روايات

رواية البنت غير الشرعية الفصل التاسع والستون 69 بقلم ياسمين

رواية البنت غير الشرعية الفصل التاسع والستون 69 بقلم ياسمين

رواية البنت غير الشرعية البارت التاسع والستون

رواية البنت غير الشرعية الجزء التاسع والستون

رواية البنت غير الشرعية الحلقة التاسعة والستون

صبحت مريضة مقدرتش نوض قلت منروحش للخدمة وخلاص جات مرت خالي طبطب عليا حليت قاتلي واش اليوم مخرجتيش قتلها منيش خدامة قاتلي مالا شوفي وين تقعدي متشديليش الصالون كون يجوني ضياف نضت لبست وخرجت جيت في وحد الكرسي نتاع حديقة عمومية وقعدت غير غايسة ونخمم واش لي وصلني هنا يا ربي إذا رايحة نكمل عمري بهذا الهم غير ادي أمانتك علابالي منيش موجدتها زينة بصح علابالي نتا أرحم بيا من عبادك حتى للمغرب فوت على غارغوتي كليت كسكروت كاران ورحت للدار رقدت للصباح نضت رحت للخدمة راني نروح بكري تقريبا من 9 صباح حتى للمغرب وانا تم خدمت خدمتي شافني عمي الحاج حالتي حليلة قالي غير اقعدي تقعد بنتي قتلو لالا نحرر دراهمي كملت خدمتي ورجعت للدار زدت جبت سمانة على نفس الحالة اليوم كي رحت للخدمة قالي عمي الحاج عندي ليك مفاجأة قتلو لي هيا قالي دبرتلك دار قتلو قول والله قالي وراني نتمسخر بلا منفيق عنقتو وبستو على خدودو قوتلو عمي وين وشحال الكرا قالي شوفي قبل

 

نتفاهمو هو قاراج وخادمو مولاه استوديو يكريه بزاف فالصيف للناس والحاجة المليحة فيه انو في حومتي راح تكوني على عيني نتي متخافي وانا منتقلق عليك قتلو ربي يحفظك قالي بلامزية بنتي ان شاء الله يعجبك قتلو يعجبني المهم نتهنى ملي فيه قتلو هيا نروحو ولا يضحك قالي خلي غدوة ونروحو من جهة تشوفيه ومن جهة تنقيها قالي بسمة والخلاص راني هدرت معاه باه تخلصيه بالشهر باه مجيكش غالية قتلو شا نقولك ربي يرزقك حجة ان شاء الله قالي آمين من الفرحة لي موش سايعتني مخليتش خدمة مخدمتهاش سيقت غسلت الماعن نقيت الخضرة دايرة البسط مع الجماعة لحق الليل رحت للدار خليتهم حتى تعشاو قلت لخالي نحتاجك جا للصالون قتلو حابة دراهمي قالي نتاعش الصوارد قتلو حقي نتاع الدار يا وتدخل العودة نتاعو كانت تصنت علينا خلاص وليتي متحشميش واش من صوارد ياك موك ماتت مالا متورثش قتلها اسمعي الاولى راني قارية الثانية خدمت عند محامية وعندي ثقافة كبيرة فالقانون ماما ماتت بعد والديها مالا تورث كون قبلهم ثما لي

 

متورثش من تالي عندي حق في صوارد الدار قاتلي يا الهجالة الخامجة وشحال ونتي عندنا نوكلو فيك قتلها حبسي يسلم يديا حق ماكلتي ومباتي كنت نعطيهملك وبالزيادة غير مكالاه قاتلي وانا تاني نقولك من تالي الصوارد مكاش قتلها منيش بنت حليمة ومنديهمش بالصوردي وشعلت بيناتنا تاني حتى فكنا خالي لي قاعد كي الطرطور بيناتنا ،الصباح خملت قشي ورفدت كابتي ورحت لخالي الحانوت صواردي بقى يسيتت ويا بنت ختي والله مانسعى هاني مديت لخالاتك ولي بقاولي خلصت بيهم ديونات فيا كيما سقمت داري قتلو صحا بيع الحانوت وعطيني
حقي من الحانوت وحق الدار قالي الحانوت قتلو واه ياك نسالو معاك في الحانوت جدة شراتولك تبكم مالقا ميهدر قالي بسمة عندي غير شوية دراهم نروح نجبدهم من البونكة ونعطييهملك قتلو هيا ضوك راني محتاجتهم رحنا جبد 25 مليون عطاهالي قتلو الباقي ممبعد نجي نديه قالي خلاص ان شاء الله صبري عليا نهارات برك رفدت دراهمي وقلعت..

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية البنت غير الشرعية)

اترك رد