رواية أسيرة الفارس 2 الفصل الثالث 3 بقلم سلمى السيد
رواية أسيرة الفارس 2 الفصل الثالث 3 بقلم سلمى السيد
رواية أسيرة الفارس 2 البارت الثالث
رواية أسيرة الفارس 2 الجزء الثالث
رواية أسيرة الفارس 2 الحلقة الثالثة
سيف ضحك و قال : نجم أخويا دا هيفضل طول عمره لسانه فالت منه و دايمآ بيقلب الجد هزار .
نجم بثقة : أي خدمة لاقيتوا حد يخرجكوا من مود الكآبة الي أحنا فيه .
منة بترجي : عشان خاطري يا سها بقا ، مفيهاش حاجة لما نديلهم فرصة ، أنا و الله العظيم مش قادرة أستوعب أصلاً الي أحنا فيه دا بس أنا شايفة إنهم صادقين في الي قالوه لإننا أهو شايفين الواقع بعيونا .
زينب : ها ؟؟؟ .
سها بنفاذ صبر : عاوزين أنتو تجربوا التجربة دي جربوها بعيد عني ، أنا هقعد هنا بس عشان خاطر نبقي جنب بعض مش أكتر .
منة بحماس : ماشي .
بعد تلت ساعات من قعدتهم مع بعض كل واحدة فيهم راحت علي جناحها و بدأت تستكشفه .
منة كانت قاعدة في جناحها بخوف و الباب خبط ، أتنفضت من مكانها و قالت بخوف : مي…..مين ؟؟ .
سيف : أنا سيف .
منه راحت تفتح الباب بتوتر و فتحته و قالت : عاوز اي ؟؟؟؟ .
سيف بص علي لبسها و قال بعقد حاجبيه : ليه مغيرتيش هدومك دي ؟؟ .
منة : و أغيرها ليه ؟؟؟ .
سيف : عشان تلبسي الهدوم الي تليق بيكي ك أميرة ، مفيش أميرة بتكون لابسة بنطلون جينز و بلوزة .
منة بعقد حاجبيها : أميرة اي ؟؟؟ .
سيف بإبتسامة : أنا عملت زي ما بابا عمل ، لما حب ماما خلاها أميرة من قبل حتي ما تبقي مراته ، ف متستغربيش لما حد يقولك يا سمو الأميرة ، اللقب دا من الصعب إننا نطلقه علي حد مش من السلالة .
منة بتوتر : ماشي .
سيف بإبتسامة : طيب غيري هدومك و أنا مستنيكي هنا ، عشان عاوز أتكلم معاكي شوية ممكن ؟؟؟ .
منة هزت راسها بالإيجاب في صمت و قفلت الباب .
قفلت الباب و روحت وقفت قدام الدولاب ، كان فيه فساتين شكلها يجنن ، أختارت واحد منهم و أنا مبسوطة أوي ، كان لونه كشمير غامق و شكله تحفة جدآ ، بعد ما لبسته وقفت قدام المرايا عشان أسرح شعري ، فكيت شعري لاكن أول ما أتفرد رقعت بالصوت جامد بإسم سيف .
منة بخوف و صويت : سييييييف .
سيف فتح الباب بسرعة و دخل و قال بخضة : في اي ؟؟ .
منة بخوف : شع…..شعري طول كده ازاي ؟؟؟؟ ، بسم الله الرحمن الرحيم ، سيف أنت مش جن و مش بتضحك عليا صح ؟؟؟؟؟ .
سيف ضحك و قال : أهدي بس دا طبيعي ، أنتي خدتي بعض صفات بنت المملكة الفارسية ، و شعرك طول زيهم ، مفيش واحدة هنا شعرها قصير خالص .
منة أزدرءت ريقها بصعوبة و قالت : ماشي خلاص .
سيف بإبتسامة : ……………. .
منة بتوتر : أنت واقف و مبتسم ليه ؟؟؟؟ ، أخرج يله .
سيف : خارج .
منة : طب يله .
سيف : اهو بخرج .
منة : سرع نفسك شوية أنت لو خارج من المريخ كنت زمانك خرجت .
سيف قال بهمس و هو بيقفل الباب وراه : أوڤر ، قال مريخ قا……بابا !!! .
تميم : مش كل شوية تبقي داخل خارج كده ، عيب .
سيف : و الله أول مرة دخلت فيها إنهارده دلوقتي اهو و كان الباب مفتوح ، و قولتلها تغير هدومها ، و دخلت دلوقتي لما لاقتها صوتت فجأة .
تميم بإبتسامة و بيفتكر سالي : تلاقيها صوتت لما شافت طول شعرها صح ؟! .
سيف بإبتسامة مبينة سنانه : أيوه صح ، عرفت منيين ؟؟؟؟ .
تميم بإبتسامة : أصل سالي صوتت و خافت بردو في أول مرة شافت فيها شعرها بعد ما جت هنا .
سيف بص علي الباب و مشي إيده في شعره بإبتسامة و قال : بس منة مش ماما خالص يا بابا ، دا علي الي أنت بتحكيه ليا ماما دي كانت ملاك نازل من السما لما جبتها هنا ، منة دي صعبة شوية .
تميم و بيطبطب علي كتف سيف بإبتسامة : الي فيه الخير هيقدمه ربنا .
سيف بإبتسامة : إن شاء الله ، (كمل بعقد حاجبيه) مالك يا بابا أنت تعبان .
تميم و بيداري ألمه : لا لا مفيش حاجة ، شوف أنت كنت هتعمل اي يله .
سيف بشك : ماشي .
تميم مشي من قدام سيف و دخل جناحه و هو بيتألم من معدته جامد لدرجة إن دموعه نزلت من كتر الوجع ، سالي كانت قاعدة في الجناح و أول ما شافته جريت عليه بخضة و دموع و مسكته : اي يا تميم مالك في اي ؟؟؟ .
تميم بألم شديد و دموع نازلة علي خده : العلاج مش جايب نتيجة يا سالي ، كل ما باخد العلاج التعب بيزيد عليا أكتر .
سالي بدموع و خوف : تعالي طيب تعالي نام علي السرير و أنا هقولهم يجيبوا الدكتور دلوقتي .
سالي مسكت تميم لاكن فجأة وقع علي الأرض بألم شديد و بدأ يتقيأ دم و أنفاسه بدأت تتح*بس و جاله ضيق تنفس شديد ، سالي أترعبت من المنظر و عيطت جامد و جريت علي الباب و فتحته و قالت للحراس الي واقفين عنده بعياط : هاتوا الدكتور بسرعة .
و بعديها جريت علي تميم بعياط و خوف و قالت : تميم ، حبيبي قوم .
تميم كان ألمه فظيع في جسمه كله و تقيأ الدم كان مستمر لحد ما وقف لوحده ، و مكنش قادر يتنفس ، و سالي جانبه علي الأرض و كانت بتعيط و مش عارفه تتصرف ازاي .
منة خرجت لسيف و هي شبه الملكات بالظبط و كأنها منهم ، سيف أول ما شافها أبتسم بعقد حاجبيه و قرب منها و قالها : طب أنا أعمل اي دلوقتي !!! ، عاوز أخبيكي و أقفل عليكي و محدش يشوفك غيري .
منة أتوترت جامد و قالت : بقولك اي ، أحترم نفسك يا أما هدخل و مش هتشوف وشي تاني .
سيف بلهفة : لاء لاء خلاص أسف و الله و ……….. ، (قاطعه جري الدكتور هو و الحراس من قدام جناح منه ، وقفه و قاله بخضة ) في اي ؟؟؟؟ .
الدكتور بلفهة و خوف : جلالة الملك تعبان أوي و لازم أروح أشوفه دلوقتي عن إذنك يا سمو الأمير .
سيف بخضة و خوف : بابا !!!! .
الدكتور جري هو و الحراس و سيف جري وراهم و منة جريت معاه ، و دخلوا كلهم جناح تميم ، شالوه من علي الأرض و حطوه علي السرير و الدكتور بدأ يشوفه ماله .
سالي بعياط جامد : أبوك يا سيف هيروح مني خلاص .
سيف كانت دموعه نازلة بصدمة من المنظر الي شايف أبوه فيه ، حضن سالي بصمت و هو مركز مع كل حركة الدكتور بيعملها ، منة كانت واقفة جنبه مرعوبة من المنظر و عيونها مدمعة جامد ، و بعد دقيقة نجم و نمر و رعد و نجمة و بقيت أهل تميم دخلوا ، الكل كانت أعصابهم مشدودة و الكل كان واقف متوتر ، أما الدكتور ف بدأت دموعه تنزل في صمت هو و الدكاترة الي معاه ، خدوا في الكشف ربع ساعة بيحاولوا يعملوا أي حاجة مش عارفين ، حالة تميم كانت في نهايتها ، و السبب هو إن تميم كان تعب من فترة كبيرة بتعب عادي في معدته ، و أعداء المملكة الفارسية الي أسمهم مملكة السحر كانت حاطة جواس*يس في قصر تميم ، جاس*وس منهم عرف إن تميم تعبان بمعدته عادي ، بلغ ملك السحر الملك آسر ب دا ، و آسر أمر الجاس*وس بإنه يبدل علاج تميم ب س*م يموته بالبطئ علي المدي الطويل ، عشان كده تميم كان بيتعب كل مرة أكتر من الي قبلها لما بياخد العلاج لإنه بياخد الس*م مش العلاج ، لحد ما الس*م أنتشر في جسمه كله و دمر الكبد و الكلي ، و الدكاترة عرفوا دا متأخر بعد فوات الأوان .
الدكتور بدموع : للأسف يا سمو الأمير ، جلالة الملك في لحظاته الأخيرة ، و مفيش في إيدينا أي حاجة نعملها .
سيف بصدمة و دموع : أنت بتقول اي ؟؟؟ ، دا كان واقف بيتكلم معايا من شوية ، (كمل بإنفعال شديد ) يعني اي مش عارفين تعملوا اي ؟؟؟؟؟؟ ، أنت مش دكتوووووور ؟؟؟؟؟؟ ، أتصرف و خليه يقوم أتصرفوا كلكوا .
الدكتور بدموع : دي أعمار يا سمو الأمير ، دي حاجة أحنا ملناش دخل فيها .
سالي راحت جنب تميم و هي بتعيط و مسكت إيده و باستها و قالت : تميم ، أنت لما تسبني أنا هاجي وراك علطول .
تميم كان وشه باهت و عيونه مدمعة و قال بكل هدوء و ألم و حاول يبتسم : بحمد ربنا كل يوم إنه رزقني بزوجة صالحة زيك ، أنتي الي أدتيني السعادة و عرفتيني يعني اي حياة ، أنتي المعني العظيم لكل حاجة حلوة في الدنيا دي يا سالي ، خليكي قوية و تماسكي ، أومال مين الي هيقف جنب سيف في إستلام حكمه بعدي ، خلي سيف و نجم و شمس يقربوا مني يا سالي .
سالي دموعها كانت نازلة علي خدها و مش قادرة تستوعب إن دي أخر لحظات تميم ، قامت من جانبه و سيف و نجم و شمس قربوا منه و دموعهم علي خدهم ، نجم قعد جانبه و شمس قعدت الناحية التانية و سيف قعد قدامه و مسك إيده باس*ها و دموعه نازلة و كان ساكت .
تميم أبتسم بتعب و قال : سيف ، نجم ، أهلكوا و الشعب و القصر في أمانتكوا أنتو الأتنين ، سيف ، خليك ملك عادل ، حبب شعبك فيك ، أوعي تكون ظا*لم في يوم من الأيام ، أوعي تس*فك دم أو تظ*لم حد و لو علي موتك ، خليك شجاع دايمآ ، و أوعي تخاف من عدوك ، حتي لو عدوك أقوي منك ، ف أنت بردو الأقوي بدينك و إيمانك ب ربنا .
سيف بعياط و رعشة في صوته : مش دلوقتي يا بابا ، أنا مكنتش عامل حساب يوم زي دا ، متخيلتش في يوم إنك متبقاش معايا .
تميم بإبتسامة تعب : بس أنا واثق في تربيتي ليكوا ، عاوز أشوف الثبات و الإرادة و العزيمة و الصبر الي ربتكوا عليه يا سيف أنت و نجم و شمس ، نجم ، سيف ، شمس و والدتكوا أمانة في رقبتكوا ، (وجه كلامه لنمر الي كان واقف بيعيط و جانبه رعد و قال : و أنت يا نمر ، ابني الرابع ، أوعي تيجي في يوم و تسيب سيف و نجم ، (بص لرعد الي كان واقف جنب نمر و عيونه مش موقفة عياط و قال) خليك زي أبوك ، أعظم و أخلص صديق في الدنيا ، بل أخ مش صديق ، لما أسد و صقر ماتوا كنت حاسس إني لوحدي ، بس وجودك يا رعد أثبتلي عكس كده .
رعد دموعه كانت نازلة بغزارة و ساكت .
الكل كانت عيونهم منزلة دموع في صمت .
تميم بصلهم كلهم و بعد كده نظرته بقت متوجهه للسما الي كانت باينه من بلكونة الجناح ، بلكونة الجناح كانت في وش سرير تميم علطول ، تميم أبتسم و نظرته للسما و قال : أشهد أن لا إله إلا الله ، و أشهد أن محمداً عبده ورسوله (لفظ أنفاسه الأخيرة و غمض عيونه) .
سيف بعدم تصديق و عياط جامد و مسك إيد تميم جامد : بابا لاء ، بابا عشان خاطري قوم ، بابا أحنا متفقناش علي كده ، فتح عيونك يله متسبنيش ، بابا أرجوك فتح عيونك و قوم عشان خاطري يله ، بابااااا .
سيف حط وشه في صدر تميم و أنهار من العياط ، اللحظة دي كانت أصعب لحظة مرت عليهم كلهم في حياتهم ، لحظة موت الملك تميم الفارس ، خبر موت تميم نزل علي المملكة كلها زي الصاعقة الي دمر*ت الأخضر و اليابس ، الشعب شاف حزن مشافهوش في حياته قبل كده ، الكل كان مصدوم و مش مصدق و لا قادر يستوعب موت الملك تميم ، القصر كان في حالة حزن متتوصفش ، أعظم ملوك الأرض الملك تميم الفارس موته كان دما*ر نفسي للكل ، و خاصةً سالي ، راح منها حبيب عمرها و جوزها ، تاني يوم علطول كانت الجنازة ، كانت أكبر جنازة شهدتها المملكة كلها ، بعد صلاة الجنازة و الدفنة الكل روح ، سالي دخلت جناح تميم و قعدت علي سريره و كانت ماسكه هدومه و بتعيط و بتفتكر كل لحظة مرت عليها في القصر ، و كانت بتفتكر أول مرة أتكلمت معاه فيها .
فلاش باك من الجزء الأول .
سالي بعياط و خوف : أنت مين و جبتني هنا ليه و عاوز مني اي ؟؟؟ .
تميم بلطافة : أهدي و الله أنا مش هأذ*يكي ، بلاش تعيطتي قدامي أنا مبحبش أشوفك بتعيطتي ، أنا تميم الفارس ، (كمل بإبتسامة) أنا الحمامة .
سالي بخوف و دموع : حمامة اي أنت هتألف بقا و لا اي مش فاهمه ؟؟ .
تميم بإبتسامة : لاء مش بألف و الله ، أنا الحمامة الي ربطي رجليها بخيط في الشباك عشان تروحي تجبلها أكل و الحمامة متطرش و تمشي ، مع إني مكنتش همشي ، بالمناسبة أنا عندي ٢٥ سنة .
باك الجزء التاني .
سالي أنفجرت من العياط و كانت رافضة تماماً واقع موته من قهرتها عليه ، فضلت تعيط طول اليوم في الأوضة و مخرجتش منها ، حست بالوحدة رغم وجود كل الناس حواليها ، لأن تميم مكنش جوزها بس بالنسبة لها ، دا جوزها و حبيبها و أخوها و أبوها و كل حاجة ليها ، تالت يوم الصبح علطول مراسم إستلام سيف عرش و حكم المملكة بدأت ؛ لإن مينفعش يتأخروا عشان الفو*ضي الي ممكن تحصل في المملكة لعدم وجود ملك ، ف كان لازم يستلم بأقصي سرعة ، الحراس فتحوا لسيف باب ساحة القصر ، و كان واقف ٥٠٠ جندي قدامه في صفوف ، دا غير الوزراء ، بصلهم بدموع من حزنه علي أبوه ، دخل الساحة بكل وقار و قعد علي عرش الحكم ، و قال كلامه ليهم ك ملك ، كلامه كان عظيم جدآ زي كلام تميم ، الكل كان مبتسم و مبسوط إن المملكة هيمسكها ملك قوي زي سيف ، بعد ما قال كلامه رعد أتكلم و أعلن إستقالته ك وزير أول للمملكة ، سيف أتصدم لإن وجود رعد ك وزير للمملكة و حاجة من ريحة أبوه كان مطمنه ، سيف بصله نظرة بمعني أنت هتسبني لوحدي ؟! ، لاكن رعد بص لسيف و أبتسمله بإطمئنان بمعني أنا جانبك لاكن دا زمنكوا أنتو ، و زمني أنا و تميم أتدفن معاه ، لاكن طبعاً تاريخهم و أسمهم هيفضل موجود طول العمر ، سيف عين نمر مكان أبوه رعد ، طبعاً نجم مينفعش يتعين ك وزير لإن هو أصلآ أمير المملكة و الحكم معاه ، هو ابن الملك تميم يعني الحكم في إيده زي سيف ، لاكن سيف أعلي منه كونه بقا الملك مش الأمير ، المراسم خلصت و سيف راح لسالي حضنها بكل حزن و دموع .
سالي بإبتسامة و دموع نازلة علي خدها قالت : أوعي تخيب أمل أبوك فيك يا سيف ، أنت بقيت الملك ، يعني أعدائك و مصيرك كبروا عن الأول ، و أوعي تنسي كلامه ليك .
سيف بدموع و إبتسامة : متخافيش يا ماما ، بإذن الله هكون عند حسن ظنه و ظنك .
سالي خدته في حضنها و دموعها نزلت بحزن شديد ، و بعديها طبعاً حاجة سيف أتنقلت علي جناح تميم لأن دا جناح السلطة و الملك ، في نفس اليوم بليل سيف كان واقف في بلكونة الجناح و حاطط إيده الأتنين علي السور و باصص للمملكة ، كان بقاله يومين مشافش منة ، من ساعة موت تميم ، و كان واقف مبتسم و دموعه نازلة علي خده بغزارة لما أفتكر كلام تميم ليه .
فلاش باك .
تميم بإبتسامة : أوعي يا سيف تيجي في يوم و ملكك و سلطتك تخليك إنسان مغرور و وحش ، لإن ساعتها عقاب ربنا ليك هيكون شديد أوي ، و ساعد كل محتاج دايمآ ، هتلاقي ساعتها ربنا بيديك ضعف الي أنت عاوزه في حياتك ، خليك إنسان صالح من جواك ، أوعي تبقي في يوم إنسان غبي ، و أختار شريكة حياتك بعناية ، و خليها تاج راسك ، و أوعي في يوم تيجي عليها ، النساء وصية رسول الله يا سيف ، ربي ولادك علي الدين و الأخلاق أولاً ثم ثانياً أي حاجة تانية كويسة و خير ، دايمآ فكر في ربنا قبل أي تصرف هتعمله ، أحنا بشر ، هيجي عليك في يوم و تغلط مرة و أتنين و مليون ، بس أعرف غلطك و صلحه عشان متوقعش فيه تاني ، صلاتك يا سيف و علاقتك ب ربنا أهم حاجة في حياتك ، أنا إنهارده معاك ممكن بكرة مكونش معاك و مبقاش موجود علي الدنيا أصلآ ، خلي بالك من نفسك يا سيف .
سيف حضن تميم بإبتسامة و قال : أنا بحبك أوي يا بابا ، ربنا يباركلي فيك .
تميم بإبتسامة : و يحفظك أنت و أخواتك ليا أنا و والدتكوا يارب .
باك .
سيف بعد ما أفتكر الموقف كله في دماغه أنهار من العياط و الشهقات ، لاكن وقف عياط فجأة لما سمع صوت منة جانبه و هي بتقول بلطافة : ممكن أقعد معاك ؟! .
سيف أتفاجأ بدخولها الجناح و بصلها بدموع علي خده و في عيونه من أثر العياط و هز راسه بالإيجاب في صمت .
منة أتنهدت بهدوء و قالت بدموع : أنا حاسة بوجعك دا يا سيف ، أنا كمان بابا أتوفي .
سيف بدموع : رغم إني شاب كبير و معتمد علي نفسي و مسئول عن بلد كاملة ، بس موت بابا كسرني ، حسيت إن العكاز الي بتسند عليه لما بغلط و لا بقع في مشكلة خلاص ضاع مني و مش هلاقيه أبدآ ، (كمل بإبتسامة و دموع ) كان ملك شجاع أوي يا منة ، كان دايمآ يقولي أتعلم من الي هقوله ليك و الي هعمله قدامك عشان تبقي زيي أنت و أخوك و أختك و تبقوا أحسن مني أنا و أمكوا كمان ، كان مرة بيحكلنا عن أكبر حرب أنتصر فيها و كانت بينه و بين ملك مصاصين الدماء مالك ، و ازاي سيطر هو و جنوده و الوزراء بتوعه علي الخيانة الي الأمير برق عملها ، و ازاي أنقذ المملكة و شعبه و أهله و السلالة كلها من الهلاك .
منة بإبتسامة و دموع : باباك في الجنة يا سيف أنا واثقة في كده إن شاء الله ، المهم دلوقتي إنك تشد حيلك و تبقي أقوي و أشجع من الأول ، أنت مسئولياتك كبرت ، و أعدائك بقوا أكتر ، لازم تربية باباك ليك علي القوة و الصبر تظهر دلوقتي ، يعني أنا معرفكش أوي يدوبك هو من أسبوع بس تعارفنا علي بعض ، أنت بتحبني من سنة بس أنا مكنتش أعرفك ، بس أنا متأكدة إنك شخص كويس و محبوب و الكل بيحبك ، و إن شاء الله ربنا يجعل أيامك كلها خير ليك و تبقي زي الملك تميم .
سيف بإبتسامة و دموع : إن شاء الله ، بس قوليلي بقا ، أنتي جيتيلي ليه ؟؟؟ .
منة أتنهدت بتوتر و قالت : معرفش ، عشان مكدبش عليك أنا اه لسه محبتكش زي ما أنت بتحبني لاكن قولت لازم أكون معاك في وقت زي دا و مينفعش أسيبك .
سيف كان حاطط إيده الأتنين علي السور و باصصلها و بعد كده أبتسم و بص للمملكة و قال : أنا هبقي زي الملك تميم إن شاء الله ، و عقبال ما تكوني أنتي كمان زي الملكة سالي .
منة أبتسمت و وقفت جانبه و عيونها علي المملكة زيه و سكتت .
زينب راحت لنجم و وقفت جانبه و قالت : أنت كويس ؟؟؟ .
نجم يصلها بعقد حاجبيه و أستغرب إنها جت ليه و قال بدموع : بحاول .
زينب بدموع : ربنا يرحمه يارب ، هو في الجنة إن شاء الله .
نجم بدموع : إن شاء الله .
سكتوا شوية و بعديها زينب قط*عت السكوت دا لما قالت ……….
زينب بتوتر : أحم ، هو أحنا ممكن نتكلم في أي حاجة مثلاً ؟! .
نجم أبتسم بدموع و بتعب و قال : عاوزة تقولي اي ؟؟؟ .
زينب بلطافة و تلقائية و حركات عشوائية بإيديها : اممممم ، مش عارفه ، ممكن مثلآ أحكيلك و أنا صغيرة ازاي فتحت دماغ الواد الي معايا في الحضانة عشان ضر*بني بالقلم علي دماغي ؟؟ .
نجم ضحك بهدوء غصب عنه رغم حزنه و قال : عشان ضر*بك بالقلم علي دماغك فتحتي دماغ الواد ؟! .
زينب بضحك : ما أنا بصراحة كنت شريرة أوي و أنا صغيرة ، لو كنت شوفتني و أنا صغيرة يا نجم مكونتش حبتني كنت رجعت في كلامك .
نجم أبتسم بدموع و تعب و قال : لاء كنت هحبك بردو ، مهما كنتي اي و بقيتي اي ميفرقش معايا طالما بحبك ، و مش عاوز حاجة تانية غيرك .
زينب أبتسمت و غمزتله و قالت : شكلك رومانسي أوي بس الحظ وقعك مع واحدة متعرفش يعني اي رومانسية أصلآ .
نجم رفع حواجبه بذهول من غمزتها و أتكلم و عيونه مليانه دموع من أثر العياط و قال : اي دا اي دا أنتي بتغمزي !!! ، سبحان الله ، الي يشوفك من أسبوع ميشوفكيش دلوقتي .
زينب بلطافة : ما بصراحة أنتو حياتكوا دي متدخلش العقل يعني ، أنت متخيل تبقي عايش في بلد ٢٤ ساعة خنا*ق في كل الشوارع ، و العيال بتكسر*لنا أز*از البلكونة كل شوية من لعب الكورة و أم عبده جارتنا الحشرية الي حاطه مناخيرها في كل حاجة ، و فجأة كده تصحي من النوم تلاقي نفسك في مملكة بلبس مختلف و قوانيين مختلفة ، لاء كمان حد بيحبك بقاله سنة و عاوزك معاه ، و بني آدمين بيتحولوا لأي كائن حي علي الأرض ، و الحيوانات بتتكلم ، عاوز الواحد يتصرف ازاي ساعتها ؟! ، دا كويس إني مجليش سكتة قلبية من الخضة يا جدع ، دا أنا حاسة إني دخلت في رواية و بقيت بطلتها .
نجم بإبتسامة : ما أنتي بطلة رواية فعلآ .
زينب بعقد حاجبيها : دا ازاي دا ؟! .
نجم بإبتسامة : بطلة روايتي يا زينب .
زينب أتنهدت بإبتسامة و كسوف و قالت : نجم هو أنت واخد دروس في الرومانسية ؟؟؟ .
نجم عمل بإيده حركة اللا مبالاه و هو باين علي وشه الإرهاق و التعب و قال : بيقولوا .
زينب ضحكت ضحكة خفيفة جداً و أتنهدت بإبتسامة و وقفت جانبه في صمت .
أما سها ف كانت قاعدة في جناحها و عيونها مدمعة من الي حصل في القصر ، و كانت عاوزة تقوم تقف معاهم لاكن كرهها للقصر و المملكة مخليها مش قادرة تقوم و تقف جانبهم ، نمر جه علي بالها كتير جدآ ، سألت نفسها إنه يا تري حالته هتبقي اي دلوقتي بعد موت خاله الي كان بيحبه زي أيوه بالظبط لاكن بردو مقامتش .
في مملكة السحر .
الملك آسر بإبتسامة إنتصار : و أخيرآ الملك تميم مات .
ياسين بضيق : نفسي أعرف أنت ليه مصمم تكون إنسان مش كويس ، هو أنت مصعبش عليك الي أنت عملته ؟؟؟ .
آسر : و هو الملك تميم مصعبش عليه الي عمله في عمنا مالك ملك مصاصين الدماء ؟؟؟ .
ياسين : عمنا مكنش كويس و كان إنسان الشر مالي قلبه ، و رد فعل الملك تميم معاه كان طبيعي عشان يحافظ علي مملكته و شعبه و أهله ، و دلوقتي أنت ماشي علي سيره أهو ، أوعي تكون فاكر إن بموت الملك تميم ف أنت كده أنتصرت خلاص ، متنساش ولاده ، الملك سيف و الأمير نجم ، و كمان الأمير نمر ابن الوزير رعد ، دول نسخة من الملك تميم و الوزير رعد ، الكل بيتكلم عن قوتهم و إنهم شايفين فيهم شباب الملك تميم و الوزير رعد .
آسر بشر : بس أحنا مش مصاصين دماء يا ياسين ، أحنا مملكة السحر ، أنا ملك المملكة ، و أكبر ساحر فيها ، و أنت أخويا ، يعني المفروض تبقي في صفي ، مش في صفهم ، دول أعداء مملكتك يا سمو الأمير ، و لا أنت هتضعف بسبب حبك لشمس أختهم .
ياسين بشدة و صوت عالي : شمس متعرفنيش أصلاً و متعرفش إني بحبها ، أنا الي أعجبت بيها لما شوفتها بالصدفة مرة ، أعجبت بيها و مكنتش أعرف إنها بنت الملك تميم ، و لما نزلت السوق بتاعهم متنكر خبطت فيها بالصدفة و بردو مكنتش أعرف إنها الأميرة شمس ، أعتذرتلها بسبب الخبطة و هي مشيت حتي مرفعتش عيونها في عيوني ، غصب عني حبتها ، حتي بعد ما عرفت إنها بنت الملك تميم بردو فضلت أحبها ، و لاحظ إني من الأول كنت رافض قت*لك للملك تميم طالما هو مأذ*ناش في حاجة ، حتي قبل ما أشوفها بالصدفة و أعجب بيها ، يعني مش حبها الي مخليني متعاطف مع الي حصل ، كده كده أنا كنت رافض الي أنت بتعمله ، أنت الي بدأت الحرب معاهم مش هما .
آسر : طيبة قلبك دي يا سمو الأمير الساحر مش هتنفعك .
ياسين بإستحقار : أنت الي إنسان مريض بالحقد و الغل و الشر ، عمر الطيبة ما كانت ضعف يا آسر ، دي فطرة الإنسان ، أومال أحنا بشر ازاي !!! .
آسر : تمام تمام خلي الطيبة تنفعك .
ياسين : الطيبة يعني الخير هما الي بينتصروا في الآخر يا آسر ، حتي لو الشر قعد مليون سنة ، في نهاية المليون الخير بينتصر .
أما بالنسبة للمملكة الفارسية ف بدأت عهد جديد من بداية إستلام سيف الحكم ، لاكن هل سيف هيبقي زي تميم ؟؟؟؟؟ ، هل مصيره هيبقي زي تميم ك ملك قدر يتغلب علي كل ما هو شر في مملكته ؟؟؟؟؟؟ ، طب هل قصته و تاريخه هتبقي أصعب من تاريخ تميم ؟؟؟؟ ، من ناحية القصة و التاريخ ف هي هتبقي أصعب ، سيف و نجم و نمر هيواجهوا مصير مد*مر ، و خاصةً سيف ، بس هل سيف و نجم و نمر هيقدروا يتغلبوا علي المصير المد*مر دا ؟؟؟؟ ، و لا المصير هو الي هيتغلب عليهم ؟؟؟؟؟ .
أما بالنسبة لآسر ف لا يتقارن ب عمه مالك الي مات في الجزء الأول من الرواية ، لإن آسر أقوي منه .
” أيها الملك تميم ، حقآ لقد تركت أسرآ قبل رحيلك في قلبي و قلب كل من قرأ عنك ، حتي و إن لم تكن موجوداً في الواقع ف العقل لقد عاش معك و القلب لقد أحب ما فعلت ” . ♥️👑
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية أسيرة الفارس 2)