهمني في اخلاقي و كمان حاول يمد ايده عليا
_ ايه ! هو مقاليش كده ، قال انك كنتي داخله الفيلا و معاكي راجل و بعدين خرج يكلمك ضربتيه بالقلم
_ نعم ! ده كذاب ، والله اللي بقوله هو الصح ، انا مش عارفه هينزل من نظري لفين تاني ؟! كل مدي بيصغر في عيني اكتر
_ طب احكيلي اللي حصل بالتفصيل
قصت له جميلة ما حدث و غضب والدها بشدة …
_ طب بصي بقا يا جميلة ، متتكلميش مع سيف تاني ، و مش هيبقي فيه اي علاقة بينكم غير انك ام ابنه بس ، هياخد نادر يومين في الأسبوع و نفضها سيرة بقا

_ قولتله كده يا بابا آخر مرة و قالي كلام وحش بردو
_ خلاص انا هتكلم مع محمد و نشوف الموضوع ده ، متشغليش بالك انتي
_ ماشي ، عن إذنك يا بابا
صعدت جميلة هي و نانسي …
~~~~~~~~~~~~~~~
في غرفة جميلة …
قررت جميلة الإتصال بأسد بعد ترددها الشديد …
_ ألو
كان هذا صوت أسد
_ ألو … ازيك يا أسد ، أنا جميلة
قالتها جميلة بتردد و ما إن سمع أسد صوتها حتي تغيرت نبرة صوته ..

_ الله يسلمك يا جميلة .. خير فيه حاجة ؟
قالها أسد ببرود و رسمية
_ لا …اه ، بصراحة .. أنا كنت عايزة أعتذر لك عن الموقف بتاع آخر مرة
_ لا عادي و لا يهمك
قالها ببرود
_ بس انت شكلك زعلان
_ لا مش زعلان خلاص
_ طب علشان أتأكد بنفسي ، هعزمك انهارده علي الغداء
_ طب ..هشوف كده لو معايا وقت و اكلمك
_ تمام ، يلا باي
_ باي
و ما إن أغلقت الهاتف ، حتي قفز أسد بسعادة بالغة ..
_ انا اتعزمت علي الغداء ، اتعزمت علي الغدا، اتعزمت علي الغداااااء
أخذ يرددها بسعادة كالمجنون ..
~~~~~~~~~~~~~~~~~

بعد أسبوعين …
توطدت علاقة أسد و جميلة ، و تعلقت جميلة به و ازداد عشق أسد لها
، و كانت الأحوال تسير علي ما يرام مع سيف ، فكان ذأخذ نادر يومان بالإسبوع كما اتفقا مسبقا …
_ اتأخرت عليك
قالتها جميلة بابتسامه
_ لا مفيش تأخير و لا حاجة ، اتفضلي
نهض أسد و اجلسها بلطف
_ مرسي
قالتها بابتسامه
ظلوا يتحدثون بمرح كالعادة ..
________________________

بالخارج …
_ يلا يا سوفي ، المطعم ده حلو اوي
نظر لها سيف بغيظ و هو ينظر من الخارج ، تفاجأ بجميلة تجلس مع أسد …
_ دي القعدة هتحلو
_ تقصد ايه ؟
_ جميلة جوه
_ طب يلا بينا
قالتها نازلي بغيظ و تحدي
______________________

كانت جميلة تضحك هي و أسد ، حتي أقبلوا عليهم …
_ يا محاسن الصدف ، انتم كمان هنا ؟
قالها سيف بابتسامه بارده
نظرت له جميلة ببرود و كذلك أسد ..
_ لسه فاكراني يا جميلة ؟ انا نازلي
قالتها بخبث
_ اه طبعا ، أنا أقدر انساكي ، ما تتفضلوا معانا و بالمرة اعرفك علي أسد يا سيف
قالتها جميلة بابتسامه ماكرة ..
_ بما إنك مُصرَّة ، معنديش مانع ، يلا يا روحي اقعدي
قالها سيف بمكر
_ أسد الكابتن بتاعي ، معلش بقا آخر مرة تعرفكم مكانش لطيف
قالها جميلة بمكر
_ ازيك يا .. سيف
قالها أسد بخبث
_ الله يسلمك

قالها سيف بغيظ ، و جاء النادل و بيده القهوة و وضعها علي الطاولة ..
_ اوووف ، سوفي ابعد القهوة ، مش قادرة اسم ريحتها
قالتها نازلي بدلع
_ ماشي يا حياتي ، معلشي يا جماعة أصل نازلي حامل
قالها سيف و هو ينظر لجميلة ليغيظها و لكن جميلة لم تظهر شئ و تحدثت بابتسامه :
_ ألف مبروك ، يارب ييجي بالسلامه
_ الله يسلمك يا حبيبتي عقبالك
قالتها بخبث
ظلوا يتحدثون هكذا بمكر ، حتي استأذنوا أخيرا و غادروا ..
_ أسد ، انا هطلب منك حاجة
قالتها جميلة و ما زالت مغتاظة من تصرفهم
_ اه اتفضلي
_ احنا هنعمل صفقة انا و انت
_ صفقة ايه ؟
_ هنتجوز
_ …………

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية انتقام الجميلة)