رواية البنت غير الشرعية الفصل الحادي والستون 61 بقلم ياسمين

رواية البنت غير الشرعية الفصل الحادي والستون 61 بقلم ياسمين

رواية البنت غير الشرعية البارت الحادي والستون

رواية البنت غير الشرعية الجزء الحادي والستون

رواية البنت غير الشرعية الحلقة الحادية والستون

جات رجاء كانت تقرا قاتلي بسمة وأخيرا قتلها واش ندير نصبر وخلاص قاتلي صح ومكاش غير هو راجل قتلها لازم رانا في ماي مبقاش للاختبارات ونكمل مذكرتي ونطير منها ان شاء الله في حياتي منرجعش لذي البقعة طيبت قهوة شربت معاها جات صفية قعدنا مع بعض في ثلاثة لحق وقت العشا تعشينا هوما رقدو وانا تحيرو مواجعي كيما عييت نرقد والو حتى بان الصباح في وجهي نضت غسلت ولبست حوايجي طيبت قهوة ناضو تقهوينا وخرجنا لقرايتنا حتى لل12 رحنا الريسطو تغدينا وجيت رقدت حتى للعشية باش نضت جبنا 15 يوم لاهية مع قرايتي كملت المذكرة فالحق عاوني فيها البروف نقدر نقول هو كملهالي دفعتها عايشة عادي مع لبنات صفية مسكينة دير التبهليل باه تنحي عليا بصح غير يرقدو كلشي مني يوجعني نتفكر ميمتي نتفكر حياتي نتفكر كيفاه آذاني وحطمني نجيب ليلي كلو بكا حتى للصباح طاح مني النص وجهي كحل أنا سمرا بصح وجهي لونو تلف عينيا منفخين طول وحمورة حاستهم نقصو منيش نقدر نشوف للبعد قاع ديما فالليل نجيب تيليفون رجاء نسمع فيه موسيقى مرات نلعب الجو نحاول نلهى باه منبقاش غير نبكي بصح نلقى روحي نسمع فاليسا ذاك وين نتحطم كثر وكثر،

اليوم فالليل ديت التيليفون كنت نسمع فالغنا حتى دخلها ميساج من عند حبيبي ياه الرخيسة مهيش قاع محلبتنا تقولنا خاطيني قلت أيا دبر راسها حتى بدى يصوني نوضتها قتلا شوفي راه يعيطلك الطفلة وجها تلون نحاتلي التيليفون بالزعاف وترجف قتلها يا طفلة واش بيك راح ناكلولك واقيلا عاود صونا في يدها نظن كانت راح تكوبي رفدت غلطة مع قاللها الو وانا قلبي رجف نحيتولها ودرت اوت باغلوغ قاللها متزيديش تبعثيلي على القح#بة خلاص متهمنيش ودراهم رسلتهملك يهدر سكران طافي الهدرة ثقيلة عليه قتلها رجاء هو صح قاتلي بسمة استناي نفهمك وليت نعيط عليها واش تفهمينني واش ناضت صفية مخلوعة واش بيكم واش كاين قتلها راها تهدر مع راجلي وكاتباتو حبيبي قاتلي يا لاطيف بدات تبكي والله ظلمتوني استناو نفهمكم حليت لي ميساج الفرخة عاستني بالدقيقة وراسلتهالو كل حاجة درتها تخيلو حتى كي نروح للتوالات عاستني ملي عرفتها يعني صاحبتني على جال صلاحها التالية راسلتلو بسمة جات عندنا وحالتها حالة نهار لي جيت عندهم هبلت وليت نضرب في روحي وفيها ونعيط انا علاه طاحو عليا كامل هذو المصايب انا وين نلقاها يا ربي

مغاضتنيش منو عارفاتو رخيس ويديرها غاضتني منها لاعبة روحها صحبتي وهي حتى هدرتي عليه معاودتهالو نعيط وجبت المقص نقطع في شعري الله غالب مكنتش واعية تهسترت قطعتو كامل خصرتو وطحت تغاشيت تاني فطنت لقيت روحي فالسبيطار خلاص عقلو عليا السبيطارات كملت السيروم ورجعوني لاسيتي دخلت مع صفية للشومبرة مزية ملقيتش رجاء ثم كون كاش ما درت فيها كانو دارولي بيكورة رقدت حتى للصباح فطنت غسلت شفت روحي فالمراية نبهدل شعري تقول معزة جهة طويلة جهة قصيرة من القدام تقريبا قاع مكاش لبست سروال وبيل جبدت خمار من عند صفية درتو جبدت الكابة درت فيها البيسي الكارني والدراهم كواغطي وتبديلة حوايج ناضت صفية قاتلي بسمة وين قتلها لدارنا قاتلي كيفاه والاختبارات السمانة الجاية قتلها خلاص يا ختي هنا وحبس منيش قادرة عيات معايا يا بسمة متضيعيش عامك قتلها خلاص هنا وبس وشوفي هذي الفاليزة اديها ولا ارميها منحتاجهاش قاتلي ياطفلة حوايجك غير المركة كيفاه ترميها قتلها خلاص هيا ختي باي معرفة خير قاتلي بسمة تعيشي استناي كتبتلي نيميرو نتاعها في ورقة وقاتلي كي ديري تليفون عيطيلي طمنيني عليك قتلها اوكي هيا باي وشديت الطريق لدارنا واش طوالت عليا بقيت غير نتفكر كيما موالف نجي معاه سيرتو المرة التالية كي

جيت طليت على خالتي واش كان حنين معايا على 12 حبس الطاكسي ونزلو الناس يفطرو مهبطتش مقدرتش عينيا قريب يهبطو الدم جاو ركبو وكملنا ذاك الشوفور غير يشوف معايا كنت راكبة البلاصة الاولى معاه كي وصلنا قالي ختي كاش ما تحتاجي قتلو لالا صحيت ورحت شديت البيس لدارنا خاطر نسكنو في لي زونفيغن موش لافيل سونتر غير وصلت لحومتي طاح نصي ونخمم ضوكا باش نقابل الناس سيرتو خالتي بختة علابالي متحيرة عليا عندي شحال مهدرتش معاها.

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية البنت غير الشرعية)