رواية انتقام الجميلة الفصل السادس 6 بقلم سارة الفقي

رواية انتقام الجميلة الفصل السادس 6 بقلم سارة الفقي

رواية انتقام الجميلة البارت السادس

رواية انتقام الجميلة الجزء السادس

رواية انتقام الجميلة الحلقة السادسة

_ مامي
أسرعت جميلة نحو الصوت بلهفه و سعادة بالغة ، و هو الأخر أسرع نحوها و من ثم احتضنته بقوة ، فقد اشتاقت له بشده
_ حبيبي ، وحشتني اوي اوي يا روحي
_ و انتي كمان ، اوي
قبلته جميلة من خده بقوة و من ثم احتضنت صديقتها بمرح
_ وحشتيني يا نانوستي
_ انتي اكتر يا لولو
_ طب يلا بينا ، جدو و خالو هيفرحوا اوي يا نادر
_ انا متحمس اوي
_ طب يلا يا روحي
قالتها جميلة بحب و من ثم ركبوا السيارة و انطلقوا
____________________

 

 

 

في الفيلا …
_ جدو
قالها نادر بحماس و انطلق نحو كارم ، و من ثم احتضنه بقوة
_ حبيب جدو ، انا مش مصدق إني شوفتك حقيقي
_ ايه رأيك يا بابا في حضن الحفيد ؟
قالتها جميلة بمرح
_ بالدنيا كلها
قالها كارم بحب و هو ينظر لنادر
_ ازيك يا بنتي ، تعالي
_ الله يسلمك يا أونكل
_ أمال خالو فين يا ماما ؟

 

 

 

_ في الشركة يا حبيبي ، تعالي بقا علشان تطلع ترتاح
_ ماشي ، عن إذنك يا جدو
_ سلام يا حبيبي ، ايه العسل ده يا ناس ، طالع لمامتك
_ حبيبي يا بابا ، يلا يا نانسي تعالي اما لوريكي اوضتك
_ لا يا حبيبتي أنا هروح اي اوتيل
_ لا طبعا ميصحش يا بنتي
قالها كارم بجدية
_ بس ..
_ مفيش بس ، يلا بقا تعالي ، انتي جاية من سفر ، اكيد تعبانه
ابتسمت نانسي بلطف و من ثم صعدت مع جميلة
______________________

 

 

 

« ملحوظة / نادر اول مرة يشوف جدو علي الحقيقة ، كان دائما بيكلموا فيديو كول ، هو و أدم »
أخذ نادر شاور ، و سرحت جميلة شعره بحب و من ثم وضعته في السرير ، لينام إثر تعب السفر …
_ هتعملي ايه يا جميلة ؟ ، افرضي سيف عرف حاجة ؟
_ مش هيعرف يا نانسي ، مش هيعرف
قالتها جميلة بلهفة و غضب
_ مستحيل يعرف ، هياخد نادر مني ، انا مستحيل اسيب نادر … أنا أموت من غيره
قالتها جميلة بدموع
_ طب اهدي بس ، و هنشوف حل
_ احنا هنقول أن نادر اخوكي يا نانسي
_ ماشي بس افرضي نادر قالك مامي قدامه
_ هشوف حل إن شاء الله ، و كمان انا هعمل كل حاجة علشان سيف ميقابلهوش
_ ماشي يا جميلة ، بس عرفي أونكل
_ تمام
~~~~~~~~~~~~~~~

 

 

 

في منتصف الليل …
_ اعاااااااااا ، انت مين ؟!
_ انتي اللي مين ؟ بتعملي ايه هنا ؟ شكلك حرامية يا بت ، انا هطلبلك البوليس ؟
_ مين دي اللي حرامية ، شكلك انت اللي حرامي ، انت مش عارف أنا مين ؟
_ هتكوني مين يعني ؟
_ انا نانسي
_ ما ايه يعني نانسي ، تكونيش نانسي عجرم و انا معرفش ؟!
_ ده انت حرامي غتت ، والله لطلبك البوليس
_ اطلبي كده ، اما نشوف مين فينا الحرامي
خرجت نانسي من المطبخ و هي تستشيط بسبب ذاك البارد من نظرها … وجدت جميلة و هي تهبط الدرج ..
_ جميييييلة !
_ في ايه يا مجنونه ؟ وطي صوتك ، نايمين

 

 

 

_ فيه واحد بارد في المطبخ ، و بيقول اني حرامية ، شكله هو اللي حرامي
_ حرامي ؟!!!
ذهبت جميلة إلي المطبخ بخوف و استغراب ، لتري أدم أمامها يتناول الطعام و هو واقف …
_ أدم ! انت بتعمل ايه ؟
_ هكون بعمل ايه يعني ؟ بطفح يا جميلة ، اه صحيح مين البت دي ؟
قالها أدم و الطعام بفمه
_ ابلع الأول ، كتك القرف
قالتها نانسي بتقزز
_ يا بت بطلي طولة لسان
_ بس بقا انت و هي ، تعالي يا نانسي اما اعرفك عليه
اقتربت نانسي و علي ملامحها غضب طفولي

 

 

 

_ دي نانسي صاحبتي يا ادم ، اللي حكتلك عنها ، لسه جاية من باريس انهارده ، و ده آدم يا نانسي اخويا
_ بقا دي نانسي ؟! انا كنت متوقع حاجة تانيه الصراحة
_ مالها نانسي يا عنيا ؟ مش عجباك و لا ايه ؟
_ عنيا ! ، انتي متأكده انك كنتي عايشة في باريس ؟!
_ اه كنت عايشه في باريس
قالتها نانسي بتهكم
_ خلاص بقا يا جماعة ، اوف ، انا طالعه أنام
، و اه يا ادم نادر جه مع نانسي
قالتها جميلة بابتسامه
_ بجددد ؟!!
_ اه بس نايم دلوقتي ، هو سأل عليك ، بكرا تشوفه بقا

 

 

_ ماشي ، انا هطلع اشوفه دلوقتي من غير ما اعمل صوت ، نفسي اشوفه اوي
_ ماشي
قالتها جميلة بابتسامه
_ وسعي كده
قالها أدم و هو ينظر لنانسي بترقب
_ يا بااااارد
ابتسم أدم و من ثم غادر ..
_______________________

 

 

في صباح اليوم التالي …
_ صباح الجمال علي أجمل نادر في الدنيا
قالتها جميلة بحب
_ صباح الخير يا مامي
قالها نادر و هو يفتح عينيه ببطئ و ببرائة الأطفال ..
_ حبيب مامي
قالتها جميلة بحب و من ثم قبلته بقوة
_ كنت واحشني اوي يا حبيبي
_ و انتي كمان
قالها نادر بابتسامة و من ثم قبلها من خدها
_ طب يلا بقا ، علشان نفطر سوا مع جدو و خالو
_ يلا
قالها نادر بحماس
___________________________
في الأسفل …
أسرع نادر نحو جده و قبله من خده ، و بعدها انتبه لأدم ..
_ خالو !!
_ روح قلبي يا حبيب خالو
قالها أدم بسعادة و حب ، فأسرع نادر نحوه ، فاحتضنه أدم و من ثم رفعه بمرح و أخذ يداعبه بلطف ..
_ مكنتش اعرف انك جنتل اوي كده

 

 

 

_ مامي بتقول إني شبهك
_ هههههه ، لا ده انت واضح انك ذكي اوي ، بتعرف تلعب بالكلام ، برافو عليكي يا جميلة ، ربتيه صح
_ هههههه ، كل ده علشان جاملك بكلمتين
_ و مش اي كلمتين ، دول اجمل كلمتين
و في تلك اللحظة ، اقبلت نانسي نحوهم …
_ صباح الخير
_ صباح النور
_ اقعدي يا بنتي
ابتسمت نانسي و من ثم جلست بجوار ادم …
_ اه يا بابا ، انا امبارح و أنا داخل المطبخ لقيت بنت جوه ، مش عارف كانت بتعمل ايه ؟ ، فكرتها حراميه ، المهم هي .. شبه الأنسه اوي

 

 

 

نظرت له نانسي بإحراج و غيظ
_ ايه مش بتتكلمي ليه القطة كلت لسانك ؟!
قالها أدم بصوت خافت
_ انت .. انت …
_ انت انت ايه ، كملي
_ انت .. بني ادم مستفز
قالتها نانسي بغضب و من ثم نهضت ..
_ بعد إذنك يا أونكل شبعت ، انا هطلع يا جميلة ، هلبس و اروح النادي
قالتها نانسي بإحراج و غضب بدي من لون وجهها
_ طب كملي أكلك يا بنتي
_ معلش يا أونكل شبعت
قالتها نانسي و هي تبتسم نصف ابتسامه و من ثم صعدت
_ عجبك اللي عملته ده ؟
قالتها جميلة بغضب
_ شكلها زعلت اوي
قالها أدم و هو مازال ينظر في أثرها
_ اكيد زعلت انت حرجتها
_ مكنتش اقصد ، انا كنت بهزر
_ يووه يا ادم ، مش هنخلص من هزارك ، انا همشي يا بابا علي الشركه
قالتها جميلة بغيظ و من ثم غادرت
~~~~~~~~~~~~~

 

 

 

 

في الشركة ~ في مكتب كارم ~
_ بقولك يا جميلة هتعملي ايه في موضوع نادر ؟ مش هتقولي لسيف ؟
_ لا يا بابا مش هقوله ، زي ما سكت 6 سنين ، هكمل سكوت ، و سيف مش هيعرف
_ بس ده حقه يا بنتي
_ لا مش حقه يا بابا ، سيف ميستحقش ، سيف ميستحقش اي حاجة ، ميستحقش طفل زي نادر ، ميستحقش يعرف أنه عنده ابن
، سيف بني أدم أناني ، مش بيهمه اي حد غير نفسه بس ، انت نسيت اللي عمله فيا زمان ، مقدَّرش حبي ليه و مشاعري ، كسرني و كسر قلبي
، كل ده علشان كان لسه عيل ، مش عارف يعني ايه مسئولية ، كل اللي بيهمه الشكل و المظاهر بس
، دلوقتي جاي تقولي من حقه ؟!! لا مش من حقه ، مش من حقه اي حاجة ، نادر من حقي أنا … من حقي أنا بس
ألقت جميلة كلماتها بحزن و غضب شديد و دموع
_ خلاص يا جميلة اهدي ارجوكي
ذهب والدها نحوها و من ثم ضمها بحنان و أخذ يواسيها ، و فجأة فُتِحَ الباب و كانت المفاجأة ……

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية انتقام الجميلة)