رواية عشقتها منذ نعومة أظافرها الفصل الثامن والعشرون 28 بقلم مريم نصار

رواية عشقتها منذ نعومة أظافرها الفصل الثامن والعشرون 28 بقلم مريم نصار

رواية عشقتها منذ نعومة أظافرها البارت الثامن والعشرون

رواية عشقتها منذ نعومة أظافرها الجزء الثامن والعشرون

رواية عشقتها منذ نعومة أظافرها الحلقة الثامنة والعشرون

تاني يوم الساعه ٩ صباحا .
.مليكه نايمه و بدات تفوق وفتحت عيونها وبتحرك ايديها اليمين السليمه . لكن في حد ماسك ايديها وبتبص وتفاجئت .. وشهقت … زياد …!؟
زياد : ابتسم قلب زياد .
.ماليكا : فتحت بقها ومش مستوعبه وعيونها بتقفل وتفتح …
زياد : اتنهد باريحيه . لان ماليكا مجرالهاش حاجه ..
. وقام من على الكرسي وقعد جنبها على السرير ..
..ومليكه لسه بقها مفتوح .. وعيونها عليه مفتوحه خالص ..
.زياد : مسك ايديها الاتنين وباس ايديها ..
..ومليكه اول مره قلبها يدق بالطريقه دي .. ومش عارفه تتكلم .
زياد : وحشتيني .
مليكه : قلبها بيدق اكتر وشالت ايديها من ايدو وحطتها على بقها ..والدموع اتجمعت .. وقالت جواها انا بحلم .. بحلم ان زياد جنبي وبيقولي وحشتيني ..
زياد : عيونه لمعت وقلبه دق .. لانه برده اول مره يبوس على ايد ماليكته . وكمان يقول لمليكه وحشتيني .. وتجرأ علشان يثبت لمليكه انها مش بتحلم .. راح باسها من خدها و همس في ودنها وحشتيني باقولك ..
مليكه : جسمها اتشد لان اول مره حد يلمسها كده ويبوسها كده . ودموعها نازله من غير اي كلمه ومش عارفه تتكلم ولا تقول اي كلمه . لانها معندهاش فن التعامل ..
زياد : شال ايد ماليكه من على بقها . ومسك ايديها الاتنين تاني وشاف الشاش على ايديها ووطي عليه وباس الجرح وبص ل مليكه في عيونها .. انا اسف
ماليكا : برده مش عارفه تتكلم .. ومصدومه بجد لان كل حاجه حلوه بتتحقق .. وانها شافت حب اهلها . وحب العيله . واهتمام العيله .
..وان آدم ومريم وعدوها تخف من الادمان ..

 

 

 

.ودلوقت حب الطفوله قدامها .. يعني هو انا بجد مش بحلم .. طيب هو زياد بيقولي وحشتيني .. ودلوقتى اسف ..
.. وفاقت على زياد اللي بيمسح دموعها من على خدها .
. واتكلم .. اسف على كل حاجه يا مليكه .. اسف اني ماقولتش من زمان مشاعري ناحيتك .. و اسف اني سبتك وسافرت .. و اسف اني … وما كملش لان مليكه حطت ايديها على بقه ..
..واخيرا اتكلمت وهتسمع كلام مريم . ماليكا:- لا يا زياد . انا اللي اسفه . ودموعها نزلت انا اسفه بجد يا زياد على كل حاجه .. اسفه على طريقه معاملتي معاك .. اسفه اني كنت باكلمك بطريقه مش كويسه .. اسفه اني ضيعت احلى سنين حياتي في غباء وغشاوه .. اسفه اني وجعت قلبك .. اسفه اني جرحتك بس والله يا زياد انا بنت كويسه .. انا مش رخيصه يا زياد وعيطت بصوت عالي .
..وزياد..فعلا مليكه تانيه . ومقدرش يشوف دموعها واخدها في حضنه .. مليكه في حضن زياد لاول مره بحنيه وحب .. وعيطت بصوت وشهقات .. لدرجه ان آدم سمعها بره لما كان خارج من الاوضه الل جنبها واتخض .. وفتح الباب ولكن شاف ماليكا بتعيط في حضن زياد .. وابتسم ان زياد رجع . وقفل الباب عليهم .. وراح يفرح اميرته اللي كانت طول الليل تفكر في زياد ومليكه . ويا ترى زياده هيرجع ل ماليكا بعد كل ده ولا لأ .
.. زياد : بس يا مليكه بس ارجوكي ما تعيطيش .. انا اللي اسف سامحيني على كل كلمه قلتها صدقيني كان من غيرتي عليكي . انا اتكلمت بغباء لما افتكرت الحيوان لما قرب منك … انا اسف يا حبيبتي .. بجد اسف .
مليكه : خرجت بسرعه من حضنه .. حبيبتك .!! انا يا زياد حبيبتك .!؟ انت مش بتهزر صح ..
زياد : باس جبينها بوسه طويله .. ومليكه حاسه ان ضربات قلبها زادت عن المعدل الطبيعي .. زياد بعدها انتي حبيبتي وبنتي وروحي وعقلي وكلي انتي حب عمري يا مليكه .. انت حبيبة زياد وبس ..
مليكه : جواها ايجابيه وتفاؤل يكفوا العالم كله . وضحكه بصوتها كله بدموع . وحطت ايديها الاتنين على وشها ..ودموعها نازله مع ضحك ومش مصدقه ..
زياد : قلبه وجعه اكتر على مليكه .. لانها فعلا زي الاطفال زي ما مريم قالت . محتاجه اللي يطبطب عليها ..
زياد : قال لها ثواني وجاي ..
مليكه : مسكت ايديه بسرعه .. لا لا ما تسبنيش انت هتمشي ومش هترجع تاني .

 

 

زياد : بوجع . حبيبتي انا رجعت علشانك . وعلى فكره بقى انا موجود هنا من الساعه خمسه الصبح . يعني عمري ما هاسيبك تاني ابدا . انا مصدقت انى انك معايا ..ثواني انا عاملك مفاجاه .. وقام
..لكن مليكه :- ماسكه ايده اوعدني انك مش هتبعد عني .
زياد : قرب من وشها وقلبه بيدق بسرعه .. وعد من زياد انه مش هيبعد عنك ابدا من النهارده و هافضل جمبك عمري كله . وباس راسها .. وابتسم ثواني اوكي.
مليكه :- خايفه من جواها لكن سابت ايده ..
زياد : وقف عند الشباك وبيتكلم في الفون .. وشاور من الشباك ورجع وقعد جمب ماليكه تاني .
.. وبعد شويه الباب خبطت وزياد قام وفتح .. وكان زياد متفق مع محل ورد وجايب ورد كتير جدا ..واتصل بالراجل وطلع وكان معاه ٣ كمان والاوضه كلها ورد . ومكتوب عليها كروت صغيره . واكتر من كارت ..
.. ومليكه شايفه الناس بتدخل بالورد وتطلع وتدخل تاني تجيب ورد احلى وكميه اكبر و حاطه ايديها على بقها ومش مصدقه ..
.. وآدم ومريم فتحو الباب ومراقبين .. ومريم من فرحتها حضنت آدم بفرحه وكأن الورد ده جاي ليها هي .. وكانت فرحانه .. وآدم كان مبسوط قوي.
.. الاوضه اتملت ورد . واخر حاجه بوكيه ورد صغير من اللون الاحمر الصافي .. لكن زياد اخده وشاله في الدولاب وسابه لوقته . وراح عند مليكه …
..مالك و جاسر وملك جايين في اخر الطرقه وآدم شافهم وراح ليهم بسرعه . علشان ميقطعوش سحر اللحظه .. واخدهم علشان يراقبه من بعيد ويشوفه فرحه بنتهم .. وملك لما آدم حكالهم . مش مصدقه وجاسر مدهوش بفرحه . ومالك كان مبسوط ان زياد رجع لمليكه .. الباب كان مفتوح نص فاتحه .
وشافو وزياد.. راح يساعد مليكه وتقوم علشان تقرا الكروت اللي على الورد .. وسندها ومحاوط ايدو على كتفها ومشي جنبها ومشاعر مختلفه وفرحه مختلفه .. وراحت على اول بوكيه ورد وشالت الكارت ومكتوب عليه ( بحبك) . وابتسمت بفرحه واتحىكو . وراحت عند تاني بوكيه و اخدت الكارت و مكتوب فيه (بموت فيكي يا مليكه) وحطت ايدها على بقها بدموع وبتبص على زياد . وضحكتها ماكانتش مفارقاها..

 

 

.. وملك بره مش مصدقه ان دي مليكه بنتها اللي وشها نور وبتضحك من قلبها .د وجاسر ومالك وآدم ومريم واقفين مبسوطين جدا …
.ومحمد ونور كانوا خارجين من اوضتهم .. وشافوهم واستغربو ..
محمد : هما واقفين كدا ليه ؟ وبيتفرجوا على ايه ؟
نور : مش عارفه ياحبيبى . تعال نشوف .
محمد : يلا بينا …. وراح وقفو و مش مصدقين ان دي مليكه وكانت مبسوطه زي الاطفال ومحمد ابتسم ونور ضحكت بفرحه . محمد حاوط نور وواقفين كلهم يتفرجوا بسعاده .
زياد : اخدها على البوكيه اللي بعده . و اخدت الكارت (بتوحشيني كل ثانيه) . وراحت على البوكيه اللي بعده و اخدت الكارت ومكتوب عليه اسم( ماليكه )وبس ..
.. وزياد سابها وقالها كملي فاضل اتنين ..
.. مليكه راحت على البوكيه واخذت الكارت مكتوب عليه (تقبلي) وحطت ايدها على قلبها .. وراحت على البوكيه اللي بعده و اخدت الكارت مكتوب عليه (تتجوزيني) .. مليكه كل الكروت وقعت من ايديها ولفت لزياد . وجمعت ال٣كلمات .
..(ماليكه تقبلى تتجوزيني) ..
.وحطت ايديها على بقها ودموع كتير .. ومن فرحتها مش عارفه تعمل ايه .. اتنطتط زي الاطفال ..
.زياد : مش مصدق هو اللي حاسس انه بيحلم .. وشايف الفرحه اخيرا دخلت قلبه . وان مليكه مبسوطه حقيقي من قلبها .. وقد ايه هي بريئه وطفله .
.. مليكه : وهي بتتنطط حست بدوخه لانها لسه تعبانه .. وحسيت باعراض غريبه وخافت ان اعراض الادمان تظهر عليها .. وحاولت تقاوم ..
زياد : قرب منها ومسك ايديها وباسها موافقه تتجوزيني ..
مليكه : سمعت كلمه تتجوزيني وماحستش بنفسها وغابت عن الوعي … وزياد لحقها بين ايديه واتخض
عليها وقال .. ماااااليكه ..

 

 

.. الكل بره اتخض وهيتحركو على جوه .. ومحمد وقفهم وقالهم استنو يا جماعه .. اللي حصل لماليكه ده عادي جدا .. انتو نيستو انها فقدت دم كتير امبارح .. مع الانيميا اللي عندها .. وكمان كل الاحداث في حياتها مرت بسرعه .. ومفاجأة انهردا شديده عليها .. انا هشوفها ومحدش يقلقك تمام .
.. نور تعالي .. وخبطو . ودخلوا .
زياد : شال ماليكه ونيمها على السرير .. وراح ل محمد … محمد الحق مليكه وقعت مره واحده وكانت كويسه صدقني ..
محمد : ابتسم .. ما تقلقش ماليكه هتكون بخير . نور : راحت شافت نبض مليكه وكان سريع على غير العاده . وعطيتها حقنه وعلقتلها محلول ..
. الكل دخل بلهفه علشان يطمن على مليكه اللي نامت .. وملك راحت جنبها بدموع .. وجاسر ومالك.
وزياد : واقف بقلق حقيقى جنب آدم ومحمد..
نور : ما تقلقوش يا جماعه . هي من الفرحه بس عملت مفعولها ..
محمد : بص في الساعه . وقال جواه لازم تاخد جرعه .. وراح واقف جنب نور .. وكشف على مليكه ومش عايز يتكلم قدام نور . لان نور عملتلها كل حاجه . وهي ما تعرفش ان مليكه ادمنت .
محمد : نور .. روحي اوضتك استريحي شويه.
نور : استغربت حبيبي انا لسه صاحيه . وكمان نمت امبارح كتير . انت قولت نشوف ماليكه ونجيب فطار ..
محمد : احم طيب انزلي المكتب وانا هاجي وراكي.
نور : ليه يا حبيبي في حاجه مهمه .
محمد : بص ل آدم ….
.وادم : فهم نور تعالى عايزك يا روحي طمنيني على البت تماره ..
نور : راحت عند آدم ..
. ومحمد خرج وراح جاب الحقنه وحطها في جيب البالطو .. ورجع محمد بص ل آدم . انه .يطلع نور بره.
مريم : فهمت نور يا حبيبتي .
نور : نعم يا مامي .
مريم : انا حاسه بصداع ما تيجي تقيسيلي الضغط . اختك رينو قاستو امبارح و كان عالي ..
نور : يا خبر وساكته يا مامي . تعالى اتفضلي يا حبيبتي .. وقامو وخرجوا ..
..ومحمدطلع الحقنه بسرعه وعطاها لمليكه .. وجاسر وملك ومالك قاعدين ومفكرين انه علاج عادي .. وزياد فهم وقلبه وجعه على مليكه اوى . وزعل عليها ..

 

 

.. وسرح وافتكر ساعه ما قرا الجواب .. ( ماستحملش كلام مليكه . ومن غير تفكير وقف وقال لنفسه انا هاستنى ايه اكتر من كده . انا بحبها وهي بتحبني . ومريم قالت مليكه اعترفت بغلطها .. وقطع الجواب . وخرج وراح ودخل المستشفى ودور بنفسه علشان ممنوع الزياره .. ودخل وشاف غرفه مليكه.
وفتح الباب ودخل .. وقلبه دق .. والممرضه راحتله افندم يا استاذ .
زياد : انا جوزها . وهو مش عارف قال كده ليه .. بس هو شايف ان مليكه من دلوقتى مسؤوله منه.. ودخل وقال للممرضه انا هافضل جنبها اتفضلي انتي .. الممرضه قالتله انها كل شويه هتيجي تبص عليها وخرجت هي والممرضه الل معاها ..
وزياد قفل الباب .. وراح قعد جنب مليكه وقعد على الكرسي .. ولمس خدها .وشاف تحت عنيها . والجهاز اللي جنبها . وشاف ايديها . وقام وراح جنب ايديها الشمال ومسك مكان الجرح وباسها بدموع .
وباس جبينها . ومسد على شعرها وقعد جنبها و ماسك ايديها السليمه . وسرحان فيها . وانه ندمان انه سابها وندمان انه جرحها لانها مش كده . هو ماكانش يقصد انها كده . وقام من مكانه تاني ورفع راسها . واخدها كلها في حضنه . و بيحاول يثبت لنفسه ان دي مليكه . وانها في حضنه حقيقه مش خيال . وحضنها وهي نايمه مش حاسه بحاجه . ورجعها شويه لورا وبص على وشها وهي بين ايديه وقالها .. اوعدك يا مليكه اني مش هاسيبك يوم واحد .. ولا هتخلى عنك يا حبيبتي . وباس خدها ونيمها تاني . وقعد جمبها لحد الشمس ما طلعت .. وبعدها فاتح النت وبعث لمحل ورد من على النت واتفق معاه على كل حاجه و اختار الالوان والانواع .. وقاله انهم يكونو موجودين عنده الساعه ١٠ الصبح .. وطلب منه بوكيه ورد احمر صغير لانه قرر انه مش هيبعد عن مليكه تاني . واتمنى انها تطلع من المستشفى علي بيته .. )
.. وفاق على آدم : وهو بيربت علي كتفه . انا كنت متأكد انك هتيجي النهارده . بس انت فوقت توقعاتي وابتسم كل ده ورد ده انت صارف بقى ..
زياد : بص ل آدم ولا اراديا حضنه . وهمس شكرا يا آدم . شكرا لانك موجود معايا . وشكرا لمريم انا كنت هضيع لولا مريم وانت فوقتوني .
آدم : ربت على ضهره ما تشكرنيش . انت ابني الكبير . وابتسم .. المهم ناوي على ايه بعد الورد ده ..
زياد : خرج من حضنه بفكر اني اطلب مليكه من جاسر ..
آدم : عين العقل تعرف ان ما فيش واحده في عيلتنا اتخطبت في بيتها ..
زياد : مش فاهم ..

 

 

آدم : انا هاقولك ازاي . اسمع مني ومش هتندم . وانت هتوفر عليا شغل كتير ..
زياد : هنعمل ايه !؟
آدم : انت تتصل على حسام وهدي . وتقولهم يكونو هنا في المستشفى . ويتقدمو ل ماليكه رسمي من باب الاصول يعني ..
زياد : وانا هاستنى هدى وحسام !؟
آدم : ما تبقاش غشيم ياض . بص انا دلوقتى بنفسي هاطلب مليكه من جاسر ليك وناخد منه الموافقه اشطا .
زياد : اشطا وبعدين .
آدم : وبعدين انا وانت هننزل ونشتري الخاتم والدبله . وعلى حسابي .ومن غير نقاش . ودي هديه مني لبنت اختي . اشطا .
زياد : اشطا وبعدين .
آدم : انت غبي ياض . هو انا موعود بالاغبيا مع انك ذكي ..
زياد : معلش يا آدم انا متوتر والجو ده جديد عليا.
آدم : ياختي كميله متوتره يا حلوه . اوعا من وشي عيل غبي ..
آدم : اتحرك وقعد .. وشاور ل زياد يقعد جنبه وزياد جه وسلم ع الموجودين وقعد ..
آدم : شاور لمحمد يقعد جنبه . ومحمد قعد جنب آدم … قدام جاسر وملك ومالك ..
.. ومريم ونور لسه هيدخلو من الباب .. وسمعه آدم وهو بيقول …
آدم :جاسر ياخويا من غير مقدمات . احنا مش غرب.
جاسر : طبعا اتفضل يا آدم خير يا حبيبي ..

 

 

آدم : بص ل زياد ومحمد . وبص ل جاسر وقال .. احنا دلوقتي بتقدملك . وطالب ايد مليكه ل زياد ابني الكبير ..
ملك : مش مصدقه ومالك فرح ومحمد … ومريم حطت ايديها على قلبها من الفرحه . ونور سقفت من الفرحه ..
..وجاسر جواه . اكتر واحد مبسوط لبنته وبيكابر دموعه وساكت ..
آدم : طبعا احنا بنطلبها منك دلوقتى لان زياد مستعجل . وهو هيكلم حسام وهدى . وهيطلبوها منك رسمي . وضحك انت عارف ان بنات العيله مابتتخطبش في بيوتها فال وحش .. محمد ضحك وزياد ابتسم بحب لان عينيه على مليكه اللي نايمه.
ملك : دموعها نازله ..
آدم : ها ياجاسر نقول مبروك .
جاسر : ايوه يا آدم . بس .. بس . ماليكه تعبانه زى ما انت شايف .
محمد : اتدخل بسرعه . تسمحولى اتكلم .
كلهم . طبعا اتفضل .
محمد : جاسر انا مش غريب عنكو . وكمان انت عارف الظروف الل بتمر بيها ماليكه . وإن حالتها النفسيه مش متظبطه . ومحتاجه لايجابيات كتير في حياتها . علشان تعدى المرحله دى . وانا شايف إن زياد جه في وقته . وانت بنفسك كنت شايف فرحة ماليكه قد ايه . فياريت يجماعه كلنا نفكر في مصلحة ماليكه . وان الخبر ده هيخلى ثقتها في نفسها ترجع من تانى . ف انا بقول خير البر عاجل . ولا ايه .
آدم : الله ينور عليك يادكتور . وبص ل جاسر اهو رأي الدكتور وهو متابع الحاله نقول مبروك ..
جاسر : بص ل ملك .. وملك هزت راسها ل جاسر بالموافقه ..
جاسر وملك في صوت واحد :- موافقين موافقين مبروك …
آدم : بص ل زياد اهو ياعم وانت كنت قلقان . ومتقلقش جاسر هيوافق على كتب كتابك الخميس الل جاي
زياد : اتصدم بدهشه وفرح . وقلبه بيدق بسرعه كبيره جدا جدا . وبص ل آدم . . وآدم غمزله .
آدم : تمام كدا ياجاسر .
جاسر : متلخبط . وملك قلبها بيدق بسرعه . بنتى هتتجوز . بنتى . وجاسر وملك بصو لبعض .
آدم : ايه ياجماعه . نخلى الدكتور يقول رأيه علشان توافقو على كتب الكتاب يوم الخميس . وضحك . سمعونا. الصلاه على النبي . ونقول مبروك .

 

 

 

كلهم : عليه الصلاة والسلام ..
جاسر : والله يا آدم ماليكه بردو بنتك . وانت شايف كدا يبقى . على خيرة الله . ونقول مبروك
زياد : عينيه منزلتش على آدم ومتنح . كتب كتاب . ماليكه . مراتى . مالكيه هتبقى مراتى
.. ومالك ابتسم وقال اخيرا يا زياد دى ماليكا هتفرح قوي …
مريم : جت بسرعه جنب ملك . مبروك . مبروك يا ملك ..
نور : مبروك يا عمتو دي ماليكه هتفرح قوي بجد ..
ملك : بفرحه حقيقيه من القلب .. الله يبارك فيكم .
آدم : يعني نقول مبروك ….
جاسر :دمعت اب نزلت غصب عنه . مبروك يا زياد يا بني .
آدم : نقرا الفاتحه بقى دلوقتي . وهنقراها تاني لما حسام وهدي ومليكه وباقي العيله كلهم يكونو موجودين انهردا الساعه ٦ ..
ورافعو واديهم وقراءه الفاتحه .. وزياد اتلخبط في الفاتحه اكتر من مره لانه مش مصدق .. ده هو سافر علشان ينساها ورجع بعد ٣ سنين واكتر وخطبها بعد رجوعه بشهر واسبوع . لا وكمان اسبوع وهتبقى مراته … واخيرا قرى الفاتحه .. . زياد سلم على الكل.
وادم قام . واستاذنه علشان يروحوا يشتروا الخاتم والدبله ..
محمد : طيب افطرو الاول . الفطار ثوانى ويكون جه .
آدم : لما نرجع . وراح جمب مريم .. قلبى انا هروح مع الواد ده نشتري الخاتم وهنرجع . هتعوزى حاجه منى .
مريم: بحب . عيزاك انت .
آدم : وانا بين ايديكي . وباس على ايديها واتحرك .
يلا . يازيزو
زياد : ماشى جمب آدم ومتلخبط وعايز يسألو انت ليه قلت اننا هنكتب الكتاب .
آدم : شافه متنح ومستغرب . وفهم . وقاله . كدا احسن علشان تدخل وتخرج برحتك .
زياد : ببلاهه ها .
آدم : بيركب الاسانسيرا . الصبر من عندك يارب . انا اتفقت على كتب الكتاب . علشان تيجى وتروح برحتك . وبعدين انت ناسى أن ماليكه اسبوع وهتتحجز . واكيد انت الل هتكون معاها . ومش معقول هسيبك معاها ليل ونهار يعنى وانت خطيبها . ف انا قولت ياض يا آدم ريح دماغك .. وجوزها يبقى اولا بيها .
زياد : واقف متنح . آدم انهردا التلات .
آدم : ايوه . تخيل.
زياد : آدم كتب الكتاب يوم الخميس . الل هو بعد بكره .

 

 

آدم : بمكر … بجد . الف الف مبروك يازياد . فرحتلك والله .
زياد : مره واحده . حضن آدم . انا مش مصدق يعنى ماليكه بعد بكره هتكون مراتي ..
آدم : لا ياحليتها . هتكون كاتب كتابك عليها وبس . فاهم .
زياد : خرج من حضنه . فاهم . طبعا بس بجد بجد مش مصدق .
آدم : ابتسم . وقاله ع فكره انا سامع دقات قلبك .
زياد : ابتسم . واتنهد . وغمض عينيه لانه فعلا قلبه بيدق بسرعه كبيره .
————-بقلمى Mariem Nasar
الكل قاعد مبسوط .. ونور اتصلت على البنات وقالتهم .. ومحمد اتصل على شيرين و مصطفى وقال ل اشرف اخوه .. واشرف قال ل هنا .. والكل عرف واتفقو انهم كلهم يكونوا موجودين في المستشفى الساعه ٦ .
——–
رينو . نايمه على المكتب من امبارح . ومانمتش غير الساعه ٨ الصبح . وصحيت دلوقتى لان تيم صحي . وبيصحيها ..رينو قامت وعيونها وارمه من العياط..
. ومش قادره تحرك راسها من الصداع . واتصلت على سعاد بتعب وقالتلها تعمل قهوه …
ريتال : خبطت على رينو ودخلت رينو رينو رينو .
رينو : ايه يا ريتال في حاجه حصلت ما لك داخله كده ليه على الصبح .
ريتال : انا مبسوطه قوي تعرفي ايه اللي حصل ..
رينو : نايمه على المكتب وحطا راسها بين ايديها .. ايه اللي حصل …
ريتال : قومي كده وفوقي زياد ومليكه ..
رينو : رفعت راسها بقلق مليكه حصلها حاجه .
ريتال : اتخضت من عيون رينو ايه ده يا رينو ده عينيكى مالها
رينو : مالها مش فاهمه . وبعدين وطي صوتك انا عندي صداع مش عند حد .
ريتال : بزعل .. جابت مرايه صغيره بصي كده على وشك .
رينو : بصت . وشافت وشها احمر . وعينيها حمرا ووارمه .. وقالت اصل مانمتش طول الليل كنت زعلانه على مليكه …
ريتال : لا فوقي كده وما تزعليش على مليكه . انتي هتفرحيلها ..
رينو : اوووف . ما تبطلي الغاز بقى واتكلمي .
ريتال : زياد طلب ايد مليكه النهارده في المستشفى واقرو الفاتحه .وكلنا هنروح على الساعه ٦
رينو : بدهشه . انتي بتتكلمي جد ..
ريتال : اه والله . نور لسه مكلماني . وكمان هيكتبو الكتاب بعد بكره ..
رينو : بفرحه . بجد . طيب والله احلا خبر .. وبصت في فونها . الساعه ١١ … ونور اتصلت عليا .. واتنهدت بجد الحمد لله ربنا يسعدهم يا رب ..
ريتال : عقبالك يا رينو يا رب .
رينو : اتخنقت وعيونها اتجمعت فيها الدموع من تاني ومش عايزه تعيط . احم . باقولك ايه يا ريتال .
ريتال : نعم .

 

 

رينو : انا محتاجه اخد شاور خدي تيمو وخلي البنات تحت يفطروه . ويغيرو هدومه . لاني بجد مش قادره .
ريتال : حاضر وهاقولهم يخلو بنت تقعد معاه ومتسبوش غير لما انتي تنزلي اوكي .
رينو : ياريت ما تخليش عينيهم تغيب عنه . وقامت وكانت دايخه . ودخلت الحمام علشان تاخد شاور.
ريتال نزلت تيمو ونبهت على البنت ما تسبش تيمو دقيقه واحده . لان رينو تعبانه . وقالولها ما تقلقش تيمو هيفضل معاهم وتحت عنيهم …
. وريتال طلعت وكان زين خارج من الحمام ..
ريتال : دخلت وقفلت الباب صباح الخير يا حبيبي .
زين : صباح الخير كنتي فين .
ريتال : كنت تحت عند رينو . اصل كنت باقولها خبر حلو قوي .. وانت كنت نايم .
زين : بديق .. خبر حلو خير ممكن اعرفه .
ريتال : الله و مالك زعلان ليه . وقربت وقفت قدامه ممكن جدا تعرفو .. زياد يا سيدي اتقدم لمليكه النهارده . واقرو الفاتحه .
زين : ابتسم . وفرح على الصبح كده .
ريتال : طبعا وكانت مفاجاه للكل . وعارف هيخطبها النهارده في المستشفى الساعه ٦ و كلنا هنكون موجودين هناك …
زين : شال الفوطه من على كتفه و بيقرب من روتي . يعني مش هنروح كمان شويه .
ريتال : بلعت ريقها وتلخبطت لا ن زين كل شويه ينتقم منها .. لا علشان . علشان مليكه نايمه دلوقتي . ونور قالت ان الكل هيكون موجود ٦ يازين .
زين : شدها عليه و حاوطها من وسطها يعني قدامي 7ساعات وانتقم فيهم براحت راحتى .
ريتال : لا يا زين حرام عليك ..
زين : حرام عليا ومش حرام عليكي اللي كنتي بتعمليه فيا طول الشهر اللي فات . ده انتي طلعتي عيني ..
ريتال : غلطه ومش هكررها . انا ما كنتش اعرف .
زين : واديكي عرفتي وقرب منا وباسها من شفايفها برقه . انا مش وحشتك .
ريتال : بتغمض وتفتح ببلاها زينو.
زين : عيون زينو

 

 

ريتال : انت هتعمل ايه يا زيني .
زين : تعالي وانا هاقولك وشال ريتال على السرير علشان يحقق انتقامه منها ..
————
هدى : انت بتقول ايه يا حسام زياد مش معقول .
حسام : هو ايه اللي مش معقول يا هدى . باقولك زياد اللي كلمني بعد الضهر . وقالي اننا نروح بعد العصر . علشان نطلب ايد مليكه من جاسر وملك . والخطوبه انهردا . وإن شاء الله كتب الكتاب بعد بكره ..
هدى : انت بتقول ايه كتب كتاب كمان .. لا طبعا مش هيحصل . ومش هينفع زياد لايمكن يتجوز مليكه ..
حسام : باستغراب .. الله ايه اللي جرالك يا هدى . وبعدين احنا ما صدقنا ان زياد يفرح . وكمان البنت المسكينه دي تفرح ..
هدى : مسكينه !!؟ مين دي اللي مسكينه .. انت نسيت هي عملت ايه في ابني . نسيت انها بهدلته . نسيت انها السبب في غربته وبعده عني ..
حسام : لا ما نستش . وما نستش كمان ان ابنى رجع من غربته رجل اعمال قد الدنيا . ومليكه كانت لسه عيله صغيره مش فاهمه حاجه .. وبعدين يا هدى هو حر في اختياراته ..
هدى : لا مش حر . انا مش موافقه على الجوازه دي.
حسام : اعقلي يا هدى . وبلاش نعمل مشاكل .. زياد مش صغير وكان ممكن يطلبها ويتجوزها من غير ما احنا نتدخل . زياد عندو 35 سنه هنستنى ايه تاني على جوازه .. وبعدين نحمد ربنا انه هيتجوز البنت اللي بيحبها ..
هدى : البنت دي مجنونه يا حسام . دي هانت عليها روحها ..دي ممكن تأذي ابني .
حسام : لا حول ولا قوه الا بالله .. يا ستي الله اعلم بظروف الناس . وكمان انتي ما تعلميش الغيب فيه ايه . ويلا استهدي بالله . انا لابس وجاهز . قومي انتى البسي علشان العصر هياذن . ونروح نفرح .. ونفرح ابننا ..
هدى :بصت لحسام انا مش موافقه يا حسام قولتلك.
حسام : وانا موافق يا هدى . وابني هيتجوز اللي هو هيختارها ..
هدى : اه ماهو علشان مش ابنك انت موافق ترميه في التهلكه …
حسام : قام بصدمه وماردش عليها وسابها ودخل اوضته .
هدى : وقفت . وحطت ايدها على بقها . وقعدت مكانها تانى . تفكر وزعلت من نفسها . وقامت خبطت ودخلت . وشافت حسام غير هدومه ونايم على السرير .. هدى . ندهت عليه . حسام ..
حسام : ………

 

 

هدى : حسام انا ماقصدش والله . حقك عليا.
حسام : قام اتعدل . حقك عليا انا . لاني عايز ارمي ابنك في التهلكه . واخليه يتجوز الانسانه اللي حبها . انا اسف يام زياد ..
هدى : راحت قعدت على طرف السرير قدامه . والله يا حسام ماقصد وانت عارف كده كويس . وانت طول عمرك ما فرقت بين زياد ومريم .. انا بس قولت كده من خوفي علي ابنك .
حسام : ابنك انتي . انا ما عنديش ولاد . انا ليا بنت واحده وبس .. وبعد كده هحاول ماتعداش حدودي . وانا اسف انى نسيت نفسي . يام زياد .
هدى : بدموع حسام .. الله يخليك ما تقولش كده .. احنا مالناش حد غيرك من بعد ربنا . بلاش كلامك ده حسام : كلام يام زياد . كلام ايه مش انتي اللي قولتى . ان زياد مش ابني .. وعلشان كده هأذيه .. لا يستي خدي ابنك في حضنك . ووصليه لبر الامان بعيد عني .. روحي قوليله بلاش انا مش موافقه .. وهو هيقولك حاضر يا ماما .. انا هاسيب مليكه وحب عمري علشان انتي مش موافقه .اتفضلي روحي .. روحي اعملي مشكله . واخسري ابنك اتفضلي ..
هدي : عيطت حسام انا اسفه بالله عليك ما تزعل مني . انا بس زعلانه على ابني لانه ما شافش شويه من مليكه .. ووجعتله قلبه .
حسام : يعني هي اللي مبسوطه وفرحانه . ما هي تعبانه و مرميه في المستشفى اهي . وبعدين منا كنت بشرب مخدرات زمان واتعالجت منها . هل انا اذيتك . ولا رجعت للمخدرات تانى !؟ ما احنا زى الفل اهو .. وبعدين يا هدى ابنك واخد قراره . سيبي الامور تمشي زي ما ربك عايز مش يمكن اللي حصل ده خير وان زياد ابنك اخيرا هيفرح وكل واحد عرف قيمة التاني في السنين اللي فاتت دي …
هدى : انت كل شويه تقولي ابني ابني . ما هو ابنك انت كمان …
حسام : غصب عنك زياد ابني وربنا يعلم غلاوته عندي قد ايه ..
هدى : اترمت في حضنه . حقك عليا يابو زياد . انا اسفه والله غصب عني قولت كده . يتقطع لسانى لو نطقتها تاني ..
حسام : ابتسم . ومسد على شعرها . بعد الشر عنك ياهدى . ولو عايزاني ماازعلش وافقي على مليكه . وبعدين ما تبقيش الاحداث ..
هدى : خرجت من حضنه :- حاضر اللي انت عايزه . وكمان انا عايزه راحت ابني . وربنا يجعلها زوجه صالحه .
حسام : يا رب و كمان نفسي تحبيها .

 

 

 

هدى : انا بحب مليكه يا بو زياد بس انا زعلانه منها . على الل عملته فى ابنى . لكن مش بكرها .
حسام : واعتذرت امبارح للكل . وكانت بتعيط يا عين امها من قلبها . والبنت مفكره ان مافيش حد بيحبها . يعني كل اللي فات ده كان غصب عنها . يام زياد ووحدى الله …
هدى : لا اله الا الله . وسمعه اذان العصر . هدى قامت : يا لهوي العصر أذن . ولسه ما مجهزناش علشان الخطوبه ..
حسام : ابتسم وقام .. في ثواني هلبس و نصلي ونروح يلا بينا …
——————بقلمى Mariem Nasar
فريحه : اكلت مريم ونيتمها وراحت تصحي مراد اللي نايم من الصبح . علشان تقوله على خبر الخطوبه … مراد .. مراد ..
مراد :يا بنت الكلب يا واطيه .
فريحه : بصدمه نهار اسود . انت بتشتمني انا يا مراد . مووراد قووم
مراد : وحياة امك ما انا سايبك ..
فريحه : شقهت . وحياة امي … مووررااااد مراد ..
مراد : فتح عينيه وابتسم صباح العسل ..
فريحه : بغيظ . عسل انا يا مراد انا ..
مراد : ايوه يا فريحه انتي مستغربه ليه !؟ هي اول مره اقولك كده .
فريحه : يا نهار اسود . يعني انت بتقولي كده على طول .
مراد : مستغربها ايه المجنونه دي . انا كل يوم اقولك كده .. ده انا لازم اقولك كده .. ما تجيبي بوسه بقى .
فريحه : بغيظ حدفته بالمخده . بوسه .. بوسه يا برودك يا شيخ .. انا هاقول لبابا آدم .
مراد : هتقوليله . مراد عايز بوسه .
فريحه : انت مستفز ..

 

 

مراد : شدتها عليه . جرى ايه يا بت .. انا شايف لسانك بيطول هقطعهولك . بطلي تسفى كتير وهاتي بوسه ..
فريحه : والله .!! و بنت الكلب الواطيه بقى هاتبوسها ليه .
مراد : مين دي . وايه الهبل اللي انتي بتقوليه ده . فريحه : يسلام . هبل انا بصحيك دلوقتى قولتلي كده . وكمان قلتلك انا يا مراد . قلتلي ايوه . وقلتلك بتقولي انا كده .. قولتلي كل يوم اقولك كده ..
مراد : هههههههههههه .. يا بنتي انا قصدي على صباح العسل ههههههههه .
فريحه : يسلام .
مراد : اه والله هههههههه .
فريحه : امال كنت بتشتم مين وانا بصحيك .
مرات : كنت بحلم بيكي هههههههه.
فريحه : شفت بقى يعني انت كنت بتشتمني انا ..
امراه : شدتها اكتر لحضنه . يا حماره كنت بحلم انك بتولدي معزه . وتقوليلي امسكها يا مراد امسكها يا مراد . وبنجري وراها انا وانتي وكنت بشتمها علشان تقف ههههههههه
فريحه :ههههههههه مهنتي مسيطره عليك .
مراد : اووى . وخصوصا عوض . يا ترى الجاموسه عامله ايه ويا ترى . ظربت تاني ولا لسه . وبيعلق شبشب البيه الصغير على رقبت الجاموسه هههههه كان حته يوم مظروب .
فريحه : هههههههه . عوض دا . عسل والله ..
مراد : لسعها على قفاها . عسل اسود على راسك يا روح امك .
فريحه : اااه . والله ما اقصد اااااه الله يخرب بيتك يا عوض ااه قفايا يا مراد حرام عليك .
مراد : علشان تلمي ام لسانك ده . ولو قولتي بارد تاني . او مستفز صدقيني هعلم عليكي .
فريحه : بدلع . واهون عليك يا مراد .
مراد : اه ياختي تهوني . لما لسانك يطول على جوزك يبقى تهوني .
فريحه : بدلع اكتر والله مش قصدي يا بيبي انا فكرتك بتشتمني .
مراد : وافرضى بشتمك … تقومى تشتميني .. انتي عبيطه ولا ايه يا بت .
فريحه : الله بقى يا مرادي . تشتم حبيبتك وفريحتك . وباسته من خدو برقه .
مراد : يوووه . بس لو مكنتيش تحلفي . هي مريوم فين ..
فريحه : نايمه في اوضتها ..

 

 

 

مراد : بيقرب منها .. هو انا كنت بشتم قوي في الحلم .
فريحه : ايوه وكان صوتك عالي يا موراد .
مراد : بيقرب اكتر . وانتي زعلتي صح .
فريحه : زعلت طبعا ..
مراد : يبقى لازم اوضح سوء التفاهم ده .
فريحه : لا خلاص فهمت انك كنت بتقول كده على المعزه .
مراد : معزه هو في معزه غيرك تعالي اصالحك.
فريحه : هتعمل ايه يا مراد ..
مراد : ها وضح سوء التفاهم قو لنا .. حلال الله اكبر .. واخد فريحه علشان يوضح سوء التفاهم ..
وبعد فتره وفريحه نايمه في حضن مراد .وراسها على صدره.
مراد باسها من جبينها . وبص في الساعه وقال يااه . الساعه ٤ونص .
فريحه : يا خبر نسيت اقولك انا كنت بصحيك ليه .
مراد : ليه يا مسطوله هانم .
فريحه : عندي ليك خبر حلو .
مراد : ايه هتلبسيلي بدله الرقص تاني .
فريحه : هههههه لا مش كده .. اصل نور اتصلت عليا الصبح . وقالتلي ان زياد اتقدم لمليكه النهارده الصبح في المستشفى . والخطوبه الساعه ٦ في المستشفى . وكتب الكتاب بعد بكره .
مراد : انتي بتتكلمي جد ..
فريحه : اه والله ..
مراد : اما حتة مفاجأه .. وقام وكان مبسوط .. وقال لفريحه قومي .. قومي خدى شاور والبسى بسرعه .. لسه فاكره تقولي .. ابويا هينفخني علشان ما وقفتش جنب زياد في يوم زي ده ..
فريحه : مش انت اللي قربت مني
مراد : بغمزه كنت بوضح سوء التفاهم ياختي ورايح على الحمام علشان ياخد شاور .
فريحه : هههههههه وياترى هتوضح سوء التفاهم لما تروح المستشفى ازاي .
مراد : كان رايح على الحمام وسمعها قالت كده قلع فرده الشبشب وحدفها جنبها يخوفها . وهي خافت وغطت وشها بالغطا . وضحك عليها . ودخل ياخد شاور .. وهي قامت تجري دخلت معاه وخلصو ولبسه واخدو مريم واتحركو …
——–

 

 

كل العيله كان عندها خبر . حتى بيتر وجهزو . وبداو . يتحركوا .. وطارق اتصل على فهد وقاله انه في المستشفى .. وانه لازم يبقى موجود خلال نص ساعه .. وقاله على خطوبه زياد …
..وفهد : قفل وقام من مكانه . ومسح وشه بايديه لكن ايديه وجعته قوي . وما كانش قادر .. وحاول يلبس لكن ايده وجعته على غير العاده .. وجهز نفسه بالعافيه واتحرك ..
———–
رينو لبست بالعافيه . وحاسه ان عندها دوار من قلة النوم . ومجهود العياط . ولسه ما فطرتش . وشربت قهوه بس . وقالت ل زين انها مش هتقدر تروح .. قالها علشان خاطر مليكه ما تزعلش .. وفعلا لبست وجهزت وقاعده في الليفنج قصاد تيمو مستنيه زين وريتال يخلصو وينزلو ..
——————-
في المستشفى..
.. طبعا آدم اخد زياد واشتري ل مليكه خاتم جميل جدا ودبله ل زياد …
..وزياد مكتفاش بكده . واشتري هديه خاصه لمليكته الل مش مصدق انه هيخطبها النهارده . وهيتجوزها بعد بكره …
..ورجعوا على المستشفى وكانت مليكه لسه نايمه وقامت على الساعه ٣ وكانت مبسوطه وحاسه بتفائل وايجابيه في حياتها .. وملك ومريم ونور قعدو معاها .. وقالولها . ان زياد طلب ايديها . ومليكه قاعده متنحه .. والكل سامع ضربات قلبها ومبسوطين علشانها .. ولما عرفت إن زياد هيكتب كتابه عليها بعد بكره . كانت هتتشل من الفرحه . ودموع مع ضحك . وملك قامت حضتها . وبعدها مريم ونور . حضنوها . وباركولها ..
.. محمد . الدور الاخير حاليا .فاضى .. وجهز غرفه مؤقتا في الدور الاخير علشان حفله الخطوبه . وعلشان ما يزعجوش المرضى .. واخدو مليكه .. ومالك شالها .ودخلت الاوضه فى اخر دور ..وكل الحضور طلعو . على الدور الاخير ..
جاسر وملك ونور اختاره فستان ل مليكه . ومالك نزل اشتراه وجابو .. وكان يوم جميل ..
يوسف ومريم وصلو … ونور ومريم الصغيره . دخلوا يلبسو مليكه .. ومريم الصغيره . شافت مليكه الطفله الل مش مصدقه انها هتتخطب ل زياد ومليكه كل شويه تحط ايديها على قلبها وبقها مبسوطه قوي .
ولبست وظبطولها شعرها . وحطت ميك اب علشان تداري تحت عنيها وكانت جميله قوي .. وحست بالتعب .. ورجعوها على السرير من تاني تستريح .
وسابوها وخرجو …

 

 

 

.. وكان زياد نفسه يدخل يقعد معاها.. لكن شاف حسام وهدى جايين .. وقعدو مع جاسر .. وحسام سلم على جاسر بحب . ودخل في الموضوع على طول .. وتقدم وطلب ايد مليكه رسمي . ومليكه سامعه من جوه . وسمعت الموافقه وسمعتهم وهما بيقراو الفاتحه . وماليكا قراءه الفاتحه معاهم بدموع .. وماكنتش مصدقه …
..مراد : وفريحه وصلو . وبعد منهم فهد .. والكل وصل واشرف وهنا . والكل ب يبارك لبعض .. وبيتر جه . وكانت الطرقه مليانه من الاحباب .
..محمد : اخد نور . وعملها سونار يطمن عليها وبعدها شاف كل حاجه تمام . ونور كانت وحشاه قوي . ومحمد محتاجلها لانه مضغوط فى المستشفى ومحتاج لحضنها وبس .. وقرب منها وباسها . ونور بادلته البوسه باشتياق . وحضنو بعض كتير .. وباس جبينها .. وقالها ترتاح شويه . ولما تيجي الساعه ٦ تخرج .
نور : قالتله خلاص فاضل نص ساعه .. محمد قالها مش مهم . ارتاحي برده علشان خاطري . وفعلا نور كانت محتاجه تستريح شويه . ونامت على السرير وسابها وخرج ..
زين :وريتال . ورينو وصلو .. محمد اول ماشاف تيم . فتح ايديه . وتيم جرى عليه وقال .محمد . محمد وحضنه كتير ..
محمد : حبيبي اللي واحشني موت . وفضل يبوس في ابنه..
تيم : نور عايز نور …
نور : سمعت صوت تيم . وقامت فتحت الباب . ومحمد ابتسم .. وتيم نزل جري على امه . ونور حضنته بحب و قالت ل محمد سيبه معايه النص ساعه دي .وقفل عليهم الباب .. وراح سلم على زين والموجودين .
..رينو : كانت لابسه فستان جميل عليها . وكانت لابسه النضاره ومش عايزه تشيلها علشان عينيها وارمه جدا . وقاعده وسكته حتى ما سلمتش على آدم ومريم . لانها مش قادره تتكلم من الصداع .
فهد : واقف جمب شباك في الطرقه . قصاد رينو وحاطط ايده المجروحه في جيبه . وحاسس انها تعباه . لكن مش عايز برده يبص على رينو . وبيحاول يتجنبها . وان وجودها مش فارق معاه . واتنهد بغل . وباصص قدامه ..
مريم : راحت قعدت جنب رينو حبيبتي اللي مطنشاني ..
رينو : باست ايد مريم . ابدا والله د ازيك يا مامي.
مريم : باستها من خدها .. الحمد لله يا روحي . انتي عامله ايه ..
رينو : الحمد لله ..
مريم : ايه ما سلمتيش ليه عليا ولا على بابي .
رينو : ابدا انت كنتو مشغولين . انا اسفه .
مريم : حبيبتي ولا يهمك . بس انتي لابسه النضاره ليه .

 

 

رينو : ابدا يا مامي . بصراحه عيني وجعاني . لاني مانمتش كويس امبارح . من زعلي على مليكه . وكانت رينو عيونها من تحت النضاره متعلقه بالفهد اللي واقف قدامها و باصص من الشباك ..
مريم : ليه بس يا حبيبتي . الحمد لله مليكه احسن دلوقتى .. وسبحان الله .. (كل يوم هو في شأن) . يعني امبارح كنا ازاي . والنهارده الفرحه مش سيعانا .
رينو : الحمد لله يا مامي ربنا يتمملها بخير .. انا هاقوم اسلم على بابي علشان ما يزعلش مني .. وقامت سلمت على ابوها واطمن عليها وسلمت على الموجودين . ورجعت قعدت مكانها بتعب ..
. فهد : سامع كل كلمه وإن رينو مانمتش طول الليل . وعيونها وجعاها . واكيد لابسه النضاره علشان عينيها فيها حاجه . يا ترى عينيكى مالها يا رينو . وعينيه جات عليها .. لكن بص قدامه بسرعه .ولعن نفسه . وقال . انت مابتحرمش .. انت مش قولت مش هتفكر فيها تاني .. فوق بقى ظ دي مابتكرهش حد في الدنيا قدك .. فوووق ..
.زياد : وشوش مريم اخته .. ونزلت الاوضه اللي كانت فيها مليكه قبل ما تطلع فوق .. وجابت منه البوكيه اللي في الدولاب . وكان كله ورد احمر . وفيه مكان فاضي في النص . وكارت مكتوب عليه (بحبك قوي) ومريم شافته وابتسمت . وجابته وعاطته ل زياد .. وحط جواه الخاتم والدبله .. وقام وقف … والكل انتبه ان الساعه ٦ .
..وملك قامت ودخلت على مليكه اللي متوتره . وكانت زي القمر لان الميك اب اخفى السواد اللي تحت عنيها .. وراحت عليها وعدلتها وسندتها علشان تقوم وتقف لان زياد هيدخل الاوضه ..
..الكل بدا يدخل.. ومحمد راح جاب نور وتيم . وكانوا بيلعبو مع بعض . وكمان نور اتصلت على نرمين صحبتها تطلع تفرح معاهم .. وطلعت ..
طارق : شاور لفهد . ودخل وكان فهد جواه مش طايق نفسه . ودخل من باب الزوق .. لكن لما شاف زياد ومليكه ابتسم . واتمنى نص السعاده الل كانت على وشهم
. الكل دخل ولسه زياد مليكه واقفه في النص . والبنات كلها جنبها .. ورينو بترسم الضحكه غصب عنها .. ولكن برده فرحانه علشان مليكه وزياد ..
.زياد : لما شاف مليكه وقف وتنح . لانها ما كانش سايبها كده الصبح . وكانت في نظره ملكه جمال الكون كله .. وقرب منها وكان قلبه بيتحرك من مكانه ..ومليكه واقفه وماسكه ايد ملك ومتوتره ..
.. هدى قالت ل محمد هو انا ممكن ازغرط هنا .
محمد : ابتسم . طبعا انا حجزتلكم في اخر دور علشان تاخد راحتكم بس مش قوي ههههه .
وهدى زغرطت وزياد فاق من شروده .. وقرب من مليكه اللي كانت زي الاطفال .. متوتره .
زياد قرب منها قوي . ونزل على ركبه . ومليكه حاطه ايديها على بقها من الموقف وان زياد نزل ليها مخصوص ..
.. زياد قدملها البوكيه الاحمر وكان جواها الخاتم والدبله .. وقال انا سالتك الصبح تتجوزيني . ولسه ما اخدتش منك رد .. ها موافقه تتجوزيني يا مليكه !؟

 

 

. مليكه : دموعها نزلت ؟ ومش مصدقه ..ومش عارفه تتكلم .
نور : شاورتلها هزى راسك . لان مليكه مش عارفه تعمل ايه .
فريحه : قربت من ودنها . هزي راسك وبكده تبقى موافقه .
. ومليكه : سمعت كلامهم . وهزت راسها بدموع.
وهدى زغرطت كتير وكانت فرحانه لفرحه زياد . وانها اول مره تشوف الضحكه مرسومه على وشه كده ..
. زياد : وقف وقال ل رينو امسكي كده البوكيه ده .
جاسر واقف وعيونه متجمعه فيها الدموع ومش مصدق ..
. ومالك كان فرحان قوي لاخته . رغم الجرح اللي جواه لكن حاول ينسى في اليوم ده كل حاجه . وصور كل حاجه .. والكل واقف بفرحه .. وبيتر واقف جنبي آدم وطارق . وبيتر مبسوط من التطورات اللي بتحصل في العيله اللي بيحبها ..
.زياد : ماسك الخاتم وماليكا واقفه ومش عارفه تعمل ايه .. زياد حبيبتى ممكن ايدك اليمين .
ماليكه : رفعت ايديها اليمين برعشه . وزياد لبسها الخاتم مع الزغاريط .وباس ايديها .
ورينو : قدمت الدبله وقالت لمليكه اتفضلي لبسي الدبله دي لزياد في ايده اليمين .
.مليكه : مسكت الدبله وكانت هتقع منها لكن لحقتها ودموع مع ابتسامه . وحاولت تلبس زياده الدبله والكل كان مبسوط والحمد لله تمت الخطوبه ..
زياد مسك ايد ملكه وباسها قدام الكل تانى ..
..ومليكه كانت حاسه انها ملكه . وما فيش حد زيها وشايفه ان الكل متجمع علشانها .. علشان مليكه وبس .. وشافت الابتسامه على وش الكل .. لكن هي لسه تعبانه ومش قادره تقف ..
.زياد حاسس بيها وقالها تحبى تقعدي ..
ماليكا : هزت راسها ايوه ..
. زياد : مسكها من ايديها وقعدها على السرير . وهو قاعد جنبها على الكرسي . والكل راح عليها باركو وهنو .. وكانوا فرحانين ليها جدا ..
زياد : مبروك يامليكت قلبى .
ماليكه : غمضت عينيها . الله يبارك فيك .
زياد : انتي جميله قوي النهارده ..
مليكه : سكتت وابتسمت
.زياد : مش هتقولي حاجه .

 

 

مليكه : زي ايه .
زياد : زي مثلا انت حلو يا زياد اي حاجه .
مليكه : انت زي القمر يا زياد . انت على طول حلو.
زياد : قلبه دق . وانتي ملكة جمال قلب زياد .
مليكه : وشها بقى احمر . واتوترت.
زياد : باس ايديها . وقالها غمضي عينيكى..
.. الكل قاعد في الاوضه بيتكلمو مع بعض وبيشربو حاجه ساقعه .
.. وملك كانت مبسوط وحاسه انها رجعت شباب من تاني .
..وجاسر الضحكه مش بتفارقو . لكن كلهم اتصدمو .. لما شافوا زياد . بيطلع من علبه قطيفه كبيره وفيها طقم كوليه الماظ . وبيقدمو لمليكه هديه ..
.. والبنات كلهم مدهوشين . بفرحه ووااااااو .
..وملك اتصدمت حقيقي ..
. وزياد : بيقدم الكوليه لمليكه اللي تنحت . كوليه الماظ ليا انا ..
زياد : دي اقل حاجه ل مليكت قلب زياد ..واخد الكوليه . وبدا يلبسو ل ماليكه ..
..مراد ..صفر بصوت واطى ايووه بقى يمعلم.
.وزين : صفر . هو ده .الله عليك .
…والكل سقف …
طارق : الله عليك ياض يا زياد بتفهم والله .. حبيبتي رنا فكريني وانا مروح اشتريلك طقم زيه .. الكل ضحك عليه …
رنا : حبيبي انا مش حرمني من حاجه ..
طارق : هبله يا روحي .. والكل ضحك .. ورنا خبطته في كتفه ..
. مليكه : مصدومه . ولا اراديا قدام الكل حضنت زياد وهمست في ودنه بحبك قوي ..
زياد : قلبه دق وغمض عينيه ونفسه يشيلها وياخدها على عشه .. وقلبه دق جامد لان ده اول اعتراف صريح من مليكه ل زياد انها بتحبه بعد ٢٤ سنه عشق ليها ..
الكل كان منسجم معاهم ومبسوطين إن مليكه حالتها بتتحسن ومبسوطه ..
.محمد : واقف وملاحظ فهد واقف مش طبيعي . .
محمد : راح وقف جنب فهد . مالك ضارب بوز ليه انا ما صدقت كنت بتضحك امبارح انا تعبت منكم .. وبيخبطو علي كتفه وايدو اتالمت .

 

 

فهد : اه حاسب يا محمد .
محمد : مالك يابني وشاف فهد حاطط ايده في جيبه من بدري .. ولمح طرف شاش موجود وظاهر من جيب بنطلون فهد ..
محمد : طلع ايدك كده يا فهد .
فهد : مفيش حاجه مهمه .
محمد : انا الل هاقول مهمه ولا لا .. وطلع ايدك بدال ما اتغابى عليك ..
فهد : طلع ايدو براحه ….
..محمد : فك الشاش . واتصدم لان ايد فهد وارمه بسيط .. وفي مكان الجروح ازاز من امبارح .. ايه ده يا فهد ..
فهد : اصل ازاز العربيه اتكسر امبارح مني وو….
محمد : مااستناش فهد.يكمل . واخد فهد على اوضه تانيه . وقال اقعد هنا وما تتحركش انا ماشفتش في غبائك ثواني وجاي ..وساب وخرجو ..
محمد : فكر وراح نده على .رينو ..
رينو : نعم يا ابيه .
محمد : تعالي عايزك واخدها في الطرقه .. ومعاه علبه الاسعافات ..معلش خدي علبه الاسعافات دي في مريض في الاوضه دي ومجروح من امبارح وفي قطع ازاز في ايده حولي تطلعي الازاز وشوفي اللازم . لانه أهمل الجرح وكدا غلط ….
وبصراحه .اخوكي تعبان ومرهق جدا ممكن تقومى بالمهمه دى بدال اخوكى ..
رينو : ابتسمت بتعب .. حاضر يا ابيه . المريض في انهي اوضه .
محمد : ابتسم بخبث .. الاوضه اللي قدامك دي ومشي ..
ولارين اتحركت ورايحه الاوضه ——

 

 

محمد : واقف وملاحظ فهد واقف مش طبيعي . .
محمد : راح وقف جنب فهد . مالك ضارب بوز ليه انا ما صدقت كنت بتضحك امبارح انا تعبت منكم .. وبيخبطو علي كتفه وايدو اتالمت .
فهد : اه حاسب يا محمد .
محمد : مالك يابني وشاف فهد حاطط ايده في جيبه من بدري .. ولمح طرف شاش موجود وظاهر من جيب بنطلون فهد ..
محمد : طلع ايدك كده يا فهد .
فهد : مفيش حاجه مهمه .
محمد : انا الل هاقول مهمه ولا لا .. وطلع ايدك بدال ما اتغابى عليك ..
فهد : طلع ايدو براحه ….
..محمد : فك الشاش . واتصدم لان ايد فهد وارمه بسيط .. وفي مكان الجروح ازاز من امبارح .. ايه ده يا فهد ..
فهد : اصل ازاز العربيه اتكسر امبارح مني وو….
محمد : مااستناش فهد.يكمل . واخد فهد على اوضه تانيه . وقال اقعد هنا وما تتحركش انا ماشفتش في غبائك ثواني وجاي ..وساب وخرجو ..
محمد : فكر وراح نده على .رينو ..
رينو : نعم يا ابيه .
محمد : تعالي عايزك واخدها في الطرقه .. ومعاه علبه الاسعافات ..معلش خدي علبه الاسعافات دي في مريض في الاوضه دي ومجروح من امبارح وفي قطع ازاز في ايده حولي تطلعي الازاز وشوفي اللازم . لانه أهمل الجرح وكدا غلط ….
وبصراحه .اخوكي تعبان ومرهق جدا ممكن تقومى بالمهمه دى بدال اخوكى ..
رينو : ابتسمت بتعب .. حاضر يا ابيه . المريض في انهي اوضه .
محمد : ابتسم بخبث .. الاوضه اللي قدامك دي ومشي ..
ولارين اتحركت ورايحه الاوضه و فتحت ودخلت وسابت الباب مفتوح .. وبصت على المريض وكان قاعد على الكرسي وضهره ليها . ودخلت وراحت تقعد على الكرسي الل قصاده . مساء الخير . ومش مهتمه ولا بصت على المريض … وبتقعد . وبتفتح علبة الاسعافات . ولسه مبصتش على فهد .

 

 

 

فهد اول ماشافها بتقعد قدامه اتفاجئ . وكمان قالت مساء الخير ومردش . لانه مدايق منها وادايق اكتر لانه فهم ان محمد الل عمل كدا .
رينو : طلعت الشاش والقطن والجفت والكحول والبنج . ومش لاقيه غير فردة جوانتى واحده وبس . ودورت تانى مش لاقيه . وهي مش قادره تقوم تنزل تجيب جوانتى .. وحطت كل حاجه قدامها . وبترفع راسها . وبتقول فى نفس الوقت ممكن اشوف ايد حضرتك . واتصدمت . وكان فهد .
فهد : قاعد وبيبصلها نظرة غل وغيظ . ومدايق منها . لانها مبتكرهش حد قده .
رينو : اتصدمت . ومش عارفه تعمل ايه تقوم . ولا لا . وفكرت محمد قال إن المريض ايدو وارمه وفيها ازاز . وبصت على ايد فهد وهي لابسه النضاره . وشافت ايد فهد وهو قابض عليها بغل وبدأت تنزف من تانى .. رينو عقلها بيقولها قومى . وقلبها قال مهما كان دا فهد قلبك ومجروح . وسمعت كلام قلبها . احم . لو سمحت حضرتك ممكن اشوف الجرح . وكانت مرتبكه ومتوتره وجابت الجوانتى ولبسته في ايديها اليمين الل هتشتغل بيها . ومفيش غير فرده واحده بس . وده وترها اكتر لانها كدا هتضطر تمسك ايدو .. رينو مدت ايديها الشمال وحاولت تثبت لفهد انها قويه ومش خايفه من نظرته .. ايد حضرتك .
فهد : متغاظ منها . وكمان متدايق من النضاره الل هي لابساها . وعايز يشوف عيونها . ومد ايدو لانه عايز يخلص ويقوم يخرج .
رينو فاتحه أيدها . وفهد حط ايدو فى أيدها وقلبوبهم بدءت بالنبض . وكل واحد بلع ريقه بصعوبه .
.رينو غمضمت عينيها واخدت شهيق وزفير لان قلبها هيطلع من مكانه ..
وفهد كل النار اللي فى قلبه خمدت من اول لمسه. وان ايدو فى ايد حبيبته .
رينو : حاولت تجمع قوتها وبصت على جرح الفهد ورينو اول مشافت جرحه وانه فى ازاز جوه الجلد . انصدمت وشهقت . وقلعت النضاره وحطتها جمبها .
ا..اييه د..دا يافهد .!!!! ا.اايدك الازاز ..
فهد : شاف ان خوفها ده مصطنع . لانها بتكرهه . ومخلهاش تكمل . ورد بغضب مايخصكيش . هتعرفي تعقمي الجرح ولا نشوف حد تانى . انتى جايه تعالجى الجرح مش تسالى . اتفضلي شوفى شغلك .
رينو : زعلت من رده عليها . ورفعت عينيها فى عنيه . وبصتله بعتاب . اسفه . لحضرتك . انا هعقم الجرح .
فهد : شاف عيون رينو . وقلبه وجعه بجد . عينيها حمرا ووارمه . ووشها مرهق . وحس انه نفسه يقوم ياخدها كلها في حضنه . وحس انه مبقاش فاهم حاجه .

 

 

رينو : حست ان قلبها اتكسر من رده عليها . وحاولت متعيطش . والدموع بتتجمع في عينيها وبتقام . وداخت . لكن حاولت . وجابت الكحول . وطهرت الجرح . وخلاص هتعيط وعايزه تقوم تجرى من قدامه .. لكن حاولت تقوى نفسها .. وبتقول جواها انا لارين العدوى . بنت آدم العدوى .. ابويا يبقى آدم العدوي مقدم شرطه عظيم . ورجل أعمال ناجح . واحسن اب فى العالم . وامى مريم الجزار . احسن أم واخت وصديقه فى العالم . واخويا الرائد مراد العدوي . وفضلت تقوى نفسها . بعيلتها الجميله واخواتها . وهى بتعقم الجرح ودموعها اختفت . ورشت بنج موضعي ومرفعتش عيونها لفهد تانى . وكانت بتشتغل بكل تركيز .
فهد : عيونه عليها . واستغبى نفسه فى رده عليها . وقال لنفسه طيب ماهي كمان بتقول كلام بيدبحنى مش بيوجعنى بس . بوصيلى يارينو . بصي فى عيونى . وشافها مركزه فى شغلها .
رينو . بدءت تشيل قطع الازاز . لكن بردو قلبها وجعها عليه لان فى دم مكان الازاز . وخلصت ومسحت الدم ورشت مضاد حيوي على الجرح وعقمته وكل ده هي ماسكه ايدو . وجابت الشاش والقطن واللزق . ولفت الجرح بعنايه . وسابت ايدو . وبعد مخلصت حست عينيها مزغلله .
وفهد ملاحظ انها تعبانه . وعايز يسألها مالك لكن متأكد انها هترد رد يحرق دمه .. سكت .
رينو . قلعت الجوانتى .. وفتحت شنطتها . وجابت ورقه وقلم وكتبت اسم حقنه مضاد حيوي . ل فهد ولازم ياخدها . وعطته الورقه . اتفضل . دى حقنه هحقنه هتجيبها من الصيدليه الل تحت . وتروح للدكتور محمد عزيز . وهو هيديها لحضرتك . ولازم تاخدها دلوقتي . وسابت الورقه . على الترابيزه قدامه وقامت ومش شايفه قدامها . لكن تماسكت . واخدت شنتطها وسابت فهد وخرجت . واول ماقفلت الباب دموعها نزلت . وراحت عند آدم وقالتله انها تعبانه وعيزا تروح لانها منامتش من امبارح .. وشاور ل زين الل اول مشاف وش اخته مرهق . اخدها . واخد ريتال واستاذنو وروحو …
فهد : قام من مكانه بديق . واخد الورقه وكان هيرميها . لكن حطها فى جيبه وخرج . وواقف يبص من الشباك . وشاف رينو بتركب عربية زين . واتغاظ جدا . واتغاظ اكتر من محمد لانه السبب وراح ل محمد على مكتبه .
محمد : في المكتب . والله انا مش عارف اقول لحضرتك ايه يادكتور محمود . لكن انا هتكلم معاها وأشوف رائيها .
د . محمود : طبعا لازم تاخد رائيها . وإن شاء الله توافق .
فهد : فتح الباب ودخل . وكان مخنوق . لكن شاف واحد قاعد مع محمد .
محمد : شاف فهد . اهلا يافهد تعالى اتفضل . اعرفك الدكتور محمود . دكتور التخدير .
د محمود : بص ل فهد ومبتسم

 

 

فهد : اكتفى بهز راسه .
محمد : دكتور محمود فهد ابن اختى . وظابط في المخابرات .
محمود : والله بسم الله ما شاء الله . كويس انا بدءت اتفائل وإن شاء الله قريب انضم للعيله الجميله دى .
فهد : رفع عينيه . وبص ل محمد وعايز يفهم ينضم لمين .
محمد : احم . وقال جواه ربنا يستر . الدكتور محمود . كان بيكلمنى في موضوع شخصى .
فهد : هز راسه ومستنى محمود يخرج .
محمود : شخصى ايه بقى يادكتور محمد الاستاذ فهد مش غريب ويمكن يتوسطلنا عند الدكتورة لارين .
محمد : جواه .. نهارك هيبقى طين يامحمود .
فهد : رفع عينيه بغضب . وقام اتوسطلك عند مين !!؟
محمود : شاف هجوم فهد : وبلع ريقه ولكن كمل كلامه لانه عايز يدخل البيت من بابه . احم . قصدى يعنى انى عايز إن شاء الله اعرف رأي الدكتورة لارين . فيا . لانى عايز اتجوزها .
محمد : غبى . غبى يامحمود والله يرحمك .
فهد : من غير مقدمات مسك محمود من هدومه وعلقه وقرب من وشه . انت قولت ايه يالا .
محمود : برعب حقيقي من هيئة الفهد الغضبان . انا . انا . مش عارف انا دايقت حضرتك فى حاجة . انا قولت حاجه غلط .
فهد : الدكتوره لارين . ملك فهد السيوفي وبس . ولو فكرت تنطق اسمها تانى وحياة امى لادفنك صاحي . ولو فكرت بس مجرد تفكير. انك تفكر فيها فى خيالك . هتشوف اسود ايام حياتك . هخليك تتمنى الموت . فاهم يالا .

 

 

محمد : راح على فهد سيب الدكتور يافهد عيب كدا .
فهد : مكلبش في محمود ومش سامع محمد .
محمود : والله انا معرف أن الدكتوره لار… قصدى ان حضرتها تخص حضرتك .
محمد : شد فهد بصعوبه . وكتف فهد . وبص ل محمود . روح انت دلوقتي يامحمود ولينا كلام تانى .
محمود : لاااا انا ماشى . ماشى ومش عايز اتجوز . مش عايز اتجوز .. وجري على بره واختفى ..
محمد : اترزع بقى . هتتحكم في تصرفاتك امتى . غباءك ملهوش حدود . وبعدها افتكر شكل محمود وهو متعلق . ههههههههههه الله يخربيتك يافهد . . وشد الورقه من جيبه . وشاف اسم الحقنه . عليا النعمه البت رينو دى اشطر منى فى الطب. . تعالى تعالى اديلك الحقنه .
فهد : بصله بغيظ . انت ازاى تسمح لحد انه يتجرأ ويتكلم عليها .
محمد : وانت متدايق ليه . انت مفكر رينو لسه البنت الصغيره . لا فوق رينو كبرت وكل يوم والتانى بيجلها عريس . بس هي غبيه بترفض .
فهد : قرب من محمد لارين ملكى انا وبس .
محمد : قرب منه اكتر … طول ما انت عصبي كدا وغبى رينو مش هتبقى ملكك ——–

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية عشقتها منذ نعومة أظافرها)